Innholdsfortegnelse for 23 August 2019 i Vrouekeur

Daar is baie artikels in hierdie week se uitgawe wat ek kan uitlig as moet-lees. Die een wat persoonlik tot my spreek, is: “Die Dene se geheim”. Nadia de Kock het gaan ondersoek instel hoekom die mense in Denemarke so gelukkig is. Hul resep is nie ingewikkeld nie. Dit beaam vir my dat eenvoud die antwoord in die lewe is. Die Amerikaanse psigiater Morgan Scott Peck skryf só in sy boek The Road Less Travelled: Life is difficult. This is a great truth, one of the greatest truths. It is a great truth because once we truly see this truth, we transcend it. Once we truly know that life is difficult – once we truly understand and accept it – then life is no longer difficult. Because once it is…

“Ek het nie besef dit gaan so ’n dik roman wees toe ek begin skryf het nie, net soos mens nie besef hoe vet jy van ’n vakansie af gaan terugkom wanneer jy jou tassie begin pak nie,” gesels Zelda Bezuidenhout oor haar eerste roman vir volwassenes. Die dekonstruksie van Retta Blom is die verhaal van ’n middeljarige vrou wat haar “ware self” ontdek toe haar skynbaar perfekte lewe in ’n krisis ontaard. “Ek loop al jare met die konsep van ’n ’negatiewe ruimte’ in my kop rond en het geweet ek wil iets daaroor skryf,” sê Zelda verder. “Ek het ook geweet ek wil ’n storie skryf oor ’n gewone vrou wie se lewe skouspelagtig uitmekaarval. Die res het half organies gebeur. Karakters het hulself aangemeld en situasies in…

Die idee van ’n fietserige ding het in 2017 op Bettysbaai al ontstaan voor ek na Mosselbaai getrek het. Ek moes afskaal, koste bespaar. My Vytjie-kar moes met iets met twee wiele vervang word. (Vytjie is so genoem ter ere van Vytjie Mentor.) Ek was nog altyd ’n dromer en namate die nodigheid dringender geword het, het die dagdrome oorgeneem. So sien ek myself ’n paar keer per week vir koffie afrits na Baruch, Mosselbaai se beroemde koffierestaurant, en wuiwend mall toe ry vir inkopies. Hier kom Mosselbaai se eksentrieke, dog stylvolle tannie op twee wiele. Lang kleurryke serp à la Isadora om die nek. Toe ek agterkom wat die driewielbromfietse kos, sterf ’n droom en die gevaar van deur ’n serp verwurg te word, is afgeweer. Gelukkig hoor ek…

REUK IN DIE LUG ’n Huis wat lekker ruik, skep sommer ’n heerlike atmosfeer. Jy kan enige olie van jou keuse bo in hierdie oliebrander gooi en ’n teeligkersie daaronder aansteek. Die heerlike geur sal deur jou hele huis versprei, R99. www.poetrystores.co.za MOOI ÉN EKOVRIENDELIK Die Visit A Farm-eetgereistelletjie word van saamgeperste bamboes gemaak wat dit ekovriendelik maak. Dit sluit ’n bordjie, bakkie, glas, mes en vurk in, R299. www.yuppiechef.com *Pryse onderhewig aan verandering EET STADIG! Party honde verober hul kos net té vinnig. Die Gamebone-hondebakkie het klein rubberbene daaraan vasgeheg wat help dat honde nie te vinnig en gulsig eet nie en verbeter sodoende hul spysvertering. Dit word deur veeartse aanbeveel, R399. www.takealot.com SOP VIR SMULPAPE Twee nuwe soppe is by Pesto Princess se bestaande reeks gevoeg: Butternut soup…

AUGUSTUS-WENBOEK Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Bederf jou gesin met ou familiegunstelinge soos lewerkoekies, bobotie en skaapboud in die “toe”-gedeelte en geniet weer die liplekker lekkerte van melktert, gemmerkoekies en gemmerbier, om maar net enkeles te noem. As jou tyd beperk is, wend jou tot die kortpad-getoetste resepte in die “nou”-gedeelte waar die mikrogolf ingespan word, soos ’n sjokoladekoek wat in slegs sewe minute gemaak word, en beproefde, gesonder geregte soos spinasiegebak, pampoenmuffins, bobotie met ’n appellaag en eiervrugslaai. Die boek word deur Human & Rousseau uitgegee en is by toonaangewende boekwinkels beskikbaar ANITA SCHUTTE VAN PRETORIA IS ONS WENNER VANDEESWEEK: Nuttige wenk vir almal met jel-of akrielnaels: As jy ’n penmerk of permanente…

