Innholdsfortegnelse for 15 March 2019 i Vrouekeur

Daar is so baie boeke wat ek nog wil lees en so baie plekke op my reislys, want ek weet teen dié tyd die invloed van boeke en reise op my lewe is nie net verreikend nie, dis verrykend. Sir Derek Walcott, Nobelpryswenner vir literatuur in 1992, het gesê: “I read. I travel. I become.” Met dié wysheid kan ek net saamstem, want ons is nie – ons word mettertyd. Indië was nie op my reislys nie. Tot ek die geleentheid gekry het om saam met Linde van Niekerk van Seagull Travel & Tours hierdie land te ontdek. Diegene na aan my weet ek is nie ’n meisie wat goed in groepe werk nie, wat my effens laat wonder het oor saamreis met ’n toergroep. Vir Indië op my eie,…

EERSTE My eerste jare op skool was glad nie vir my lekker nie. Ek was baie mavas en dit was vir my moeilik om op my eie te wees. Ek was ook baie onseker van myself. Maar ek het die uitstappies na die Stadskouburg so geniet. Dit was van die hoogtepunte in my skoolloopbaan, om bekendes te sien optree. Daar het ek vir Mimi Coertse, Gé Korsten, Dawie Couzyn en vele ander die eerste keer hoor sing en nooit gedink dat ek eendag saam met hulle op een verhoog sal staan nie. Dekades later het ek Gé se sangmaat geword en ons het lank saam getoer. Hy was so professioneel en ek het vreeslik baie by hom geleer. Ons het ook baie goeie vriende geword. TWEEDE Op hoërskool het ek…

Die grootste deel van sy lewer en sy galblaas is as gevolg van ’n soort lewerkanker verwyder. Daarna het dr Hermann Liebenberg, Vrouekeur se gewilde rubriekskrywer oor sielkunde, uitmergelende bestraling en chemoterapie ondergaan. Nie net moes hy van groot operasies (hy was weke lank in die hospitaal) herstel nie, hy was ook 13 uur onder narkose vir die leweroperasie. Hy moes ook die gif van die chemo uit sy gestel kry. Hy was uitgeput en siek. Jy het hom egter nie hoor kla nie. Januarie vanjaar, meer as ’n jaar vandat hy siek geword het, het die onkoloog hom skoon verklaar. Hermann en sy geliefdes beskou dit as ’n wonderwerk. En dit nadat dokters voorspel het dat sy lewensverwagting minder as ’n jaar sou wees. Met sy kenmerkende positiewe gesindheid…

Hul tyd in die Rooi Kruis-hospitaal het hulle laat besef dit maak nie saak of jy die hoof van ’n genoteerde maatskappy of die skoonmaker is nie, wanneer jou kind siek is, is almal gelyk. Fred het een middag deur ’n saal geloop en gehoor hoe ’n kind die suster aan diens vir lugtyd vra. Hy het eers gedink dis ’n vreemde versoek, maar toe hoor hy die suster sê sy sal vir hom lugtyd reël. Hy het haar daaroor uitgevra en sy het verduidelik die seun is terminaal siek. Sy ouma het hom hospitaal toe gebring, maar sy is intussen oorlede en hy het net ’n oom in Transkei oor. Dis al hoe hy met sy oom kon kommunikeer. Fred het vir hom lugtyd gekoop. Toe ’n vriendin een…

In 2017 het meer as 300 000 mense die gewilde pelgrimstog, ook bekend as die Jakobsweg (of bloot die Weg), in Europa aangedurf. Dit was ’n rekordgetal mense vir dié roete wat in 2015 as Unesco-wêrelderfenisgebied gelys is. Die roete bestaan uit ’n aantal pelgrimsroetes wat verskillende oorspronge in Europa het en eindig by die katedraal in Santiago de Compostela in Spanje. Hiér lê, so word geglo, die stoflike oorskot van Jakobus, een van die 12 apostels. Die Jakobsweg is een van die oudste Christelike pelgrimsroetes en volgens die Katolieke geloof een waarop ’n totale kwytskelding van aardse bestrawwing vir reeds vergewe sondes, verdien kan word. Die pelgrimsroete het veral die afgelope twee jaar in gewildheid toegeneem. Andrée Lombard (71), voorsitter van die Broederskap van Sint Jakobus Suid-Afrika (Confraternity of…

