Innholdsfortegnelse for 2 August 2019 i Vrouekeur

In “Woestynwysheid” op bl 24 kyk Anne Marais na daai tydperke in mens se lewe wanneer jy voel asof jy in ’n dorre landskap rondswerf en nêrens ’n oase sien nie. Een van die kenners met wie Anne gesels het, verwys na die veerkragtigheid wat elke mens benodig om ná ’n terugslag, teenspoed of trauma op jou voete te lande te kom. Lanie van Reenen se eerste boek, C’est la Vie (Van lief en leed en kanse vat), het my destyds aangegryp omdat Lanie sonder pretensie haar binneste ná ’n groot teleurstelling in haar lewe vir die leser oopgemaak het sonder om sentimenteel of bejammerenswaardig te wees. Marita van der Vyver het dit opgesom as: “Hartseer en snaaks, vol vonkel en lewenswysheid.” Lanie se vervolg op dié boek is Net…

Die kykNET & kie-program Tussen ons het pas sy eerste verjaardag gevier en dié baba het intussen al ’n ATKV Mediaveertjie ingepalm. Die program het benewens Tracey Lange vir Zelda la Grange, Kay Karriem, Ingrid Jones en Success Lekabe as aanbieders. Dit word Maandagaande by Atlantic Studios in Kaapstad opgeneem en Donderdae uitgesaai. Tracey is die hoofaanbieder en medevervaardiger en sit weekliks saam met Paul Venter en Kaylee Kruser, ’n kranige nuusvolgeling, om die volgende program se onderwerpe te bespreek. Tracey erken dat die program meer is as waarvoor sy aanvanklik gehoop het. “Ek verwag geweldig baie van myself – minder van ander mense, maar ongelooflik baie van myself. Daar is baie goed, soos die publiek se reaksie, wat ek nie kan beheer nie en ek kan mense nie dwing…

Onderwysers moet leerders se pas volg en nie die leerders bloot volgens die kurrikulum lei nie, meen dr Cas Olivier van Hartbeespoort, skrywer van die boek The DNA of Great Teachers en Potential Development using Thinking Tools, wat eersdaags verskyn. Cas was op sy dag ’n biologie-onderwyser en departementshoof, ’n opleidingsadviseur by Tukkies en ’n navorsingsbestuurder by die Nasionale Opleidingsraad. Dit is waar hy die “DNS van onderwys” raakgesien het. Hy bied tans voltyds Thinking Tools-sessies vir ouers, onderwysers en kinders aan. Sy radikale Thinking Tools-benadering staan lynreg teenoor tradisionele onderrigmetodes. “Om leer as ‘dink’ in plaas van ‘memoriseer’ te definieer, verg ’n 180°-kopswaai,” sê hy. Vir sommiges is sy metodes omstrede, maar talle ander sweer daarby en vertel dat hul leerders en kinders baie beter presteer vandat hulle dit gebruik.…

Skisofrenie affekteer sowat 1 uit 100 mense volgens die boek Dokter in die huis deur drs Jan van Elfen en Don du Toit. Die volgende subtipes van skisofrenie word onderskei: ▸ Gedisorganiseerde tipe▸ Katatoniese tipe▸ Paranoïede tipe▸ Ongedifferensieerde tipe▸ Residuele tipe (vorige aanvalle van skisofrenie, sosiale onttrekking, onlogiese en wollerige denke)▸ Strukturele en funksionele abnormaliteite van ’n skisofreen se brein kan met behulp van rekenaartomografie en ’n PET-skandering aangetoon word. Skisofrenie kan nie voorkom word nie, maar met behandeling kan terugvalle voorkom word.…

KOOP DIT HIER Forever New www.forevernew.co.za, Jet www.jetonline.co.za, Mango www.shop.mango.com, MrP www.mrp.co.za, Poetry www.poetry.co.za, Woolworths www.woolworths.co.za, Zara www.zara.com/za…

