Innholdsfortegnelse for 27 September 2019 i Vrouekeur

Ek kan nie eens probeer om iets oor die smart van ouers te skryf as hul kind sterf nie – dit laat mens sprakeloos. Martjie Roos skryf hierdie week spesifiek oor selfdood van kinders. Ek ken mense wat met die dood van hul kinders moet saamleef en ek weet dat elkeen van hulle al in ’n stadium gewens het hulle kan ook doodgaan – so erg is dit vir hulle. Die dood van jou kind is nie’n gebeurtenis nie – dis’n onbeskryflike verdere lewe van oorlewing. Die realiteit is dat van hulle ander kinders het wat nog leef en vir wie hulle wil of moet aanhou leef Vriende en familie is meestal so verstom geskok dat hulle nie weet wat om vir die bedroefde ouers te sê nie. Niks wat…

Jy sien eerste die lang lokke raak. Lokke wat lyk asof die Suidooster haar in’n skare sou uitsoek om mee te speel. As kind het sy ses jaar lank in Port Elizabeth gewoon, so die wind is niks vreemds nie. “Die seelug en die rustigheid van die Kaap werk vir my,” vertel sy. “Ek werk ook al my lewe lank vir lang rukke in Kaapstad en met die jare het ek al’n soliede vriendekring en infrastruktuur hier ontwikkel, so dit voel nie regtig vir my vreemd om hierdie jaar in die Kaap te woon nie.” Sonsondergange en strandstaptogte is vir haar’n groot bederf. En die feit dat Melkbosstrand géén verkeer het nie! Sy mis haar familie en vriende, maar sien hulle gereeld wanneer sy in Gauteng optree. “Ek mis ook…

Sy was ’n brose 15 jaar oud toe sy deur haar oom verkrag is. Haar ma het haar verwerp en sy is na ’n aborsiekliniek toe. Suzaan* is nooit toegelaat om oor haar traumatiese kinderjare te praat nie. “As jy vir iemand vertel, sal jou oupa beserker word en jou oom vermoor en tronk toe gaan. En dit sal jou skuld wees,” het haar ma gedreig. Sy moes ook stilbly oor ander volwassenes en vriende van haar ouers se seun wat haar gemolesteer het. Liefdeloos. Dis hoe mens Suzaan (38), nou ’n gelukkig getroude vrou en ma van drie oulike kinders, se kinderjare kan beskryf. Voor my sit ’n aantreklike en lewenslustige vrou wat vir my haar storie vertel om ander vroue te help. “Ek is as gevolg van my…

KOOP DIT HIER Bodycare from Africa www.bodycarefromAfrica.co.za Clicks www.clicks.co.za Faithful to Nature www.faithful-to-nature.co.za Lush www.za.lush.com Morlage & Yorke www.morlageandyorke.co.za Placecol www.placecol.co.za Savon www.savonproducts.co.za Sorbet www.sorbet.co.za The Body Shop www.thebodyshop.co.za Theravine www.theravine.co.za Woolworths www.woolworths.co.za JY HOEF NIE DIE BAD VOL WATER TE TAP – ’N KWARTVOL BAD IS MEER AS GENOEG! MAAK JOU EIE LYFSKROP Meng ’n koppie growwe sout met ’n halwe koppie olyfolie. Gooi ’n paar druppels essensiële olie by om dit te geur. Dis ’n natuurlike lyfskrop wat dooie velle verwyder. BADSOUT Meng twee koppies Engelse sout met ’n paar druppels laventelolie. Voeg dit by jou badwater vir ’n kalmerende effek. Die Engelse sout raak ook van gifstowwe in jou liggaam ontslae.…

