Innholdsfortegnelse for 17 May 2019 i Vrouekeur

Ons ken almal die uitdrukking “sit ’n wag voor jou mond” en letterlik geïnterpreteer is dit nie onsinnige raad nie. Gemuilband of gesensureer wil ons ook nie deur die lewe gaan nie, maar ons almal het al iets kwytgeraak wat eerder kon gebly het. Kwetsende, vernynige, afbrekende of beledigende woorde wat jy iemand toesnou, sê inderdaad meer oor jouself as oor die ander persoon. Dit gesê, daar is mense wat só droogmaak dat ’n paar reguit, ferm woorde inderdaad nodig is. Ek dink die kuns om beskaafd te kommunikeer, is nie noodwendig wat jy sê nie, maar die manier waarop jy dit sê. Tel tot tien voor jy reageer, is nog ’n gesegde wat ’n stemmetjie in jou kop moet wees, veral as jy in die openbaar iets kwytraak. ’n…

DOOIE SELLETJIES OP JOU LYF Laat jou vel syglad voel deur elke nou en dan ’n lyfskrop te gebruik. Moet dit egter nie oordoen nie, want jy kan jou vel beskadig. Een keer per week is genoeg. Suikerkorrels raak op ’n sagte manier van dooie selletjies ontslae. Suiker bevat ook ’n bietjie glukose wat jou vel sag hou. Bruinsuiker het kleiner korreltjies en genoeg vloeistof, wat dit ’n goeie opsie maak. Meng dieselfde hoeveelheid bruinsuiker en olie vir ’n gewone skroproom in die vorm van ’n pasta. Vir ’n meer doeltreffende skroproom, meng twee dele suiker met een deel olie. Kies druiwepitolie vir ’n olierige vel, kokosneutolie vir ’n droë vel. Spoel af en volg met ’n lyfroom. OOGSKADUWEE Verwyder ooggrimering voor jy jou gesig was omdat normale gesigwas nie…

WENK Vir ’n dikker sop kan jy nog ’n pakkie soppoeier bygooi. SPEK-EN-MIELIE-SOP 4 porsies Estelle Jacobs van Colesberg het dié resep met my gedeel 1 ui, gekap5 ml (1 t) fyn knoffel4 00 g (2 pakkies) stukkies spek8 20 g (2 blikkies) pitmielies, gedreineer5 0 g (1 pakkie) room-hoender-soppoeier1,75 l (7 k) hoenderaftreksel 1 Braai ui, knoffel en spek in bietjie olie tot gaar.2 Gooi mielies by spekmengsel.3 Maak soppoeier met hoenderaftreksel aan.4 Gooi by spekmengsel en laat kook. BEESVLEIS-EN-GORT-SOP 4 porsies 500 g blokkies beesvleis1 ui, gekap3 wortels, gerasper500 ml (2 k) gort2 vars tiemietakkies100 g (2 pakkies) beessoppoeier 1 Verhit bietjie olie en verbruin vleis. Skep uit en hou eenkant.2 Braai ui in dieselfde pot tot goudbruin.3 Braai wortels vir een minuut saam met uie.4 Gooi gort…

Kombuisdinge Bêre brood in ’n mooi broodblik, R329,99, MrP MAAK PLEK Bespaar plek in jou kombuiskaste met bakke en maatkoppies van Nest Baking wat inmekaargestapel kan word. Die twee mengbakke is glyvry en die vyf maatkoppies pas mooi inmekaar. Bêre dit só en jy gebruik net een bak se bêreplek, R699, www.yuppiechef.com HOU DIT VARS Hou skyfies, ontbytpap of enigiets wat in ’n sakkie kom vars met hierdie oulike draadknippies. Dis ook ideaal om in die kantoor te gebruik. R59 vir ’n pak met 12, @home. RESEPTE OP HUL PLEK Bêre jou gunstelingresepte in hierdie boks met ses afskortings (voorgeregte, hoofgeregte, bykosse, nageregte, bak en ander). Daar is 50 leë dubbelkantreseptekaarte om te vul. Vul dit aan met ’n pakkie van 30 kaartjies wat apart te koop is, R149,99, Woolworths.…

