Innholdsfortegnelse for 14 June 2019 i Vrouekeur

Met Vadersdag om die draai is dit sekerlik gepas om iets oor en vir pa’s te skryf. Hoe lyk’n goeie pa? As mense hierdie vraag 100 jaar gelede gevra het, sou die antwoorde radikaal van vandag se antwoorde verskil het. Hedendaagse pa’s ruil doeke om, doen pajamadril, ry kinders skool toe, help met huiswerk, kook, en in Skandinawiese lande kry pa’s ook betaalde “kraamverlof”. En nie’n miserabele twee dae nie. Ons praat hier van weke, selfs maande. G’n wonder dié lande is bo-aan die lys van die beste lande in die wêreld om in te woon nie. Maar hedendaagse pa’s pas ook nie noodwendig in die tradisionele boksie nie. Ouerskap het in die laaste 100 jaar’n gedaanteverwisseling ondergaan en hedendaagse gesinne is ook nie altyd’n ma, pa, en kinders nie.…

Sy mag dalk jonk wees, maar dit beteken nie Kisha Skei sukkel om haar eie stem in’n onderhoud te vind nie. Trouens, al het sy draadjies om haar tande en erken sy prontuit “Ek love my Facebook en Instagram”, het sy’n stille selfvertroue en gesels onderhoudend oor haar lewe en loopbaan. “Ek’s darem nie só jonk nie,” spot sy. “Oor’n paar dae is ek 21,” vertel sy ten tyde van die onderhoud, maar toe was daar geen planne vir’n reusepartytjie nie. “Ek is maar’n skamerige mens, ek hou nie daarvan as daar te veel aandag op my is nie. Ek het vir my Mom en Dad gesê ek soek nie’n fancy storie nie. “’n Twenty first is nogal’n groot okkasie, veral in die Kaap, waar die meeste van my familie…

Tussen die vrolike blou massa wat vir pouse uit die rooibaksteengebou van die Afrikaanse Hoër Meisieskool Pretoria stroom, is die fyn 15-jarige Leila al’n bekende gesig in haar Affie-blou rolstoel. Soos enige doodgewone tiener is sy gek oor haar vriende, kuiers, Crunchies en veral musiek. “Ed Sheeran is my gunstelingsanger en dit was my grootste droom om hom te ontmoet.” En dit is presies wat gebeur het, toe Reach for a Dream deur Good Morning Angels op Jakaranda FM haar uit honderde hoopvolles gekies en’n ontmoeting met die Britse superster gereël het. Sy, haar ouers, en’n vriendin het BBP-kaartjies na Ed Sheeran se Divide-toer in die Sowetostadion gekry en kon in Discovery se losie na die konsert gaan kyk. “Ons is baie bederf en dit was’n aand wat ek nooit…

LET WEL Alkohol is slegs aan persone ouer as 18 jaar beskikbaar KREATIEWE IDEES ▶ Gee vir hom’n ervaring soos valskermspring, gholflesse,’n BMW Advanced Driving Course of neem hom weg vir’n naweek. ▶ Gee’n geskenkbewys van plekke soos Sorbet Man, The Laser Boutique, Woolworths, Safari Outdoor, Cape Union Mart en Makro. ▶ Ons het oulike koepons vir Pappa gemaak! Laai dit op www.vrouekeur.co.za af Beerlab www.beerlab.co.za Clicks www.clicks.co.za Dermalogica www.dermalogica.co.za Dis-Chem www.dischem.co.za Netflorist www.net-florist.co.za Old Khaki www.oldkhaki.co.za pHformula www.phformula.africa Pure beginnings www.purebe-ginnings.co.za Rolex www.rolex.com Safari Outdoor www.safarioutdoor.co.za Sapmok www.sapmok.com Snob Milano www.snobmilanosa.co.za Thule www.thulestore.co.za Weber www.weber.co.za Yuppiechef www.yuppiechef.com…

