Innholdsfortegnelse for 29 March 2019 i Vrouekeur

Onlangs het ’n man in die Kaap ’n klein meevallertjie van R232 miljoen gekry. Hy het die lotery gewen. Doen jouself ’n guns en kyk die fliek Waking Ned Divine. Dit gaan oor iemand in ’n klein dorpie in Ierland waar die inwoners almal se doen en late ken, wat die lotery wen. Ek wil nie die storie hier bederf en vertel wat gebeur nie, maar glo my, as ek die Lotto sou wen (miskien moet ’n mens dit speel om mee te begin), gaan ek hopelik nie ook van skok die emmer skop by die hoor van die nuus nie. Stel jou voor, jy wen miljoene en jy sterf op slag. Dis mos nou net verkeerd op soveel vlakke. Al daai geld en jy kan dit nie geniet nie.…

In Corné Welman se boek, Keira – ’n Storie van oorbegin, loop ’n swartkopvrou ’n dorpie binne en trek by ’n verlate huisie in. Op die skewe kombuisrak pak sy haar botteltjies uit, glasbotteltjies gevul met doepa in elke kleur onder die son. Die tonge klap, maar nuuskierigheid of toeval maak dat die dorpenaars een vir een by die “heksehuisie” inloer – en met ’n botteltjie uitloop. Stadig begin dinge op Walker’s Village verander … Volgens die boek “(het) niemand die reg om te keer dat jy jou storie vertel nie”. Is dit ook op Corné van toepassing? Is Keira eintlik háár storie? “Keira se karakters is fiktief,” sê Corné. “Elkeen vertel sy eie storie van óórbegin. Hoewel ek nie my eie storie in Keira vertel nie, het ek wel…

Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry boonop al…

Annemien Bauermeister, ’n berader, se raad is: Soos die meeste dinge in die lewe moet ons maar versigtig wees om te glo dat alles vir almal werk. Daar is kinders wat floreer op roetine, dan is daar ander kinders wat die lewe maar net bloot vat soos dit kom. ’n Balans is maar altyd die goue reël. Ken elke kind, want elke kind is anders. Die manier waarop roetine in die huis afspeel, is belangrik. Maak kinders deel van die gesprek rondom hoe, wanneer, watter roetine vasgestel moet word. Hierdeur word kinders bemagtig en leer hulle om verantwoordelikheid vir hul voorstelle en besluite te aanvaar. “Want ek sê so” is ’n tipe woordspeling wat lankal sy doel gedien het. Die vraag is: Wie moet by roetine baat vind? Moet dit…

#bakliefde Mareli GEKLOPTE BROSBROODKOEKIES 30 koekies 250 ml (225 g) sagte botter125 ml (66 g) versiersuiker375 ml (200 g) koekmeel1 houer maraschinokersies, afgedroog Voorverhit oond tot 165 °C. Voer bakplate met waspapier uit en spuit met kleefwerende sproei. 1 Klop botter en versiersuiker vyf minute lank tot lig en donsig.2 Gooi koekmeel geleidelik by en klop ’n verdere vyf minute.3 Skep beslag in spuitsak met sterpunt. Spuit koekies op waspapier en druk kersie in middel.4 Bak vir 15–18 minute tot goudbruin en gaar.5 Stoor in lugdigte houer.…

SAG VIR JOU VEL Earthsap-produkte is vir die hele gesin geskik en word van nietoksiese, natuurlike bestanddele gemaak wat bioafbreekbaar is. Van die bestanddele sluit klapper, palmolie en sitrus in wat met suiwer essensiële olies gegeur word. Dit behoort nie jou vel te irriteer nie. Dis ook veilig vir plante sou jy jou badwater as gryswater wil gebruik. Die lyfwas kom in geure van Citrus & Ginger, Almond Milk & Honey en Tea Tree & Peppermint. Ongeveer R80 by sekere Spar-, Pick n Pay- of Wellness Warehouse-winkels of aanlyn by www.faithful-to-nature.co.za KRY WEER KRAG Met vandag se gejaagde lewe is dit soms moeilik om genoeg energie te hê om deur die dag te kom. NRF B-Complex Fizzy is ’n heerlike bosbessiegegeurde bruistablet met antioksidante wat help om jou energievlakke ’n…

