Innholdsfortegnelse for 11 october 2019 i Vrouekeur

In die artikel “Haal die kopseer uit konflik” het Yolanda Wessels met kenners gepraat oor konflik tussen lewensmaats en dié mense gee op bl 26 raad oor hoe mens dit kan hanteer. Jy kan maak wat jy wil, as jy saam met iemand leef, gaan daar dinge wees waaroor julle nie saamstem nie. Verskillende menings, persoonlikhede, agtergronde en waardestelsels kan tot konflik lei en dit is nie tot ’n liefdesverhouding beperk nie. Om minstens agt uur per dag saam met ’n verskeidenheid mense te werk, is eweneens ’n verhouding waarin humeure kan opvlam, ’n gebrek aan kommunikasie tot misverstande kan lei en die hare soms kan waai. Ek kan met ’n rein gewete sê in die Vrouekeur-kantoor baklei ons nie. Hoewel ons uiteenlopende persoonlikhede is wat saam met mekaar werk,…

Hy is ’n ou wat vinnig op jou groei. Hy is nie van daai mense wat jy nog ná die tyd twyfel of jy van hulle hou of nié. Met ’n wye glimlag vertel hy vir jou sy lewensverhaal en dis beslis nog nie klaar geskryf nie. Met groot lekkerkry gaan haal hy stories van sy grootwordjare op Pacaltsdorp buite George en al die bekendes wat al vir ’n ietsie te ete en diep gesels by hom kom aanklop het. Enrico Apollis (42) noem homself ’n “koninklike” en is ’n afstammeling van die bekende beesboer van Pacaltsdorp Gideon Apollis, beter bekend as oom Bul. Hy lag by die voor die hand liggende vraag waar die “koninklik” vandaan kom, want nêrens op Google word gepraat van Apollis royalty nie. “Eintlik word…

Was en gooi Dit help blykbaar om ’n vloer eers met terpentyn te was voordat mens ’n mat lê om die motte weg te hou. VIR DIE VRUGTEBOOM Sprinkel 1k boraks elke drie tot vier jaar om ’n vrugteboom. Dit verhoog die mineraalinhoud in die grond wat vrugtebome nodig het. NAELLAK KAN HELP As daar ’n skeurtjie in ’n kantgordyn is, kan mens dit met kleurlose naellak heg. MAAK DIE KETEL SKOON Aanpaksels in die ketel? Gooi asyn in die ketel en kook dit om dit skoon te kry. Mens gaan dit natuurlik ’n paar keer daarna met water moet uitspoel. Hou dit vars Dit help gloom ’n bietjie koeksoda in ’n vaas met blomme te gooi om dit langer mooi en vars te hou. ORGANISERINGSWENK Druk klein oorbelletjies deur…

MAALVLEISPASTEITJIES 24 pasteie 240 ml (230 g) botter, koud625 ml (330 g) koekmeel 30 ml (2 e) suiker 5 ml (1 t) sout 125 ml (½ k) yswater 2 knoffelhuisies, fyngekerf 1 klein ui, fyngekerf 1 middelslag-aartappel, grofgerasper 15 ml (1 e) olie 1 pak (500 g) maalvleis 30 ml (2 e) blatjang 15 ml (1 e) worcestersous knypie fyn koljander sout en peper 80 ml (⅓ k) water 15 ml (1 e) mielieblom (Maizena) 5 ml (1 t) Bisto 1 eier15 ml (1 e) melk soetrissiesous 1 Sny koue botter in blokkies. Gooi meel, suiker en sout saam in voedselverwerker se bak. Pols koue botterblokkies by meel in tot botter ertjiegrootte is.2 Gooi yswater in sarsies by terwyl jy aanhou pols tot deeg vorm. Haal deeg uit en rol…

Dit is Oktober, volgens die digter C Louis Leipoldt mos die mooiste maand van die jaar. En natuurlik styg die rugbykoors in dié tyd ook. Gepas luister ons vandeesweek in Oppinoot na een van die mooiste albums wat vanjaar uitgereik is en in die gees van Wêreldbekerrugby deel ons in dié opwinding. TANJA LAAT ’N STORM WOED Buite reinig die eerste lentedruppels die lug, maar hierbinne woed ’n storm, want ’n warm bergwind het musiek met fut ingewaai! Haar naam is Tanja Storm en haar puik album heet Ek is op pad. Toe die eerste klaviernote van die rock ’n’ roll-gekleurde snit Blues vir jou begin speel, gryp ek die kapstok en toe die eerste tromslag nóg energie tap en my aanpor, sien jy net hoede en pette swaai toe…

