Innholdsfortegnelse for 26 April 2019 (Combined with issue 16 - 19 April 2019) i Vrouekeur

Suid-Afrikaners is deesdae dikwels in die donkerte. Letterlik. Onvoldoende kragvoorsiening, kragstasies wat nie hul werk behoorlik kan doen nie, die wanbesteding van getroue verbruikers se geld en swak beplanning het daartoe gelei dat “beurtkrag” in 2019 weer behoorlik deel van ons woordeskat geword het. Maar waarom sit ons in dié penarie? “Weens uiters swak bestuur, korrupsie en onbevoegdheid het Eskom nie voldoende aandag aan toekomstige steenkoolvoorsiening, behoorlike onderhoud van toerusting en behoorlike finansiële bestuur gegee nie,” sê die energiekenner Ted Blom. Die sameloop van hierdie wanbestuur is volgens Ted in drie golwe geopenbaar: In 2008 het die wanbestuur van steenkoolkontrakte tot beurtkrag gelei. Dieselfde het in 2014 tot 2015 gebeur en in 2018 en 2019 het die wanbestuur van steenkoolkontrakte en onvoldoende onderhoud weer eens die energieverskaffer genoop om beurtkrag…

Bewaringsorganisasies kon dit tot nou toe nie regkry om die mensdom te laat besef ons moet ons hulpbronne beskerm ten einde onsself te beskerm nie. Dít ten spyte van waarskuwings dat ons binnekort op die lys van bedreigde spesies kan beland – nes die Afrika-wildehond, die Knysna-seeperdjie of ons geliefde renosters. ’n Groep vroue wat hulle die Black Mambas noem, is egter besig om dit te verander. Boonop is meer vroue soos dié van oor ons land aan die opstaan. In Suid-Afrika, die tuiste van sowat 80% van die wêreld se renosterbevolking, is 1 028 renosters (rofweg drie per dag) in 2017 gedood. Dis heelwat minder as vorige jare danksy die Black Mambas, ’n vroulike teenstropingseenheid wat in die Balulenatuurreservaat in Suid-Afrika se groter Krugerwildtuin geleë is. Hul mantra: “As…

Hy was 45 jaar gelede haar eerste liefde toe hulle nog op skool was. En nou, in hul sestigerjare, vry hulle eers die lakens aan die brand. Dié keer skelm. Elna*, ’n weduwee, se oë skitter en haar wange gloei as sy oor haar buite-egtelike verhouding gesels. Sy is ’n ouma met meer as ’n halfdosyn kleinkinders, haar hare en klere is konserwatief, sy brei en hekel vir die armes, kook en bak en lê konfyt en vrugte in. En sy is ’n voorslag in ’n gere spekteerde vroue-organisasie. Die laaste vrou wat jy daarvan sal verdink dat sy ’n femme fatale kan wees wat so (wel)lustig in iemand anders se slaai sal krap. Maar binne haar, vertel sy, brand ’n vuur vir hierdie man. Sy kan dit eenvoudig nie…

Twee vroue, Cathrine en Lizaene Cornwall-Nyquist, se droom het op 3 April 2015 ’n realiteit geword toe hulle hul eie reddingsentrum, Panthera Africa, op 39 ha grond geopen het – ongeveer 10 km vanaf Stanford in die prentjiemooi Overberg. Toe Cathrine, gebore en getoë in Noorweë, in 2011 Suid-Afrika besoek het, sou sy nooit kon dink dat hierdie land haar tuiste sou word, sy haar droom sou uitleef en boonop haar lewensmaat sou ontmoet nie. Cathrine het die loopbaanleer in haar land geklim en sou by haar (wat sy gedink het) droomwerk as ’n makelaar by een van die grootste eiendomsagentskappe in Oslo begin werk het. “Ek wou graag iets betekenisvols doen voordat ek in my nuwe pos moes begin en het besluit om as vrywilliger by ’n teelplaas in…

Met sy vertolking van die naamrol in Billy Budd op die Glyndebourne-fees in 2010 het Jacques Imbrailo die aandag van die operawêreld op hom gevestig. The Guardian het Imbrailo destyds in dié rol as “pure vreugde – slank, soepel en wonderlik onopgesmuk” beskryf. Van dié voorstelling met die Londense Filharmonie en met sir Mark Elder as dirigent, het Opus Arte ’n CD- en DVD-opname gemaak wat wyd gunstige kommentaar gekry het. Op die oomblik is dié Suid-Afrikaanse bariton weer as Billy Budd in Deborah Warner se voorstelling van dié Benjamin Britten-opera vir die Royal Opera House in Covent Garden te sien. Ná ’n suksesvolle speelvak, eers in die Teatro Real in Madrid en daarna in die Roma Opera, is dié opera tot 10 Mei in Londen te sien. Oor die…

Dis in die Uffizi-galery in Florence wat die geveg uitbreek – ’n argument wat maande later steeds sou voortwoed: Leonardo da Vinci vs Michelangelo Buonarroti. Reynier (6) sweer by Leonardo, Matieu (8) voel vurig oor Michelangelo. Ek kan da rem met sekerheid sê dat Reynier nie sy eer ste uittand daardie oggend in ’n vuisgeveg oor twee dooie kunstenaars verloor het nie. Ek het die tand in ’n pouse (wapenstilstand) gou in die badkamer gaan trek. En daar word die mannetjie amper flou by aansig van die bloed uit sy mond. My manne sal nie te goed vaar in ’n boksgeveg nie. Ek kan nie dieselfde sê van ’n bekgeveg nie. Ons toer op die spore van die Renaissance. Dis ’n era wat my interesseer, en tot my groot vreugde…

Verwonderd kyk Mara na die toegemesselde goue poort in die grys reusemuur om die ou stad van Jerusalem. “Hulle sê as die Messias kom, sal dié poort oopgaan,” sê ’n diep manstem in Engels agter haar. Sy draai verskrik om. Hy het langerige donker hare, ’n baard en snor, onrusbarend baie soos die Christus in Mel Gibson se rolprent The Passion of the Christ. Behalwe dat hy ’n denim, ’n blou T-hemp, stapskoene en ’n rugsak dra. Swart oë kyk na haar. Hy is net ’n rugsakreisiger in sy dertigerjare. Tog is daar iets uitsonderliks omtrent hom … Mara reageer nie. Dit noop die man om te vra: “Steur ek jou? Is jy op ’n pelgrimstog, so met Paasfees om die draai?” Haar stem kom terug. “Is dit ’n pelgrimstog…

Vir Kristoffel 2005–2019 Nog ’n nuwe ding het by die Knoetzes kop uitgesteek. Ná die groot baklei, en Geesje Polderling se teregwysing, was Lily ’n skaduwee van haar vorige self – wat reeds maar effens was. Sy was nie ’n vrou met sterk senuwees nie. Ek weet nie soveel van mensedinge af nie, maar dit smaak my sy was uit die staanspoor nie reg vir ’n lewendige man-maat of vir moederskap van ’n jong seun daarby nie. Nie dat sy nie probeer het nie. Jy moes mooi kyk om dit raak te sien. Maar ek glo dit het nie heeltemal by haar verbygegaan toe Hansie met ’n stukkende hand by die huis opdaag nie. Of hoe hy afstandelik begin raak het. Of die blou oog wat hy gekry het. Ja,…

15 insekte moet in die rooser ingepas word. Een gogga is reeds ingevul. Kyk nou of jy die res van hulle in die egte blokkies kan skryf. Daar is net een plek waarin elke gogga kan pas. Pas en skryf nou elken van die ander op sy plek in die rooster. 4-letterwoord wesp 5-letterwoorde besie, imago, kewer, kriek, larwe, papie, vlieg, vlooi 6-letterwoorde maaier, muggie, rusper 7-letterwoord termiet 9-letterwoord toktokkie 10-letterwoord stinkgogga Woordspel 2 Soek die woorde hieronder wat eindig met die letters …ris Die aantal letters waaruit elke antwoord bestaan, word na die leidrade aangedui 1 Letterdief (9) …ris 2 Iemand soos Zapiro, Fred Mouton of TO Honiball (11) …ris 3 Ontvanger van ’n geskenk, ’n begiftigde (9) …ris 4 Kameel met een bult (10) …ris 5 lemand wat…

TEKEN IN OF HERNU jou inskrywing teen R747,50 PER JAAR! ▪ BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal) KREDIETKAARTBESONDERHEDE en vir DEBIETORDEROPSIES ▪ SMS die woorde ‘CAXTON VK’ na 47098 (R1,00 per SMS) ▪ STUUR ’N FAKS na 086 670 4101 met jou besonderhede van hernuwing of intekening ▪ SKRYF IN OP ONS WEBWERWE www.vrouekeur.co.za/ www.magsathome.co.za ▪ STUUR ’N E-POS na subs@magsathome.co.za ▪ POS ’N TJEK uitgemaak aan RamsayMeAFSLAG dia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 ▪ Doen ’n ELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jou VAN en SUBSKRIPSIENOMMER of jou van…

Zakes Mda was in Suid-Afrika om sy jongste boek, The Zulus of New York, bekend te stel, by die US Woordfees op Stellenbosch op te tree, en daarna vir ’n maand saam met sy seun aan ’n vollengte-animasiefliek vir kinders te werk. As jy oor hom gaan oplees, moet jy heelwat tyd opsysit: nie net omdat hy ’n gros boeke, toneelstukkie, opiniestukke en kortverhale op sy kerfstok het nie, maar ook omdat hy verskeie gesogte literêre toekennings en eregrade agter sy naam het. Dis egter sy eerste boek, Ways of Dying, wat in 1995 verskyn, wat die algemene publiek van hom laat kennis neem het. Hierin leer die leser die hoogte-en laagtepunte van die vindingryke Toloki, ’n selfverklaarde professionele roubeklaer, ken wat by elke begrafnis trane stort terwyl die land…

Die lewe kan ’n lied of ’n nagmerrie wees. Alles hang af van hoe jy dink en hoe jy jou denke bestuur. Jou binnegesprek of interne dialoog het te make met hoe jy jou denke inspan om die lewe en situasies te hanteer. Sarita* vertel: “Ek is ’n depressielyer en daar was ’n stadium toe dit my ondergekry het. Ek het egter begin oplees en besef dat ek meer beheer oor my gedagtes en gevoelens het as wat ek dink. ’n Sielkundige het my geleer om beheer oor my binnegesprek te neem en sedertdien gaan dit heelwat beter. Ek is nie meer ’n willose slagoffer nie, maar ’n aktiewe deelnemer wat kan kies hoe ek dink en voel.” Wat behels interne dialoog? Dit is kortliks die gesprek wat mens in…

Die geheim van ’n gelukkige werksplek? “Stel jou personeel eerste en hulle sal jou kliënte eerste stel,” is Maryka Meldau, ’n bedryfsielkundige van Finleys HR op Stellenbosch, se raad aan sake-eienaars of bestuurders. Uit haar ervaring as bedryfsielkundige is daar ’n sterk korrelasie tussen die moraal van ’n maatskappy en die produktiwiteit van die personeel. “Maatskappye wat gelukkige werknemers het, behou hul personeel, is winsgewender en selfs die produkte se gehalte is beter.” Sy beklemtoon dat werknemers wat voel asof hulle behoort, lojaler is en ook harder werk om die sukses van die maatskappy te bevorder. “Wanneer werknemers voel dat bestuurders en sake-eienaars nie net in hul dienste belangstel nie, maar hulle self ook belangrik ag, lei dit tot ’n positiewe uitkoms vir die maatskappy.” HOEKOM PRET IN DIE WERKSPLEK?…

Die eindelose begraafplaas van Weissensee in Berlyn is ’n betowerende en ontnugterende plek. En daar het ’n koddige ding met my gebeur. Weissensee is die grootste Joodse begraafplaas ter wêreld, maar die laaste Joodse name op die grafstene dateer uit rondom 1936. In daardie tyd het hierdie stad van dooies oornag opgehou om aankomelinge te verwelkom. ’n Skaduweestad is dit, met luukse mousoleums, sommige meer as een verdieping ondergronds, en grafstille flaneerpaaie en “boulevards”, plek-plek met loof toegegroei. Soms staan jy in verwondering voor ’n verwaarloosde kelderverdiepinggraf met sy geheime en yskoue versonke en gegrendelde “marmersitkamer”, waar sommige Jode vir Hitler se uitwissingspolisie gaan wegkruip het. Tevergeefs, want die Nazi’s het hulle daar gaan uithaal, daar langs hul dooies, waar hulle waarskynlik krampagtig koestering gaan soek het of net totsiens…

MONSTER JAM Sien op 4 Mei monstertrokke by die FNB-stadion in Johannesburg in aksie. Daar sal asemrowende toertjies wees en ook die kans om Monster Jam-sterre te ontmoet en foto’s saam met hulle te neem. Kaartjiepryse wissel en is via Computicket beskikbaar. Meer inligting by www.stadium-management.co.za of enquiries@stadiummanagement.co.za VINTAGE-MARK Die Vintage Ideas-mark word van 25 tot 28 April by die Simondium Country Lodge gehou. Die tema vanjaar is “Vintage Travelling” en jy gaan beslis ’n skeut nostalgie daar beleef. Die marktye is van 09:30 tot 16:00 (Woensdag tot Saterdag) en op Sondag sal dit om 15:00 sluit. Toegangskaartjies kos R40 vir 18-jariges en ouer. Simondium is tussen die Paarl en Franschhoek geleë. Bel 021 874 1046 of besoek ‘Vintage Ideas’ op Facebook OESTERS EN BORRELS Die Oysters Bubbles & Blanc…

SPLINTERNU WE SUBSKRI PSIE - OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou…

Die lang radiodrama-opname is verby en Pietie Beyers, wat die veeleisende rol van ’n psigopaat hierin speel, is ontspanne. Bene gekruis, byderwetse tekkies wat net-net bo die tafel uitsteek, hande agter die kop, probeer hy sy nuwe rolprent, Skemerson, opsom. “My karakter, Sella …” Hy frons. “Ek dink mens kan sy toestand as patologiese twyfel beskryf. Dit is ’n baie persoonlike storie, want ek kan my met sy angsversteuring en gedagtes van selftwyfel vereenselwig.” Dis moeilik om die kloutjie by die oor te bring. Hierdie cool ou met die netjies gesnoeide baardjie, die lewendige oë wat dwarsdeur jou kyk, die diep stem, lyk myle verwyder van Sella, ’n jong man wat ná ’n dramatiese voorval waarby sy ma betrokke was, begin gewig verloor het. Hy het daarna ’n “geestesinsmelting” beleef…

Chantel Esterhuizen is die eienaar van Salon Chalandré in Noordheuwel, Krugersdorp, en is al 19 jaar ’n haarstilis. Sy gee hier raad. GRYS HARE Oorsake: Hare word meestal grys wanneer die melanosiete rondom die haarfollikel verminder of ophou om melanien te produseer. Keratien is die hoofproteïen wat hare versterk. Die afwesigheid of tekort aan melanien in keratien veroorsaak dat hare grys word. ’n Tekort aan melanien kan as gevolg van genetiese faktore, ouderdom of hormonale veranderinge in die liggaam wees. Oplossing: Meng hawermout met amandelolie en vryf dit een keer per week aan grys hare. Na bewering sal die biotien in hawermout help om hare donkerder te kleur. Haarkapper se raad: Verhoog jou vita mieninname en volg ’n gesonde en gebalanseerde dieet. Verlaag stresvlakke deur gereeld te oefen en kry…

In ons gejaagde, moderne lewe is dit moeilik vir ouers om al die balle in die lug te hou en boonop tyd vir hulself, hul lewensmaat en kinders te maak. Navorsing deur die Pew-navorsingsentrum het gewys dat werk- en gesinsverantwoordelikhede baie stres by ouers tot gevolg het en dat 56% van werkende ma’s en 50% van werkende pa’s dit moeilik vind om ’n balans tussen hul werk en hul gesinslewe te vind. Ons kinders word in ’n kitswêreld groot waar selfone, teksboodskappe, sosiale media en rekenaarspeletjies aan die orde van die dag is en min tyd in die buitelug deurgebring word. “Ouers doen wat hulle doen uit liefde,” sê Wietske Boon, ’n spelterapeut van Pretoria. “Ons wil die beste vir ons kinders hê, maar soms kyk ons deur ons eie…

Ons almal ken daai dae wat so ’n gejaag is dat jy nie weet wat om eerste te doen nie – dis juis hier wat Samsung se 32 l-konveksie-mikrogolfoond met HotBlastTM-tegnologie so nuttig is. Bobaas-HotBlastTM-tegnologie Samsung se HotBlastTM-tegnologie verminder kooktyd. Die HotBlastTMtegnologie werk deurdat warm lug deur verskeie luggaatjies op die kos geblaas word. Die kos word eweredig gaar en is bros buite en sappig binne. Vergeet maar van pap pizza en verwelkte worsrolletjies! Slimkop-Slim Fry-tegnologie Die Samsung-konveksie-mikrogolfoond het ingeboude Slim Fry-tegnologie wat jou toelaat om ’n rits ander disse in die mikrogolf voor te berei. Hierdie tegnologie beteken dat jy byna geen olie gebruik nie. Gesofistikeerde tegnologie en aandag aan die detail Kies uit 15 kook- en spyskaarte wat reeds in jou Samsung-konveksie-mikrogolf met HotBlastTM-tegnologie geprogrammeer is. Laat deeg…

Die een ding waarvan ons nooit genoeg het nie, is tyd. Ons moet tyd maak vir werk, ons gesin, vriende, huishoudelike take en honderde ander dinge. Jy weet eenvoudig nie hoe jy by alles gaan uitkom nie. Kenners se raad is: Besluit op die drie dinge wat vir jou die belangrikste is en fokus veral daarop. Die res moet wag. “Wat gesinne betref, is daar drie dinge wat vir my die belangrikste is,” sê Christelle du Plessis, ’n sielkundige. “Dit is gesinstyd, die skep van rituele en tradisies en tyd vir Pa en Ma. “Gesinne wat gehaltetyd saam deurbring, het ’n nouer band. Dit skep ’n gevoel van veiligheid vir al die gesinslede. Ouers bly in voeling met hul kinders en kinders voel hul ouers is by hul lewens betrokke…

Jy is op spertyd. Eintlik al die spertyd se spertyd. En so was dit nog jou hele lewe. Jy is ’n uitsteller. Om take uit te stel, is nie noodwendig so ’n slegte ding nie, en kenners meen dit kan selfs tot jou voordeel wees. Daar is egter ’n vangplek: Dit hang af van watter tipe uitsteller jy is, en wat jou redes vir uitstel is. Dr Kobus du Toit, ’n berader en die skrywer by Revitalize your Life, sê in sy praktyk vind hy dit is in baie gevalle ’n gebrek aan selfvertroue. Dit is veral dié mense wat in dissonansie met hul werkstake en pligte is waarvoor hulle eintlik geen passie, belangstelling, aanleg of kwalifikasies het nie (of hul kwalifikasies is dalk in stryd met hul passie en…

Die doel met Kakuro is om ’n leidraad se totaal te kry deur die nommers 1 tot 9 in die wit blokkies te gebruik. ’n Nommer in die hoek regs bo verwys na ’n dwars-leidraad en ’n af-leidraad is in die hoek links onder. Geen nommer mag in ’n antwoord gedupliseer word nie. Vir die totaal van 6 kan jy byvoorbeeld 1 + 5 of 2 + 4 gebruik, maar nie 3 + 3 nie. Woordspel 1 Soek die woorde hieronder wat begin met die letters ver… Die aantal letters waaruit elke antwoord bestaan, word na die leidrade aangedui 1 Onaangenaam maak (6) Ver… 2 Bedek, bewimpel of wegsteek (8) Ver… 3 Gebelg of ontsteld (13) Ver… 4 Stilletjies lekkerkry (10) Ver… 5 In klein stukkies opbreek of verbrysel (8)…

Ek lees nou die dag dat doodgewone mense oornag supersterre word deur lomp handelinge uit te voer wat op ’n selfoon verfilm en op YouTube geplaas word en miljoene mense kyk dan daarna. ’n Huisvrou raak ’n superster deur te sit en koffie drink, en dan koffie op haar rok te mors, met ’n vriendin wat haar gesig om die hoek steek en koer: “Oops-adaisy!” Die koffiedrinktannie staan dan bekend as Oops-a-daisy Francina, wat orals voorgekeer word om handtekeninge te gee. Ek blaai verder na die slegter nuus in die koerant. Dit is Paasnaweek en almal wat ’n skaduwee gooi, is in die Karoo. Ons is verheug oor al die voete en die welkome inspuiting vir ons ekonomie. Toe klein Tricia en haar gesin inteken, sien ek sommer die vonkelsterretjies…