Innholdsfortegnelse for 3 May 2019 i Vrouekeur

Aanhalings, het ek agtergekom, gee baie mense die piep. Soos my geliefde wat sy oë rol oor wyshede wat my moed gee, inspireer en laat nadink. Sy argument is dat aanhalings uit konteks gelees word en dit vind hy problematies. Dis een van die dinge in die lewe waaroor ons nie saamstem nie. Let wel, nie saamstem nie. Ons baklei nie daaroor nie. Ons is immers twee individue. Daar is meer mense wat soos hy dink, maar hierdie week skryf ek vir mense wat soos ek dink. Aanhalings wat ek raaklees, lees ek uiteraard met my bril op, so dis eintlik ’n geval van preaching to the choir. Ek vind dat sommige mense dikwels kan sê wat ek dink of voel, maar hulle vat dit so goed saam dat ek…

In die 23 jaar sedert Chanette Paul se eerste boek verskyn het, het haar karakters diep in lesers se harte gekruip. En so sal dit ook wees met Lira, die hoofkarakter van haar nuwe boek met dieselfde titel, wat vandeesmaand verskyn. Lira is die eerste deel van die Vywervrou-trilogie en is ook Chanette se 45ste boek. Deel twee, Mirre, is ook al amper gereed vir produksie, en lesers kan dit voor die einde van die jaar te wagte wees. Deel drie, Corali, se publikasiedatum is nog nie vasgestel nie. Chanette beskryf die Vywervroutrilogie as verhoudingsromans. “Dit gaan nie net oor liefdesverhoudings nie. Dit gaan oor tweede kanse wat mens kry, wat jy kan probeer benut of nie. Dit gaan oor vriendskap en vyandskap en sommer alles wat menslik is.” Oor…

Die eerste keer wat ek vir Wollie en Dina Grobler ontmoet, dink ek sy is ’n kunstenaar en vermoed hy is ’n mechanic. Dis eers wanneer hulle my huis toe begelei nadat ek op ongure paaie in Bloemfontein verdwaal het dat ek besef dit is die geliefde predikantsegpaar van die Klipkerk (NG kerk Bloemfontein-Noord) in die stad. Wollie pak sedert 1992 met sy uitgesproke menings die kerk vol. Sy eredienste is opvoerings, hy skep nuwe kerktaal wat kinders kan verstaan en hou van tekkies en T-hemde. Hy skryf sy preke in koffiewinkels en speel klassieke kitaar. Sy flambojante gade van 38 jaar is inderdaad ’n kunstenaar. “Ons mag vir ander gereformeerdes vreemd voorkom, maar mens moet eg wees en jou nie deur grense laat inperk nie. Ek was my lewe…

MEI-WENBOEK Amanda de Lange se Suurlemoenseisoen (Lux Verbi) is ons wenboek hierdie maand. Hierdie boek bevat 52 werkstukke wat ontwerp is om die suur van die lewe te neem en dit in iets soets te verander. Die verskillende onderwerpe is in ’n spesifieke volgorde gekies: Reinig, genees, mooi maak, geur – sout, geur – soet. Die boek wil lesers help om anders na hul lewe en omstandighede te kyk. Die boek is by toonaangewende boekwinkels beskikbaar MARTIE CRONJE VAN RAMSGATE HET VIR ONS HIER DIE WENKE GESTUUR: ▶ Krampe in bene kan snags ’n groot ongemak wees. Hou ’n bakkie koeksoda in jou bedkassie en as jy pyne het, sit ’n klein bietjie onder jou tong om die krampe te laat ver dwyn.▶ Sy het ook ’n wenk vir ouderdomsvlekke…

VIR ALLES EN NOG WAT Die Kleenex-reeks help nie net om loopneuse droog te hou nie, maar is ook ideaal om klein grimeerfoutjies mee af te vee en ’n vinger wat bloei mee toe te draai. Dis beskikbaar is twee- en drielaagsnesies en is in helderkleurige houers verpak wat jou huis sal opvrolik. En moenie vergeet van die handsakgrootte verpakking wat jy sommer in jou rekenaar- of handsak kan gooi nie, vanaf R23,99. SAG EN GEURIG Greenland-lipsalf sorg vir sagte lippe en het ’n heerlike vrugtegeur. Dis in ses geure, asook drie getinte weergawes beskikbaar. Kies van aarbei- tot klappergeure, R99–R115. www.deluxelaser.co.za IETSIE SOETS Wees op die uitkyk na Sally Williams se heerlike sjokolade-eiers in melk- of donkersjokolade met geroosterde nougatstukkies, vanaf R53,99. *Pryse onderhewig aan verandering MAAK DAAI SKOENE…

ROLPRENTE SKEMERSON 7/10 Met Pietie Beyers en Elize Cawood Regisseur Phillip Rademeyer DRAMA Mense kla dat daar min Afrikaanse kunsrolprente gemaak word. “Dis net romkoms!” kla hulle. Hierdie intense en swaar drama, wat tydsaam beweeg en sy verhaal met toewyding en verantwoordelikheid vertel, is ’n volbloed-kunsrolprent. Hoewel mense wat na aksie en vermaak soek, dalk nie die regte gehoor is nie, sal lesers wat aan depressie ly en bedruk voel oor die daaglikse rompslomp waarmee hulle te kampe het, die rolprent verstaan en waardeer. Hulle sal troos daarby vind en besef dat mens oor jou probleme moet praat – nie alles na binne moet keer nie. Dit is boonop op die waarheid gegrond. ’n Jong man wat aan ernstige depressie ly (’n uitstekende Pietie Beyers), wil selfdood pleeg. ’n Ontmoeting…

Die woorde “ek het jou lief” en variasies daarvan rol maklik oor die tong. Soms word dit in ’n intieme oomblik gefluister, soms oor luidsprekers gebulder, soms op mure geskryf. Dit is egter moeilik om te verduidelik wat mens presies daarmee bedoel. Denkers, digters en liedjieskrywers sowel as bankklerke en busbestuurders het al hul hande aan definisies van die liefde gewaag, soms met indrukwekkende metafore en keurige rymwoorde, ander kere met vervelige gemeenplase. Paul, die hoofkarakter in Julian Barnes se jongste roman, The Only Story, skryf al die definisies wat hy van die liefde teëkom in ’n boek neer. Later, soos hy meer ervaring van die lewe en die liefde opdoen, trek hy sommige van die definisies weer dood. Party definisies wat Paul neerskryf, is die weldeurdagte uitsprake deur filosowe…

Anita van Tonder het sowat ’n jaar gelede in ’n ou huis in Vishoek ingetrek. Dit was kantore met hokkies en het mens aan ’n tetrisblok laat dink, volgens haar jongste seun. Maar uiteindelik het die ligging en potensiaal gewen. Sy sê dis meestal net sy en haar kat, Karel, wat daar woon, maar “daar is altyd ruimte vir vriende en familie”. Anita is ’n beeldhouer en gewese lektrise in tekenkuns. Tans skryf sy liefdesromans onder die skuilnaam Anita du Preez. Die boekrak in haar sitkamer staan vol van haar boeke en haar nuutste, Fransi en die filmster, is nou op die rakke. Sy vertel: “’n Nuwe soort storie met bietjie meer om die lyf, Mooier as Marilyn, kom in Junie uit. En ek is reeds besig met nog een.”…

Die lewe is nie altyd ’n vreugdelied nie, maar die sanger Deon Groot (Laubscher) nooi mense om ’n oomblik van uitdagings en bekommernisse te vergeet en die lewe met sy nuutste enkelsnit Wyn te geniet. Dié liedjie, uit die kunstenaar se eie pen, is geïnspireer deur die behoefte om mense daaraan te herinner om hulself te geniet, ongeag van wat rondom hulle gebeur. “Ons wou iets skep wat op die goeie eerder as die slegte fokus,” sê Deon. “Dit gaan daaroor om ’n goeie tyd te hê; miskien selfs té goed!” Deon se splinternuwe album – met ’n getroue Namakwalandklank – is pas uitgereik. Vir dié sanger is die hoofdoel om waardering vir sy musiek te skep met goeie melodieë en eerlike lirieke: genot. Sy debuutalbum, Gee my oor, met…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Wat gebeur as jy oor positiewe dinge dink? ’n Afrikakoning het ’n kleintydvriend gehad wat konstant positief was. Vir alles het hy gesê: “Dit is goed!” Hulle het gereeld gaan jag. Die vriend het altyd die wapens reggesit en die wapens gelaai. Eendag het die vriend hom misgis en toe die koning sy geweer afvuur, het die wapen ontplof en die koning se duim afgeskiet. Die koning was ontsteld. Die vriend het reageer met: “Dit is goed!” Woedend het die koning die vriend in die tronk laat gooi. ’n Rukkie later het die koning weer gaan jag, maar is toe deur ’n wrede groep kannibale gevange geneem. Terwyl hulle voorbereidings…

“Ek het gehoop 2019 gaan so effe van ’n handbriek hê, maar dis asof hy nou vinniger as ooit hardloop!” gesels Gerrie Pretorius. “Soos baie ander mense is ek maar oor ’n klomp goed bekommerd – daar heers ongekende rassisme vanweë opportunistiese politici. Dit ten koste van die land en sy mense. “Ons is so ’n klein klompie Afrikaners en dan sal ons wraggies nog aan mekaar torring, pleks van mekaar ondersteun. Dalk sal ’n bietjie minder Facebook ons almal net goed doen!” Gerrie sê hy wou vanjaar graag die Rugbywêreldbeker in Japan bywoon, maar weens ’n te druk program en die duur kaartjiepryse van die toernooi, kan dit ongelukkig nie meer gebeur nie. “Ek is baie dankbaar en bly oor ’n klomp goed sover hierdie jaar! Ons Leef jou…

Tans word daar aandag aan wetgewing gegee om seker te maak dat boelies vir hul dade aanspreeklike gehou kan word, maar tot tyd en wyl gee Clarissa daadwerklike stappe wat jy kan neem om seker te sorg dat jou kinders nie die slagoffers van boelies word nie: LEER JOU KINDERS WAT DIT BETEKEN OM GEBOELIE TE WORD Jou kinders moet verstaan dat boelies nie net hul slagoffers fisiek seermaak nie, maar dat boelie ook in die vorm van dreigemente, tergery en afknouery kan plaasvind. BOU ’N OOP EN EERLIKE VERHOUDING Jou kinders moet weet dat hulle enige tyd met jou oor enigiets kan gesels. Wees altyd ondersteunend, dan sal hulle die vrymoedigheid hê om met jou oor hul probleme te gesels. KWEEK ’N GESONDE SELFBEELD Kinders met selfvertroue is minder…

Min dinge gryp die verbeelding so aan as wanneer ’n vreemde vlieënde voorwerp op die horison verskyn. Jy kan dit sien, dit is daar, maar wat is dit en waar kom dit vandaan? Fanie Viljoen, ’n kinder- en jeugverhaalskrywer, het self eendag op die pad tussen Brandfort en Theunissen ’n voorwerp in die lug sien hang. Hy vertel dit het lank daar gebly en toe skielik net verdwyn. “Ek hoop dit was ’n VVV!” skerts hy. Fanie het onder meer die jeugreeks Nova geskryf, wat juis oor ruimtewesens, vreemde eksperimente en VVV’s gaan. Maar glo hy regtig dat daar sulke goed bestaan, en indien wel, sal hulle aardbewoners goedgesind wees? Hy sê: “Ek hou maar duim vas dat hulle van ons sal hou, anders is ons bokveld toe. As ek…

HOU DIT KOEL Hou wyn lekker koel met die Menu Cool Coat Wine Cooler, R699, @home VYF FEITE OOR SHIRAZ ▶ Shiraz se druifskilletjies is effe dikker as die normale en bevat meer tannien. Dit maak shiraz een van die gesondste rooiwynvariëteite om te drink.▶ Dit het ’n donkerder kleur as cabernet sauvignon en bevat hoë hoeveelhede antioksidante.▶ Shiraz het ’n volronde smaak en pas goed by swaarder kos soos van ’n bloukaasburger tot braaivleis. Die idee is om die subtiele nuanses in die wyn uit te bring.▶ ’n Shiraz kom gewoonlik in ’n rook-, bessie-, pruim- en pepergeur en verskil volgens die plek waar die druiwe geproduseer word.▶ ’n Shiraz moet nooit in die yskas gebêre word nie en dis die beste om dit teen kamertemperatuur voor te sit.…

1 brood #bakliefde Mareli KRUIE-EN-KAAS-RINGBROOD 500 ml (2 k) louwarm water1 pakkie (10 g) kitsgis250 ml (135 g) witbroodmeel15 ml (1 e) heuning1 000 ml (535 g) witbroodmeel5 ml (1 t) sout15 ml (1 e) olyfolie VULSELS 30 ml (2 e) papawersaad30 ml (2 e) basiliekruidpesto15 ml (1 e) gekapte pikantrissies60 ml (¼ k) gerasperde kaas 1 Meng water, kitsgis, meel en heuning en laat staan vir 10 minute totdat skuim bo-op vorm. 2 Gooi meel, sout en olyfolie by en roer totdat deeg vorm. Knie vir ses minute tot glad en elasties. Bedek met plastieksak en laat rys tot dubbelvolume. 3 Voorverhit oond tot 180 °C en spuit ringpan met kleefwerende sproei. 4 Verdeel deeg in 80 g-balle. Werk vulsels in elke deegbal in en pak netjies in ringpan.…

Ek en Danielle het onlangs ons heel eerste eiendom gekoop. Ek weet ons is laat daarmee, maar sy het intussen voltyds geswot en dinge was maar rokskeur. Dis net ’n klein meenthuis, maar ons is bitter trots om uiteindelik ook huiseienaars te wees. Miskien is dit omdat ons self hierdie keer moes bontstaan met berge papierwerk, huislenings en allerlei vreesaanjaende grootmensverpligtinge dat my gedagtes by my arme ouers se huismoles gaan draai. Ek het in ’n gewone enkelverdiepinghuis in Enkeldoringstraat grootgeword. Dit was weliswaar niks om oor huis toe te skryf nie, maar ook niks om oor skaam te kry nie. Tot my twee ouerduifies op ’n dag met sterre in die oë van ’n Sunday drive terugkeer. “Ons wil julle gou iets gaan wys!” sê hulle uitasem en boender…

Die soen is nie net Gustav Klimt se bekendste skildery nie, maar ook een van die kunsskatte van die Belvederemuseum in Wene. Meer as ’n miljoen besoekers kom jaarliks na dié Oostenrykse museum om dié werk met hul eie oë te sien. Onlangs het dié museum dit ook vir blinde mense moontlik gemaak om met behulp van ’n 3D-reliëf dié skildery te “sien”. Andreas Reichinger het rekenaartegnologie ingespan om ’n reliëfweergawe van die Klimt-skildery vir die Belvedere te maak. Die eindproduk was só suksesvol dat ’n blinde besoeker aan die museum kon aanvoel dat die skildery moet blink. “Ek kan dit nie sien nie, maar ek kan dit voel,” het sy gesê. Met behulp van die 3D-druktegniek is dit deesdae maklik om skilderye in driedimensionele perspektief weer te gee, sodat…

MOEILIKHEIDSGRAAD: ★★ BENODIGDHEDE S paghetti T-shirt Yarn Mix ’n Match (100 g-balle): 4 balle room, 2 balle grys en 2 balle turkoois10 mm-hekelpenNaald met groot oog BELANGRIKE HEKELINLIGTING Sommige rye trek in, maar word met die volgende rye reggestel. Vir hierdie patroon is dit uiters belangrik dat die regte draad gebruik word, aangesien die rekbaarheid ’n groot invloed op die patroon het. AFKORTINGS EN STEEK VERDUIDELIKINGS beg = begin, dies = dieselfde, dr = draai, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, sp = spasie, st = steek, vlg = volgende GROOTTE Ongeveer 1 m x 46 cm PATROON Met room, hekel 4 ks, gs in 1ste ks om ring te vorm. 1ste rdte: 1 ks, 6 kb…

Terwyl derduisende Suid-Afrikaners soggens koffie brou, Bovril op broodjies smeer, beddens opmaak of ’n kroos uit die kooi boender, is hul aandag verdeeld – met die een oog op die taak ter sprake en die ander oog op kykNET. Radio is nie meer genoeg nie, want Die GROOT Ontbyt het ons bederf. Wanneer die meeste mense nog slaap uit hul oë vryf, het Elsa en Johrné al ’n hele paar uur agter die blad. Elsa staan halfdrie soggens op sodat sy vieruur die GROOT fm 90.5-kantore by Lynnwood Bridge Mall in Pretoria kan oopsluit. Selfs vir Elsa, wat dit al lank doen, is die vroeg opstaan soms ’n uitdaging. “Tot Johrné daar instap en al die energie saambring wat nodig is!” vertel sy laggend. “Ja, ek slaap laat,” sê Johrné…

“Vyf dae ná geboorte het my seun Ruan (nou al 13 jaar oud) ná elke voeding begin opgooi,” vertel Julie Malan, administrateur van die Suid-Afrikaanse Hemofilievereniging (SAHV). “Dit was ’n Saterdagnag en ek het die pediater gebel, wat gevra het dat ons hom die Sondagoggend hospitaal toe moet bring. Verskeie toetse is op hom gedoen en hy is in die hospitaal opgeneem, maar niemand kon agterkom wat fout was nie. Teen halfvier die middag het hy skielik konvulsies aan die linkerkant van sy lyf gekry. Die pediater het hom onmiddellik vir ’n breinskandering gestuur en ons is ingelig dat Ruan bloeding op die brein het. Hy het onmiddellik ’n bloedoortapping gekry en is in die pediatriese waakeenheid opgeneem waar hy sewe dae aan ’n ventilator gekoppel was. Ons kon hom…

Jet www.jetonline.co.za, MrP www.mrp.com, Poetry www.poetrystores.co.za Woolworths www.woolworths.co.za, YDE www.yde.co.za, Zara www.zara.com/za HOE OM DIEREMOTIEWE TE DRA ▪ Hou die fokus op die dieremotief – moenie meer as twee dieremotiefkledingstukke of – juwele in een uitrusting dra nie. ▪ Dra neutrale kleure soos wit, swart, beige of denim daarby. ▪ Helder dit op. Dra oorbelle, ’n handsak of skoene in helder kleure saam met jou dieremotiewe, maar moenie meer as drie verskillende kleure by dieselfde uitrusting dra nie.…

“As jy sukkel om nee te sê, ongemaklik is met konflik of negatiewe emosies of huiwerig is om jou gedagtes en behoeftes met ander te deel, is dit dalk vir jou natuurlik om plek te maak vir wat ánder nodig het,” sê Lizel Stephan, lewensafrigter. “Mense wat meer empaties is, is waarskynlik meer geneig om te reageer wanneer iemand anders se behoeftes hulle affekteer. “Vroue is weens sosialisering en kondisionering geleer dat versorging deel van vrouwees is. Daarmee saam kom ’n groot verantwoordelikheidsin teenoor ander mense. “Sommige vroue leer aan dat hulle nie dieselfde geleenthede as mans kan hê nie en tot minder in staat is. Dit het tot sterk patrone van optrede en denkwyse in ons kultuur gelei, maar vroue werk hard daaraan om hulself te bewys – daar…

’n Helder lig wat “nog nooit in die aand” gesien is nie. Venus is die oggend- én aandster, afhangend van die tyd van die jaar. Willie sê in die somer, wanneer Venus in die aand verskyn en die weer buitekuiers toelaat, neem navrae oor ’n vreemde lig in die aand toe. Hy skryf dit toe aan die feit dat mense minder tyd buite deurbring, en wanneer hulle wel buite kuier, dié lig (eintlik Venus) hulle opval. ’n Ander ding wat die kenners by SAAO mee te doen kry, is vliegtuie ná sononder. Willie verduidelik: “Die vlieg tuie wat baie hoog vlieg, sal nog son vang, selfs al het die son by jou gesak. Wanneer dit dan begin donker word, lyk dit baie maal soos ’n blink, vreemde voorwerp wat teen…

VINNIGE FRIKKADELPASTA 4 porsies 500 g (1 pakkie) pastarys1 ui, gekap5 ml (1 t) fyn knoffel500 g boerewors8 20 g (1 bottel) tamatiepastasous 1 Kook pastarys in borrelende soutwater. Dreineer en hou eenkant. 2 Braai ui en knoffel. Skep uit en hou eenkant. 3 Druk wors uit derm en vorm klein frikkadelle. Gooi in braaipan en braai tot goudbruin. Draai af en toe. 4 Gooi pastasous en uie oor frikkadelle en bring tot kookpunt. 5 Skep oor pastarys. MURGPAMPOENTJIE-EN-KEKERERTJIE-SLAAI 4 porsies 4 00 g (1 blik) kekerertjies, gedreineer15 ml (1 e) suurlemoenpeper15 ml (1 e) lemmetjieolie3 50 g (1 pakkie) murgpampoentjiespirale125 ml (½ k) Franse slaaisous3 sirkels fetakaas100 g (1 pakkie) groen olywe Stel oond op 180 °C. 1 Gooi suurlemoenpeper en lemmetjieolie oor kekerertjies. 2 Rooster vir 20 minute…

Ons het van Brahman Hills gehoor, wat nie net ’n lekker hotel is nie, maar ook selfsorghuisies bo-op die heuwels binne die Blue Crane-natuurreservaat het. Die eiendom het ’n rukkie gelede ’n nuwe baadjie gekry en bied luuksheid reg langs die N3-snelweg met wild wat soggens hul snoete teen jou ruit druk. Daar lê vars bokmis voor ons deur en toe ons om die hoek van die huisie stap, kou vier sebras rustig aan die bietjie groenigheid by ons braai. Een vulletjie lê rustig en bak in die wintersonnetjie en wil-wil onrustig raak, maar Ma vreet voort en ons sit in vervoering na hulle en kyk. Dis later net die ritmiese gekou en ’n suising van die windjie oor die heuwels wat hoorbaar is. Die tyd staan stil. Die besige…

Op sy 21ste album, Pure Coenie, belig Coenie de Villiers die teenkante van lig en donker en die skakerings van die geruis en die stiltes tussenin. Op dié album word hy weer Die Reisiger van destyds, maar hy kyk veral terug – en tog ook vorentoe: met volkome eerlike realisme. Gevolglik is ’n vervloë verlede, vlietende jeug en onuitwisbare, melancholiese en nostalgiese herinneringe – wat hom in die hede toekomsgerig anker – die skakels wat die tema-ketting in ’n strewe na ewewig bind. Baie van die snitte is binnekamerwerk wat introspektief delf. Reeds in die openingsnit, Julie, Kaap St Francis, figureer die kers as simbool van lewe en besef hy “die verniel van oorleef”. Op die geestelikgedrewe snit. Die laaste maal erken hy sy “kompas is rigting kwyt” en hy…

Sy voel kriewelrig as haar man so stil raak. Was gisteraand se ribbetjie te taai of het hy die gat in sy Taurus-baadjie ontdek? (Sy wou maar net die winterlê se plooie uitstryk.) Chris stres tog seker nie oor die moontlike afleggings volgende maand nie? Sy kan nie dink dat hy sommer die trekpas sal kry nie, hy doen immers goeie werk vir die maatskappy. Of het hy dalk (hemele behoed!) daai WhatsApp-gesprek op haar foon gelees? Dis tog nie in sy aard nie. Wag, terwyl sy daaraan dink – haar foon laai in die sitkamer. Dis bietjie van ’n risiko met Eben wat sy huiswerk daar sit en doen. “Ai Ma, hierdie crap oor agtervoegsels maak my wiele pap. Soos dom in rykdom. Hoe kan ryk ouens dom wees?”…

VIER JOU MA IN DIE NUYVALLEI Die Nuy-wynkelder en Nuy on the Hill-restaurant bied op Sondag 12 Mei ’n spesiale Moedersdagete. Nie net kan die hele gesin ’n smaaklike middagete geniet nie, maar ma’s kry ook ’n komplimentêre bottel vonkelwyn. Die ete kos ongeveer R295 per persoon. Nuy on the Hill is tussen Worcester en Robertson geleë. Bespreek by 023 347 0272 of onthehill@nuywinery.co.za CHICAGO IS NOU IN JOHANNESBURG Die gewilde musiekblyspel Chicago maak tans sy Johannesburgse draai. Hierdie vertoning is nog tot 26 Mei by Montecasino se Teatro in Johannesburg te sien. Samantha Peo vertolk die rol van Velma Kelly en Ilse Klink speel Matron Mamma Mortan. Craig Urbani is in die rol van Billy Flynn. Nog name is KJ Haupt, Carmen Pretorius en Grant Towers. Bespreek jou plek…

MAN EN SKOONDOGTER SE KORRESPONDENSIE Ek is getroud en het twee kinders. My skoondogter mag my man bel en boodskappe vir hom stuur, maar ek mag nie haar man (my seun) se nommer kry nie! My man meen ek is jaloers en dat ek en sy na mekaar aard. Is dit verkeerd om kwaad te raak as my man boodskappe vir haar stuur? Hy praat weinig by die huis met my. – Omgekrap As ek dit reg verstaan, wil jou man nie hê daar moet kontak tussen jou en jou skoondogter wees nie, maar hy mag wel eksklusief kontak met haar hê. Dit gaan alle verstand te bowe dat hy sodanige beperkinge op jou plaas. ’n Mens sou juis daardie verhouding tussen skoondogter en ma wil versterk. Sonder om die…

WOORDSPEL 15 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 25 woorde, baie goed 32 woorde of meer, uitstekend OPLOSSING: Buiteveld, uitbeeld, buitvee, uitdeel, beduie, bevuil, buidel, buitel, uitbel, uitvee, bedui, beuel, buite, duvet, étude, luide, teuel, uitlê, vuile, beul, buil, buit, bult, duel, duet, duie, duit, étui, leeu, luid, tuil, vuil. Woordsoek Met die Oscars nog vars in ons…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsteking van die wurmvormige aanhangsel van die blindederm SMS jou antwoord, voorletters, van en dorp/stad voor of op 22 Mei 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…