#bakliefde Mareli SJOKOLADE-STROOPKOEK 1 groot koek 520 ml (265 g) koekmeel 120 ml (60 g) kakao 10 ml (2 t) koeksoda 5 ml (1 t) bakpoeier 370 ml (350 g) suiker 15 ml (1 e) kitskoffie 250 ml (1 k) kookwater 250 ml (1 k) karringmelk 125 ml (½ k) olie 5 ml (1 t) vanieljegeursel 2 groot eiers STROOP 160 ml (150 g) suiker 185 ml (¾ k) water 10 ml (2 t) koffiepoeier VERSIERSEL 80 ml (1/3 k) melk 80 ml (75 g) botter 265 ml (250 g) suiker 250 ml (150 g) donkersjokolade 1 Flake-sjokolade roosblare Voorverhit oond tot 180 °C en spuit ’n 23 cm x 33cm-oondpan met kleefwerende sproei. 1 Sif meel, kakao, koeksoda en bakpoeier saam en meng suiker by. 2 Meng kitskoffie met…

Wasgoeddag Hierdie mooi wasgoedmandjie met sy natuurlike voorkoms sal in die meeste badkamers pas, R459,99, Mr Price Home. HOE BONTER, HOE BETER Bont sokkies is steeds hoogmode! Sexy Socks het ’n nuwe reeks ontwerperskouse wat steeds net so kleurryk soos altyd is. Die bamboesreeks is voorwaar die sagste kouse nog. Daar is ook kouse vir fietsryers. Die bamboesstyl kos R199 per paar. Vir elke paar sokkies wat verkoop word, word ’n paar skoolkouse aan ’n Suid-Afrikaanse kind in nood geskenk. www.sexysockssa.com *Pryse onderhewig aan verandering Vk SIT SKOP IN JOU DAG Soms benodig jou liggaam net daardie ekstra bietjie hulp om aan die gang te bly. Turbovite Vitality is die antwoord. Dis ’n kafeïenvrye vitamienaanvulling wat ook vir atlete geskik is en energievlakke handhaaf. Beskikbaar in bruissakkies, kapsules en stroop,…

Wat in Anton Karstel se onlangse middelloopbaanuitstalling in die Pretoria Kunsmuseum opgeval het, is dat hy ’n voortreflike skilder is, een wat binne Suid-Afrikaanse figuratiewe skilderkuns dié rigting verryk en verruim, en ’n kunstenaar wat die kyker lok om aan ’n gesprek binne die skildery deel te neem. Die titel van die uitstalling was gewoon Anton Karstel 1995 – 2018. Op die oog af 23 jaar se werk as skilder. Maar dié 23 jaar sluit ook twee jaar in waartydens hy nie geskilder het nie. Nadat hy in 1995 sy meestersgraad in visuele kunste aan Tukkies verwerf het, het hy hom doelbewus op ander maniere van uitdrukking toegelê (soos installasiekuns), omdat hy die geldigheid van skilder as medium begin wantrou het. Om niksvermoedend verf op ’n gestrekte doek aan te…

Waarom lees mense boeke en waarom vorm mense leeskringe om oor boeke wat hulle gelees het, te praat? Waarom bestudeer mense letterkunde op skool en universiteit? In ’n interessante roman deur die Nederlandse skrywer Marjolijn Februari, Het literaire kring (in Engels vertaal as The Book Club), word hierdie vrae onder meer gevra. Een van die karakters in die roman, Randolf, is ’n groot kenner van die staatsreg en ’n bekende rubriekskrywer in die koerante. Hy verskyn dikwels as “deskundige” op TV waar hy met groot gesag kommentaar oor die regsimplikasies van internasionale nuusgebeurtenisse lewer. Hy is bevriend met die vernaamste mense in die mediawêreld, met regters en ministers. Hy is egter lief daarvoor om romans te lees en nooi sy skoonseun uit om ook by sy leeskring aan te sluit,…

ROLPRENTE WONDER PARK Met die stemme van Brianna Denski en Jennifer Garner Regisseurs David Feiss, Clare Kilner en Robert Iscove ANIMASIE-KOMEDIE Hier is nou ’n vrolikheid op note! In hierdie uitbundige animasiefliek word verbeelding en skeppingsvermoë gevier. ’n Ma ontwerp ’n kammapark, maar wanneer haar seuntjie grootword, word die park vergeet. Tot die kind weer op die oorblyfsels daarvan afkom. Daar ontmoet hy die vreemdste kreature denkbaar, onder andere ’n psigedeliese ystervarkie en, wag hiervoor, sjimpan-zombies! (Dis kindertaal vir sjimpansees wat soos zombies optree en skynbaar vir die vernietiging van die park verantwoordelik was.) Baie karakters gil en skree terwyl hulle pretparkritte onderneem, dus sal Pa en Ma hul spruite se springmieliebokse moet vashou wanneer die opwinding buite beheer raak! Beslis vir die ou heel kleintjies wat daarvan hou om…