Oor die werk van die kunstenaar Paula Rego, wat in Portugal gebore is, kan mens uit verskeie hoeke heelwat sê, maar alles wat jy sê, kan na stories en die krag van stories teruggevoer word. Stories wat in die 84-jarige Rego se geval van heinde en ver kom – sommige gaan so ver terug as die volksverhale en kleuterrympies wat sy as kind by haar ouma gehoor het en ander, meer onlangse verhale, dié soort wat mense vir hulself en ander vertel omdat dit dikwels te moeilik is om die waarheid in die oog te kyk. Rego se ateljee in Londen – sy woon al sedert haar studentedae aan die Slade in dié stad – is propvol rekwisiete vir stories: hand-en papiermaché-poppe, speelgoed, klere en voorwerpe van allerlei aard wat…

As ek my hier-en-nou aan my kom-vandaan meet, voel dit partykeer of daar so min ooreenkomste is dat ek moet wonder of ek een en dieselfde mens is. Die kern van wat mens glo jou self is, is volgens sielkundiges nouliks een aaneengeskakelde kontinuum van jou begin tot jou einde. Ons is weinig meer as ’n voortgesette sameflansing van herinnerings deur ’n onbetroubare geheue vervaardig. Vat nou vir my. As ek voortgevaar het in die rigting wat ek so ywerig in my jeug gevat het, was ek nou ’n sendeling iewers vergete op die aardbol. Ek sit wel iewers ver op aarde, maar wat ek nou doen, vra meer verantwoordelikheid vir die liggaam en die intellek as vir die siel. Dalk is dit alles een. Maar toe ek ’n opgeskote…

HOOFSTUK 4 Wat voorheen gebeur het Het Ben nou aanstoot geneem omdat Mia hom gevra het of hy die pa van die baba is wat op Vreden wijn se drumpel gelos is? Onverstoorbare Ben wat onlosmaaklik deel van hul lewens geword het? Hy én die baba … Mia se hart klop hoog in haar keel. Ben sit so bedaard soos wat sy aard is, sy vingers losweg voor hom op die houttafel ineengestrengel. Sy blik wyk nie ’n aks voor hare nie. “Ek het dié vraag verwag, Mia.” Sy kry haar woorde terug. “Ek voel soos ’n skurk om jou dit te vra.” “Jy het die volste reg. Die polisie ook. Maar Mia, ek het die afgelope jare geen verhouding gehad nie. My vorige meisie het my gelos omdat ek…

Niks is ooit so eenvoudig as wat dit voorkom nie. Dit is die tema van regisseur Quentin Krog se aksieriller, Ander mens, gegrond op die bekroonde skrywer Zirk van den Berg se topverkoperroman. Die fliek, wat op 23 Augustus uitgereik word, volg die spanningsvolle verloop van ’n onwaarskynlike held, Daniël Niemand (Bennie Fourie), se lewe. Hy word die slagoffer van grootskaalse misverstande en sy lewe word onherroeplik omvergewerp. Sy saai bestaan ontaard meteens in ’n nagmerrie wanneer ’n konfrontasie met sy huweliksberader (Tim Theron) skeefloop en sy skelm werkgewer en misdaadbaas, Frank Redelinghuys (Frank Opperman), hom help om die gemors skoon te maak. Wanneer ’n versteekte kamera Frank se aartsvyand, die polisieman Mike Acker (James Borthwick), die geleentheid gee om uiteindelik hierdie krimineel en sy broer, Hansie (André Weideman), vas…

Ek kruip nou die aand by Timoné, my dogter, in om so ’n bietjie te cuddle en dink om in hierdie bydrae te skryf oor lesse wat my ma my geleer het. Ek sal graag by Timoné wil hoor wat sy eendag sal onthou wat ek haar geleer het. Ek vra haar toe. Sy is egter reeds half aan die slaap toe sy my antwoord: “Ek sal onthou Mamma het altyd gesê mens het twee keuses in die lewe: Take it or leave it.” Ek het gehoop vir iets diepers, maar ek troos my daaraan dat sy half aan die slaap was! Wat onthou jy van wat jou ma jou geleer het? Spottenderwys sê iemand: My ma het my geleer om te bid: “Jy beter bid die merk kom uit…

