Innholdsfortegnelse for 9 August 2019 i Vrouekeur

Vrouedag in 2019 behoort ’n dag te wees wat ons eintlik nie meer hoef te vier nie. In die 21ste eeu behoort alle mense mos ewe waardig te wees. Nieteenstaande die spronge wat die afgelope 2 000 jaar gemaak is, lyk dit vir my ons gaan dié dag inderdaad nog lank onder sekere mense se aandag moet bring. Soms voel dit vir my dié mense het in die Middeleeue of nog vroeër vasgehaak as hulle hul denke verwoord. Ek klink al soos ’n plaat wat vashaak wanneer ek weer eens verwys na die mense in die Skandinawiese lande wat ander lande (soos Amerika) ligjare vooruit is. Met ’n vrou soos Jacinda Ardern aan die spits van sake in Nieu-Seeland, is dié wêrelddeel ook ’n plek waar ek dink mens sou…

“Die eerste boek wat my behoorlik vasgevang het, was Tarzan. As ek reg onthou, is dit deur AM van Schoor in Afrikaans vertaal. Ek het dit op ’n rakkie in die buitekamer van die plaas Kromdraai, waar ek tydelik by een van my tantes gebly het, ontdek. Van toe af is ek ’n gevangene van alles wat die belofte van avontuur inhou: misdaad, ‘murder most foul’ en enige vorm van vuilspel. Dus lees ek veral die Skandinawiese misdaadromans, ons eie Deon Meyer en al die ander uitstekende skrywers in hierdie genre wat deesdae in Afrikaans skryf. “Aan die ander kant is ek ’n groot bewonderaar van Elizabeth Strout en Marilynne Robinson met hul deursigtige, glashelder en gestroopte styl. Die Dao van Daan van der Walt het my oneindig veel plesier…

▸ Een van die moeilikste goed om te doen, is om te probeer om ’n hekelpatroon te verstaan. Jy moet alles antikloksgewys draai en dan nog boonop kophou. My suster het links leer hekel om my te leer hekel.▸ Ek is op skool gedwing om regs te skryf. Nou kan ek albei hande vir allerlei take gebruik.▸ Soms wonder ek of die omklitsing nie op ’n manier goed was vir mens se brein nie. Dit leer jou om dinge om te swaai en van alle kante te beskou.▸ Ek weet nie van slimmer nie, maar ek is links. Dalk is daar by my net toegankliker benutting van regterbreinvermoëns en kreatiwiteit met die oorkruising van die linkerhandskakel met regterbrein – ’n Mediese dokter▸ Ek is beslis beter wat multi-tasking betref. Ons…

Soos met enige toestand, is die prognose die beste as dit vroeg opgespoor en behandel word. Só sê Ruahan Naudé, uitvoerende hoof van Dynamic Vision. “Dit geld ook vir jou kind se sig, want omdat die oog nog ontwikkel, moet langtermynskade voorkom word. Laat dus jou kind se oë gereeld deur ’n optometris toets en indien nodig moet die voorgeskrewe bril gedra word om die sig te herstel en stremming op die oë en verdere skade te voorkom. “Moenie uit jammerte vir jou kind omdat hy/sy moet bril dra, dit uitstel om een te kry nie. Daar is geen voordeel daaraan verbonde nie. Sy/haar oë sal nie ‘lui’ word omdat hy/sy ’n bril moet dra nie. Sonder die voorskrifbril kan jou kind se oë eerder versleg en op die duur…

Dis ’n pragtige vrou wat my by haar smaakvolle huis met varsgemaalde koffie en varsgebakte hertzoggies ontvang. Zelna Oberholster is die toonbeeld van sukses. Sy het ’n MBA, is ’n lewenstylbestuurder by ’n groot maatskappy, ’n gekwalifiseerde neurolinguistiese programmeringsafrigter en kognitiewe-gedragsterapie-afrigter en tree as motiveringspreker op. Maar haar merkwaardige suksesstorie het ’n baie hartseer begin gehad. Zelna moes haar pad deur hartseer, verkragtings en ’n hele paar gebroke verhoudings oopveg tot waar sy vandag met die lesse wat sy langs die lewenspad geleer het, ander bemoedig. “My boek, Napierville, en my praatjies handel oor die lesse wat ek uit verskeie verkragtings as kind geleer het, veral ten opsigte van weerbaarheid. Ek help werknemers by maatskappye om die konstante veranderings in hul werksplek en persoonlike lewe te kan verwerk.” Sy sê…

