Innholdsfortegnelse for 5 April 2019 i Vrouekeur

SPLINTERNUWE SUBSKRIPSIE-OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry…

Carina Diedericks-Hugo is ’n bekroonde kinderboek-en jeugromanskrywer, met boeke soos die gewilde Thomas@-reeks, Koning Henry en Operasie M.I.A.A.U. op haar kerfstok. Carina was in 2002 finalis vir die Sanlamprys vir Jeuglektuur en in 2004 was sy op die kortlys vir die MER-prys vir jeuglektuur vir Koning Henry en wenner van die INSIG/MTN Woordfeesskrywerskompetisie (2000). Sy was ook wenner van die Bloemfonteinse Skrywersvereniging-kompetisie (2000) en het die ATKV-kinderboektoekenning ses keer gewen. Sommige van haar kinderboeke is ná jare steeds in druk. Karaktermoord is Carina se eerste roman vir volwassenes. Hoekom het sy dié sprong juis met ’n spanningsroman gemaak? “Eintlik is Karaktermoord nie ’n spanningsroman in die tradisionele sin van die woord of in die styl van hedendaagse plaaslike misdaadskrywers nie,” sê Carina. “Ek het die hoofkarakter, Anna Neethling, op ’n…

MUSIEK SOOS GROND Die konsertreeks Musiek soos grond is ’n eerste in sy soort in die land en is daarop gemik om kontemporêre kunstenaars ’n platform te gee om hul werk met gehore te deel. Joshua na die Reën, Kaleidoskoop, Len Muller, Leon Gropp, Lizandra Winter en Liani Reynolds gaan die verhoog deel en ook saam musiek maak. Die eerste konsert is op 27 April by Villa Avianto in Bloemfontein en 4 Mei by The Big Red Barn, Pretoria. Deure open om 17:00. Gaste is welkom om piekniekkomberse, kampstoele of kussings te bring om op te sit. Kaartjies is beskikbaar by www.musieksoosgrond.co.za en kos tussen R200 en R250 per persoon 7DE LAAN IN PE Die sepie 7de Laan vat vir die eerste keer hul roadshow na Port Elizabeth en Jeffreysbaai. Die besoek…

Cezanne Halligan-Jolly glo haar seuntjie, Luke (6), sou vandag blakend gesond gewees het as dit nie was vir nalatigheid van ’n pediatriese neuroloog wat haar kind as baba na bewe ring verkeerdelik vir epilepsie behandel het nie. Sy sê sy sal nooit kan aanvaar wat met het haar kind gebeur het nie. “Die gedagte dat ons ’n gesonde babaseun hospitaal toe gevat het, en hy maande later gestremd daar uitgekom het, spook nog elke dag by my,” sê Cezanne. Luke is Cezanne (40) en Mark (43) se jongste kind. Toe hul eerste seun, Conner (9), met longontsteking gebore is en sy longe “platgeval” het, was Cezanne katvoet om gou weer swanger te raak. Ná twee jaar het die paartjie besluit om weer te probeer. “Mark het daardie tyd in die…

APRIL-BOEK In Toskane roep my hart deur Malene Breytenbach ontmoet Daniela, die kunstenaar, Franco Farini, die kleinseun van ’n oudkrygsgevangene in Suid-Afrika, wat fresko’s teen die mure van haar droomkapel geskilder het. Hy is onweerstaanbaar … Salomé Schutte se splinternuwe Romanza heet Voor die donker kom. Sowat 14 jaar gelede is Katrien en haar gesin gedwing om Kleinplaas te verlaat. Nou behoort dit aan die magtige Swartgesin. Katrien droom daarvan om die plaas weer te sien, asook die befaamde skrywer Chrisjan Swart, wat al van kleintyd af by haar spook. Die boeke is by toonaangewende boekwinkels en by www.lapa.co.za beskikbaar JANINE BOTES VAN BLOEMFONTEIN IS VANDEESWEEK ONS WENNER. Yskaste kry soms nare reuke. Sny ’n suurlemoen in die helfte. Skep die binneste deel met ’n lepel uit, maar daar moet…

