Innholdsfortegnelse for 22 March 2019 i Vrouekeur

Een van die menstipes wat my sekerlik die meeste irriteer, is diegene wat hul sogenaamde magsposisies misbruik. Frederik de Jager se rubriek op bl 45 het my kop by dié tema laat draai. Ek en my broers is al vier in ons vyftigs – so ons skooldae is gelukkig lankal iets van die verlede. In daai verlede, was dit egter glad nie vreemd vir onderwysers om kinders te slaan nie. Dit was ook glad nie vreemd as onderwysers kinders verbaal verneder het nie. Vir my was, is en sal sulke optrede telkens brutaal en onaanvaarbaar wees. Nou voor alle onderwysers van gister, vandag en môre hulle bloedig vir my vererg, wil ek my stellings en menings kwalifiseer. Ek verwys nie na alle onderwysers nie – net soos ek ook nie…

Aan die begin van die jaar het ’n neiging op sosiale media onder die hutsmerk #10YearChallenge posgevat. Gebruikers het twee foto’s van hulself langs mekaar gedeel: een van ’n dekade gelede, die tweede ’n onlangse kiekie. Piet Matipa (30) het ook deelgeneem – daar was immers merkbare verskille tussen die 20-jarige “Jong Piet” en 2019 se “Ouer Piet”. In 2009 was hy ’n eerstejaarstudent aan die Noordwes-Universiteit se Potchkampus, skraal en skrander. Intussen het hy in ’n spiertier ontpop – danksy ure se “stresontlading” en ysters pomp in die gimnasium. Sy haarstyl en bril is meer modern, minder “onderhoofseun”. Hy was immers in 2008 die onderhoofseun van die Hoërskool Waterkloof in Pretoria. Sy vel, onder sy klere, was toe nog nét swart. Deesdae is daar wit vlekke, die gevolg van…

MITE 1 Naellak beskadig naels, want dit voorkom dat naels asemhaal Naels is, soos hare, dooie selle en het nie suurstof nodig nie.Geverfde naels is eintlik goed omdat die naellak ekstra beskerming teen breekbaarheid bied. CATRICE Galactic Glow Nail Lacquer, R69,95, en CATRICE More the Nude-naellak, R69,95, Dis-Chem en aanlyn by takealot.com. Mite 2 Natuurlike bestanddele is minder irriterend as chemiese bestanddele Natuurlike bestanddele het heelwat voordele en behoort uitstekend vir jou vel te wees omdat dit nie chemikalieë bevat nie, sou jy dink, maar dis nie altyd die geval nie. Sekere essensiële olies in natuurlike produkte kan reaksie op sensitiewe velle uitlok. Van die algemene olies wat irritasie kan veroorsaak, is peperment, gemmer, teeboomolie en kaneel. Hoe suiwerder die bestanddeel-ekstrak is, hoe laer sal die vlak van irritasie op…

Sak jou moed in jou skoene wanneer betaaldag naderkom? Die wete dat jou pas inbetaalde salaris binne die eerste week deur aftrekorders, rekeninge, skuld en onvoor siene uitgawes opgeslurp gaan word en die volgende betaaldag so ver voel. Ongeveer 56% van die middelklasverbruikers in Suid-Afrika bestee hul maandelikse inkomste binne vyf dae of minder nadat hulle dit ontvang het. Dit is volgens data van FNB se kleinhandelsegment wat middelinkomsteverbruikers kategoriseer as diegene wat ’n bruto-maandelikse inkomste van tussen R7 000 en R60 000 verdien. Die uitvoerende hoof van FNB-kleinhandeldienste, Raj Makanjee, sê: “Vir baie verbruikers gaan dit nie net om van een salarisbetaling na ’n ander te leef nie, die werklikheid is dat hul maandelikse salaris eenvoudig nie vir 30 dae hou nie. “Hierdie verbruikers sukkel om hul geld te…

