Innholdsfortegnelse for 24 May 2019 i Vrouekeur

Sodra ek tyd kry, gaan ek die boek Wreed én mooi is die dood – verhale oor verlies, hunkering en heling, saamgestel deur Tobie Wiese – vir my aanskaf waarin Marita van der Vyver onder andere ’n essay geskryf het. Op bl 30 is ’n uittreksel van Marita se aangrypende skrywe. In dié boek maak skry wers hul harte oop oor onomkeerbare verlies. As jou kind sterf, kan ek my slegs probeer voorstel, sterf daar ’n deel van jou menswees. Ek dink die enigste erger trauma is as jou kind wegraak, soos in die geval van Madeleine McCann wat 12 jaar gelede deur iemand gesteel is. Vir 12 jaar lank al rou Madeleine se ouers, Kate en Gerry, oor die verlies van hul kind. Hul verdriet sal eers sagter word…

Carel Trichardt het op 4 Maart sy 80ste verjaardag gevier en was toe, ná meer as 20 jaar, weer op die verhoog in ’n toneelstuk wat voor ’n vertoning in die kleedkamer afspeel. Carel het by die Universiteit Stellenbosch se Woordfees in Kleedkamer Blues die rol van Paul vertolk. Die stuk is as die “Afrikaanse vertaling van Waiting for Godot” beskryf. Hy is in ’n swart pak geklee en dra ’n reusekrokodilstert, wat hy agter hom aansleep. Gedurende die vertoning kom help verskeie akteurs hom om dit aan en af te haal en midde-in driftige debatte oor allerhande kwessies soos die kunste, die toneelwêreld se toekoms en of sepies die antwoord is, klim die ander akteurs gedurig oor die stert. Die feesgids het Kleedkamer Blues as volg beskryf: “Ons is…

Dis nie elke vrou wat die moed het om ’n gesiene man weens seksuele aanranding aan te kla nie. Die vernedering en publisiteit is net te groot. Maar Chalmane Horne Kruger was haar hele lewe lank meer drama gewoond as wat op die verhoog afspeel. Chalmane is allesbehalwe ’n vaal muurblommetjie. Sy dra tydens ons ontmoeting bloedrooi klere en lang glansryke haarverlengings en lag en gesels uitbundig – beslis ’n vrou wat die koppe laat draai en die kollig gewoond was. Koerante het onlangs berig oor ’n lid van ’n prominente Bolandse familie wat ’n opgeskorte vonnis opgelê is nadat hy gepoog het om ’n seksuele misdryf met Chalmane te pleeg. Nadat hy erken het dat hy probeer het om Chalmane, sy voormalige kollega, te dwing om ’n seksuele misdryf…

VIR ’N GOEIE SAAK Op Donderdag 13 Junie word die derde jaarlikse Chefs4Soil-ete by die Chefs Warehouse Beau Constantia in Kaapstad gehou. Die bekroonde sjef Ivor Jones en sy talentvolle span gaan ’n ware fees voorsit ter ondersteuning van die organisasie Soil for Life. Die organisasie help werklose mense om hul eie kos te kweek. Kaartjies kos R1 600 per paartjie en jy kan sewe heerlike tapasdisse verwag, sowel as poeding en Beau Constantia-wyne wat perfek by elke dis sal pas. Bespreek by 021 794 8632/cw@beauconstantia.com. Besoek www.soilforlife.co.za SKINK ’N GLASIE Die Juliet Cullinan Standard Bank-wynfees word op 4 en 5 Junie gehou. Die fees by Summer Place in Sandton, Johannesburg, sal ’n verskeidenheid wyne vier. Kaartjies is aanlyn vir R220 per persoon en by die deur vir R240 per…

Dalena sê: “Dit is van die uiterste belang dat kritiese denke reeds van ’n jong ouderdom af ontwikkel moet word. Sou dit egter later blyk dat ’n kind met kritiese denke sukkel, ten spyte daarvan dat die ouers/onderwysers dit aangemoedig en probeer ontwikkel het, is dit nodig om te assesseer of die kind se kognitiewe breinfunksies doeltreffend funksioneer.” Volgens Roelien word kinders gebore met ’n natuurlike drang om van die wêreld rondom hulle te wil leer. Tussen die ouderdomme van drie en vyf maak hulle jou moedeloos met al die hoekomvrae – soms op die ongemaklikste tye. “Maar iewers tussen vyf en 18 verloor sommige kinders die wil om dinge krities te ondersoek. Ek het onlangs met ’n regsdosent gesels wat dit bevestig. Volgens hom is dit skokkend om te…