BESKERM JOU VEL Cherubs-petroleumjellie beskerm en herstel jou vel. Daar is ’n reuklose, asook gegeurde jellie beskikbaar. Dis sag op die vel, alkoholvry en dermatologies getoets. Vanaf R22,99 vir ’n 250 ml-houertjie. www.cherubs.co.za SLAAIE TE KIES EN TE KEUR Checkers se Simply Great-slaaie is gereed om as ’n ligte ete of as ’n bykos te eet. Kies van broccoli-bosbessie-en-spek-slaai tot aartappelen-biltong-slaai. Vanaf R34,99 by sekere Checkers-winkels. www.checkers.co.za KOFFIE OP YS Nespresso het twee beperkte uitgawes koffies wat deur Sicilië geïnspireer is en oor ys geniet kan word, bekendgestel: Ispirazione Salentina en Ispirazione Shakerato. Het jy geweet dat sitrus en koffie mekaar komplementeer? Gooi van jou espresso oor ’n paar skyfies suurlemoen en ys en geniet dit. Of gee jou koffie ekstra woema deur ’n bietjie neutmuskaat of ’n kaneelstokkie daarby…

ROLPRENTE GALVESTON Met Ben Foster en Christopher Amitrano Regisseur Mélanie Laurent MISDAADDRAMA Sluipmoordenaars bly maar van die interessantste en mees bruikbare karakters in rolprente. Hulle het altyd ’n verlede. Maar hulle is ook onsigbaar. Die vraag is: Hoekom doen hulle hierdie soort werk? Hoe kan jy sommer net iemand doodmaak en net voortgaan met jou lewe? Waar pas emosies in die prentjie? ’n Gewonde sluipmoordenaar (Ben Foster) vlug van ’n verraderlike ontmoeting wat hom byna sy lewe gekos het. Hy reis terug na Galveston, waar hy gebore is. Boonop is hy met longkanker gediagnoseer. Maar dan kruis sy paadjie met dié van ’n tienerprostituut en die bietjie menslikheid wat hy nog oorgehad het, ontvlam skielik. Maar voorop in sy gedagtes is wraak omdat sy baas hom verraai het. Die vlam…

Woorde het die krag om mens aan dinge te laat dink, dinge te laat beleef. Dit is immers een van die redes waarom ons lees. Die woorde op papier laat ons plekke in ons verbeelding “sien”. Sonder dat jy ooit self in die Knysnabosse was, weet jy hoe dit lyk uit die woorde van Dalene Matthee se boeke. Sonder om ooit voet op ’n seilskip te sit, ervaar mens die branders en die wapperende seile en die krakende maste van ’n 17de-eeuse skip op die deinende sinne van Dan Sleigh se Eilande. Woorde laat ons toe om “mense” soos Bennie Griessel beter as ’n beste vriend te leer ken. Woorde laat mens gedagtes kry wat jy nie self kon uitdink nie, soos as Nathan Trantraal verduidelik dat wit nie ’n…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 14 woorde, baie goed 17 woorde of meer, uitstekend OPLOSSING: Rugstring, sturing, rustig, string, girts, grint, gruis, ritus, girt, grut, ring, rits, ruig, ruis, ruit, trui, urns Woordsoek Daar is 21 Griekse geregte in hierdie rooster versteek. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar.…

Dis blykbaar Confucius wat gesê het: “Kies ’n werk waaroor jy mal is, en jy sal nooit ’n dag in jou lewe hoef te werk nie.” Nie almal is so gelukkig nie en vir baie mense is dit maar ’n sieldodende stryd om deur ’n werksweek te kom. Iemand wat beslis die wyse raad van die Chinese leermeester gevolg het en elke dag geniet wat sy doen, is Sonja Herholdt. Sy het 44 jaar gelede die onderwys verlaat en haar loopbaan as sangeres van ligte Afrikaanse musiek begin uitkerf. Om te sing, sê sy, is haar sweet spot en daar is niks anders wat haar so gelukkig sou maak nie. Ietwat verontwaardig vertel sy van ’n onlangse geleentheid toe sy by ’n kunstefees opgetree het. Twee jong ouens het na…