Kabous Louw het as klein dogtertjie ure saam met haar gesin langs die see deurgebring en was spoedig self ’n kranige hengelaar. Dié liefde het tot ’n loopbaan van mededingende hengel gelei en sy is as die vroulike wêreldhengelkampioen aangewys. Sy is op Worcester gebore, het op Villiersdorp grootgeword, waar sy in 1990 aan die De Villiers Graaff Hoërskool gematrikuleer het. Sy woon tans op Wellington, waar sy vir die Suid-Afrikaanse Polisiediens werk. “Ek is die jongste kind en het twee ouer broers. Ek was bietjie van ’n wilde plaaskind, maar my pa het geglo sakgeld word verdien, so ek moes help wingerdstokke snoei, skape aanjaag en beeste melk. “Ek kon motorfiets ry nog voor my voete behoorlik die grond kon raak. Om trekker en bakkie te bestuur, was toe…

Ons was ’n paar jaar gelede by Stormsrivier en het toe ons hand aan allerhande buitelugaktiwiteite gewaag. Maar as jy halfnat uit jou duikpak klim om die volgende avontuur in boomtoppe te ervaar, of gillend oor ravyne te gly, bly die adrenalien jou aanhits vir meer en lekkerder en vinniger. Hierdie kuier was vir presies die teenoorgestelde tipe besoek. Ek het ’n boek ingepak, daar was wyn en ek het selfs bordspeletjies onder my sitplek gewaar toe ons vroegdag die road trip teen die Tuinroete af aanpak. As jy uit die Kaap ry en ná wingerde, koring-en kanolalande wat deur skape, beeste of olyfboorde afgewissel word die eerste keer die see sien, kom sit die vakansieluim so in jou skouers en voor jy jou kom kry, sing jy harder as…

Ons leef in een van die gewelddadigste lande in die wêreld. Volgens die statistiek is Kaapstad die stad waarin die meeste mense in ons land gewelddadig sterf. Die een probleem met statistiek is dat dit syfers is; dat wanneer jy hoor hoeveel mense per duisend van die bevolking jaarliks weens geweld sterf, jy aan ’n getal dink, nie aan mense nie. Die ander probleem met statistiek is dat mens afgestomp raak. “O, is daar al weer iemand weens bendegeweld in kruisvuur dood? Sjoe, dit gebeur nogal dikwels. Die statistiek sê …” Op hierdie manier normaliseer statistiek selfs die geweld. Chase Rhys se debuutwerk, Kinnes, bied ’n noodsaaklike alternatief op statistiek se afstomping. Die leser word by die lewens van individue betrek wat in ’n gemeenskap leef waarin dit bitter moeilik…

ROLPRENTE LITTLE ITALY 5/10 Met Hayden Christensen en Emma Roberts Regisseur Donald Petrie ROMANTIESE KOMEDIE Dit is nou sommer vinnig aanmekaargeflanste glinstervermaak – amper soos ’n TV-fliek van die week. Hoewel dit gehoorvriendelik is met al die verwagte Italiaanse clichés waaraan jy kan dink (families wat oor onbenullighede baklei, oordramatiese handgebare, plomp Pappas en Mammas, mooi jonges en ’n sokkerbal) is daar nie genoeg vonk of waarheid om mens lank genoeg te boei nie. Daar is ook geen vonk tussen die held en heldin, gespeel deur die eentonige Hayden Christensen en Emma Roberts nie. Vermaaklik as jy niks beter het om te doen nie, maar daar is niks wat regtig indruk maak nie. Daarvoor is die storie van twee gesinne wie se pizzarestaurante in New York se Little Italy teen…

Die bekroonde musikant, sanger en liedjieskrywer Joshua na die Reën is Jacques Gerhard de Villiers gedoop. “Toe ek ’n verhoognaam wou kies, het ek besef die rede hoekom ek musiek maak, is omdat ek altyd hoop dat daar op die een of ander manier mure afgebreek sal word (Joshua) en dat daarna iets sal groei (na die Reën),” verduidelik by dié naamkeuse. Joshua (31) is veral trots op sy De Villiers-gesin: vroulief, Danél, en hul twee dogtertjies, Anán en Elgin. Met ’n graad in jazz aan TUT het dié talentvolle kunstenaar bygedra om gehalte aan Afrikaanse musiek toe te voeg. Sy splinternuwe album, Someraande, word eersdaags uitgereik. “Ek sukkel met ongeduld, want dit belemmer menseverhoudinge. Op ’n breër lewenspektrum is dit egter ’n dryfveer. Tog vind ek soms die mooi…

GOOGLE ALLES Ek is heeltyd oor werklike en verbeelde siektes bekommerd. Ek verwag altyd die ergste en as ek vir ’n biopsie of prosedure gaan, dink ek my tyd op aarde is kort. Ek is al oud, maar ek wil niks in die lewe mis nie. Sou ek vir mediese ondersoeke gaan, of vir toetsuitslae wag, google ek net mooi alles met die ergste uitkomste. Hoe kan ek leer om meer in die oomblik te leef? Ek weet ek is neuroties en ’n pyn vir ander. – Ipekonders Jou gedrag hou verband met ’n baie sterk behoefte aan beheer. Die moontlikheid bestaan dat jy vroeër in jou lewe onkant gevang is deur slegte nuus en nie daarop voorbereid was nie, of soortgelyke angs by iemand anders waargeneem het. Google gee…

Liani May bly besig. Sy het die jaar met die InniDuine-toer in Namibië afgeskop en daar lê nog ’n string optredes en toere vir die jaar voor. Sy beantwoord ’n paar vrae: NA WATTER HOOGTEPUNTE SIEN JY UIT IN 2019 – DALK ’N NUWE SOLOALBUM? Ons werk beslis aan ’n nuwe album, maar vir eers konsentreer ek op my en Jay se nuwe album Beste van J&L. Dit was so ’n groot voorreg om ’n album met die beste treffers te kan uitgee. Ek kan nie glo ek en Jay is al so lank ’n duetpaar nie. Die album lê my na aan die hart. Ek en Jaytjie toer al tien jaar saam en hy is soos my boetie. Ek is dankbaar dat die aanhangers ons so ongelooflik ondersteun en…

Wat ’n skok as jou kind ’n toeval kry en hy of sy word met epilepsie gediagnoseer. Jy wil amper nie die woord gebruik nie. Jy is kwaad en hartseer en voel skuldig, so asof jy as ouer misluk het. Die beste verweer en om jou te bemagtig, is om meer oor epilepsie te leer, sodat jy dit kan aanvaar en hanteer. WAT IS EPILEPSIE? Epilepsie is ’n chroniese ongesteldheid van die brein en een van die algemeenste neurologiese siektes in die wêreld. Meer as 50 miljoen mense wêreldwyd word daardeur geraak. Dit kom onder alle ouderdomsgroepe voor met byna 80% van lyers in lae-of middelinkomstelande. Ongelukkig soek nie almal hulp nie, juis weens die vrees vir diskriminasie en stigmatisering. “Dit gebeur ten spyte van die feit dat dit suksesvol…

MAART-BOEK Hierdie maand se wenners wen ’n splinternuwe kookboek met die komplimente van Human & Rousseau. Duinhuis deur Isabella Niehaus is ’n viering van dié oudmoderedakteur se liefdesverhouding met ’n stukkie Afrikastrand en haar kospassie. Duinhuis bied iets van als vir kosliefhebbers en is by toonaangewende boekwinkels beskikbaar. Vind meer uit by www.nb.co.za AMALIA PRETORIUS VAN WORCESTER HET HIERDIE WENK GESTUUR: As jy warm vloeistof in ’n fles gooi, druk ’n mes in die fles. Dit sal voorkom dat dit bars. VEELDOELIG Hou ou tandeborsels. Dit werk tot om jou kar skoon te kry. Mens sukkel soms om krummels uit klein gedeeltes te kry en jy kan selfs vlekke skrop. Politoer Jy kan skoenpolitoer wat hard geword het, weer gebruik. Gooi net ’n paar druppels asyn daarby om dit weer…

#bakliefde Mareli WENK Vries afgekoelde koeksisters en sit dit effe bevrore voor KOEKSISTERS 36 koeksisters STROOP 2 365 ml (2 kg) suiker1,25 ℓ (5 k) water10 ml (2 t) gouestroop10 ml (2 t) suurlemoensap1 5 ml (1 e) vars gemmer, grofgesny (opsioneel) DEEG 890 ml (470 g) koekmeel30 ml (2 e) bakpoeier5 ml (1 t) sout26 ml (25 g) botter250 ml (1 k) warm water125 ml (½ k) melk5 ml (1 t) witasyn2 ℓ olie 1 Verhit suiker, water, gouestroop, suurlemoensap en gemmer oor matige hitte en roer tot al die suiker opgelos is. Kook vir drie minute. Verwyder van hitte en laat afkoel. Verkil oornag in yskas. 2 Deeg Meng meel, bakpoeier en sout. Vryf botter by meelmengsel in. 3 Meng water, melk en asyn tot melk skif. 4…

Teen die middel van die 16de eeu was die jong Doménikos Theotokópoulos op die eiland Kreta heel bekend as skilder van ikone en portrette binne die post-Bisantynse kunsbenadering. Op 26 het hy heelwat opdragte vir skilderye vir Ortodokse kerke voltooi gehad en wou sy vlerke sprei. Kreta, voorheen deel van die Bisantynse Ryk, was in dié tyd 300 jaar lank al ’n kolonie van die welvarende Venesiese Republiek en in Venesië wou hy sy kunstenaarsideale gaan navolg. Venesië het sedert die 11de eeu kunstenaars uit die Griekssprekende wêreld gelok, spesifiek vir die godsdienstige mosaïekwerk in die kerk van San Marco. Toe Theotokó poulos in Venesië aankom, was Titiaan, in sy tagtigerjare, die stad se vernaamste skilder. Wanneer presies hy sy bynaam gekry het, is nie seker nie, maar as El…

My renons in boelies in uniform kom bes moontlik van grootmense wat kinders bangpraat met stories oor die poliesman wat jou kom haal as jy stout is. Ek dink nie my ouers het dié aapstreek op my uitgehaal het nie, maar as kind het ek die dreigement genoeg gehoor. Ewenwel, elke hond kry sy dag, en my dag het gekom toe ek self in uniform gestaan het. In die army, soos ons destyds van militêre diensplig gepraat het. Ek is nie een van daardie mense wat tot naarwordens toe van hul swaarkrydae in die army vertel nie. Altyd mos met ’n verlange, asof die res van hul lewe nog erger was. Maar dit is waar dat mens as rekruut nie in die army geliefd voel nie. Jy is nie daar…

Frederik Bester en sy lewensmaat woon die afgelope vyf jaar in ’n klein sekuriteitskompleks in ’n stil woonbuurt op Somerset-Wes. Frederik het sy eie eiendomsagentskap en sy lewensmaat is ’n sagtewareprogrammeerder. Hulle het vier hondekinders, Schmoo, Strudel, Gizmo en Maya. Frederik beskryf hul huis as volg: “Oorspronklik was dit ’n leë doek en ons kon ons ideale daarmee uitleef. Nou is dit over the top. Niks is genoeg, te veel of te kleurryk nie,” skerts Frederik. Hy sê vir hom is dit noodsaaklik dat ’n huis prakties, maar vol flair moet wees. OPKNAPPING Hy sê sedert hulle vyf jaar gelede ingetrek het, is dit beslis voller. “Ek dink ons het al hoe meer waaghalsig met ons styl geraak en daar is min waarvoor ons nie kans sien nie.” Dié waaghalsigheid…

Woordspel 11 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 18 woorde, goed 24 woorde, baie goed 30 woorde of meer, uitstekend OPLOSSING: Vaderskap, padvarke, padvark, varkpes, verkaas, versaak, padvas, vaders, vaspak, verkap, verkas, verpak, versak, versap, vaars, vader, vaker, varke, veras, aves, vaak, vaar, vaas, vaer, vark, vars, vars, vers, vrae, vrek koderaai Elke syfer verteenwoordig ‘n letter van die alfabet. Om…

Wat maak God opgewonde? Gehoorsaamheid aan Hom? Nederigheid, selfbeheersing, vrede, vreugde, vriendelikheid? Ja. Maar wat is die kersie op die koek? Wat is dit wat God stom laat? Oor die enigste keer wat Jesus in die hele Bybel verstom was (in ’n positiewe sin, want ek dink die mens se sonde en ongehoorsaamheid moes Hom dikwels verstom het), kan ons in Matteus 8:5–11 lees. Dit is die verhaal van die Romeinse offisier wat na Jesus toe kom en Hom vra om sy slaaf wat ernstig siek is, gesond te maak. En wanneer Jesus dan sê dat Hy na sy huis toe sal gaan om dit te doen, antwoord die Romeinse offisier dat dit nie nodig is dat Jesus self gaan nie. Hy glo dat Jesus se gesag oor siekte en…

Eintlik het Quentin Krog nie tyd vir ’n onderhoud nie, want hy’s druk besig met die verfilming van die misdaadreeks Byl 2, maar hy offer tog ’n uur of wat op om op ’n Saterdagoggend in ’n koffiewinkel in die Strand te gesels. Jy verwag dat hy kort-kort na sy horlosie sal kyk, maar die aantreklike man met die mooi blou oë wat meer na ’n rolprentheld lyk as ’n ou wat agter die kamera sy ding doen, is bedaard en geduldig, al weet jy sy kop is op ’n duisend ander plekke. “’n TV-reeks is veel moeiliker as ’n rolprent, dit voel omtrent soos ’n marathon,” sê die man wat reeds vir vier flieks in die regisseur se stoel gesit het. “En die Byl-reeks is uniek, want elke episode…

MUSIEKFEES Kaartjies is nou beskikbaar vir ’n musiekfees by die Rustig-plaas by Magaliesburg. Die konsert op 13 April sluit bekende Afrikaanse kunstenaars soos Snotkop, Robbie Wessels, Refentse en Bok van Blerk in. Koop kaartjies by Fees2019@rustig.co.za MIK VIR DIE STERRE Die CapeGate-winkelsentrum in Kaapstad bied nog tot 31 Maart spesiaal vir die skoolvakansie ’n SPACE-program aan. Die uitstalling op die laer vlak van die winkelsentrum is geskik vir kinders van drie tot 11, maar Ma en Pa sal ook die planetariumervaring geniet. Kinders leer meer oor die ruimte, daar is ’n “vuurpylrit”, lasersone en ander ruimtepret. Kaartjies kos R60 per persoon vir ’n halfuur. Besoek www.capegatecentre.co.za KOMEDIE OP KRUGERSDORP Die Joburg Comedy Invasion is op 29 Maart by die Silverstar Casino, Krugersdorp, te sien. Chris Forrest, Ebenhaezer Dibakwane en Joey…

Al ooit probeer om soos ’n vlag teen 90 grade aan ’n paal te hang? Met jou bene uitgestrek terwyl jy net met jou hande vashou? Welkom by paalfiksheid of die meer mededingende paalsport, en een van die posisies waarna sekerlik alle beoefenaars streef. Hoewel daar ooreenkomste met paaldans is, is dit wêrelde verwyder van klubs waar skamel geklede meisies ’n gehoor met sensuele bewegings vermaak. Trouens, gereelde gimgangers se monde sal waarskynlik oophang as hulle ’n klas in paalfiksheid moet bywoon. Soos die naam aandui, speel fiksheid hier ’n kernrol, in teenstelling met gewone paaldans, wat meer met choreografie en dansroetines te doen het, sê Tracey Simmonds (35), eienaar van The Pole Studio in Lynnwood, Pretoria. Dít blyk dan ook duidelik uit haar klasse, wat met opwarmingsoefeninge begin voordat…

NIE ’N GEWONE STUURWIEL NIE Hier is nog ’n blik op die toekoms. B-Secur is ’n biometriese maatskappy wat glo dat elkeen se hartklop net so uniek as ’n vingerafdruk is. Dit maak dit moontlik om sensors in ’n reeks produkte in te bou om gebruikers deur hul spesifieke hartklop-algoritme te identifiseer. Met die HeartKey-stuurwiel kan ’n voertuig byvoorbeeld spesifieke persoonlike verstellings maak na gelang van wie daaragter inskuif. Dinge soos sitplekposisie-, spieël-en radiostasie-verstellings kan dadelik aangepas word, maar dit monitor ook die bestuurder se stresvlakke, moegheid en algemene harttoestand. Die tegnologie is nog nie kommersieel in voertuie beskikbaar nie, maar dis maklik om te glo dat die volgende generasie motors van hierdie tipe monitoring gebruik gaan maak. Toep van die Maand GOOGLE PHOTOSCAN Ons almal sitmet ou foto’s in…

