Innholdsfortegnelse for 25 october 2019 i Vrouekeur

Doen dinge vir mense – nie oor wie hulle is of wat hulle vir jou kan doen nie, maar omdat jy die mens is wat jy is– Harold S Kushner Ek het lankal ophou tel hoeveel keer ek al iets op hierdie blad te sê gehad het. Vanoggend het ek die som gemaak: 466 kere het ek probeer om iets sinvols kwyt te raak. Van daardie 466 briewe het baie oor die liefde gehandel. En vandag is dit weer so. Oor dié tema blyk dit kan mense nie uitgepraat raak nie. In die artikel op bl 28 “Ouderdom is net ’n syfer” skryf Carla van der Spuy oor die liefde tussen mense waar ’n groot ouderdomsgaping ter sprake is. ’n Ouderdomsgaping is ’n relatiewe begrip. Wat vir my ’n klein…

Leah is op ons skerms as aktrise in flieks soos Susters en as geliefde aanbieder van Boer soek ’n vrou. Oor die radio hoor ons haar met treffers soos Met jou klere aan en Nooit alleen (haar duet met Jo Black) en op die verhoog tydens optredes wys sy sy kan sommer nog lekker dans ook! Haar nuwe album, Kyk na my, is nou op die rakke en digitaal beskikbaar en word as “liedjies van hoop, pret en die wete dat jy goed genoeg is” bestempel. HOE BALANSEER JY DIE DRIE TALENTE? Ek het nog altyd gehoop dat ek al drie – aanbieding, drama en sang – sal kan bemeester, maar ek dink wel dit het redelik organies gebeur. Dis nog altyd vir my belangrik om op meer as een…

Militarisme kan nie militarisme vernietig nie. Eweneens kan oorlog nie oorlog beëindig nie,” was Emily Hobhouse, ’n pasifis, se mening oor oorlog. Die materiële verwoesting en lyding van die liggaam is een ding, maar die ergste van ’n oorlog is die morele moeras wat daaruit voortkom en alles besmet, het sy geglo. Die vroue wat in 1899 nie stemreg of ’n sê in gebeure voor of ná die uitbreek van die Anglo-Boereoorlog gehad het nie, moes maar inval by die besluite wat namens hulle geneem is. Die morele moeras het hulle s’n geword. Nadat oorlog op 11 Oktober 1899 in die Zuid-Afrikaansche Republiek (die Transvaal) en Oranje-Vrystaat teen Brittanje uitgebreek het, het tradisionele oorlogwaardes gou verkrummel. Die eerste huise is al so vroeg as Maart 1900 op bevel van lord…

INNISTRAAT Die dorp Winterton in KwaZulu-Natal bied op 2 November die Innistraatfees aan. Die hoofstraat word afgesluit en besoekers kan na musiek, boetiekbier, wynproeë, kosstalletjies, kuns en kultuur uitsien. Meer inligting by 082 548 9910 en 084 567 8802 PROTEA-PARTYJIE Die Protea-partytjie word vanjaar op 26 Oktober by die Anthonij Rupert-landgoed buite Franschhoek gehou. Die oesfeesgeleentheid is ’n hoogtepunt op die Wynlande se sosiale kalender. Die kollig val vanjaar op die jongste bekendstellings van die gewilde Protea-wynreeks. Kaartjies kos R795 per persoon en sluit kos, wyn en vermaak in. Bespreking is noodsaaklik. Kontak Sumarie Elliot by 021 874 9019 of sumarie@rupertwines.com KERSMARKTE TE KIES EN TE KEUR Die Caledon NG Moedergemeente se jaarlikse Kersmark word van 28 Oktober tot 2 November in hul kerksaal gehou. Dit beloof om ’n fees…

