Innholdsfortegnelse for 31 May 2019 i Vrouekeur

Suzanne Crozier vat ons hierdie week op ’n reis Marokko toe met haar resepte en Maryke Roberts vertel meer oor hul onlangse besoek aan Lissabon. Op die Griekse eiland, Lesbos, kan Vrouekeur-lesers in Julie vanjaar gaan kuier en die volgende Vrouekeur/Seagull-toer is in April 2020 Marokko toe. Maak ’n plan – dis ervarings wat nie in rand en sent gemeet kan word nie! Reis word dikwels gesien as ’n luukse en as net vir sekere mense beskore. Dis ’n wanopvatting. Reis is broodnodig. Vele boeke is al geskryf oor hoe om kinders groot te maak. Daar is ’n paar dinge wat ek glo van kinders volwasse, ingeligte, verdraagsame, oopkopgrootmense maak. Twee daarvan is: Hulle moet lees en hulle moet reis. In die wêreld van vandag, word kinders van kleins af…

Ons ontmoet ’n paar dae ná haar verjaardag en ek wonder of sy darem behoorlik feesgevier het. Uit haar reaksie lei ek vinnig af, Lynette Francis is nie iemand wat haar té veel met die ligsinnige kant van die lewe bemoei nie. Moenie dat die neusring, wat sy uithaal wanneer sy op kamera verskyn, jou mislei nie. Sy vat jou vinnig vas en stuur die gesprek in ’n rigting waarmee sy gemaklik is. “Onthou, ek is áltyd in beheer,” waarsku sy laggend, maar erken later, “ek is ambivert, dis iemand wat eintlik skaam is, maar dit baie goed wegsteek. “Ek hou van verjaardae, maar dis ’n tyd vir bestekopname. As ek nie weet wie ek is nie, weet ek nie waarheen ek op pad is nie. Ouderdom is tog net…

MEI-WENBOEK Amanda de Lange se Suurlemoenseisoen (Lux Verbi) is ons wenboek hierdie maand. Hierdie boek bevat 52 werkstukke wat ontwerp is om die suur van die lewe te neem en dit in iets soets te verander. Die verskillende onderwerpe is in ’n spesifieke volgorde gekies: Reinig, genees, mooi maak, geur – sout, geur – soet. Die boek wil lesers help om anders na hul lewe en omstandighede te kyk. Die boek is by toonaangewende boekwinkels beskikbaar HANTHEA DU PREEZ IS ONS WENNER VANDEESWEEK: ▶ Meng ’n goeie hoeveelheid ongegeurde petroleumjellie en drie druppels bloekomolie en sit dit in ’n houertjie. As die bloekomgeur te sterk is, sit nog petroleumjellie by. Smeer dit op die bors as jy nie vir bloekom allergies is nie.▶ Gebruik asyn om spieëls en krane skoon…

GOEIE ONTBYT Haal die stres uit ontbyttyd met Oh My Goodness! se ontbytpappe. Dit bevat minder suiker, is glutenvry, bevat geen kunsmatige kleur-, geur- en preserveermiddels nie en is hoog in nege vitamienes. Beskikbaar in drie geure: fruity hoops, chocolate blocks en strawberry hearts. Slegs by Checkers. Hou dit vars Met GLAD Handi-Covers kan jy kos vir langer vars laat bly. Dié oortreksels pas maklik en stewig oor metaal-, glas-, hout- of plastiekbakke. Dit kan oor en oor gebruik word en is perfek vir pieknieks of wanneer jy kos moet vervoer. Vanaf ongeveer R40. www.glad.co.za Verlig droogheid en sensitiwiteit Die HPA®Lanolin Nipple Cream het ’n dubbele doel – nie net verlig dit seer en sensitiewe tepels nie, maar dis ook uitstekend vir droë lippe. En die lys hou aan –…