KLEIN, MAAR GETREIN Die Chux Non-Scratch Scourer Scrub is ’n goeie skoonmaakhulpmiddel. Hierdie nuttige sponsie kan vir vele takies ingespan word, van stoofplate tot wasbakke. Dit krap nie oppervlaktes nie en is daarom ideaal om ook jou badkamer mee skoon te maak, asook perfek om rondom kragproppe se klein holtes skoon te maak, by winkels soos Spar, Pick n Pay en OK Foods beskikbaar. www.chux.co.za VERWYDER VLEKKE Personal Touch se Fabric Stain Remover het ’n formule vir driedubbele aksie wat jou klere se kleure beskerm terwyl dit vlekke verwyder. Die geheim is om vlekke nie te laat droogword nie. Behandel dit onmiddellik met ’n vlekverwyderaar en dit sal baie makliker verdwyn, vanaf R56,99 by Checkers, Spar en OK Foods beskikbaar. *Pryse onderhewig aan verandering VERFRISSEND Die nuwe Eastern Highlands- borreldrankies…

Party albums lyk en voel sommer soos kuns. Die verpakking van Liani Reynolds en Joshua na die Reën se albums is indrukwekkend. Albei albums se binnewerk is lywig en word keurig in ’n hardeband-uitskuifbokskoevert verpak. Albei CD-kissies is kunssinnig versorg en bevat al die lirieke wat, sonder melodie, ook as gedigte resoneer. Dit is werklik ’n bevredigende ervaring om met die hantering van dié albumverpakkings by die CD uit te kom; ’n amperse soektog na ’n musiekskat! Jacques de Villiers (Joshua na die Reën) het die musiekverwerking en vervaardiging van albei albums behartig. Met kreatiewe vernuf het hy die mooiste melodieë en lirieke naatloos in die genres kontemporêr, pop en folk verweef om ’n sonderlinge stemming en vernuwende klank in die musieken-liriek-genre te skep. Die orkestrasie spog met klaviere, kitare…

Kort nadat die Royal Academy of Arts (RA) ’n jaar of wat gelede iets soos £56 miljoen aan die uitbreiding en opknapping van sy geboue in Londen bestee het, is daar nou ’n beplande oorstroming in die vooruitsig. Een van die sleutelwerke in die grootste solo-uitstalling in tien jaar van die Britse kunstenaar Antony Gormley wat in September in die RA aangebied word, vereis dat modderwater van 23 cm diep in een van die historiese uitstalsale gepomp word. Dié omgewingspesifieke installasiewerk, Host, dateer van 1991 en is al op verskeie plekke ter wêreld gesien. Toe dit in 2016 in Beijing aangebied is, is 95 kubieke meter klei uit die Changping-streek en seewater van die Tianjin-kus om die helfte in die Galleria Continua ingepomp. Die werk is meer as bloot visueel,…

Meer as 20 jaar gelede spoel die seestrome my op ’n Griekse eiland uit. Ek het drie maande daar gebly. Die lewe was eenvoudig. Ek het ’n kamer met ’n bed en ’n kas en ’n stoel gehad. Ek het geloop waar ek wou wees of die bus gevat. Byna elke dag het ek dieselfde eenvoudige, maar vars kos geëet. Niks het my gejaag nie. Ek dink nie ek het ooit voor dit soveel vervulling ervaar nie. Terug in Suid-Afrika het ek gevind dat ek baie stadiger motor bestuur. In my vorige lewe het ek gemaak volgens hoe die lewe beskryf was: gejaag. Ek sou nie 60 ry as ek 120 kon ry nie. En nie 120 as ek met 150 kon wegkom nie. Waar het al die spoed heen…

WOORDSPEL 19 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 14 woorde, baie goed 17 woorde of meer, uitstekend OPLOSSING: Rokjagter, jagter, jaroek, trajek, trojka, gejok, jarok, joert, tjoek, geja, jako, joga, jota, tjek, tjêr, tjor Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy…

