Innholdsfortegnelse for 1 March 2019 i Vrouekeur

Van 18 tot 25 Julie kan jy saam met ’n klein groepie lesers die gaste van die bekende Talking Table in ’n hawedorpie op die eiland Lesbos word. Molyvos in Griekeland is so antiek en mooi dat dit ’n wêrelderfenisgebied is. In ’n 100 jaar oue herehuis met ’n groot tuin aan die dorpsplein is The Talking Table. Dit is waar twee Suid-Afrikaanse gashere, Douw Steyn en Frederik de Jager, groepe gaste van oral gulhartig tuismaak. Waar goeie geselskap saam met heerlike Griekse kos op die spyskaart is. Die legendariese lewensvreugde van die Grieke, die musiek, die danse, die kos, die skoonheid van die dorp en sy omgewing, die strande en die see … dit alles kan jy meemaak. Kortom: ’n betowerende ervaring. Bring ’n maat saam en deel –…

Die proses van aanneming is begin. “Terwyl die seuntjie nog in die hospitaal was, het ek op ’n dag by die huis gestaan en stryk terwyl ek met God oor die kind gepraat het. Ek wou weet wat sy naam moes wees. In my hart het ek aan die een of ander fancy naam gedink – my man is van die Franse Hugenote afkomstig. Ek het egter duidelik in my gees gehoor: Johannes. My aanvanklike reaksie was: ‘Agge nee, dis so ’n Afrikaanse naam.’” Sy lag. “Ek het Lehanie gebel om haar te vra wat die seuntjie se naam is. In daardie stadium het ons almal net van hom as ‘Babatjie’ gepraat. Lehanie het my vertel dat sy met die invul van sy papiere om hom in pleegsorg te plaas,…

BOBOTIE-WRAP 4 porsies 1 ui, gekap5 ml (1 t) fyn knoffel5 ml (1 t) fyn gemmer300 g maalvleis15 ml (1 e) kerriepoeier15 ml (1 e) appelkooskonfyt/-blatjang sout en peper bietjie water SALSA 1 klein rooi ui, fyngekap2 tamaties, fyngekap5 ml (1 t) suurlemoensap sout en peper4–6 wraps 1 Verhit bietjie olie en braai ui, knoffel en gemmer tot sag.2 Gooi maalvleis by en braai tot bruin.3 Gooi kerriepoeier by en braai.4 Gooi appelkooskonfyt of blatjang, sout, peper en water by en laat kook vir paar minute.5 Salsa Meng alles.6 Skep maalvleismengsel in wrap en sit saam met tamatiesalsa voor. PASTAGEBAK MET SAMPIOENE, FETA EN SPEK 4 porsies 500 g (1 pak) rigatoni-pasta1 ui, gekap5 ml (1 t) fyn knoffel500 g (2 pakkies) gemengde sampioene, gekap250 g (1 pakkie) spek, in…

These vagabond shoes, are longing to stray Right through the very heart of it New York, New York Só sing Frank Sinatra, en toe die geleentheid opduik om by my vriendin, Gerda van Niekerk, wat aan die buitewyke van New York bly, te gaan kuier, het ek die kans aangegryp. Dié stad voel soos ’n bekende met al die baie boeke wat in dié stad afspeel, die talle flieks met dié stad as agtergrond en die tonele uit TV-reekse soos Friends en Sex and the City. Die rand/dollar-wisselkoers was swak en wisselvallig, daarom het ons besluit om die stad en sy inwoners, wat op sigself ’n besienswaardigheid is, stap-stap te verken sonder om te veel geld uit te gee. Gewapen met ’n kaart, ’n appel en ’n hand vol neute…