Sy voete jeuk. En of hy nou die verre vreemde, die wetenskap van kosmaak of bergpaadjies verken, hy bly nuuskierig oor wat die lewe kan bied. Díé dat hy soveel meer is as wat die oog kan sien. Die sluier van misterie wat om Armand Aucamp (32) hang, is onmiskenbaar. Miskien is dit die donker oë wat diep kyk en ewe donker hare wat nét reg val. Dalk ook die feit dat inligting oor hom in die media beperk is. Vra hom daarna, en hy antwoord: “Ek het onlangs wel meer openlik begin praat oor dele van my lewe wat ek nog nie met die publiek gedeel het nie – soos dat ek gay is (daar is ’n spesiale man met die naam Tannah Harris in sy lewe). “Ek dink…

Mens kan nie anders as om koue rillings te kry as jy die nuutste verkragtingstatistieke lees nie – volgens Statistieke Suid-Afrika word meer vroue in Suid-Afrika as enige ander land ter wêreld verkrag. Na beraming sal ongeveer 25% van alle vroue in Suid-Afrika in hul lewe verkrag word. “Daar is ’n wanpersepsie dat dit net as verkragting beskou word as die slagoffer nie die verkragter ken nie,” verduidelik, Annemie de Klerk, ’n sielkundige van Pretoria. “Mense word beslis nie net deur vreemdelinge verkrag nie, maar kan selfs deur ’n familielid, eggenoot of goeie vriend verkrag word.” Kykers van die gewilde kykNET-sepie Getroud met rugby was onlangs geskok toe een van die geliefde karakters, deur die sjarmante Jacques (Armand Aucamp) verkrag is. Die feeks van die sepie, Kristien (Marlee van der…

Mense van alle vorms en groottes kan 100% gesond wees en bly, óf dan die risiko hê om ’n siekte op te doen. So, al kan jou liggaamstipe en-vorm iets oor jou gesondheid sê, moet jy steeds gereeld dokter toe gaan vir algemene ondersoeke en toetse of as iets jou hinder. DRIE LIGGAAMSOORTE Daar is dalk ’n rede hoekom jy makliker spiere bou of moeiliker gewig afskud. Dit het dalk met jou liggaamstipe te doen. Daar is drie basiese liggaamsoorte: 1 EKTOMORF Mense met ’n ektomorfe liggaam is smal gebou met dun bene en smal gewrigte en het gewoonlik ’n plat bors en boude. Voorbeelde van mense met hierdie liggaamsoort is tipies modelle, dansers of langafstandhardlopers. Sulke mense sukkel om gewig aan te sit, maar kan meer liggaamsvet hê as…

GEKRUMMELDE VIS-WRAPS 4 porsies 6 stokvisfilette sonder velle125 ml (½ k) koekmeel45 ml (3 e) melk2 eiers, geklits250 ml (1 k) growwe broodkrummels200 g (1 houer) klein tamaties, in kwarte gesny½ rooi ui, fyngekap2 avokado’s, gesny250 ml (1 k) gekapte blaarslaai4 groot wraps SOUS125 ml (½ k) mayonnaise30 ml (2 e) tamatiesous15 ml (1 e) shrirachasous 1 sny vis in vingergrootte repies. 2 Rol in meel. Klits melk en eiers saam en rol visvingers in eiermengsel. Dompel vis in broodkrummels. 3 Braai in vlak olie tot goudbruin en gaar. 4 Pak visvingers, tamaties, rooi ui, avokado en blaarslaai op wraps. 5 Sous Meng alles en gooi oor bestanddele. Rol wrap op en sny in helfte. Sit dadelik voor. GRIEKSE GEKRUMMELDE VIS 4 porsies 4 groot stokvisfilette sonder vel30 ml (2…

Ek en my reisgenoot land ná twaalf die aand op Miami-lughawe in Florida. Dit was ’n lang dag van vlugvertragings en ’n vlieënier wat nie opgedaag het nie. Maar in South Beach, waar ons oornag, is dit altyd spitstyd en geen probleem om eenuur die oggend ’n wafel met bourbonstroop te bestel nie. Ons bly in die Colonyhotel, en al het ons ’n agterste kamer, kan mens die geraas deurnag hoor, want in South Beach, Miami, word nie geslaap nie. Die volgende oggend, steeds effens suf ná die vlug, stap ons strand-af om na die ry ikoniese Art Deco-geboue uit die jare dertig langs die promenade te kyk. Voor die huis waar Gianni Versace vermoor is, het iemand ’n blom op die trappe gelaat. ’n Paar foto’s later is ons…

