Innholdsfortegnelse for 19 July 2019 i Vrouekeur

Van alle dinge is dit ’n fliek wat my hierdie week aan die dink gesit het. Bicycle Thieves is die kunsfliek waarvan Leon van Nierop op bl 53 meer vertel. Etlike jare gelede, kort nadat ek die leisels oorgeneem het van die wa, Vrouekeur, wat ons elke week deur die drif moet trek, het ek en Leon mekaar ontmoet om kennis te maak. Leon was toe reeds deel van die VKspan, onder meer as rolprentresensent. Ek wou ’n ekstra stuk op sy blad hê en het hom gevra om elke week ’n paar woorde aan die bespreking van ’n sogenaamde kunsfliek af te staan. Gewis nie omdat ek wou grênd klink nie, maar omdat die soort flieks, vandat ek ontdek het daar is meer as Hollywood, regtig iets probeer sê.…

Sowat 13 jaar ná sepiekykers haar as die skooldogter Lara in Egoli leer ken het, speel Mandi Baard nou wéér ’n karakter wat eintlik jonger as die aktrise self is. “Ek was destyds 21 jaar oud toe ek die rol van die tiener Lara vertolk het,” onthou sy. “En nou is ek op pad 37 toe, en Lienkie is in haar laattwintigerjare.” Sy was dadelik opgewonde toe sy vir die rol in Getroud met Rugby (GMR) genader is. Lienkie is die ma van ’n negejarige seun, Johan. Die kinkel in die kabel? Johan se pa is die losskakel Blitz, maar Blitz het nooit geweet hy het ’n seun nie … “Lienkie is egter allermins ’n feeks. Sy’s nie daar om moeilikheid te maak of geld te eis nie,” verduidelik Mandi.…

Oor skoonheidskompetisies het almal ’n mening. Party mense dink dis maar ’n vlak gedoente terwyl ander weer dink dis ’n uitstekende manier vir meisies en seuns om hul selfbeeld te bou en hulle baie van die wêreld te leer. Wenners van veral groot kompetisies moet deesdae slim, welsprekend en goedhartig wees en moet verkieslik oor ’n universiteitsgraad beskik. ’n Paar dekades gelede, voor sepiesterre aanbiddingstatus bereik het, was mens op hoogte van elke enkele Mej SA-finalis se bestaan. Hulle was glanspersoonlikhede en ons het hul name geken. Deesdae onthou jy skaars wie ’n jaar of twee gelede die wenner was. Tog is daar wenners wat vertel dat die kroon hul lewe verander en deure oopgemaak het. Die pryse is ook veel skouspelagtiger as in die verlede. Lida*, ’n gewese borg…

KOOP DIT HIER Forever New www.forevernew.co.za Jet www.jetonline.co.za MrP www.mrp.com Woolworths www.woolworths.co.za Zara www.zara.com/za/…

Tini sê: Lees is heel waarskynlik die belangrikste in die skep van ’n kenniskultuur. Probeer om hulle aanvanklik aan verskillende soorte leesmateriaal bloot te stel. As hulle namate hulle ouer word ’n sterk belangstelling in sekere velde ontwikkel, probeer die leesstof wat hulle lees in verskillende formate aanbied. So kan hulle byvoorbeeld die biografie van hul gunstelingfiksieskry-wer lees. Lees behoort nie net die lees van boeke in te sluit nie. Dit sluit blogs, tydskrifartikels en ander materiaal in. Daar is opvoedkundige YouTubevideo’s oor amper elke denkbare soort opvoedkundige materiaal wat in skole aangebied word. Dit bied verryking en dikwels ook ’n ander manier aan om die onderwerp te benader. Chereen sê: Lees van jongs af vir jou kind voor. Soos wat kinders ouer word, moet mens steeds voorleestyd saam met…

