Innholdsfortegnelse for 8 March 2019 i Vrouekeur

Christa Swanepoel se artikel op bl 18 oor “Jou lyf se filters” het my aan die dink gesit. Sy vat in ’n neutedop saam wat die funksie van ons niere is, maar sy wys ook op die gevare as ons dié orgaan verwaarloos en sy gee wenke om jou niere optimaal te laat werk. Ons liggaam is uiters gesofistikeerd aanmekaargesit en als in ons liggaam werk saam om ons gesond te hou (of siek te maak). Jy hoef nie ’n breinchirurg te wees om te weet dat jou brein dié spier of orgaan is wat als bymekaar hou nie. Ek dink ons breine werk soos ’n rekenaar se hardeskyf. 1 Ons stoor als in ons hardeskyf. 2 Soms doen ons ’n “search” om ’n “file” op te spoor. 3 Partykeer…

“André Jansen is die skuilnaam van ’n ervare, bedrewe spanningsverhaalskrywer. Hy is die skrywer van Die Jerigokrisis en Die Simson-opsie.” Dis al wat jy op die uitgewer se webwerf kry. Maar as jy die boek ná 356 bladsye neersit, besef jy dat die opsommings oor skrywers – kort of nie – glad nie die maatstaf is waarmee jy goeie of minder goeie boeke kan oordeel nie. Soos Jan Schaafsma, die man agter die skuilnaam, tereg verduidelik op ’n hemelsblou dag aan die voete van Kogelberg op Bettysbaai, waar hy die afgelope 20 jaar permanent en “reeds langer oor naweke en met vakansies” woon: “Ek is nie iemand vir die voorgrond nie. As ek in die wêreld van boeke iets met verdienste bygedra het, moet daardie maaksel op sy eie voete…

“Halfpad deur graad 1 bars die bom in ons huis met my ouers se egskeiding en ons almal spat verwond utimekaar”. Sy het by haar ouma en oupa gaan bly en graad 1 daar voltooi. “Dis hier waar ek my Skepper ontdek het en Hy was die anker in my lewe wat my sedertdien nog nooit gefaal of in die steek gelaat het nie.” Driekie moes dikwels van skool verwissel en was onder meer in Lyndhurst-laerskool met haar ma wat by die Lyndhurstkinderhuis en later die ouetehuis gewerk het. “So het ek as kind voortdurend met die seer en gebrokenheid van die lewe te doen gekry. My maats het altyd hul seer met my kom deel en ek het maar gewillig geluister en probeer troos en bemoedig, al het ek…

“Ek het in ’n huis grootgeword waar my ouers albei aan drank verslaaf was. Ek was bang vir my eie ma as sy dronk was,” vertel Karel Esau. As die middelste van drie kinders, is sy eerste herinneringe gekoppel aan die hartseer wat dié verslawing meegebring het. Sy suster is die oudste en het gereeld na hom en sy jonger broer omgesien. “Sy was soos ’n ma vir ons. Sy het vir my en my broer van kos voorsien terwyl Mamma dronk was. Sy het soos ’n ma vir ons liefde gegee.” Toe hy 12 en sy broer ongeveer vyf jaar oud was, het hul suster getrou en die huis verlaat. “Sy wou ook haar eie gesin hê. Ek het baie hartseer gevoel, maar ek moes aanvaar dat sy ons…

HIPNOTIESE VERTONING Andre The Hilarious Hypnotist vier sy 26 jaar op die verhoog met spesiale vertonings. Hy sal nog tot Sondag 24 Maart by die Pieter Toerien-teater by Montecasino te siene wees. Kaartjies kos R120 per persoon en vertonings is van Woensdae tot Vrydae om 20:00, Saterdae om 16:00 en 20:00 en Sondae om 15:00. Kaartjies via Computicket beskikbaar VAKANSIEPRET Seussical The Musical is hierdie Maart en April by die Peoples Theatre in die Johannesburg-teaterkompleks te sien. Die vertoning open amptelik op Sondag 10 Maart en die slotvertoning is op Sondag 28 April. Die regisseurs Jill Girard en Keith Smith sê hulle het die snaaksste Dr Seuss-stories en karakters vir hierdie vertoning byeengesit. Kaartjiepryse is R140 per persoon en R100 vir lede van die Peoples Theatre-kinderklub. Bespreek by 011 403…

