Innholdsfortegnelse for 18 October 2019 i Vrouekeur

Vat die risiko of verspeel die kans Die artikel, “Help, my vriende gaan landuit” op bl 12 is ’n artikel wat my familie en al my vriende mee kan identifiseer, want almal van ons het geliefdes wat die land permanent verlaat het. Ek inkluis. Daar is tans ’n #-veldtog wat die rondte doen waarmee mense mekaar probeer moed inpraat, hoop gee en hul besluit om nie als op te pak en die pad te vat nie, motiveer. Gelukkig is ek nie ’n kuddedier nie, my besluite word nie deur enige groep bepaal nie en hierdie bladsy is nie die plek om my persoonlike mening oor sake heeltemal uit te blaker nie. Dit gesê… Jy hoef nie buskruit uit te gedink het om te weet dat die situasie in Suid-Afrika ver…

So ’n raps meer as twee jaar gelede het ’n neef van my (toe 44) pas ’n skolerugbyspan afgerig. Hy was superfiks. Hy was saam met sy dogter op pad motor toe, toe hy skielik haar arm vasgryp en sê hy voel vreeslik duiselig. Dit was die eerste beroerte-aanval en ’n oomblik wat hul gesin se lewe ingrypend verander het. Kort daarna het ’n tweede, groter aanval gevolg en later in die hospitaal ’n derde een. Die laaste bloedklont het agter sy breinstam tot ruste gekom en totale verlamming van die liggaam tot gevolg gehad. Die afgelope meer as twee jaar is ons via Facebook op hoogte van sy toestand gehou. Aanvanklik het dinge nie goed gelyk nie. Hy was aan lewensondersteunende masjiene gekoppel en deels weens ’n trageostomie kon…

’n Nuwe weergawe van die bekende Uit die Beek uit die pen van die bekroonde skrywer Barend Vos is tans beskikbaar. Die tekskeuse vir elke dag is op die Revised Common Lectionary gegrond en maak hierdie geliefde Bybelse dagboek soos altyd geskik vir persoonlike stiltetyd, vir huisgodsdiens en vir Bybelstudiegroepe. Die boek word deur Lux Verbi uitgegee en is by toonaangewende boekwinkels en by www.nb.co.za beskikbaar ELSIE VENTER VAN NELSPRUIT IS ONS WENNER VANDEESWEEK: Is jy moeg vir daardie soet versiersuiker op koek of kolwyntjies? Moet nooit water of melk bygooi nie. ▸ Gebruik 200 g versiersuiker vir elke 100 g margarien.▸ Klits margarien tot romerig, klits dan versiersuiker by en klits baie goed. Hoe langer jy klits hoe romeriger. Gooi geursel na smaak by.▸ Jou versiersuiker is nou romerig,…

“Elke kind ontwikkel teen sy of haar eie tempo,” sê Dinelle. “Waak daarteen om ’n kind ‘ryp te druk’. In ’n kleuterskool leer kinders sosiale vaardighede aan. Hulle raak ook bewus van die roetine wat in die groter skool gevolg gaan word sodat dit nie so vreemd is om vir die eerste keer tussen ’n groep kinders te moet funksioneer nie. “Baie ouers laat evalueer hul kinders minstens ses maande voor die begin van die nuwe skooljaar. Dit laat baie tyd om van die uitvalle in terapie te hanteer. Stimuleer jou kind, speel saam, lees stories saam. Een waarskuwing wat menige onderwyser en remediërende terapeut gee, is dat jy nie jou kind moet leer lees of skryf voordat hy of sy skool toe gaan nie. Die rede daarvoor is dat…