Musiek het dikwels nie woorde nodig nie, want dit is die melodieë wat veral bybly – in watter styl of taal dit ook al uitgevoer word. DECA MAAK NATUURLIKE MUSIEK Die instrumentale duo DECA se vierde album, Naturally (SON Records), ontgin die musikante Douw Steyn en Herman Steyn se organiese aanslag. Met viool, kitaar en banjo skep dié kreatiewe musikante ’n klankbord waarop die mandolien saam met fluite en perkussie dans en sweef – soos veral op die duo se oorspronklike titelsnit en die ander nuutskepping Hilltop Jig. Nostalgiese herinneringe leef voort op DECA se weergawe van André de Villiers se Memories. Tussen die ander snitte wat opval, is die duo se interpretasie van Paul Simon se Sound of Silence, Queen se rocktreffer The Show Must go on (uit die…

Die skraal luggie waai van die see se kant af, maar plek-plek brand die warm sand nog John se voetsole. Die kwik het vroeër vandag skuins duskant 40 grade gedraai. Hy streel oor sy kaalgeskeerde kop, vies dat hy sy keps in die bakkie vergeet het. Ná twee jaar hier is hy al goed deur die son verbruin, maar sy sensitiewe kopvel is nie altyd teen die Weskus se venynige strale bestand nie. John draf tot by die skeepswrak voor hy terugdraai. Die sweet brand in sy ooghoeke. Hy besluit om sy pas te versnel. Sy bene pomp nou reëlmatig. Hy hardloop verby die laaste klompie sonsoekers op die strand, wat hom met gedraaide koppe dophou. Dit stem hom onrustig as mense so na hom staar. Maak hom selfs effe…

Ek lees ’n storie op sosiale media raak wat my pa jare gelede vir my vertel het. Dis ’n storie van twee broers. Dié twee se kinderjare was nie maklik nie. Hul pa, onder meer ’n alkoholis, was nie die ideale rolmodel nie – trouens hy het eiehandig sy gesin verwoes en die broers moes vanaf ’n baie jong ouderdom op hul eie voete staan. Eintlik was daar van kinderjare nie sprake nie. Kinders wat in slegte omstandighede grootword, leer die grootmenswêreld baie vinnig ken. Nietemin, die broers het dit oorleef en grootgeword, maar hul lewens het nie dieselfde paadjie geloop nie. Die een het op straat beland – ’n sukkelaar en ’n alkoholis. Die ander een was suksesvol en gelukkig. Op dieselfde vraag aan albei oor hoe hul pa…

1 Leer jou kinders dat hulle hul “ingeboude sirene” mag en moet gebruik. Hulle moet so hard as moontlik skree as hulle ongemaklik met ’n persoon voel. Dit is dikwels hul enigste wapen. 2 Moet nóóit jou kinders se naam op hul truie, skoolbaadjies, skoolhemde of rokke aanbring waar mense dit met ’n eerste oogopslag kan sien nie. Werk liewer die naam aan die binnekant vas. Jou kinders sal gemaklik voel wanneer ’n grootmens hul naam ken, en vertel dat Mamma gou uit is, en hulle saam met die vreemde persoon buitetoe moet gaan. 3 Maak altyd seker jy vat nog ’n volwassene saam as jou kinders op ’n inkopietog moet saamgaan. Die een doen die inkopies, die ander hou die kinders dop. Jou aandag word ongelooflik vinnig afgelei en…

Louis vertel van ski-siekte, oftewel Häusler-siekte. “Dit is ’n onrusbarende, potensieel skadelike afwyking wat onder skiërs voorkom. Dit is meer algemeen as wat verwag word en kom onder 10% van skiërs voor. Dis is amper soos bewegingsiekte en is die eerste keer deur prof Rudolf Häusler van die oor-neus-enkeel-departement van die Bern-universiteit in Switserland beskryf nadat hy self aan die siekte gely het.” Dis nodig dat Suid-Afrikaners wat in ons somer in die koue Noordelike Halfrond gaan ski van dié siekte bewus is. “Ski-siekte is ’n vorm van bewegingsiekte,” verduidelik Louis. Sommige mense kry dit as hulle met ’n kar, trein, skip of vliegtuig reis. “Enigiemand kan ski-siekte opdoen, maar kom meer algemeen by mense voor wat gewoonlik bewegingsiekte kry.” Die simptome sluit lighoofdigheid, duiseligheid, kopseer, naarheid en selfs braking…