SAG OP DIE VEL Ons velle absorbeer chloor en ander skadelike metale wanneer ons stort of bad. Velirritasies kan soms deur harde water veroorsaak of vererger word. Die Vitamin C Shower neutraliseer hierdie skadelike stowwe en versag die water deur ’n onafhanklike filter, R1 995. www.takealot.com of www.vitcshower.co.za BLY GEHIDREER Hierdie waterbottel van Brita het ’n filter wat water met ’n heerlike smaak laat en skadelike stowwe uitskei. Dit het ’n lussie waarin jy jou vinger kan haak wat dit maklik maak om oral in die gim met jou saam te dra. Dit kan in die skottelgoedwasser gewas word, R250. www.woolworths.co.za *Ek het self só ´n bottel en dis die beste en gerieflikste waterbottel wat ek nog gehad het! SILWERSKOON Chux® All-Purpose Absorbent Cloth is absorberende, baie sterk lappies wat…

Daar is nie ’n tekort aan sangers in ons land nie! Die waarheid is egter: die een wil min of meer, dikwels presies dieselfde of selfs ’n bietjie meer nes die ander een klink! Dikwels klink sangers se name selfs eenders; hul voorkoms amper ook. Af en toe, darem, kry jy sangers wat nie soos iemand anders klink nie, al het hul stemme dieselfde kleur. Hier is twee albums wat Oppinoot beïndruk HUGO NIEUWOUDT BEVREDIG WEER Hugo Nieuwoudt is een van die mees onderskatte sangers in die land. Sy vyfde eietydse album, Net soos die sneeu (BBS Records), is weer ’n bewys van sy vaardigheid as vertolker. Hy het bekendheid vir sy album Want jy glo in my verwerf, wat ook een van die mooiste liedjies nóg in Afrikaans, Ek…

Goeie stories, so beweer een van die karakters in The Overstory, maak ’n mens so ’n bietjie dood, en hulle verander jou in iets wat jy nie was nie. The Overstory is ’n roman wat ’n soortgelyke effek op my gehad het. Talle romans in ons tyd het ’n ekologiese tema. Daar verskyn baie boeke, fiksie en niefiksie, wat ons herinner aan die skade wat deur menslike gedrag aan die planeet aangerig word. Die natuurprogramme op TV dra voortdurend hierdie boodskap oor. Verder word ons daagliks vanuit talle oorde aan aardverwarming, die vernietiging van natuurlike woude, die ongebreidelde ontginning van natuurlike hulpbronne en besoedeling herinner. Ons hoor van die politieke implikasies van al die groen debatte, van presidente wat aardverwarming ontken en van politieke partye wat stemme op grond van…

Daan du Toit kon netsowel die man met die netjies geharkte snor en blokkieshemp wees wat verlede Vrydag saam met jou by die braai was. Maar jy sal hom nie onthou nie. Selfs diegene wat al 30 jaar saam met Daan by die bank werk, is telkens verstom wanneer dié sluiper toekennings vir jare lange getroue diens by jaareindgeleenthede ontvang. Daan is die versinnebeelding van verantwoordelikheid en voorspelbaarheid. Hy het in sy dag des lewens nog nooit ’n spoedkaartjie gekry nie. Daan se vrou, Iris, is die naaldwerkster wat al die kleuterballerinas en koordansers van Boksburg in swewende gewade uitdos. Deur die jare het deugsame Daan sy vrou se eksotiese smake in stilte gadegeslaan. Hy het nie ’n woord gerep toe Iris ’n hanspapegaai uit Brasilië invoer om haar Portugees…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Hartstogtelik en gevoelvol (musiek) SMS jou antwoord, voorletters, van en dorp/stad voor of op 27 Maart 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 19 woorde, baie goed 25 woorde of meer, uitstekend OPLOSSING: Komieklik, moeilik, koliek, komiek, kelim, kleim, kliek, kloek, olike, keil, kelk, kiek, kiel, kiem, klei, klem, klik, klim, klok, koei, koek, koel, kolk, melk, olik Koderaai Elke syfer verteenwoordig ’n letter van die alfabet. Om mee weg te spring, is 3 (drie)…