#bakliefde Mareli HAWERMOUTKOEKIES 32 koekies 120 ml (115 g) sagte botter180 ml (170 g) bruinsuiker1 groot eier5 ml (1 t) vanieljegeursel30 ml (2 e) melasse125 ml (80 g) koekmeel5 ml (1 t) koeksoda5 ml (1 t) kaneel1,25 ml (¼ t) sout430 ml (200 g) hawermout180 ml (115 g) rosyne Voorverhit oond tot 180 °C en voer bakplate met waspapier uit. 1 Klop botter en bruinsuiker tot lig en donsig. Gooi eier, vanieljegeursel en melasse by en klop tot goed gemeng. 2 Gooi koekmeel, koeksoda, kaneel, sout, hawermout en rosyne by en meng goed tot deeg vorm. 3 Skep eetlepelsvol van beslag op bakplaat, sowat 3 cm uit mekaar, want koekies sit baie uit. 4 Bak vir 12 tot 15 minute tot goudbruin en gaar. Haal uit oond en laat op…

Twee boeke met eenwoordtitels, maar die woorde “Wrok” en “Bos” roep veel emosies en assosiasies op. Mens sou nie vermoed dat Wrok Beyers de Vos se debuutroman is nie. Dit is besonder vlot geskryf en ’n deurdagte misdaadroman. Eintlik is dit ’n bietjie misleidend om die woord misdaadroman te gebruik, want hoewel die roman al die elemente van ’n spannende misdaadroman bevat, verskaf De Vos se roman ook ’n paar verrassende wendings met die formule. Juis daarom is dit die moeite werd om Wrok te lees. Die ruimte waarin ’n verhaal plaasvind, is meestal meer as sommer net ’n toevallige agtergrond. In Wrok word die Pretoria waarin die moordsaak op Benjamin Rust ondersoek word, veel meer as ruimte, dit word byna soos ’n karakter in die roman. Die leser word…

In my ouma se voorkamer, 50 jaar gelede, het presies so ’n plantstaander met die weligste varing in gestaan en die spore aan die onderkant van die blare het ons kinders gefassineer. Met ’n wêreld wat oorloop van te veel goeters wat ons weggooi, probeer ek om als te hergebruik, omdat dit ons omge wing bewaar, maar ook omdat dit gewoon geld spaar. As jy in pandjieswinkels gaan rondsnuffel, gaan jy iewers so ’n staander te koop kry. Hier is ’n idee om dit weer spiekeries te laat lyk. VOORBEREIDING Skuur die jare se vernis en olie eers goed af. Maak die staander oraloor goed met spiritus en ’n opwassponsie skoon en vee dit dan deeglik met ’n klam lap silwerskoon. PRODUKTE Ek het net Granny B’s Old Fashioned Paint…

Ek wil Udo Dunkel ontmoet, dis hoekom ek vroeg by die Absente-galery opgedaag het; dalk sal hy vooraf kom seker maak dat alles in orde is. Maar dit lyk of hy besluit het om laaste op te daag, soos ’n bruid. Dit duur nie lank voor die galery stampvol is nie. Skouer aan skouer, sjerrieglasies in die hand, beweeg die mense al geselsend tussen die portretstudies. Die skilderye is van vroue, sommige geklee en ander nie. Die afgelope tyd was daar veel gewag gemaak van die uitstalling en die skilder, meestal baie vleiend. Heelwat foto’s ook: van hom en sy werke en sy ateljee. Ook ’n paar van Dunkel en sy vrou, Greta. ’n Aantreklike paartjie. Sy is beeldskoon. Ek wonder waarom haar gesig nie op enigeen van die doeke…

WANNEER IS GENOEG GENOEG? Ons seun (29) woon steeds by ons. Hy is ons enigste kind en ons is bekommerd dat hy afhanklik van ons is. Hy betaal nie huur nie en dra niks tot die huishouding by nie. Hy het ’n meisie wat hy nie gereeld sien nie. Hy is goed gekwalifiseer en verdien ’n enorme salaris. Hy kan beslis op sy eie bly, maar ek dink dit is te gemaklik by die huis, want alles word vir hom gedoen. Van kleins af het hy altyd sy sente omgedraai. Ons wil hom nie wegjaag nie, maar hom net meer onafhanklik probeer kry. – Bekommerde Ma Dit is duidelik dat jul seun bederf grootgeword het. Dit is nie ongewoon as ouers net een kind het nie. Hy het aan die…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 19 woorde, baie goed 23 woorde of meer, uitstekend OPLOSSING: Konfessie, finesse, kosfees, feniks, fensie, foniek, fonies, kifose, onfiks, sfinks, feeks, oefen, sifon, skeef, snoef, sofis, fees, fiks, foei, kief, neef, skif, skof Woordsoek 29 Midde-Oosterse lande is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees word…