VRYSTATERS SE BEURT Die sewende Vrystaat-wynskou word op 2 en 3 Augustus op Bloemfontein gehou. Ongeveer 40 wynlandgoedere word by hierdie skou by die Ilanga Estate Boutique Hotel verteenwoordig. Kaartjies is via www.webtickets.co.za beskikbaar en meer inligting by www.freestatewineshow.co.za NOON GUN SE BIER Noon Gun-brouery is ’n mikrobrouery op Muizenberg, wat die ligter kant van die biermark teiken. Arno Matthee, meesterbrouer van Noon Gun, sê ligte bier bevat minder alkohol en kilojoules as die standaardvariëteit. Hul Bombardier Light is omtrent 40% “ligter” as Noon Gun se standaardlager en bevat 1,5% minder alkohol. Hierdie bier is slegs by uitgesoekte handelaars beskikbaar. Besoek hul webwerf by www.noongun.net INTERNASIONALE BIERDAG INTERNASIONALE BIERDAG WORD OP 2 AUGUSTUS GEVI ER. HET JY GEWEET DIE STERKSTE BI ER IN DIE WÊRELD HET ’N ALKOHOLINH OUD VAN…

SEMELBESKUIT 1 groot pan 1 blok (500 g) botter500 ml (2 k) karringmelk2 groot eiers15 ml (1 e) vanieljegeursel750 ml (400 g) All Bran-ontbytpap250 ml (140 g) sonneblomsaad125 ml (75 g) pampoenpitte1 500 ml (810 g) koekmeel45 ml (3 e) bakpoeier7,5 ml (½ e) sout475 ml (400 g) suiker Voorverhit oond tot 180 °C en spuit beskuitpan van 40 cm x 50 cm met kleefwerende sproei. 1 Smelt botter en laat effe afkoel. Meng karringmelk, eiers en vanieljegeursel by.2 Breek All Bran fyn en meng met sonneblomsaad en pampoenpitte.3 Sif meel, bakpoeier en sout en gooi suiker by. Gooi All Bran-mengsel by en meng goed.4 Gooi bottermengsel by beslag en meng tot deeg vorm.5 Druk deeg in beskuitpan en sny netjiese vingers.6 Bak vir 45 minute tot goudbruin en gaar.…

Twee jaar gelede gaan ry Danielle die Tour of Good Hope. Dis ’n ellelange fietstoer wat ’n uitgesoekte klomp fietrysers 490 km oor vyf dae deur die prentjiemooi wynlandgoed aflê. End goed, alles goed en ons pak met vrolike harte die lang terugrit aan. Danielle bied aan om te help bestuur, maar ek kan sien sy is poegaai geoefen en buitendien geniet ek dit nog altyd om langpad te ry. Ek is nogal trots daarop dat ek ’n versigtige bestuurder is wat ons ook hierdie keer ná die heerlike Kaapse draai veilig tuis besorg. ’n Rukkie later kry ons ’n boete in die pos. Moi het iewers op die N1 te vinnig gery, maar een klein boete uit 825 km weerskante toe is seker nie te sleg nie. Ons betaal…

Anish Kapoor het dalk die eksklusiewe lisensiereg op Vantablack, die swartste swart verf denkbaar, bekom – wat beteken net hy mag dit gebruik – maar dit maak hom nie die alleenmeester van swart nie. Kapoor se aanspraak op verf wat in staat is om 99,96% lig te absorbeer, het in elk geval die kunsgemeenskap die hoenders in en die Britse kunstenaar Stuart Semple het besluit om Kapoor se aanspraak te betwis. Dit is nou nadat Semple ’n sterk skakering pienk ontwikkel het wat hy Kapoor, op sy dag ’n Turner-pryswenner, belet het om te gebruik. Nietemin, die afgelope twee jaar het Semple en sy span hard gewerk om Black 3.0 op die mark te stoot. Black 3.0 mag dalk nie so swart soos Vantablack wees nie, gee Semple toe, maar…

HOOFSTUK 1 Dis ’n ou gesegde onder wynboere: ’n Shiraz-wingerd groei asof dit wil wegvlieg. Dan brom hulle: Hoe kan enigiets goeds uit so ’n wilde ding voortkom? Mia Faure se kop maak insgelyks wilde draaie waar sy in die shiraz-boorde staan. Sy het sommer koers gekies die landerye in. Nou staan sy in hierdie wegvlieg-shirazwingerd. Wat gaan sy doen? Sy staar na die persgroen trosse. Parstyd is op hande. Dan mik sy deur die malsheid van die wingerd, al met die laning eikebome af tot by die opstal van Vredenwijn. Sy gaan sit in die koelte. Voel mens regtig so plat teen die grond as jy ’n wynplaas geërf het? Moontlik. Daar is ’n kelder wat aandag én ’n wynmaker kort. Haar pa het die laaste jare min daarin…