Tot en met Ray Chenez se optrede in Pretoria in Augustus was dié Amerikaanse kontratenoor bra onbekend in Suid-Afrika. Dit is eerder op die operaverhoë van Duitsland en Frankryk waar hy die afgelope paar seisoene meer blootstelling gekry het. Wat Chenez in Menlyn in Pretoria kom bied het, was die première van sy BroadRay, ’n projek waarin hy musiek uit Broadway-musiekspele op die verhoog aanbied. ’n CD met dieselfde titel is binnekort beskikbaar. Dié projek spruit voort uit Chenez se behoefte om “iets wonderliks te skep wat mense gelukkig kan maak. Dit is so eenvoudig soos dit,” sê hy. Die kontratenoorstem beskik oor min of meer dieselfde omvang as dié van ’n mezzosopraan. Anders as byvoorbeeld die sopraan Renée Fleming wat haar aan die einde van haar operaloopbaan voortaan op…

Daagliks kommunikeer mense in ons land deur middel van ’n tweede, derde of vierde taal met mekaar. Hierdie voortdurende vertaling van gedagtes, emosies en idees in ’n ander taal, gaan dikwels met frustrasie en wankommunikasie gepaard. Maar die vertaling beteken ook opwindende verskuiwings in maniere van dink en doen. Vertaling is onontbeerlik in ons tyd van globalisering, ’n tyd waarin handel oor die wêreld plaasvind en ekonomieë verweef is en waarin mense toenemend oor taal- en kultuurgrense heen met mekaar in kontak kom. Vertaling is onontbeerlik in die tyd van internet en digitale media wat mense wêreldwyd aan inligting, vermaak en advertensies in ander tale as hul eie blootstel. Vertaling lei egter dikwels tot misverstande omdat dit eintlik onmoontlik is om betekenis honderd persent presies te vertaal. Sommige woorde kan…

Gemoedere het hoog geloop. Frans het dié aand die woord gevoer en was behoorlik opgeruie. Hy is so dikwels toegejuig, hy moes later ’n megafoon gebruik om hoorbaar te wees. Die grotte tien kilometer buite die dorp het vantevore vele toeriste gelok, veral toe die slaggate nog net duikies in die pad was. Dit het darem ’n ekstra oulap in die winkeleienaars se sakke laat val. Maar die getalle het telkens soos sand uit ’n uurglas verdwyn ná reënbuie die slaggate dieper laat uitspoel het. Talle navrae is aan die burgemeester en die munisipaliteit gerig, maar hoe meer klagtes oor die toestand van die pad, hoe slapper en duurder het die motors geword waarmee daar rondkerjakker is. Verskeie mense het die amptenare gaan spreek nadat hulle gehoor het hoeveel miljoene…

MOEILIKHEIDSGRAAD:★★ WAT HET JY NODIG? 2 balle Vinnis Colours Serina 4-draad per artikel (kleur 677 vir mus met lusse en 6016 vir mus met rand) 3,75 mm-naalde AFKORTINGS aw – aweregs don – draad om naald gl – glip 1 steek ks – koussteek (1ste ry: r; 2de ry: aw) oorbl – oorblywende r – regs r2tes – regs 2 steke tesame rs – reksteek (elke ry regs) rVa – regs voor en agter in dieselfde steek vmeer – vermeerder BREI-INLIGTING ▪ Die musse is met bamboesbreidraad gebrei. Dit word aanbeveel vir mense wat hul hare verloor het omdat dit heerlik sag is en nie ’n reeds sensitiewe kopvel sal irriteer nie.▪ Daar is lieflike kleure om uit te kies.▪ Die lussies op die een mus maak dit veelsydig omdat…