FRIKKADEL-EN-TAMATIESOUS-PASTA 4 porsies 400 g kaaswors60 ml (¼ k) rooi pesto1 ui, gekap5 ml (1 t) knoffel400g (1 bottel) tamatiepastasous500 g spaghetti vars basiliekruid vir bo-op 1 Haal vleis uit derm en rol frikkadelle. Gooi in prutpot.2 Roer pesto, ui, knoffel en pastasous by.3 Stel prutpot op hoog vir twee tot drie uur of laag vir vier uur.4 Gooi spaghetti by en stel op hoog vir nog 20 minute of tot pasta gaar is.5 Sit met vars basiliekruid voor. KNOFFEL-EN-HEUNING-HOENDER 4 porsies 8–12 hoenderdye80 ml (⅓ k)heuning10 ml (2 t) fyn knoffel125 ml (½ k) sojasous60 ml (¼ k) tamatiesous10 ml (2 t) Italiaanse kruie500 g klein aartappels100 g (1 pakkie) klein wortels100 g (1 pakkie) klein mielies100g (1 pakkie) mangetout-ertjies 1 Gooi hoenderdye, heuning, knoffel, sojasous, tamatiesous, kruie en…

Die briefie op ons bed in die JW Marriott New Orleans-hotel, skree in groot letters: “Welcome to NOLA!” Dit neem ’n rukkie om te besef hulle bedoel New Orleans, Louisiana. Dit neem nog langer om te glo dat ek regtig in die hartjie van die Franse kwartier in Louis Armstrong se geboortedorp is en dat daar regtig jazz in die strate is. Om die hele week in die stad te wees, is ’n rare voorreg en ons wil soveel moontlik inpas om die ryk kulturele aanbiedinge wat beskikbaar is, ten volle te geniet. Vanuit ons hotelkamer hoog in die lug kyk ons uit oor Canalstraat, die stad se hoofstraat en ook die plek waar die Hollanders en Franse baie jare gelede baklei het oor wie nou eintlik die stad besit.…

Die loopbane van drie van die Renaissance se vernaamste kunstenaars het bykans twee dekades lank oorvleuel – tussen 1500, die jaar waarin die jong Rafael (1483–1520) aktief begin skilder het, en 1519, die jaar waarin Leonardo da Vinci (1452–1519) dood is. Rafael is die volgende jaar dood terwyl die derde figuur in dié driemanskap, Michel angelo (1475–1564), die rype ouderdom van 88 gehaal het. Hulle was drie reuse in die kunsgeskiedenis, maar ook drie verbete mededingers met min ooghare vir mekaar. Met die dood van Rafael op 37 – volgende jaar 500 jaar gelede – is die ganse Rome in rou gedompel. Hy is in die Pantheon met dié woorde op sy grafsteen begrawe: “Hier lê die beroemde Rafael. Terwyl hy gelewe het, was Moeder Natuur bang hy oortref haar,…

Ter viering van die Vrouedaglangnaweek kan klassieke musiekliefhebbers by die 11de Klein-Karoo Klassique op Oudtshoorn musiek deur uitsonderlike vroue geniet. n Hoogtepunt by vanjaar se fees is die Galakonsert wat Saterdag ter viering van Vrouedag aangebied word. Dit is ’n produksie met duo’s en trio’s uit operettes, musiekblyspele en operas. Die Kaapse mezzo-sopraan Minette du Toit-Pearce, die TV-persoonlikheid en Kunste Onbeperk Jong Stem-vereerde Lynelle Kenned en Janel Speelman, wat tot onlangs in die VSA gewoon en opgetree het, is hierin te sien. Lynelle Kenned (31) weet wat Vrouedag nie mág wees nie: “Gewis nie ’n aanslag deur angry feministe of toxic/wounded masculinity nie! Eerder solidariteit met vroue vir vroueregte én introspeksie oor onsself.” Sy wys uit dat ons almal deur ma’s in die wêreld gebring is. “Daarom is dit eerstens…