MAART-BOEK Hierdie maand se wenners wen ’n splinternuwe kookboek met die komplimente van Human & Rousseau. Duinhuis deur Isabella Niehaus is ’n ’n viering van dié oudmoderedakteur se liefdesverhouding met ’n stukkie Afrika-strand en haar kospassie. Duinhuis bied iets van als vir kosliefhebbers en is by toonaangewende boekwinkels beskikbaar. Vind meer uit by www.nb.co.za JAC NÖTHLING IS VANDEESWEEK ONS WENNER: Hoe weet jy of ’n hoendereier nog vars is? Dompel dit in ’n beker water. As dit afsak en op die bodem gaan lê, is dit nog goed. As dit op die bodem vertikaal op een punt staan en ronddans, dan is dit nog goed vir ’n week. As dit op die oppervlak ronddryf, raak ontslae daarvan, want dit kan gevaarlike bakterieë bevat. SOETRISSIES – NOU WEET JY Die soetrissies…

IN WIND, REËN OF SONSKYN Wees gereed vir reënweer met dié veelkleurige Kaapstad-sambreel wat pragtige Kaapse bestemmings uitbeeld. Dis ’n gehaltesambreel, maar lig genoeg om vas te hou wanneer reën, wind of son jou onverhoeds betrap, R650. www.knus.co Eina! Hou hierdie mooi houertjie sommer in jou kombuis of badkamer waar jy in ’n noodgeval vinnig ’n pleister kan uithaal. Dit het 30 pleisters van verskillende groottes in, R50. www.bigblue.co.za UNIEKE PASPOORTOMHULSEL Beskerm jou paspoort met ’n unieke omhulsel wat van ’n skyfiepakkie gemaak is. Die buitekant word met duursame plastiek beskerm en die binnekant is met vilt uitgevoer. En jy sien dit sommer maklik in jou handsak raak, R65. www.hellopretty.co.za FYNGEKAP Kap kruie, neute of growwe speserye sommer in ’n oogwink fyn met hierdie oulike kontrepsie. Druk dit net vorentoe…

ROLPRENTE MARY QUEEN OF SCOTS Met Margot Robbie en Saoirse Ronan Regisseur Josie Rourke WARE HISTORIESE DRAMA Die verhaal is al tevore vertel. In 1971 was dit Vanessa Redgrave en Glenda Jackson wat mekaar die stryd aangesê het as Mary Stuart en Elizabeth I, wat destyds die koningin van Engeland was. Mary is tronkstraf opgelê vir haar “verraad” om Elizabeth te probeer onttroon. Nou word die verhaal oorvertel, dié slag weer eens met twee sterk vroue: Saoirse Ronan as Mary en Margot Robbie as Elizabeth. Kostuumdramas, veral dié wat die Britse monargie aandurf, raak deesdae al weer mode soos hierdie drama bevestig, en volgens buitelandse resensente is dit ’n knap herskepping van die titaniese stryd tussen hierdie twee formidabele vroue. Maria was reeds op 18 ’n weduwee en het geweier…

Karel Schoeman het Verliesfontein, Hierdie lewe en Die uur van die engel as ’n “drieluik” geskryf (drie romans wat by mekaar aansluit, maar nie noodwendig oorvleuel nie). Hulle het nie oorspronklik in chronologiese volgorde verskyn nie. Hierdie lewe het in 1993 eerste verskyn, maar is op die agterblad aangekondig as “stemme 2”. Die uur van die engel (“stemme 3”) het twee jaar later gevolg, terwyl “stemme 1”, Verliesfontein, in 1998 verskyn het. Intussen het dit moeilik geword om veral Verliesfontein en Die uur van die engel in die hande te kry. Hierdie lewe is baie gewild, is met verskeie pryse bekroon en is ook in die “Klassiek-reeks” telkens herdruk. “Die verlede is ’n ander land, waar is die pad wat soontoe loop?” Met hierdie eerste sin van Verliesfontein word die sentrale tema van die drieluik…