#bakliefde Mareli ASPERSIETERT 1 tert1 pak (200 g) spek, in blokkies gesny1 groot ui, grofgekap1 blik (430 g) aspersiestukkies 910 ml (3 ⅔ k) melk½ blok (250 g) botter250 ml (135 g) koekmeel250 ml (100 g) kaas, grofgerasper45 ml (3 e) pietersielie, fyngekap10 ml (2 t) mosterd2,5 ml (½ t) soutknippie rooipeper4 groot eiers, geskei Voorverhit oond tot 180 °C en spuit oondpan van 27 cm x 36 cm met kleefwerende sproei. 1 Braai spek en uie tot gaar, skep uit en hou eenkant.2 Sny blik aspersies oop en gooi aspersievloeistof en melk in maatbeker tot dit een liter bereik.3 Smelt botter in pan, verwyder van hitte en gooi meel by. Roer tot mengsel glad is. Gooi melk-en-aspersievloeistof by en verhit terwyl jy dit roer. Kook tot witsous dik en…

Kook dit sag 1 T SUIKER IN DIE WATER WAARIN JY GROENTE KOOK, KAN DIT GLO GOUER LAAT SAG KOOK. SKUIF JY MEUBELS? As daar duikies op die mat agterbly, sit ys daarop. Laat dit droogword en die mat sal weer reg lyk. VRIES DIE SPEK Plaas spek in ’n enkel laag op waspapier en rol dit op. Vries dit nou. Dit sal keer dat die spek aan mekaar vasvries. PLAN VIR TACO’S As taco’s breek terwyl jy eet, is dit nogal ’n gemors. Sit eers ’n stuk blaarslaai onderin die taco voor jy die res van die vulsel insit. MUWWER IGE LAAI Sit suurlemoenskille in die laaie om die reuk weg te vat. WEG VAN DIE WIND EN WEER As daar kragdrade buite is, beskerm die kragprop deur twee…

Die pad tussen die Paarl en Franschhoek herinner my aan een van die vele paaie op die Amerikaanse Bourbon-roete, wat omsoom word deur reusebome, soms met perdekampe, soms onderbreek deur wingerde, soms deur laventellande, soms ruwe tuine met rankplante en struike en soms net ooptes wat jou oog tot teen die heuwels lei. Ons gaan die Bergrivier oor en die gevoel van vakansie kom sit in my lyf, al is dit net twee dae uit die malle gejaag. Die pad kronkel by die land se voorste wynplase en restaurante verby en kort-kort sien ons ’n donkergroen wyntrem by ons verbyry, vol laggende toeriste wat ons wynlande ervaar en geniet Ons ry deur die dorp wat uit sy nate bars van toeriste, straathandelaars met Afrikakuns en gidse wat groepies besoekers meer…

’N VOKALE WONDERWERK! Hy klink soos ’n nagtegaal! Sy naam is Scott Engelbrecht. Hy sing opera soos ’n ervare ster. Hy is net tien jaar oud. Met die eerste vertoning van die produksie Gé sing: Hoor my lied, het die gehoor hom staande toegejuig. Oppinoot voel gewoonlik dat kindersterre se stembande liefs by geboorte verwyder moes gewees het, want die meeste kreun, gil en skreeu. Dan is dit kwansuis oulik, maar eintlik is dit bloot irriterend! Nié Scott nie! Scott sing beheers in die regte sleutel en óp die noot. Hy is nie maar net nog ’n “ai foeitog”-laaitie nie. Hy ontvang die afgelope vier jaar al stemafrigting en sangopleiding van die Russiese operasangerers Yulia Patrasciou en die Suid-Afrikaanse talentpoetser Malie Kelly. Of hy in Afrikaans, Engels, Russies of Italiaans…