DANNY SMOKE SMEUL! Nou ja, al gewonder wie naastenby met Jay (du Plessis) van Eden-faam kan meeding? Die antwoord is Danny Smoke! Sy debuutalbum, Swaeltjies, is ’n uitbundige energieke pop-album met betekenisvoller lirieke en aanhitsende melodieë… Wel, meestal! Die stuitige openingsnit, Jou lippe, gevolg deur die ewe stoute Gaan ons inlê?, is weliswaar borrelgomsnitte, waarin selfs daardie aaklige “my baby”-frase kop oplig! Die gewaagde musiekvideo van Jou lippe, wat ook op YouTube afgeloer kan word, is in meer as een opsig ’n ware lusmaker! Inderdaad is die video, wat deur Christian Wolf vervaardig is, se doel om mense aan te moedig om kanse te vat en soveel as moontlik van daardie herinneringe te maak. Die kurwe-model Jeanine Viljoen moedig die kyker aan. Terloops, dié video is sónder elektrisiteit met batterykrag…

Die musiekgeskiedenis wemel nogal van wonderkinders, beginnende by Wunderkind nommer een, Wolfgang Amadeus Mozart, wat op vier begin komponeer het en op 12 reeds tien simfonieë geskryf het. So ook Ludwig van Beethoven. Hoewel sy pa aangevoer het hy was ses, was klein Ludwig sewe toe hy sy eerste openbare uitvoering gegee het. Die Chileense pianis Claudio Arrau was skaars 11 toe hy tot die gesogte Stern-konservatorium in Berlyn toegelaat is. Maar dit is dalk te verstane, aangesien hy note kon lees voordat hy letters kon lees. Lang Lang sou moeiteloos die wonderkindlys kon haal. Hy het op drie begin klavier speel, was nog nie vyf nie toe wen hy die Shenyang-klavierkompetisie én gee sy eerste openbare uitvoering en op nege is hy toegelaat om aan Beijing se sentrale konservatorium…

@ home www.home.co.za Coricraft www.coricraft.co.za Le Creuset www.lecreuset.co.za Mr Price Home www.mrphome.com Poetry www.poetrystores.co.za SHF www.shf.co.za Yuppiechef www.yuppiechef.com…

GROOTTE Pas mediumgrootte AFMETINGS (ONGEVEER) Agterpant is 56 cm breed en 58,5 cm lank Voorpante is 30,5 cm breed en 58,5 cm lank Moue is 53,5 cm breed aan begin, 11,5 cm lank tot voor moutopvorming en 16,5 cm tot einde. WAT HET JY NODIG? 5 balle ELLE Cotton On 4-draad (100 g) in Pink 4,5 mm-naalde 3,25 mm-hekelnaald (opsioneel vir hekelrandjie) AFKORTINGS lb – langbeen; r – regs rs – reksteek (elke ry regs) BREI-INLIGTING ’n Dikker naald as wat op verpakking aangedui word, word gebruik om ’n sagter eindproduk te verseker. As jy dit digter wil hê, sal jy meer steke moet opstel. Volg dan bloot afmetings soos aangedui. AANWYSINGS REGTERVOORPANT Stel 56 ste op en werk in rs tot voorpant 48,5 cm lank is, eindig met VK-ry.…

WOORDSPEL 32 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 12 woorde, baie goed 15 woorde of meer, uitstekend OPLOSSING:Verchroom, hervorm, oervorm, verhoor, vermoor, omvoer, voorhê, vormer, omver, vomer, vrome, vroom, voer, voor, vorm Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk…

Laudo Liebenberg is vandeesweek op die groot skerm in die fliek Ander mens as Louw, ’n speurder, te sien. Hy het een jaar drama aan die Universiteit Stellenbosch studeer, maar toe stig hy die Sama-bekroonde rock band aKING en hulle het gou een van die land se gewildste groepe geword. Laudo en sy vrou, Cara, bly op Milnerton naby die see, en hulle bring baie tyd saam met hul hond, Finn, deur. Hulle is in Oktober vanjaar drie jaar getroud. “Cara is my anker in die lewe,” sê hy. Hoewel hy dalk nie so bekend in Afrikaanse sepies en reekse is nie, het hy drie reekse van die Amerikaanse reeks Black Sails op sy kerfstok. Op die verhoog het hy sowat tien jaar terug sy slag in Die hamer van…

