Innholdsfortegnelse for 10 May 2019 i Vrouekeur

Charlize Berg en haar mooie meisiekind, Aleiah-Rose, pryk op ons voorblad. ’n Splinternuwe mensie en ’n splinternuwe mamma spesiaal vir moeders se dag vanjaar. Ek dink nie kinders besef hoe vreesaanjaend dit is om (veral die eerste keer) ’n ma (of ’n pa) te wees nie. Hier sit jy met ’n kleine babatjie in jou arms en eintlik het jy geen idee wat jy moet doen nie. So vertel ’n vriend van my ’n staaltjie oor ’n vriendin wat onlangs ma geword het. Ontsteld en oorweldig bel sy haar ma in die Kaap toe die kleinding twee weke oud is: “Ma, ek weet nie of ek dit kan doen nie. Ek kan glad nie met haar bind nie. Hoe bind ’n mens met jou kind?” Die ma is lankal ’n…

Twee maande voor haar troue met Warren Linden het Charlize Berg eendag hul nuwe huis binnegestap, in ’n leë vertrek kruisbeen op die vloer gaan sit en die liedjie Amazing Grace gesing. Vir haar was dit ’n spontane oomblik van lofprysing. Sy het egter eers onlangs die gewig van die woord “genade” begin verstaan, gesels Charlize oor ’n cappuccino met ekstra suiker om die effek van die pajamadril af te weer. “Wanneer Aleiah wakker word, raak ek nie weer vas aan die slaap nie. Te veel dinge maal deur my kop.” Sy is steeds die fyn, heuningblonde sangeres met die wye omvang en effense rasper in haar stem wat Sama-benoemings en Ghoemas inryg. Steeds met die wilgerlatlyfie en aansteeklike entoesiasme. Maar iets is anders … TWEE HOLDERSTEBOLDER JARE Daardie dag…

Oorgroot klere wat sakkerig aan hom gehang het, soutwater gereed om van alles in sy maag ontslae te raak en lappe voor elke spieël omdat hy “vet” gevoel het. Al is hy 1,8 m lank en al het hy in ’n stadium slegs 60 kg geweeg. Byna ’n geraamte. Ongeveer 20 jaar lank het Stanley Cierenberg (46) met die donker geheim van bulimie saamgeleef. Hy is ’n mooi man met golwende blonde hare wat op sy skouers hang en is ’n fiksheidsinstrukteur van beroep. Stanley is ’n saggeaarde en sensitiewe kunstenaarsiel. Hy skryf, dig en speel klavier. Van sy gedigte het al opslae gemaak en een daarvan is in een van Toast Coetzer se boeke opgeneem. Hy is die stigter van Breinsuiker (sy boek, blog en webwerf) en het ook…

1 Maak badballetjies vir ma. Kyk op bladsy 27 vir ’n maklike resep 2 Bederf ma met ’n spa-uitstappie of geskenkbewys soos: • ’n Cinderella Facial by The Laser Beautique, R950 vir 30 minute• Nimue Smart Resurfer Peel, R 830, by Nimue-verskaffers landwyd• ’n Green Peel by Evolve Day Spa, R995 vir 30 minute. Bespreek dit vir jou ma en kry een gratis 3 Manikuur in ’n bottel – maak ’n groot glasbottel vol klein geskenkies soos naellak, watte, naelvyl en handeroom 4 Laat druk en raam ’n mooi foto van julle 5 Gee koepons vir ma, soos dié hier onder. Gaan na www.vroukeur.co.za, laai dit af en druk dit uit…

PROBLEEM? GEEN PROBLEEM Ek plaas hierdie wenk seker elke jaar, want ja, ons vergeet! As naelpolitoer op die vloer uitloop, gooi suiker daarop. Mens kan dit dan makliker opvee en skoonmaak. LESERSVRAAG Wat kan ek by geregte gooi waarby daar te veel sout is? Gooi bruinsuiker by en kook dit verder. HOU DIT IN PAPIER Blaarslaai moet liefs in papiersakke in die yskas gehou word. Dit bly langer vars as in plastieksakke. Ou vernis? As dit vol klonte is, verdun dit effens met terpentyn en gooi die vernis deur ’n ou sif. Weg met stofmyte Gooi kussings elke nou en dan vir minstens 15 minute in die tuimeldroër om van stofmyte ontslae te raak. Pasop vir roes Sit ’n stukkie steenkool of kryt in ’n klein gereedskapsblik om dit teen…