Om ’n liefde vir lees aan te kweek, is dit noodsaaklik om die regte boeke by die regte lesers uit te bring. Dit is egter nie so maklik om reg te kry nie, want daar is só ’n groot verskeidenheid soorte boeke beskikbaar en elke mens het sy of haar eie voorkeure. In boekwinkels (of aanlyn winkels) word boeke in groot groepe ingedeel, sodat ’n mens makliker kan kry waarna jy op soek is. In die eerste plek is daar meestal afdelings vir fiksie en nie-fiksie. Elkeen van hierdie groot groepe word weer onderverdeel. Die nie-fiksie het byvoorbeeld sub-afdelings of rakke wat toegewy word aan geskiedenis, biografieë, reis, kook, tuinmaak, wetenskap, filosofie, selfhelpboeke en godsdienstige lektuur. Aan die fiksie-kant is daar steeds meer indelings: romanses, avontuurverhale, misdaadfiksie, wetenskapfiksie, fantasie en…

ROLPRENTE ALADDIN Met Mena Massoud en Will Smith Regisseur Guy Ritchie STROKIESDRAMA Hierdie lewende-aksie-rolprent is op die tekenprent Aladdin gegrond, destyds met Scott Weigner se stem (die karakter het soos Tom Cruise gelyk!) – ’n seuntjie wat ’n towergees in ’n lamp ontdek. Dié slag speel ’n seun wat in Egipte gebore is, Mena Massoud, die blinkoogkaraktertjie wat op sy towertapyt die wêreld vol ry. Maar daar is eers ’n paar belangrike lewenslesse wat hy moet leer alvorens hy regtig tot volwassenheid kan vorder. Die spesiale effekte het glo maande geneem om te vervolmaak, terwyl die glans, prag en praal die kleingoed se oë uit hul koppe sal laat peul en hulle ekstra borrels deur hul papierstrootjies in hul koeldrank sal laat blaas. Die Disney-ateljees is baie snoep om hul…

“Ag hemeltjie tog, terwyl dokter nou so in my rondkrap om te sien of als oukei is,” sê Tryntjie Basters terwyl sy op die langbeenspinnekop se web in die hoek teen die plafon fokus, “gaan ek aanhou babbel, dan is ek nie so vreeslik embarrassed nie, dis maar hoe onse mense van Hopetown is. My ma het hoeka gesê suffering is soos ’n diamond, as jy dit slyp, dan shine dit, so los-ma, los-ma, my kind, dink nie daaraan nie, sodat die pyn dof bly. Hei, dokter, dis ’n aardige gebruik van ’n kondoom so oor daai loerding wat in my inkyk?” Tryntjie dink nie daaraan dat sy seker so eie met die dokter is omdat sy ook ’n vrou is nie. Die dokter knik na die skerm. “Alles is in…

Ek is seker dat om te groet en om gegroet te word, vir die meeste van ons baie belangrik is. Dis ’n teken dat iemand jou teenwoordigheid en bestaan erken. Op die stoepe van die skool skep dit ’n gevoel van behoort wanneer kinders en onderwysers mekaar groet; by die kerk voel jy welkom wanneer mense jou groet; by die werk, waar ons gewoonlik by mekaar verbyjaag, gee ’n vinnige groet jou sommer ’n huppel in jou stap. Hoe verras ’n groet van ’n wildvreemde in die straat of op ’n vakansieplek jou nie? Dis sommer lekker! Ek dink ons moet ons voorneem om mense meer te groet. Dis soos ’n glimlag, dit skep warmte, konneksie en ’n gevoel van “hier is ek tuis”; ek voel raakgesien. Dit is iets…

Die blomkunstenaar en sakevrou Heike Hayward van Fleur le Cordeur en die fotograaf Tasha Seccombe werk die afgelope paar jaar saam in die troubedryf en vorm dikwels ’n kreatiewe vennootskap om die allermooiste inspirasiefoto’s te neem. Heike, wat in die Paarl woon, skep kuns met blomme; Tasha, van Elgin, met foto’s. Wat die een doen, beïnvloed die ander se werk en hoe hulle saamwerk, speel ’n rol in die eindproduk. Die twee het ontmoet toe Heike vir die eerste keer blomme vir ’n troutydskrif stileer het. Tasha was die fotograaf en die twee het dadelik gekliek. “Tasha is ongelooflik outentiek,” onthou Heike. “Ek het dadelik gehou van die manier hoe sy my werk benader.” Op haar beurt was Tasha beïndruk deur die “dinamiese klein warrelwind wat magic links en regs…

