Innholdsfortegnelse for 26 July 2019 i Vrouekeur

In die hysbak so wyle gelede gesels ek en ’n kollega van ’n ander tydskrif oor dit en dat in die lewe. Ek verwys onder meer na die afsterwe van ’n paar gemeenskaplike kennisse die afgelope paar maande. “Jinne,” sê ek. “Daar gaan nou te veel mense wat ek ken dood.” “Ja,” beaam sy op haar kenmerkende droë manier, “en nie een van hulle is al voorheen dood nie.” Haar opmerking laat my lag. Dood is nie snaaks nie. Nooit nie, en my lag en haar opmerking is nie onsensitief nie. Dit sê in die onmoontlike net soveel oor die skok en felheid van iemand se afsterwe. Soos ’n lag met ’n traan. Gisteraand lees ek op Facebook van James Small se skielike dood. Jonk. Vyftig is jonk. Ek is…

Wanneer hy nie skryf nie hou hy mense dop, luister gesprekke af, lees, verwonder hom aan die natuur – die see, berge, voëls, wolke, ’n seekat se verstommende vermoë om van vorm en kleur te verander. “Soms skilder ek. Ek steek kerse op, luister musiek, drink ’n glas rooiwyn. My steekbaardbrak, Kandas, vermaak my, verwen my met haar liefde. Ek en my Jenny slag soms ’n waarlemoen in die Moordenaarskaroo. ’n Keer of wat het ons die voorreg gehad om oorsee te reis en plekke te sien waaroor ek as kind nie gewaag het om te droom nie. “Daar is ook ’n praktiese Jan wat messelwerk en houtwerk kan doen, ’n afdak kan bou en ’n koei kan melk. Hy kan kook – puttanesca en waterblommetjiebredie en borscht en afval.…

Die volgende vrae is aan Byron Kennedy, die uitvoerende hoof van mediaverhoudings by hierdie selfoonverskaffer, gevra: HOEKOM IS IS ONS DATA SO DUUR? Terwyl Vodacom die tariewe van data die afgelope drie jaar met meer as 57% verminder het, het lang vertragings in die toekenning van 4G-spektrum die pas waarteen pryse in Suid-Afrika kan val, gekelder. WATTER LANDE BETAAL HOËR EN LAER TARIEWE? Volgens ’n onlangse Britse studie, cable.co.uk, is datapryse in Suid-Afrika 16% laer as die wêreldgemiddeld en is daar 87 lande wat meer betaal. GAAN ONS KOSTE VERLAAG? Ons is daaraan toegewy om ondanks die verlagings wat reeds ingestel is, nog beter waarde aan kliënte te verskaf. Hoëvraagspektrum – of waarna dikwels as die “digitale dividend” verwys word – kan eers toegeken word as die digitale migrasie voltooi…

YSTER EN JOU VEL Yster help vir uitputting, ondersteun die immuunstelsel, verbeter spiersterkte en voorkom bloedarmoede. ’n Wêreldwye studie het die rol van yster in ’n verskeidenheid gesondheidstoestande nagevors en gevind ’n oormaat yster kan tot ’n hoër risiko lei om bakteriese veltoestande soos absesse te ontwikkel. HULLE WIL NIE LUISTER NIE Mense onder 35 steur hulle blykbaar nie aan waarskuwings oor die gevare van sonblootstelling en gevolglike velkanker nie omdat hulle glo hulle lyk aantrekliker en gesonder as hulle bruingebrand is. Navorsers meen dis omdat hierdie geslag in die oomblik leef en nie aan die gevolge dink nie. SOSIALE MEDIA HELP OUERES Aan die een kant word daar geglo dat mediaplatforms ’n negatiewe invloed op mense se geestesgesondheid het, maar onlangse navorsing toon dit kan volwassenes se risiko om…

STAP 1 VERBLOEMER Gebruik perskekleur, beige of oranje verbloemers om die donker kringe weg te steek. WENK Wend die verbloemer in ’n v-vorm in plaas van ’n halfmaanvorm aan. Dit sal die oë oplig. STAP 2 POEIER Om te keer dat oogskadu in die vou van jou oog gaan lê, smeer eers ’n poeier of vanieljeoogskadukleure (die ligste oogskadus in jou palet) aan. STAP 3 OOGSKADU 1 Smeer ’n basiese kleur op jou ooglid (ligte kleur).2 Smeer ’n donkerder kleur in die vou van jou ooglid.3 Smeer ’n nóg donkerder kleur aan die buitenste hoek van die oog of op wimperlyne.4 Highlight met ’n blink oogskadu direk onder jou wenkbrou. WENKE • Bruin oë lyk goed met die meeste kleure oogskadus, maar donkerpers en brons kleure laat oë uitstaan.• Blou…