Ná die Pompidou-sentrum in Parys se onlangse oorsiguitstalling van Dora Maar se werk, open die grootste oorsiguitstalling wat nog van haar werk in Brittanje gesien is in November in die Tate Modern in Londen. Dié uitstalling, Dora Maar, met meer as 200 werke wat foto’s en skilderye insluit, bied ’n blik op haar kunspraktyk waaroor daar tot nou toe betreklik min bekend was. Dora Maar (1907–1997) se kuns is minder bekend as die feit dat sy bykans nege jaar lank, van 1935 tot 1943, ’n verhouding met Pablo Picasso gehad het. Gedurende dié tyd was Picasso ook in ’n verhouding met Marie-Therese Walter, by wie hy ’n kind, Maya, gehad het. Maar het in ’n reeks foto’s die skepping van Picasso se Guernica van 1937 gedokumenteer en Picasso het van…

Fees in Muldersdrift Die Mix Fest 2019 word van 28 tot 29 September by die Cradle Moon Game Lodge in Muldersdrift gehou. Kunstenaars soos die Springbok Nude Girls, Mango Groove, Desmond and the Tutus, Watershed, Shortstraw, Rubber Duc en Jerry and the Bandits sal daar optree. Daar sal ’n kosmark wees en akkommodasie is beskikbaar. Kaartjiepryse wissel en is via howler.co.za beskikbaar GISELLE OP DIE PLANKE Giselle keer terug na die Joburg Theatre. Hierdie klassieke balletopvoering deur Joburg Ballet is van 4 tot 13 Oktober te sien met musiek deur die Johannesburgse Filharmoniese Orkes. Kaartjiepryse wissel. Vk Bespreek via www.joburgtheatre.com of www.webtickets.co.za Rock of Ages Die Rock of Agesmusiekblyspel is van 26 September tot 20 Oktober in Johannesburg by Montecasino se Teatro te sien. Verwag klassieke liedjies uit die jare…

MOEILIKHEIDSGRAAD: ⋆ WAT HET JY NODIG? 5 balle Premier Natural Cotton DK (50 g) in Bluequila 4,5 mm-naalde AFKORTINGS r – regs rVa – regs voor en agter in dieselfde steek om een steek te vermeerder r2tes – regs 2 steke tesame AANWYSINGS Stel 5 ste op. 1ste ry: rVa, r tot laaste 2 ste, r2tes. 2de ry: r tot laaste st, rVa. 6 ste. Herh 2 rye tot serp sowat 150 cm lank is en 90 cm wyd oor ste op naald is. WENKE ▸ Brei die serp so lank soos jy verkies, maar dan sal jy ’n sirkelnaald nodig hê omdat die steke te veel vir reguit naalde sal word.▸ Hierdie katoenbreidraad is heerlik vir ’n somerserp. Gebruik DK-breidraad van jou keuse vir ’n winterserp.▸ ’n Geskakeerde breidraad…

WOORDSPEL 37 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 17 woorde, goed 21 woorde, baie goed 25 woorde of meer, uitstekend OPLOSSING: Snoeshaan, hosanna, oseaan, soenna, aanhê, aansê, henna, naoes, onses, saans, sanna, senna, aans, anna, anon, haan, hans, naas, nasê, neon, noen, none, sens, soen, sone Koderaai Elke syfer verteenwoordig ‘n letter van die alfabet. Om mee weg te…

• BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES• SMS die woorde ‘CAXTON VK’ na 47098 (R1,00 per SMS)• STUUR ’N FAKS na 086 670 4101 met jou besonderhede van hernuwing of intekening• SKRYF IN OP ONS WEBWERWE www.vrouekeur.co.za/ www.magsathome.co.za• STUUR ’N E-POS na subs@magsathome.co.za• POS’N TJEK uitgemaak aan RamsayMe dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450• Doen’n ELEKTRONI ESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys…