Mense word al hoe ouer en volgens wetenskaplikes het dit glo net sowat 30% met ons gene te make, wat beteken die meerderheid van die ander faktore is in ons hande. Jy’s natuurlik magteloos as daar ’n Ebola-epidemie in jou omgewing uitbreek of ’n tsoenami oor jou aftreehuisie by die see rol, maar dis onwaarskynlik. Die meeste van ons kan dus na ’n langer lewe uitsien, wat sekerlik sy voordele het. Mits jy natuurlik ’n skaflike pensioen het of kinders en kleinkinders wat bereid is om jou finansiële las ligter te maak. Maar dalk sit jy in dieselfde bootjie as die uwe, geen kind of kraai nie en ’n pensioen wat jaarliks retireer. Hoe dit ook al sy, niemand wil voortydig die emmer skop nie en wenke oor hoe om…

Vygies (Mesembryanthemums) is so Suid-Afrikaans as kan kom. Hierdie plantjies se naam is afkomstig van hul vrugkapsules wat soos klein vye lyk. Vygies is deel van ’n allemintige familie met ongeveer 1 800 verskillende spesies, wat in 123 genera verdeel word. Met so ’n groot groep kan jy ’n diverse reeks plante verwag, van vrolike klein eenjariges tot robuuste struike en blomme in amper enige kleur van die reënboog. Daar is soveel vorms: lae struike, polvormige grondbedekkers en duimgrootte knopies. En die blare! Silindries, plat, tongvormig, rof, glad, getand, kristalagtig of gekarteld. Soms neem die blare omtrent die hele plant op, lyk soos klippies en is in hul natuurlike habitat omtrent onsigbaar. In so ’n familie kan jy ook baie kleure blomme en groottes van blomme verwag, maar vygies se…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Sensitiewe apparaat om die snelheid van voertuie te bepaal SMS jou antwoord, voorletters, van en dorp/stad voor of op 28 Augustus 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 29 woorde, baie goed 39 woorde of meer, uitstekend Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter in die alfabet se kode is.…

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…

Hierdie reeks bied ’n effense verrassing vir kykers, want in die eerste episode word daar reeds tien deelnemers uitgestem. Die reeks gaan dan voort met tien onthou kokke en tien kinkelkokke. ’n Onthoukok is volgens die vervaardigers “die fakkeldraers vir onthoukos en al het hulle nie formele sjefsopleiding en professionele ondervinding nie, klop hul harte warm vir tradisionele kos.” Kinkelkokke moet op hul beurt hul sjefskwalifikasies, professionele kombuiservaring en uitstekende tegniese vaardighede vernuwend inspan. Paul Venter, die vervaardiger, sê: “Daar is reeds met die beginfase van hierdie seisoen besluit om drie beoordelaars, eerder as twee beoordelaars en ’n aanbieder, te gebruik. Dit help dat daar ’n onewe getal beoordelaars is en daar só makliker op ’n duidelike uitslag vir elke episode besluit kan word.” Hy sê: “Sam was ons eerste…

Baie skole reël oogtoetse vir leerders wat ’n aanduiding van oogprobleme kan gee. ’n Optomotris kan die kind dan vir spesifieke oorgprobleme ondersoek. Volgens die Amerikaanse Akademie van Pediatrie kan die volgende oogprobleme by kinders voorkom. ASTIGMATISME – die kornea is oneweredig gevorm en sig is dof. VERSTOPTE TRAANKLIERE KATARAKTE – die lens is wolkerig. KARKATJIES – ferm, pynlose knoppie op die ooglid weens die verstopping van ’n oliekliertjie. HANGOOGLEDE – die spiere in die ooglid is swak. PSEUDOSKEELHEID – veroorsaak deur ’n wye neusbrug of ekstra voue tussen die neus en oë. VERSIENDHEID – kan dinge naby nie duidelik sien nie. GLOUKOOM – die drukking in die oog is te hoog. Onbehandeld kan dit tot blindheid lei. AMBLIOPIE OF LUI OOG – verminderde visie in ’n andersins normale oog,…

