Innholdsfortegnelse for 12 April 2019 i Vrouekeur

Ek weet nie van jou nie, maar ek gaan baie meer as kwaad wees as ek onskuldig in ’n tronk opgesluit word. Die artikel op bl 12 kyk juis na hierdie kwessie. In Maart 1944 is George Stinney vir die moord van twee jong meisies in hegtenis geneem. Dit was in die Jim Crow-era (Amerika se apartheidsera). George was ’n sogenaamde African American en die twee meisies was van Europese afkoms. Dié hofsaak het uiteraard ’n rassekleur gekry. Arme George Stinney het nie ’n kans gehad nie. Die hofsaak het ’n dag geduur. Die jurie was almal wit en hulle het presies tien minute beraadslaag om die uitspraak te gee. Op 14-jarige ouderdom is George in Junie 1944 terreggestel. Onskuldig, soos later bewys is, maar dit het George en sy…

Nee, sy’s nie na die tragiese heldin in Shakespeare se King Lear genoem nie, sy’s eintlik na ’n pop genoem, verklap dié sangeres. “My oupa Koen aan my ma se kant is lank voor my geboorte oorlede, maar hy’t altyd gesê as my ma ’n dogtertjie het, moet sy haar Cornelia noem, wat dit was die naam van een van daai groot looppoppe wat jy jare gelede gekry het. Cornelia is toe na Cordelia aangepas.” Tog is die lewe van die 33-jarige sangeres, wat slegs as Cordelia bekendstaan, nie van tragedie gestroop nie. Sy was maar 14 jaar oud toe haar pa, Louis, in 1999 in ’n trefen- trap-ongeluk gesterf het. “Hy’s die rede hoekom ek sing, hy was my grootste fan. Toe ek in 2015 my eerste CD uitgereik…

PAASFEES! Steenberg in die Constantia-wynvallei bied vanjaar ’n heerlike Paasfees-kuier met lekkernye, ’n Sondagmiddagete vir die hele gesin en hope pret vir die kinders. Besoekers aan die wynproekamer sal oor die Paasnaweek van 19–22 April met ’n Paasmalvalekker - bederf word. Die Paasmaal kos R550 per persoon vir volwassenes en R300 per kind onder die ouderdom van 12 jaar. Vir besprekings, bel 021 713 7178 of e-pos reservations@catharinasrestaurant.co.za SA KAASFEES Die gewilde Suid-Afrikaanse Kaasfees vier vanjaar ’n groot mylpaal – sy 18de bestaansjaar! Feesgangers kan uitsien na ’n unieke ervaring van kaas en méér tydens die driedaag se fees van 26 April tot 28 April op Sandringham buite Stellenbosch. Die feesprogram sluit kosteaters, musiekoptredes en prettige aktiwiteite soos die Ladismithkaaskerfkompetisie in. Die feestye is van 10:00 tot 18:00 daagliks. Sandringham…

#bakliefde Mareli SUURLEMOEN-EN-FRAMBOOS-KOLWYNTJIES 16 kolwyntjies 120 ml (115 g) botter, kamertemperatuur210 ml (200 g) strooisuiker2 groot eiers5 ml (1 t) vanieljegeursel125 ml (½ k) karringmelk15 ml (1 e) suurlemoensapskil van 3 suurlemoene360 ml (190 g) koekmeel5 ml (1 t) bakpoeier2,5 ml (½ t) koeksoda2,5 ml (½ t) sout VERSIERSEL 180 ml (170 g) sagte botter950 ml (500 g) versiersuiker45 ml (3 e) room2,5 ml (½ t) vanieljegeursel15 ml (1 e) suurlemoensap45 ml (3 e) frambooskonfyt160 ml (2/3 k) suurlemoenbotter1 houer vars frambose Voorverhit oond tot 170 °C en voer kolwyntjiepanne met papiertjies uit. 1 Klop botter en suiker tot lig en donsig. Gooi eiers en vanieljegeursel by en klop weer. 2 Meng karringmelk, suurlemoensap en -skil en gooi by bottermengsel. Meng goed. 3 Sif meel, bakpoeier, koeksoda en sout. Vou…