OOSTERSE MAALVLEIS-BRAAI 4 porsies 2 92 g (4 x 73 g-pakkies) kitsnoedels1 ui, gekap5 ml (1 t) vars knoffel5 ml (1 t) vars gemmer500 g maalvleis30 ml (2 e) sojasous125 ml (½ k) teriyakisous60 ml (¼ k) soetsuursous125 ml (½ k) water6 0 ml (¼ k) gladde grondboontjiebotter2 grasuie, gekap3 0 ml (2 e) sesamsaad, liggies gerooster 1 Kook noedels tot sag, dreineer en hou eenkant. 2 Braai ui, knoffel en gemmer tot sag. 3 Gooi maalvleis by en braai tot goudbruin. 4 Roer souse, water en grondboontjiebotter by maalvleis en bring tot kookpunt. 5 Sit saam met noedels voor en garneer met grasuie en sesamsaad. MAALVLEIS-EN-SPINASIE-KOEK 4 porsies 8–10 heel spinasieblare1 ui, gekap5 ml (1 t) knoffel2 wortels, gerasper1 middelslag- rooi soetrissie, fyngekap500 g maalvleis15 ml (1 e) rooivleissout10…

In dié dorpie verwag jy om op enige oomblik in Vincent van Gogh vas te loop. Of om hom êrens te sien sit en skilder in die omgewing wat hom van die eerste oomblik af bekoor het. Vincent het in Mei 1880 hierheen verhuis nadat hy vir ’n geestesongesteldheid in ’n inrigting in Sint Rémy opgeneem is. Hy wou graag naby sy broer, Theo, ’n Paryse kunshandelaar, wees. Theo het sy kunstenaarsbroer emosioneel sowel as finansieel ondersteun en briewe tussen die twee broers dui op hul hegte verhouding. Kort ná sy aankoms in Auvers-sur- Oise noem hy in ’n brief aan Theo dat dit een van die mooiste plekke is wat hy nog gesien het. Vincent wou ook graag deur die dorp se dokter, dr Gachet, behandel word en het…

ROLPRENTE UGLY DOLLS 7/10 Met die stemme van Nick Jonas en Emma Roberts Regisseur Kelly Asbury ANIMASIE-KOMEDIE Is dit nie inspirerend dat Hollywood met homself kan spot nie? Alles moet mos perfek in La-La-Land wees. Diskriminasie geld veral wanneer vroue ouer word. In hierdie op en wakker satire op skoonheid vervaardig ’n speelgoedfabriek per ongeluk speelgoed wat nie “perfek” is nie. Sommige het ’n kruis vir ’n oog, ’n kat kan nie praat nie en ’n pop lyk “lelik”. Die weerligkuifie-gasheer op ’n verhoog haat gebrek. Maar skoonheid lê mos juis in die hart, nie waar nie? So verduidelik hierdie tydige animasieprent dat speelgoed wat nie aan al die vereistes van fabrieksbase voldoen nie, ook ’n plekkie in die speelgoedheelal verdien. Dit help pikkies om ’n swak selfbeeld te oorkom…

Hans en Irma Herbst woon aan die voorkant van ’n groot erf op Onrusrivier. Agter op die erf woon hul dogter en haar gesin in die huis waarin Irma en Hans hul gesin destyds grootgemaak het. Omdat die plan altyd daar was dat Hans en Irma met hul dogter en haar gesin huise sou ruil, het Hans en Irma saam die kleiner huis beplan toe hul kinders dit ’n paar jaar gelede gebou het. Voor hulle ingetrek het, het die Herbstegpaar die voorste stoep toegemaak, want die wind het dit altyd vol blare en stof gewaai, en die lekker kuierdek agter vergroot en ’n dak opgesit, want ’n buite-leefarea was vir hulle belangrik. Irma sê haar huis se styl is “shabbysjiek” en sy het die styl van modern omskep na…

