Innholdsfortegnelse for 22 February 2019 i Vrouekeur

So vertel ’n dierbare vriend my so ’n wyle terug hoe ’n opmerking van sy man hom in sy spore gestuit het. Dié vriend het in ’n situasie oor iets kritiek gelewer en soos wat ons almal soms doen, sommer kritiek op ’n klomp ander goed gelewer. Om krities te wees, is nie op sigself ’n probleem nie, maar dit kan gebeur dat omstandighede jou so oorweldig dat jy alles kritiseer. Sy man se opmerking was nie aggressief of gemeen nie, maar in die kol toe hy sê: “Als is nie stukkend nie.” Ons almal voel soms of dinge te veel raak en ons deur ons omgewing en omstandighede oorweldig word. Niemand van ons leef in ’n vakuum nie. Dinge en mense kan jou soms oorweldig en dan voel jy…

Vir die eerste 11 jaar van haar lewe het Christien Neser se gesin in Bloemfontein gewoon, waar Christien se pa ’n professor in chemie en haar ma ’n tuisteskepper was. Telkens wanneer sy saans bang was om alleen in haar bed te slaap, moes sy met ’n storie ’n plek in haar sussie se bed “verdien”. “Later, in ons straat, Sapper’s Contour in Lynnwood, het ek naam as spookstorieverteller gemaak. Die straat se kinders het gereeld op ’n naweekaand by iemand se huis bymekaargekom, die ligte afgesit, almal op een bed geklim en spookstories vertel.” Opstelle was op skool haar forte. “Ek het naaldwerk en huishoudkunde in graad 8 en 9 deurgekom op die talente van my maats vir wie ek in ruil opstelle geskryf het.” In Hoërskool Menlopark het…

Die wye wêreld hou al van kleins af ’n bekoring vir Jens Friis (46) van Johannesburg in. Hy is op Philippolis in die Suid-Vrystaat gebore “waar Engels ’n vreemde, eerder as ’n tweede taal is”. Daar, tussen Trompsburg en Colesberg, het Jens reeds as kind van vreemde plekke gedroom. “Ek wou meer van die wêreld weet en het penmaats in Berlyn, Chicago en Mauritius gehad,” vertel hy. As kind was daar talle gesinsvakansies saam met pa Jens, wyle ma Naómi en boet Nico, na Jeffreysbaai, Hartenbos of vir kuiers by ouma Kietie op Middelburg in die Kaap. Jens sê hy was altyd “die ene oë en ore op die langpad”. Ná een so ’n vakansie in die Laeveld het hy sy sub-A-juffrou, Alta Snyman, uitgeboul omdat hy ewe kontant “Tzaneen”…

TOUSPRING VIR TEGNOLOGIELIEFHEBBERS Om tou te spring, is net soos om te probeer hoela-hoep. Dis aansienlik makliker as jy jonk is en moet liefs in die privaatheid van jou huis gedoen word. As jy lus is om ’n bietjie fikser te word deur die springtou weer op te neem, wat van ’n supertegnologiese een? Deur gebruik te maak van ingeboude LED-liggies wat sinkroniseer, vertoon Tangram se Smart Rope reg voor jou in die lug die hoeveelheid spronge en kalorieë wat jy verbrand. Die tou maak van laerringe (ball bearings) gebruik om dit makliker te laat swaai, terwyl dit ook data na ’n toep aflaai. Teen R1 100 vir die Smart Rope sal dit my skuldig genoeg laat voel om vir minstens ’n week lank te spring. ’N KOELER STYL Die…

GERIEFLIK Pak jou kos en koeldrank wat jy by die werk of skool gaan eet in hierdie mooi kossakkie van Crazy Store, R39, 99. www.crazystore.co.za In die kombuis As jy ’n Carrol Boyes-aanhanger is, het jy rede om opgewonde te raak. ’n Nuwe tekstielreeks is bekendgestel, waaronder hierdie mooi voorskoot, R595. Gaan loer op www.carrolboyes.com vir nog artikels. LEEF GESOND Leef gesond met Herbalife Nutrition se nuwe formule met ’n piesangroomgeur. Dit bevat 24 vitamiene en minerale en het geen bygevoegde kleur-en geurmiddels nie. Dit verskaf proteïene, vesel en noodsaaklike voedingstowe. Dis geskik vir veganiste en is glutenvry. www.herbalife.co.za Vars! Vlos beter met die Waterpik Ultra Water Flosser. Dit verwyder plaak maklik en is doeltreffender as gewone garingvlos. Die kombinasie van waterdruk en polsaksies stimuleer die tandvleis en maak diep…