’N AAND BY DIE OPERA ’n Galakonsert, ’n Aand by die Opera, word op Saterdag 20 Julie om 19:30 by die Rondebosch Baxter-teater gehou. Konsertgangers gaan op arias, duette en gedeeltes van operas deur Mozart, Rossini, Bellini, Verdi, Puccini, Bizet en ander getrakteer word. Suid-Afrikaanse operasterre soos Goitsemang Lehobye, Nozuko Teto, Violina Anguelov, Bongiwe Nakani, Ané Pretorius, Makudu Senaonana, Sipho Fubesi, Owen Metsileng en Msimelelo Mbali gaan in aksie wees. Die doel van die konsert is om geld vir die Opera Voices of SA-projek in te samel. Kaartjies kos R100 tot R250 en kan deur Webtickets bespreek word BIG 5-KOMEDIE Die Big 5 -komedievertoning vind op 26 en 27 Julie by die Teatro in Montecasino in Fourways plaas. Komediante soos Stuart Taylor, John Vlismas, Schalk Bezuidenhout, Tats Nkonzo en Kurt Schoonraad…

Slakke en sitrus Slakke hou glo nie baie van die reuk van sitrusskille nie. Gooi die skille in die tuin om slakke weg te hou. Minder stof Voeg asyn by uitspoelwater van gordyne. Dit sal verhinder dat stof maklik aan gordyne vaskleef. Minder sukkel As jy sukkel om ’n kurkprop weer in ’n bottel te pas, sit dit in kookwater tot dit sag is en probeer nog ’n keer. Sterk reuk? As ’n bottel of bak ’n nare reuk het, gooi bleikmiddel in en laat dit vir ’n dag iewers staan. Was dit daarna gewoonweg. ’N RITSSLUITER WAT HAAK GOOI ’N PAAR DRUPPELS SJAMPOE OOR DIE RITSSLUITER EN PROBEER WEER. KNIP-KNIP Sny ’n paar keer deur foelie met ’n skêr, dit behoort dit darem effens skerper te maak.…

’N SMAKIE VAN ITALIË Die winter is die inspirasie vir die Terra del Capo Antipasti Bar op Anthonij Rupert Wyne se seisoenale spyskaart. Hul tapasstyl disse is die ideale pasmaats vir die landgoed se Protea-, L’Ormarins-, Cape of Good Hope-, Anthonij Ruperten Terra del Capo-wynreekse. Hoogtepunte op die winterspyskaart is die Black Angus-biefstuk en truffels wat op die Altima-landgoed verbou word. Die Terra del Capo-proekamer en Antipasti Bar is van Dinsdag tot Sondag van 10:00 tot 16:30 oop. Vir meer inligting of om te bespreek, bel 021 874 9041 of stuur ’n e-pos na tasting@rupertwines.com SPIER SE SEAWARD Spier het ’n splinternuwe wynreeks wat deur die Kaapse kus geïnspireer is. Hul Seaward-reeks bestaan uit ’n gesofistikeerde, gehoute chardonnay en ’n komplekse, speseryagtige shiraz. Spier se wynmakers het die druiwe vir…

Daar is darem net iets omtrent ’n outydse soort treinreis wat die verbeelding aangryp, dink ek nou die dag weer op ’n trein na Grenoble, terwyl die Franse platteland in skakerings van somergroen verby die vensters gly. Dit was nie eens ’n danig outydse trein nie, maar vandat ek gereeld in Frankryk se blitsige TGV-treine ry, voel enige stadiger trein vir my so half outyds. En ek bedoel outyds nou op die begeerlikste moontlike manier. As jy nie in ’n manjifieke stoomtrein soos Harry Potter se Hogwarts Express kan reis nie, moet jy mos maar tevrede wees met die treine waarin jy wel kan ry. JK Rowling se towertrein na Skotland het my seunskind só begeester dat ons summier na Platform 9¾ moes gaan soek toe ons op ’n keer…