SJOKOLADE-GANACHEKOEK 1 koek 375 ml (1 ½ k) kookwater30 ml (2 e) kitskoffie125 ml (85 g) sjokoladebrokkies625 ml (330 g) koekmeel250 ml (100 g) kakao10 ml (2 t) koeksoda5 ml (1 t) bakpoeier5 ml (1 t) sout750 ml (635 g) suiker3 groot eiers180 ml (¾ k) olie375 ml (1 ½ k) karringmelk5 ml (1 t) vanieljegeursel VERSIERSEL 75 ml (40 g) koekmeel250 ml (1 k) melk5 ml (1 t) vanieljegeursel250 ml (230 g) botter250 ml (211 g) suikerGANACHE250 ml (1 k) room15 ml (1 e) botter500 ml (340 g) donkersjokoladebrokkies 1 Voorverhit oond tot 160 °C. Voer2 x 22 cm-koekpanne met waspapier uit en spuit met kleefwerende sproei. 2 Meng kookwater en kitskoffie en gooi sjokoladebrokkies by. Laat staan vir vyf minute en roer tot al die sjokolade gesmelt het.…

GEREED VIR DIE WINTER Met die winter om die draai, begin wynliefhebbers reeds na rooiwyne hunker om die byt uit die koue te vat. Die De Krans-privaat kelder buite Calitzdorp het net die regte metgesel: De Krans Basket Press Cabernet Sauvignon 2017. ’n Ou mandjiepars word gebruik om die druiwe vir hierdie wyn fyn te druk. Die druk op die druiwe is veel sagter as gewoonlik en sorg vir sagter, sappiger tannien. Op sy beurt laat dit die wyn toe om jonk geniet te word. Hoewel die wyn steeds getrou is aan die tipiese cabernet sauvignon-karakter van donker vrugte en kersiegeur, is dit ’n verfrissende alternatief vir die swaargewigte waarvoor hierdie kategorie bekend is. Dit kombineer puik met pastadisse en pizza en kos R75 per bottel. www.dekrans.co.za JENEWER GEMAAK VAN…

Biblioteke kan as katedrale vir boeke beskryf word. Soms is ’n beskeie plattelandse skoolbibliotekie dalk ’n klein kapelletjie eerder as ’n majestueuse katedraal, maar dit bly ’n plek wat respek verdien, ’n toevlugsoord vir lesers, ’n ruimte waar die blye boodskap van die woord verkondig word. As ek ooit aan dié waarheid getwyfel het, is dit onlangs weer vir my bevestig toe ek genooi is om met ’n saal vol biblioteekpersoneel van oor die hele land te gesels. Terwyl ek my praatjie voorberei, het ek na ’n artikel gaan soek wat Bettina Wyngaard ’n paar maande gelede op LitNet gepubliseer het. Sy het Afrikaanse medeskrywers gevra om iets te sê oor die rol wat biblioteke vroeg in hul lewe gespeel het. Vir Eben Venter was dit ’n biblioteek in Burgersdorp,…

Met hierdie projek wou ek wys wat jy met Granny B’s Old Fashioned Paint se verf en transfers kan regkry en ek wou die kassie laat lyk asof dit in ’n Engelse konservatorium in die vorige eeu tuis hoort. Dis nie ’n naweekprojek nie. Die projek het lank geneem en ek het dit laag op laag gedoen om die finale voorkoms te kry. Dis ’n projek wat ontwikkel soos wat jy vorder. STAP 1 VOORBEREIDING Sorg altyd dat die meubelstuk skoon is voor jy begin – hierdie kassie het ek eers afgeskuur omdat dit verskeie lae verf op gehad het en toe baie goed met spiritus skoongemaak. Meet en laat hardebord sny om die agterkant en sykante mee toe te maak (gebruik klein spykertjies vir dié doel). STAP 2 VERF…

MOEILIKHEIDSGRAAD: ★★ BENODIGDHEDE O orskietwol in DK in kleure van jou keuse (hier is Nurturing Fibres se Eco-Cotton gebruik) 3 mm-hekelpen Naald met groot oog 260 houtkraletjies houtstok om die gordyn aan op te hang AFKORTINGS EN STEEKVERDUIDELIKINGS beg = begin, dies = dieselfde, driesl = drieslagsteek, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, sp = spasie, st = steek, tr = trossie, VK = verkeerde kant, vlg = volgende Trossie 1 Slaan die draad twee keer oor die pen en steek dit in die volgende steek. 2 Voltooi die dubbelslagsteek tot voor laaste twee lusse op pen. 3 Hekel die volgende steke op dieselfde wyse. 4 Slaan die draad oor die pen en trek…