■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ■ SMS die woorde ‘CAXTON VK’ na 47098 (R1,00 per SMS) ■ STUUR ’N FAKS na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/ www.magsathome.co.za ■ STUUR ’N E-POS na subs@magsathome.co.za ■ POS’N TJEK uitgemaak aan RamsayMe-dia Subs en stuur dit saam met ’n brief en jou besonder hede van hernuwing of inteke ning na: Vrouekeur-subskripsies, Vrypos CBO209, Posbus 596, Howard Place, 7450 TEKEN IN OF HERNU jou inskrywing teen R812,50 PER JAAR! ■ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs ■ Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIP SIE NOMMER…

’n Gesonde lewenstyl is belangrik om hartsiektes en beroerte te voorkom: 1 Beheer jou hoë bloeddruk. As jy reeds ’n beroerte gehad het, kan die verlaging van jou bloeddruk ’n opvolgberoerte help voorkom. 2 Oefen, beheer stres en beperk jou sout- en alkoholinname, wat sal help om jou bloeddruk te verlaag. 3 Verlaag die hoeveelheid cholesterol en versadigde vet in jou dieet – dit veroorsaak plaakopbou in die are. 4 Hou op rook. Rook (ook tweedehandse rook) verhoog die risiko vir beroerte. 5 Beheer jou diabetes met die regte dieet, oefening, gewigbeheer en medikasie. 6 Behou ´n gesonde gewig. Oorgewig dra tot hoë bloeddruk, kardiovaskulêre siektes en diabetes by. As jy so min as 5 kg kan afskud, kan jou bloeddruk verlaag en jou cholestrolvlakke verbeter. 7 Sluit vrugte en…

KOOP DIT HIER Cotton On www.cottonon.com/za Edgars www.edgars.co.za Forever New www.forevernew.co.za MrP mrp.com Old Khaki www.oldkhaki.co.za Sweet Peas www.sweetpeas.co.za Woolworths www.woolworths.co.za…

Ons huis is aan die brand. Waarder woorde as dié van die jong klimaatsaktivis Gretha Thunberg (16), is nog selde geuiter. Ongeëwenaarde veldbrande ver smoor die Arktiese gebied in rook – ’n gebeurtenis wat eens op ’n tyd skaars was in die koue, nat toendra-sones. In Europa heers daar in somertye ongekende hittegolwe – soveel so dat Nederland ’n nasionale hitteplan in werking moes stel. Hier in Suid-Afrika gaan dele onder uitmergelende droogtes gebuk. Dit alles dui op klimaatsverandering, sê wetenskaplikes. Ons het 12 jaar oor om te sorg dat wegholklimaatsverandering (gedryf deur die verbranding van fossielbrandstof soos gas, steenkool en olie, wat kweekhuisgasse soos koolstofdioksied (CO2) en metaan vrylaat) nie plaasvind nie, lui die jongste verslag van die Verenigde Nasies se interregeringspaneel oor klimaatsverandering (IPCC). En om dit reg…

Die lewe sou maar saai gewees het as daar geen oomblikke was om die lagspiere te prikkel nie. Dikwels is sulke voorvalle juis dié wat jou jare later laat skater en vir heerlike onthou-jy-nogdaai-keer-oomblikke saam met vriende en familie sorg. As jy ’n celeb is, het jy ’n ernstiger probleem met daardie “oomblikke”. Danksy die media wat deesdae oral oë het, sal so ’n oomblik onder die vergrootglas geplaas en ordentlik gedissekteer word. Toe die akteur Zac Efron tydens die première van The Lorax in 2012 vir sy aanhangers op die rooi tapyt wou waai, het hy duidelik vergeet van iets wat hy tuis in sy broeksak gestop het. Op die rooi tapyt het hy sy hand in sy sak gesit en toe hy dit uittrek om vir sy aanhangers…