Hoe oud hierdie kassie is, weet ek nie, maar ek sal nie verbaas wees as dit kort ná die aanvang van die industriële era van stoomaangedrewe masjinerie aanmekaargetimmer is nie. Die kliënt vir wie hierdie kassie nuutgemaak is, is in haar dertigs en tipies van hierdie ouderdomsgroep, is sy gaande oor Steampunk. “Vir my lyk dit bra grillerig,” is ’n kollega se kommentaar toe sy die vooraansig van die kassie sien. Uiteraard kyk sy toe in die skedel vas, maar Steampunk is veel meer as dit. En dit is ook nie sprekend van een of ander “bose” kultus nie. Steampunk is ’n kunsgenre. Wat is Steampunk en hoe lyk dit? Die volgende name, woorde en begrippe gee mens konteks en ’n prentjie in jou kop: Mallerige wetenskaplike en uitvinder, wetenskapfiksie,…

MOEILIKHEIDSGRAAD: ✰✰ SPESIALE NOTAS Twee groottes is beskikbaar: volwasse man en volwasse vrou. Enige vrae rakende die patroon kan op die Facebook-groep “Vrouekeur Brei en Hekel” gevra word. Demonstrasies vir gevorderde tegnieke is beskikbaar op die webwerf van Ilona Slow Life Creations. BENODIGDHEDE 150 g African Expression Harmony (3 x 50 g), of 150 g Elle Classic Wool Aran (3 x 50 g), of 200 g Charity Chunky (2 x 100 g) 5,00 mm-hekelpen AFKORTINGS EN STEEKVERDUIDELIKINGS glb – gedraaide langbeen ghs – geheime hegsteek gs – glipsteek hlb – halwe langbeen hlb2tes – halwe langbeen twee tesame, ks – kettingsteek lb – langbeen rdte – rondte sXso – slaan x aantal steke oor st – steek Vlb – vooromlangbeen vlg – volgende PATROON Begin met ’n dubbellus-sirkel. Hekel rondte…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 12 woorde, goed 16 woorde, baie goed 20 woorde of meer, uitstekend OPLOSSING: Aangeneem, aanmeng, aanneem, aanneme, meegaan, eenman, gemaan, gemeen, gemene, geneem, enema, manga, manna, amen, maag, maan, meen, meng, naam, neem Woordsoek 25 honde is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees word en val…

As jou kind aan skoonheidskompetisies deelneem: ■ Moenie jou kind dwing om deel te neem as sy of hy nie regtig in die kompetisies belangstel nie.■ Onthou dat dit dieselfde as ’n stokperd jie is en dat daar balans ten opsigte van skool, sport en belangstellings moet wees. Het jou kind genoeg tyd om te leer en aan skoolwerk te bestee?■ Leer jou kind dat kompetisie gesond is, maar as dit handuit ruk, is dit ’n probleem.■ As dit nie vir jou kind pret is nie, oorweeg ’n ander stokperdjie.■ Wees bewus van wat ouderdomsgepas is en let op na seksualisering. Trek jou kind ouderdomsgepas aan■ Laat dit jou en haar of hom gemaklik voel?■ Doen navorsing oor kompetisies, agente en beoordelaars en maak seker dat dit veilig is voor…

MEDITERREENSE GROENTE 4 porsies 1 ui, in agtstes gesny5 ml (1 t) fyn knoffel800 g (1 pak) gemengde groente50 g (1 pakkie) groentegeur-soppoeier, met 850 ml water aangemaak30 ml (2 e) tamatiepasta60 ml (¼ k) basiliekruidpesto 1 Braai ui en knoffel tot sag. 2 Gooi groente by. 3 Gooi soppoeier en tamatiepasta by groente. 4 Laat kook tot groente net sag is. 5 Sit met vars brood en basiliekruidpesto bo-op voor. WENK SKAAPVLEIS MET BENE GEE MEER GEUR SKAAPKERRIE 4 porsies 1 ui, gekap1,5 kg skaapvleis, in blokkies gesny60 ml (¼ k) kerriepoeier420 g (1 blikkie) gekapte tamaties50 g (1 pakkie) skaapgeur-soppoeier, met 1 𝓵 water aangemaak400 ml (1 blikkie) klappermelk 1 Braai ui tot sag. Skep uit en hou eenkant. 2 Braai skaapvleis in sarsies tot goudbruin. 3 Gooi…