VERLOOFDE MAAK SKANDES Ek (24) sukkel nou al ’n geruime tyd met my verloofde (26) wat te veel drink, veral op partytjies. Wanneer hy in ’n besope toestand raak, is hy ongeduldig, impulsief en aggressief. Dit begin nou toeneem en ek is op die punt om die verlowing te verbreek. Hy drink ook skelm en dink ek weet dit nie. Hy het my al soveel keer by my vriende in verleentheid gelaat. Hy het met een partytjie waar van my beste vriende was, sommer al sy klere uitgetrek en op die tafels gedans. Enige raad? – Moedverlore Jou verloofde het ’n alkoholprobleem. Om hom direk te konfronteer, gaan van min waarde wees en ek stel voor dat jy in ’n gemoedelike gesprek vir hom sê dat jy ’n groot kwelling…

Is jy ’n nuuskierige agie wat wil weet of dinosourusse ooit gekloon sal word of hoeveel verf nodig is om ’n Boeing in sy kleure uit te dos? Riette Hugo het antwoorde op dié vrae en nog vele meer. www.penguinbooks.co.za 3 lesers kan die boek wen. SMS FEITE gevolg deur jou naam, van en adres voor 29 Mei 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Prof Naòmi Morgan is ’n bekende Bloemfonteiner. Jy loop haar dikwels by ’n kunsuitstalling raak of lees ’n resensie wat sy oor toneel of musiek geskryf het. Sy is die hoof van die afdeling Frans aan die Universiteit van die Vrystaat, waar sy elke maand ’n gratis fliek vir die publiek aanbied, maar dit is in haar ander, parallelle loopbaan as literêre vertaler wat sy die Afrikaanse teaterganger en luisteraar se alledaagse lewe met haar vertalings verhelder. “Vertalings van dokumente of webwerwe is iets wat mens byna outomaties doen. Dit is, soos Mendelssohn sou sê, woorde sonder musiek. Dit was met die vertaling van Jacques Brel en Edith Piaf wat ek die eerste keer met literêre vertaling gekonfronteer is, maar dit was met die Afri-Frans-projek, waar teen die norm in…

VIND STILTE MET SONY Daar is vir my niks so erg soos ’n raserige oopplankantoor nie. Terwyl gewone oorfone goed kan werk om die meeste gebabbel te verberg, vat geraas-kanselleer-oorfone dinge na die volgende vlak. Ek het onlangs Sony se WH-100X M3- draadlose oorfone getoets en ek moet bieg ek is oorrompel. Sit dit op, druk ’n knoppie en al wat jy hoor, is ’n stille gesuis wat die geraas buite gemaklik laat verdwyn. Siende dat dit met Bluetooth aan jou foon konnekteer, is daar geen drade waarin jy vasgevang kan word nie, terwyl musiek natuurlik ook tops klink. Hierdie bietjie stilte gaan jou R6 500 uit die sak jaag en is reeds in sekere winkels plaaslik beskikbaar. MOOIKYK VIR HIERDIE MEDUSA Jy kry horlosies, en dan kry jy horlosies.…

MEI-WENBOEK Amanda de Lange se Suurlemoenseisoen (Lux Verbi) is ons wenboek hierdie maand. Hierdie boek bevat 52 werkstukke wat ontwerp is om die suur van die lewe te neem en dit in iets soets te veran der. Die verskillende onderwerpe is in ’n spesifieke volgorde gekies: Reinig, genees, mooi maak, geur – sout, geur – soet. Die boek wil lesers help om anders na hul lewe en omstandighede te kyk. Die boek is by toonaangewende boekwinkels beskikbaar LINDA JOUBERT IS ONS WENNER VANDEESWEEK. As skottelgoedwasmasjiene se houer vir messegoed breek, is dit nie so maklik om te vervang nie. My man, André, het met ’n blink plan vorendag gekom en nou val die vurke en messe nie meer deur nie. Hy het dit met cable ties reggemaak. Kyk net na…