Rockmusiek het ’n sagter kant ook. Die orkeste Spoegwolf en Gevoel van Veiligheid se akoestiese aanslag bekoor. Die albums se strokiesprent- en animasie-ontwerpe op die omslae en binneflappe beloof reeds onvoorspelbaarheid … Vonk-Musiek versprei dié onafhanklike uitreikings. SPOEGWOLF SE KOMA Spoegwolf is die gewildste Afrikaanse folkrock-orkes van hul generasie. Dié orkes se vierde album, Koma, het boonop die rekordboeke herskryf om die eerste Afrikaanse album te word wat tot boaan Apple Music se trefferparade geklim het. Dié Stellenbosse groep bestaan uit Danie du Toit (sang en kitaar), Chris von Wielligh (kitaar en klavier), Albert van der Merwe (baskitaar en sang) en Moskou du Toit (tromme, perkussie en sang). Die album Koma handel oor trauma. Die liedjies gaan oor iemand met wie nare goed gebeur – val, opstaan, val, weer opstaan,…

Op 1 Augustus 1752 het La serva padrona, die eerste opera van Giovanni Battista Pergolesi (1710–1736), sy première in die Paris Opéra gehad. Op dieselfde program was Jean-Baptiste Lully (1632–1687) se opera Acis et Galatée. Benewens die feit dat Pergolesi se opera in Italiaans was en Lully s’n in Frans, was dié twee operas min of meer ligjare uit mekaar. Lully was (saam met Jean-Philippe Rameau) die toonaangewende eksponent van die tragédie lyrique (musikale tragedies) met ’n verhaallyn wat na die Griekse mitologie teruggryp, wat gekenmerk is deur groot orkesbesettings, koorsang, danssekwense en weelderige dekor. Met al dié vertoon (humor het nie ’n groot rol gespeel nie) moes dié vorm van opera iets van Franse mag en majesteit laat blyk. Daarenteen het Italiaanse opera buffa (komiese opera) ernstige onderwerpe met…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 15 woorde of meer, uitstekend OPLOSSING: Bruikbare, rubriek, beruik, karrie, kruier, kurare, ruiker, baker, breuk, briek, erika, kabie, karie, kebab, kuier. Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan…

Jy het miskien al advertensies in tydskrifte, koerante of op televisie gesien wat die voordele van ’n lewensafrigter uitspel. Sedert die 1980’s het hierdie beroepsveld betekenisvol verander. Jare gelede het mens nooit van ’n lewensafrigter gehoor nie. Maar soos wat tye verander het, lyk dit of mense in die moderne tye en in Westerse kulture ’n afrigter nodig het om hulle te help om gelukkiger, meer gebalanseerd, meer tevrede en gesonder te lewe. ’n Lewensafrigter is baie soos ’n beeldhouer wat na jou kyk en die potensiaal wat jy kan word, raaksien en jou dan bystaan om daardie potensiaal te ontgin. Hy of sy help jou om te fokus, ondersteun en motiveer jou, moedig jou aan en vier jou oorwinnings saam met jou. Met dit in gedagte, dink jy jy…

Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REELS EN VOORWAARDES: 1 Hierdie aanbod geld vir nuwe subskripsies en toekomstige hernuwings.2 Hierdie koopbewys mag saam met enige ander Woolworthskoopbewys gebruik word.3 Hierdie koopbewys moet saam met enige van die volgende kaarte* gebruik word: Woolworths Credit Card, Woolworths WRewards Card, Woolworths Store Card, MySchool MyVillage MyPlanet.4 Die koopbewys mag nie gebruik word vir die betaling van dienste of geskenkbewyse of in ruil vir kontant aangebied word nie.5 Misbruik van hierdie koopbewys is bedrog.6 Hierdie koopbewys is nie geldig via www.woolworths.co.za of Woolworths Foodstops by Engen nie.7 Hierdie koopbewys kan nie vervang word as dit sou wegraak nie.8 Hierdie koopbewys is slegs…

Ek kry haar by ’n intieme koffiewinkel met ’n vintage-gevoel in die Strand. Ons sit in ’n hoekie, omring deur ou koper- en emaljeware van vervloë dae en ruie plante, terwyl Franse musiek speel. Melanie was 16 jaar lank Felicity Daniels, die mode-ontwerper in 7de Laan, voor sy laat verlede jaar by die span van Arendsvlei, die telenovela oor ’n semiprivate hoërskool op die Kaapse Vlakte, wat deur die Cupido-familie bestuur word, aangesluit het. Kykers volg die lief en leed rondom die skool drie aande per week. Die stad word deur ’n broer, Thys (Sherman Pharo), en suster, Beatrice (Jolene Martin), albei onderwysers, besit. Hulle is saam met hul personeel vasbeslote om ’n verskil te maak deur soveel as moontlik leerders in die gemeenskap toegang tot gehalte-onderrig te gee. Die…