LET WEL MoYa Caresse is nie ’n gladde hekeldraad nie; dit het tekstuur. Jy kan egter ’n gladde hekeldraad ook gebruik. BENODIGDHEDE M oYa Caresse: White x2, Corn x2, Blue Smoke x22 A lternatief: Enige breidraad wat ongeveer 220 m per 100 g is. 5,00 mm-hekelpen 4,50 mm-hekelpen AFKORTINGS EN STEEKVERDUIDELIKINGS dies – dieselfde, dsl – dubbelslaglangbeen, ghs – geheime hegsteek, glb – gedraaide langbeen, gs – glipsteek, hlb – halflangbeen, kb – kortbeen, ks – kettingsteek, lb – langbeen, lb-hk – langbeenhoek (2lb, 2ks, 2lb) in dieselfde spasie of steek, rdte – rondte, shlb – staande halflangbeen, sp – spasie, st – steek, sXso – slaan X aantal steke oor GROOTTE ±120 cm per sy. BLOKPATROON Met 5,00 mm-hekelpen en kleur 2: Begin met 6 ks, gs in die…

I van Zimmermann is nie ’n maklike man om vas te trek nie. Wanneer ons wel ontmoet, verduidelik hy ietwat verleë: “Ek’s maar ’n private ou jong, ek glo nie ’n akteur behoort in die kollig te wees of jou persoonlike lewe te bemark nie. Om eerlik te wees, ek voel half ontbloot wanneer ek ’n onderhoud doen.” Die man is sag op die oog. Dis ’n koel dag in die Kaap en hy lyk besonder sjiek met sy bruin Andy Cap-hoed, serp en denimbaadjie. Die bietjie sout en peper in sy skimmelbaard doen ook nie skade nie, maar wanneer ons ouderdom praat, glimlag hy net so effens moedswillig. “Ek voel 28, lyk 35 en die waarheid lê iewers in daai geweste, give or take ’n paar jaar. Dis nie…

Therese sê elke mens benodig veerkragtigheid – dit is die vermoë om ná enige terugslag, teenspoed of traumatiese ervaring na normaliteit terug te keer. “Die vermoë hou met identiteit, selfbeeld en lewensbeskouing verband. Sien jy terugslae as deel van die lewe, ’n geleentheid om te groei en nuwe vaardighede aan te leer, of verwag jy dat jou lewenspad altyd gelykmatig en maklik moet wees? Onverwerkte trauma en emosies van die verlede, hoe gering ook al, veroorsaak dat mense se emosionele veerkragtigheid oor ’n tydperk uitgeput raak. “’n Gebrek aan interne en eksterne hulpbronne maak ook dat mense vinniger en makliker in die woestyn beland.” Therese sê daar is altyd ’n put, fontein of oase in enige woestyn – jy moet dit net ontdek. “’n Woestyn het baie min water nodig…

Oulike wenk As die moersleutel ’n bietjie te groot is vir die skroef wat jy probeer losdraai, sit ’n muntstuk regop langs die skroef om die spasie op te maak en draai dit só los. KORT JY PLEK IN DIE VRIESKAS? Gebruik klampies (binder clips) om sakkies gevriesde groente aan die boonste vrieskasrakke op te hang. GEEN TREGTER? As jy olie in die motor moet gooi, maar nie ’n tregter byderhand het nie en nie wil mors nie, hou ’n skroewedraaier met die punt na onder bo die opening en gooi die olie teen die skroewedraaier af. Die olie sal blykbaar afloop sonder om te mors. Vries die sous Te veel pastasous gemaak? Vries dit in muffinpanne, haal dit uit as dit gevries is en bêre dit in ’n plastieksakkie…