In elke tweede Hollywood-fliek wat jy kyk, wil ’n lewensmoeë polisieman ’n boot koop en in die Florida Keys gaan aftree. Dis eers as jy oor al die brûe oor die potblou oseaan tot by dié verste punt van die Noord-Amerikaanse kontinent ry en in Key West beland, wat jy hul versugting verstaan. Key West is 260 km van Miami waar ons ses dae gaan kuier en ons begin vroegoggend ry. Ons ry lank suid voor ons die buitewyke van Miami, Kendall en Florida City uitry en uiteindelik regs swenk deur Key Largo, Tavernier, Plantation Key, Islamorada, Layton, Vaca Key, Duck Key, Layton en uiteindelik deur Big Pine Key ry. As jy in Amerika bestuur, leer jy gou jou padtekenvriende ken. Solank jou oog kort-kort op die blou teken van…

Sy lewe lank was Paul Kruger nie gaande oor Johannesburg nie. Toe hy die stad by geleentheid in 1895 besoek het, was dit “with the spirit of a man attending a funeral”, het Louis Cohen in 1924 in sy Reminiscences of Johannesburg and London geskryf. Vir Kruger was Johannesburg die tuiste van die “uitlanders”, hoofsaaklik Britte wat deur die goudstormloop na Johannesburg gelok is en wat beperkte regte gekry het om in die onafhanklike Transvaal-republiek te vertoef. Dit is dus ironies dat ’n bronsbeeld van Kruger jare lank in Johannesburg se Rand Club gestaan het – by die ingang na die kroeg en teenoor ’n beeld van Cecil John Rhodes aan die oorkant. Rhodes was een van die oprigters van die Rand Club en nie wat mens ’n goeie vriend…

Dese en gene loop ons geselskap by vir ’n bietjie klets op hierdie besige Donderdagoggend. Ons sit met koffie op die dorpsplein in Plomari in die suide van Lesbos. Ek en my maat woon reeds drie jaar op die eiland, maar dis ons nuwe vriende wat uitgesoek word, Suid- Afrikaners. Hulle is pas ’n maand of drie hier, maar reeds kom hulle soos ingesetenes voor. Dit verbaas ons. Waar ons in die meer toeristiese noorde woon, trek dorpsinwoners hulle terug. Jy kan nie jou kwesbare hart voor soveel vreemdelinge oop hou nie. Maar Plomari is ’n werkende hawedorp. Die paar besoekers wat daar kom, kry ope arms. Die fraai geboutjies staan soos in ’n rolprentstel om ons. Skoeters en mense rumoer. Almal het iewers om te wees of nie te…

MOEILIKHEIDSGRAAD: WAT HET JY NODIG? Sowat 20 g DK- of Chunky-breidraad in kleur van jou keuse vir elke kopband (ek het Elle se Stretch vir gedraaide kopband gebruik) 4 mm-naalde vir DK-breidraad en 5,5 mm-naalde vir Chunky-breidraad Kabelnaald Drie haakspelde of klein steekhouers GROOTTE Brei die kopbande sowat 48 cm lank vir ’n gemiddelde grootte kop AFKORTINGS aw – aweregs bb (bobbel) – (r1, aw1, r1, aw1, r1) in vlg st, draai, aw die 5 ste, draai, gl die 5 ste aweregsgewys op die regterkantste naald, gl 2de, 3de, 4de en 5de st een op ’n slag oor 1ste st (nou het jy weer 1 st) k8a (k4a) – gl 4 (2) ste op kabelnaald en hou aan agterkant van werk, r4 (2) en r4 (2) van kabelnaald K8v (k4v)…

Ek geniet die verhaaltjie van die drie prospekteerders wat gedurende die goudstormloop in Kalifornië ’n ryk goudaar ontdek het. Hulle het dadelik besef watter wonderlike ontdekking hulle gemaak het en daar en dan besluit om vir niemand te vertel nie. Hulle het mekaar belowe dat hulle die geheim net tussen hulle drie sou hou. Hulle is toe af na die dorpie toe om hul kleim te registreer en om die nodige toerusting te koop. Getrou aan hul belofte, het hulle nie ’n woord aan iemand gesê nie. Hulle het hul kleim geregistreer, die toerusting gekoop en is terug om die goud te gaan myn. Maar toe hulle weer kyk, het ’n skare mense hulle gevolg. Die rede was eenvoudig – die uitdrukking op hul gesigte het hulle weggegee. Hul gesigte…