Laat genoeg tyd toe en skep genoeg geleenthede vir speel. Om op ’n informele manier uit te werk hoe dinge werk, is van onskatbare waarde vir die ontwikkeling van kritiese denke. Al hoe meer navorsing bevestig die ontwikkelingswaarde van speel, en dat dit ver meer voordele vir ’n kind se ontwikkeling inhou as konstante formele/gestruktureerde aktiwiteite. Vir kinders is vrye tyd baie belangrik – nuwe navorsing wys daar is groot voordele vir kinders in niksdoentyd en dat om soms verveeld te wees, belangriker is as om die een buitemuurse aktiwiteit ná die ander te hê. Vreemd maar waar! Moenie jou kinders mikrobestuur nie. Moenie te gou inspring om met ’n oplossing te help nie. Maak seker jy gun hulle die kans om eers self deur ’n probleem te probeer werk…

EIERVRUG-EN-TAMATIE-GEBAK 4 porsies 2 groot eiervrugte1 ui, gekap5 ml (1 t) fyn knoffelknypie rissievlokkies1,25 ml (1/5 t) fyn komyn1,25 ml (1/5 t) fyn koljandersout en peper500 g tamaties, skille af en gekap500 ml (2 k) gerasperde mozarella Stel oond op 180 °C. 1 Sny eiervrug in 0,5 cm-sirkels. 2 Pak op skinkbord uit en gooi sout oor. Laat staan vir 15 minute en herhaal aan ander kant. 3 Spoel met koue water af en druk met doek droog. 4 Smeer eiervrug effe met olie en braai tot goudbruin. Hou eenkant. 5 Braai ui en knofffel tot sag. 6 Roer speserye en tamaties by. Laat kook tot effe dikker. 7 Skep bietjie van tamatiemengsel in oondbak en pak eiervrug bo-op. Sprinkel met kaas. Herhaal proses tot bestanddele op is en eindig…

Die Oos-Kaapse dorpie Lady Grey lê knus teen die suidelike Drakensberge net onder die bergkoninkryk van Lesotho – so drie uur se ry van Bloemfontein af op die N6 deur Reddersburg en Smithfield, met ’n skerp linksdraai in Aliwal-Noord. ’n Laning ou dennebome begelei mens na ’n tipiese plattelandse dorpie met ’n sandsteenkerk, hotel, winkels, windpompe, huise wat mooi reggeruk is langs dié wat met leë oë wag op iemand wat die potensiaal kan raaksien. Dis eers wanneer mens die stofstrate, netjies uitgelê rondom groot burgererwe, op en af begin ry, dat die gawe dame haar juwele sluiks ontbloot. Eetplekke met name soos The Grey Lady, Blue Pepper en Die Plaaskombuis, langs ’n onverwagte Happy Hippy-winkel, ding mee met die berge wat soos rooigoud in die laatson verkleur. Die inwoners…

Die debuutkunstenaar Liani Reynolds meen: “Ons het almal in ons kop ’n idee van hoe ons wil hê dit moet lyk as iets goed is. Nie aangeplak goed of met allerhande blinkers versier nie, net vry. Soos wat dit nog altyd bedoel was om te wees. Party mense noem dit die lig of hemel, maar vir my is daardie plek die ligsoom.” Haar aangrypende alt-stemkleur (gegeur met hoekies en draaitjies) komplementeer haar boeiende vertolking van haar melodieuse verhalende lirieke; meestal lewenspensketse oor haar ervarings en odes aan geliefdes wat egter wyer strek en tot die luisteraar spreek. Agt van die 11 snitte op die album is haar eie oorspronklike werk: Sterredigter, Mossie, Swaeltjie, Skuiling, So baie dinge, Herontmoeting en Groen. Liani se konsertweergawe van Amanda Strydom se Pelgrimsgebed en die…

In ’n wêreld waarin die grense tussen kunsmusiek en rolprentmusiek vergly het, is John Williams een van die suksesvolste komponiste van die 20ste eeu. Dink maar aan sy musiek vir flieks soos Jaws, Star Wars, Superman, Indiana Jones, ET, Jurassic Park, Schindler’s List, Saving Private Ryan en drie van die Harry Potter-flieks. Verlede maand het Deutsche Grammophon ’n nuwe dubbelalbum van Williams se bekendste werk uitgereik, uitgevoer deur die Los Angeles Filharmonie onder leiding van Gustavo Dudamel. Dié CD, Celebrating John Williams, volg op die gelyknamige konserte wat die LA Phil met Dudamel op die podium in Januarie in die Walt Disneykonsertsaal in Los Angeles ter ere van die 87-jarige Williams aangebied het. Die CD met 19 snitte val weg met die Olimpiese fanfare en tema wat Williams vir die…