Die Essack-gesin, Adrian, Lucille en hul kinders, Karah, Kate, Adam en Alex, woon die afgelope twee jaar in die rustige woonbuurt Loevenstein in Bellville buite Kaapstad. Lucille se ma en hul getroue huishulp bly ook by die gesin. Dit was die gevestigde buurt, mooi uitsigte oor Tafelberg en die groot speelruimte vir die kinders wat Lucille en Adrian hul harte op die eiendom laat verloor het. Lucille is ’n tuisteskepper en Adrian werk in die staalbedryf en is sy eie baas. Lucille beskryf hul huisstyl as kontemporêr en omdat dit oor verskeie vlakke gebou is, sal dit in die toekoms, as die kinders groter is, die nodige ruimte gee sodat die gesin elkeen hul eie plekkie kan geniet. Lucille sê haar kroos het ook nou die vryheid nodig om te…

As mens van penne, spiese, swaarde of rieme praat, kan jy dalk dink die gesprek gaan oor wapens en nie plante nie. Maar plante met hierdie kenmerke het juis baie om ’n tuin te bied. Jy kan op aalwyne, palmlelies, cordylines, grasse en dies meer fokus om aandag, struktuur en selfs kleur aan jou omgewing te verleen. Hierdie plante kom in ’n verskeidenheid van vorms, teksture en groottes voor en kan omtrent in enige landskap gebruik word. Skerp hoeke trek die oog, veral as dit met ’n sagte agtergrond gekontrasteer word. Dit is gewoonlik goed om die korter plante saam te groepeer, terwyl ’n groter plant ’n fokuspunt kan wees. Onthou om dit saam met metgeselplante te plant wat ’n komplementêre grootte en soortgelyke kweekvereistes het. As dit by tuinmaak…

Deur XWord Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Pynlose beëindiging van die lewe om uit lyding te verlos SMS jou antwoord, voorletters, van en dorp/stad voor of op 19 Junie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Teken in of hernu jou inskrywing teen r747,50 per jaar! ■ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES■ SMS die woorde ‘CAXTON VK’ na 47098 (R1,00 per SMS)■ Stuur ’n faks na 086 670 4101 met jou besonderhede van hernuwing of intekening■ SKRYF IN OP ONS WEBWERWE www.vrouekeur.co.za/www.magsathome.co.za■ STUUR ’N E-POS na subs@magsathome.co.za■ POS ’N TJEK uitgemaak aan RamsayMeAFSLAG dia Subs en stuur dit saam met ’n brief en jou besonderhede van hernuwing of intekening na: VROUEKEUR-subskripsies, Vrypos CBO209, Posbus 596, Howard Place, 7450■ Doen ’n ELEKTRONI ESE OORBETALING of betaal met ’n DIREKTE DEPOSITO Rekeningnaam: RAMSAYMEDIA SUBS Bank: NEDBANK Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en selfoonnommer as verwysing met ’n…

Die siedende wind het dwarsdeur alles gewaai. Dit was vriesend koud. Wind om die ore van ’n blinde persoon maak dinge nie makliker nie. Ek voel heeltemal gedisoriënteerd en van balans af. Vir die eerste keer het die ongelyke terrein onder my voete en die nou rotslyste waarop ons moes loop, my ’n senuagtige vrees gegee en my selfvertroue het begin knak. Ek moes met alles waartoe ek in staat was, stoei om my veggees te behou. Só skryf Gerhard Ferreira oor die keer toe hy Kilimandjaro uitgeklim het. Hy het ook die Comrades en ander marathons voltooi en die Himalajas aangedurf. Gerhard is blind. Sy boek, Ons moet spoeg om te sien hoekom ons nie kan sien nie, is sy lewensverhaal – van sy kinderjare tot vandag toe. Maar…

SUURLEMOEN-EN-OLYF-HOENDERBREDIE 4 porsies 8 hoenderdytjies½ suurlemoen, in baie dun repies gesny5 ml (1 t) fyn knoffel5 ml (1 t) fyn gemmer30 ml (2 e) ras el hanout-spesery (Woolworths)5 ml (1 t) borrie1 ml fyn kaneelbietjie water100 g pistasieneute100 g (1 pakkie) groen olywe, ontpit15 ml (1 e) suurlemoensap Stel oond op 180 ˚C. 1 Plaas hoender en suurlemoenskyfies in oondskottel.2 Meng knoffel, gemmer, speseryemengsel, borrie en kaneel.3 Smeer oor hoender. Gooi omtrent 1 cm diep water by hoender.4 Bak vir omtrent 30 minute.5 Gooi neute, olywe en suurlemoensap by. Bak nog 10 minute.6 Sit saam met koeskoes voor. WENK Ras el hanout is ’n speseryemengsel wat in Marokko, Tunisië, Algerië, en die meeste Noord-Afrika-resepte gebruik word. Maak jou eie: 10 ml (2 t) fyn gemmer, 10 ml (2 t) fyn…