Ekhet lankal ophou tel hoeveel mense my al prontuit gevra het wat onder my kopdoek aangaan. Vir my is dit nogal ’n persoonlike vraag en nie iets wat ek noodwendig sou vra nie. Dis soos om iemand te vra wat gaan onder jou klere aan, en niemand het daai vraag al ooit vir my gevra nie. Die realiteit is dat hare ’n sogenaamde natuurlike deel van ’n mens se lyf is en enigiets “abnormaal” maak mense nuuskierig en nie noodwendig gemeen nie. My storie begin presies 30 jaar gelede een oggend in Maart 1989 in Duitsland waar ek in daardie stadium gewoon het. My dogter, Jana, was 18 maande oud en ek vyf maande swanger met my seun, David Hugo. Eintlik het dié begin ’n inleiding … Kort ná ons…

Laat ons nou maar eerlik wees – om jou hare te verloor – om welke rede ook al – is ’n ingrypende verandering en dit kan jou selfbeeld skaad en selfs tot depressie lei. Dis veral vroue wat teen kanker behandel word wat die Vrouekeur-kantoor gereeld kontak om uit te vind hoe hulle kopdoeke kan vou dat dit nie lyk asof jy ’n lapservet in ’n driehoek gevou het en styf teen jou kop vasbind nie. So iets kan mens nie telefonies verduidelik nie, jy moet kan sien hoe dit gedoen word. Ek het besluit om die tegniek wat ek ontwikkel het met ander mense te deel, want ek weet waardeur hulle gaan. Ná 30 jaar se oefening (lees die storie op bl 12) behoort ek te weet hoe om…

Inligting wys toenemend daarop dat om jong kinders toe te laat om te veel tyd voor ’n skerm of met ’nselfoon deur te bring, ’n negatiewe uitwerking op hul ontwikkeling kan hê. Dit sluit geheue, konsentrasievermoë en taalvaardigheid in. Die Time-tydskrif berig Sheri Madigan, ’n assistent-professor in sielkunde by die Universiteit van Calgary in Kanada, en haar kollegas het 2 441 ma’s en kinders by die “All Our Families”-studie betrek. Dit het op kinders van twee tot vyf jaar gefokus. Ma’s het verslag gedoen oor hoeveel tyd hul kinders op ’n tipiese dag voor skerms deurbring. Hulle het ook oor hul kinders se kommunikasievaardighede, gedrag en sosiale vaardighede verslag gedoen. Dié data is aan die begin van die studie versamel toe die kinders twee jaar oud was en op drie-en…

NUWE VERSNIT Daar is ’n nuwe oesjaar van Delheim se versnit van shiraz en cabernet sauvignon beskikbaar. Die Delheim Shiraz/Cabernet Sauvignon 2017 is deel van die landgoed se Lifestyle-reeks. Delheim se wynmaker, Roelof Lotriet, sê hierdie wyn se aroma is propvol tipiese shiraz-speserye en word deur die cabernet sauvignon se tabakblaargeure gekomplementeer. Die wyn is veganis-vriendelik en ’n uitstekende pasmaat vir sampioendisse. Die wyn is by die meeste wynhandelaars en restaurante landwyd beskikbaar en kos R85 per bottel by die wynkelder. Besoek www.delheim.com of kontak Delheim by marketing@delheim.com of 021 888 4600 Mense wat weet hoe om wyn te proe, drink nooit weer wyn nie, maar proe geheime in plaas van wyn –Salvador Dali Besoek www.geitegoeters.com DRINK EN VIER! 17 April is Internasionale Malbec-dag Malbec is volgens www.southafrica.co.za ’n druifkultivar waarvan…