Vir die kleingoed by vanjaar se Innibos-fees bied Jakkie Louw sy heerlike Felias en Pokkel-poppekasvertoning aan. Hierdie twee pratende muise sorg vir groot pret en terselfdertyd iets leersaams. Almal wat van Jakkie se musiek hou, sal by baie van die kuierverhoë na hom kan luister. Om’n pa te wees, is die grootste seëning wat vir enige man gegee kan word, sê Jakkie. Sy en Anel se twee dogters, Linke (7) en Kara (5), draai hom behoorlik om die pinkie en dis vir hom besonder lekker as daar kans is om iewers in die natuur met hulle te wees. Wat kan dan nou lekkerder wees as om saam met jou kinders’n vlieër op die strand te vlieg, vra hy. Die kere wat hy en Linke en Kara in die kombuis invaar…

#bakliefde Mareli BRUINBROOD 1 brood500 ml (2 k) louwarm water10 ml (2 t) suiker1 pakkie (10 g) kitsgis625 ml (350 g) bruinbroodmeel375 ml (200 g) witbroodmeel5 ml (1 t) sout Smeer’n broodpan met botter. 1 Meng water, suiker en gis tot gis opgelos is. 2 Gooi meel en sout by en roer tot deeg vorm. Knie vir 10 minute tot glad en elasties. Bedek deeg met plastieksak en laat rys vir’n uur of tot dubbelvolume. 3 Skep deeg op meelbestrooide oppervlak, druk liggies plat en vorm brood. Plaas deegrol in broodpan en laat rys vir 30 minute of tot dubbelvolume. Voorverhit oond tot 180 °ċ. 4 Bak brood vir 50 minute tot goudbruin en gaar. Haal uit oond en sit warm met plaasbotter voor.…

Die nuwe tendens aan die Afrikaanse musiekfront is die uitreiking van enkelsnitte aanlyn. Hiermee stel platemaatskappye nuwelinge bekend en toets die liedjie se trefkrag en die kunstenaars se gewildheid. Ná die uitreiking van’n rits enkelsnitte volg’n volledige album soms. JANIE BAY SING IN AFRIKAANS Janie Bay het in 2016’n platekontrak met Warner Music beklink en haar debuutalbum, Miscellany, wat in 2017 uitgereik is, is vir’n Sama-toekenning benoem. Die albumtreffer Can’t be the One het in 2018’n goue toekenning verwerf vir die beste musiek in’n video by die internasionale Queen Palm-rolprentfees in Palm Springs, Kalifornië. Haar musiek is al in’n aantal Afrikaanse rolprente gebruik en nou reik sy haar eerste Afrikaanse enkelsnit, Amper daar, uit. Dit is’n treffende liefdeslied oor romanse; soos dit werklik beleef word en nie soos dit in…

Ná die sukses van George Bizet se Carmen in 1875 was enigiets wat Spaans geklink het hoogmode. Iemand wat munt uit dié situasie geslaan het, was die violis en komponis Pablo de Sarasate. Martín Melitón Pablo de Sarasate y Navascués is in 1844 in Pamplona in Spanje se Navarre-provinsie gebore, waar sy pa die leier van’n artillerie-orkes was. Toe sy pa sukkel om’n stuk op die viool onder die knie te kry, so lui die verhaal, het die klein Pablo die viool opgetel en korte mette daarvan gemaak. Op vyf het sy pa hom vir vioollesse ingeskryf en op agt het hy sy eerste openbare uitvoering gegee. Op 12 het hy aan die Paryse konservatorium begin studeer. In 1860 het hy sy debuut as konsertviolis in Parys gemaak en die…

MY BESTE VRIENDIN RUIK NA SWEET My vriendin is beeldskoon en sexy, maar ruik altyd soos’n perd. Sy hou kêrels nie lank nie, hulle los haar altyd. Almal is verbaas omdat sy nie’n kêrel hou nie. Ek dink dat die kêrels dit ook agterkom, maar nie weet hoe om dit vir haar te sê nie en dan eerder die verhouding beeïndig. Hoe vertel ek haar van die reuk? Sy gebruik seep en deodorant, maar dit lyk asof sy onbewus van die klankie is. – Opregte vriendin Dit is inderdaad’n baie moeilike saak om aan te raak. Daar kan mediese redes wees, maar ek wil net noem dat daar’n verskil tussen’n deodorant en antiperspirant is.’n Deodorant verskaf’n reuk wat verbygaande is, maar’n antiperspirant voorkom juis daardie sweetreuk. Haar probleem is waarskynlik…

WOORDSPEL 22 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Pedanties, diepste, apside, diepte, padnet, pandit, pateen, pedant, siende, tiende, deins, dieet, diens, diepe, dinee, einde, etend, sedan, stand, adep, dans, dees, dein, deps, dese, dien, diep, eend, idee, idee, sand, sede, stad, tand Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters…

Haar huis is wit en lig en oop. Net soos die energie wat Amore uitstraal. En praat ís een van haar besonderse talente. “Dit én eet. Eet is’n talent, nie almal kan so lekker eet nie,” beweer sy. Dit is moeilik om nié aan Amore se lippe te hang nie en sy het voorwaar’n gawe om jou in te katrol en jou gedagtes op’n trapmeul te plaas. Sy het’n storie, bieg sy en ek skuif my voorbereide vrae eenkant. “So, 2018 was die beste jaar van my lewe,” vertel sy. “In die begin van die jaar het’n kennis my kom groet. Hy was op pad om Engeland toe te emigreer en hy het woorde gespreek wat my bygebly het: ‘Amore, sorg dat jy gelukkig is, want die lewe is lank…

“Ek het nooit kon dink dat ek op 40-jarige ouderdom met prostaatkanker gediagnoseer sou word nie, nog minder dat dit’n positiewe ervaring sou wees,” sê Darren*,’n finansiële beplanner van Kaapstad. Darren het teen die einde van verlede jaar vir’n volledige gesondheidsondersoek gegaan om sy Vitality-punte’n hupstoot te gee en sy dokter het aanbeveel dat hulle as voorsorgmaatreël sommer’n bloedtoets laat doen om sy PSA-vlakke (prostate specific agent) te bepaal. Die uitslag het getoon sy PSA-vlakke is hoër as wat dit moet wees en hy is na’n uroloog verwys. “Die MRI het bevestig dat ek’n graad 4-letsel van 10 mm op my prostaat het (graad 5 is die ernstigste) en’n biopsie het fase 1-prostaatkanker bevestig. “Ons het’n baba en ek en my vrou het gepraat oor die moontlikheid dat ek ná…

MOENIE DIE HARE LAAT WAAI NIE Maak borsels nat voor jy troeteldiere borsel, dan sal die hare nie rondwaai nie. Penmerke op jou muur of lessenaar? SPONS WITASYN OP JOU KIND SE “MEESTERSTUK” EN VRYF HERHAALDELIK. BAKSTEENKAGGEL MAAK’N BAKSTEENKAGGEL SÓ SKOON: MENG 1 K WITASYN MET 3,5? WARM WATER. DOOP’N LAPPIE DAARIN EN VEE OOR DIE BAKSTENE. PAP BATTERYE? As jou flitsbatterye pap is, sit dit oornag in’n plastieksakkie in die vrieskas. Jy behoort hulle dan weer’n rukkie te kan gebruik. OU BOERERAAT Om die vet van sop af te skei, gooi die sop deur’n doek wat goed in koue water natgemaak is.…

Bly warm Mooi warmwatersak met’n blokkiesjassie vir die winter, R350, Poetry. GEURIG Met die Black Garlic Squeeze kan jy hande wat na knoffel ruik, vaarwel toeroep. Knoffel is nou in’n gerieflike uitdruksakkie beskikbaar. Geur jou dis, plaas net die doppie ná gebruik weer terug en sit dit in die yskas vir’n volgende keer, R16,99, by sekere Checkerswinkels beskikbaar. BLINK KANT BO Hou sweedseleerskoene sag en mooi met Plush se Suede & Nubuck Renew, vanaf R49,99. *Pryse onderhewig aan verandering DOKTER BY DIE HUIS Baie van ons sukkel maar met’n seer keel of loopneus in die winter. Die 333-produkreeks is jou persoonlike dokter by die huis. Probeer die Throat and Tooth Spray, R59,95, of die Mouth Throat Gargle, R54,95, by Dis-Chem beskikbaar.…

ROLPRENTE THE WHITE CROW Met Oleg Ivenko en Ralph Fiennes Regisseur Ralph Fiennes WARE LEWENSDRAMA Balletgeesdriftiges sal die rolprent oor die lewe van die balletdanser Rudolf Nureyev sekerlik by Cinema Nouveau teëkom. In onderhoude bevestig die akteur en regisseur Ralph Fiennes dat hy nie na’n akteur gesoek het wat voorgee hy kan dans nie, maar’n danser wat kan toneelspeel. Dit is hoe Oleg Ivenko die gesogte rol gekry het. Dit kyk veral na die stormagtige tyd in Nureyev se lewe toe hy’n radikale besluit moes neem: gaan na die Weste, of bly vir ewig in Rusland waar hy net vir die staat gaan dans en werk. Sy besluit het die balletwêreld verander. Die biografie skram ook nie van sy seksualiteit of sy vriendskap met balletdansers weg nie – sommige nogal…

Karin Howell en haar man, Trevor, het vyf jaar gelede vir hulle’n studiowoonstel op die Strandse kusfront se gewilde Melkbaai gekoop. Die woonstel bied pragtige uitsigte oor Valsbaai en die klein balkonnetjie met’n braai is die ideale kuierplek op soel someraande. Die Howells het dié woonstel van 60 m2 gekies omdat hulle net wou toesluit en ry, maar ook oor die pragtige uitsig, die minder besittings, die goeie sekuriteit en natuurlik om naby hul dogter en kleinkinders te wees. “Ons dogter, Karin-Therése, en kleinkinders, Lise en Ethan, woon in die Strand en ons wou graag ons eie plek hê as ons gedurende die jaar daar gaan kuier,” vertel Karin. Trevor is’n sakeman en Karin’n afgetrede skoolhoof. Hul dogter is aan die Universiteit Stellenbosch verbonde en die egpaar se twee seuns…

André Brink was ongetwyfeld een van die belangrikste Afrikaanse skrywers, en is steeds een van die bekendste skrywers uit Suid-Afrika. Sy invloed op die Afrikaanse letterkunde as romanskrywer, as kritikus en as teoretikus was enorm. Brink het gedurende die 1970’s en 1980’s lesers se oë oopgemaak vir die onreg wat in ons land gepleeg is. Hy het vir Afrikaners wat in die patriargale, Calvinistiese en nasionalistiese Afrikaanse wêreld ontuis gevoel het woorde gegee om hul ongemak mee te verwoord en getoon dat ander maniere van bestaan moontlik is. Sy romans het wêreldwyd in 30 tale lesers geskok, ontroer en getroos. Hy het deur sy resensies en akademiese werk herhaaldelik nuwe teoretiese benaderings tot literatuurstudie in Afrikaans help vestig. Brink is op talle maniere vir hierdie bydraes vereer – met literêre…

Dis die hoeveelste keer dat Pieterjan dit hoor – dat hy die posman se kind is. Waar anders sou hy dan vandaan kom? Hy met sy rooi hare en sproete? Beslis nie van dieselfde plek waar sy broers en susters aanmekaargesit is nie. Want hulle almal dra swaar aan die donker pigment waarvoor sy bruingebrande familie bekend is. Swart hare, donkerbruin oë, soel velle. Nou, Pieterjan weet nie wie die posman was toe hy gebore is nie, maar oom Salie wat nou die pos aflewer, kan skaars nog fietsry en lyk het nie asof hy dit ooit behoorlik kon bemeester nie. Vir’n gekuier by die huisvrouens langs die pad sou hy sweerlik nie kans gesien het nie. “Het jou ma jou buite laat lê en toe roes jy?” As hy’n…

WAT HET JY NODIG? 7 balle CHARITY CHUNKY (100 g) in Antique 4,5 mm-en 5,5 mm-naalde Kabelnaald Steekhouers MATE Pas Groot of 105–112 cm-borsmaat WENK Elke 15 steke is 10 cm breed. As jy groter trui wil brei, stel gelyke hoeveelheid steke meer op en vermeerder net koussteekbaan weerskante. Werk hals oor middelste 32 steke en vermeerder moue se steke tot so breed soos verkies. AFKORTINGS gl1 – glip 1 steek regsgewys k4a – glip 2 steke op kabelnaal na agter, r2 en r2 van kabelnaald k4v – glip 2 steke op kabelnaald na voor, r2 en r2 van kabelnaald k6a – glip 3 steke op kabelnaald na agter, r3 en r3 van kabelnaald k6v – glip 3 steke op kabelnaald na voor, r3 en r3 van kabelnaald ks –…

SPLINTERNU WE SUBSKRI PSIE-OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy…

Aanhangers ken hom as’n popsanger, maar die afgelope paar jaar was Arno Jordaan meestal voltyds’n sakeman. Hy en vroulief, Lizanie, het immers twee woelwaterseuntjies wat nou eerste kom. Tog sal hy musiek nooit opsy kan skuif nie.’n Volle vyf jaar ná As jy hier is uitgereik is, is sy nuwe album, Kom ons doen dit, eindelik op die rakke. Ná talle navrae van sy aanhangers, het Arno self begin lus word om weer musiek te maak. Die naam van die album spruit dus uit dié eenvoudige besluit – om nie meer uit te stel wat sy sangloopbaan betref nie, en bloot te sê: “Kom ons doen dit”! Die enkelsnit Derde Wêreldoorlog vaar besonder goed en die gepaardgaande musiekvideo het al byna 300 000 trefslae op YouTube. Vertel bietjie meer van…

Dr Francois Duvenage van die Urologie-hospitaal in Pretoria benadruk hoe belangrik vroeë opsporing is. “Dan is die oorlewingsyfers soveel hoër.” Prostaatkanker het dikwels’n goeie prognose, veral as dit vroeg opgespoor en behandel word. En met die vooruitgang in die behandeling is die lewensgehalte van’n lyer ook soveel beter as vroeër. As jy met prostaatkanker gediagnoseer word, sal jou dokter een of meer soorte terapie daarvoor aanbeveel. Afhangende van die vlak van jou kanker kan dit van “kom ons hou dit dop” en chirurgie tot bestraling en hormoonterapie wissel. Robotchirurgie, wat by die Urologiehospitaal begin is, het tot’n dramatiese verbetering in die behandeling van prostaatkanker gelei. Voordele hiervan sluit minder bloedverlies en korter hospitaalverblyf en siekverlof in. Let egter daarop dat prostaatkanker newe-effekte kan hê wat van pasiënt tot pasiënt verskil…

Akteur Wynand van Vollenstee is bekend vir sy rolle in Karate Kallie en as Gielie op Ouboet en Wors. Hy is mal oor Gielie, die outjie wat beslis nie eerste in die ry gestaan het toe verstand uitgedeel is nie. Maar wat Gielie ook al kortkom wat breinselle betref, maak hy op met sy reusehart, vertel Wynand laggend. Hy is nou al gewoond daaraan dat mense wat hom ontmoet vir hom sê: “Maggies, jy is toe nie so dom soos op TV nie!” Wanneer hy oor sy gesin begin gesels, is dit nogal’n verrassing om te hoor hy is die pa van’n vierjarige seuntjie. Hy en Evan se ma, Leani, wat Annetjie in Karate Kallie gespeel het, ken mekaar van hul studentedae af en is al ses jaar getroud. Klein…

Gawie sê: “Wanneer ouers op’n dagskool moet besluit, moet die gehalte van versorging in gedagte gehou word, veral as die kind kort ná geboorte na’n dagmoeder gestuur word.’n Hegtingsfiguur is van kardinale belang, ook of daar meer as een hegtingsfiguur is. “Nog iets om in gedagte te hou, is of daar enige ontwikkelingsprobleme is. Dit wil sê jong kinders wat AGHS,’n mate van outisme, disleksie of spraakprobleme kan ontwikkel, moet vroeg geïdentifiseer word. Sulke kinders moet dopgehou word en spesiale hantering kry. “Ek is seker baie ma’s voel hartseer en skuldig om soggens hul jong kinders by dagsorg af te laai, maar wanneer die ma weet dit is’n goeie dagskool waar haar kind goeie, positiewe aandag kry, daar goeie versorging is en daar geborgenheid aan die baba of kleuter gegee…

Die voorbereiding van lekker en voedsame maaltye vir die gesin is gewoonlik hoog op die lys van uitdagings. In Maaltye – maklike geregte vir elke dag kan jy slim oplossings kry vir middagetes, aandetes en onthaalmaaltye wat jou familie en vriende sal geniet en weer voor sal vra. Geïnspireer deur mense wat graag interessante en gesonde kos eet, maar nie baie tyd het vir koskook nie, het Christine Capendale geregte geskep wat nogtans maklik is om te maak en jou nie ure in die kombuis besig sal hou nie. Die boek word deur Human & Rousseau uitgegee en is by toonaangewende boekwinkels beskikbaar. HIER IS S ENGELBRECHT SE WENK OM POTTE BLINKSKOON TE MAAK: Voeg 1 gerasperde koekie Sunlightseep en 1 k koeksoda by 5 k kookwater. Roer dit tot…

WENKE Jy kan die spek met enige ander gaar vleis vervang. Dis ook heerlik met maalvleis. SOUTMUFFINS 4 porsies 1 ui, gekap5 ml (1 t) fyn knoffel200 g (1 pak) spekstukkies2 medium murgpampoentjies, gerasper250 ml (1 k) kaas, gerasper250 ml (1 k) amandelmeel60 ml (¼ k) vlasmeel125 ml (½ k) gerasperde parmesaankaas15 ml (1 e) Italiaanse kruie2,5 ml (½ t) sout7 ml (1½ t) bakpoeier4 eiers60 ml room60 ml (¼ k) water Stel oond op 180 ċ. 1 Braai ui, knoffel en spek tot gaar. Laat afkoel. 2 Voeg res van bestanddele by afgekoelde spekmengsel. 3 Roer tot goed gemeng. 4 Skep in muffinpan wat met kolwyntjiepapiertjies uitgevoer is. 5 Bak vir 20 minute of tot toetspen skoon uitkom. WENK Maak seker die kaiings is baie droog. As die vet…

Ons bespreek vir drie salige dae teen die rivier en see, tussen Sedgefield en Knysna. Maar Google neem ons by die verkeerde afdraai – Groenvlei – af en ons ry salig onbewus by Lake Pleasant verby. Aan, see se kant toe. By The Garden Bistro sit mense met yskoue biere op die stoep – Vrydagmiddag sit al lank loom in hul kuite. Toe ons by die kwaai branders onder op die strand uitkom, besef ons die aanwysings is verkeerd. Dis toe wat ek my besprekingsdokumente uit die paneelkissie grawe en sien daar is aanwysings. Ons draai’n paar kilometer verder by Buffelsbaai se afdraai in en vorder’n paar meter, voor ons die Volkswagen Beetle in die veld sien staan. Bo-op’n hoop stompe en boonop met’n branderplank op sy dak. “Ons betree…

Ná’n besoek aan die Scuola Grande di San Rocco in Venesië skryf John Ruskin in 1845 in’n brief aan sy pa: “I never was so utterly crushed to the earth before any human intellect as I was today, before Tintoret. [H]e lashes out like a leviathan, and heaven and earth come together. M Angelo himself cannot hurl figures into space as he does.” Dat die 26-jarige Ruskin oorbluf kon wees deur Tintoretto se tamaaie skilderye is te verstane, hoewel dit terugskouend dalk’n bietjie dik vir’n daalder is. Nietemin het Ruskin, die Victoriaanse kunskritikus wat vanjaar 200 jaar gelede gebore is,’n leeue-aandeel gehad in die taksering van die werk van die Venesiese kunstenaar Jacopo Robusti (1518–1594), die man wat alom as Tintoretto bekend staan. Sy pa was’n kleurder (tintore) wat met…

Onlangs lees ek’n artikel in’n oorsese tydskrif oor ghosting. Nee, dis nie’n weird stokperdjie of slaapkamerspeletjie nie, dis wanneer iemand met wie jy in’n verhouding is, soos’n groot speld verdwyn. As’t ware voet in die wind slaan en nie eens’n stofwolk agterlaat nie. En nie verdwyn soos in niemand weet waar hy of sy is en word by die polisie as’n vermiste persoon aangemeld nie. Jý is die enigste persoon met wie hy of sy kontak verbreek, sonder enige verduideliking. Régtig, dink ek, iemand dink’n naam uit vir iets wat ons 20 jaar gelede slegte maniere genoem het.’n Lafaard wat duidelik nie die selfvertroue van’n kokkerot het nie en liewer net die hasepad kies as om te sê “jammer, ek sien nie meer kans hiervoor nie” of “ek moet vir…

Hoe lyk jou winter? Vaal en mistroostig? As jy eerder hierdie tyd van die jaar ver van jou tuin bly omdat dit jou depressief maak, is hierdie artikel vir jou. Dit hoef nie die geval te wees nie, want met’n bietjie beplanning kan jy’n rapsie warmte na jou tuin bring. “Warm” kleure (skakerings van rooi, geel en oranje) is baie in op die oomblik en sal aan jou wintertuin’n tikkie warmte verleen. Ons weet al dat kleur’n mens se bui kan beïnvloed en daarom kan dit beslis dieselfde vir jou tuin doen. Rooie, oranjes en gele is nie net’n kleur wat mens se gemoed lig nie, maar hulle bring ook’n warmte na hul omgewing, terwyl koel kleure soos bloue en perse’n meer kalmerende effek het. In’n tuin kan kleur ook…

Die belangrikste woorde wat seker ooit hier op aarde geuiter is, is die woorde wat Jesus aan die kruis geprewel het: “Dit is volbring!”, in Grieks Tetelestai. Tetelestai was’n woord wat met die idee van die afbetaal van skuld verband gehou het. Dié “skuld” was natuurlik die skuld wat die wêreld God geskuld het. Besef jy dat toe jy gebore is, jy klaar in die skuld was? Nie finansieel nie, maar geestelik. En dan hoop ons skuld deur ons lewe as gevolg van ons sonde op. Wanneer ons vra: “Here, wat skuld ons? Hoe betaal ons die skuld?” Dan sê die Here: “Daar is net een manier! Die loon van die sonde is die dood (Rom 6:23). Jy gaan moet sterf, nie net fisiek nie, maar vir ewig.” Maar die…