AUGUSTUS-WENBOEK Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Bederf jou gesin met ou familiegunstelinge soos lewerkoekies, bobotie en skaapboud in die “toe”-gedeelte en geniet weer die liplekker lekkerte van melktert, gemmerkoekies en gemmerbier, om maar net enkeles te noem. As jou tyd beperk is, wend jou tot die kortpad-getoetste resepte in die “nou”-gedeelte waar die mikrogolf ingespan word, soos ’n sjokoladekoek wat in slegs sewe minute gemaak word, en beproefde, gesonder geregte soos spinasiegebak, pampoenmuffins, bobotie met ’n appellaag en eiervrugslaai. Die boek word deur Human & Rousseau uitgegee en is by toonaangewende boekwinkels beskikbaar KATHY BEUKES VAN MIDDELBURG HET VIR ONS HIERDIE WENK GESTUUR: Sny oorskietseep met ’n mes op en gooi dit in ’n…

GIN-EN-TONIC-YSKASTERT 1 tert 1 pak (200 g) tennisbeskuitjies45 ml (3 e) botter, gesmelt10 ml (2 t) gelatien30 ml (2 e) water1 kg volroom- Griekse jogurt1 blik (385 g) kondensmelk60 ml (¼ k) jenewer BOLAAG 45 ml (3 e) suiker1 blik pienk tonikum10 ml (2 t) gelatien pienk koekkleursel vars bessies 1 Kap tennisbeskuitjies fyn en meng met gesmelte botter. Druk krummels stewig op bodem van tertbak vas.2 Meng gelatien en water en laat staan vir paar minute om te spons. Verhit mengsel in mikrogolf tot gelatien gesmelt is.3 Meng jogurt, kondensmelk en jenewer. Gooi gesmelte gelatien by en meng goed. Skep vulsel op kors. Plaas tert in mikrogolf vir vier en ’n half minute op hoog. Laat tert afkoel en verkil in yskas.4 Bolaag Meng suiker en derde van tonikum…

Die taal van liefde is universeel, maar nie almal druk dit reg uit nie. Nou het drie sangers liedjies oor die liefde opgeneem wat verby die geyktheid van blommetjies en bytjies strek, die kompleksiteit daarvan belig en die vrou met deernis besing. Die deurlopende temas is om te verpoos, tyd vir mekaar te maak en die liefde te herontdek. LOUIS GELDENHUYS DEBUTEER STEWIG Elke snit op Louis Geldenhuys se album, Harte in die lug, pols met opgewekte, meesleurende wysies en vrolike liefdeslirieke. Die titelsnit kom uit die pen van die bekroonde musikant, sanger en musiekregisseur Dennis East. Dié snit vertel van twee verliefdes wat enige plek en enige tyd hul drome en wense met mekaar kan deel. Hulle is soos ballonne in die lug, wat deur die wind gedryf word…

Wat het die komponiste Hugo Wolf, Dmitri Sjostakowitsj en Benjamin Britten gemeen? Al drie het gedigte van Michelangelo Buonarroti getoonset. Benewens skilderwerk soos dié in die Sistynse kapel en beeldhouwerk soos Dawid in die Galleria dell’Accademia in Firenze, het Michelangelo later in sy lewe ’n hele aantal gedigte, onder meer madrigale en sonnette, geskryf. Met die dood van sy tydgenote en mededingers Leonardo in 1519 en Rafael in 1520 het hy alleen oorgebly. Hy was 45 jaar oud en tot sy dood op 88 was die tweede helfte van sy lewe dalk meer besinnend van aard as die eerste helfte – toe hy homself ten alle koste in die geselskap van dié twee tydgenote wou bewys. Sy talent het ook op ’n nuwe manier uiting gevind: in argitektuur en poësie.…