Simoné Pretorius (néé Nortmann) en Andries Pretorius is nou al sowat drie maande lank man en vrou. En ná ’n pragtige troue in Februarie en ’n warrelwind-wittebrood in Bali, kan hulle stééds nie genoeg van mekaar kry nie, erken sy laggend. “Ons was nog amper elke naweek sedert ons weer tuis is, nêrens heen nie. Ons wil net nesskrop, tuisbly en mekaar geniet! Dolverlief!” Om getroud te wees, was vir Simoné ’n besliste kopskuif en groot verandering in die verhouding. “Ons het nie saamgebly voor die troue nie, so om nou heeltyd bymekaar te wees, is anders. Dis lekker, maar darem ook nie sonder sy uitdagings nie!” Sy is immers ’n introvert en Andries, ’n sakeman en rekenmeester, ’n besliste ekstrovert. “Wanneer ek na gesellighede genooi word, soos toekenningsaande, is…

HARDLOOP OP JEUGDAG Een van Dirtopia se veldwedlope is ’n spesiale Jeugdag-wedloop op Sondag 16 Junie. Dit word by die Dirtopia-sentrum, Delveraplaas, so 10 km vanaf Stellenbosch gehou. Daar is verskillende roetes: 5 km, 7,5 km, 12,5 km, 15 km. Met spesiale kategorieë vir die jongspan beloof dit om ’n heerlike gesinsdag in die buitelug te wees. Verskillende inskrywingsgelde geld. Bel 021 884 4752 of stuur ’n e-pos na info@dirtopia.co.za VIER SHIRAZ & CHARCUTERIE Die jaarlikse Shiraz & Charcuteriefees word op Saterdag 25 Mei by die Anthonij Rupert-wynlandgoed in die Franschhoek-vallei gehou. Die fees skop om 11:00 af en gaste sal onder meer shiraz van verskeie landgoedere kan proe. Dan sal daar heerlike kos te koop wees en ’n oestafel soos min. Kaartjies is beperk en via www.webtickets.co.za beskikbaar CHARDONNAY…

Hy was skaars drie jaar oud toe hy sy eerste liedjie op ’n kerkstoel staan en sing het met sy pastoor-pa langs hom. “Ek is so bly my Jesus min my,” onthou hy nog. Hy glo die kunste was maar altyd in sy are. “Die veteraanakteur, wyle Patrick Mynhardt en my oorlede oupa, Michael Mynhardt, was neefs.” Shaun beskou sy graad 2-onderwyseres as die grootste mentor in sy lewe. “Juffrou Rina Smit van die Voorbereidingskool Ruyterwacht het my aangemoedig om aan te hou skryf. Sy het my ook ingeskryf by die skool se koor en my die hoofrol gegee in die skool se jaarlikse opvoering.” Sedertdien het hy nooit weer ophou sing en skryf nie. “Deur die jare het ek vir juffrou Smit by die skool gaan groet totdat sy…

MEI-WENBOEK Amanda de Lange se Suurlemoenseisoen (Lux Verbi) is ons wenboek hierdie maand. Hierdie boek bevat 52 werkstukke wat ontwerp is om die suur van die lewe te neem en dit in iets soets te veran der. Die verskillende onderwerpe is in ’n spesifieke volgorde gekies: Reinig, genees, mooi maak, geur – sout, geur – soet. Die boek wil lesers help om anders na hul lewe en omstandighede te kyk. Die boek is by toonaangewende boekwinkels beskikbaar ANITA LE ROUX VAN ROODEPOORT IS ONS WENNER VANDEESWEEK: Ek het die volgende oulike wenk wat ek met julle wil deel. Hierdie mengsel maak plastiekbakkies wat taai geword het, weer mooi en nuut. Jy kan dit ook gebruik om taaiheid by stowe, storte en dies meer te verwyder. Meng 60 ml goeie vloeibare…

Tot die HAT spel dit ewe uit: die selfstandige naamwoord oliekolonie is die volksetimologiese vorm van eau-de-cologne. En Cologne is die Frans of Engels vir Keulen, of Köln, soos die Duitsers dit noem, en dan sluk hulle die woord so in, umlaut en al. G’n wonder die vrou in die kaartjiekiosk op die stasie in Frankfurt was vies vir my skool-Duitsuitspraak nie. Ek het uitgesien na Keulen se katedraal en ander Romaanse kerke soos die tjoepstil heiligheid van Gross St Martin, die ou stad met sy boksiehuise aan die soom van die Ryn, die stadsaal, die Ludwig-kunsmuseum en die argeologiese versameling wat die stad se geskiedenis uit die Romeinse tyd opdiep. Ek het selfs gewonder oor ’n besoek aan die sjoko ladefabriek. Maar reukwater kry nie verniet sy naam by…