Marijke van der Westhuizen is gelukkig. En gemaklik in haar eie vel. Dít sien mens sommer met die intrapslag by The Whippet, die gewilde koffiewinkel in die Johannesburgse voorstad Linden, waar Marijke by ’n tafeltjie vir ons onderhoud sit en wag. Die stylvolle rok met paisleypatrone beklemtoon haar pragtige lyf, haar grimering is subtiel aangewend en sy is van kop tot tone ’n toonbeeld van ’n vrou wat weet hoe om haarself te versorg. Die mooiste van alles is haar ligte vel en sproetjies, wat sy sedert haar graad 8-jaar op hoërskool probeer wegsteek het, maar wat sy die afgelope paar jaar met al hoe meer trots vir die wêreld wys. “Ek het die afgelope Desember vir die eerste keer nie selftan vir die vakansie gebruik nie. Ek het altyd…

Eliana: Ek sien hoe ouers met hul kinders oor kos baklei en dat kos ’n bron van angstigheid is. Die onderliggende oorsaak is dat hulle nie hul kinders se vermoë vertrou om hulself te reguleer nie, hetsy dit by te min kos of ooreet kom. Hulle sukkel om hul kinders se liggame en aptyt te aanvaar en probeer dan druk toepas. Met kieskeurige eters probeer ouers hulle dwing, smeek, omkoop of dreig om meer te eet. Met ooreters en oorgewig kinders probeer hulle porsies beheer, vertel hoe sleg kos is of om sekere kossoorte glad nie te koop nie. In albei gevalle boemerang dit dramaties. Die kieskeurige eter eet minder en die kind wat ooreet, eet net meer wanneer hulle die kans kry en word obsessief oor kos. Ek dink…

PEPERROOMSOUS-BEESPOT 4 porsies 1 ui, gekap5 ml fyn knoffel300 g repiesvleis15 ml (1 e) rooivleissout38 g (1 pakkie) pepersous250 ml (1 houer) room240 g (1 houer) gladde maaskaas125 ml (½ k) water sout30 ml (2 e) varsgekapte pietersielie 1 Verhit olie en braai ui en knoffel tot sag. 2 Gooi vleis en sout by en braai tot goudbruin. 3 Maak pepersous met room aan. 4 Gooi vleis, maaskaas en water by sous. 5 Laat kook en geur met sout en pietersielie. 6 Sit saam met polenta voor. BEESVLEIS-EN-GROENTE-SOSATIES 4 porsies300 g repiesvleis2 rooi uie, in stukke gesny4 murgpampoentjies, in 1 cmringetjiesgesny½ groen soetrissie, in blokke gesny½ rooi soetrissie, in blokke gesny½ geel soetrissie, in blokke gesny125 ml (½ k) Griekse slaaisous 1 Ryg vleisrepie soos konsertina op sosatiestokkies, gevolg deur…

Soveel van ons destydse skoolgeskiedenis was maar eensydig en ons het nie juis van verskillende Suid-Afrikaanse kulture geleer nie. Ek wou graag meer gaan uitvind oor hoe die Slag van Isandlwana, wat omtrent geen aandag in my skoolgeskiedenisboek getrek het nie, nou eintlik afgespeel het en waarom dit ’n kosbare gedenkplek vir Zoeloes is. Toe ek boonop hoor die slag word van vanjaar af in die skoolkurrikulum ingesluit, wou ek terstond daarheen reis. Ons gehuurde motor het nie geweet wat hom tref toe ons by die King Shaka Internasionale Lughawe uitry nie. Ons sou 3 500 km in 16 dae ry en een van die hoogtepunte op die rit is die kuier by Isandlwana Lodge, van waar jy saam met ’n gids na die slagvelde gaan en daar in die…

ROLPRENTE THE LEGO MOVIE 2: THE SECOND PART Met die stemme van Jason Momoa en Chris Pratt Regisseur Mike Mitchell en Trisha Gum ANIMASIE Die probleem met ’n fliek wat op speelgoed, of in dié geval speelgoedblokkies, gegrond is, is dat kinders hul eie vooropgestelde idees het van hoe die karakters moet lyk en die storie moet verloop. Want is dit nie juis waaroor Lego gaan nie? Om kinders se verbeelding te prikkel en hul skeppingsvermoë te inspireer nie? Hierdie fliek is ’n vervolg op die vorige een, en die skeppers het met ’n storie vorendag gekom wat jonges se verbeelding mag kielie. Wesens uit die buitenste ruim (hulle heet Lego Duplo) daag vanuit die donker gate anderkant die sterre op en het een doel voor oë: om alles te…