Groenvy-en-brie-tertjies 24 tertjies 1 vel skilferkorsdeeg45 ml (3 e) botter, gesmelt1 wiel briekaas6 groenvyeheuninggeroosterde sade Voorverhit oond tot 200 °C en spuit bakplate met kleefwerende sproei. Sny skilferkors in 7 cm x 7 cm-blokkies. Sny 0,5 cm-rand met skerp mes langs een hoek asook teenoorgestelde hoek. Smeer gesnyde hoeke liggies met water, vou hoek oor en plak aan vierkant vas. Doen dieselfde met teenoorgestelde hoek. Smeer gevoude deegblokke met gesmelte botter. Pak stukkie brie en kwart groenvy op elke blok. Bak vir sewe minute by 200 °C en dan vir nog sewe minute by 170 °C tot goudbruin en gaar. Haal uit oond. Bedruip met heuning en strooi geroosterde sade oor. Sit warm voor. WENK Kyk op www.vrouekeur.co.za na die video wat wys hoe om die hoeke te vou…

“Ek laat waai met geloof, hoop en liefde!” sê die pianis, komponis, TV-aanbieder, skrywer, fynproewer en kunstenaar Rocco de Villiers (54). “Musiek en mense, my lewensmaat van 23 jaar, ons drie honde en my nuwe Toyotabakkie vuur my aan om elke dag met hernieude energie aan te pak!” Hy sê elke dag sou soveel beter gewees het as dit van vooroordeel, geweld teen kinders, vroue en diere, boelies, arrogansie én plastiek gestroop was. Party mense reken hy is onse eie Liberace, Richard Clayderman en Elton John. Rocco erken min mense het geglo dat dit moontlik is om ’n volhoubare sololoopbaan as klavierspeler in Suid-Afrika te hê. “Ek het eintlik geen verwysingsraamwerk gehad nie, ek is nooit ‘ontdek’ nie en niemand het my vir optredes bespreek nie. Ek moes alles self…

Moontlik het jy die video al op YouTube gesien: Twee tjelliste in uitrustings so reg uit die 18de eeu neem op die verhoog plaas. Voor hulle sit die gehoor, opgesmuk en gereed vir ’n uitvoering van wat net Barokmusiek kan wees. Die eerste paar mate van die musiek herinner aan ’n Vivaldi-duet vir tjello en alles gaan voor die wind. Die gehoor is ingenome. En dan versnel die tempo en eindelik kom Thunderstruck, die treffer van die Australiese rockgroep AC/DC op hul 1990-album The Razors Edge op twee tjello’s tereg. Ná die vyf minute van virtuose tjellospel is die gehoor vaal van skok. Die jongste trefslae vir 2Cellos se weergawe van Thunderstruck op YouTube staan op 152 696 235. Dit was onder meer dié uitbundige aanbieding van die AC/DC-treffer in…

Met ’n paar ruim plantpotte, volop sonlig en genoeg water is daar regtig geen rede waarom jy nie jou eie tuisgekweekte en douvars groente kan eet nie. VOORDELE ▸ Jy kan organiese groente baie goedkoper op jou bord hê.▸Jy sal minder vermors omdat jy net pluk wat jy nodig het.▸ Daar is geen winkelverpakkingsmateriaal om van ontslae te raak nie. KOM VINNIG AAN DIE KWEEK As jy nog ’n leek is met groente kweek, maar baie graag wil probeer, vermy dit om dadelik alles te probeer kweek waaraan jy kan dink. Maak ’n lysie van groentes wat jy gereeld eet, soos blaarslaai en tamaties, en hou daarby. Jy kan later aan die meer uitdagende groentesoorte begin dink. Jy het nie duur houers nodig nie. Gewone plastiekplantpotte of kleipotte van sowat…

■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) kredietkaartBESONDERHEDE en vir debietorderOPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/ www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan RamsayMe dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 TEKEN IN OF HERNU jou inskrywing teen R812,50 PER JAAR! ■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou VAN…