Lissabon, Europa se westelikste hoofstad en die enigste een aan die Atlantiese kus, lê teen die Tagusrivier en wanneer jy oor die stad gaan oplees, besef jy hoeveel eeue se beskawings daar al was. Opgra wings naby São Jorge (by die St Georgekasteel en Lissabon-katedraal) wys dat daar in 1 200 VHJ al ’n handelspos bestaan het en tekens van bewoners tydens die Ystertydperk is ook gevind. Die nommer 28-trem verbind Martim Moniz met Campo de Ourique en ry deur die gewildste toeristebuurte soos Graca, Alfama, Baixa en Estrela. Ons koop met ons aankoms die Lisboa Card vir afslag by museums en gratis openbare vervoer – ook vir dié trem, sekerlik een van die wêreld se mees gefotografeerde trems. Die opwinding het natuurlik weke vantevore begin: Gidsboek onder die blad,…

Ek vermoed ’n resensent durf nie van musiekbeoordelaars verskil nie en gevolglik mag jy seker ook nie die gehalte van ’n bekroonde album, ’n kunstenaar, ’n liedjie wat tot die beste en gewildste (volgens albumverkope) met altesaam vyf Ghoema-toekennings gemoker is, kritiseer nie. Die meeste wenners van werklikheids-talentreekse se debuutalbums bereik goue status en word klaarblyklik outomaties vir musiektoekennings – hetsy die afgelope agt jaar vir ’n Ghoema of die afgelope 25 jaar sporadies vir ’n Sama – benoem. Dit is amper asof dié voor(regte), soos ’n platekontrak, deel van die wenner se pryspakket is… Demi Lee Moore en haar debuutalbum Mis Eet Slaap Herhaal is die produk van die realiteitsreeks Die Kontrak op die Dstv-kanaal VIA. Haar album kom uit die Coleske-broers, Arnold en Ewald, se towerateljee. Daardie betowering…

DISNEY-VERMAAK Disney on Ice se Magical Ice Festival word vanjaar in Johannesburg, Pretoria, Durban en Kaapstad aangebied. Pretoria is eerste aan die beurt met vertonings van 14 tot 17 Junie by Menlyn Maine. Daarna kry Johannesburg van 22 tot 30 Junie ’n beurt by die Ticketpro Dome. Durban se ICC-arena bied dit van 3 tot 7 Julie aan en daarna kan Kapenaars van 10 tot 14 Julie Grandwest, Kaapstad, besoek. Kaartjies is slegs via Computicket beskikbaar. Besoek www.computicket.com 4 gesinne (gesin van twee volwassenes en twee kinders) kan ’n vertoning op 14 Junie om 18:00 by Timesquare, Menlyn, 28 Junie om 18:00 by die Ticketpro Dome, 3 Julie om 18:00 by die Durban ICC en 10 Julie om 18:00 by Grand West wen. SMS DISNEY gevolg deur jou naam, van…

