Innholdsfortegnelse for 28 June 2019 i Vrouekeur

Sakejoernalis en skrywer TJ Strydom vertel die verhaal van een van Suid-Afrika se bekendste sakereuse op ’n vars, pakkende manier. www.nb.co.za 3 lesers kan die boek wen. SMS RYKDOM gevolg deur jou naam, van en adres voor 3 Julie na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Die eerste keer wat ek hom oor sy boek hoor gesels was, was by die US Woordfees op Stellenbosch. Die gewilde skrywer Rudie van Rensburg, wat weet van spanningsverhale skryf, het met Jaco gesels. Rudie het die beskrywing voorgelees: “Bloedbroers. ’n Vriendskap en totale vertroue gesmee in Angolese pseudo-operasies. Carlos Viyera, die veteraan met ’n duister, gewelddadige verlede. Tex Texeira, sy talentvolle protégé. En toe is die oorlog verby. Of is dit? “Hoekom, ná jare van donker geheime, het Carlos nou die grens as renosterstroper in Mosambiek oorgesteek? Die gevreesde, onaantasbare Kalingono, dood verklaar ná ’n duister operasie … nou moordend terug? Militêre Inligting soek antwoorde. En Tex Texeira is die enigste operateur wat dit naby hom kan waag. As hy die skietdood van sy eie vrou kan verwerk. En…

Belê een keer ’n jaar in ’n ordentlike paar leerskoene of-stewels. Dis duursaam! ’n Reis van ’n duisend myl begin met … ’n fantastiese paar skoene! Aldo www.aldoshoes.co.za, Cape Union Mart www.capeunionmart.co.za, Forever New www.forevernew.co.za, Green Cross www.green-cross.com, Madison www.madisonheartofnewyork.com, MrP www.mrp.com, Nike www.store.nike.com, Poetry www.poetrystores.co.za, Zara www.zara.com…

PORTUGESE ROLLETJIES MET KOOLSLAAI 4 porsies 750 ml (3 k) garingvleis160 ml (⅔ k) BBQ-sous SLAAI 1 klein kop rooikool, fyngekerf1 rooi ui, fyngekerf3 groot agurkies, fyngekap125 ml (½ k) mayonnaise125 ml (½ k) suurroomsout en peper6–8 Portugese rolletjies 1 Meng garingvleis en sous. Hou eenkant. 2 Slaai Meng kool, ui, agurkies, mayonnaise, suurroom, sout en peper. 3 Sny rolletjies oop en verdeel garingvleis en koolslaai eweredig in rolletjies. 4 Sit dadelik voor. GARING-VARKVLEIS 2–2,5 kg varklies (pork belly) sonder been60 ml (4 e) olie60 ml (4 e) suiker15 ml (1 e) sout15 ml (1 e) growwe peper30 ml (2 e) paprika5 ml (1 t) knoffelpoeier15 ml (1 e) fyn komyn15 ml (1 e) fyn koljander5 ml (1 t) fyn rooipeper5 ml (1 t) mosterd1 ui, grofgekap2 wortels, geskil en…

Die 130 km op die N2-snelweg vanaf Port Elizabeth, die vriendelike stad, kronkel gemaklik heuwel op en af deur ’n dig beboste omgewing met hoofsaaklik wildsplase en lappies grasveld waar beeste en perde wei. Sypaaie draai regs na die vele klein stranddorpies wat deel van die Sonskynkus vorm. Maar hierdie verleidelike pastorale landskap verklap elke dan en wan sy onderbou van worsteling met die natuur, swaarkry en oorlog soos wat die bordjies getiteld, Frontier Country, elk met gepaardgaande kanon-ikoon, verbyflits. En dan, ná ’n gewigtige haarnaalddraai, ontvou Makhanda, vasgevang in ’n diep kom. Nie te waffers groot nie, maar darem ook nie net ’n stofstreep in die Oos-Kaap nie – op sy tyd naas Kaapstad een van die groot stede van ons land. Die dorp het ’n verstommende rykdom aan…