Daar was twee magiese oomblikke in Coenie de Villiers se kinderjare wat dit duidelik uitgespel het dat hy eendag ’n musikant gaan word. Die klanke van die klawers het hom as driejarige tjokkertjie reeds bekoor. “My ma was ’n musiekonderwyseres en daar was altyd musiek in ons huis. Sy het vertel ek kon skaars by die klavier bykom, maar het eendag op my tone gestaan en toe een of twee note gedruk. Ek was in ekstase,” vertel hy. Die tweede onvergeetlike oomblik het ’n paar jaar later opgeduik toe sy ouers hom na ’n klassiekemusiek-konsert geneem het. “Ek onthou nog ek het ’n kortbroek en kort sokkies na die konsert gedra. Terwyl ons in die konsertsaal gesit het, het ek skielik gevoel my vel is te klein vir my lyf…

Op 18 Julie 2016 het Letshego Zulu se lewe onherroeplik verander toe haar man, die renjaer Gugulethu Zulu, op ’n draagbaar deur vier portiere teen die berg afgedra en in die hospitaal dood is. Sy kuier in Kaapstad met die bekendstelling van haar boek I Choose to Live. Ek ontmoet haar by die bekendstelling in Claremont en luister die volgende dag ook na die radio-onderhoud met Pippa Hudson, in ’n ateljee-opname in Groenpunt. Hul storie as egpaar, heel gepas gedoop “die avontuurpaartjie” klink soos ’n feëverhaal. Letshego vertel sy was ’n 16-jarige in Port Elizabeth toe haar vriendin die motorrenjaer Gugu ontmoet en vir haar kom sê het: “Het ek nou dié man vir jou gevind!” Letshego sê sy het dié aanmerking afgelag, maar sy en Gugu het sewe maande…

SONROOM • Sonroom is baie belangrik om jou vel teen die skadelike gevolge van die son te beskerm.• Dit voorkom voortydige veroudering soos fyn lyntjies en plooie.• Dit verlaag jou kanse om velkanker te kry.• Dit hou jou vel egalig – sonskade is een van die vele oorsake van onegalige vel.• Dit voorkom sonbrand.• Dit verbeter die gesondheid van jou vel. KOOP DIT HIER Clicks www.clicks.co.za Dermafix www.dermafix.co.za Dis-Chem www.dischem.co.za Hannon www.hannon.co.za pHformula www.phformula.africa/SalonFinder.aspx Woolworths www.woolworths.co.za DíS WAT DIT DOEN PRIMER maak jou vel gladder en vul oneweredighede en plooitjies sodat jy jou onderlaag egalig en eweredig kan aanwend. Dit is sag op jou vel en verbeter ook jou gelaatskleur. VERBLOEMER bedek die plekkies wat ekstra aandag nodig het. Dis uitstekend om vlekkies, puisies, donker kringe en plooitjies te verdoesel. ONDERLAAG gee ’n egalige en…

“Deesdae is die stimuli so geweldig baie dat mense sukkel om te konsentreer,” sê die heelbrein- en kreatiwiteitskenner dr Kobus Neethling. “Een van die dinge wat daarop inwerk dat jy goed konsentreer, is dat jy moet glo dat dit waarop jy konsentreer, waarde het. Jy moet ’n emosionele verbintenis hê met wat jy doen sodat jy die waarde daarvan kan insien. Dít gaan sukses beteken.” Om ’n emosionele verbintenis met iets te vorm, is nadenke oor die taak, projek of situasie eers nodig. Só maak die brein sin van wat gedoen moet word. Dr Kobus verwys hierna as die “denkmodus” van die brein. Die “emosionele modus” moet daarna inskop, maar as jy gedurig op die volgende “pieng” van jou foon fokus, is dit maklik om eers dadelik deur die emosie…

Hoekom vier jy nie die nuwe seisoen met ’n nuwe klerekas nie? Voordat jy met ’n verontwaardigde sug omblaai, hier is hoe jy dit met min geld kan doen en boonop tot die bewaring van die omgewing kan bydra. Twee vroue van die Centurion-omgewing, Carla Pattison en Tanya Aucamp, het met ’n blink plan vorendag gekom om etiese klerekoopgedrag te bevorder en het vroeër vanjaar The Green Garderobe gevestig. Die toekoms lyk vir hulle blink. Groener en blink. Die idee vir The Green Garderobe het spontaan uit Carla en Tanya se bewaringsbewustheid asook hul gewoonte om klere met familie en vriende te deel, ontstaan. Volgens die World Resources Institute word ongeveer 20 kledingstukke per persoon per jaar geproduseer. Hierdie groei word aangehelp deur kitsmodes, waar klere goedkoop en vinnig is…