Ek het iewers gelees dat jy regtig eers werklik gelukkig voel wanneer jy 74 is. Huh? Met alle respek aan die grys brigade, dit maak darem nie sin nie. Is dit omdat jy eenvoudig so dankbaar is dat jy soggens nog wakker word en dat jy uiteindelik besef het die pot goud aan die punt van die reënboog is finaal buite jou bereik? Moet jy 73 jaar en 364 dae lank leef voordat jy nirvana bereik? As dit wetenskaplikes se manier is om my te inspireer om elke oggend op te staan met die wete dat die beste nog voorlê, maak hulle ’n yslike fout. Uiteraard het elke fase in jou lewe sy voor- en nadele. Ek vermoed die eerste tien jaar van jou lewe is die sorgvryste. Jy gee…

Soek jy ’n geharde inheemse struik wat vanaf herfs tot lente kleur na jou tuin sal bring? Dan is die seeroogblommetje oftewel Hypoestes aristata die plant vir jou. Die struik wat tot 1,5 meter hoog word, het sagte, harige, donkergroen ovaalvormige blaartjies en mooi ligpienk, lila of wit blommetjies wat onweerstaanbaar vir skoenlappers en ander bestuiwers is. Die Afrikaanse benaming “seeroogblommetjie” verwys na die blare wat fyngedruk en gebruik word om seer oë te behandel. Die Engelse naam “Ribbon Bush” verwys weer na die manier hoe die blomblare krul – nes ’n bloemistelint. Hierdie kruidagtige struik groei vinnig en is ’n groot gunsteling onder tuiniers. Dit het tipies kaal stammetjies waaraan trossies pers, pienk of wit blomme hang. Daar is onlangs ’n nuwe variëteit, ‘Purple Haze’, by die Walter Sisulu…

MOEILIKHEIDSGRAAD:* WAT HET JY NODIG? CHARITY SERIOUSLY CHUNKY (150 g)4 balle All the Wave1 bal Saxe BlueB ypassende dunner breidraad om vas te werk12 mm-naalde vir jakkie15 mm-naalde vir kraag10 mm-hekelpen (opsioneel) GROOTTE Pas klein tot mediumBreedte 55 cmVoorpant 58 cm lankAgterpant 65 cm lank BREI-INLIGTING Dikker breinaalde as wat op die verpakking aangebring word, word gebruik om dit sagter te maak. Die kraag word los van jakkie gebrei sodat jy dit apart as serp kan dra. WENKE ▸ Las die breidraad teen die kant en nie in die middel van die breiwerk nie omdat dit moeilik is om dit weg te werk. ▸ Werk dit met bypassende dunner breidraad aanmekaar. ▸ Een steek is sowat 0,7 cm (7 ste = 10 cm). Sit meer steke op as jy ’n…

■BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE envir DEBIETORDEROPSIES ■SMS die woorde ‘CAXTON VK’ na 47098 (R1,00 per SMS) ■ STUUR ’N faks na 086 670 4101 met jou besonderhede van hernuwing of intekening ■ SKRYF IN OP ONS WEBWERWE www.vrouekeur.co.za/www.magsathome.co.za ■ STUUR ’N E-POS na subs@magsathome.co.za ■ POS ’N TJEK uitgemaak aan RamsayMeAFSLAG! dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 ■ Doen ’n ELEKTRONI ESE OORBETALING OF BETAAL MET ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van en selfoonnommer as verwysing met ’n elektroniese betaling of DIREKTE DEPOSITO en faks…