Julie-wenners wen ’n bloemlesing Jy maak my gelukkig deur LAPA Uitgewers. Dit is die tweede bloemlesing wat deur LAPA onder die vaandel “Jongliefde” uitgegee word. Soos die vorige bloemlesing, bevat hierdie een agt novelles. Skrywers soos Malene Breytenbach, Antoinette Venter en Madelie Human se verhale is daarin opgeneem. Die boek is by toonaangewende boekwinkels sowel as by www.lapa.co.za beskikbaar LOUSIA LOTTER VAN GEORGE IS ONS WENNER VANDEESWEEK: ▶ As mens elke aand ’n mespunt Engelse sout, borrie, heuning en 2 t suurlemoensap meng en dit in ’n koppie lou water oplos en drink, sal dit soos ’n detoks wees en boonop hoë bloeddruk verlaag.▶ Kook gelyke hoeveelhede knoffel, suurlemoen, brandrissie en uie en syg deur. Gebruik die vloeistof as spuitmiddel vir plantluise op rose.▶ Rasper suurlemoenskil, meng met gelyke hoeveelheid…

Daar is ’n hele paar dinge in die pragtige dorp wat ons nog nie ervaar het nie. En met ’n verjaardagnaweek die regte tyd om die lewe te vier, is ons ook effens meer rojaal met die oop beursie. Ons eerste ontdekking begin sommer aan die buitewyke, in Klapmuts by ’n nuwe tonikum-proelokaal. “Wat maak jy as jy nie lekker tonikum kry nie? Jy maak jou eie,” neem Hanneli van der Merwe, mede-eienaar van Barker and Quin. Kyk, dis nou nie elkeen wat sommer net sy eie tonikum tuis in Ouma se soppot begin kook nie. Maar Hanneli was nie verniet die eerste vrou wat haar doktorsgraad in wynkunde aan die Universiteit Stellenbosch behaal het nie. Dié vrou ken van proe en meng en eksperimenteer. Hanneli en Chris Wium het…

Kort voordat François Mitterrand die Franse presidentsverkiesing in 1981 gewen het, het hy in ’n kandidaatstoespraak gesê “die sukses van ’n beskawing word aan sy argitektuur gemeet”. In die 14 jaar wat hy staatshoof was, het hy met mening uitvoering aan dié ideaal gegee. Een van die eerste projekte wat Mitterrand aangepak het, was die restourasie van die Louvre-kunsmuseum. Dié restourasiewerk moes teen 1989 afgehandel wees om met die 200ste herdenking van die Franse Revolusie saam te val. Die Chinees-Amerikaanse argitek IM Pei is aangestel om die interieur te herbeplan en om ’n nuwe ingang vir die kunsmuseum te ontwerp. Mitterrand het Pei op grond van sy verbeeldingryke nuwe vleuel vir Washington se National Art Gallery aangestel. Die Richelieu-vleuel van die Louvre is in daardie stadium deur die departement van…

Just Music se platebaas en musiekvervaardiger Benjy Mudie, die uitvoe rende vervaardiger Charles Kühn, die verwerker en regisseur Matthew Fink, van die land se beste musikante en die veteraan Lance James (Liebenberg) het maande lank geskaaf om die album Swan Song te vervolmaak en ’n album van internasionale gehalte te skep. Hoewel dit Lance (80) se groetalbum is, is dit nie ’n versameling van sy treffers die afgelope ses dekades nie; dis ’n tentoonstelling van sy veelsydigheid en kunstenaarskap. Benjy is LJ (soos Lance in die bedryf bekend is) se skoonseun. Hy is met Lance en Val (ontslape) se dogter, Dionne, getroud. Jare al wou Benjy dié album doen, maar Lance was nog nie gereed nie. Hy het uiteindelik ingestem. Daar is bekende treffers en daar is werk wat al…