In Die Kol! Dra jou skootrekenaar in hierdie pragtige luiperdvelsak rond. Dié motief is nou hoogmode, R715. www.louharvey.co.za VARS WASGOED Comfort Perfume Deluxe is die nuutste toevoeging tot die Comfort’s Concentratedreeks. Dit kombineer parfuumgeure met die versagmiddel wat jou klere alte heerlik laat ruik. Daar is Heavenly Nectar, Lily en Divine Petals. Nie net ruik dit lekker nie, maar dit beskerm ook die kleur van jou klere. ALS BYMEKAAR Bêre jou grimering in ’n mooi sakkie wat juis vir hierdie doel gemaak is, R199. www.poetrystores.co.za VOEL GOED Kry weer jou fut terug met Moringa Superfood- kapsules vir energie, fokus en algemene welstand. Dit gee jou immuniteitstelsel ’n hupstoot en help ook om ’n gesonde bloedsuikervlak te behou en gewrigpyne te verminder, R176 vir 120 kapsules. www.moringainitiative.com…

ROLPRENTE DIE VE RHAAL VAN RACHELTJIE DE BEE R 8/10 Met Stian Bam, Antoinette Louw en Zonika de Vries Regisseur Matthys Boshoff DRAMA Die vraag is nie of Racheltjie de Beer werklik bestaan het of nie, maar of die regisseur die kyker kan oortuig dat sy ’n vlees-enbloed-mens was. Die stil en kragtige vertolking deur Zonika de Vries slaag volkome daarin om van haar ’n dapper, onselfsugtige meisie te maak wat haar lewe vir haar boetie opgeoffer het. Boshoff klee haar legende visueel treffend in, veral in die kontras tussen ’n eensame plaashuis teen ’n oorweldigende landskap met ’n dreigende storm. Hierdie visuele kontras laat die rolprent uitstaan. Die storie raak party plekke bietjie dun en kon ingekort gewees het, maar dit is die hulde wat die rolprentmaker aan ’n…

Die jaar staan einde se kant toe en daar het die afgelope tyd sommer baie boeke verskyn. Dit is ’n goeie tyd om solank vakansieleesstof te begin versamel. Vir liefhebbers van spanningsverhale is daar goeie nuus. Rudie van Rensburg se jongste misdaadroman, Vloek, het pas verskyn. Vloek is Van Rensburg se agtste misdaadroman en soos al die voriges is die eenwoordtitel al ’n aanduiding van hoe sy boeke mens met ’n enkele uitklophou tref. In sy eerste Kassie Kasselman-roman, Slagyster (2013), het lesers met Carl Bester kennis gemaak. Bester was ’n speurder wat met ’n groot klomp geld, waarop die polisie tydens die ondersoek van ’n dwelmsaak beslag gelê het, landuit gevlug het. In Vloek kry Carl Bester die kans om terug te kom Suid-Afrika toe sonder om vervolging te…

Twee dae later word ’n liggaam in ’n veld gekry. Weer ’n vrou. Blond en middeljarig. Verwurg. Bloes oopgeknoop en een skoen vermis. Hierdie keer was die skoen, letterlik, aan die ander voet. “Die moordenaar neem gewoonlik die linkerskoen,” sê Hector. Lucy knik. “Dis sy ‘handtekening’, ’n bewys dat die moord sý werk is. En ’n trofee wat hom kan help om later oor die moord te fantaseer.” “Hoekom het hy hierdie keer die regterskoen geneem?” “Die grootste raaisel bly hoekom hy mans én vroue vermoor.” Sy sug. “Kom ons gaan drink iets.” “In werkstyd?” “Wimpy se pienk melkskommel.” Hector bestel Coke, sy groen melkskommel – daar was ’n relletjie met die kelnerin omdat hulle nie pienk het nie. Waar het jy nou al gehoor van ’n Wimpy sonder pienk…