Die De Wets, Hennie, Jacomien en hul drie kinders, Christiaan (7), Amri (4) en Júha (5 maande), leef saam met hul viervoetvriende, Isobel en Lola (Italiaanse Spinones) en Max die Weimaraner in ’n ruim woonhuis in Onrusrivier. Toe Hennie se familie in 2011 hul plaas in die Overberg verkoop het, het die jong gesin Onrusrivier toe getrek. Hulle het eers gehuur en toe in 2014 besluit om ’n erf te soek en te bou. Jacomien vertel: “My ouers het hierdie huis in 2004 gekoop en toe opgeknap. Dit was al die jare ons vakansiehuis. My pa bied toe die erf wat deel van hul eiendom was, maar klaar afgesny is, vir ons aan. Die ooreenkoms was dat ons vir hulle ’n aftreehuisie bou en as ons gesin eendag groot genoeg…

Regs bokant my rekenaar hang twee foto’s van my en my vriendin Zelda Jongbloed. Die boonste foto is in Viëtnam geneem toe ons ’n paar weke lank die Wilde Ooste ingevaar het om kamma te gaan kuns koop wat ons tuis wou kom smous. Wat ons nie in ag geneem het nie, was dat ons albei joernaliste was en regtig nie ’n clue gehad het hoe om ’n onderneming te bedryf nie. Ons het sowat 60 skilderye gekoop en tussen ons bagasie versteek, die hemel weet hoe ons deur doeane gekom het. Hier en daar het ons ’n skildery aan ’n vriendin afgesmeer, maar uiteindelik het die meeste van die skilderye in ons eie huise beland. Geld in die water, ja, maar herinneringe wat ek tot in lengte van dae…

Kan jy jou ’n lewe sonder knoffel (Allium sativum) indink? Pasta en pizza sonder knoffel? Dis mos ondenkbaar. Duisende jare gelede het mense al in die Midde-Ooste en noordelike gedeeltes van Afrika begin om knoffel en ander lede van die Allium-familie te kweek. Hierdie veelsydige, geurige bol het nie net ’n unieke smaak en geur nie, maar dit het ook verskeie gesondheidsvoordele. Dit kan byvoorbeeld as antibiotikum ingespan word, is goed vir lugweginfeksies, verlaag cholesterol en bloeddruk en kan blykbaar beroertes voorkom omdat dit bloed verdun. Knoffel is maklik om te kweek as jou tydsberekening reg is. In Suid-Afrika is middel-Februarie tot einde Maart, die perfekte tyd om knoffel te plant, hoewel jy die reuse-knoffel-variëteit nog tot Mei in die grond kan kry. As jy egter die verkeerde tyd van…

Moeilikheidsgraad: ★★ WAT HET JY NODIG? 1 bal Elle Cotton On DK (250 g) 4 mm-naalde GROOTTE Sowat 60 cm lank en 38 cm breed AFKORTINGS ks – koussteek (1ste ry: r. 2de ry: aw.) r – regs rs – reksteek (elke ry regs) WENK ▶ Die sakkie kan ook met gewone tou gebrei word ▶ Dit werk die beste as dit met breidraad sonder rek gebrei word AANWYSINGS Basis Stel 60 ste op en en werk 6 rye in rs. Gaan voort met 6 ste aan begin en einde in rs met ks in die middel tot werk sowat 58 cm lank is. Werk 6 rye in rs. Heg af. Sakkiegedeelte Dit word in dwarste gebrei. Stel 30 ste op en werk 6 rye in rs. Gaan voort met…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Publikasie met gegewens oor ’n gemeente, sy bediening, bestuur en bedrywighede SMS jou antwoord, voorletters, van en dorp/stad voor of op 27 Maart 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Nadat jy Esther von Waltsleben se CV gelees het, voel jy skoon uitasem. Wat jou eerste opval, is haar veelsydigheid. Aktrise, stemkunstenaar, regisseur, skrywer, vervaardiger en lektrise, om maar ’n paar te noem. Dat sy doenig is, blyk ’n feit soos ’n biltongstalletjie op ’n kunstefees te wees. Sy herinner jou dat sy darem al ’n kwarteeu in die bedryf is. “My loopbaan is net so oud soos die KKNK,” terg Esther, wat opvallend plat op die aarde en vol kwinkslae is. Ons ontmoet in ’n woelige winkelsentrum, nié ’n plek waar sy besonder tuis voel nie. “Ek het geen rigtingaanwyser nie en verdwaal maklik, dis hoekom ek liewer ’n mall vermy. Ek is ook nie ’n groot shopper nie, maar jy kan my vir ’n naweek in ’n Dis-Chem…