Marius Jute, ’n belastingspesialis en sakekonsultant, woon in ’n sekuriteitskompleks in Somerset-Wes. Hy beskryf sy huisstyl as moderne plaasstyl. Hy vertel: “Ek het ’n woning in ’n sekuriteitsoord gesoek. Die ligging van dié oord was perfek vir my lewenstyl, want dit is naby winkels, die gim en die snelweg stad en lughawe toe. Hoewel al die huise in die oord weens estetiese bouregulasies min of meer dieselfde styl het, was hierdie huis se styl en uitleg nogtans uniek.” Hy woon al die afgelope nege jaar daar. Sedert hy ingetrek het, het hy al die meranti-houtdeure en -vensterrame, wat oorspronklik donkerbruin vernis was, afgeskuur en ’n verouderde, natuurlike voorkoms gegee. Dit sluit ook al die binnedeure en -rame in. “Ek het verder die moderne plaasgevoel probeer behou deur die styl van…

PLANT ’N BLOM Op 12 Maart is dit nasionale “Plant ’n blom”-dag. Hierdie dag word tradisioneel in die Noordelike Halfrond gevier. Ons kan hulle gerus volg en ook blomme plant. Life is a Garden stel die Salvia heatwave-reeks voor. Hulle gee kleur in warm en droë klimate en jy sal met die minimum water, voeding en snoei pragtige blomme kry. WENK Moenie die water weggooi waarin jy groente kook nie. Laat dit afkoel en gooi dit oor plante. Dit bevat voedingstowwe vir hulle. HET JY GEWEET? Volgens die webwerf www.didyouknow.com is ertjies die oudste bekende groente op aarde. PLANT IETS Life is a Garden sê Maart is eintlik die beste maand van die jaar om nuwe bome en struike te plant. Hierdie maand is bekend vir sy gematigde temperatuur en…

Het jy al in jou geloof getwyfel? Jy het seker al baie keer, maar dis mos nie iets wat ’n mens sommer erken nie. Is twyfel ’n laagtepunt in ons geestelike reis saam met God, of is dit ’n baie noodsaaklike deel van geestelike groei? Skrywers, teoloë en filosowe het honderde jare oor hierdie vraag gestoei en baie glo dat oomblikke van twyfel tot ’n groter begrip van ons geloof lei. Twyfel kan ’n manier wees om God beter en dieper te leer ken. Die realiteit is dat niemand se geloof perfek is nie. Die goeie nuus is egter dat dit kan groei en sterker word. Philip Yancey skryf in sy boek A Skeptic’s Guide to Faith dat God ons nie net die vryheid toelaat om te twyfel nie, maar…

Dis energie is amper tasbaar in die ateljees waar die kykNETsepie Suidooster verfilm word. In die ruskamer sit ’n akteur of twee besig om hul woorde te leer, aktrise Jill Levenberg groet vinnig in die verbygaan op pad na haar kleedkamer terwyl ’n paar ander ’n haastige middagete in die kafeteria geniet. Elke aand sit kykers rustig en volg die wel en wee van die karakters, onbewus van wat agter die skerms gebeur en die harde werk wat dit verg om een episode per dag te verfilm. Dis nie vreemd dat die meeste sepieakteurs erken dat hulle nie veel tyd vir ’n persoonlike lewe het nie. Jy wonder hoe Desiré Gardner, ma van twee kleingoed, daarin slaag om kop bo water te hou, maar as jy gedink het sy’s ’n…