WAT HET JY NODIG? 1 bal elk Pure Gold DK in Silverado, Stonewash, Phantom en Silver 3,5 mm-, 4 mm-, en 5,5 mm-naalde PATROONSTEKE 1 Onewe rifsteek (Silverado) Veelvoud van 4 plus 3 1ste ry (RK): *r2, aw2, tot laaste 3 ste, r3. Herhaal 1ste ry. 2 Diagonale lyne (Stonewash) Veelvoud van 4 ste Stel 16 ste op. 1ste ry: (r2, aw2) tot einde. 2de ry: herh 1ste ry. 3de ry: r1, (aw2, r2) tot laaste 3 ste, aw2, r1. 4de ry: aw1, (r2, aw2) tot aaste 3 ste, r2, aw1. 5de ry: (aw2, r2) tot einde. 6de ry: herh 5de ry. 7de ry: soos 4de ry. 8ste ry: soos 3de ry. Herh 1ste tot 8ste ry. 3 Mossteek (Phantom) Onewe getal steke Stel 9 ste op. 1ste ry: (r1,…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 15 woorde of meer, uitstekend OPLOSSING: Kookskool, lokkos, kolos, skool, klok, klos, kolk, kool, loko, loks, loos, skol, slok, solo, sool. Woordsoek Die name van 36 bekende en minder bekende Suid-Afrikaanse musiekkunstenaars is in hierdie rooster weggesteek. Hulle kan horisontaal, diagonaal, vertikaal, onderstebo of agterstevoor gelees…

Kurt Darren en Dunay was pas voor Willem Botha se kamera in die Vrouekeur-ateljee vir hul voorbladsessie. Dunay is selfs mooier as op foto’s van haar en Kurt lyk beter as ooit nadat hy verlede jaar 24 kg binne drie maande afgeskud het as deel van ’n eet- en oefenprogram om sy gesondheid én lyf reg te ruk. ’n Glanspaar uitgeknip. Maar moenie jou misgis nie. Vir dié twee, wat ooglopend as span funksioneer, draai die lewe glad nie om glans nie. Dit is hul kinders, Kyrah (4) en Kade (2), wat tuis in Centurion wag wat die middelpunt van hul bestaan is en terwyl hy vir die onderhoud regskuif, bestel Kurt net eers gou pizzas vir sy kroos. “Hulle is op so ’n lekker ouderdom dat ek elke sekonde…

Lance het gewaarsku dat die reënwoud enige iets van harde reënbuie, strome water, poele modder en temperature van tot 40 grade Celcius kan opdis. Hy het ook gesê ons kan ysreën, sneeu, ysige stormwind en tot minus 20 grade op Uhuru verwag. Ek wonder of daar nog baie berge is wat ’n mens tegelyk aan soveel uiterste klimaatsveranderinge blootstel en boonop van jou verwag om nog te probeer klim ook! As gesin het ons min of meer alles gedoen wat ander mense doen Ons was so naby die ewenaar dat ’n mens seker niks minder kon verwag nie. Dit was tog vir my vreemd dat, hoog bo die tropiese hitte van die omliggende vlaktes, daar pre-historiese gletsers vir miljoene jare rustig langs ’n dormante, swaelkokende vulkaan lê. ’n Diep onrustigheid…

#bakliefde Mareli FLORENTYNSE KOEKIES 30 koekies 500 ml (80 g) graanvlokkies180 ml (120 g) sultanas180 ml (110 g) amandels, gevlok125 ml (100 g) rooi kersies, opgesny’n halwe blik (160 ml) kondensmelk2 blokke (160 g) donkersjokolade Voorverhit oond tot 180 °C. Voer twee bakplate met waspapier uit en spuit met kleefwerende sproei. 1 Meng graanvlokkies, sultanas, amandels,kersies en kondensmelk deeglik. 2 Skep lepelsvol op bakplaat en vorm netjiese sirkels.3 Bak vir vyf tot sewe minute tot goudbruin en gaar. Haal uit oond en laat afkoel.4 Smelt sjokolade en smeer onderkant van elke koekie met sjokolade. Laat rus tot sjokolade gestol het.5 Sit dadelik voor of stoor in lugdigte houer.…

Aan die oewer van die Neuchâtel-meer in Switserland is WhiteSpaceBlackBox ’n plek wat dialoog wil aanmoedig en innoverende denke op die terrein van kontemporêre kuns, letterkunde en wetenskap wil bevorder. Die jongste uitstalling, Ephemera, met die werk van tien internasionaal gerekende kunstenaars, staan in die lig van dié ideale. Die Stellenbosse landkunstenaar Strijdom van der Merwe is een van die kunstenaars wat aan dié uitstalling deelneem met sy Wave, ’n tamaai beeldhou-installasie wat van riete gemaak is. Strijdom is die vierde kunstenaar wat ’n kunstenaarsverblyf van ’n maand by dié “kreatiewe fabriek” in Neuchâtel kon deurbring, waartydens hy dié kunswerk gemaak het. WhiteSpaceBlackBox het in 2014 as die geesteskind van Hans Rudolf Jost tot stand gekom. Die riglyne vir Ephemera, die uitstalling wat op 24 Maart geopen het en tot…