Ek wag vir hom in ’n koffiewinkel net duskant die hawe in Mosselbaai. Wilhelm het ’n draai by Africa Burn in die Tankwa Karoo gaan maak en daarna vir sy familie kom kuier. Die uwe wat deesdae aan die Tuinroete woon, het die geleentheid aangegryp. Links by ’n tafel sit ’n ou met ’n pelsjas oor ’n kaal bolyf en regs is ’n paartjie besig om mekaar vuurwarm te vry. Dit lyk inderdaad soos ’n toneel in ’n teaterstuk. Eintlik die ideale agtergrond waarteen jy met ’n ou wat onlangs met ’n Fiësta vir beste akteur bekroon is, ’n onderhoud kan doen. Akteurs sê graag toekennings beteken nie veel vir hulle nie, maar jy wonder of dié akteur darem so ’n bietjie windgat voel. Wilhelm is duidelik nie ’n ou…

Studentejare is veronderstel om sorgeloos te wees voor jy die grootmenswêreld van werk, rekeninge en verantwoordelikhede betree. Maar wat gebeur as iets onverwags al dié planne omvergooi en die binnekant van ’n hospitaal jou nuwe realiteit word? Elanie Rupping is in haar honneursjaar met Hodgin se siekte, ’n tipe klierkanker, gediagnoseer en moes haar drome vir eers eenkant toe skuif vir behandeling. Die nuwe dramareeks Tydelik terminaal op kykNET is ligweg op Elanie se kankerstryd gegrond. Sy het saam met Etienne Fourie, bekend vir flieks soos Dis koue kos, Skat, en die vervaardigers van Nouvanaand Films, die reeks geskep om kykers ’n blik op die werklikheid te gee van wat dit is om met kanker saam te leef. Elanie, ’n plaasmeisie van die Vrystaat, was reeds van jongs af ’n…

BLINK STEFAA NS Nou kan jy vlootblou skoene met Plush Max Navy Shoe Polish laat blink, beskikbaar in 50 ml- (R11,99) en 100 mlblikkies (R21,99). www.plush.co.za NEUTMANIE! Maak die heerlikste toebroodjies met The Kitchen se neutsmere. Dis in cashew, pistachio en almond beskikbaar, ongeveer R20 by Checkers-winkels. OULIKE BOEKM ERKER boekm erker Hou jou plek in jou gunstelingboek met Crazy Store se oulike boekmerke, R23,99. KOEK IN ’N KOPPIE Nou kan jy na hartelus aan ’n dekadente stukkie koek smul sonder om skuldig te voel. NuMe Cake in a Cup is suikervry, laag in koolhidrate, glutenvry en diabetes-vriendelik. Dit neem slegs twee minute om te maak. Jy kan dit selfs nog lekkerder maak deur byvoorbeeld neutsmere of bessies oor te smeer of strooi, ongeveer R50 per boks met vyf sakkies…

ROLPRENTE THE GOLDFINCH Met Finn Wolfhard en Nicole Kidman Regisseur John Crowley DRAMA Kunsfliekaanhangers raak opgewonde en byna besete wanneer hulle hoor dat die rolprentweergawe van hierdie Pulitzer-pryswennerroman gaan begin wys. Die roman is meesleurend, onthutsend, somber en oorweldigend. Mens vermoed dat die rolprentweergawe reg aan die verskillende temas en subteks sal laat geskied. Lesers wat die roman ken, sal vertroud wees met die beheersde en vernuftige styl waarin Donna Tartt die dramatiese gebeure laat ontvou. ’n Seuntjie gaan saam met sy ma na ’n museum waarin ’n dramatiese voorval plaasvind wat die kind se lewe verander. Maar sentraal tot die rolprent se motiewe, ook op metaforiese vlak, is die skildery van die distelvink (goldfinch) wat later ’n toonaangewende rol speel. Deel van die verbluffende gebeure wat ontvou, is die…