In die Francolin-bewaringsreservaat in die Krokodilriviervallei, minder as ’n uur per motor van Johannesburg af en nóg nader aan Pretoria, is die vyfster-Orient-private hotel met die Mosaicrestaurant. Jare lank al is dié restaurant as een van die land se voorste eetplekke bekend, met Chantel Dartnall, wat in 2017 in Warschau, Pole, as die beste vrouesjef ter wêreld aangewys is, aan die stuur. Maar dié hotelkompleks, wat argitektonies inspirasie in die Moorse wêreld met boë en binnehowe, met vywers en druppende water vind, is ook die setel van ’n uitgebreide kunsversameling – dié van Apbco-versekeringsmakelaars en die onderskrywerbestuurder Legacy. Die versameling wat in die 1970’s begin is, sluit werk van Gregoire Boonzaier, Alexander Rose-Innes, Gwelo Goodman, Hugo Naudé en die beeldhouer Tienie Pritchard in. Die jongste toevoeging tot die juwele in…

Vonk-Musiek bied musiekliefhebbers en veral aanhangers van kitaarvernuf twee albums waarop die snare emosies én die litte roer. JUAN BOUCHER SPOG BOAAN SA TOP 20 Min Afrikaanse albums spring binne drie weke sedert uitreiking na die eerste plek op die amptelike SA Top 20! Juan Boucher se jongste album, Twaalf Rondtes (Vonk-Musiek) spog met dié prestasie. Nie net het hy Suid-Afrikaanse supersterre, ook in die breër Afrika-mark, verbygesteek nie, maar ook van die wêreld se gewildste en beste musieksterre. Waarom? Die nuwe kitaargedrewe album het geen vullers nie. Elke snit op dié album is daar met meriete en met ’n doel. Almal is treffers. Die album open met stemmingsvolle brandergedruis en dan lewer Juan ’n sielvolle voordrag van sy eie gedig, Ons het dit gebou, oor die geheimenisse, die beloftes…

Sy hou by die garage in Republiekweg stil en koop ’n pakkie twintig. Dit het aansienlik duurder geword sedert vyf jaar gelede. Terug in haar motor klik Emilie die nuwe aansteker twee keer voordat dit vlamvat en sy die sigaret aansteek. Sy trek die rook in en begin hoes terwyl sy uitblaas. Die sigaret proe walglik, die chemikalieë onmiskenbaar daarin. Maar sy sal gou aan die onkruid dodersmaak gewoond raak. Laas week ontmoet Emilie vir Carina by ’n klein restaurant in Linden. Emilie se maag trek op ’n knop toe sy gaan sit. “Jy is bleek,” sê Carina. Emilie byt op haar lip. Dis seker die beste om met die deur in die huis te val. “Ek is finansieel in groot moeilikheid.” Eers lyk dit of Carina nie begryp nie,…

NOG ALTYD VERWERP Ek het al ondenkbare trauma in my lewe gehad. My ma het my weggegooi en my tannie, wat ’n ruk lank na my gekyk het, het my aan my ouma afgesmeer. Ek het as kind net tweedehandse en verslete klere gekry. Nou wil my man my vir sy ontvangsdame verruil. Waarom word ek oral verwerp? Is daar iets met my verkeerd, want my lewe bestaan uit verwerping? – Verwerp (brief verkort) Met die beperkte inligting tot my beskikking kan ek net die afleiding maak dat jy slaafs oorgee wanneer jou terrein bedreig word. Wat met jou as kind gebeur het, is onmenslik en jy het rede tot gevoelens van verwerping. Jy het nooit kon leer dat jy die reg het om op te staan vir dit waarin…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 12 woorde, baie goed 17 woorde of meer, uitstekend OPLOSSING: Werkwoord, oorwerk, oordek, oorrek, rekord, dekor, koord, roker, doek, drek, kode, koer, koor, oker, roek, rook, wrok. Woordsoek Ons onthou almal daardie kuiers by Oupa en Ouma en die heerlke kosse wat op die tafel was. Soek die 20 boerekosgeregte wat in…

Vir navrae navrae@xword.co.za Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Deel van geneeskunde wat deur middel van operasies genesing probeer verkry SMS jou antwoord, voorletters, van en dorp/stad voor of op 5 Junie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…