APRIL-BOEK In Toskane roep my hart deur Malene Breytenbach ontmoet Daniela, die kunstenaar, Franco Farini, die kleinseun van ’n oudkrygsgevangene in Suid-Afrika, wat fresko’s teen die mure van haar droomkapel geskilder het. Hy is onweerstaanbaar … Salomé Schutte se splinternuwe Romanza heet Voor die donker kom. Sowat 14 jaar gelede is Katrien en haar gesin gedwing om Kleinplaas te verlaat. Nou behoort dit aan die magtige Swartgesin. Katrien droom daarvan om die plaas weer te sien, asook die befaamde skrywer Chrisjan Swart, wat al van kleintyd af by haar spook. Die boeke is by toonaangewende boekwinkels en by www.lapa.co.za beskikbaar JULI OLIVIER IS DIE WENNER VANDEESWEEK: Wanneer waslappe begin hard word van seep (dit staan mos stokstyf) maak lekker sterk soutwater aan en week die lappe vir minstens twee uur.…

PAASBEDERF Bederf iemand hierdie Paasfees met ’n beker vol sjokolade, R99,99, Woolworths. SJOKOLADESOEKTOG LINDT het ook ’n Paasfeesreeks van sjokolade waaruit jy kan kies. Daar is minieiertjies, ideaal om in die tuin weg te steek vir ’n eiersoektog, en die alombekende goue hasie. Die mini-eiertjies kos vanaf R44,95 vir 100 g, die goue hasie vanaf R54,95 en die 6-pak-eiers R79,95. Beskikbaar by die meeste supermarkte vir ’n beperkte tyd. www.lindt.com SKOON GESIG Jy sal nie sonder African Extracts Rooibos se New Cleansing Facial Wipes kan klaarkom as jy dit eers probeer het nie. Daar is verskillende soorte vir verskillende velsorgvereistes wat velle mooi skoonmaak. Die sleutelbestanddeel is die bio-aktiewe rooibosekstrak wat vol antioksidante en minerale is. Dis in ’n herseëlbare pakkie beskikbaar wat dit nie sal laat uitdroog nie. Dis…

SKERM ROLPRENTE HELLBOY 2 Met David Harbour en Milla Jovovich Regisseur Neil Marshall STROKIESDRAMA Hy is seker die mees onaansienlike superheld in strokiesreekse (ook genoem graphic novels) waarop hierdie aksiefliek gebaseer is. In 2004 het Ron Perlman die held met die duiwelse horings gespeel, maar sy rol is nou deur David Harbour oorgeneem. Hy moet ’n bose heks wat daarop uit is om wraak te neem, oorwin om die planeet te red. Die rolprent is resepmatig, want spesiale effekte stuur die storie na sy onafwendbare apokaliptiese klimaks en lesers moet weet dat hierdie soort uitspattige en oordadige towerreis oorweldigend gaan wees. Mens het eintlik ’n wapenrusting nodig om al die dramatiese aksie te oorleef, om nie te praat van die dik grimering nie. Hellboy se grimering alleen neem ure om…

Dié kassie het ek vir ’n appel en ’n ei gekoop, maar dit het 88 lae olie en vernis opgehad. Die probleem is dat oorblyfsels soms, ten spyte van afskuur, steeds deurbloei. Ek het voorsien dat dit die geval met hierdie kassie gaan wees en het besluit om eerder découpage te gebruik om die probleem te oorkom en ek wou ook die rou voorkoms van die hout plek-plek behou. My hoofoogmerk was egter om ’n kassie met ’n boheemse voorkoms te skep. VOORBEREIDING Skuur die kas oraloor baie goed af. Ek het ’n skuurmasjien gebruik. Maak die kas verder skoon met spiritus en fyn staalwol en vee die kas dan baie goed skoon voor jy begin verf. STAPPE Ek het die hele kas met twee lae van Granny B’s Old…

Een van die redes waarom mense boekrakke in hul huise het, is omdat hulle die boeke wat daarop staan, weer eendag wil lees. Om ’n boek op jou boekrak te sit, is ’n soort erkenning dat jy dink dit gaan die moeite werd wees om eendag daarna terug te gaan. Daar is ten minste dele van die boek waarna jy meen jy weer sal wil kyk (of jy hoop dat iemand anders in jou huis, of iemand vir wie jy die boek leen dit ook so sal geniet). Baie van die boeke bly egter daar staan, sonder om ooit weer gelees te word, want daar verskyn voortdurend nuwe boeke waaraan jy aandag wil gee. Leestyd is immers vir die meeste mense tot ’n enkele uur of wat per week beperk.…