VROU BEHEP MET DIE STERRE My vrou is behep met die sterretekens. Sy besoek sterrewiggelaars, lees in elke publikasie wat die sterre voorspel en wil ons lewens daarvolgens reguleer. Ek glo nie aan daardie twak nie. Ek begin dink sy is met die maan gepla. Sy dring daarop aan dat ons elke dag die koerant daarvoor koop en voer dan ’n monoloog met haarself. Help! – Geen sterre in die oë nie Ek is nie van voorneme om op iemand se stert te trap nie, maar ek het persoonlik nog geen waarde daarin gevind nie. Daar is mense wat daarin glo en hul lewens daarvolgens inrig. Ek het jare tevore saam met ’n joernalis gewerk wat die vrae en die antwoorde self moes uitdink. Hy glo net soos ek dat…

Doodsengel is Madelein Rust se sesde roman. Is dit ’n vergeldingsdrang wat iemand laat moor, of kan dit die psigologiese nagevolge van traumatiese kinderjare wees? Magdalena Bakkes moor vir die derde keer in haar lewe en kies om te vlug, gedring deur die moeras van molestering en geweld wat haar kinderjare gekenmerk het. Sy sal nooit weer in ’n sel sit nie, al kos dit wát. 3 lesers kan die boek wen. SMS DOODSENGEL gevolg deur jou naam, van en adres voor 24 Julie 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

“Beoefen kuns vir die liefde daarvan en nie noodwendig vir geld nie. Dit bly die belangrikste. Wat ook al daarna volg, sal jy geniet. As jy kuns ter wille van geld doen, gaan jy soms baie afgehaal voel. Ek het as jong man na bekende beeldhouers se werk gekyk en kon nie verstaan waarom hulle so baie geld maak nie. Noudat ek kuns beter verstaan, besef ek hoekom hulle wel goeie beeldhouers is. Kuns val ook op ’n spektrum. Daar is kunstenaars wat wel ’n goeie bestaan maak en ander kunstenaars wat nie eens ’n huis of motor kan bekostig nie. Collen beklemtoon die waarde van ’n goeie agent en ’n goeie galery. “My pa het wel homself geleer, maar hy het baie goeie verhoudinge met galerye opgebou. En ek…

John* was 20 toe hy op kampus by die lesinglokaal inloop en die professor daarvan beskuldig dat hy sy studiegeld gesteel het. Die kampussekuriteit moes hom uit die klaskamer verwyder omdat hy geweier het om dit te verlaat. Die voorafgaande jaar het sy gedrag toenemend vreemd geraak. Hy het nie meer saam met sy vriende gekuier nie en nie meer aan sy voorkoms aandag gegee nie. Hy het selde gebad en dieselfde klere dae aaneen gedra. Vir sy familie by wie hy gebly het, het hy die kere wat hy wel met hulle gepraat het, gesê die universiteit is net ’n front vir ’n kriminele organisasie. Hy het dikwels met homself geloop en praat en so dikwels oor misdaad gepraat dat sy pa en suster hom dokter toe geneem het.…

Wat is nou lekkerder as om ander lande te verken terwyl jy terselfdertyd jou guns telingsportsoort beoefen? ’n Klompie fikse Durbanvillers vertel van die uiteenlopende maniere waarop hulle dit doen. Jaco Smith (34) het sy liefde vir reis en draf gekombineer om toere vir avontuurlustiges met dieselfde lewensuitkyk aan te bied. Die reisgogga het hom jonk reeds gebyt en hy was knaend besig om die een of ander avontuur te bestudeer wat hy die volgende naweek, week of maand wou aanpak, vertel hy. Dit het later só saamgesmelt met sy passie vir hardloop dat hy eers die volgende wedloop sou soek en dan sy reis daarvolgens sou beplan – plaaslik sowel as oorsee. Eendag het hy op ’n lughawe ’n groep drawwers opgemerk wat op dieselfde vlug as hy gewag…