@home www.home.co.za Coricraft www.coricraft.co.za Knus www.knus.co/ Love Milo www.lovemilo.com Poetry www.poetrystores. co.za Streepsak www.streepsak. co.za Woolworths www.woolworths.co.za Yuppiechef www.yuppiechef.com…

MOEILIKHEIDSGRAAD: WAT HET JY NODIG? C harity DK (100 g) in Italiano Rose (vierkant) en Pale Rose DK (100 g) (randjie) Een vierkant is 20 cm x 20 cm 1 bal Italiano Rose is genoeg vir sowat sewe vierkante – werk daarvolgens uit hoeveel balle jy nodig het vir die grootte deken wat jy wil brei; 2 balle Pale Rose is vir 48 vierkante se randjies gebruik 2 x 4,5 mm-sirkelnaalde van 40 cm AFKORTINGS aw – aweregs, gl1 – glip 1 steek, r – regs r2tes – regs 2 steke tesame, tgso – trek glipsteek oor BREI-INLIGTING ▪ Steke word met sirkelnaald A opgestel. ▪ Dit help om sirkelnaalde in verskillende kleure te hê. As jy die eerste rondte begin brei, gebruik jy sirkelnaald B vir die eerste 48…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Projeksie is ’n eeue oue sonde. Sommer binne die eerste drie bladsye van die Bybel steek projeksie sy lelike kop uit. Nie lank nadat God alles volmaak en goed geskape het en vir Adam en Eva opdrag gegee het om oor alles te heers nie, kom die mens voor hul eerste toets te staan. Die toets is om God te gehoorsaam. Die vyand laat die alternatief egter so aanloklik klink: Net ’n happie van die “appel” en hulle sal so slim soos God self wees. Hoe onweerstaanbaar! Hoe onskuldig! Die oomblik toe hulle egter ingee en aan die vyand se plan meedoen, is alles wat perfek en goed was, daarmee…

Jy weet as Tarryn by ’n plek aankom: Mense kyk vir dié pragtige jong vrou met haar lang haredos en aansteeklike lag by Canal Walk buite Kaapstad waar ons ontmoet. Sy het ’n dag blaaskans tussen die verfilming deur en het ’n hele lysie goed wat sy moet koop – een daarvan ’n snoesige kamerjas. Nie vir slaaptyd nie, vir ontspantyd, vertel sy laggend. “Huis is vir my as ek in my kamerjas met my hare in ’n bolla kan wees, met my man, ouers en vriende wat saamkuier.” En ja, sy kook graag en spog met haar wenner-trifle en lamskerrie. “Ek maak ook altyd Kersfees die gammon.” Sy raak ingedagte aan haar trouring en vertel dat sy maar vyf maande terug mevrou Timothy geword het. Haar man, Lester, is…

In verhoudings is mense veronderstel om mekaar te vertrou, veral met kwessies soos geld. Maar nie alle paartjies speel oop kaarte met mekaar nie. As dit oor geldsake gaan, kan dit tot finansiële ontrouheid aanleiding gee. Martie* vertel dat sy dikwels in die geheim geld vat om haar volwasse probleemkind te help. “My man weet nie daarvan nie. Ek ys vir die dag wat hy daarvan gaan uitvind. Hy sal ontplof!” Wat behels finansiële ontrouheid in die konteks van die huwelik? Volgens Mandy Florence, ’n kliniese sielkundige, kan dit verskeie vorme van vertrouensbreuk en geheimhouding insluit waar een huweliksmaat ’n ander se integriteit minag en die verbintenis tot eerlikheid en openheid in die huwelik verbreek word. “Dit kan insluit om privaat inligting oor finansies met ander mense buite die huwelik…