#bakliefde Mareli BROODBOLLETJIES 12 bolletjies 250 ml (1 k) melk, louwarm5 ml (1 t) suiker1 pakkie (10 g) kitsgis2 groot eiers60 ml (55 g) gesmelte botter80 ml (1/3 k) heuning1 000 ml (530 g) witbroodmeel5 ml (1 t) sout45 ml (3 e) gesmelte botter 1 Meng louwarm melk, suiker en kitsgis. 2 Klits eiers, gesmelte botter en heuning by melkmengsel. 3 Gooi meel en sout by en roer tot deeg vorm. Knie vir vyf minute tot glad en elasties. Bedek deeg met plastieksak en laat rys tot dubbelvolume. 4 Voorverhit oond tot 180 °C en smeer oondbak met botter. 5 Verdeel deeg in 12 gelyke dele en vorm bolle. Pak deegbolle in oondbak en bedek met plastieksak. Laat tot dubbelvolume rys. 6 Bak vir 20 minute tot goudbruin en gaar.…

Die een hand was die ander. Dus pas my ouers ons twee pugs op wanneer ons met vakansie gaan, en ons speel huiswagter wanneer hulle aan die beurt kom. Danielle is nog kniediep in haar finalejaareksamen toe ons op ’n keer weer moet oorslaap. Die pugs is gek oor my ouers se groot tuin, en geniet dit veral om by die hek te probeer uitglip om die nuwe buurt te verken. Ek moet die betrokke dag vroeg ry om ’n literêre fees te gaan help opstel, en Danielle skryf laatoggend eksamen. Ek beduie vir oulaas watter knoppies sy moet druk en herinner haar aan die kode vir die alarm. ’n Paar ure later skep ek vir ’n oomblik asem en loer na my foon. Tien oproepe en ’n hele spul…

“Dis die taak van die kunstenaar om mense te wys wat hul potensiaal werklik is. Dit gaan nie oor die objek nie, en ook nie oor die afbeelding nie. Dit gaan oor die kunskyker. Dit is waar die kuns gebeur.” Dit is die siening van Jeff Koons (64), die Amerikaanse kunstenaar wat tans in die hartjie van Oxford, in die Ashmolean, die wêreld se oudste openbare museum, 17 van sy werke uitstal. Werke wat goedkoop lyk, maar inderwaarheid peperduur is. Tot einde verlede jaar, toe David Hockney hom onttroon het, was Koons die lewende kunstenaar wie se werk in daardie stadium die hoogste veilingprys nog behaal het. Koons se Balloon Dog (Orange) is in 2013 op ’n veiling van Christie’s vir $58,4 miljoen verkoop. Dit is met dié siening dat…

BENODIGDHEDE Nurturing Fibres Eco-Fusion DK (50 g-balle): 17 balle Charcoal, 3 balle elk Bordeaux en Ruby, 2 balle elk Sunglow, Willow, Aqua, Orchid, Pickled Ginger en Pear en 1 bal elk Baltic, Olive, Aventurine en Bessie. 3 mm-hekelpen Naald met groot oog AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, st = steek, vlb = vooromlangbeen, vlg = volgende Spykersteek: Steek die pen regdeur die hekelwerk op die plek wat deur die patroon aangedui word. Slaan die draad oor die pen en trek die lang lus na die voorkant toe deur. Voltooi die steek soos gewoonlik. Moenie die…

KLEINKIND SIEN DINGE My kleinkind is twee jaar oud en het al drie keer in ’n vertrek in die huis vertel van “die man” wat daar in die hoek van die vertrek staan. Hy is ook by haar kleuterskool. Sy vertel dat hy klein en vriendelik is en ’n wit hemp en wit broek dra. Niemand anders sien hom nie. Sy praat van “die man”. Is dit moontlik dat sy ’n spook of ’n engel sien of dalk ’n sesde sintuig het? – Bekommerde Ouma Dit is nie vreemd vir kinders om denkbeeldige maatjies of mense te sien nie. Ek kan nie bevestig of dit ’n spook of engel is nie, aangesien daar meer duidelike gedragswetenskaplike verklaringe daarvoor is. Die eerste paar jaar van ’n kind se ontwikkeling is hulle…