SD Fourie se jongste boek lees soos’n opvolg van’n vroeë roman en val tussen twee romans in. Dit speel weer teen die draai van die vorige eeu teen die kuslyn van die Overberg af en handel oor’n skeepskaptein wie se skip daar gestrand het en sy impak op die omgewing en sy mense – iets waarvoor die skrywer en haar oorlede man’n groot liefde gehad het. SD het al verskeie RSG/Sanlam-radio-dramakompetisies gewen en sy en die skrywer Jan Fourie was 56 jaar lank getroud, toe hy in Mei vanjaar oorlede is. Hulle het hul hele getroude lewe op Gansbaai gewoon. Jan was onder meer skrywer van Wisselstrale oor die Strandveld oor die kus rondom Danger Point. SD en Jan het saam verskeie streeksboeke, insluitende Duskant die duine (met’n aantal stories…

Voordele van optimisme Beskou die lewe optimisties en jy verbeter jou kanse om ouer as 85 te word, meen ’n kliniese navorsingsielkundige van Boston. Vroeër is 70 000 vroue en 1 400 mans bestudeer en is daar gevind hoe hoër die vlakke van optimisme, hoe minder chroniese siekes het hulle gehad. Op grond van hierdie studie is bevind die mense wat meer optimisties was se kanse om oud te word, is 50–70% hoër as hul pessimistiese eweknieë. Aanraking bring verligting Navorsers het tevore al bevind dat mens verligting van pyn kan kry deur bloot aan ’n geliefde te raak. Meer onlangse studies deur wetenskaplikes van Oostenryk en Spanje het bevind jy kan bloot in ’n geliefde se teenwoordigheid wees om jou pyn te verlig. As jy en jou geliefde hande…

BENEDIKTUSEIERS Genoeg vir 4 8 eiers4 Engelse muffins, oopgesny en gerooster8 snytjies Gypsey-hamhandvol mikrokruie HOLLANDAISESOUS 2 eiergele, kamertemperatuur15 ml (1 e) suurlemoensap2,5 ml (½ t) Dijonmosterd80 g (80 ml) botter 1 Geposjeerde eiers Druk die middel van een geperforeerde stuk Glad Wrap in ’n klein bakkie en spuit met kleefwerende kossproei (laat die res oorhang). 2 Breek ’n eier in die bakkie en geur met ’n knypie sout. 3 Vou die oorhangkante van die Glad Wrap bymekaar en bind styf vas met kombuistou sodat dit lugdig is. Herhaal met die res om agt pakkies te maak. 4 Bring ’n kastrol halfvol water oor matige hitte tot kookpunt. Sit die eierpakkies in, bring tot kookpunt en kook vir omtrent 4 minute vir sagte gele. Sny die pakkies versigtig onder die knope…

September-wenners wen twee Romanzas met die komplimente van LAPA Uitgewers: In Sophia Kapp se Tweede kans op geluk gaan Nanette terug na haar skoonouers se plaas, Geluk, maar dinge is nie hoe sy dit onthou nie. Haar seer en swaarkry is eg, maar is dit net een kant van die storie? Ontstig ontdek sy dat haar swaer, Barry, wat sy maklik kon afmaak as ongevoelig, iemand is wat weet wat die liefde is en hoe diep dit kan reik. Hartsbesit deur Anna van Tonder is ’n SuperRomanza met Minni Minnaar as die hoofkarakter. Sy verloor haar onderneming en haar vriendin nooi haar om op haar ouers se plaas te gaan kuier terwyl sy haar lewe in oënskou neem. Hier ontmoet sy vir Zak Erasmus, ’n aantreklike boer, maar dis die…

TOEP VAN DIE MAAND GOOGLE FIND MY DEVICE Daar is min dinge wat mens so laat skrik as wanneer jy agterkom jou slimfoon is weg. As jy ’n Android-foon het, is die Find My Device-toep jou oplossing. Laai die toep af op iemand anders se foon en teken in as ’n gas (onthou jou wagwoord!). Die toep spoor jou foon op ’n kaart op of wys waar dit die laaste keer aan was. Dis ook moontlik om die foon te laat lui, sowel as om jou foon se data te beskerm deur jou foon te sluit of die data te verwyder. SONY MAAK JOU ’N KOEL KALANT Met die kwik wat net in een rigting skiet, lyk dit of dit ’n vuurwarm somer gaan wees. Sony se nuwe Reon Pocketkan…