Toe Ollier-siekte kleintyd by haar gediagnoseer is, het dokters Maretha Kruger se ouers min hoop gegee dat sy verby haar vroeë twintigerjare sou leef. Dié siekte van die skelet veroorsaak kraakbeengroeisels binne-in die bene en word deur geweldige pyn en vervorming van die ledemate gekenmerk. Die groeisels kan potensieel in ’n seldsame kanker omsit wat nie deur chemoterapie genees kan word nie. Aan die einde van haar graadagtjaar is kanker in haar regterarm gekry en ’n ortopeed kon dit suksesvol verwyder. Die arm is ’n klein bietjie korter as haar linkerarm en steeds ná al die jare nie so sterk as wat dit was nie. As jy dié ystervrou leer ken, sien jy daar is min dinge in die lewe wat sal maak dat sy nie weer opstaan nie. Sy…

KOOP DIT HIER Clicks www.clicks.co.za Dis-Chem www.dischem.co.za Hannon www.hannon.co.za Inoar www.inoar.co.za Sk.in www.skiningredients.com Takealot www.takealot.com The Body Shop www.thebodyshop.co.za Woolworths www.woolworths.co.za Zando www.zando.co.za…

WORTELKOEK 1 koek 750 ml (300 g) wortels, grofgerasper2 50 ml (100 g) pekanneute, grofgebreek125 ml (65 g) rosyne500 ml (260 g) koekmeel10 ml (2 t) koeksoda5 ml (1 t) sout7,5 ml (1½ t) kaneel310 ml (1¼ k) olie250 ml (210 g) suiker250 ml (210 g) sagte bruinsuiker5 ml (1 t) vanieljegeursel4 groot eiersVERSIERSEL100 ml (100 g) sagte botter1 houer (250 g) volroom-roomkaas950 ml (500 g) versiersuiker1 0 ml (2 t) suurlemoensap gekaramelliseerde neute Voorverhit oond tot 180 °C. Voer twee 23 cm-koekpanne met waspapier uit en spuit met kleefwerende sproei. 1 Meng wortels, neute en rosyne. 2 Sif meel, koeksoda, sout en kaneel oor wortelmengsel en roer deur. 3 Klits olie, suiker, vanieljegeursel en eiers saam. Gooi oor beslag en meng goed. 4 Skep beslag in twee panne en…

FACEBOOK WIL BETALING MAKLIK MAAK MET LIBRA Mark Zuckerberg en sy vriende by Facebook is altyd aan die dink hoe om nóg geld te maak. Hul jongste probeerslag vat dinge tot ’n logiese slotsom – hulle skep sommer hul eie geldstelsel! Facebook noem dit Libra, ’n vaste kripto-eenheid wat nie spekulasie-gegrond is soos Bitcoin nie. Die sosiale mediareus, wat natuurlik ook WhatsApp en Instagram besit, wil dit makliker maak om geld elektronies oor te dra, sowel as om dinge op die net te koop sonder om jou kredietkaart uit te haal. Jy koop Libra met gewone geld, en betaal iemand dan sommer deur WhatsApp of Facebook Messenger – hulle hoef nie eens ’n bankrekening te hê nie. In teorie behoort dit so maklik te wees as om ’n foto aan…

ROLPRENTE ANGEL HAS FALLEN Met Gerard Butler en Piper Perabo Regisseur Ric Roman Waugh AKSIEDRAMA Hy is een van die aantreklikste geheime agente op die planeet. As jy hoor dat hy deur Gerard Butler gespeel word, is jy seker nie verbaas nie. Ooglekkergoed word nie in mooier lywe as syne verpak nie! Maar daar is ’n kinkel in dié spioenasiedrama. Hy word daarvan verdink dat hy die Amerikaanse president wou vermoor. Wat hierna gebeur, is tipies van soveel ander soortgelyke aksiedramas. Dit sal jou laat besluit of jy geld hierop gaan uitgee. Die prikkelprins vlug voor die FBI en sy kollegas, en weet nie of hy sy onskuld sal kan bewys nie. Hoe dikwels tevore het jy nie al hierdie storie gesien nie? Dalk slaag die Hollywood-droomfabriek daarin om ’n…