Vir navrae navrae@xword.co.za Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Medikus wat ’n spesialis in die oogheelkunde is SMS jou antwoord, voorletters, van en dorp/stad voor of op 24 April 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Dit reën al twee weke lank in Pretoria en Rian van Heerden het ’n verkoue. By sy produksiemaatskappy, Provoco, in Centurion, is hy egter op sy pos agter sy rekenaar. Die lessenaar is vol netjiese stapels papiere, lêers en boeke oor spookhuise. Dié is vir navorsing vir sy jongste geesteskind, die reeks Die siener, wat in April op kykNET begin en oor die bonatuurlike gaan. Geen episode van ’n reeks word goedgekeur as Rian hom nie in die onderwerp ingegrawe het nie, selfs al is navorsers betrokke. Vanmiddag is hy aan diens by Jakaranda FM vir The Scenic Drive with Rian, môre is hy weer in die ateljee vir die verfilming van die nuwe seisoen van Op die spel. Altyd aan die beweeg, aanhits en inlig. “Ek kan aan niks…

Karien Brits (39) is uitstedig, wys haar outomatiese e-pos: “Ek is terug op …/I’m back at …/Ke tla boa ka … Vriendelike groete/Kind regards/Ka ditumediso.” Hiermee verklap die ATKV se bestuurder net ’n klein deeltjie van haar veeltaligheid. Pols jy haar oor hoeveel tale sy praat, noem sy Afrikaans, Engels, Pools, Suid-Sotho, Tswana en Zoeloe. Soos die gesprek ’n paar dae later in haar gesellige kantoor by die ATKV se hoofkantoor in Randburg vorder, glip dit deur dat sy ook Frans magtig is. En Spaans. En wanneer sy die dag regtig kwaad is, vloek sy in Duits. Karien het in Sasolburg in die Vrystaat grootgeword en aan Afrikaans Hoër op Sasolburg gematrikuleer. Sy het behalwe Engels en Afrikaans ook Suid-Sotho en Duits op skool gehad. Sy skryf ’n groot deel…

Sê nou ons probeer doelbewus sonder selfone klaarkom? Wat het mense gedoen voordat daar slimfone was wat ons op hoogte hou van wat alles in die wêreld gebeur en volgeprop is met e-posse, teksboodskappe en Facebook-manewales? Vrouekeur gee ’n paar idees oor wat jy en jou gesin sonder jou slimfoon kan doen. WEES KREATIEF Deesdae kan jy, danksy die Draw Something-toep, sommer op jou slimfoon prentjies teken wanneer jy kreatief voel. Skakel liewer jou slimfoon af en gebruik die helende stilte om op die óú manier kreatief te wees: met ’n doek of papier, verf (waterverf werk goed) en kwaste. Inkleurboeke vir volwassenes is nog ’n goeie idee. Maak dit ’n gesinsaktiwiteit. GENIET JUL DIERE Bring gehaltetyd saam met jul troeteldiere deur, pleks daarvan om na ánder mense se troeteldiere…

ROMERIGE HOENDER-EN-PASTA-SOP 4 porsies 1 ui, gekap5 ml (1 t) fyn knoffel1 rooi soetrissie, gekap2 wortels, geskil en in ringetjies gesny3 hoenderborsies, in blokkies gesny2 ℓ (8 k) hoenderaftreksel250 g (½ pak) klein skulpiepasta2 tiemietakkies1 lourierblaar sout en peper125 ml (½ k) room 1 Braai ui en knoffel in bietjie olie tot sag. 2 Gooi soetrissie en wortel by en braai verder vir een minuut. 3 Roer hoender by en braai effe. 4 Gooi aftreksel, pasta en kruie by. Laat kook tot pasta net sag is. 5 Gooi room by en bring tot kookpunt. 6 Sit dadelik voor. 3B-SLAAI (BOTTERSKORSIE, BOEREWORS EN BONE) 4 porsies 4 00 g (1 pak) gekapte botterskorsie2 uie, in agtstes gesny bietjie olie15 ml (1 e) groentespeserye500 g boerewors4 10 g (1 blikkie) botterbone, gedreineer4…