Teen ’n raps meer as R3 200 per nag kan jy nou in dié “blou huis” in Giverny, noordwes van Parys in Frankryk, tuisgaan. Dié huis waar Claude Monet, vader van die Impressionisme, tot en met sy dood in 1926 gewoon het, is deesdae as Airbnb-verblyf beskikbaar. Dié aanbod is die jongste in ’n nuwe gier om die eksotiese binne huishoudelike bereik te bring. Onlangs is ’n kompetisie aangebied waarin die wenner en metgesel vir een nag toegang tot die Louvre in Parys kon kry. Vir dié doel is ’n klein sitvertrek vlak voor die Mona Lisa ingerig en ’n minipiramide in IM Pei se glaspiramide is as slaapvertrek vir die wenners gebou. In 2016 het die Chicagokunsinstituut ook mense die geleentheid gebied om op Airbnb in ’n rekonstruksie van…

“Eenling is die mens gebore,” sê die digter. Dit mag so wees. En op die dag van ons uiteindelike uittog, moet ons ook die laaste helpende hand laat los en alleen deurgaan. ’n Mooi sirkelgang, van eenling tot eenling. Maar tussenin is ons radikale groepsdiere, bymekaargehou deur bande wat heg, maar nie bra sigbaar is nie. Sulke bande is wat die mens in woester tye help oorleef het. Ons het naak teen die natuur gestaan, weerloos teen die roofdier met sy klou en slagtand. Net in groepe het ons ’n kans op voortbestaan gehad. Rug aan rug vegtend teen die ongediertes rondom. Saamgebondel om die vuur vir mekaar se liggaamshitte om ons deur die koue nag te help. Gou het die primitiewe mens agtergekom dat min dinge die groep so…

WENBOEK Die voorbereiding van lekker en voedsame maaltye vir die gesin is gewoonlik hoog op die lys van uitdagings. In Maaltye – maklike geregte vir elke dag kan jy slim oplossings kry vir middagetes, aandetes en onthaalmaaltye wat jou familie en vriende sal geniet en weer voor sal vra. Geïnspireer deur mense wat graag interessante en gesonde kos eet, maar nie baie tyd vir koskook het nie, het Christine Capendale geregte geskep wat nogtans maklik is om te maak en jou nie ure in die kombuis besig sal hou nie. Die boek word deur Human & Rousseau uitgegee en is by toonaangewende boekwinkels beskikbaar. ANNELICIA LAMPRECHT IS DIE WENNER VANDEESWEEK: ▶ Gooi ’n stukkie botter in vla om te keer dat dit ’n velletjie vorm. ▶ Gooi ’n klein bietjie…

MOEILIKHEIDSGRAAD: ★★ WAT HET JY NODIG? 2 balle elk ELLE Pure Gold DK (100 g) in Lily, Bubbles en Blueprint 3 balle in Silver 4,5 mm-naalde GROOTTE Vierkante 25 cm x 25 cm Kombersiegrootte ongeveer 115 cm x 96 cm AFKORTINGS aw – aweregs aw2tes – brei 2 ste aweregsgewys tesame dnv – draad na voor ks – koussteek (1ste ry: r. 2de ry: aw.) r – regs rs – reksteek (elke ry regs) WENKE ▶ Kies kleure van jou keuse.▶ Brei meer en langer stroke vir ’n groter deken.▶ Die vierkante word oor 44 ste gebrei (behalwe die saadsteekrifpatroon wat oor 45 ste gebrei word). Herhaal patroon tot jou blok vierkantig is. Myne was 64 rye.▶ Belangrik: as jy by Saadsteekrifpatroon kom, vmeer 1 st in 1ste ry en…