TOETS: ACER CHROMEBOOK 715 Met ’n vinnige internetkonneksie en ’n reeks aanlyn sagteware het mens nie altyd ’n kragtige skootrekenaar nodig nie. Google het juis hul Chromebooks ontwerp met die gedagte dat jy al jou basiese werk sommer deur jou Chrome-webblaaier kan doen. Ek het onlangs die Acer Chromebook 715-skootrekenaar onder hande gehad en het my tyd met hierdie een baie geniet, veral die 15.35”-skerm met skerp resolusie. Dis ook die eerste Chromebook wat ’n numeriese sleutelbord het, as jy dus baie met nommers werk, is hierdie die een vir jou. Laastens, die battery gaan jou ’n vol werksdag besig hou, mits jy nie oortyd werk nie. Die idee agter Chromebooks is dat jy van Google se sagteware direk op die internet gebruik maak – Docs, Sheets en Slides, hul…

HET JY GEWEET? As mens matte skrop, skrop jy soms die vlekke net nog dieper in die vesels in. Wend liewer ’n vlekverwyderaar op die vuil plekke aan en klad dit met ’n nat handdoek. Dit sal help om die vlek uit te trek sonder om die mat op te foeter. OKTOBERWENBOEK ’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. Die boek word deur Lux Verbi uitgegee en is by toonaangewende boekwinkels en by www.nb.co.za beskikbaar TERSIA SWART VAN BLOEMFONTEIN IS ONS WENNER VANDEESWEEK: ▸ Hier is ’n…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 12 woorde, baie goed 15 woorde of meer, uitstekend OPLOSSING:Afkoopsom, afkoms, afkoop, afskop, fokmas, afkom, afkop, komaf, kopaf, mofos, asof, faks, skaf, skof, sofa Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke…

’n Versameling van Jan se beste vegetariese resepte en nog baie nuwe kinkels, alles op die vuur, is nou beskikbaar. Met Jan se lipleklekker braaibroodjies, potjies, kerrie, brode, burgers tot poedings sal selfs die vleiseters vir nog ’n skeppie terugkom. www.nb.co.za 3 lesers kan die boek wen. SMS VEGETARIES gevolg deur jou naam, van en adres voor 30 Oktober 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Dis een van daai dae wat nie kan besluit of hy winter of somer wil wees nie. ’n Koue windjie waai van die see se kant af en ’n mistige kombers vou sy arms om Tafelberg, maar Charlene Le Roux is allermins bewolk. Jy besef sommer gou sy’s iemand wat ligvoets deur die lewe gaan en wat die son in haar hart dra. Miskien is dit die sproetjies op haar wange, die vlekkelose vel of die roesbruin krulkop “wat ek vandag spesiaal vir jou getem het”, maar sy lyk jeugdig, gesond en sonder giere en geite. Jy’s verbaas dat sy enkele dae tevore haar 39ste verjaardag gevier het. “Ek sê altyd vir mense as hulle vra hoe oud ek is, I’m celebrating my 21st with years of shipping and handling,”…

STILSTUIPE KAN JOU DOODMAAK As jy nie vir mense om jou wys jy is kwaad nie omdat jy bang is dit kan jul verhouding skaad, is jou kans groter om beroerte te kry. Navorsers het bevind mense wat eerder stilbly, se are ontwikkel plaak en vernou en dit kan tot beroerte lei. JOU BESTE VRIEND DEUR DIK EN DUN Honde-eienaars kan jou vertel van die band tussen hulle en hul diere. Maar dit wil voorkom of honde en eienaars meer as dit deel. Daar is gevind dat Fiefie se kanse om vet te wees, verdubbel as die eienaar ook oorgewig is. Almal gee lekkernye, maar waar maer mense ’n lekkerny gee om hul hond aan te moedig, gee oorgewig mense lekkernye “net vir die lekker”. KNIP ’N UILTJIE Om een…