Toe Wynne Bredenkamp (27) moes toekyk hoe haar ma, jare lank ’n sakevrou en sexy silwerkop, sukkel om klere te kry wat elegant én modieus is, het sy besluit: Hier is ’n sakegeleentheid. ’n Paar maande later was “Not Going Quietly” ’n realiteit: Wynne se klere-handelsmerk wat in die modebehoeftes van ouer vroue met tydlose styl voorsien. Volgens Wynne is die doel om eenvoudige, maar asemrowende, fyn afgewerkte kledingstukke uit luukse materiale te skep. Haar ma se klagte – soos soveel ander vroue bo 50 s’n – was dat die meeste kettingwinkels nie genoeg voorsiening vir haar grootte maak nie. “Sy dra ’n grootte 16 en dis maar net ’n rapsie groter as die gemiddelde Suid-Afrikaanse grootte 14,” vertel Wynne. “Dit het haar ontmoedig om te gaan inkopies doen. Boonop…

“Die vrou het na my en my man gekyk en gesê dat sy ons drie kinders sien,” vertel Ilse Kleyn as sy terugdink aan ’n oggend, 21 jaar gelede, toe sy en haar man ’n kerkdiens bygewoon het. “Die vrou het ’n sterk profetiese gawe gehad. En hoewel ek en my man, wat in daardie stadium albei in die polisiediens was, met ons karige salarisse besluit het dat ons net ons twee dogtertjies sou hê omdat ons nie ’n derde kind kon bekostig nie, het die vrou aanhou sê dat sy ons met drie kinders sien. Die jongste was ’n seuntjie. “Ons het dit gehoor, maar dit daar gelos. My man was immers reeds vir ’n operasie sodat ek nie weer sou swanger word nie.” Vir Ilse was dit ’n…

Klassieke versnit Baie van die Stellenbosch cabernet sauvignons van die jare vyftig, sestig en sewentig het die cinsault-kultivar as geheime bestanddeel gehad. False Bay Vineyards vier hierdie kultivar nou met hul Revenant Red. “Stellenbosch is bekend vir cabernet sauvignon. Wat die meeste mense egter nie weet nie, is dat cinsault baie jare lank ’n groot rol in bekende cabernet sauvignonversnitte gespeel het,” sê Waterkloof Nadia Barnard-Langenegger. “Hierdie elegante wyne het ons geïnspireer om ’n nuwe weergawe van ’n versnit van cabernet sauvignon en cinsault te maak.” Die eerste oesjaar van Revenant Red word vir False Bay Vineyards by die Waterkloof-landgoed geproduseer. Dis teen R100 per bottel by Waterkloof beskikbaar en ook landwyd by sekere restaurante. Besoek www.waterkloofwines.co.za In oorwinning verdien jy sjampanje, in ’n nederlaag het jy dit nodig– Napoleon…

HALFMAANROLLETJIES 12 rolletjies 30 ml (2 e) louwarm water30 ml (2 e) suiker½ pakkie (2,5 g) kitsgis160 ml (¾ k) louwarm melk45 ml (3 e) botter, gesmelt1 groot eier5 ml (1 t) sout 650 ml (350 g) witbroodmeel45 ml (3 e) sagte botter 1 Meng water, suiker en gis totdat die gis opgelos het.2 Gooi melk, gesmelte botter, eier en sout by en meng goed.3 Gooi meel by en knie totdat soepel en elastiese deeg vorm.4 Bedek met kleefplastiek en laat rys tot dubbelvolume.5 Voorverhit oond tot 180 °C en spuit bakplate met kleefwerende sproei.6 Knie deeg af en vorm ’n bal. Plaas op meelbestrooide oppervlak en rol uit om sirkel (33 cm deursnee) te vorm. Smeer met sagte botter.7 Sny sirkel met pizzasnyer in vier kwarte. Sny dan elke…