BILTONGSOP 4 porsies 60 ml (¼ k) botter60 ml (¼ k) koekmeel1 ℓ (4 k) beesvleisaftreksel60 ml (¼ k) brandewyn3 tiemietakkies125 ml (½ k) room100 g fyn biltong 1 Smelt botter in groot kastrol.2 Roer meel by. Giet aftreksel stadig byen roer aanhoudend.3 Gooi brandewyn en tiemie by en bring tot kookpunt.4 Gooi room en biltong by. Roer goed en bring weer tot kookpunt.5 Sit saam met lekker vars brood voor. MIELIE-EN-KAAS-ENCHILADA 4 porsies 1 ui, gekap5 ml (1 t) fyn knoffel500 g (2 pakkies) bevrore mielies60 ml (¼ k) botter60 ml (¼ k) koekmeel500 ml (2 k) melk375 m (1½ k) sterk kaas, gerasper6–8 tortillas400 g (1 bottel) enchiladasous ofbrandrissie-tamatiepastasous Stel oond op 180 ˚C. 1 Braai ui en knoffel tot sag. Gooi mielies by.2 Smelt botter by mielies,…

Bathurst, sowat 45 km vanaf Grahamstad en 12 km vanaf Port Alfred op die R67 in die Oos- Kaap, word deur sy inwoners as die middelpunt van die heelal beskou. Waarskynlik omdat die dorp ongeveer dieselfde afstand vanaf Johannesburg, Durban en Kaapstad op die landkaart lê, maar dalk eerder weens die jong en ou siele wat hier gemeensaam ’n lewenstyl van kreatiewe rus en vrede aanhang. Die dorp is eintlik ’n T-aansluiting waar mens links draai see se kant toe. Met die deurwoerts vang die oog ’n kroeg, mooi winkels, die belofte van ’n plaasmark en ’n reusagtige pynappel wat die landskap oorheers. Met die terugkomslag is die pynappel se hek al gesluit, die winkels toe, die plaasmark is eers Sondag en die skouers is sonseer. Dis eers wanneer mens…

Af en toe beland daar ’n album of twee in Oppinoot se CDspeler wat werklik indruk maak. Hier is twee albums in die genre akoestiese rock wat uitstaan. ’n Pluspunt van dié albums is dat musikante wat ons nie op elke denkbare album hoor nie hier hul buiging maak en varsheid aan die produksies verleen. DIE PROFEET VAN DIE PLATTELAND Dié gebore Namibiër noem homself John Rock Prophet. Op sy album Platteland(Vonk-Musiek) vertolk hy nege van sy oorspronklike skeppings met passie en drif. Hy vermaak gehore met stem en kitaar, met poësie en melodie. Vir dié album benut hy ook fluite, trekklavier en banjo. Die resultaat is sielsmusiek waarin nostalgie en melancholie bruis. Naas die ritmiese radiovriendelike luistersnit Platteland, is dit veral die liedjie Oud word saam met jou wat…

Hy sukkel ’n ruk om die knoop en die gat bymekaar te kry, gee moed op en gebruik dan maar sommer sy das om sy boordjie om sy nek vas te wurg. Dik keel. Keelvol vir die hele besigheid. “Is jy seker ek kan nie maar by die huis bly nie?” brom hy waar hy voor die oop klerekas se spieël staan. Laetitia gluur hom aan. Sy sit voor die spieëltafel, besig met haar grimering, en hulle kan mekaar in hul onderskeie spieëls sien sonder om om te draai. “Moet jou nou nie simpel hou nie, die hele ding gaan dan oor jou.” Wie se briljante idee was hierdie paartie in elk geval? dink hy, maar sê dit nie hardop nie. Laetitia is kapabel en kom bliksem hom oor die…

KOS & LEWENSTYL Die Standard Bank Luju Food & Lifestyle-fees word hierdie naweek (2 en 3 Augustus) by die House on Fire Sculpture Garden in Eswatini gehou. Jy kan selfs oorbly, want “glamping”-geriewe is beskikbaar. Hierdie fees is ’n moet vir diegene wat goeie kos en kultuur waardeer. Besoek www.house-on-fire.com NAMAQUA DAISY-UITDAGING Die Namaqua Daisy Challenge word op 10 en 11 Augustus by Die Keldery op Vredendal gehou. Daar sal verskeie bergfiets-en wedlooproetes wees. Die beste van als? Daar is pragtige veldblomme op die roetes. Vind meer uit by www.daisychallenge.com GRANDE PROVENCE VIER VROUE Augustus is Vrouemaand en die Grande Provence-landgoed op Franschhoek bied verskeie geleenthede aan om dit te herdenk. Op 9 Augustus is daar om 12:00 ’n Bubbles & High Tea teen R395 per persoon. Op 21 Augustus…