Kinders wat as babas sterf, is soos die eerste bladsy van ’n storieboek wat iemand uitskeur en vir jou gee om te lees. Jy sal nooit weet wat alles in die res van die storie kon gebeur het nie. Jy sal altyd bly wonder. Ek sit op ’n Griekse eiland en staar na die baie skakerings van blou oral om my. Die see wat soos ’n waaier vol blou blinkertjies weerskante van my oopvou, verleidelik, kokketerig. Die ligter blou van die lug bo die see, ’n laken wat al te veel gewas is, verbleik deur die son. Die dieper en dynseriger blou van die berge doer oorkant die see. Ek voel hoe die blou by my insypel. En ek verlang na my dooie kind, soos altyd wanneer ek dit waag…

SPEK-EN-EIER-PASTEI 1 pastei 1 pak (250 g) spek8 kersietamaties2 rolle skilferkors1 25 ml (½ k) cheddarkaas, fyngerasper10 eiers1 5 ml (1 e) vars pietersielie, fyngekapsoutpeper Voorverhit oond tot 210 °C. Spuit losboom-metaaltertpan van 25 cm met kleefwerende sproei. 1 Braai spek en sny in blokkies. Sny kersietamaties in dun skyfies. 2 Plaas eerste laag skilferdeeg in pan en sny kante netjies. Strooi kaas oor basis en versprei dan spek eweredig. Breek nege eiers versigtig, sonder om eiergeel te beskadig, op speklaag. 3 Pak tamatieskywe bo-op en sprinkel pietersielie bo-oor. Geur met sout en peper. 4 Klits 10de eier en smeer met kwas op rand van deeg. Gebruik tweede rol deeg en bedek vulsel. Sny rand netjies en druk rand stewig met vurk toe. Gebruik oorskietdeeg om pastei te versier. Smeer…

ROLPRENTE JOHN WICK: CHAPTER 3 – PARABELLUM Met Keanu Reeves en Ian McShane Regisseur Chad Stahelski AKSIEDRAMA Die vorige twee John Wicks het gruwelgeweld in die ergste graad gehad waar talle mense sinneloos en voor die voet doodgeskiet is met ’n grynslaggende kwinkslag deur stoppels (van die held!) ná elke koelbloedige skoot. In die derde hoofstuk verwag mens dat die slagting mateloos en juigend sal voortgaan. Vriendinne word, op grond van die reeks se reputasie, ernstig hierteen gewaarsku. Moenie sommer net gaan omdat vleispaleis Keanu Reeves, reeds lank in die tand, hierin voorkom nie. Daar het niks van daardie ligte seebriesie (die betekenis van sy naam) oorgebly nie. Net voete wat skop en vingers wat snellers trek. En in ons reeds gewelddeurdrenkte land, wil mens nog betaal om na ’n…

Gedigte behoort nie ongelees in digbundels in biblioteke te staan en stof vergaar nie. Ook behoort gedigte nie slegs vir ’n paar ander digters geskryf te word nie. Eintlik behoort gedigte deel van ons almal se alledaagse lewe te wees. Dit mag idealisties klink om só ’n stelling oor poësie te maak, maar een manier waarop poësie tóg deel van die alledaagse lewe gemaak word, is deur gedigte teen mure in stede aan te bring. Die afgelope drie maande loop ek elke dag van my dakkamer na die Universiteitsgebou in Leiden waar ek klasgee. Ek woon skaars 500 m van my kantoor af. Maar op pad werk toe loop ek by drie muurgedigte verby. Eerste, op die hoek van my straat, bokant die bakkery, is daar teen die muur ’n…

Heinings is ’n ry digte plante wat om ’n bepaalde rede geplant is, soos ’n grens tussen eiendomme, ’n omheining vir privaatheid, of die afskerming van verskillende dele van ’n tuin. Groot formele heinings van slegs een plantsoort word ook in klassieke en formele tuinstyle gebruik waar hulle ’n baie sterk element in die algehele ontwerp is. Groot informele heinings wat uit verskillende gemengde aanplantings en selfs klein boompies bestaan, word dikwels gebruik om ’n meer ontspanne versperring vir sekuriteitsdoeleindes te skep, om natuurlewe te lok, om voorstedelike geraas te beperk of as agtergrondskerm vir ander aanplantings. By die skep van lae heinings gaan daar egter ’n heel nuwe wêreld van ontwerpmoontlikhede vir jou oop. MEERJARIGE EN STRUIKBEDDINGS Selfs die mooiste randakker van blomstruike, meerjariges en siergrasse wat kunstig vermeng…