Onlangs, tydens die huidige Amerikaanse president se besoek aan Engeland, sit dié man soos gewoonlik weer nie ’n wag voor sy mond nie en twiet hy voor hy dink. Oor dié hedendaagse kommunikasiemiddel is ek uitgesproke. Ek dink dit is ’n uiters oneffektiewe manier van kommunikeer en veral presidente moet liewers nie twiet nie. Veral nie dié wat sukkel om te dink nie. Donald J Trump besluit toe om net voor hy op 3 Junie in Engeland voet aan wal sit, die volgende oor die burgemeester van Londen, Sadiq Khan, te twiet: “… @SadiqKhan, who by all accounts has done a terrible job as Mayor of London, has been foolishly ‘nasty’ to the visiting President of the United States, by far the most important ally of the United Kingdom. He…

Dae het selde genoeg ure vir alles wat Zetske van Pletzen daarin wil laat pas. Dit begin gewoonlik met besige oggende saam met klein Alexander (hy word in September drie jaar oud) wat drie keer per week by ’n speelskool afgelaai word. Daarna volg tyd op stel by Getroud met rugby (GMR), waar sy nou al byna twee jaar lank die rol van Julia vertolk. Ná werk probeer sy en manlief Altus Theart (ook ’n mede-akteur by GMR) soms vinnig tyd inruim vir iets te ete saam. Ander dae trek sy haar tekkies of balletskoene aan vir ’n boot camp-of balletklas, en daarna is dit pajamadril met die kleinding, aandete, GMR-woorde leer en dan dikwels nog tyd afknyp om aan haar modereeks aandag te gee. “Ja, ek sal nie voorgee…

10000 TREE Almal wat ’n slimhorlosie dra, poog om 10 000 tree per dag te stap. ’n Professor aan die Harvard-skool vir openbare gesondheid reken ouer vroue het nie soveel treë nodig om gesond te bly nie. Die studie het na 17 000 vroue van gemiddeld 72 jaar gekyk en gevind hulle verlaag hul risiko om te sterf met 41% deur daagliks 4 400 tree te stap teenoor vroue wat net 2 700 tree gestap het. Kunshand wat kan voel Wetenskaplikes is besig om ’n handskoen te ontwikkel wat oor ’n prostesehand gedra kan word wat die draer kan help om te voel. Dit bevat glo 548 sensors wat inligting van die artikel in die hand waarneem. STADIG MET DIE ENERGIEDRANKIES Veral tieners en jongmense drink energiedrankies om hul konsentrasie…

CLASSICS IN PRETORIA Die gewilde Classics-vertoning vind weer op 20 Julie in Pretoria plaas en gehore kan na ’n kragtoer van treffers uitsien. Die verto ning by die Sun Arena op Time Square in Pretoria sluit kunstenaars soos Demi Lee Moore, Phantom of the Opera-ster Jonathan Roxmouth, Elvis Blue, Tarryn Lamb, Corlea, Amira, Touch of Class, Monique Steyn, Kevin Leo, Boki, Timothy Moloi en Jannie Moolman in. Kaartjies is by Computicket of Shoprite-en Checkers-winkels landwyd beskikbaar JAZZ IN MAKHANDA Dis weer tyd vir die jaarlikse Standard Bank-jazzfees in Makhanda (Grahamstad). Vanjaar word die fees vir die 32ste keer aangebied en word van 27 Junie tot 7 Julie gehou. Verskeie buitelandse jazzsterre gaan in aksie wees en die verhoog met ons eie sterre deel. Besoek www.standardbank.com/naf en www.nationalartsfestival.co.za KINDERS BY KIRSTENBOSCH…

APPELSTRUDEL 1 strudel 5 middelslagappels (500 g)2,5 ml (½ t) suurlemoensap1,25 ml (¼ t) sout180 ml (175 g) bruinsuiker2,5 ml (½ t) kaneel1,25 ml (¼ t) neutmuskaat60 ml (¼ k) vrugtekoekmengsel125 ml (½ k) pekanneute60 ml (¼ k) lemoensap60 ml (¼ k) broodkrummels60 ml (60 g) botter6 velle fillodeeg Voorverhit oond tot 190 °C en voer bakplaat met waspapier uit. 1 Sny appels in kwarte en elke kwart in drie dele. Skil stukke en meng met suurlemoensap en sout. 2 Gooi bruinsuiker, speserye, vrugtekoekmengsel, neute, lemoensap en broodkrummels by en meng goed. 3 Smelt botter. 4 Verf fillodeeg laag vir laag met botter en pak op mekaar. 5 Skep appelmengsel bo-op en hou 3 cm van kant sonder vulsel. Vou al die kante oor appelmengsel en rol fillo in lengte…