3 OPSIES BESKIKBAAR: SKRYF AANLYN IN: magsathome.co.za/Magazing.htm bel: 0860 100 999 e-pos: subs@magsathome.co.za ONTVANG JOU MAANDELIKSE TYDSKRIF-KOOPBEWYS VIA SMS HAAL JOU TYDSKRIF AF: GEBRUIK JOU WOOLIES-KAART EN HOU JOU KOOPBEWYS- STAAFKODE GEREED HET JY NIE ’N WOOLIES-KAART NIE? KRY EEN BY JOU NAASTE WOOLIES-WINKEL WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSIËLE DIENSTEVERSKAFFER (FSP15289) EN GEREGISTREERDE KREDIETVERSKAFFER (NCRCP49). NOU R747,50 35% AFSLAG OP JOU 12-MDE- SUBSKRIPSIE…

Grense – dit is iets waarmee ons almal in ’n mindere of meerdere mate sukkel. Waaraan dink jy as jy die woord “grense” hoor? Moontlik aan iets wat jy nie mag doen nie; aan beperkinge, aan die onvermoë om nee te sê… Moontlik bring die woord by jou stres, angs en ’n gevoel van magteloosheid, juis as gevolg van jou onvermoë om grense te stel. Wanneer ek aan grense dink, dink ek aan selfsorg. Selfsorg gaan oor meer as net om gesond te eet en te oefen. Selfs mense wat gesond eet en oefen, sal stres beleef as hulle nie grense stel nie. So wat is selfsorg? Is selfsorg gelyk aan om selfsugtig te wees? Nee, allesbehalwe. Dink bietjie aan die veiligheidsmaatreëls wat aan boord van ’n vliegtuig aan mense…

Lauretta Blom is al jare dolgelukkig in die rol van ma en huweliksmaat. Maar een doodgewone Donderdagoggend laat die skynbaar onbenullige optrede van haar man haar gedagtes oortyd werk en gou voel dit asof die sekerhede in haar lewe wankel. www.nb.co.za 3 lesers kan die boek wen. SMS RETTA gevolg deur jou naam, van en adres voor 7 Augustus 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Vergete is die dae toe vroue geglo het hul twintigerjare is die tyd vir avonture en kanse waag en hul veertigerjare die dekade vir rustig word of afskaal. En vroue soos skrywer Nadia de Kock gee gestalte aan die idee van die “vreeslose veertigs”. Sy het immers self in daardie dekade van haar lewe haar eerste boek geskryf en sommer ook soloreise begin aanpak. En die hoofkarakter in haar jongste roman maak nou ook so. Jy het dalk nog nie daarvan gehoor nie, maar “wolke versamel” is ’n regte egte stokperdjie. Nadia de Kock (59) het tydens ’n reis na Skotland ’n boekie gekoop, getitled The Cloud Collector’s Handbook deur Gavin Pretor-Pinney. “Dis so regte quirky Britse ding,” verduidelik sy laggend. “Dit beskryf die verskillende tipes wolke, en jy kan…

Lidia Theron en haar man, Hannes, se lewe saam het in 1968 begin toe hulle albei by die destydse departement van volkswelsyn en pensioene gewerk het: sy by die kinderwelsynafdeling en hy by die personeelafdeling. “Hannes het nie doekies omgedraai nie en omtrent dadelik vir my gevra om verloof te raak. My antwoord was ja, mits ons nie te gou trou nie.” Hulle is egter die Desember dieselfde jaar getroud. Hoewel die departement se naam deur die jare telkens verander het, was Hannes se hele loopbaan by dieselfde departement, tot hy in 1995 as direkteur van fondsinsamelings afgetree het. Lidia het ná hul kinders se geboortes ophou werk en is weer tien jaar later by die Suid-Afrikaanse Inkomstediens aangestel. Daar het sy ’n suksesvolle loopbaan in verskeie afdelings gehad tot…