MOEILIKHEIDSGRAAD: ⋆⋆ WAT HET JY NODIG? Family Knit Vintage DK (100 g) 2 balle Hyacinth 2 balle Pink Cadillac 1 bal Sunkist Coral Klein bietjie wit vir blommetjies Wolnaald 3,25 mm- en 4 mm-naalde AFKORTINGS aw – aweregs; beg – begin; oorbl – oorblywende; r – regs; vlg – volgende BREI-INLIGTING ▶ Blommetjies word agterna ingewerk met duplikaatsteke, maar jy kan dit ook inbrei as jy dit so verkies.▶ Jy kan die blommetjies weglaat of ander motiewe inwerk. Kies een op internet of teken jou eie op grafiekpapier.▶ Dis ’n maklike basiese patroon, brei dit in een kleur of kies kleure waarvan jy hou.▶ Altesaam 3 x 100 g-balle. GROOTTE Pas 7–8(9–10; 11–12) jaar AANWYSINGS AGTERPANT Met Sunkist Coral en 3,25 mm-naalde stel 86(90; 98) ste op en brei 2x2-rif…

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…

Monya Clark van Kraaifontein is in 2014 met ’n baie skaars bynierkanker (ACC – adrenal cortex carcinoma) gediagnoseer. Ten tyde van die onderhoud met Vrouekeur was sy en haar man, Brent, amper op pad Amerika toe sodat sy daar ’n spesialis kon sien. Monya (41) beduie trots na haar blou-en-geel Makro-uniform. In Oktober verlede jaar het dokters vir haar gesê hulle kan niks meer vir haar doen nie, maar ongeag die omstandighede is sy op haar pos, by die werk. “My werk is steeds vir my belangrik. Ek voel ek kan nie by die huis sit en niks doen nie. Ek kan nog loop en praat en dink en my verstand gebruik. Terwyl ek dit kan doen, kan ek waarde toevoeg. My werk hou my staande.” Sy vertel oor D-Dag:…

Gunsteling! Perfek vir wanneer jy reis Waarde vir geld! Cape Union Mart www.capeunionmart.co.za Eden and co www.edenleatherco.com Freedom of Movement www.freedomofmovement.co.za Green Cross www.greencross.com Maribu Leather www.maribuleather.com Old Khaki www.oldkhaki.co.za Poetry www.poetrystores.co.za Rowdy www.rowdybags.co.za Sapmok www.sapmok.co.za Stonecamp Leather www.stonecamp.co.za Wil leather co www.wildandfree.co.za Woolworths www.woolworths.co.za Zemp www.zemp.co.za SORG VIR JOU LEER Leerprodukte is gemaak om vir jare te hou. Hoe beter jy dit versorg, hoe beter sal dit verouder. Hier is ’n paar wenke om jou leerprodukte op te pas: ▪ Laat waterdruppels natuurlik droog word▪ Vermy langdurige blootstelling aan sonlig of hitte▪ Moenie dit met huishoudelike produkte met chemikalieë of skuurmiddels behandel nie▪ Verwyder vuil kolle met ’n sagte, skoon lap en geskikte leerskoonmaakmiddel Probeer dié produkte…

SPEKGESTOPTE KOOL 4 porsies 1 ui, gekap5 ml (1 t) fyn knoffel5 ml (1 t) gemengde kruie2 00 g (1 pakkie) spek, in stukkies gesny250 ml (1 k) fyngedrukte Bacon Kips60 ml (4 e) roomgesmelte botter1 groot kool of 4 klein koolkoppe Stel oond op 180 °C. 1 Vulsel Braai ui en knoffel in bietjie olie tot sag roer kruie by. 2 Braai spek saam met uie tot gaar en skep in mengbak. 3 Meng koekies en room met spekmengsel. 4 Sny kool se harde binnekant uit. Jy kan dit nog verder uithol deur klein snytjies te maak en kool uit te skep. 5 Skep vulsel in uitgeholde kool en druk goed vas. 6 Smeer met botter en maak in foelie toe. 7 Sit op bakplaat en bak 30–45 minute.…

Die Bourbon-eiland vang jou onkant met sy natuurskoon – om elke hoek en draai is daar ’n nuwe foto-geleentheid en die groenigheid laat mens stom. Réunion is sowat 63 km lank en 45 km breed. Dit beteken egter nie dat jy sommer in ’n naweek al die doendinge sal kan kafdraf nie. Die beste is om al vier windrigtings en die binneland afsonderlik te verken om die meeste uit jou reis te put. Die lughawe is in die noorde geleë, dus is dit wys om jou verkenningstog daar te begin, of jou laaste dae daar deur te bring. Besoek die Rue de Paris om ouwêreldse argitektuur te sien en moenie die uitsig vanaf die Piton Fougères misloop nie. Van dié vulkaan af sien jy al die pad van Cap Bernard…