VOOR www.grannyb.co.za en Facebook, Granny B’s Old Fashioned Paint Om plastiek, papier en bottels te hersirkuleer, is vir my nie onderhandelbaar nie, maar die oulike blikke wat ek vir dié doel by ’n bekende kettingwinkel gekoop het, was vir my net te helder en al wat ek later in die kombuis kon sien, was die drie blikke. Dit moes geverf word. Met Granny B’s Old Fashioned Paint en produkte kan jy enigiets omskep – volgens jou smaak. Ek het twee voorbeelde geverf. Een vir mense soos my dogter wat glad nie van fieterjasies hou nie – die drie blikke in neutrale skakerings pryk nou in haar en haar man se kombuis. Die ander drie het ek vir ons kombuis geverf, want die ma hou duidelik meer van tierlantyntjies. Hierdie is…

MOEILIKHEIDSGRAAD: ** WAT HET JY NODIG? 1 Kussing met fraiings 1 bal elk FAMILY KNIT VINTAGE (100 g) in Chalk, Silver Grey, French Grey, Ash en Caviar 5,5 mm-naalde Hekelnaald om fraiings deur te trek Kussing vir binne-in 2 Kussing met kabels 1 bal elk FAMILY KNIT VINTAGE (100 g) in Chalk, Silver Grey, French Grey, Ash en Caviar 5 knope 5,5 mm-naalde Kabelnaald Kussing vir binne-in 3 Kussing met blokpatroon 2 balle CHARITY CHUNKY (100 g) in Frostee 5,5 mm-naalde Kussing vir binne-in AFKORTINGS aw – aweregs gl1 – glip 1 st regsgewys ks – koussteek (1ste ry: regs. 2de ry: aweregs) ms – mossteek (1ste ry: r1, aw1 tot einde. 2de ry: r die aw-ste en aw die r-ste.) r – regs rs – reksteek (Elke ry regs)…

Bang was nie regtig ’n begrip wat ek geken het nie. Ek praat nou nie van bang vir slange, spinnekoppe, hoogtes of die donker nie. Ek praat van bang vir dinge wat jy moet doen; bang vir uitdagings wat oor jou pad kom; bang vir groot take waarvoor jy nie opgewasse voel nie; bang dat daar te veel hooi op jou vurk is en jy nie weet hoe jy by alles gaan uitkom nie; bang jy gaan faal; bang jy gaan misluk; bang jy gaan teleurstel. Jou maag trek in ’n knop saam, jy voel jy kan nie eet nie. Die spanning is kwaai en die stres eis sy tol. Wat nou? Jy praat hard met jouself, want jy wil nie eintlik aan ander erken hoe bang jy is nie.…

OOR VERWAGTINGE Daar heers kalmte tussen die mure van die Brooklyn-huis van Nadia Beukes en David se Villiers. Hier is definitief nie die chaos en paniek wat mens verwag van ’n huis waarin ’n onder-eenjarige sy eerste-keer-ouers regeer nie. Hulle begin nou met vaste kos, gesels Nadia en haar stemtoon verklap dat daar dalk tog ’n sweempie chaos tydens etensure heers. Sy oorhandig klein Davey aan Angie Moloto (haar gesoute huishulp), wat voor ons onderhoud met hom die trappe oploop kamer toe, terwyl die blou ogies loodswaar knip. Die spannetjie lyk gerat, dink jy. Hier is reeds ’n vaste ritme, soos dié van ’n stoomtrein wat spoed optel. Nadia wys my die musiekvertrek waar sy saam met die Dinamiese Dames oefen, die groot houttafel met haar en David se monogram…

“Pienk is nie ’n kleur nie, dis ’n houding,” beduie Marina Coertze (75) vir my terwyl sy vir ons tee in haar pienk kombuis met sy feetjieliggies maak. “Jare gelede het ’n kennis se skoonma parkinsonsiekte gehad. Ek het geweet sy bewe bietjie en sy is oud. Ek het nie gedink dit is wat ek sou beleef nie. Ek het maar net gedink dis ’n bewerige siekte wat oumense kry.” Marina is die eerste een in haar familie wat die siekte het. Op ongeveer 65 jaar het sy die eerste simptome opgemerk. “Dit was kort ná my man, Gert Coertze, op 68 oorlede is. Tydens die begrafnisdiens het ek begin bewe en gedink dit is van skok. Een van my vriendinne het gedink ek kry koud, maar dit was 28…