Die boek van gelukkige eindes is propvol uiteenlopende mense se stories. Soos Willemien, wat twee keer, 25 jaar uit mekaar, deur dieselfde man verlei word en elke keer met ’n baba agtergelaat word sonder dat sy weet waar om hom weer op te spoor. Of die ouer Priscilla wat graag verhoudings met jonger mans aanknoop en op dié manier wegkom van haar man wat aan demensie ly. Of Simone wat haar met haar kunsprojekte in haar man se garage onttrek. Of Neil, die restauranteienaar wat te skaam is om te erken sy klein vroutjie rand hom aan. Of Caitlin, die kunsonderwyser wat aan ’n groter projek werk om die versierde vroulike liggaam te ondersoek en mans gebruik. En dan is daar nog Connie, wat haar man, ’n sielkundige, verlaat wanneer…

Dis jagnaweek. En Maria Elizabeth het haar eerste tand gesny. Dis dié dat daar soveel babadoeke op die wasgoeddraad hang. En spierwit lakens. Die beddens in die ronddawel moet voor vanaand skoon oorgetrek word. Die wasgoeddrade is teenaan die koejawelboord. Eers was daar net een basterkoejawelboom op die plaas. In die voortuin. Emma met haar voorliefde vir koejawels het dit mooi versorg en het die ryp vrugte gereeld geoes om te keer dat dit op die grond val en vrot. Sy het by Moos geleer hoe om die bome te snoei. Japie het later, vir hul vierde huweliksherdenking, vir haar ’n paar bome gegee. Elke jaar het sy nog bome aangeplant. In die winter kry die plaas darem goeie reёn. Sy kan nie voorbly met al die bestellings van die…

Wanneer die somer warm en droog is en die son reeds op ons neerbak, raak tuine al dorstiger. Aangesien water ’n skaars en al duurder hulpbron is, moet ons tuiniers elke druppel laat tel en al die water moontlik probeer bespaar vir dae sonder reën. SES WATERBESPARINGSWENKE Met goeie beplanning en slim kunsies kan jy met ’n skoon gewete aanhou om pret in die tuin te hê sonder om die damme leeg te tap. 1 WATERSONE Groepeer plante saam volgens hul watervereistes: 1-druppel-, 2-druppel-, 3-druppelen geen-druppelsones. (Laasgenoemde sluit harde oppervlakke in soos deurdringbare plaveisel en gruis, asook plante wat slegs van reën afhanklik is as hulle eers gevestig is.) Plant ’n verskeidenheid endemiese en geharde inheemse plante wat vir jou klimaat geskik is as blywende raamwerk wat die meeste van…

GÉ SE MUSIEK Dis vanjaar 20 jaar sedert Gé Korsten se stem stil geword het, en sy lewe en loopbaan word in Frans Swart se huldeblykproduksie Gé sing: Hoor my lied! gevier. Die produksie word op 31 Augustus om 20:00 in die Big Top Arena by Carnival City aangebied en besoek daarna GrandWest se Grand Arena op 28 September. In die produksie word oudiovisuele argiefmateriaal vertoon en sy musiek word deur van die land se voorste kunstenaars soos André Schwartz, Louis Loock, Arina de Witt en Jannie Moolman vertolk. Bel 0861 915 8000 of besoek www.computicket.com MO MAGIC OP DIE VERHOOG Mo Magic is vir vyf vertonings by die Auto & General Theatre on the Square in Sandton te sien. Die vertonings van 27 tot 31 Augustus is ideale gesinsvermaak.…

BISEKSUELE VERLOOFDE My verloofde het teenoor my gebieg dat hy biseksueel is en in die verlede verskeie minnaars van beide geslagte gehad het, maar dat hy nou net aan my toegewy is. Dit besorg my slapelose nagte. Ek staan einde van die jaar saam met hom voor die kansel. Moet ek hom los? Ek het hom liewer as die lewe. – Nagmerrie Jy sal verbaas wees om te hoor hoeveel mans en vrouens biseksuele voorkeure het of daarmee eksperimenteer. Die eksperimentering met geslagsidentiteit begin vroeg in ’n kind se lewe. As ’n seksuele identiteitsvorm om welke rede ook al gemis is, kan dit as volwassene ingehaal word. Die implikasie is dat dit net meer traumaties kan wees hoe langer ná dié lewensfase iemand deur so ’n lewenskrisis gaan. Noem aan…