Christian* (72), ’n oudonderwyser, en Tina* (61), eienaar van ’n tuisnywerheid, is ná ’n warrelwindromanse van drie maande getroud. Christian is 15 jaar gelede van sy eerste vrou geskei en het volwasse kinders, een dogter en twee seuns, uit daardie huwelik. Tina is ’n weduwee met twee volwasse seuns. Christian se dogter het van die staanspoor af nie met Tina oor die weg gekom nie. “Ek verstaan nie waarom my pa so halsoorkop in die huwelik getree het nie. Pleks dat hy maar eers gewag en die kat uit die boom gekyk het. Ons ken nie vir Tina so goed nie en het min kontak met haar familie en kinders. Boonop bots ons persoonlikhede en dit is ongemaklik wanneer ons familiebyeenkomste het. My broers en hul gesinne vermy dit om…

2 lesers kan elk ’n boek wen. SMS WEEFSEL gevolg deur jou naam, van en adres voor 15 Mei 2019 na 48410. SMS’e kos R1,50 is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied Lees Weefselsout vir heilsaamheid en Weefselsout vir kinders deur Margaret Roberts (Struik Nature, 2014) vir volledige inligting en resepte Boeke is ook in Engels beskikbaar as Tissue Salts for Healthy Living en Tissue Salts for Children en is aanlyn by die Margaret Roberts Herbal Centre of by toonaangewende boekwinkels landwyd beskikbaar Weefselsoute met ’n maltosebasis wat laktosevry is, en plante wat genoem word, is ook by…

Amanda de Lange se Suurlemoenseisoen (Lux Verbi) is ons wenboek hierdie maand. Hierdie boek bevat 52 werkstukke wat ontwerp is om die suur van die lewe te neem en dit in iets soets te verander. Die verskillende onderwerpe is in ’n spesifieke volgorde gekies: Reinig, genees, mooi maak, geur – sout, geur – soet. Die boek wil lesers help om anders na hul lewe en omstandighede te kyk. Die boek is by toonaangewende boekwinkels beskikbaar FRANCOIS LOUW VAN WATERKLOOFRIF IS ONS WENNER VANDEESWEEK: Hoe om ’n watervlek van ’n houtoppervlak te verwyder. Dit is daardie vlekke wat byvoorbeeld deur koppies op ’n houtoppervlak veroorsaak word: Plaas ’n lappie oor die watervlek en stryk met ’n warm strykyster daaroor. Die hitte van die yster haal die vog uit die hout. Dit…

#bakliefde Mareli SUURLEMOENVIERKANTE 30 blokke 115 ml (220 g) koekmeel20 ml (32 g) mielieblom120 ml (100 g) suiker2 40 ml (230 g) botter, koud en in blokkies gesny350 ml (300 g) suiker60 ml (32 g) koekmeel4 groot eiers125 ml (¼ k) suurlemoensapgeel koekkleursel Voorverhit oond tot 180 °C en spuit oondpan van 22 cm x 30 cm met kleefwerende sproei. 1 Meng meel, mielieblom en suiker in voedselverwerker. Gooi botter by en kap totdat krummels vorm. 2 Skep krummels in oondbak en druk vas om egalige kors te vorm. Bak vir 20 minute tot goudbruin om rand. 3 Meng suiker, meel, eiers en suurlemoensap en kleur dit heldergeel met koekkleursel. 4 Haal kors uit oond en gooi eiermengsel bo-oor. Bak vir verdere 20 minute totdat eiervla stol. 5 Haal uit oond…

Daar is gedurig iets “nuuts” aan die Afrikaanse musiekfront, maar eintlik is dit maar net gister se glans wat getaan het en hergepoets in kloon-andersheid manifesteer. Jy kry dié tendens egter ook in die politiek en elders in die samelewing. As alles verander, bly niks immers dieselfde nie – of so iets verwarrends … Ian Bossert se nuwe platemaatskappy, Ian Bossert Entertainment, en sy produksiespan, Werner Beukes, Christo du Plessis, Ferdinand Skead en Dirk van Niekerk, stel twee nuwe sangers bekend. RUAN VAN DER KUIL VERMAAK Ruan van der Kuil klink soos ’n klomp ander sangers, maar sy album Skokgolf slaag, want dit is ’n uitbundige, polsende dansalbum wat die litte verlei en met oorgawe vermaak! Hy sing musiek wat by sy gruisstem pas en gevolglik is sy weergawes van…