Mia is steeds sprakeloos. Fienie gaap ook vir Ben aan. “Moenie vir mý kyk nie,” sê Ben en hou die bondeltjie voor hom uit. Toe Fienie die baba by hom aanvat, word die kermgeluidjies ’n dringende huil. Fienie vou die kombers oop. Die gesiggie is perspienk van die skree. Toe die vroue steeds nie ’n woord uitkry nie, gaan Ben fronsend voort: “Het haar vanoggend op die drumpel van die jonkershuis gekry. Geen idee waar sy vandaan kom nie. Kon haar tog nie los nie?” “Nee,” kry Mia haar stem terug. Fienie gee die kleintjie vir haar aan. Werktuiglik gaan haar arms oop. Sy kyk ietwat verslae na die kwaai kleintjie. “Ons … moet seker die polisie in kennis stel?” “G’n polisie nie, Mia.” Ben klink ontstemd. “Die kind sal…

WAT BETEKEN MY NAGMERRIES? Ek kry aaklige nagmerries en droom dat ek in groot, verlate huise woon waar ek onveilig en onwelkom voel. Dit behoort aan mense wat ek ’n halfeeu gelede geken het, van wie sommige lank gelede oorlede is. Ek droom dit byna elke aand. Beteken dit iets? – Nagmerrie Daar is verskillende maniere om droomanalise te doen. Vir my is ’n droom die uitspeel van emosioneel onverwerkte emosies en is die beelde wat gesien word niks anders as “voertuie” wat ’n emosionele boodskap na die bewustelike brein probeer oordra om die dromer te help om sin hieruit te maak nie. Vir my gaan dit glad nie om die simboliese of die beelde nie, maar oor die emosionele ervaring wat die dromer kry. Dikwels is die emosionele beskrywing…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Stuk aarde wat met Judas se dertig silwermuntstukke gekoop is en as begraafplaas vir vreemdelinge gebruik word SMS jou antwoord, voorletters, van en dorp/stad voor of op 28 Augustus 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

’n Asemrowende nuwe reeks oor ’n vervloekte meisie wat die dood vryspring en haarself in ’n toweragtige nuwe wêreld bevind, maar dan meer beproef word as wat sy in haar wildste drome sou kon glo … Vertaal deur Jaco Jacobs. www.nb.co.za 3 lesers kan die boek wen. SMS NIMMERMEER gevolg deur jou naam, van en adres voor 14 Augustus 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Volgens die Suid-Afrikaanse Op-tometrievereniging (SAOA) is vroeë opsporing en ingryping noodsaaklik om te verseker dat kleuters en jong kinders met oogprobleme so normaal moontlik sien, maar hoe weet jy daar is probleme? HET JOU KIND SIGPROBLEME? Let op die volgende by jou kind: ▸ Hou ’n boek baie naby as hy/sy lees.▸ Kantel sy/haar kop wanneer gelees word.▸ Hou een oog toe as hy/sy lees.▸ Het ’n swak postuur wanneer hy/sy aan iets werk.▸ Beweeg sy/haar kop in plaas van net die oë heen en weer wanneer hy/sy lees.▸ Het ’n kort aandagspan.▸ Voel lomerig nadat hy/sy lank op iets naby moes fokus.▸ Vat langer as wat nodig is om huiswerk te doen.▸ Sê soms of gedurig dat hy/sy dubbeld sien wanneer geskryf of gelees word. HOE OOGPROBLEME JOU KIND…

KOOP DIT HIER: Biosense www.biosense.co.za, Clicks www.clicks.co.za, Dis-Chem www.dischem.co.za, GHD www.ghdhair.com/za, Hannon www.hannon.co.za, Inoar www.inoar.co.za 3 VRAE VIR HENDRIEN KRUGER VAN INOAR SA: HOE KAN MENSE MET FYN, REGUIT EN PLAT HARE BIETJIE VOLUME EN LEWE AAN HUL HARE GEE? Fyn en plat hare sal meer volume hê as jy minder opknapper gebruik en eerder ’n “root lifter” aanwend voor jy jou hare droogblaas. Krullers en haarsproei werk ook goed. In gevalle waar hare glad nie met stileringsprodukte saamwerk nie, kan die hare gebleik of sag gekartel word. Inoar Divine Curls Gel verskaf hope volume wanneer dit op die haarwortels aangewend word voor jy droogblaas, R280. HOE KAN GROWWER, KULLERIGE HARE SE VOLUME GETEM EN GEDEFINIEER WORD? As jou hare baie grof is en ’n oormaat volume het, moet jy…