’N MOET-HÊ WINSKOPIE www.forevernew.co.za, www.jetonline.co.za, www.mrp.com, www.poetrystores.co.za, www.woolworths.co.za, www.yde.co.za Moenie bang wees vir horisontale strepe nie. Dit bly in die mode. Dra dit net reg vir jou liggaamstipe – Erica Archambault HET JY GEWEET? Strepe was een van die groot 2018-modeneigings en is net so gewild in 2019. STREPE IS ’N MOET IN JOU KAS – DIT BLY KLASSIEK – Giovanna Battaglia Engelbert…

Die tradisionele rol van vroue as tuisteskeppers en ma’s het lank reeds verander. Sommige vroue kies om steeds voltyds te werk; ander is tuisblyma’s en sommige skep hul eie reëls deur nie net tuisblyma’s te wees nie, maar terselfdertyd hul eie ondernemings sommer so saam met hul kinders groot te kry. Louzelle van Dyk van Pretoria is die ma van twee seuntjies, Jake (4) en Sebastiaan (17 maande). Sy is ook die eienaar van Momsy, ’n kuberwinkel met stylvolle klere vir swanger vroue en ma’s wat borsvoed. Louzelle het voorheen in die finansiële sektor gewerk en bedryf ook haar eie fotografieonderneming. Joanita Cillié woon saam met haar man en kinders, Willem (10 maande) en Christina (3), in Tuine, Kaapstad. Sy het in 2017 ’n aanlyn kunswinkel, Joanita.co, begin terwyl sy…

Hoe kan ’n ouer tussen normale tienerbuie of -gedrag en werklike gevaartekens, wat dringende ingryping noodsaak, onderskei? “Die tienerfase is een wat aan baie veranderinge gekenmerk word,” sê Wietske Boon, ’n spelterapeut van Pretoria. “Tieners moet leer om by veranderinge aan te pas en nuwe emosies hanteer. Ons lewens is druk en tyd is min. Daar word baie van kinders op akademiese en buitemuurse vlak verwag. Ongelukkig veroorsaak omstandighede ook dikwels dat gesinstyd beperk is. Ons aanlyn samelewing bied ook uitdagings vir ons jongmense,” sê sy. Volgens Wietske word vriendskaplike verhoudings vandag meer gekompliseerd. “Kinders word al hoe meer met sosiale media, konflik, teenstrydige waardes en groepsdruk gekonfronteer. Omdat hul behoefte aan aanvaarding so groot is, is dit moeilik om teen die vriendekring se besluite gekant te wees. Konflik lei…

Wees geduldig. ’n Nuwe roetine mag dalk vir jou kinders aan die begin moeilik wees, maar hulle sal daaraan gewoond raak. Probeer maar om nie ongeduldig of gefrustreerd te raak met jou kinders terwyl die nuwe “norm” geskep word nie. Sit elemente by elke deel van die roetine. Dit sal help om tien minute voor bedtyd saam met jou kinders ’n storie in die bed te lees. Dit sal help om hulle solank te kalmeer en vir slaaptyd gereed te maak. Pas aan soos nodig. Soos tyd verloop sal jy sien wat werk of wat nie vir jou gesin werk nie. ’n Roetine is bedoel om die gesin te help, nie te strem nie. Maak seker dat jou roetine gesond en positief is vir al die lede van jou huisgesin.…

BLITSVINNIGE GRONDBOONTJIEBOTTERFUDGE Genoeg vir 25 blokkies 400 g (2 k) witsuiker440 g (2 k) sagte bruinsuiker125 ml (½ k) volroommelk125 ml (½ k) room10 ml (2 t) vanieljegeursel380 g (1½ k) gladde grondboontjiebotter50 g grondboontjies1 vel Glad-bakpapier 1 Voer ’n 20 cm x 20 cm-pan met Gladbakpapier uit sodat die papier verby die pan se rand steek.2 Kombineer die witsuiker, sagte bruinsuiker, volroommelk en room in ’n middelslagkastrol oor lae hitte. Laat die mengsel saggies prut terwyl dit deurentyd geroer word tot al die suiker gesmelt is.3 Verhoog die temperatuur na matige hoë hitte en laat die mengsel saggies prut totdat dit begin karamelliseer en verdik, sowat 5–7 minute. Verwyder van hitte.4 Roer die vanieljegeursel en die grondboontjiebotter deur die suikermengsel tot glad en goed gemeng. Gooi in die voorbereide…