Kunsdiefstal wat die nuus haal, is gewoonlik gevalle waarin kunswerke ter waarde van miljoene gesteel word. Soms word die werk teruggekry, soms nie. Dink maar aan Blik op Auvers-sur-Oise, die skildery van Paul Cézanne wat in 2000 uit die Ashmolean in Oxford gesteel is. Terwyl almal besig was om Nuwejaar te vier, het diewe ’n gat in die dak van die museum gemaak en dié skildery ter waarde van £3 miljoen gesteel. Die skildery is nooit opgespoor nie. In 2005 het diewe ’n bronsbeeld van Henry Moore, Reclining Figure 1969/70, op die Perry Green-landgoed van die Henry Moorestigting in Hertfordshire gesteel. Die diewe het glo die beeld van 3,6 m x 2 m x 2 m en wat 2,1 ton weeg met behulp van ’n hyskraan op die bak van…

NOG VERLIEF OP EKS? Ek het my man ná 20 jaar gelos en ons is albei weer getroud. My huwelik is gangbaar, maar dit lyk asof my eks dolgelukkig is. Hulle woon op ’n idilliese plek in die berge, reis gereeld oorsee en praat selfs van kinders op hul ouderdom. Ek weet dit het niks met my te doen nie, maar ek voel jaloers en spyt dat ek hom gelos het. Noudat ons geskei is, onthou ek net die goeie tye. Is ek nog verlief op hom of is ek net jaloers? – Spyt Dis onwaarskynlik dat jy nog op jou eks verlief is. Dat dit met hom goed gaan, kan bloot ’n illusie wees, wat ongemak en verwarring skep. Die opsigtelike “dolgelukkigheid” kan ook misleidend wees aangesien dit dikwels…

Om enkellopend te wees het sy voordele. Wanneer ek, hoewel deesdae minder gereeld, teenoor my getroude vriende bieg dat ek tog wens dat ek iewers, eendag my pot se deksel sal vind, kreun ’n hele paar van hulle: “Be careful what you wish for,” of “Geniet jou vryheid, ek wens ek was jy”. Dan vermaan ek hulle streng, dog liefdevol. Jy deel nie jou bed met ’n worshond en ’n kat nie. Jy hoef nie self jou verstopte drein skoon te maak, te sorg dat die motor gediens word, die gras te sny, vullis uit te dra, ’n stram slot te herstel, jou eie vleis te braai en jou eie rug te krap nie … Dan kyk hulle my grootoog aan en wonder sarkasties of ek dink alle mans is…

Plante word al honderde jare in die huis gebruik. Hul lieflike loof laat ons nader aan die natuur voel en kan ons selfs help om deur ’n trietsige winter te kom. Huisplante kan selfs ’n uitdagende en lonende stokperd jie vir tuiniers bied. Die Amerikaanse ruimte-agentskap Nasa het ’n paar jaar gelede verskeie plante en hul vermoë om van drie spesifieke chemikalieë ontslae te raak, bestudeer. Die chemikalieë is formaldehied (wat in bouvoorraad gebruik word), bensien (wat in ink, verf en brandstof voorkom) en trichloro-etileen (in verf, vernis en lakvernis). Die resultate was interessant en indrukwekkend. Die studie het vasgestel dat doeltreffende lugsuiwering een potplant per 100 m2 van binnenshuise ruimte vereis. Jy kan kreatief wees en jou huis as ’n binnelandse landskap sien. Kies plante oordeelkundig om plekke in…

Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Skrywer wat sonder melding van sy bron uit ’n ander se werk oorskryf SMS jou antwoord, voorletters, van en dorp/stad voor of op 1 Mei 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. Deur XWord Vir navrae navrae@xword.co.za Besoek www.xword.co.za WEN R1 000!…

3 OPSIES BESKIKBAAR: SKRYF AANLYN IN: magsathome.co.za/Magazing.htm bel: 0860 100 999 e-pos: subs@magsathome.co.za ONTVANG JOU MAANDELIKSE TYDSKRIF-KOOPBEWYS VIA SMS HAAL JOU TYDSKRIF AF: GEBRUIK JOU WOOLIES-KAART EN HOU JOU KOOPBEWYSSTAAFKODE GEREED HET JY NIE ’N WOOLIES-KAART NIE? KRY EEN BY JOU NAASTE WOOLIES-WINKEL WREWARDS WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSIËLE DIENSTEVERSKAFFER (FSP15289) EN GEREGISTREERDE KREDIETVERSKAFFER (NCRCP49). NOU R747,50 35% AFSLAG OP JOU 12-MDE-SUBSKRIPSIE…