DIS WEER TYD VIR SWEM Somer is hier en as jy nie ’n swembad vir die warm dae het om in af te koel nie, skaf sommer hierdie oulike een vir die kinders aan. Die Sunset Glow Pool kos R269,99 by Crazy Store. Nuwe geur Het jy al Coca-Cola Plus Coffee probeer? Dit het die smaak van Coca-Cola met 100% Brasiliaanse koffieboonpoeier – net wat jy nodig het vir ’n bietjie woema vir die dag. Ongeveer R10 per blikkie by die meeste supermarkte. Ruik lekker Shower to Shower het nou antiperspirantsproei by hul gewilde deodorantreeks gevoeg. ’n Anti-perspirant verminder sweet en ’n deodorant verbloem ’n sweetreuk. Die nuwe antiperspirantsproei is in twee geure, Confident Me en Fresh Powder, beskikbaar. VIR JOU TROETELDIERE Hunter is ’n Duitse familieonderneming wat premium-troeteldierprodukte en…

Alle lesers ken seker daardie déjà vu-verskynsel wanneer jy vir die eerste keer in ’n stad, ’n streek of ’n land kom en alles voel op ’n vreemde manier bekend – bloot omdat jy al soveel boeke oor die plek gelees het. Dis wat my getref het toe ek net ná universiteit, bloedjonk en benoud, in Londen beland: Die strate en parke en geboue was terselfdertyd opwindend onbekend en tog ook so vertroud soos my eie vingers. Danksy Dickens se romans, Virginia Woolf se dagboeke, Sylvia Plath se geskrifte – om nie eens te praat van al die moderner Londense stories wat ek in my studentejare verslind het nie. Boeke maak ons almal wêreldburgers, het ek op ’n jong ouderdom in daardie stad besef. Binnekort reis ek vir die eerste…

SKEP RUGBYGEES Met Robbie Wessels se Robbie en sy Bokke is die Bokke hier ter sprake. Robbie se musiekmaats is Jo Black, Appel, Pieter Koen, Early B, Danny Smoke en Fatman. “Ek glo dat hierdie album sal help om alle Suid-Afrikaners in die regte gees vir die Wêreldbeker te kry en die Bokke sal motiveer om die beker vir die derde keer huis toe te bring – al die pad van Japan af,” meen dié veelsydige musikant, liedjieskrywer, akteur, grapjas en rolprentvervaardiger. Sy aanhangers sal versot wees hierop. Die album bevat 13 snitte wat wissel van toonkrullekker danstreffers en komiese geesbouliedjies tot emosiegelaaide huldeblyke aan rugbylegendes. Robbie is veral bekend om sy humoristiese, maar soms ook ernstige, sportliedjies, soos sy hartroerende huldeblyk Patrick Lambie (hierop ingesluit), wat opgedra is aan…

DIE BALANS WORD BEHOU Balance-wyne het ’n nuwe, stylvolle gedaanteverwisseling ondergaan. Die nuwe voorkoms en die gehalte van die steeds bekostigbare reeks bestaan uit cabernet sauvignon/merlot en twee nuwe wyne, ’n vars sauvignon blanc en ’n heerlike soet rosé. Die Balance Winemaker’s Selection-reeks bestaan uit ses enkelvariëteite, waaronder ’n ligte hout-chardonnay. Ongeveer R47 vir die Balance Classic-reeks, R62 per bottel vir die Winemaker’s Selection-witwyne en R67 vir die Winemaker’s Selection-rooiwyn. BON COURAGE BREI UIT Die Lady of the House Pinotage Rosé 2019 (R68) is die jongste toevoeging tot die Bon Courage-reeks. Die naam bring hulde aan ouma Maude Bruwer, deel van die eerste generasie Bruwers op Bon Courage. Haar passie vir tuinmaak word in die wyn weerspieël met geure van vars blomme en vrugte en dit is ryk aan geur…