Louise Bourgeois was 89 toe Maman, haar reusagtige beeld van ’n spinnekop, in 2000 vir die opening van Londen se Tate Modern in die Turbine Hall opgerig is. Dié beeld, wat meer as nege meter hoog is en ook Bourgeois se grootste en bekendste werk is, is van staal gemaak en later is ses bronsweergawes gegiet wat wêreldwyd vertoon is. Op agt slanke pote is die lyf met ’n eiersak hoog bokant mens se kop sigbaar; daarin is 17 grys-en-wit marmereiers. Die titel van dié beeld, wat “Mamma” beteken, het sy só verklaar: “Die spinnekop is ’n ode aan my ma. Sy was my beste vriendin. Soos ’n spinnekop was my ma ’n wewer. Ons familiesaak was dié van tapytrestourasie en my ma was in beheer van die werkswinkel. Soos…

Ons kry die sleutel vir ons pa se woonstel by die opsigter in Azalea Heights nommer vyf. Sy is ’n ouerige vrou wat ons van bo na onder uitkyk. “Nou waar val julle uit? Waar was julle dan al die tyd?” Iewers huil ’n baba. Die reuk van gebrande, opgekookte kos hang in die lug. Ek kyk na my broer en suster en sien in hul oë wat ek ook dink. “Ons het kontak met hom verloor. Ons het afgekom Kaap toe vir sy begrafnis en nou moet ons sy goed oppak en uitkry,” sê ek met ’n stywe glimlag. Maar daar skuil soveel meer as dit agter alles – dit besef ons al drie terdeë. Die opsigter draai terug die woonstel in en kom met ’n groot bos sleutels…

Ons praat en praat en praat, terwyl ons met drognuus, fopfeite, halwe waarhede of sommer prontuit leuens gebombardeer word. Hoe onderskei ons tussen feit en fiksie? Behoort ons nie minder te praat nie; dalk selfs liefs te swyg en eerder meer te luister? “Om ’n doemprofeet te wees, is ’n keuse, net soos wat om ’n optimis te wees ’n keuse is, maar doemprofete kan ook verkeerd wees en die optimis moet ook ’n realis wees,” sê Heindrich Wyngaard (45), die aanbieder van kykNET se KLOP! en medeaanbieder van kykNET Verslag. Hy meen ons móét oor die kwessies van die dag praat, maar ook oor die agtergrond tot die gebeure en wat dit vir die toekoms beteken. “Ons mag nooit swyg nie, selfs al meen ons die kwessie of individu…

Hoe sou jou lewe wees as jy die absolute, perfekte vertroue gehad het dat daar ’n God is; Hy ’n persoonlike God is wat jou naam ken; en Hy ’n God is wat belowe het om jou nooit in die steek te laat nie en jou deur alles te begelei wat die lewe na jou kant toe gooi? Stel jouself voor as jy daardie tipe geloof gehad het. Die tipe geloof wat as dinge baie sleg gaan, sê: “Wel, daar is niks wat ek daaraan kan doen nie, ek gaan net die Here vertrou om my daardeur te dra en te lei.” Die tipe geloof wat as jy ’n versoeking moet trotseer jy sal sê: “Here, ek weet nie hoe gaan ek dit vermy nie, maar ek gaan net absolute…

Ankers vir vandag bevat kort, kragtige inspirerende boodskappe spesiaal op vroue gerig en Nadine Blom gebruik lesse uit haar eie lewe om vroue te inspireer om met oorgawe te leef. 3 lesers kan die boek wen. SMS ANKE RS gevolg deur jou naam, van en adres voor 15 Mei 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied.…