IS HY OUTISTIES? Ek bly al tien jaar saam met my verloofde wat erger as ’n tweejarige is. Ek moet hom elke dag aan die volgende herinner: Moenie jou sigaretstompies in die tuin gooi nie, maak jou kasdeure toe, slaan die toilet se deksel af, en moenie die vuil lap en emmer op die patio uitstal nadat jy die kar gewas het nie. Hy is obsessief oor een of twee dinge in sy lewe. Die res skeel hom min. Hy is ook ’n baie swak luisteraar. Sy dogter meen daar is baie vorms van outisme en dat hy dalk een daarvan het. Is dit moontlik? – Anoniem Die aanname van outisme kan nie sommer gemaak word op grond van die gedrag wat jy beskryf nie. Verskillende vorms van outisme is…

Dis middagete op Suidooster se-stel en terwyl die hele Ruiterbosch die innerlike versterk, kom Denise en Abdu, soos almal hom ken, met my gesels – steeds in hul Bridgette- en Ian-klere. Ian, oftewel Abdu, se pak sit netjies, sy handdruk is ferm en ek kan sien hoekom mense so skrikkerig vir dié sakeman is. Maar wanneer hulle begin gesels, kry jy ’n kykie in die mense agter die rolle. Suidooster bereik vandeesweek sy 715de episode. Lees jy op kykNET se programinligting, is die beskrywing kort, maar kragtig: “’n Matriarg, haar twee dogters, kleinkinders en haar vriende. Die sepie Suidooster vertel van die mense van ’n klein winkel- en sakesentrum in Ruiterbosch, ’n fiksionele voorstad in Kaapstad. “Drie gesinne lewe en werk saam en deel noodwendig in mekaar se lief en…

Helena Hugo se jongste roman, ’n Tuin vir Tessa, is onlangs bekendgestel. Soos met haar vorige boeke, is daar geen rede om te glo dat dié een nie ook haar lesers tevrede gaan stel en dat sy selfs ’n paar aanhangers gaan bykry nie. Maar hoekom skryf Helena? En hoe het dit gebeur dat sy begin skryf het? “Ek was ’n tuisblyma wat my woelige seuntjie net met stories kon kalmeer en daardie storietjies vir Siembamba, jare gelede se radioprogram vir kleuters, aangestuur het,” sê Helena. “My seuntjie het ’n sussie bygekry en ons het saam-saam na ander programme begin luister. Só het dit gekom dat ek onder aansporing van Iris Bester my eerste radiovervolgverhale vir Jongspanateljee geskryf het – ’n wetenskapsfiksiereeks: Atlantis, Galapagos, Bestemming Xenos en Pegasus. “Ek is…

WAAR KOOP EK DIT? Mr Price www.mrp.com 0800 212 535 Poetrywww.poetry-stores.co.za Truworths www.truworths.co.za 021 460 2300 (Hoofkantoor) Woolworths www.woolworths.co.za 0860 022 002 YDE www.yde.co.za…

Outobiografieë is ’n interessante spesie in die boekewêreld. Dit lyk asof daar ’n Groot Vyf is, soos in die diereryk, daardie internasionale blitsverkopers wat groot skares na boekpraatjies lok en derduisende lesers opgewonde maak. Michelle Obama se Becoming is een van hulle, ’n brullende leeu van ’n boek, kan jy maar sê. Ek het nog nie self die gewese Amerikaanse presidentsvrou se memoires gelees nie, want soos gewoonlik wag daar nog ’n stapel belowende romans langs my bed wat ek éérs wil lees, maar ek hoor dis so vlot en vermaaklik soos ’n lekker roman geskryf. En dís omtrent ’n prestasie vir ’n beroemde politieke figuur wat blykbaar nie ’n spookskrywer benut het nie. Die meeste beroemdes pen ongelukkig nie self hul herinneringe neer nie. Of dalk gelukkig nie. Te…