Toe die legendariese Suiker Britz homself in 2018 om die lewe gebring het, het die einde van ’n era aangebreek. Die prentjie van ’n passievolle speurder wat uitsonderlike prestasies in sy loopbaan behaal het, kom hier na vore. www.penguinbooks.co.za 3 lesers kan die boek wen. SMS SUIKER gevolg deur jou naam, van en adres voor 23 Oktober 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

KUNS OP FRANSCHHOEK Besoekers aan hierdie Bolandse dorp sal oor die naweek van 25 tot 27 Oktober die geleentheid kry om ’n verskeidenheid kunswerke en uitstallings te besigtig. Dit vorm deel van die vierde jaarlikse Art Franschhoek. Meer inligting by www.franschhoekart.co.za ROCCO EN RICHARD Die bekende pianis Rocco de Villiers en dirigent Richard Cock het ’n musikale extravaganza saamgestel, Roccoc*cko. Sien die twee op Sondag 20 Oktober om 15:00 by die Linder-ouditorium in Johannesburg. Kaartjies is via Computicket beskikbaar. Besoek www.computicket.com DIE MADELIEFIE-MAKIETIE Dis amper tyd vir die gewilde Madeliefie-makietie. Dié Weskus-fees word op 25 en 25 Oktober op Strandfontein gehou. Die fees spog weer met etlike stalletjies en natuurlik musiekvermaak. Van die kunstenaars wat gaan opstree, is Caroline Grace, Ricus Nel, Early B, Dennis East, Appel, Ivan Roux, Tarryn…

Hou die skille LEMOENSKILLE HET NUT IN DIE HUIS ▸ Kook vyf tot ses lemoenskille in ’n pot warm water met speserye soos naeltjies en steranys vir ’n heerlike geur.▸ Gooi lemoenskille in ’n glasbottel en vul die bottel met witasyn. Laat vir ’n paar weke staan, skud elke nou en dan en gooi deur ’n sif. Jy kan dit nou as ’n skoonmaakmiddel gebruik.▸ Maak die mikrogolf skoon deur ’n bak water met lemoenskille in vir 2 minute op hoog te kook. Los die mikrogolf vir nog twee minute toe en vee dit dan met ’n lappie uit. Beet op die mat Probeer die volgende as daar ’n beetvlek op die mat is: Sit gliserien op ’n sponsie en vryf die vlek. Was dit daarna met warm seepwater. KNOFFEL…

MACARONI-GROENTESOP 1 ui, gekap5 ml (1 t) fyn knoffel600 g (1 pak) sopgroente, gekap250 g (½ pak) macaroni2 ℓ (8 k) hoenderaftreksel250 ml (1 k) room 1 Braai ui en knoffel in bietjie olie tot sag. 2 Gooi sopgroente by en braai vir een minuut verder. 3 Gooi macaroni en hoenderaftreksel by groente en kook tot groente en macaroni sag en gaar is. 4 Gooi room by en bring net-net tot kookpunt. Geur met sout en peper. Sit warm voor. MACARONI-EN-HOENDER-GEBAK 500 g (1 pak) macaroni1 ui, in agstes gesny400 g (1 pak) groente8 hoenderstukke7 0 g (2 pakkies) kaas-en-sampioengeurpastasouspoeier, aangemaakmet 1 ℓ water Stel oond op 180°C. 1 Kook macaroni vir vyf minute net om gaarmaakproses aan die gang te kry, dreineer en gooi oor in oondbak. 2 Skep…

Vandag deel ek graag ’n stuk van my hart en herleef weer die reis wat my na my huidige bestemming toe gelei het, na die Bolandse dorp Wellington. Ek glo aan liefde met die eerste oogopslag, want ek het dit al twee keer self beleef. Meer onlangs die dag wat ek my vrou ontmoet het, maar lank daarvoor was toe ek as 11-jarige vir die eerste keer saam met my ouers die Wes-Kaap besoek het. Daardie dag het ek op ’n plek verlief geraak. Ek kan dit nog in perfekte detail herroep – die lang, uitmergelende rit vanaf die Oos-Kaap, al met die N2 langs tot by die R60-afdraai langs Swellendam. Daarna verby Ashton en Robertson tot op Worcester, van waar ons links op die N1 geklim het. Doer in…

Twee skilderye met min of meer dieselfde inhoud: albei met ’n naakte vrou in die fokus, en honderde jare uit mekaar geskilder, het uiteenlopende openbare reaksie uitgelok. Die een skildery is Venus van Urbino, in 1538 deur Titiaan geskilder. Die ander een is Olympia, in 1863 deur Édouard Manet geskilder. Geen haan het gekraai oor Titiaan se uitbeelding van die naakte Venus nie. Vir die 16de-eeuse Venesië was dié skildery net nóg ’n geïdealiseerde voorstelling van die Griekse godin van die liefde. Sy is naak, goed en wel – en daar is boonop ’n erotiese geladenheid in die uitbeelding – maar binne die ideaal van klassieke skoonheid was dit alles in orde. Selfs die sensuele taksering van Venus se borste en buik het geen wenkbrou laat lig nie, want dit…

ROLPRENTE THE ADDAMS FAMILY Met Charlize Theron en Finn Wolfhard Regisseur Greg Tiernan en Conrad Vernon ANIMASIE, DONKER KOMEDIE Dit is deel van die volkskultuur. In die volksmond verwys mense graag na: “Die nuwe bure het so pas ingetrek. Praat van die Addams family!” Maar ek het nuus vir lesers! Die Addamse trek opnuut in fliekwoonbuurte in, want ’n nuwe weergawe is onlangs verfilm met niemand anders nie as ons eie Charlize as ’n stem in een van die hoofrolle! Presies hoe die spulletjie hul bestaan dié slag uitleef, is duister, maar volgens die plakkaat lyk die een spokerasie na ’n leliker goggenopper as die ander goggabie. Praat van donker humor. Die Addams-familie het galgehumor ontwerp en vervolmaak, en die fliek is gegrond op Charles Addams se reeks strokies oor…

Inspekteur Hector Nieman, die kolonel en twee konstabels staan tussen die duine op ’n Kaapse strand. Die slagoffer is ’n vrou. Middeljarig met blonde hare wat begin grys word. Mooierig. Sy is verwurg. Waarskynlik het die moordenaar dit met kaal hande gedoen; daar is geen tou of koord of broekiekous te sien nie. “Dit lyk soos die eerste in ’n reeksmoord,” sê die kolonel, “maar ons kan eers ná drie moorde amptelik aanvaar dis ’n reeksmoord.” “Niemand anders is as vermis aangemeld nie,” antwoord Hector. “Daar was ook nie die afgelope jaar ’n soortgelyke moord nie. Sulke moorde vind aanvanklik lank uitmekaar plaas en later gebeur dit al hoe korter op mekaar, asof daar ’n dringendheid intree. Ons kan nog lank wag vir ’n tweede en derde moord. Ek het…

MOEILIKHEIDSGRAAD SPESIALE NOTAS Die jas begin in die middel van die rug, met ’n dubbelketting wat van die nek na die stuitjie loop. Dit word dan kant toe gehekel tot die jas halfpad klaar is, dan word daar ’n spieëlbeeld na die ander kant toe gehekel. Die geheim van hierdie jas se sukses lê in die volgende: ▸ Moenie te veel dink nie; doen net. Moenie die kleure op spesifieke plekke probeer plaas nie. Moenie bekommerd raak oor die verskille in tekstuur en gewig nie. Hekel net.▸ Moenie van hekelpen verwissel tensy die patroon daarvoor vra nie. Dis belangrik om die heeltyd met dieselfde grootte pen te werk, al voel dit vir jou baie slap of baie styf.▸ Jy moet meet, en jy moet pas.▸ Daar is hulp beskikbaar op…