As jy na Malisca Carver se debuut album, MC, luister, besef jy hier is wêreldklastalent! Haar stem (rokerig-heuningsoet) is poprég, die komposisies, verwerkings en produksie (byderwets-stewig deur Riaan Steyn van Traxtudio) het ’n internasionale geur. En dan kom dié verrassing: hierdie Kapenaar is net 19 jaar oud! Maar sy is al omtrent ’n dekade lank woelig op internasionale verhoë – as sangeres én model. Op vierjarige ouderdom het sy al geweet wat haar roeping is en sy neem sedert haar agste verjaardag sanglesse, gevolg deur opleiding in klawerbord, kitaar, baskitaar en tromme. Sy het skool op 14 jaar verlaat, want sy wou net sing! Sy het die een kompetisie ná die ander gewen: die algehele Grand Prix-wenner by die Polish International Culture Caravan in 2017, vyf goue medaljes en afdelingwenner…

Die kaalkop met die oogklap agter die blinkgepoleerde lessenaar kyk streng na Julia. “Hierdie is jou eerste groot opdrag en ek wil geen komplikasies hê nie. Ons het ’n reputasie om te handhaaf, onthou dit.” “Natuurlik,” antwoord Julia, knipper haar bruin oë en vryf oor haar kort swart hare. “Dit gaan nie maklik wees nie,” gaan die kaalkop voort en suig aan ’n dik Kubaanse sigaar. “Jy sal jou as een van die gaste voordoen en so onopsigtelik moontlik te werk moet gaan. Moenie te veel praat en aandag op jouself vestig nie.” “Moenie bekommerd wees nie. Ek het mos by die beste in die bedryf geleer.” “Dan behoort jy te weet dat mens juis in ons bedryf nie te gerus moet raak nie. En wees versigtig.” Die man fikseer…

KOMMER OOR VRIEND Ek het ’n baie goeie vriend wat ’n kunstenaar is. Hy is werklik besonder talentvol en ’n mentor vir vele. Hy het ’n beroerte en verskeie bloedklonte in sy been gehad en by die dood omgedraai. Hy is weer op die been en rook al weer soos ’n skoorsteen en hou ook glad nie sy dieet dop nie. Preek help nie. Ek sterf van kommer. – Anoniem Die vraag is of jou vriend werklik wil lewe, aangesien hy juis voortgaan met die gewoontes wat die bloedklonte ensovoorts kan aanhelp en vererger. Dit is moontlik dat sy afhanklikheid van tabak groter as sy sin vir die lewe is. Verduidelik jou bekommernis aan hom. Vra hom (sonder om te preek) wat hy dink die implikasies en komplikasie van sy…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant In Efesiërs 6 gee Paulus ’n volle beskrywing van die wapenrusting waarmee elke gelowige hom-of haarself daagliks behoort te klee. In vers 16 verwys hy na die “skild van geloof”. “Daarby moet julle altyd geloof as skild in die hand hê, want daarmee sal julle al die brandpyle van die Bose kan afweer.” Wanneer Paulus Efesiërs 6 skryf, het hy ’n Romeinse soldaat, ten volle geklee in sy wapenrusting, in gedagte. Die Griekse woord wat vir skild gebruik is, is thureos. Thureos het verwys na ’n langwerpige deur wat baie wyd en lank was. Die rede hoekom die Romeine dié woord gebruik het om hul skilde mee te beskryf, was…