DOUVOORDAG IS MÔREDOUVARS Die musiekpaartjie Ilse en Jattie de Beer, saam bekend as die duo Douvoordag, se debuutalbum Die avontuur (inhoudHuis Musiek) is ’n avontuurlike musiekreis. Albei het musiekagtergrond. Ilse was ’n lid van die Stellenberg-meisieskoor, Pro Cantu-jeugkoor en die Stellenboschuniversiteitskoor. Jattie het in die Affiesseunskoor en Tukkies se Camerata-koor gesing. Hy is ook vier agtereenvolgende jare met die prys vir die beste oorspronklike komposisie tydens Tukkies se jaarlikse serenadekompetisie bekroon. Jattie en sy groep Vertikaal het in 2009 ’n Sama vir hul tweede album, Stil, gewen. Ilse het ’n BCom-honneursgraad verwerf en is ’n bekende naam agter die skerms in die Afrikaanse musiekbedryf. Met dié agtergrond kan mens integriteit verwag, veral puik oorspronklike liedjies. Die liedjies is skilderye van die interne ontdekkings en mooi oomblikke langs hul persoonlike pad…

Cliff House het ek ná die oorlog geken toe ek ’n baie jong vrou was. Dit was volgens die Kirkbride-plan gebou en het in ’n reeks vleuels tussen die tuine en ’n kleinerige woud uitgesprei. Personeel, inwonendes en die burgers in die omgewing was trots op hierdie vergestalting van Victoriaanse ambisie. Daar was slaapsale, gemeenskaplike sitkamers, kombuise, eetkamers en sportgeriewe, als in die kenmerkende steen, maar daar was ook sale van hout aangebou. Destyds is dié wat ongesteld geag is, lank in inrigtings gehou, anders as vandag. Dit was ’n imposante plek met torings en drakespuiers, die kleur daarvan dié van nat rotse, aan die kus geleë waar die weerstelsels jaarlank vir ’n nat, deprimerende atmosfeer gesorg het. Die dreuning van die grou see anderkant die kranse is slegs tydens…

Maak vandag plek in jou hart vir al die skakerings van groen wat tussen gewilde siertuinplante te vinde is en put genot uit ’n opwindende ontdekkingstog met kompleksiteit en prag gevul. Onder hoofsaaklik immergroenes (maar ook bladwisselendes) sal jy met al die skakerings van groen kennis maak – donkergroen, heldergroen, lemmetjiegroen, bont blare met groen, room en geel tinte, gestreepte loof en nuwe groei waar groen deur ’n koperrooi skynsel oorheers word. Daar is ook groen plante waarvan die blare bo net groen is, maar die aandag trek met sensuele silwer tinte en fluweel onderkante en ander wat die aandag met ’n blougroen of grysgroen skynsel van ’n afstand af trek. Neem ook blaargroottes in ag, van die kleinste en fynste tot reusagtige, amper onbetaamlike loof. Streel oor die plante…

WAT HET JY NODIG? ELLE Lullaby DK (100 g) 2 balle Chipmunk (basiskleur A) 1 bal elk Cricket (B), Lilac (C), Peaches (D), Sky (E), Mauve (F) 4,5 mm-sirkelnaald 4,5 mm-hekelnaald AFKORTINGS aw – aweregs gl2 – glip 2 ste aweregsgewys ks – kettingsteek lb – langbeen r – regs GROOTTE Sowat 90 cm x 110 cm BREI-INLIGTING Met die hoeveelheid breidraad wat jy het, sal daar nog genoeg oor wees om die kombersie langer te maak. Besluit self hoe lank jy dit wil hê. Patroon word oor oor ’n veelvoud van 8 steke plus 4 gebrei – jy kan dus besluit hoe breed jy die kombersie wil hê. Wissel net twee kleure af of maak dit so bont as wat jy wil – dis ’n goeie manier om van…