AnitaB.org, ’n sosiale onderneming wat daartoe verbind is om die verteenwoordiging van vroue in tegnologiese beroepe in die globale werksomgewing te verhoog, het onlangs die resultate van die organisasie se jaarlikse “topmaatskappye vir vrouetegnici” aangekondig. Dis die enigste maatstaf in die bedryf wat gegrond is op die statistiese analise van werkgewersdata wat tegniese werknemers volgens ’n standaard-definisie van die tegniese werksmag meet. Die bevindings het weer eens bevind dat daar ’n klein, maar voortgaande verhoging in die getal vroue in die tegniese werksmag is, met die grootste styging op uitvoerende vlak. In 2018 het “topmaatskappye vir vrouetegnici” altesaam 80 maatskappye met meer as 628 000 tegnici, wat ’n verskeidenheid velde verteenwoordig, geëvalueer. Vroue het 24,03% van die tegniese poste in deelnemende maatskappye beklee. Dié 1,08%-styging is effens kleiner as in…

Helenè Bester op die verhoog Helenè Bester bring in haar produksie Helene Bester sing Nana Mouskouri hulde aan dié bekende Griekse sangeres. Die vertoning is op Donderdag 15 Augustus by die Blou Hond-teater in Pretoria te sien. Bespreek by 012 348 8820 of besoek www.dieblouhond.co.za VROUEDAGKONSERT Die Sun Area by Time Square in Pretoria hou op 9 Augustus ’n Women’s Celebration Concert ten bate van die Hospiesvereniging van Suid-Afrika. Elana Africa-Bredenkamp is die seremoniemeester en PJ Powers, Riana Nel, Demi Lee Moore en Charlize Berg sal op die verhoog wees. Vind meer uit by 012 004 0642 en stefanie@marketingzoo.co.za LEIPOLDT SE GROOT KUIER Die 14de gewilde Leipoldt Kuier vind op Saterdag 10 Augustus by die NG Kerk Leipoldtville plaas. Die dag skop om 10:00 af met ’n optog van opgeboude…

Rol dit uit Hierdie koekroller is handgemaak van kiaat en werk uitstekend om enige deeg, van pastei- tot koekiedeeg, uit te rol. Dit sal ’n leeftyd hou en is die ideale geskenk vir ’n kranige bakker, R790. www.hellopretty.co.za SKOON SONDER SKADE Was messe op ’n veilige manier met hierdie innoverende borseltjie. Dit vou rondom die lem en maak albei kante gelyktydig skoon terwyl jou vingers ver weg van die skerp lem is, R199. www.yuppiechef.com BEERTJIES VIR JOU BABA Woolworths het die mooiste babaduvetstelle en kussings wat ’n kamer in ’n droom sal omskep. Dink net hoe oulik sal ’n babakamer met dié beertjieduvetstel (R250) en kussing (R170) lyk. NUTTIGE STOORPLEK Bêre kombuis-, badkamer- of sommer enige artikels in hierdie bamboeslaai waar jy dadelik kan sien waarna jy op soek is,…

ROLPRENTE ONCE UPON A TIME … IN HOLLYWOOD Met Leonardo DiCaprio en Brad Pitt Regisseur Quentin Tarantino KOMEDIEDRAMA Brad Pitt en Leonardo DiCaprio saam in een rolprent! Kan mens so gelukkig wees? Dit is seker die reaksie op die nuus dat hierdie twee supersterre saam in ’n rolprent speel. Voeg daarby die naam van die veelbesproke Quentin Tarantino, en die antwoord word duideliker: Wanneer Tarantino een keer elke paar jaar ’n unieke rolprent maak, staan Hollywood se toptalent tou om te luister wanneer hy “aksie!” skree. In hierdie donker komediedrama (Tarantino is ’n aangeleerde smaak!) probeer ’n bekende rolprentster en sy waaghalsdubbel in 1969 om roem in Hollywood te verwerf. Daar is net een probleem: die berugte Charles Mansonmoorde vind in dieselfde jaar plaas en dit word ook in die…