Ongeveer 150 jaar nadat sy stamouers, George Michiel Maas en Katherina Köhl, na Suid-Afrika geëmigreer het, het Deon Maas en sy vrou, Veda, die tog terug Duitsland toe aangepak. Veda het ’n groot pos losgeslaan en die paartjie en hul honde het ’n nuwe lewe in Berlyn begin. Ek gesels met Deon en Veda toe hulle in Suid-Afrika kuier. Deon stel sy nuwe boek, Witboy in Berlyn, bekend, Veda slaap laat en saam hou hulle tussendeur vakansie en vang verlore kuiers met vriende op. “Ons het nie ’n lys van dinge wat ons wil doen nie, ons het alles gedoen voor ons weg is. Nou is dit net kuier,” vertel hy. Witboy in Berlyn – Avonture in die Eerste Wêreld het pas by Jonathan Ball Uitgewers verskyn. In die beskrywing…

Beauty Worx www.beauty-worx.co.za Carrol Boyes www.carrolboyes.com Dis-Chem www.dischem.co.za Hannon www.hannon.co.za Le Creuset www.lecreuset.co.za MrP www.mrphome.com Poetry www.poetrystores. co.za Rowdy www.rowdybags.co.za Theravine www.theravine.co.za Woolworths www.woolworths.co.za Yuppie Chef www.yuppiechef.com Zando www.zando.co.za…

Martie sê praatjies by die huis, by die werk en rondom die vuur, asook mediaberigte is ’n groot slaggat. “Daar is baie dinge wat mens negatief maak, mens het bloot nie beheer daaroor nie.” Hoe moet dit hanteer word en wat is die oplossing? Martie sê dis belangrik om te fokus op wat jy wel kan beheer. “Wees ook bewus van negatiewe snellers en begin om anders daaroor te dink. Vermy dinge wat jou aftrek. Laastens, weet dat wat uit daardie mense – wat jou so moedeloos maak – se monde kom, hulle definieer. “Dit sê iets van wie daardie persoon is en dit vertel iets van die euwels wat daardie persoon daagliks moet beveg. Dit hoef jou nie te definieer nie. Wat jou definieer, is hoe jy met sulke inligting…

Dis veilig om te sê dat aasvoëls oor die algemeen as taamlike lelike voëls beskou word. Min mense het romantiese idees oor dié spesie en tog is hulle ’n integrale deel van ons ekostelsel, en een wat al hoe meer bedreig word. Stroping, klimaatsverandering en gevolglik uiterste weerpatrone, en die onwettige handel in dieredele dra alles daartoe by dat aasvoëls vir hul bestaan veg. Gelukkig is daar wel organisasies en individue wat oor hul toekoms besorg is. “Omgewingsbewustes, bewaarders en navorsers voer oorlog in ’n desperate poging om hierdie voëls te red,” sê die bewaringsorganisasie Vulture Conservation SA, wat Projek Aasvoël ontwikkel het in ’n poging om beter samewerking in die bewaring van aasvoëls te bewerkstellig. Projek Aasvoël beraam dat meer as 1 440 aasvoëls in 2013 alleen in Suider-…

BLINK BADKAMER Nog nooit was dit so maklik om jou bad en badkamerteëls skoon te maak soos met hierdie nuttige kontrêpsie nie. Die Flexi Pad Tile & Tub Cleaner bereik elke hoekie, want dit kan maklik buig om enige plek by te kom. Ná jy als afgevee het, draai dit om en maak die teëls mooi blink met die mikroveselkant van die lappie, R179. www.yuppiechef.com Vars asem Philips Sonicare BreathRX neutraliseer gasse en maak bakterieë sommer by die oorsprong van slegte asem dood. Volg net drie maklike stappe – borsel tande, skraap die tong en spoel jou mond uit om 99% van slegte asem hok te slaan. Ongeveer R425 vir ’n beginnerspak wat ’n tongsproei, twee tongskrapers, mondspoel en tandepasta insluit. info@zoomwhitening.co.za of bestel by www.takealot.com LIPPE SONDER BARSIES Blistex…