Dr Sarah Jarvis beveel die volgende toetse aan as jy in jou vyftigerjare is: ROETINE-ONDERSOEKE ▸ Wees bewus van jou borste en ondersoek hulle gereeld.▸ Gaan minstens elke drie jaar vir ’n mammogram en elke jaar as daar ’n familiegeskiedenis van borskanker is.▸ Laat doen gereeld ’n servikssmeertoets.▸ Laat jou oë minstens elke twee jaar toets.▸ Besoek elke ses maande jou tandarts en ’n mondhigiënis.▸ Let op jou hartgesondheid. Jou dokter kan ’n bloedtoets doen om jou cholesterol- en trigliseriedvlak vas te stel, jou gewig te bepaal en jou bloeddruk te meet.▸ Ondersoek gereeld jou vel vir moesies of enige verdagte of abnormale veranderinge.▸ Vind by jou dokter uit of ’n beendigtheidstoets nodig is. ADDISIONELE SIFTINGSTOETSE ▸ As daar ’n geskiedenis van ingewandskanker in jou familie is, vra jou dokter…

▸ Wees op die uitkyk na onkruid soos die luisboom of grootbitterappel (Solanum mauritianum), in Engels as bug weed en lantana bekend, want hul sade word deur voëls versprei. ▸ Moenie insekdoders gebruik nie. “Die afgelope 50 jaar het insekspesies met 40% afgeneem. Ons kan nie bekostig om insekte te verloor nie, hulle is die grondvlak van die voedselketting. Hulle breek ander organiese materiaal af en boonop is hulle die bestuiwers,” sê prof Marcus. ▸ Die meeste insekte eet stuifmeel en nektar, selfs al is hulle roofinsekte, want hulle hou van diversiteit in die tipe plante wat hulle eet, ook dooie plante. Gaan in jou tuin na die donkerste, onaantreklikste dele en daar sal jy insekte vind. ▸ Onthou daar is ook iets soos eenlingbye. Nie alle bye is sosiale…

Die VLV-kookboek bevat ’n versameling flatervrye resepte deur die lede van die Vroue-Landbouvereniging van Kaapland ter viering van hul 90ste bestaansjaar. Bederf jou gesin op ou familiegunstelinge soos lewerkoekies, bobotie en skaapboud in die “toe”-gedeelte en geniet weer die liplekker lekkerte van melktert, gemmerkoekies en gemmerbier om maar net enkeles te noem. As jou tyd beperk is, wend jou tot die kortpad- getoetste resepte in die “nou”- gedeelte waar die mikrogolf ingespan word, soos ’n sjokoladekoek wat in slegs sewe minute gemaak word, en beproefde, gesonder geregte soos spinasiegebak, pampoenmuffins, bobotie met ’n appellaag en eiervrugslaai. Die boek word deur Human & Rousseau uitgegee en is by toonaangewende boekwinkels beskikbaar BRENDA RETIEF VAN KEMPTON PARK IS ONS WENNER VANDEESWEEK: Ek hou daarvan om asyn as skoonmaakmiddel in die huis te…

ROLPRENTE FAST AND FURIOUS PRESENTS: HOBBS & SHAW Met Dwayne Johnson en Jason Statham Regisseur David Leitch AKSIEDRAMA Baie lesers sit seker met hul hande in die hare wanneer hulle die Fast and Furious-titel sien, want dit beteken meer aksie as wat die rolprentskerm kan hanteer – alles is oordadig, daar is geweld, dit wemel van kwinkslae (’n kwinkslag per moord), brullende motors en meisies wat cool aanmerkings oor spiertiere maak. Hierdie fliek is ’n nabootsing van Spin-off. Volgens gerugte het Dwayne Johnson en Vin Diesel op die stel van die vorige hoofstuk in hierdie reeks woorde gehad, daarom is Diesel nie in hierdie aflewering nie, maar wel Dwayne Johnson saam met Jason Statham, en dié twee het genoeg testosteroon om ’n ruimteskip die lug in te stuur. Wat is…