Ons ry van Hopefield se kant, Langebaanweg verby. Tolbosse rol oor die pad. Toe die derde een parmantig voor ons kar verbyrol, kyk ek links. Die hele heining sit vol tolbosse wat daar vasgewaai is. Kort-kort wikkel een homself uit die draadgreep los en rol verder oor die vlaktes – dit is immers waarvoor hy gemaak is, dan nie? Ons het ’n paar plekke waar ons die naweek wil inloer: die nuwe koffieroostery Weskus Coffee van Greg en Bronwyn Erskine; die Black Eagle Brewing Co en die Caspyn-jenewerstoker van West Coast Distillers, maar eers moet ons by die gastehuis gaan blad skud. Masada-gastehuis sit effens buite die dorp, op pad na Club Mykonos. Die selfsorggastehuis het ’n kamp met ganse met donsige kleintjies wat al agter Ma se vlerk skuil.…

Mens sien altyd met verwagting na ’n debuutkunstenaar se opvolgalbum uit. Jo Black se bewonderaars hoef nie langer te wag nie! Eweneens is mens ook altyd nuuskierig om te hoor waarmee ’n nuweling vorendag kom. Samantha Leonard se aanhangers sal ook tevrede wees. Albei dié albums het keuses as tema. Dit is jou keuse hoe jy jou lewe wil lei – én waarna jy wil luister. Hierdie is goeie musiekkeuses! JO BLACK KÉN GENADE Ná sewe Ghoematoekennings vir sy debuutalbum Skepe in 2016 is Jo Black – wat oor die agt miljoen keer op YouTube gevolg is – terug met nóg ’n treffer-album, Voel jy die genade (inhoudHuis/Universal). Die nuwe album is reeds bo-aan iTunes en platinumstatus wink – wéér. Die album bied ’n eiesoortige mengsel van geloof, hoop en…

Sammy is haar ouers, Lyell en Lourinda Leonard, se trots. Musiekliefhebbers het haar as Samantha Leonard, een van The Voice SA 2017 se sterre leer ken. Sy het derde geëindig en nou begin haar loopbaan met ’n stewige debuutalbum, ’n Duisend keuses. Samantha (26) is nog ongetroud en trots op haar hondekind: “Sy is tien maande oud, sy’s ’n pekinees en sy blaf vir ’n lewe!” skerts sy. Dié lewenslustige donkerkop wat in Kimberley grootgeword het, tree al van haar derde verjaardag af op die verhoog op. Sy was maar 16 jaar oud toe sy haar eerste demo-album, Breakthrough, uitgereik het. Toe is sy Kaapstad toe, waar sy deeglik in die uitvoerende kunste opgelei is. Sy spog met ’n honneurs in musiek, drama en dans aan Copa (Campus of Performing…

Dis Saterdagmiddag en die WhatsApp-vragie kom van een van die onderwyseresse van die skool wat Maandag in die saal moet open. “Wat beteken hoop vir jou?” Ek los so ’n rukkie by die skool af, dus is my eerste reaksie op haar vraag: “My hoop is om die vier maande as ’n juffrou te oorleef (glo my, onderwys is nie ’n grap nie).” Maandag kom en sy begin deur van die Graad 7’s se antwoorde op die wit skerm te vertoon. Graad 7’s se hoop klink iets soos: ▸ “Dat dit die beste jaar van my lewe sal wees.”▸ “Ek hoop om ’n groot inspirasie vir ander te wees.”▸ “Ek hoop dat ek eendag ’n verskil in ander mense se lewens sal maak.”▸ “Ek hoop dat ek ’n opregte en…