Dit is uit die oude doos om teen leenwysies kapsies te maak, want niemand steur hulle tog daaraan nie. Hier is weer ’n klomp daarvan – met Afrikaanse woorde deur die sanger self. Selfs met goeie taalgebruik en slim woordspelings. Herskepping is ook mos kreatiwiteit, veral in ’n styl waarin daar min oorspronklike wer is Ek vermoed stemgewys is hier spore van een van die land se gewildste sangers, veral in Leroi se vertolking van Werner Beukes se trefferkomposisies, die titelsnit Bietjie van jou hart en in Droomverlief wil-wil jy Bobby van Jaarsveld hoor. Dit is egter waar die ooreenkoms eindig. Vorentoe kan jy nie help om spore van Dirk van der Westhuizen te bespeur nie Leroi sing ’n aantal Rudi Claasekomposisies, onder meer Bietjie-bietjie, Reën oor my en Da’s…

In 1969 het die Amerikaanse komediant George Carlin ’n onderhoud met die Spaanse tjellis Pablo Casals vir die Archive of American Television gevoer. “Waarom oefen jy op 93 nog daagliks drie uur lank?” wou Carlin weet. Waarop Casals geantwoord het: “Ek begin nou ’n bietjie vordering toon.” Pablo Casals (1876–1973) was die man wat in die laat-1890’s in ’n pandjieswinkel in Barcelona op die bladmusiek van die Bachtjellosuites afgekom het. Teen daardie tyd het die ses suites vir solotjello geen openbare statuur gehad nie en is dit grootliks as oefenstukke gebruik. Hy het dit instudeer en in konserte begin voordra. Dit was nie net die vestiging van dié Bach-werke in die tjelloliteratuur nie, maar ook van Casals se kunstenaarskap. Dertig jaar later het Casals ’n opname van dié suites gemaak,…

Een van die suksesvolste spanningsverhaalskrywers in die wêreld, Scott Turow, sê dat hy aanvanklik die ambisie gekoester het om’n “literêre skrywer” te word. Turow is veral bekend vir sy “hofdramas” soos Presumed Innocent en The Burden of Proof (waarvan ook suksesvolle rolprente gemaak is). Sy boeke is in 40 tale vertaal en meer as 30 miljoen eksemplare daarvan is wêreldwyd verkoop. Turow het James Joyce se roman A Portrait of the Artist as a Young Man gelees en besluit hy wil ook só iets skryf. James Joyce word as een van die invloedrykste skrywers van die 20ste eeu beskou en mens kan jou omtrent nie ’n studie oor die moderne literatuur indink waarin daar nie na sy werk verwys word nie. Turow het by sy dosente op universiteit gehoor dat…

KINDERLOOSHEID Ek en my man is kinderloos en die probleme lê by my. My man sê dit pla hom nie, maar ek is nie seker nie. Hoe kan ek my verlange na kinders stil? Dit voel vir my asof ek my man in die steek gelaat het. Ek sal nie verbaas wees as hy my los vir iemand wat kinders kan hê nie. – Anoniem Dit wil voorkom of jy jouself reeds afgegradeer het na minder werd as wat jy is. Dit is dikwels meer ’n inherente behoefte van vroue om kinders te hê as vir mans. As jou man jul kinderloosheid aanvaar, is daar nie ’n rede om nie sy woord te vertrou nie. Ek is seker jy besef dat hy nie ter wille van net om ’n kind…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). Teiken: 21 woorde, goed 25 woorde, baie goed 30 woorde of meer, uitstekend OPLOSSING: AANLOKLIK, KLONAAL, AANLOK, AIKONA, INKKOL, INKLOK, KANIKA, LANKAL, INLOK, KANOL, KLANK, KLINK, KONKA, LIAAN, ANIL, IKON, KANO, KINA, KINK, KLAN, KNAK, KNAL, KNIK, KNOK, KNOL, KONK, LAAN, LANK, LONK, NAAK Koderaai Elke syfer verteenwoordig ‘n letter van die alfabet. Om…