SKOONPA TREE VREEMD OP Ek vermoed dat my skoonpa dalk ’n kindermolesteerder kan wees, maar ek het hoegenaamd geen bewyse daarvoor nie. Hy ly aan alzheimersiekte en toon skielik groot belangstelling in die kleinkinders, wat nooit voorheen die geval was nie. Hoe beskerm ek die kinders en moet ek my skoonma in my vertroue neem? – Bekommerde ma Voordat jy enige aannames maak, behoort jy eers met jou kinders in toepaslike taal vrae oor jou vermoede te vra. As jy nie weet hoe nie, stuur hulle vir ’n kinderassessering om te bepaal of daar meriete in die saak is. Hou in gedagte dat ’n alzheimerpasiënt ook emosies ervaar en dit nie onmoontlik is dat sy sterk konneksie met kinders sy geheue terugneem na tye wat hy wel kan onthou nie.…

Deur XWord.co.za TEIKEN Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 30 woorde, goed 38 woorde, baie goed 44 woorde of meer, uitstekend OPLOSSING: Slopemmer, omsleep, slemper, sommeer, lommer, meslem, moepel, mompel, moreel, moresê, omsmee, rommel, sommer, emmer, merel, molêr, moles, poëem, semel, slemp, smeer, smoel, somer, sperm, emoe, leem, lomp, meel, meer, mees, même, memo, moeë, moer, moes, molm, mops, more, mors, oplê,…

Sy is terug op die stel van Binnelanders. En net soos haar karakter, Ingrid Jordaan, is sy gestroop, maar sterker as ooit. Michelle Botes was nog nooit bang vir vernuwing nie. Dis deesdae nie moeilik om navorsing oor ’n bekende persoon te doen nie. Facebook, Twitter, Instagram en siedaar! Maar Michelle is nêrens op sosiale media nie … Sy laat jou dink aan ’n luiperd. En soos Stef Kruger se Grassade-lirieke lui, loop sy katvoet deur haar woorde. Spring dan iewers in die mik van ’n maroela en bekyk die sosiale-media-sirkus van ’n afstand af. “Sosiale media is wonderlik en vervullend – en betalend ook – vir diegene wat sosiaal is, maar glad nie vir my nie.” Ons doen die onderhoud elektronies. Sy stel stilte hoog op prys en hou…

Daar het heelwat water in die see geloop sedert dáárdie brief op 17 November 2005 in haar elektroniese posbus opgeduik het; die brief om te laat weet dat haar eerste jeugroman vir publikasie aanvaar is. Tog is dit ’n dag wat Anzil Kulsen nooit sal vergeet nie. Haar ma was ’n alleenouer vir Anzil en haar broer. Die hoofkarakter in Zita, haar eerste jeugroman, is juis ’n jong meisie wat stoei met ’n afwesige vaderfiguur en ’n soeke na haar identiteit. Op daardie dag was Anzil se ma by haar in die kantoor en sy kon in haar kind se vreugde deel. Ná die verskyning van Zita in 2006 het daar twee ander jeugverhale, Hart vol sand en Sorrie maak nie gesond nie, twee Engelse en twee Afrikaanse kinderboeke en…

Dis ’n nuwe week. Wasdag, strykdag, skoonmaakdag. Jy kort energie en motivering. Pak daardie sloertakies op die maat van die uitbundige ritmes van ’n kitaar aan en verpoos dan flou, maar tevrede, met die strelende klanke van die konsertina … SOLLIE MARX VIER 54 JAAR SE KITAARJUWELE Oefening kweek meesterskap. Sollie Marx se loopbaan strek oor meer as 50 jaar. Hy is inderdaad ’n kitaarmeester. Hy vier dié mylpaal met die album 54 jaar se kitaarjuwele(Real Music). Sy loopbaan het in 1965 met die Vaaldam-orkes en die langspeelplaat Die snare sing begin. Elke Saterdagaand van sy lewe het Sollie en sy orkes die snare iewers in die land laat wikkel. Sy bydrae tot die skatkis van boeremusiek is in 2017 met die Boeremusiekgilde se ikoontoekenning vereer. Nou, as tagtigjarige, is…

Hadeda www.hadeda-tiles.com of 011 788 5774 House Moroccan www.moroccanhouse.co.za of 012 346 5713 Lifestyle Moroccan www.moroccanlifestyle.co.za of 011 791 6906…

Deur XWord Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Iemand wat siektes en beserings behandel deur massering, oefeninge en elektrisiteit SMS jou antwoord, voorletters, van en dorp/stad voor of op 14 Augustus 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