“Banggatdorpies” noem een van my vriende dit – hierdie omheinde veiligheidsbuurte met hekwagte en slagbome en kameras en elektriese heinings op die hoë mure. Hierdie “veiligheidsbuurte” het ’n bekende deel van ons Suid-Afrikaanse misdaaddeurdrenkte gemeenskap geword en is kort-kort in die nuus wanneer daar juis binne so ’n “veilige” gemeenskap misdaad plaasvind (Oscar Pistorius, Henry van Breda.) Vir baie mense is die hoë mure en slagbome maar net ’n nuwe weergawe van apartheid. Max Annas is ’n Duitse misdaadfiksieskrywer, maar hierdie vertaling van sy roman Die Mauer is só Suid-Afrikaans as wat kan kom. Annas het in Port Elizabeth as joernalis en as dosent by Fort Hareuniversiteit gewoon en gewerk voordat hy na Duitsland is. Sy debuutroman, The Farm, is in 2014 met die Duitse misdaadfiksieprys bekroon en dit word…

In die rustige landelike gedeelte buite Somerset-Wes is die Geldenhuyse se groot huis in Winery Road op ’n kleinhoewe geleë. Berguitsigte, wingerde en ruimte is die hoofredes hoekom hulle hier kom nes skop het. Dit is ’n uitgebreide gesin, met Pieter, Bea en hul kinders, Kayla (10) en Johan (6). En dan is daar Bea se ouers, Sias en Tienie Esterhuizen, wat in ’n aparte deel van die huis woon. Bea sê hul huis is ’n mengelmoes van stories. “Elke vertrek vul die bladsye van ons lewensboek met staaltjies en stories van vanmelewe, maar ook met drome vir nuwe môres.” Bea se vindingrykheid met hergebruik is duidelik te sien: haar oupa se koper-kromsteelpyphouer dra nou trots vars blomme uit die tuin; storieboeke word as sweefrakke gebruik sonder om die boeke…

ANGS OF PANIEKAANVAL? Ek vermoed dat ek aan angs ly. Dit is iets wat in my familie voorkom en ek het dit al jare lank. Ek verwag altyd die ergste, maar dan gebeur dit nie. Ek is geïrriteerd en kry nie geslaap nie. Doodgewone situasies maak my benoud en ek is bang dat ek kop gaan verloor en niks sal kan onthou nie. Dit is nou al so erg dat ek daaraan dink om te bedank. Ek raak kortasem, duiselig en dit voel of ek doodgaan wanneer ’n paniekaanval my tref. ’n Aanval duur so 15 minute, dan is dit verby en voel ek baie vaak. Is dit hoe ’n paniekaanval voel? – Angstig Dit blyk of jy ’n angssteurnis asook paniekversteuring het. In albei gevalle stem die simptome wat…

REËLS EN VOORWAARDES: 1 Hierdie aanbod geld vir nuwe subskripsies en toekomstige hernuwings. 2 Hierdie koopbewys mag saam met enige ander Woolworthskoopbewys gebruik word. 3 Hierdie koopbewys moet saam met enige van die volgende kaarte* gebruik word: Woolworths Credit Card, Woolworths WRewards Card, Woolworths Store Card, MySchool MyVillage MyPlanet. 4 Die koopbewys mag nie gebruik word vir die betaling van dienste of geskenkbewyse of in ruil vir kontant aangebied word nie. 5 Misbruik van hierdie koopbewys is bedrog. 6 Hierdie koopbewys is nie geldig via www.woolworths.co.za of Woolworths Foodstops by Engen nie. 7 Hierdie koopbewys kan nie vervang word as dit sou wegraak nie. 8 Hierdie koopbewys is slegs geldig in Suid-Afrika. 9 Hierdie koopbewys mag slegs eenmalig vir betaling aangebied word. 10 Hierdie koopbewys mag tesame met ander Woolworths…

WOORDSPEL 29 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 9 woorde, goed 13 woorde, baie goed 16 woorde of meer, uitstekend OPLOSSING: Spitbraai, braaispit, basta, batis, bisar, braai, rabat, tibia, baai, baar, baas, baat, bars, bits, bras, ibis Woordsoek 29 produkte wat na mense genoem is, is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees…