Innholdsfortegnelse for 7 June 2019 i Vrouekeur

As ek op my lewe terugkyk, is daar sekere goed wat ek met vandag se insig anders sou gedoen het, dalk nie gedoen het nie of dalk nie gesê het nie, maar dis wensdenkery. Die verlede is verby. Koos Kombuis gee ons hierdie week in sy gesprek met CJ de Swardt (bl 8) ’n blik op sy lewe die afgelope 30 jaar. Die Koos van vandag is nie die Sturm und Drang-Koos van toentertyd nie. Wat het daartoe bygedra? Die verloop van 30 jaar. Dis juis my eie Sturm und Drang-jare wat my soms na my asem laat snak. Is ek spyt? ’n Mens kan jouself kasty, bejammer, skaam kry, hartseer of kwaad raak oor gebeure in die verlede, of jy kan gewoon jou oë rol oor simpel goed wat…

Marlene van der Westhuizen se eerste boek, Delectable, is in 2006 uitgegee en het gou ’n gunsteling onder tuiskokke geword. Marlene woon nou tussen Seepunt en Charroux, Allier, in Frankryk, waar sy kookklasse aanbied en gereelde kooktoere na Frankryk lei. Die kooktoergaste word vir die kooklesse in hul 14de eeuse huis, Bagatelle, getrakteer en oor die ses dae word daar omtrent gekuier en gekook. Almal bly in nabygeleë gastehuise waarheen jy sommer kan stap, sodat die heerlike Franse wyn op sy beste geniet kan word, met die smulgeregte wat in die lesse berei word. Ek lees iewers dat die kooktoere ook daaglikse oggendstappe, soms fietsritte, pieknieks en kuiers by plaaslike kosmarkte en antieke handelaars insluit. Bagatelle is sedert 2004 deel van die Van der Westhuizens se lewe, maar het as…

Om mens te wees, het vele uitdagings. Een daarvan is om in te pas, maar soms probeer jy so hard om in te pas dat jy jouself verloor en jou identiteit prysgee. Jy tree dan as ’t ware soos ’n verkleurmannetjie op. Alissa* vertel dat sy weens ’n swak selfbeeld jare lank probeer het om aanvaarding by ander mense te kry. “In die proses het ek my eie identiteit prysgegee. Ek sou dinge sê en doen waarmee ek nie regtig saamgestem het nie. Ek het egter ’n baie duur prys betaal en aan depressie begin ly. Deur middel van terapie het ek gelukkig by ’n punt uitgekom waar ek myself volkome kon aanvaar.” Volgens Tini Visser, ’n voorligtingsielkundige, het mense ’n inherente behoefte om te behoort. “Mense wat weerloos is,…

Ná die ongeluk was Mienke twee maande lank op ’n ventilator en nog twee maande daarna in rehabilitasie voordat sy huis toe kon gaan. “Dit was ’n lang pad wat ons reeds gestap het, en daar is nog ’n lang pad wat voorlê,” erken Verna. Sedert Mienke uit die hospitaal ontslaan is, het sy ’n paar terugslae beleef. Weens serebrale verlamming is alles in haar liggaam spasties. “Haar heupe het uitgehaak en haar gewrigte was beseer. Laat verlede jaar moes Mienke ’n heupoperasie ondergaan om snye aan haar bene te maak in die hoop dat dit die kromgetrekte spiere sal rehabiliteer.” Nog ’n uitdaging is dat Mienke se brein begin krimp het. Om daarvoor te kompenseer, het die brein vog opgebou. Dit kan nie dreineer word nie. “Mense vra gereeld…

KAKIEGROEN & GEEL KLASSIEK DIEREMOTIEWE GERUIT POF Omkeerbaar! WEN 2 gelukkige Vrouekeur-lesers kan elk ’n Mac-in-a-sac-baadjie wen. Gaan na www.vrouekeur.co.za om in te skryf. MrP www.mrp.com Poetry www.poetrystores.co.za Trappers www.trappers.co.za Woolworths www.woolworths.co.za YDE www.yde.co.za Zara www.zara.com…

ALD is ’n oorerflike siekte en daar is geen manier om dit te voorkom nie. Daar word genetiese berading aanbeveel vir vroue met ’n familiegeskiedenis van ALD voordat hulle swangerskap oorweeg. Dit affekteer een uit 17 900 kinders wêreldwyd. Die siekte word in ses breë kategorieë geklassifiseer. Dis ’n genetiese afwyking wat skade veroorsaak aan die vetterige isolasieweefsel wat die brein se interne senuweebedrading omhul en beskerm (miëlien). Hoë vetsuurvlakke bou in die brein en bynierkorteks op, want lyers produseer nie die ensiem wat vetsuur afbreek nie. Besoek www.healthline.com en ulf.org. Christo is op 071 678 9037 beskikbaar…

Het jy nog altyd van sanglesse gedroom, maar met die kinders se koms daarvan vergeet? Nou is jou kans! Noudat die huis leeg is, is dit tyd dat Pa en Ma ’n slag hul eie ding doen, sê ST. “Baie ouers staan soveel tyd aan hul kinders af en skeep dan hul eie belangstellings af. “Gryp hierdie kans aan en herontgin daardie belangstellings van jou wat met die koms van die kinders in die slag gebly het.” Brigitte beaam: “Een van die lekkerste goed van die leë nes vir my is dat mens ’n slag jouself weer eerste kan stel. Ek voel byvoorbeeld glad nie skuldig as ek op ’n Saterdag tot twaalfuur inlê om my boek klaar te lees nie.”…

#bakliefde Mareli ROLPOEDING 8 porsies 375 ml (200 g) koekmeel10 ml (2 t) bakpoeier2,5 ml (½ t) sout100 ml (95 g) botter1 ekstragroot eier30 ml (2 e) melk5 ml (1 t) vanieljegeursel60 ml (¼ k) appelkooskonfyt SOUS 375 ml (1½ k) kookwater250 ml (210 g) suiker30 ml (2 e) botter5 ml (1 t) vanieljegeursel room, styfgeklop Voorverhit oond tot 180 °C. Smeer ’n ronde oondbak met botter. 1 Meng koekmeel, bakpoeier en sout. Vryf botter by meelmengsel in. 2 Klits eier, melk en vanieljegeursel en meng by beslag tot deeg vorm. 3 Rol deeg in reghoek op meelbestrooide oppervlak uit. Smeer deeg met appelkooskonfyt en rol dan in lengte op. Sny in agt skywe en pak in oondbak. 4 Sous Kook water, suiker, botter en vanieljegeursel saam en roer tot…

ROLPRENTE LONG SHOT 6/10 Met Charlize Theron en Seth Rogen Regisseur Jonathan Levine ROMANTIESE KOMEDIE As jy ’n herontwerp van die Rock Hudson/Doris Day-komediestyl verwag, wag hier ’n knapsekêrel-verrassing op jou. Dit is ’n moderne, gewaagde en dikwels aggressiewe komedie vol moderne tegnieke, erge vloekery en enkele tonele wat vriendinne hande voor die mond mag laat klap met ’n “o, sies!” Daarmee uit die pad: Die komedie gaan oor Charlize Theron as die Amerikaanse minister van buitelandse sake wat haarself as die eerste vroulike president beskikbaar wil stel. En alhoewel ’n mens dalk saamstem dat Amerika so ’n mooi, vroulike en slim president nodig het, is sy nie heeltemal so ’n goeie komediant as wat mens verwag nie. Seth Rogen speel haar onder die tafel in. Maar as jou kop…

Dit was reeds diep in die nag toe ek Zirk van den Berg se jongste roman, Ek wens, ek wens, deurgelees het. Betower soos ’n kind deur ’n sprokie, kon ek die boek nie neersit nie. En as dit nie toe reeds so laat was nie, het ek dadelik boekwinkel toe gery en al die eksemplare gaan koop om as presente vir my familie en vriende te gee. Die verhaal gaan oor Sebastian Walters (Seb), ’n middeljarige lykbesorger, wie se lewe nie heeltemal verloop het soos hy gewens het nie, maar wat sy lot aanvaar en weet dat mens nie te veel durf droom nie: ’n Mens het jou werk en jy doen dit, dit help nie om vir ander goed te wens nie. Sover moontlik bepaal hy hom by…

Hennie en Leonie Barnard woon die afgelope 22 jaar in ’n groot huis in ’n gevestigde woonbuurt op Somerset-Wes. Hennie is afgetree en Leonie, wat ook amptelik as biologie-en skeinat-onderwyseres afgetree het, gee bedags onder die ruie prieël op die agterstoep klasse vir leerders. Hul drie kinders is almal getroud en uit die huis en al kind wat in die huis oor is, is die viervoetige een, die Scottie, Doughlas. Leonie vertel dat hulle oor die jare die woonvertrek, waskamer en ondergrondse wynkelder aangebou; die houtvensters wit geverf; die huis se bruin matte uitgeruk en geteël het. “Ons wou die huis meer van ’n kuier-en leefhuis maak, met verskeie ruimtes waar jy kan ontspan. In die somer kuier ons buite op die stoep en in die winter maak ons vuur…

Dis ’n neonverligte somernag toe Annie Zetler haar bagasie by die KFC buite Moskou se Yaroslavsky-treinstasie inwiel. Was dit nie vir die Cyrillies en die tapbier op die spyskaart nie, kon dit netsowel ’n Kaapstadse KFC gewees het. Sy koop bier en gaan sit naby die ingang waar sy haar nuwe reisgenoot inwag. Annie is besig met haar doktorale verhandeling in Russiese geskiedenis. Hoewel sy oorloop van kopkennis omtrent Rusland, ken sy dit nie met haar hart nie. Sy het gereken dat ’n uitgebreide toer deur hierdie kultuurhistoriese skatkis, wat die Trans-Siberiese treinrit insluit, dit sal regkry. ’n Kennis by die Lomonosov-staatsuniversiteit het haar in kontak gebring met Leo Volkov, ’n dosent in letterkunde wat Afrikaans magtig is. Hy het ingestem om haar as gids op die 9 259 km-lange…

“Vermy pessimiste, want hulle mors jou tyd!” sê Divan Malan Botha (36), die aanbieder van kykNET se Winslyn. Dié aktualiteitsprogram se doelwit is om ingeligte debatte oor ekonomiese sake van belang, die breër ekonomie en die sakeomgewing te voer. Divan meen mens moet tyd aan jouself bestee en aan die mense wat in jou en jou drome glo. “Doelgerigte tydbesteding is noodsaaklik. Maak tyd om jou dag te prioritiseer; anders gaan iemand dit namens jou doen. Maak tyd om te lees. Maak doelbewus tyd om by mense uit te kom wat vir jou belangrik is, want tyd gaan verby en word elke dag waardevoller.” Divan strewe na ’n groter bewuswording van medemenslikheid. Hy is ’n bedrywige entrepreneur en hy hoop om in die toekoms tyd te skep om meer te…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Op ’n skaal van 1 tot 10 – hoe tevrede is jy met alles in jou lewe? In hoe ’n mate bevorder die wêreld ontevredenheid? Dit lyk of elke generasie die balk van tevredenheid effens hoër lig. Met elke nuwe tegnologiese uitvindsel lyk dit of ons meer en meer dinge nodig het om ons tevrede te hou en gelukkig te maak. Maak nie saak hoe baie ons bymekaar maak nie, dit voel net nooit genoeg nie. Dié fenomeen word die Barbiepop-wet genoem: “Bykomstighede wat eens as opsioneel gesien is, word nou as noodsaaklik beskou, wat weer begeertes en behoeftes skep waaraan ons nooit eens voorheen gedink het nie.” Paulus is…

Dit is maklik om die feeks te haat. Veral as sy, soos Kristien du Toit in Getroud met rugby, in haar leer-klouter na status en mag ander vertrap en vernietig. Maar ontmoet jy vir Marlee van der Merwe in lewende lywe, ontdek jy ’n ander mens. ’n Veelfasettige en baie talentvolle mens. By die ingang van haar huis in Fairland, Johannesburg, hang ’n blou ballon – die nadraai van ’n kinderpartytjie. Jy kan haar deur ’n ring trek, met ’n swart-en-wit uitrusting wat haar swart Cleopatra-voorkoms komplementeer. Dis moeilik om die blou ballon en die sjiek voorkoms met mekaar te versoen, maar dan kom jy agter dat Marlee beslis nie in ’n boksie met vooropgestelde idees pas nie. Sy is ’n verkleurmannetjie wat haar talent en voorkoms betref en jy…

Tini sê: Doen selfondersoek om uit te vind hoekom jy sukkel om selfgeldend op te tree. Party mense word van jongs af gekondisioneer dat hulle nie selfgeldend mag optree nie omdat hulle dan nie aanvaar sal word nie. Wat vrees jy kan gebeur as jy selfgeldend optree? Pak dit uit en ondersoek die vrese en probeer realisties daaroor dink. ’n Verhouding of om aan ’n groep te behoort, moet onvoorwaardelik wees. Mense moet jou kan aanvaar soos jy is. Verstaan dat mense nie altyd oor alles gaan saamstem nie. Dit beteken nie jy moet jou eie identiteit prysgee om aan ’n groep te behoort nie. Wat kenmerk die verhouding? Is daar is gedeelde belangstellings en waardestelsels? As die verhouding bloot op ’n dominante persoon se reëls of identiteit berus, is…

Die Facebook-bladsy “Please Pray for Mienke”, waar Verna en Ryno Mienke se reis dokumenteer, word deur bykans 60 000 mense gevolg. “Dit bly vir my interessant hoe mense in die groep mekaar en ook vir ons bemoedig. Dit is mense wat ons nog nooit ontmoet het nie,” vertel Verna. “Daar is byvoorbeeld een vrou wat onlangs vir ons ’n boodskap geskryf het dat al ken sy ons nie, sy só deur Mienke se storie geraak is dat sy ná jare se wegbly weer kerk toe gaan.” Nog ’n storie wat Verna se hart geraak het, is van ’n vrou wat haar vertel het dat sy ’n mamma is wat nie daaraan glo om jou kind vas te hou as hy bottel drink nie en ook nooit haar kind aan die…

BOTTERSKORSIE-EN-GEMMER-SOP 4 porsies 1 ui, gekap1 selderystokkie, gekap5 ml (1 t) fyn knoffel15 ml (1 e) vars gemmer, gerasper5 ml (1 t) borrie800 g botterskorsie, gekapsout en peperknypie neutmuskaat400 ml (1 blikkie) klapperroom1,5 ℓ (6 k) hoenderaftreksel 1 Braai ui en seldery in bietjie olie tot sag. 2 Roer knoffel, gemmer en borrie by en braai tot geure loskom. 3 Gooi botterskorsie, geurmiddels, klapperroom en aftreksel by. 4 Laat kook tot botterskorsie sag is. 5 Sit in voedselverwerker en verpulp tot glad. 6 Sit warm voor met ekstra room bo-op. 6 Sit warm voor met ekstra room bo-op. 4 porsies 4 varknektjops2 eiers, geklits30 ml (2 e) melk80 ml (1/3 k) meel1 25 ml (½ k) growwe broodkrummels SOUS knypie paprikaknypie rooirissievlokkies60 ml (¼ k) heuning60 ml (¼ k) mayonnaise60…

Dis sy idee van welgeluksaligheid. Ons het nie ’n woord gerep nie. Nie eens in die vliegtuig nie. Net opgedaag. En hier sit hy nou, in ’n kano, langs sy Sweedse maatjie. Twee agtjariges in die paradys. Ons roei op Meer Immeln so ’n halfuur per motor uit Kristianstad in die suidelikste provinsie van Swede, Skåne. Dis hoogsomer, ’n windlose 25 °C en die seuntjies roei voor – opgepof van die avontuur. Hulle kom oor kontinente heen vir hierdie oom blik. Oplaas saam in Swede. Afrikaanse Matieu en Sweedse John. Hulle praat nie mekaar se taal nie, maar dra dieselfde T-hemp en roei in ritme, lag in pas. Die beste verrassing. Ek het John se ma op universiteit in Frankryk ontmoet waar ons ’n dramaklub vir buitelandse studente begin het…

So ’n paar jaar gelede wen ek onverwags ’n geldjie met ’n kortverhaalwedstryd. In plaas daarvan om dit te spaar, besluit ek en Danielle om uiteindelik by een van ons eertydse koshuisvriendinne in Namibië te gaan kuier. Sy smeek ons al jare lank om te kom kyk hoe lyk haar mooie Namibië, en wie weet wanneer kry ons weer die kans? Ter wille van die vrede noem ons haar Kat. Mens weet nooit tot watter uithoeke van die aarde word Vrouekeur gepos nie … Die boerpot – of sal ons eerder sê vingerhoedjie – dek net-net ons twee vliegtuigkaartjies. Danielle het daardie tyd pas weer begin swot en ons weet daar lê nog vele maer jare voor. Ons vra Kat dus by voorbaat of sy omgee as ons dinge rustig…

Vir die 500ste herdenking van die sterfdag van Leonardo da Vinci beplan die Louvre in Parys ’n omvangryke uitstalling in die Europese herfs. Dié Italiaanse meester van die Renaissance is op 2 Mei 1519 in die Loire-vallei dood, ’n klipgooi van die Franse koning Frans I se blyplek in Amboise. Hy was 67. Ná die dood van sy beskermheer, Giuliano de Medici, is Leonardo om en by 1516 Frankryk toe op uitnodiging van Frans I. Leonardo het as “eerste skilder, ingenieur en argitek van die koning” sy intrek in die Château du Clos Lucé geneem, waar hy die laaste drie jaar van sy lewe deurgebring en bly werk het aan die skilderye wat hy van Italië saam met hom gebring het – onder meer die Mona Lisa en die portret…

MOEILIKHEIDSGRAAD: ★ BENODIGDHEDE Le Lana Handspun Armand Wool (100 g-stringe): 2 stringe in verskillende kleure (Beskikbaar by Lana Odendaal, Tel: 027 432 1769, Sel: 071 731 6445, lelanawool@gmail.com) 5 mm-hekelpen AFKORTINGS EN STEEKVERDUIDELIKINGS beg = begin, dies = dieselfde, dr = draai, h/af = heg af, herh = herhaal, kb = kortbeen, ks = kettingsteek, lb = langbeen, st = steek, vlg = volgende GROOTTE 8 cm x 12 cm PATROON Moenie telkens afheg nie, maar dra die kleure langs die werk saam. 1ste ry: met 5 mm-pen en kleur 1; hekel 29 ks, 1 kb in 2de ks vanaf pen en in elke ks tot einde = 28 ste, dr. 2de ry: met kleur 1; 3 ks, 1 lb in vlg st en in elke st tot einde, dr.…

RAAD TEEN ROES Roes is ’n fungussiekte wat baie plante teister. Jy sal sien dat geel of wit kolletjies op die boonste blare van ’n plant vorm en dit kan selfs aan die onderkant geel kolletjies of merkies kry. Daar kan ook rooierige oranje pustules op die blare se onderkant vorm. Die roeskolle bevat die spore wat na gesonde plante versprei. ■ Spasieer jou plante vir goeie lugsirkulasie. ■ Moenie die blare natmaak as jy natlei nie. ■ Vernietig besmette gedeeltes. ■ Ek het ook hierdie tuiswenk gekry, maar probeer op eie risiko! Dit werk blykbaar ook teen skimmel. Los twee aspirientablette in ’n liter water op en spuit dit op die plante. Pasop net vir te veel spuit. ROSE IN JUNIE Hierdie is die beste maand om rose na…

Hy ken nie André Letoit nie. Dié skrywer irriteer hom, want die ou lyk vir my hom ego-sentries. Hy besit nie een van sy boeke nie. “Dit lyk my hy raak ’n kultusfiguur. Ek haat heldeverering. Ek het nie meer beheer daaroor nie. Bekendheid veroorsaak risiko. Maar ek wil ’n audience hê. Commercial is nie ’n vloekwoord nie …” Só het die skrywer André le Roux du Toit – die skrywer van die roman Somer II (waarin die Afrikaanse letterkunde onder meer geparodieer word en in 1985 met die Perskorprys vir Letterkunde benoem is) 30 jaar terug beweer. Ons ontmoet eers by die Café de Paris vir middagete. Hy dra Franse pette en ’n stoppelbaardjie. Maar hy kan nie Frans praat nie en daarom spreek hy sy literêre skuilnaam in…

’n Aspek wat ’n rol in ’n skool se toelatingsbeleid kan speel, is die medium van onderrig en beheerliggame kan die skool se taalbeleid bepaal. Die aanlyn registrasiestelsel maak egter nie voorsiening vir die voorkeur-onderrigmedium nie, sê Chris. Dit skep die “verkeerde indruk” by ouers dat hulle hul kinders by enige skool kan inskryf en “dat daar voorsiening vir die leerder se taalbehoeftes sal wees”. Dit is nie die geval nie. Riaan sê die GDO se posisie is dat die voertaal, of voertale, van ’n skool bepaal word nadat toelating plaasgevind het. “’n Skool het volgens die wetlike raamwerk wel die verpligting om ’n taalbeleid daar te stel en ook om die behoeftes van die gemeenskap te bedien. Die probleem wat onstaan, is die kwessie van praktiese uitvoerbaarheid en die…

Verbeel jou ’n lewe sonder skoolfonds of sakgeld vir die kinders; waar jou finansiële behoeftes eerste kom! ’n Groot voordeel van geen kinders in die huis is dat mens definitief ’n bietjie meer geld het, sê Nokkie. “Ons kan vir die eerste keer regtig spaar, meer gaan uiteet en naweke wegbreek. Ons het nog studieskuld wat ons afbetaal, maar finansieel is ons beslis beter af. Ek kan selfs ’n slag vir myself klere koop. As ’n ma kinders in die huis het, stel sy hulle mos maar altyd eerste en sy kom tweede.”…

WENBOEK Die voorbereiding van lekker en voedsame maaltye vir die gesin is gewoonlik hoog op die lys van uitdagings. In Maaltye – maklike geregte vir elke dag kan jy slim oplossings kry vir middagetes, aandetes en onthaalmaaltye wat jou familie en vriende sal geniet en weer voor sal vra. Geïnspireer deur mense wat graag interessante en gesonde kos eet, maar nie baie tyd het vir koskook nie, het Christine Capendale geregte geskep wat nogtans maklik is om te maak en jou nie ure lank in die kombuis besig sal hou nie. Die boek word deur Human & Rousseau uitgegee en is by toonaangewende boekwinkels beskikbaar. MARISKA MEYER VAN AMANZIMTOTI IS ONS WENNER VANDEESWEEK Vir enige wit linne wat nie meer mooi is nie en selfs al effens begin vergeel, week…

Vir die kombuis Kyk net hoe mooi en prakties is hierdie oondhandskoen! R199. www.poetrystores.co.za Skoon en blink Maak jou huis silwerskoon met Jewel se reeks huishoudelike skoonmaakmiddels. Daar is produkte om teëls en gelamineerde vloere te laat blink en die skottelgoedseep is in heerlike geure soos Lime & Basil en Pomegranate & Berry beskikbaar. Dit kos vanaf R25,99 by Spar en Checkers. *Pryse onderhewig aan verandering Goed vir jou Kies ’n gesonde opsie as jy na ’n versnapering op soek is. NuMe se reeks sade sal jou energievlakke stabiel hou en die verpakking maak dit gerieflik om dit sommer in jou handsak of laai te hou. Of bak onder meer heerlike laekoolhidraat-broodrolletjies uit die reeks met die klaarbereide mengsel wat ook glutenvry en vir diabete geskik is. Broodrolle tjiemengsel kos…

Wanås Konstpark is per motor of bus na Knislinge bereikbaar. Jy gaan wel die laaste twee of wat kilometer na die kasteeltuine van die bushalte af moet stap, as jy nie vooraf met die personeel reël dat hulle jou kom oplaai nie. Dis ’n gratis diens, maar moet ’n paar dae vooraf bespreek word. Kristianstad se inligtingsdiens sal alle nodige inligting kan verskaf. https://www.wanaskonst.se/en-us/. Net vir interessantheid: Suid-Afrika se Esther Mahlangu, bekend om haar Ndebele-kuns, het ook hierdie jaar ’n bydrae tot die uitstalling gelewer. Daar is baie mere met openbare piekniekgeleenthede waar jy vir die dag ’n kano of bootjie kan huur. Jy kan selfs oornag op van die meereilande kamp – jou bootverhuurders sal met die grootste plesier verduidelik wat moontlik is en wat nie. In Swede geld…