As jy jou al in die Johannesburgse voorstad Northcliff bevind het, sal jy weet dat dit een van die stad se meer gegoede buurte is. Tog weet min mense, selfs baie inwoners van Northcliff, dat een van die stad se armste buurte net duskant Northcliff geleë is. Die huisies in Claremont staan rug teen rug op vierkantige, kaal erwe, feitlik teen die teerpad. Hier is mense wat armoede baie goed ken. Waar gesinsverbrokkeling, honger magies, kinders wat rondloop, siek word en selfs wegloop ’n algemene ding is. Hier weet mense wat dit beteken om vir kos in asblikke rond te krap en by straathoeke te bedel. Hoewel daar haglike omstandighede in Claremont heers, is daar twee engele wat oor die inwoners van Claremont waak. Riaan en Yolindie Oberholzer bestuur die…

Lesersvraag Hoe maak ek rottangmeubels skoon? Ek het hierdie wenk in Boererate en Verbruikerswenke deur Cornelia gekry. Maak rottang skoon met ’n mengsel van skottelgoedseep, warm water en spiritus. Gevriesde brood Sit ’n koppie water in die mikrogolfoond as jy gevriesde brood ontdooi. Die vog help dat dit nie uitdroog nie. JELLIE DIT Voor mens begin verf, is dit ’n goeie idee om petroleumjellie op ligskakelaars, deurhandvatsels en dies meer aan te wend. Dit help om spatsels later makliker skoon te maak. HET JY GEWEET? Dit werk goed om messe op die agterkant van ’n bord skerp te maak. Vryf die messe se snykant net heen en weer oor die bord. BOKSKOEK TE DROOG? Die koekmengsels wat mens koop, kan soms droog bak. Probeer die volgende: Voeg 1 ekstra eier…

ROBERTSON VONKEL! Die Robertson-wynlandgoed spog met ’n splinternuwe Sparkling Brut Rosé-vonkelwyn. Hierdie vonkelwyn is pienk en droog met ’n heerlike verfrissende smaak. Dié wynlandgoed het reeds vyf ander vonkelwyne. Die Sparkling Brut Rosé is landwyd beskikbaar en kos tussen R60 en R65 per bottel. Vir meer inligting, besoek www.robertsonwinery.co.za GROOTE POST SE SEASALTER Sauvignon blanc was nog altyd die uitstaanvariëteit by die Groote Post-landgoed, daarom is dit heeltemal gepas dat ’n sauvignon blanc hierdie landgoed se vlagskipwitwyn is. Ontmoet hul The Seasalter. Die Seasalter 2018 is ’n versnit van 90% sauvignon blanc en 10% semillon. 50% van die sauvignon blanc is gefermenteer en vir agt maande in Franse eikehoutvate verouder. Die oorblywende komponente is in vlekvryestaaltenks gefermenteer. Die voorgestelde verkoopprys is R140, beskikbaar by https://groote-post-wines.myshopify.com en uitgesoekte wynhandelaars Raar maar…

SPLINTERNU WE SUBSKRI PSIE - OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou…

Moeilikheidsgraad: BENODIGDHEDE V innis Colours 100% Cotton DK (50 gballe): 3 balle White (598), 1 bal elk Ballet Pink (522), Washed Denim (513) en Pale Khaki (570) 3 mm-hekelpen Naald met groot oog Stopsel Bietjie swart borduurgare Borduurraam met 34 cm deursnee P lastiekringetjie van ± 40 mm in deursnee Gom Wit handwerkverf AFKORTINGS beg = begin, dies = dieselfde, dr = draai, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, st = steek, tes = tesaam, vlg = volgende. PATROON HASIEKOP Met White beg met 4 ks, gs in 1ste ks om ring te vorm. 1ste rdte: 1 ks, 8 kb in ring, gs in 1ste kb. 2de rdte: 1 ks, 2 kb in elke kb, gs in…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant So ’n paar jaar gelede het die sielkundige Ruth W Berenda ’n interessante eksperiment met tieners uitgevoer om te wys hoe mense groepsdruk hanteer. Die plan was eenvoudig. Hulle het groepe van tien tieners in ’n vertrek ingebring. Elke groep is die opdrag gegee om hul hande op te steek as die onderwyser na die langste streep op drie verskillende papiere wys. Maar wat een persoon in die groep nie geweet het nie, was dat die nege ander in die groep vooraf instruksies gekry het om vir die tweede langste streep te stem. Die eksperiment het begin met nege tieners wat vir die verkeerde streep stem. Die persoon wat totaal…

Dis 13 Maart. Rina Hugo verjaar! Sy vier haar 70ste verjaardag egter nie met blink fanfare nie. Maar daar is vreugde in haar moderne woning op die lowergroen Midstream-landgoed in Midrand. Sy vier haar verjaardag al sedert die platemaatskappy Decibel-Musiek se 50-jaar-reünie wat 9 Maart plaasgevind het en ’n leeftyd se sterre en herinneringe bymekaargebring het. Vanmiddag neem sy ’n paar spesiale vriendinne uit vir ete. En die naweek vertrek sy en haar man, die musikant, komponis en regisseur Johan van Rensburg, na hul Warmbadplaas waar hulle saam met hul kinders, Riaan en Anri, dié se gades en die vier kleinkinders behoorlik gaan makietie hou. “Ek braai mos gewoonlik, maar ek dink dié keer moet die seuns dit maar doen! Ouma gaan net agteroor sit, orders gee en ’n wyntjie…

“Ken jou liggaam en laat simptome toets as jy enigsins bekommerd is,” sê die 36-jarige Claire Hodgson van Umhlanga, wat vir metastatiese melanoom behandel word en in die afgelope ses maande 44 gewasse laat verwyder het. Sy is in 2018 met melanoom gediagnoseer nadat sy ’n klomp kleinerige gesondheidsprobleme gehad het. “Ek het gesond geëet en geoefen en al die nodige gesondheidstoetse laat doen, maar ek het steeds baie moeg geword. Ek was saans vroeg in die bed en het griepagtige simptome, pyne en geswolle kliere ontwikkel. Ek het geweet iets is verkeerd, maar bloedtoetse was normaal. Dit is aan bosluiskoors, klierkoors en stres toegeskryf. Toe ontwikkel ek ’n knop in my lies. Ek is vir ’n skandering en dit het toe geblyk dat ek verskeie gewasse in my lyf…

Die geboorte van sy seun, Sam, en sy kort lewe op aarde het Fred Platt se lewe vir altyd verander. Fred, die uitvoerende hoof van ’n JSE-genoteerde maatskappy, sê dis hierdie tragedie wat hom werklik laat besef het wat in die lewe van waarde is. Fred het ’n boek geskryf om die lesse wat hy uit sy verlies geleer het, te deel. Die boek, Lessons from a Rainbow Unicorn: A Real Life Story of a Father’s Loss, vertel die verhaal van Sam se geboorte, die pad wat hy en sy vrou, Melissa, 15 en ’n half maande lank met hom in die hospitaal gestap het totdat hy, eintlik onverwags, oorlede is. Hy vertel ook watter sewe lesse hy as pa uit die verlies geleer het. Hy is eerlik oor sy…

SPEK-EN-KAAS-BROOD 4 porsies 1 kg brooddeeg 1 ui, gekap 200 g (1 pakkie) spek, in stukkies gesny 10 ml (2 t) gemengde kruie 250 ml (1 k) cheddarkaas, gerasper 250 ml (1 k) mozzarellakaas, gerasper 60 ml (¼ k) parmesaankaas, gerasper 375 ml (1 ½ k) room Stel oond op 180 °C. 1 Braai ui en spek tot gaar en geur met kruie. Laat afkoel. 2 Meng spekmengsel, kase en room. 3 Verdeel deeg in drie dele. 4 Druk ⅓ van deeg in gesmeerde broodpan gevolg deur ⅓ van kaasmengsel. Druk ander ⅓ deeg bo-op. Herhaal proses en eindig met kaasmengsel. 5 Bak vir 30–40 minute of tot brooddeeg gaar is. Laat effe afkoel. ROOSTERKOEK MET BILTONGPATEE 4 porsies 1 kg brooddeeg 1 ui, gekap 375 ml fyn biltong 30…

Hierdie maand se wenners wen ’n splinternuwe kookboek met die komplimente van Human & Rousseau. Duinhuis deur Isabella Niehaus is ’n viering van dié oudmoderedakteur se liefdesverhouding met ’n stukkie Afrikastrand en haar kospassie. Duinhuis bied iets van als vir kosliefhebbers en is by toonaangewende boekwinkels beskikbaar. Vind meer uit by www.nb.co.za TERTIA SWART VAN BLOEMFONTEIN IS ONS WENNER VANDEESWEEK: Laat ’n koek onderstebo afkoel sodat die bokant platter druk en jy dus minder hoef af te sny om dit gelyk te kry. Plaas toiletrolkartonnetjies oor ’n braairooster se handvatsel om te voorkom dat jou hande brand. Beskerm kosbare porselein of kristal as jy dit was deur ’n handdoek in die opwasbak te sit en dan water in te tap. Dit dien as beskermende kussing. Vir gebak wat minder vet…

Die twee weke wat ek deel van Seagull se toer deur Indië was, is ’n ervaring wat ek moeilik in woorde kan omsit. Hoe was dit? wou mense weet. Lank, selfs nou nog, kon ek nie met taal verduidelik wat ek ervaar het nie. Indië maak jou stil, sy laat jou dink, sy laat jou in verwondering, sy laat jou na jou asem snak. Indië is nie ’n plek wat jy met foto’s en woorde kan beskryf nie. Indië moet jy self voel, ruik, sien, hoor en proe. En glo my, sy maak aanspraak op jou sintuie – en meestal op almal gelyktydig. Robert Louis Stevenson was sy tyd vooruit met die neerpen van sy reiservarings. Callum Glennen haal Duncan Milne, ’n PhD-student aan Edinburgh Napier University, in sy artikel…

@home www.home.co.za Coricraft www.coricraft.co.za Lighting Warehouse www.lightingwarehouse.co.za Poetry www.poetrystores.co.za SHF www.shf.co.za Volpes www.volpes.co.za Vk…

Dit verg fokus om tred te hou met die vlaag Afrikaanse sangeresse wat CD-winkels se rakke verfraai. Met Amor, Anrika en Halrika, Corlea en Cordelia, Franja en Francisca, Karlien, Maritza en Mariska, Verona en Venetia, kan mens behoorlik die kluts kwytraak. Soms is die titels ook amper dieselfde, soos Masker en Maskers. Hoe kies mens? Kom ons probeer die masker(s) stroop, al is dit dan net ter wille van die liefde … CORDELIA SE LIEFDESMAG Cordelia (Nienaber), bekend om haar treffers Mal in jou kop en Breek die stilte, is terug met ’n romantiese album: Wees lief (Select/Sony). Die 13 snitte (uit haar eie pen en dié van Johan Oberholzer, Niel Schoombie en Rudi Claase) is ’n uitbundige viering van die lewe en die liefde – alles met hoop, deur…

Mia gee haar bagasie by die internasionale vertrektoonbank in. Die afgelope maand se beproewing kan sy nou agterlaat. Charl kon net nie aanvaar dat sy die verlowing wou verbreek nie. Sy beweeg vinnig deur doeane en sekuriteit. In die vliegtuig kry sy haar sitplek en bêre haar smuktassie in die ruimte bokant die sitplekke. Langs haar, in die venstersitplek, is ’n man met donker hare. Sy ewe donker oë slaan haar asem weg. Mia maak haar veiligheidsgordel vas en probeer om nie na hom te kyk nie. Wat sou hy doen? ’n Akteur? Sakeman? ’n Model vir duur ontwerpersklere? So iemand sal mos eerder eersteklas vlieg, of hoe? Sy haal die gidsboek oor Italië uit haar sak. Toe passasiers hul veiligheidsgordels kan losmaak, verskyn die lugwaardin met ’n dranktrollie. “Iets…

Hang jou tuinslang netjies op met die Garden Master Garden Hose Reel, R145. www.builders.co.za Hou piekniek in jou tuin! Die Pic-Wik™ is ’n opvoubare, ligte wyntafeltjie met plek vir ’n bottel wyn en twee glase. Druk net die pootjie in die grond en jou wyn en glase sal stewig regop staan, R550. www.hellopretty.co.za Vk Gee ’n interessante verjaardaggeskenk. Hierdie mandjie bevat vyf kruie en dis ’n wonderlike geskenk vir iemand wat ’n kruietuin wil begin of aanvul, R595. www.gardenshop.co.za Beskerm jou hande wanneer jy tuinmaak met hierdie mooi tuinhandskoene, R100. www.tanyavisser.com Hark blare maklik bymekaar met Garden Master se Giant Garden Rake, R139. www.builders.co.za Leer jou kinders om sommer self groente te kweek met hierdie oulike klein groeikassie, R134. www.tanyavisser.com…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). - maklik - moeilik TEIKEN: 8 woorde, goed 10 woorde, baie goed 12 woorde of meer, uitstekend Woordsoek Van Amerika se 51 state moet jy 26 opspoor wat hier weggesteek is. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk of jy almal kan raaksien. SUDOKU 10…