Ons het by dr Hanlie Lottering gaan aanklop om lig te werp op alledaagse vrae wat vir baie steeds onbeantwoord is. S is ‘n gekwalifiseerde algemene praktisyn en haar belangstelling is in estetika. Sy is ook op Glam Guru op kyk-NET as raadgewende dokter te sien. Wat is ’n goeie velsorgroetine? Vir die beste resultate moet jy soggens en saans velsorgprodukte gebruik. As jy nie jou vel reinig nie, kan die porieë weens oormatige olie, stof en grimering verstop. Voed dan jou vel met ’n goeie vogroom. Hoe verskil serums van room? Velserums penetreer tot in die dieper lae van jou vel. Dit bevat ’n hoë konsentrasie aktiewe bestanddele en die werking daarvan is baie doeltreffend. Dit stimuleer die produksie van kollageen, wat nuwe selle vorm. ’n Velserum is die…

MAART-BOEK Hierdie maand se wenners wen ’n splinternuwe kookboek met die komplimente van Human & Rousseau. Duinhuis deur Isabella Niehaus is ’n viering van dié oudmoderedakteur se liefdesverhouding met ’n stukkie Afrikastrand en haar kospassie. Duinhuis bied iets van als vir kosliefhebbers en is by toonaangewende boekwinkels beskikbaar. Vind meer uit by www.nb.co.za AMANDA VORSTER VA N LETSITELE HET HIERDIE WENK VIR NAALDWERKERS: Plaas jou naaimasjien op ’n mat-teël op jou werksoppervlakte, dit vang garingdrade op, jy kan spelde daarin steek en die masjien staan stewig. SPINNERAKKE IN DIE HOEK? Bind ’n klam lappie met ’n rekkie om die bopunt van jou mop. Verwyder nou die spinnerakke in hoeke waarby jy nie kan uitkom nie. HOU DIE GOGG AS UIT Sit ’n kers in die meelblik om kalanders uit te…

#bakliefde Mareli MAASKAASTERT 1 tert 250 ml (1 k) hawermout250 ml (1 k) mariebeskuitjies, gekrummel(ongeveer 12 beskuitjies)80 ml (⅓ k) botter, gesmelt15 ml (1 e) bruinsuiker10 ml (2 t) gelatien15 ml (1 e) koue water250 ml (1 k) Orley Whip397 g (1 blikkie) kondensmelk125 ml (½ k) suurlemoensap1 houer (250 ml) gladde maaskaas1 houer frambose Voorverhit oond tot 180 °C en spuit ’n 22 cm-losboomkoekpan met kleefwerende sproei. 1 Meng hawermout, beskuitjies, botter en suiker. Druk stewig in bodem van pan vas. 2 Bak vir 10 minute tot goudbruin en gaar. Verwyder uit oond en laat afkoel. 3 Los gelatien in 15 ml koue water op. 4 Klits room styf. 5 Klits kondensmelk en suurlemoensap tot verdik en gooi maaskaas by. Klits tot glad. Verhit en smelt opgeloste gelatien en…

■ Isandlwana Lodge lê by Kwa-Nyoni in Zoeloeland, sowat 170 km noord van Durban en 65 km van Dundee, maar die paaie is sleg en rytyd is lank. Die Slag van Bloedrivier-erfenisgebied is 43 km van Dundee en beslis die moeite werd om ook by jou besoek in te pas. Kyk by www.bloedrivier.org.za■ Die Slag van Isandlwana en Bloedrivier is deel van die Slagveld-roete en -toere van KwaZulu-Natal.■Bespreek jou verblyf met etes ingesluit by 034 271 301/4/5, stuur ’n e-pos na lodge@Isandlwana.co.za of besoek www.Isandlwana.co.za of hul blad op facebook.com/Isandlwanalodge■ As jy ’n motor huur, maak seker jou spaarband is bruikbaar en neem genoeg gebottelde water saam, want die paaie is sleg en die afstande in Zoeloeland is groot.…