Johan Vorster en Karen Zoid is die skrywers van die sangeres, aktrise en TV-aanbieder Leah se jongste treffer, Kyk na my. Die resultaat is gelaaide poprockmusiek. Dit is ook die titel van haar nuwe album wat binnekort uitgereik word. Dié sielvolle ballade gaan daaroor dat almal op ’n tydstip in hul lewe op ’n weerlose plek kom, maar ook dat daar áltyd hoop is. “Ek het onmiddellik daarby aanklank gevind omdat ek self al deur moeilike tye in my lewe gegaan het, maar gelukkig genoeg was om iemand te hê na wie ek kon uitreik en wat my weer in myself laat glo het. Weerloosheid is deel van menswees. Johan en Karen het dié konsep gebruik om Kyk na my in ’n liedjie te omskep waarmee almal hulle kan vereenselwig.…

Die Amerikaanse dramatiese sopraan Jessye Norman kwalifiseer sonder moeite as diva, die begrip wat in die operawêreld vir soprane (en soms dalk mezzo’s) gereserveer word wat benewens vokale begaafdheid ook ’n magnetisme het wat hulle onweerstaanbaar maak. Dit is dié teenwoordigheid (waarna op Engels verwys word as presence) wat in die openbare oog en in die media soms dreig om oorskat te word en eweneens in (onbevestigde) anekdotes voortleef. So word daar van Norman gesê dat sy by geleentheid geëis het dat fyn watersproei voor haar uit in die lug gespuit word om met enige vorm van stof op die verhoog klaar te speel. Norman het dit ontken. Wat wel bevestig is, is dat sy op ’n keer die model Rolls Royce noukeurig gespesifiseer het waarmee sy op die lughawe…

SPYT OOR VERLEDE My man is die liefde van my lewe. Ek is bitter spyt dat ek hom eers op 30 ontmoet het. Voor ons mekaar leer ken het, het ek by talle mans in die bed gespring. Ek voel vandag vuil en skuldig daaroor. Ek het selfs one night stands gehad. Ek het hom nooit daarvan vertel nie, want ek het gevoel dit hoort in die verlede, ek is aan hom toegewy en dit sou hom net onnodig seermaak. Nou het ’n sogenaamde vriendin vir hom vertel dat ek op my dag ’n slet was. Hy is verpletter. Wat moet ek doen? – Teleurgesteld ’n Ware vriendin sou die saak direk met jou bespreek het en nie agter jou rug met jou man nie. Die realiteit is dat jy…

Die laaste wens van ’n liewe vriendin stuur Talla na die Glencoevallei in Skotland. Sy word egter by’n eienaardige rondloper, Mikey, se soektog na sy verdwene geliefde betrek. In die diep stilte van die vallei duik herinneringe aan Talla se kinderdae en aan haar eerste liefde, Astian, op. Sal sy dit waag om die antwoorde op vrae uit haar eie verlede na te jaag? 3 lesers kan die boek wen. SMS WOLK VERSAMEL AARS gevolg deur jou naam, van en adres voor 2 Oktober 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Ons het afgespreek om by ’n koffiewinkel in Kloofstraat te ontmoet, maar wanneer ek besef hulle is besig om aan ’n dak reg langsaan te werk en die geraas is uiters steurend, wag ek sommer voor in die straat vir haar. Ons sal elders ’n stiller plek moet uitsnuffel. ’n Rukkie later kom sy aangestap en jy kan haar nie miskyk nie. Lank en skraal, sy lyk soos’n model in haar noupassende swart leerbroek, hemelhoë swart skoene (uit Italië, verklap sy later) en’n los grys hemp. Die strooihoed gee die sjiek uitrusting net daai bietjie Afrika-oemf. Ons suiker weer bult op en besluit om sommer by my vriendin se huis daar naby te gesels. Dis koel op die agterstoep en Tarryn draai ’n grys stola om haar skouers, min gepla…