Die David Gresham-platemaatskappy het ’n aantal CD’s gevul met nostalgie uitgereik. Dié albums deur Helmut Lotti en Foster & Allen en twee CD’s met musiek wat op RSG se gewilde programme Brêkfis met Derrich en Sondagmiddag met Fritz gehoor is, is met tydlose treffers gestapel. Deel van dié albumtrots is die insluiting van ’n aantal Suid-Afrikaanse popsterre wat veral in die jare sewentig opslae gemaak het en boaan die treffer parades gepryk het en hier waardig langs die internasionale gistersterre spog. Laat ons onthou … HELMUT LOTTI SING SOUL Die gewilde Belgiese ligte tenoor Helmut Lotti vertolk 14 klassieke soulliedere met simfoniebegeleiding op sy album Soul Classics in Symphony. Tussen die sielvolle vertolkings is Helmut se interpretasie van Wonderful World, So You Win Again, If I Could Turn Back Time,…

Katinka Brink begin huil toe sy van die skaal afklim. Die ding is ’n monster. Sy het ’n week lank reg geëet. Niks tweede porsies nie. Nie een enkele sjokoladetjie nie. Nie eens ’n krummel van die oorskietvrugtekoek in die kas nie. Sy het die hele week lank nee gesê. En vrek weet, dit was nie maklik nie. Boonop het sy nog oefeninge gedoen ook. Oefeninge wat haar saans doodmoeg en met wankelrige bene voor die stoof laat staan en kosmaak het. Sy dink aan die week wat verby is. O, ja! Plus een uur lange stapsessies douvoordag met Skaaphond. Maandag tot Sondag. En dis wat die skaal sê: swaerder as verlede week. Hoe is dit moontlik? Sy val op die bed neer en al waaraan sy kan dink, is…

GAY SEUN TROU My seun is gay en het pas aan ’n meisie verloof geraak, hoewel hy ’n vriend het. Sy weet van sy seksuele voorkeure, maar is so blind verlief dat sy nogtans met mag en krag met hom wil trou. Ek het al met haar daaroor gepraat, maar sy sê hulle is sielsgenote en hy maak haar gelukkig. Hy hoef dit nie vir die skyn te doen nie, want ek en my man aanvaar dat hy gay is. – Radeloos Dit klink meer soos ’n poligame verhouding wat hulle nastreef. Op die oomblik mag hulle dalk gelukkig wees, maar dit kan rampspoedige gevolge hê. Die huwelik is vir twee mense en nie vir meer nie. Hulle hoef nie te trou om sielsgenote te wees nie. Jou aanstaande skoondogter…

STADIG MET DIÉ KOELDRANK Koeldrank met kunsmatige versoeters kan jou hartgesondheid beënvloed. Postmenopousale vroue is tien jaar lank gemonitor en daar is gevind dat dié wat meer versoete koeldranke gedrink het, se risiko groter is om beroerte en hartsiektes te kry weens verstopte en vernoude are. SLAAP IS GOED As ons slaap, raak ons brein van afvalstowwe en toksiese proteïene ontslae, maar dan moet dit diep en goeie slaap wees. Dit skep natuurlik ’n probleem as ons ouer word en ligter slaap en meer moet opstaan. Volgens navorsers versterk dit die verband tussen ouderdom, slaapverlies en ’n verhoogde kans om alzheimersiekte en demensie te kry. DIE NADELE VIR NAGUILE Kan jy tot laatnag wakker bly, maar slaap tot die son hoog sit (as dit van jou afhang)? Dit is volgens…

GEGEURDE RYS 4 porsies 1 ui, gekap10 ml (2 t) fyn knoffel1 geel soetrissie, gekap2,5 ml (½ t) borrie1 ml (1/5 t) fyn komyn10 ml (2 t) paprikaknypie brandrissievlokkies500 ml (2 k) basmatirys750 ml (3 k) hoenderaftreksel125 ml (½ k) bevrore ertjies30 ml (2 e) varsgekapte pietersielie 1 Verhit bietjie olie en braai ui en knoffel tot sag.2 Gooi soetrissie, speserye en rys by. Braai vir minuut tot geure loskom.3 Gooi aftreksel by en laat rys tot gaar kook.4 Gooi ertjies en pietersielie by. Roer tot deurwarm. DIEPGEBRAAIDE GROENBONE 4 porsies 200 g (1 pakkie) groenbone3 eiers180 ml (¾ k) bruismeelsout en peperknypie fyn komynknypie paprika5 ml (1 t) pietersielie 1 Kap koppe en punte van bone af. Dompel vinnig in kookwater en blansjeer vir twee minute. Sit dadelik in…