#bakliefde Mareli GRONDBOONTJIEBROSLEKKERS 12 stukke 250 ml (210 g) suiker125 ml (½ k) gouestroop60 ml (¼ k) water2 50 ml (150 g) geroosterde grondboontjies7,5 ml (½ e) botter5 ml (1 t) koeksoda2,5 ml (½ t) vanieljegeursel Spuit ’n silikonbakvel met kleefwerende sproei. 1 Gooi suiker, gouestroop en water in swaarboompot. Laat kook vir sowat sewe minute sonder om te roer tot suiker mediumbalstadium bereik. 2 Gooi grondbone by en kook vir verdere vyf minute tot suiker hardebalstadium bereik. Roer om te keer dat grondbone nie aanbrand nie. 3 Verwyder pot van hitte en roer botter, koeksoda en vanieljegeursel by. 4 Skep mengsel op bakvel en laat afkoel. 5 Breek in stukke en stoor in lugdigte houer.…

KOFFIE, 1, 2, 3! Maak in ’n japtrap vir jou ’n espresso met Ella. Skud die kapsule vir ’n paar sekondes, gooi die inhoud in jou beker en gooi kookwater by. Daar is ook geure soos vanielje en kakao. Dis kos R179 vir ’n pak van 12 by sekere Spar-, Pick n Pay- en Checkerswinkels in die Wes-Kaap. www.ella.coffee HULP VIR DELIKATE VEL Allergieë, verkoues of griep kan veroorsaak dat jy jou neus dikwels moet blaas, wat die delikate vel rond om die neus en lippe vol barsies, rooi en seer laat. Gebruik Letibalm wat spesiaal geformuleer is om droë, gebarste lippe, skaafplekke, veluitslag en lipontsteking te verlig. Dit is perfek enige tyd van die jaar, maar is veral nuttig in die winter. Dit kos ongeveer R76 by Dis-Chem, sekere…

Onder die vroegste skryfwerk in Suid-Afrika tel veral reisbeskrywings. Wanneer die VOC byvoorbeeld soldate gestuur het om die binneland te verken, is daar noukeurig verslag gehou oor die reise, sodat inligting oor die geografie, die fauna en flora en die inwoners van die land vasgelê kon word. Op dié manier is die onbekende Afrika aan Europeërs “bekendgestel”. Benewens reisverslae het reise ook in fiksie ’n belangrike rol gespeel. SJ du Toit het byvoorbeeld in 1894 ’n reis na die destydse Rhodesië (Vandag se Zimbabwe en Zambië) onderneem en op grond daarvan ’n reisverslag, Sambesia of Salomo’s goudmijnen besocht, geskryf en die reis het ook as agtergrond vir sy roman, Di koningin fan Skeba (1898) gedien. Mens kan verstaan dat hierdie soort skryf werk veral in die koloniale tyd gebloei het.…

ROLPRENTE THE LION KING Met Seth Rogen en Chiwetel Ejiofor Regisseur Jon Favreau DIEREDRAMA Dit is selde dat mens die beskrywing “dieredrama” langs ’n rolprent se titel kan plaas, maar lesers wat die The Lion King as ’n animasierolprent ken, (wat die kleuters al voos gekyk het op DVD!) dié slag is dit ’n lewende aksierolprent. Dit beteken dat rekenaartowenaars dieselfde geliefde storie (in ’n mate op Hamlet gegrond) op so ’n manier opgetower het dat dit nou lyk asof die diere werklik is, nes die olifantjie in Dumbo. Selfs vir ons in Afrika, wat seker al ’n regte leeu in ’n wildtuin of dieretuin gesien het, sal jy beswaarlik die verskil tussen die ware Jakob (kat?) en ’n rekenaargedrewe effek kan onderskei. Dit sit die tradisie van die Disney-ateljees…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant My vriendin van Maleisië kuier vir ’n paar dae by ons en ek vra so ’n bietjie raad oor hoe om ons huis te verfraai, want sy is goed daarmee. Die eerste ding wat sy sê is: “Gooi uit! Gaan vir eenvoud. Jou vertrekke moet lig wees. Jy moet voel jy kan asemhaal!” Daar en dan begin die groot uitgooi. Banke word nuut oorgetrek en mooi, nuwe gordyne word gemaak. Ek is ’n hele paar rand armer, maar dit is mooi en ek haal in die eenvoud diep en vry asem. Maar eenvoud is nie in alle aspekte van ons lewe realisties nie. Ons is komplekse wesens. Ons is fisiek…