Daar is altesaam vier Erasmussibbe. Danielle, haar ouer sussie, Diane, en hul jonger tweelingboeties, Danie en Phillip (wat seker nooit pa Danie en ma Debbie oor daai moedswillige P sal vergewe nie). Kleinboet Danie besluit om met sy lieflike Engelse meisie Pips af te haak – toevallig ook een van ’n tweeling – en ons almal trek op Plettenbergbaai toe waar die spulletjie se makelaarspa steeds woon en die seuns ná hul ouers se egskeiding grootgeword het. Danielle is kniediep in haar laaste rondte eksamens net voor sy graad vang en ons besluit om vir ’n paar maande saam op die waterkar te ry. Haar vakke is deksels moeilik en haar breinselle kort elke bietjie hulp wat hulle kan kry. Ongelukkig beteken dit ons gaan die bruilof droëbek aanpak. Nou…

“Ek kan nie aanvaar dat ’n groot deel van verskeie Afrika-lande se kultuurerfenis in Frankryk is nie,” het pres Emmanuel Macron in November verlede jaar in Burkina Faso gesê. “Daar is historiese verduidelikings daarvoor, maar daar is geen blywende en onvoorwaardelike regverdiging daarvoor nie.” Volgens ’n verslag wat aan Macron voorgelê is, is 90 tot 95 persent van die vasteland se kunserfenis tans in lande buite Afrika se besit. Maar die siening van die Franse president – dat kunswerke (en wat genoem word artefakte) uit Afrika wat tans in Franse museums geberg word op ’n “tydelike of permanente basis” aan die onderskeie volke terugbesorg word – stuit op kwessies soos: Wie is die oorspronklike eienaars? Wat beteken “tydelik” en is dit minder oneties as om die werk gewoon in Franse…

MOEILIKHEIDSGRAAD: ⋆⋆ BENODIGDHEDE (PER PLEKMATJIE) Sirkelveselbord met deursnee van 25 cm en 40 gaatjies of veelvoude van 4 (by handwerkwinkels beskikbaar)Spaghetti T-shirt Yarn Mix a Match (100 g-balle): 1½ balle Col 121 per matjieDun hekelpen wat deur gaatjies pas6 mm-hekelpenNaald met groot oogTurkoois en roomkleurige handwerkverfStensil van jou keuse en stensilkwasKwasSpuitvernis AFKORTINGS EN STEEKVERDUIDELIKINGS beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, sp = spasie, vlg = volgende VERFMETODE Verf die bord met 2–3 lae turkoois verf en laat goed tussen die lae droog word. Plaas die stensil op die bord en wend die roomkleurige verf met die stensilkwas op al die oop gedeeltes van die patroon aan. Maak seker…

KÊREL SE SWEETVOETE My vriend is ’n wonderlike, aantreklike ou. Hy is baie higiënies, maar het sweetvoete. As hy sy skoene op ’n warm somerdag uittrek, is dit asof daar ’n komposhoop in die sitkamer is. Ek het al vir Kersfees en vir sy verjaardag vir hom toiletware gekoop wat voetprodukte insluit, maar hy gebruik dit nie. Hoe nou gemaak? Ek wil diplomaties wees en ek wil hom nie verloor nie. – Anoniem Daar is ’n moontlikheid dat hy aan ’n toestand bekend as hiperhidrose (oormatige sweet in die liggaam of sekere liggaamsdele) ly. Hy sal ’n medikus se diagnose benodig om dit te bevestig en werklik sinvolle hulp te kan ontvang. Die behandeling het gewoonlik ’n goeie prognose en val binne die veld van dermatologie. Dit is waarskynlik dat…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 12 woorde, goed 16 woorde, baie goed 21 woorde of meer, uitstekend OPLOSSING: Kwarantyn, kwartyn, kwatryn, wankant, krawat, wynkan, wynrak, karwy, kwart, wraak, kawa, kwar, kwyn, kwyt, twak, twyn, waak, waan, waar, want, wrak. Woordsoek Met die Oscars op almal se lippe, moet jy hierdie week 16 bekendes opspoor wat tussen 2010 en 2018 op…