KRUL DEUR TE KAM Ek is geen kenner op die gebied van haarstileertegnologie nie, maar dit lyk asof iemand bietjie dinkwerk met die ghd Oracle ingesit het. Dit vat die krultang een stap verder deur weg te doen met die gewone draai-en-krul-proses. Die ghd Oracle het ’n verwarmings- sowel as ’n afkoelgebied, wat beteken dat die krul met ’n stadige kam van die hare vorm. Ghd reken gebruikers kan verskillende krulstyle probeer deur slegs die manier hoe hulle die kam hou, te verander. Met ’n prys van ongeveer R3 400 sal die Oracle nie net jou hare nie, maar ook jou tone laat krul. www.ghdhair.com/za ’N VRIEND VIR JOU FIETS Om die strate van Suid-Afrika op ’n fiets aan te durf, sit nie in almal se broek nie. Vir dié…

SMELT IN DIE MOND LINDT-sjokolade verras mens telkensmet nóg nuwe, heerlike geure. Wees op die uitkyk na CREATION Strawberry Macaron, Vanilla Macaron en Pistachio Delight by Woolworths, R69,95. PRAKTIES ÉN MOOI Maak lekker kos en sit dit in ’n mooi bak voor. Le Creuset se Rectangular Heritage Dish is in drie groottes te kry (26 cm, 32 cm en 36 cm). Dit hou kos warm óf koud. Dit kos R698 tot R990 en dis vanaf 19 Augustus 2019 aanlyn beskikbaar. www.lecreuset.co.za SLAAP RUSTIG Essensiële olies word al jare gebruik om slaap en ontspanning te bevorder. Hierdie kalmerende mengsel van SOiL bevat bestanddele wat die perfekte kalmerende effek vir ’n goeie nagrus het, R120 vir 10 ml. www.soil.co.za WEN! 5 lesers kan hierdie volledige 72-stuk hekelstel ter waarde van R250 met…

ROLPRENTE STOCKHOLM 6/10 Met Noomi Rapace en Mark strong Regisseur Robert Budreau WARE LEWENSDRAMA Jy het moontlik al van die Stockholm-sindroom gehoor. Dit is die begrip wat gebruik word wanneer mense wat as gyselaars aangehou word op die gevangenemer verlief raak. Hierdie drama het werklik gebeur en dit is waar hierdie uitdrukking vandaan kom toe drie bankklerke in Stockholm in 1973 as gyselaars aangehou is. Daar is ’n vooraf waarskuwing in die rolprent: “Gegrond op die absurde, maar ware gebeure in Stockholm.” ’n Baldadige en joviale bankrower, Kaj Hansson (Ethan Hawke), het ’n bank in Swede beroof en van die werkers gevange geneem. Sy bondgenootskap met een van die aangehoudenes, Bianca (’n fiktiewe naam), het intiem geword. Ná ses gebeurtenisvolle dae het die roof tot ’n dramatiese einde gekom. Dit…

In een van die 48 kort essays waaruit Legkaart van ’n jong lewe bestaan, skryf Dolf van Niekerk oor boeke. Dit gaan spesifiek oor die boeke wat hy as kind gelees het en wat ’n groot vormende invloed op hom gehad het. Hy skryf dat hy in sy matriekjaar NP van Wyk Louw se bundel opstelle, Lojale verset, gelees het. Van Niekerk skryf dat die boek vol “vreemde begrippe” was wat by hom “’n gevoel van ontoereikendheid en onvermoë om te verstaan” gewek het, maar dan vervolg hy: “Dit raak byna ondraaglik om alles in te neem en te probeer begryp. Jy bevind jou in ’n nuwe wêreld, verhewe bo jou klein verwysingsraamwerk. Oplaas dring dit tot jou deur jy is deel van ’n groter geheel, selfs ’n groter opset…

JULIE-WENBOEK Julie-wenners wen ’n bloemlesing Jy maak my gelukkig deur LAPA Uitgewers. Dit is die tweede bloemlesing wat deur LAPA onder die vaandel “Jongliefde” uitgegee word. Soos die vorige bloemlesing, bevat hierdie een agt novelles. Skrywers soos Malene Breytenbach, Antoinette Venter en Madelie Human se verhale is daarin opgeneem. Die boek is by toonaangewende boekwinkels sowel as by www.lapa.co.za beskikbaar ELIZE SAVAGE IS ONS WENNER VANDEES WEEK: ▸ As jy vis gebak het en daar hang ’n visreuk in die huis, gooi drie tot vier teesakkies in ’n bietjie water in die pan en laat dit goed kook. Dit elimineer die reuk.▸ As jy staalwol klaar gebruik het, skud die ekstra water uit en bêre dit in ’n bakkie of sakkie in vrieskas. Dit keer dat die staalwol roes en…