Behalwe puisies, belasting en die dood, is daar niks waarvan jy een honderd persent seker kan wees nie. Jy kan bespiegel, raai en wonder, maar uiteindelik is die lewe soos ’n stuk spaghetti, gooi dit teen die plafon en dit is óf gaar en plak vas óf dit beland in die hond se maag! En as dít nie vir jou sin maak nie, moenie stres nie, dis die idee. Die lewe maak selde sin en die meeste van ons probeer maar net ons bes om kop bo water te hou. Soms gaan dit makliker, ander kere is dit ingewikkelder as ’n Russiese blokraaisel. Tog sal ons saamstem dat die lewe ’n heel ander geur het wanneer jy jonk en onbesonne is. Toe jy nog sorgeloos en sonder ’n kommer in…

Wat sou ons sonder tamaties gedoen het? Selfs die Asteke het hul waarde toentertyd al besef en toe die Spanjaarde by hulle aangeland het, het hulle nie net met goud en silwer huis toe gegaan nie. Nee, tamaties was deel van hul buit. Van daar af is die tamatie in die 16de eeu in verskeie dele van Europa bekendgestel en vandag vorm dit ’n integrale deel van etlike disse. Tamaties is nie net heerlik rou of gekook nie, maar hulle is boonop gesond met lae kalorieë en ryk in vitamiene A en C, kalium en yster. As jy jou eie kweek, sal jy verseker wees dat jy altyd genoeg vir die kombuis het. Jy kan selfs ’n aantal variëteite plant, sommige proe beter in slaaie, ander is vir kook, konfyt…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Iemand wat ’n studie van heersende besmetlike siektes maak SMS jou antwoord, voorletters, van en dorp/stad voor of op 30 Oktober 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 25 woorde, goed 30 woorde, baie goed 39 woorde of meer, uitstekend OPLOSSING: Beeltenis, besteel, sitbeen, beitel, beleen, belees, belese, beseël, beseil, besete, besiel, besien, bestee, bestel, beteël, betsie, beits, beleë, belet, beset, besie, besin, besit, beste, betel, blits, inbel, stilb, been, bees, beet, belê, bels, bieë, bies, bits, blei, bles, slib Koderaai Elke syfer…

Rudie van Rensburg is terug met ’n nuwe misdaadfiksie, Vloek. Carl Bester keer terug na SA en moet ’n saak van internasionale belang help ontrafel – een wat met lyke besaai lê. Maak gereed om die boek sommer in een sitting te wil klaar lees! www.nb.co.za 3 lesers kan die boek wen. SMS VLOEK gevolg deur jou naam, van en adres voor 16 Oktober 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxtontydskrifaanbiedinge aan jou te bied.…

As jy ’n kankerstryd voer ▸ Jy is sterker, dapperder en taaier as wat jy dink. Kanker is aaklig, maar dit was vir my ’n geleentheid om die volheid van die menslike ervaring op aarde te beleef. ▸ Sien na jou emosionele welstand om. Spreek ’n sielkundige op ’n gereelde basis. Daar is soms so baie goed wat jy wil sê, maar nie vir die mense om jou nie. ’n Professionele persoon is beter toegerus as jou geliefdes om hierdie inligting te hanteer en vir jou die regte raad en troos te gee. ▸ Moenie jou emosies afskakel nie. Dis uiters uitdagend om weerloos te wees, maar een ding wat seker is, is as jy die slegte emosies afskakel, jy noodwendig die goeie ook afskakel. Voel wat jy voel, al…

OЁ WANGE GESIG NAELS EN HANDE SERUMS LIPPE PUISIES LYF, BENE EN VOETE HARE WEN 1 gelukkige leser kan hierdie paar Dellaoorbelle ter waarde van R500 en ’n kas Grace Rose-vonkelwyn ter waarde van R375 wen. Gaan na www.vrouekeur.co.za om in te skryf. Laai ons troubeplanner op www.vrouekeur.co.za af as jy pas verloof geraak het! KOOP DIT HIER Aldo www.aldoshoes.co.za Beaucience www.beaucience.co.za Bride & co www.brideandco.co.za Clicks www.clicks.co.za Cotton On www.cottonon.com/za Della www.della.co.za Dermalogica www.dermalogica.co.za Dermastore www.dermastore.co.za Dis-Chem www.dischem.co.za Eden and co www.edenleatherco.com Falke www.falke.co.za Forever New www.forevernew.co.za GHD www.ghdhair.com/za JC Click Shop www.jcclickshop.co.za Just skin clinic www.justskinclinic.co.za MrP www.mrp.com Opari www.opari.co.za Silvery www.silvery.co.za Sorbet www.sorbet.co.za Takealot www.takealot.co.za Woolworths www.woolworths.co.za…

ROMERIGE BOEREWORS-GNOCCHI 4 porsies 500 g (1 pakkie) gnocchi 1 ui, gekap 5 ml (1 t) fyn knoffel5 ml (1 t) gemengde kruie37 g (1 pakkie) romerige pastasous 375 ml gerasperde kaas 600 g boerewors 1 Kook gnocchi in borrelende soutwater tot dit na bo styg. Dreineer en hou eenkant.2 Braai ui en knoffel tot sag en gooi kruie by.3 Maak pastasous volgens pakkie se instruksies aan en voeg by uiemengsel.4 Roer gnocchi en kaas by sous en roer deur.5 Braai boerewors tot gaar en sit saam met gnocchi voor. SOETRISS IE-BOEREWORSEN-PASTA-GEBAK 4 porsies 1 ui, gekap 1 rooi soetrissie, gekap 1 geel soetrissie, gekap 1 groen soetrissie, gekap 5 ml (1 t) fyn knoffel 8 20 g (2 blikkies) Mediterreense tamaties 4 x 100 g boereworsstukke 250 g klein…

Maud Sumner het meer tyd in die buiteland as in Suid-Afrika deurgebring, maar het deur haar hele loopbaan uitstallings in Suid-Afrika aangebied en gereeld na Johannesburg, waar sy gebore is, teruggekeer. Op dié manier het sy ook ’n band met die Suid-Afrikaanse kunswêreld gevestig en is haar werk meer in omloop in die land as byvoorbeeld dié van Enslin du Plessis, wat hom ook in Engeland gaan vestig het, min kontak met Suid-Afrika behou het en hier grootliks vergete geraak het. Hoewel Sumner Suid-Afrika in 1922 verlaat het om letterkunde aan Oxford te gaan studeer, het sy byvoorbeeld in 1939 saam met kunstenaars soos Maggie Laubser en Cecil Higgs by die Nuwe Groep aangesluit, ’n groep kunstenaars wat nuwe lewe in Suid-Afrikaanse kuns wou bewerk. Sy het van 1941 af…

Erna wag dat die man voor haar klaar bedien word. “A, hierdie is ’n uitsonderlike horlosie, Meneer,” sê die bejaarde eienaar van die klein winkeltjie wat horlosiebatterye vervang en ’n paar stukkies juwele verkoop, hoofsaaklik tweedehands. “Ja, ek het dit nog in Switserland gekoop,” sê die lang, donker man. “Die battery het baie lank gehou, maar ’n uur gelede het ek besef dit het gaan staan.” “Ek is nou-nou by u, Dame,” sê die winkeleienaar. “My assistent is siek en ek is vandag alleen.” “Geen probleem nie. Ek sal wag.” ’n Goue kruishangertjie met pêrels en granaatstene in ’n vertoonvenster aan een muur vang haar oog. Sy staar daarna. Dit lyk nogal waardevol. Die donker man staan haar en aangaap. Bykans skaamteloos. Sy let op dat hy in sy laat-dertigerjare…

BANG VIR REPUTASIE My werk is van so ’n aard dat ek baie in kreatiewe kringe beweeg. Ek is gelukkig getroud en het baie platoniese vriende van wie die meeste gay is. Ek moet soms saam met hulle reis en dit pla my of my man glad nie, want hy vertrou my, maar mense skinder daaroor. Hulle dink ek verkul hom. Hoe hanteer ek dit? – Anoniem Jy het onwetend jou eie vraag beantwoord. As jy jouself vertrou en jou man jou vertrou, is al wat oorbly die indrukke wat ander mense van jou het. Is ander se mening werklik so belangrik? Indien wel, kan jy altyd die persoon voorstel as ’n vriend of vriendin wat saam met jou is. Dit is jammer dat ons in so ’n veroordelende samelewing…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Toe Jesus sy laaste asem uitgeblaas het, het hierdie gordyn in die tempel middeldeur geskeur SMS jou antwoord, voorletters, van en dorp/stad voor of op 30 Oktober 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…