MAART-BOEK Hierdie maand se wenners wen ’n splinternuwe kookboek met die komplimente van Human & Rousseau. Duinhuis deur Isabella Niehaus is ’n viering van dié oudmoderedakteur se liefdesverhouding met ’n stukkie Afrika-strand en haar kospassie. Duinhuis bied iets van als vir kosliefhebbers en is by toonaangewende boekwinkels beskikbaar. Vind meer uit by www.nb.co.za LOUISIA LOTTER VAN GEORGE SÊ ONS ONDERSKAT KRUIE EN HUL WAARDE Ek kook ’n mengsel van roosmaryn, salie en ment in water en laat dit deur ’n sif of moeselien syg. Gooi dan 7 druppels teeboomolie by die mengsel en gooi dit in ’n spuitbottel. Dit het ’n heerlike vars reuk en is ’n natuurlike ontsmettingsmiddel. Dit help teen vlieë en muskiete en ek spuit dit selfs op my hond se slaapplek. Ek spuit ook vir Max,…

Kort op die hakke van die groot Rembrandt-uitstallings wat in 2006 wêreldwyd aangebied is om die 400ste geboortedag van dié meester van Nederland se Goue Eeu te vier, is veral Nederland in rep en roer om 2019 as “Die jaar van Rembrandt” te vier. Dit is vanjaar 350 jaar ná sy sterfdag in 1669. Die Rijksmuseum in Amsterdam neem die leiding met Al die Rembrandts, ’n uitstalling waarin die museum vir die eerste keer al die Rembrandts in sy versameling – 22 skilderye, 60 tekeninge en die meer as 300 beste voorbeelde van Rembrandt se grafiese werk – vertoon. Die Rijksmuseum se jongste aanskaffing, twee huweliksportrette van Marten Soolmans en Oopjen Coppit, maak dié museum se versameling Rem-brandt-skilderye nou die grootste ter wêreld. Die juweel in dié versameling bly egter…

ROLPRENTE THE KID WHO WOULD BE KING 7/10 Met Louis Ashbourne Serkis en Dean Chaumoo Regisseur Joe Cornish AVONTUUR Soveel sprokies en legendes is al vanuit ’n kind se oogpunt gemoderniseer, hulle kan netsowel vir koning Arthur ook ontrimpel en botoks, want dit is wat in hierdie fantasie gebeur. ’n Doodgewone seuntjie (sprokies se betroubaarste bleeksiel) ontdek dat hy ’n swaard kan bevry nadat hy geboelie is. En ’n soektog op google lig hom in dat dit Excalibur is! Hierna volg die avonture vinniger as wat drake deur die lug kan seil. Hy beland in Middeleeuse Engeland (voor Brexit!) en moet leer hoe om nie net ’n melkbaardkoning Arthur te word nie, maar ook ’n held wat bullebakke met of sonder ’n swaard kan omklits. Lesers wat begeer dat YouTube-verslaafde…

Etienne Leroux se romans, al was hulle vir die meeste lesers taamlik onverstaanbaar, het ’n groot invloed op die Afrikaanse letterkunde gehad. Nie net het sy romans ander skrywers beïnvloed nie – dink ver al aan Ingrid Winterbach, maar ook ’n jonger skrywer soos Jaco Fouché – sy opvatting van wat ’n roman veronderstel is om te wees, het ’n groot invloed gehad op baie mense se beskouing van wat literatuur is en wat letterkundestudie behels. Hierdie invloed op mense se literatuurbeskouing was nie noodwendig positief nie. Talle lesers het na aanleiding van Leroux se romans die idee gekry dat slegs moeilike, byna onverstaanbare letterkunde “goed” is. Die idee is ook gevestig dat die skrywer (en ander kunstenaars) byna soos profete is, wat belangrike boodskappe vir ons bring, maar dat…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 14 woorde, goed 18 woorde, baie goed 22 woorde of meer, uitstekend OPLOSSING: Diafragma, afdraai, digraaf, afmaai, afraai, agraaf, afarm, afdam, afdig, afdra, afrig, farad, firma, fraai, giraf, graaf, draf, drif, gaaf, graf, grif, raaf. Woordsoek ’n Totaal van 29 geboue is in hierdie rooster versteek. Hulle kan horisontaal, diagonaal, vertikaal, onderstebo of agterstevoor gelees…