Onthou dié name: Grant-Pierre en Jaun-Piere. Albei is bloedjonk, het al op skool demo-CD’s uitgereik en nou spog hulle elkeen met ’n splinternuwe album. Hulle het baie gemeen: goeie baritongekleurde stemme, jeugdige voorkoms én tonne talent! GRANT-PIERRE BEKOOR MET STEMSJARME Dié aantreklike seun is vars uit die skool – en gereed om tydlose musiek met oud en jonk te deel. Ontmoet Grant-Pierre van Wyk. Sy selfgetitelde album bevat 16 snitte – ’n slim samestelling van immergroen treffers en stewige, oorspronklike nuutskeppings uit sy eie pen, hier en daar deur Jacobus Swanepoel en Riaan Steyn bygestaan. Dié moderne produksie – met ’n deurwinterde inslag – is deur einste Riaan van Traxtudio behartig. Hy het die orkestrale en vokale verwerkings behartig en bespeel ook die klavier, klawerbord en pyporrel, ondersteun deur Heinrich…

Armand loop verby outydse huisies en die enigste winkel op die dorp. Die plek se naam is bo die deur geverf in wankelrige staatsdiensbruin letters: Handels Huis. Twee vensters is gebreek en dit lyk of die sinkdak inmekaar gaan sak. Dis hoe die Weskus is, dink hy: Dit lyk of alles besig is om te verval en asof niemand omgee nie. ’n Briesie waai van die see af; dit voel of dit déúr hom waai. Hy gaan haar weer sien. Dis asof hy sweef: dralend, onseker. Die plek lyk soos ’n spookdorp, dink hy. Min mense. ’n Amperse verlatenheid. Hoër op in die straat sien hy twee seuntjies en ’n hond agter ’n bal aanhardloop. Hy roep na hulle, maar hulle maak of hulle hom nie hoor nie. Armand bereik…

CAPITAL CRAFT-BIERFEES Die sewende Capital Craft-bierfees word op Saterdag 15 Junie by die Pretoria Nasionale Botaniese Tuin gehou. Kaartjiepryse wissel van R140 tot R200. Koos Kombuis, Mango Groove, Fokofpolisiekar, Bad Peter, Casper de Vries, Nick Hamman en vele meer sal op die verhoog wees. Daar gaan heerlike kos te koop wees en 40 bierbrouerye sal teenwoordig word. Besoek www.capitalcraft.co.za OPWINDENDE UITSTALLING Die Nat Geo Kids Weird But True!-uitstalling deur National Geographic open op 16 Junie by die Sci-Bono-wetenskapsentrum in Johannesburg. Hierdie uitstalling is vir die eerste keer in Afrika en sal kinders die kans gee om ons wonderlike wêreld te ontdek. Die feite en interaktiewe uitstalling dek ’n groot reeks onderwerpe wat wissel van wetenskap, kos, popkultuur en baie meer. Die uitstalling kan nog tot 14 Januarie 2020 besigtig word.…

MOEILIK OM TE ONTVANG Ek werk vir myself en het ’n moeilike maand beleef. ’n Vriend het toe ’n bedrag in my bankrekening inbetaal. Ek voel skuldig daaroor, want hy het self genoeg probleme. Die ekonomie is vir almal moeilik en nou word ek uitgesonder. Dis vir my makliker om te gee as om te ontvang. Is dit ’n sielkundige probleem? Hoe bedank ek hom ordentlik? – Bekommerd Daar is ’n verskil om te ontvang en te vra om te ontvang. Daar is mense wat aan die pay it forwardbeginsel glo, wat beteken om goed te doen aan iemand anders sonder om iets terug te verwag. Ander het weer ’n geloofsoortuiging wat hulle daartoe dryf om te gee waar dit nodig is. Heelwat gelowiges gee hul tiende nie noodwendig aan…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 21 woorde, goed 25 woorde, baie goed 29 woorde of meer, uitstekend OPLOSSING: Aangenome, aanneem, aanneme, meegaan, eenman, gemaan, genoem, genome, omgaan, enema, mange, mango, manna, nomen, omega, omgee, onmag, amen, emoe, maag, maan, meen, meng, moeë, moeg, naam, neem, noem, omen Woordsoek Die name van 20 internasionale rolprentsterre is hier versteek en jy moet…