In ’n tyd waarin baie mense moedeloos voel weens al die berigte oor korrupsie, staatskaping en wanbestuur in staatsbeheerde ondernemings, hoor mens dikwels die mening dat dit beter sal gaan as alles geprivatiseer word: Eskom, gesondheidsorg, veiligheidsdienste … Baie mense glo dat privatisering die beste oplossings vir ons wêreld sal wees. In In ’n land sonder voëls word hierdie mening nog ’n stappie verder geneem. Die politiek en dus die land se regering word geprivatiseer. Demokrasie kon nie daarin slaag om mense se lot te verbeter nie en het wêreldwyd tot grootskaalse geweld en wanorde gelei. Uiteindelik is verskeie maatskappye gevra om sakeplanne voor te lê oor hoe die land bestuur behoort te word, en ’n Koreaanse maatskappy, met ’n bewese rekord van uitstekende sukses, het die land se regering…

Van Kaapstad tot hier, net anderkant Worcester, het Wilma skaars die mooi landskap raakgesien. Kwalik die majestueuse Dutoitskloof soos altyd voorheen ingedrink. Haar gemoed is te beswaard. Al waar sy nou gaan heling vind, is by haar ouers op die plaas. Daar is liefde en geborgenheid. Eers wou sy net stil verjaar, maar toe sien sy tog nie vir die alleenheid kans nie. Dag vir dag staan sy voor kinders in die klas. Vars gesiggies vol lewensvreugde. Maar haar eie kind word sy nie gegun nie. Haar gewroeg het André, die man wat sy met haar hele wese liefgehad het en ten spyte van alles steeds liefhet, gedryf om lewensvreugde by ’n ander vrou te soek. Verbeel sy haar of begin haar motor hink soos ’n dier wat seergekry het?…

MOEILIKHEIDSGRAAD: WAT HET JY NODIG? ELLE PURE GOLD CHUNKY (100 g) 2 balle swart 1 bal elk Lily, Silver, Stonewash en Phantom 4,5 mm-en 5,5-mm-breinaalde 6 knope GROOTTE Pas ongeveer 4(6; 8; 10) jaar AFKORTINGS aw – aweregs; don – draad om naald; gl1 – glip 1 steek; r – regs; r2tes – regs 2 steke tesame BREI-INLIGTING Wissel kleure af soos verkies en brei 10 rye in elke kleur tot einde. Brei mourande, voorste rande en kappie in swart of kleur soos verkies AGTERPANT Met 4,5 mm-naalde stel 52(58; 62; 64) ste op en werk 9 rye in 2x2-rif, eindig met RK-ry. Vlg ry: rif en vmeer 1 st in middel van ry. 53(59; 63; 65) ste. Met 5,5 mm-naalde gaan soos volg voort: 1ste ry: r2(2; 1; 2),…

Jy het moontlik gehoor van die eksperi ment wat by ’n kleuterskool gedoen is wat langs ’n besige pad geleë is. Die kleuterskool se speelterrein was duidelik omhein. Die kinders kon te heerlik die hele speelterrein vol speel, ten spyte van die baie motors wat heeldag verbygery het. Die kinders het tot reg teenaan die heining gehardloop en bal geskop. Die volgende deel van die eksperiment het behels dat die heining om die speelterrein verwyder is. Die gevolg was dat die kinders pouses in die middel van die speelterrein saamgebondel het en nie naby die grens gekom het waar daar eens ’n heining was nie. Die blote feit dat daar tevore ’n heining om die speelterrein gespan was, het die kinders veilig laat voel. Die afwesigheid van die heining het…