Die akteur Val Uchendu het by ’n geleentheid die volgende wysheid kwytgeraak: “Wanneer mens ’n geliefde verloor, is dit belangrik om te verstaan dat die verlies nooit ongedaan gemaak kan word nie. Jy moet daarmee saamleef, of jy daarvan hou of nie. Indien jy ’n sinvolle lewe wil lei, is dit belangrik om jou verlies in iets positiefs om te keer. So kan die beste in jou na vore kom. Al is jy verwond en stukkend, bly jy onstuitbaar.” Dis byna asof Val hierdie woorde spesiaal vir Ira Blanckenberg geskryf het. Ira en haar man, Waldemar Schultz, se seun, Kieran, is in Augustus 2013 dood toe hy op Hermanus by ’n uitkykpunt gegly en van die kranse afgeval het. Hy was maar net 14 jaar oud. Ná sy dood het…

’N RAAKPAS-TOEP VAN NIKE Hoe gemaak om seker te maak jou nuwe tekkies pas perfek, veral as jy dit aanlyn bestel en dit nie kan aanpas nie? Nike dink hulle het die oplossing met die nuwe Fit-toep. Dis maklik om te gebruik. Staan teen ’n muur en neem ’n foto van jou voete. Op die agtergrond maak die Nike Fit-toep van rekenaarvisie en kunsmatige intelligensie gebruik om 13 datapunte van jou voetmorfologie te verwerk. Binne ’n paar sekondes laat die toep jou weet watter grootte skoen, in die skoenstyl wat jy soek, jou sal pas. Die toep behoort later vanjaar hier te wees. JOU HOMMELTAXI WAG Dink aan ’n hommeltuig en jy dink aan jou buurman se seun wat op ’n Sondagmiddag met sy speelding ’n geraas maak. Maar daar…

MAROKKAANSE LAMSKENKELS MET GEURIGE RYSSLAAI Genoeg vir 4 SKENKELS 4 lamskenkelssout na smaaksap van 2 lemoene30 ml (2 e) olyfolie3 knoffelhuisies, geskil en fyngekap2 cm vars gemmer, geskil en fyngerasper2 lemoene, in kwarte gesny7–8 takkies tiemie RYS 500 ml (2 k) gaar bruinrys100 g sagte, droë appelkose, gesnipper50 g pistasieneutesap van 2 lemoene45 ml (3 e) olyfolie15 ml (1 e) rooiwynasyn1 knoffelhuisie, geskil en fyngekap handvol vars kruie sooskruisement en koljander1 groot Glad Roasting Bag Voorverhit die oond tot 160 °C 1 Skenkels Geur skenkels met sout. Meng lemoensap, olyfolie, knoffel en gemmer in klein bakkie en smeer oor skenkels. 2 Sit skenkels in groot Glad Roasting Bag saam met lemoenkwarte en tiemie. Knoop sakkie toe volgens aanwysings en laat eenkant in oondpan staan sodat lam vir minstens halfuur kan…

SKOON SONDER WATER Met Day2 kan jy nou klere vars laat lyk sonder dat dit gewas is. Hierdie sproei werk soos droë sjampoe. Spuit dit op die kledingstuk en hang dit vir 15 minute op. Dit sal vars ruik en kreukels sal ook weg wees. Ideaal om saam te neem wanneer jy reis en jou T-hemp gekreukel uit jou tas kom. Dit kos R69,99 vir 75 ml en R99,99 vir 200 ml. By Dis-Chem en Woolworths beskikbaar. KERRIEGEUR IN DIE LUG Maak disse opwindend met die nuwe geure van Koo se kerriegroente. Daar is nou groente in Durban Curry Sauce en Cape Malay Curry Sauce beskikbaar. Dit kan by ’n dis gevoeg of net so geëet word. Dis ’n bron van vesel, is laag in vet en keurgraad, ongeveer R17,99…