In 2017 het die Britse kunstenaar Damien Hirst die kunswêreld netjies in twee kampe gejaag: Dié wat dink sy uitstalling vir die 57ste Venesiese Biënnale was indrukwekkend en iets besonders en dié wat gemeen het dit was ’n rampspoedige onderneming. Dit was in elk geval nie die eerste keer dat Hirst (54) tegelyk soveel aandag trek én kunskenners die harnas in jaag nie. Oor Hirst se werk is niemand onaf nie, het iemand onlangs opgemerk: Óf jy haat dit óf jy haat dit nie. Die kroonjuweel in dié uitstalling, wat Treasures from the Wreck of the Unbelievable geheet het, was ongetwyfeld die 20 m hoë beeld, Demon with Bowl, wat die atrium van die Palazzo Grassi gevul het. Omdat ’n bronsweergawe van dié beeld hopeloos te swaar vir Venesië sou…

As Bach se Toccata en Fuga in D-mineur op haar foon begin speel, weet sy dis sý. Haar ma. Magriet het die luitoon vir ’n rede gekies. Dramatiese klanke wat mens waarsku, wat jou laat voel of iets gaan gebeur. En iets gebeur altyd as haar ma bel, al is dit net om haar dag omver te gooi. Ek weet nie hoekom antwoord jy eens nie, sê haar suster Lientjie altyd. “Ek het Ma lankal op my foon geblok. Ek het nie krag of tyd vir haar mal praatjies nie en hoekom moet ons heeltyd na haar jeremiades luister? Wanneer was sy ooit daar vir óns?” En dis waar, dink Magriet terwyl sy teensinnig na die foon in haar hand kyk. “Hallo, Ma.” “Magriet, luister nou mooi na my. Ouma…

Die sanger, akteur en entrepreneur André Schwartz skerts: “Ag, ek het reeds ’n eiland en lugredery! Dus dink ek dat iets ’n bietjie groter, soos ’n kontinent waar mense sonder seer, honger of gebreke is, die ideale geskenk sal wees om te gee en te kry.” Hy erken hy het genoeg besittings, maar hy ag sy gesondheid en ’n ywerige, kreatiewe en leergierige verstand eerder van waarde. André, wat opregtheid en eerlikheid ontsettend hoog ag, erken: “Ek laat nie my kop deur skinderstories vergiftig nie en ek laat nie bedrieërs en kansvatters in my ruimte toe nie! “Ek verstaan dinge soveel beter en ek benut elke dag en die les wat daaruit geleer kan word. Ek voel selfstandig en vry. Ek is spyt oor niks, want berou, skuld en twyfel…

MOEILIK OM SOBER TE BLY Ek (34) het jare lank met afhanklikheid aan verskeie dwelmmiddels en alkohol gesukkel. Ek is heeltemal gerehabiliteer en is die afgelope twee jaar skoon. Ek was bevoorreg dat my ouers na my kon omsien tot ek weer my voete gevind het. Ek het ’n stabiele, vaste betrekking en is dankbaar daarvoor. My werk is baie stresvol en my gedagtes dwaal na die tye wat ek nie sober was nie. Hoe hanteer ek dit nou sonder om die harde werk wat ek ingesit het ongedaan te maak? – Skoon Om van die afgrond bewus te wees, maak jou reeds meer in beheer as wat jy dink. Met rehabilitasie sou jy waarskynlik geleer het dat situasies en assosiasies maklik die gedagtes kan rig op dit waaraan jy…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant “What day is it?” asked Pooh. “It’s today,” squeaked Piglet. "Aaah, my favourite day," said Pooh." Dié woorde van Winnie the Pooh het my opnuut laat dink aan die uitdrukking “leef elke dag voluit”. Met tye klink dit dalk so ’n bietjie soos ’n cliché, want wie van ons doen dit regtig? Hoeveel van ons kry dit reg om elke dag met ’n lied in die hart uit die bed op te spring en die lewe met ’n huppel in die stap tegemoet te gaan? Ons word nie elke oggend wakker met ’n gevoel van dankbaarheid teenoor die Here vir nog ’n dag nie. Tog is die feit dat ons…