HOU JOU KIND SE FUNKSIONERING DOP – kyk of jou kind se slaap- of eetpatroon verander en of hy of sy minder sosiaal verkeer. LUSTELOOSHEID EN GEBREK AAN LEWENSVREUGDE – met ander woorde niks is meer vir jou kind lekker nie en hy of sy wil nie meer uitgaan of saam met vriende kuier of fliek nie. NEGATIEWE SELFSPRAAK – as jou kind oor als negatief voel. MINDERWAARDIGHEIDSGEVOELENS WAT TOENEEM – jou kind voel hy of sy is nie meer goed genoeg nie. FASSINASIE MET DIE DOOD – wanneer jou kind heeltyd oor die dood of begrafnisse praat. DWELM - EN DRANKMISBRUIK ISOLASIE VAN VRIENDE – wanneer hy of sy al hoe minder kommunikeer. IM PULSIEWE GEDRAG EN AGGRESSIEWE IRRITASIE BOELIEGEDRAG speel ’n groot rol en versorgers en opvoeders moet…

CAJUN-HOENDERLINGUINE 4 porsies4 velle pasta, in linguine gesny 4 hoenderborsies60 ml (¼ k) Cajun-speserye30 ml (2 e) bottter1 ui, gekap5 ml (1 t) fyn knoffel250 ml (1 pakkie) sampioene, gekap1 groen soetrissie, gekap1 rooi soetrissie, gekap250 ml (1 k) hoenderaftreksel500 ml (2 k) roomsuurlemoenpepersout 1 Kook pasta in borrelende soutwater tot al dente. Dreineer en hou eenkant. 2 Smeer hoenderborsies met Cajunspeserye. Braai in pan tot gaar. 3 Smelt botter in dieselfde pan en braai uie en knoffel tot sag. 4 Gooi sampioene en soetrissies by en braai tot sag. 5 Gooi aftreksel, room, suurlemoenpeper en sout by en laat kook. 6 Skep pasta in borde, gevolg deur sous en dan gesnyde hoenderborsies. SEEKOS-PAPPARDELLE 4 porsies4 pastavelle, in pappardelle gesny1 ui, gekap5 ml (1 t) fyn knoffel1 rooi soetrissie, gekap5…

MAAK TANDEKRY MAKLIKER Help babas wat tande sny – laat hulle aan die BABE-Eeze silikonhangertjie kou. Dis nie giftig nie en loodvry. Dis só ontwerp dat die krale nie van mekaar af sal lostrek sodat baba daaraan sal verstik nie. Dis in helder kleure en teen ongeveer R100 by Clicks beskikbaar. NUWE GEUR LINDT EXCELLENCEgaan in Oktober ’n heerlike nuwe soort sjokolade bekendstel: Cranberry, Almond & Hazelnut. Dit sal die eerste vrugte-en-neutekombinasie vir LINDT wees en sal ongeveer R44,99 kos. SIT SKOP IN JOU DAG Daar is nou ook ’n energiedrankie onder die Coca-Cola-vaandel in Suid-Afrika beskikbaar. Coca-Cola®Energyhet ’n verfrissende Coca-Cola-smaak en is teen ongeveer R14,99 vir ’n 300 ml-blikkie beskikbaar. GESKENK VIR KIETSIE Nie net kan jou kat sy naels op hierdie oulike gedoente skerpmaak nie, hy kan ook…

Ons het vir koffie in die kafeneon van die bergdorpie gestop. Dit was winter en daar was ’n houtstofie aan die gang binne. Dié het reg in die middel van die vertrek gestaan en sy skoorsteen het soos ’n dik, krom slang plafon toe en daarvandaan muur toe deur die lug geloop om die warmte uit te saai. Enkele dorpsmense – soos altyd, mans – het stug oor hul klein koppies koffie gebuk gesit, maar buite op die plein was daar ’n sonkolletjie en ons het liewer daar gaan sit. En toe die son weer wegraak en die koffie op is en die geselskap wil stol, gaan stap ons deur die dorp. Pas uit die kromming van die straatjie wat ons voor die voet gevolg het, maak dit oop en…