ROLPRENTE STAN & OLLIE 7/10 Met Steve Coogan en John C Reilly Regisseur Jon S Baird WARE LEWENSVERHAAL Komaan, erken dit was destyds jou gunstelingvoorprent! (Dit wil sê as jy destyds nog ’n kind was!) Stan Laurel en Oliver Hardy was die bekendste komediespan sedert die Marx-broers en die Three Stooges. Mense het hulle in ’n koma in gelag vir die paar, en ek het persoonlik gesien hoe my ouma my oupa op die rug moes klap sodat hy sy asem kon terugkry terwyl hy na hul kortflieks gekyk het voordat die hoofprent, Tarzan, begin het. Maar terwyl die twee paloekas “sorgvry” voor die kameras baljaar het, was daar vele tragedies in hul persoonlike lewens, en hul loopbane het hulle op ’n kol van mekaar probeer skei. Maar hulle was…

Geheime speel ’n bepalende rol in die meeste stories wat ons vertel. Dink maar net hoeveel verhale gaan eintlik oor die ontdekking van geheime. Mens kom eers aan die einde van ’n speurverhaal agter wie die moordenaar was of waarom die misdaad gepleeg is. Spioenasieverhale gaan altyd oor geheime: – geheime agente probeer regerings se geheime uitvind en dit is ’n geheim wie ’n agent vir watter kant is. Geheime speel egter nie net ’n deurslaggewende rol in misdaad-en spioenasieverhale nie. Ook in liefdesverhale is daar altyd geheime: Sy wil nie hê almal moet van haar ware gevoelens weet nie. Daar is ’n “donker geheim uit sy verlede” wat sy verhoudings met ander beïnvloed. Hoe is haar liefde of vriendskap tevore verraai? Waarom vind sy dit so moeilik om enigeen…

In ’n wit huis aan die rand van die dorp, in ’n tuin met katjiepiering en tjienkerientjees, woon ’n vrou wat selde gesien word. Een dag per week gaan haar dubbelgarage se deur van binne af oop. Dan kom sy uitgery met ’n kopdoek en donkerbril, en vat die grootpad. Wanneer sy laatmiddag terugkom, kan winkelsakke se ore deur die motor se agterruit gesien word. In die groot tuin tussen rankrose en jasmyn sien mens haar soms met ’n wye strooihoed en rubberhandskoene. Sy dra ’n bont bloes en ’n roeskleurige romp. Aan haar voete is leersandale. Sy trap lig in die beddings om die verste takke aan haar bome met die snoeiskêr by te kom. Sy kweek die mooiste rose op die dorp. Met ’n bos van die rose…

Echeveria is ’n groot vetplantgenus wat aan die familie Crassulaceae behoort en inheems in die halfwoestyngebiede van Sentraal-Amerika, die Noordwestelike gebiede van Suid-Amerika en Mexiko is. Die genus is na Atanasio Echeveria Y Godoy, ’n Mexikaanse botaniese kunstenaar, genoem. Om die name van die spesies en talryke hibriede van hierdie gewilde supergenus te probeer verstaan, blyk nutteloos te wees – daar is so baie variasies, soveel “byname”, en in sommige gevalle nogal ooreenkomste met ander genera in die familie soos Graptopetalum en Sempervivum (huislook), wat dit ook nie makliker maak nie. ’n Baie algemene beskrywing dui op die volmaakte bou en pragtige tekstuur van dié rosetvormende plante. As mens byvoorbeeld ’n enkele roset van die gewone Echeveria elegans (Mexikaanse sneeubal of kliproos) in jou hande hou, kan jy nie anders…

Deur XWord Vir navrae navrae@xword.co.za Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Gewoonlik ’n vrou wat van ’n huis ’n aangename verblyfplek maak SMS jou antwoord, voorletters, van en dorp/stad voor of op 17 Julie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 30 woorde, goed 39 woorde, baie goed 46 woorde of meer, uitstekend OPLOSSING: Slangpark, spankrag, glaskap, knalgas, kargas, nagkar, nagpak, nagras, raglan, skraag, algar, alnag, glans, graal, graan, karga, klaag, knaag, kraag, langs, panga, plaag, slaag, slang, agar, angs, gaan, gaar, gaas, gala, gans, gaps, gars, glas, grap, gras, kaag, krag, laag, lang,…