ROLPRENTE GODZILLA: KING OF THE MONSTERS Met Millie Bobby Brown en Vera Farmiga Regisseur Michael Dougherty MONSTERDRAMA Die fliekateljees raak deesdae snoep. Hoe groter die rolprent – dit geld veral vir monsterflieks soos hierdie, of superheldrolprente – hoe later die voorvertonings, of dit gebeur op die nippertjie, sodat dit onmoontlik raak vir resensente om iets soos dié monster-ekstravaganza te resenseer, laat staan nog punte te gee. Daarom: Godzilla: King of Monsters het nog nie sy (haar?) buiging voor resensente gemaak nie. Genoeg om te weet dat hierdie die soveelste verwerking (met ’n nuwe storie) is van die oorspronklike Japannese rolprent oor radio-aktiewe materiaal wat in die see gestort is, en wat ’n monster uit die dieptes opwek wat meer skade as ’n tsoenami aanrig. Daar is darem mense of karakters…

Omtrent almal wat mens ken, het minstens een. Die meeste mense het meer as een. Ek praat van ’n koshuisstorie. Die uitgewery Queillerie het ’n lekker dik boek vol van sulke stories gemaak, saamgestel deur Erns Grundling. Koshuisbevat byna 50 stories oor ervarings in skoolsowel as universiteitskoshuise. Onder die bydraes is stories deur bekende en bekroonde skrywers soos Dana Snyman, Kerneels Breytenbach en Harry Kalmer. Van die ander bydraes is deur bekende joernaliste, soos Bun Booyens, Yvonne Beyers en Toast Coetzer. Die koshuis as agtergrond vir stories oor grootword is natuurlik ’n gewilde genre. Veral in die Britse letterkunde was die sogenaamde boarding school fiction een van die gewildste genres gedurende die eer ste helfte van die 20ste eeu. Die afgelope klompie jare het Harry Potter nuwe lewe in die…

TIENER WIL KAMER SWART EN PERS VERF My tienerdogter (15) wil haar kamer swart en donkerpers verf. Ek weier, want ek is bang dis satanies. Sy sê sy is ’n Christen, maar dit pla my. Moet ons dit toelaat? Is dit dalk net ’n fase? Sy hou van donker kleure, maar ek voel ongemaklik daarmee. – Verward Ek het al voorheen ’n soortgelyke vraag beantwoord en die advies bly soortgelyk. Die feit dat jul dogter haar kamer swart en pers wil verf, is nie ’n aanduiding van haar geloof nie, maar eerder van haar gemoedstoestand. Dit gebeur dikwels dat tieners in ’n veilige plek soos ’n donker kamer wil wegkruip as gevolg van gemoedstoestande wat van depressie tot angstoestande wissel. Probeer eerder om haar gedrag te verstaan en bou jul…

Kan jy die Aquafresh-tandepasta-advertensie onthou van die drie seuntjies wat bo-op die huis se dak sit en hul ma’s bespreek? Hulle maak ’n bohaai oor hul ma’s wat hulle dwing om drie lae truie aan te trek wanneer dit die ma’s is wat koud kry. In ’n stadium skop hulle die leer om waarmee hulle op die dak geklim het en soos een man roep hulle: “Ma-aaaaa!” Hierdie advertensie som ma-wees in ’n neutedop op: sy is die broeis hen wat haar kleintjies altyd net wil beskerm en vir hulle die beste wil hê. Sy is ook die een op wie se knoppie almal weet hulle enige tyd kan druk. Ja, ’n ma is “’n-alles-in-een-mams” soos die advertensie se slagspreuk gelui het. Om ma en vrou te wees, is ’n…