ROLPRENTE POLAROID Met Kathryn Prescott en Tyler Young Regisseur Lars Klevberg RILLER Onthou jy toe Ouma haar bokskameratjie uitgehaal het wanneer die familie opdaag en opdrag gegee het dat almal waardig moet poseer? Dit was ’n hele gedoente, want net om die gesinslede in dieselfde raampie te rangskik, was ’n sepie op sigself! Teen die tyd dat almal reg was, was die mense so moeg geglimlag, dat sommige gesigte afgerem begin raak het. Ander weer het gekraai soos hulle lag omdat Ouma nie die regte knoppie kon druk nie. Hierdie rolprent boots darem nie so ’n katastrofiese fotogeleentheid na nie, maar gaan oor ’n vrou wat op ’n stokou antieke kamera afkom waaraan sy geheg raak. Tot sy agterkom dat die voorwerp eintlik boos is en dat daar ’n vloek…

Duisende liters ink is al op besprekings gemors waarin flieks met boeke vergelyk word. Baie besprekings is bloot ’n soort “snobreaksie” deur boekliefhebbers wat sommer in beginsel enige pogings om flieks van boeke te maak, verwerp. Die argumente téén rolprentweergawes van boeke is oorbekend. Die argumente ten gunste van rolprente bo geskrewe tekste word net so dikwels goed gemotiveer. Die maklikste pad uit die debat is om ooreen te stem dat elke medium bepaalde voor- en nadele bied en verskillende moontlikhede inhou, om elke weergawe op sy eie te beoordeel, eerder as om te vergelyk. Een haakplek met hierdie oplossing is dat dit soms gebeur dat die een weergawe mens dalk daarvan kan afskrik om die ander weergawe te geniet. Die rolprent Ander mens wat onlangs uitgereik is, is ’n…

Milla kom by die voordeur in en glimlag skeef, asof sy ’n geheim ronddra. Haar sakke is volgestop. En toe is sy weer weg. Ek hou haar deur die kombuisvenster dop, steeds verbaas dat sy so lank alleen kan speel. By die rotstuin pak sy haar skatte een vir een uit: ’n gebreekte skulp, krummels herfsblare, klippe. Sy plant ’n stok wat soos ’n winterboom lyk langs die karoorose, en toe begin sy rondhardloop. Sy soek blomme. Sy pluk malvas en die pers blommetjies van die aartappelplant. Hande vol. Sy strooi dit oor die klippe uit. ’n Vierjarige se seremonie vir haarself. Ek staan soos ’n groeiende boom voor my jogaklas, maar binne my voel ek uitgedroog, soos Milla se boom in die rotstuin. Gestroop van wortels wat moet uitreik…

My liefde vir vensterbanktuinmaak het begin met die koop van ’n tweedehandse boek deur Jack Kramer genaamd Flowers at your Window wat in Londen uitgegee is. Ek het die boek aanvanklik gekies meer uit simpatie met tuiniers in die koue Noordelike Halfrond wat nie ’n ander keuse het as om tuinplante soos hibiskus en syselbos binnenshuis te kweek nie, as nou juis ’n ontluikende belangstelling in binnenshuise tuinmaak. Synde ’n huisvrou en tuinier, bring ek ewe veel tyd in my kombuis as in my tuin deur, dus het die sonnige, maar lee oostevensterbank bo die opwasbak vir my na nog ’n opsie gelyk om met plante te speel. As jy ook van die gedagte van “groen” vensterbanke hou, beproef dan die volgende idees: DRA JOU TUIN IN Glasflesse en -bottels…