As eenkantkind was sy ’n dromertjie wat meestal in haar eie wêreld geleef het, vertel Marinda van Aswegen. “Ek het my aan mense onttrek en in my eie verbeeldingswêreld geleef. Soms was ek ’n mamma met ’n baba of ’n juffrou wat vir denkbeeldige kinders skoolhou of ek het geteken.” Dit was veral met laasgenoemde waarin sy waardevolle ontvlugting gevind het. “Pen en papier was vir my soos goud. Ek was in die sewende hemel en alles kon maar om my vergaan het.” Hul gesin het dikwels tydens haar kinderjare verhuis. “My pa het ’n oog vir ’n winskoop gehad en het geweet hoe om vinnig geld te maak. Hy het niemand ingeloop nie en was nie skelm nie. Hy was ’n goeie pa vir ons kinders en het ons…

Seksualiteit het vele gesigte. Mense ervaar liefde verskillend en daarmee saam kom die kwessie van seksualiteit. Een aspek waarvan die meeste mense dalk nie eens bewus is nie, is die voorkoms van aseksualiteit. Tina* wonder of sy ’n probleem het. “Ek het nog nooit fisiek tot enigiemand aangetrokke gevoel nie. Ek voel nie eens geprikkel deur liefdestonele in flieks nie. Dit maak my bekommerd. Is ek dalk aseksueel?” Sorika de Swardt, ’n maatskaplike werker, sê vir die meeste mense is seksuele aangetrokkenheid en begeerte twee van die sterkste dryfvere in hul lewe. “Mense verskil egter in libido, dryfkrag, energie, begeerte en ook in hoe hulle aan genot uiting gee. En dan is daar ook stres, hormonale veranderinge, die algemene stand en vlak van emosionele intimiteit in die verhouding en nog…

MAROKKAA NSE GRANAA TSKAA PTJOPS 4 porsies SOUS 1 ui, gekap5 ml (1 t) fyn knoffel125 ml (½ k) rooiwyn375 ml (1½ k) hoenderaftrekselpitte van 2 vars granate30 ml suiker TJOPS olyfolie10 ml (2 t) Marokkaanse speserymengsel8 skaaptjops 1 Sous Braai ui en knoffel in bietjie olie tot sag.2 Voeg res van sousbestanddele by en kook tot verdik.3 Gooi deur sif om meeste van wit pitte uit te kry.4 Tjops Smeer vleis met olie en geur met speserye.5 Braai tot verlangde gaarheid.6 Sit saam met sous voor. AARBEI 1 Trek blaartjies heeltemal na bo. 2 Druk strooitjie van onder direk na boonste deel van blaartjies. 3 Druk strooitjie deur aarbei tot steeltjie saam uitkom. KIWI 1 Sny boonste en onderste ente van kiwi af. 2 Sny in helfte. 3 Druk…

Ons eerste stop is die toerismeburo vir inligting oor die moet-sien-dinge en vir ’n Porto-kaartjie. Dié kaart is van een tot vier dae geldig en bied lekker afslag en selfs gratis toegang by verskeie plekke. Een van die stad se bekendste bakens naas die 75 m hoë Clérigos-toring in Baixa, is die Porto-katedraal wat op die ou stad se hoogste punt in Batalha gebou is. Dis ’n nasionale gedenkwaardigheid en die gebou met sy dubbeltorings lyk baie soos ’n fort. Dis nie verniet naby die ou stadsmure geleë nie. Die reusedeure se handvatsels is oor die eeue heen blink gevat. Buite staan ’n deftige man en speel trompet. Die klanke dartel tussen die klein straatjies deur en maak nostalgie by jou wakker. Ons voel altyd op die eerste dag so…

Aan die hand van Olympia, Édouard Manet se skildery van 1863, het die vraag in verlede week se rubriek na vore gekom of die kunswerk die enigste bron van interpretasie is. Moet mens jou dus uitsluitlik verlaat op die prentjie wat jy sien, of is daar ook ’n konteks agter die gegewe in die raam wat mens in gedagte moet hou? Natuurlik is dit belangrik om in die eerste plek jou deeglik te vergewis van dít wat die kunstenaar jou in die kunswerk bied, maar konteks, agtergrond, noem dit wat jy wil, kan mens se verstaan van die werk aanvul en verryk. Verlede week het ons Manet se Olympia met Titiaan se Venus van Urbino vergelyk. Bloot in die vergelyking van die twee skilderye het konteks na vore gekom wat…

Haar hare het in rastatoue om haar kop gestaan. Aan haar mondjie was daar ’n verbete trek. En sodra sy iewers gaan sit het, het sy haar tabak en papiertjies uitgehaal om ’n sigaret te rol. Sy was 15. ’n Mooi meisiekind met ’n wil van haar eie. Latynse bloed het deur haar are gestorm: sy was Frans. Al was dit meer as 20 jaar gelede, gee ek haar liewer ’n skuilnaam, want vandag is sy ’n aktrise met haar eie teatergeselskap. Kom ons noem haar Hélène. Jy weet hoe die lewe maal en draai en as jy weer sien, sit jy op ’n dag in ’n kombi op pad van Frankryk na Griekeland. Destyds het die een ding tot die ander gelei, en daar was ek, vyf dae saam…

MOEILIKHEIDSGRAAD WAT HET JY NODIG? CHARITY SERIOUSLY CHUNKY (150 g-balle) in kleur van jou keuse Elke mandjie gebruik sowat 100 g 6 mm-naalde 6 mm-hekelnaald (opsioneel) AFKORTINGS aw = aweregs r = regs rs = reksteek (elke ry regs) BREI-INLIGTING ■ Onderstaande aanwysings is vir ’n basiese mandjie. Jy kan self bepaal hoe groot jy jou mandjie wil hê.■ Elke steek is 1 cm wyd wat dit maklik maak om die grootte van jou mandjie te bepaal. Die rye werk een en ’n half ry per cm uit.■ Dunner naalde as wat op verpakking aangedui is, word gebruik om die mandjie stewiger te maak.■ Jy kan die mandjie op verskillende maniere aanmekaarsit. 1 Werk sykante in met regte kante opmekaar. Keer na regte kant om.2 Werk sykante in met verkeerde…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Hoe kan ek die beste in iemand anders na vore bring? Wel, een manier is om sy of haar uniekheid te aanvaar. Ons is elkeen uniek. Die Here het ons doelbewus elkeen verskillend gemaak. Hy kon ons in ’n fabriek gemaak het – waar Hy een vorm vir ons almal gebruik het. Ons kon almal presies dieselfde gelyk, geklink en gepraat het, maar die Here het ’n ander plan gehad. As ons almal dieselfde was, sou baie dinge in die wêreld agterweë gebly het. Die Here is mal oor ’n verskeidenheid. “God het ons gemaak wat ons nou is: in Christus Jesus het Hy ons geskep om ons lewe aan…

MAN RAAK AAN DIE SLAAP My man raak tydig en ontydig in geselskap aan die slaap. Hy het tot al agter die stuurwiel aan die slaap geraak. Hy het nie ’n veeleisende werk nie en ons sukkel nie finansieel of andersins nie. Wat kan dit wees? – Ontsteld Dit is die simptome van narkolepsie (’n neurologiese toestand waar iemand onwillekeurig aan die slaap raak), maar kom ook gereeld by vetsugtige mense voor. In geval van ernstige oorgewig gaan te min suurstof na die brein, wat die brein se slaap- en wakker-toestand reguleer. Hoe vetsugtiger die persoon, hoe erger raak dit. Laat hy ’n neuroloog gaan spreek wat kan seker maak daar is nie dalk ander oorsake nie. Hulp is beskikbaar, of dit nou met behulp van ’n dieetprogram of met…