Oor naaktheid in kuns het mense al om verskeie redes omgekrap geraak. Dink maar aan die Guerrilla Girls se proteswerk van 1989 wat nou in die Tate Britain hang: Do Women have to be naked to get into the Met Museum? Neffens die afbeelding van Ingres se La Grande Odalisque (1814), met die kop van ’n grynsende aap, pryk dié woorde: “Less than 5% of the artists in the Modern Art Sections are women, but 85% of the nudes are female.” Dink eweso aan die Manchester-kunsmuseum in Engeland wat John William Waterhouse (1849–1917) se skildery Hylas and the Nymphs verwyder het as ’n manier – so het die museum aangevoer – om ’n gesprek aan die gang te kry oor die interpretasie van “só ’n werk” in die konteks van…

Op ’n mooi dag, soos in elke Walt Disney-tekenprent, kry die vaalseun sy oomblik van glorie. So skaars is sulke dae, en so soet die glorie, dat jy die nasmaak daarvan ’n leeftyd lank kan proe. Ek was nie die bleekste van die bleeksiele in my skool nie. Daar was gebiede waarop ek hoog genoeg teen die paal op was dat jy my met ’n pea shooter kon teiken. Maar ook ander waar jy my grondlangs sou kry as jy my soek. Op prysuitdelingaand word die skape van die bokke geskei. Ek staan daar met ’n stapeltjie boekpryse. Hoër op in die ry vir die foto staan, kom ons noem hom Leon. Sy arms is so gelaai van die bekers dat sy biseps deur sy gespande baadjiemoue wys. Dit help…

Ellenore is die eienaar van die Rooi Suitcase in Meyerton en ’n verfghoeroe. Hier verduidelik sy stap vir stap hoe sy dié Marokkaanse aksentmuur met Granny B’s Old Fashioned Paint en produkte geverf het. Die stensil wat sy gebruik het, is ’n Rooi Suitcase-ontwerp. Só maak jy: Begin deur jou agtergrond te verf. Ek het Liquid Metal Bronze en Gold eweredig gemeng en twee lae geverf. Onthou metaalverf verf mens net in een rigting, anders maak dit strepe. Ek het dit ’n dag gewag sodat die verf goed droog kan word voor ek begin stensil het. Só maak jy 1 Vir die stensil het ek my Moroccan Lattice-stensil gebruik wat uit twee stensils (nommer 1 en nommer 2) van 130 cm x 90 cm bestaan.2 Begin met die nommer 1-stensil…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Foppery of kullery, veral by kinderspeletjies SMS jou antwoord, voorletters, van en dorp/stad voor of op 13 Maart 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

As Jo-Ann Strauss haar hand aan iets nuuts waag, doen sy dit met oorgawe. Met ’n Instagram-inleiding wat die gesegde: “Opportunity dances with those already on the dance floor,” gebruik, is dit ook heeltemal te verstane. Mawees is ook geen uitsondering nie. Hierdie 38-jarige voormalige Mej Suid-Afrika en Top Billing-aanbieder en haar man, die ortopediese chirurg dr Michael Held, het nou drie pragtige woelwaters: ’n vyf maande oue dogtertjie, ’n tweejarige dogtertjie en ’n vierjarige seuntjie. Drie kinders binne vier jaar. En as jy gedink het sy is moeg en afgerem, dink jy verkeerd. Dis asof sy nog mooier en meer selfversekerd is as daardie dag 18 jaar gelede toe sy die kroon as die mooiste in die land gedra het. Sy het prentjiemooi foto’s van haar met ’n blommekrans…

Dis die tipe “nuus” op Facebook wat jou gewoonlik vies maak: ’n Minister van basiese onderwys wat leerders aanraai om nie gedurende die vakansie aan hul boeke te vat nie omdat te veel studie hulle breinkanker kan gee? Kan jy dit glo? Vele Facebook-gebruikers hét dit geglo. Baie het dit aangestuur of daarop kommentaar gelewer. Die waarheid is egter dat die minister dit nooit gesê het nie. Dit was fopnuus. Die departement van basiese onderwys was al verskeie kere die teiken van fopnuus. Maar hoekom sal enigiemand sulke nuus uit die duim suig? IS DIT FOPNUUS? Prof Herman Wasserman, ’n professor van mediastudies en direkteur van die Sentrum vir Film-en Mediastudies aan die Universiteit van Kaapstad, sê fopnuus is eintlik ’n swak gedefinieerde begrip. “Binne dié begrip val daar ’n…

MANGO GROOVE VIER 30 JAAR Mango Groove vier hul 30ste bestaansjaar op 8 Maart met ’n konsert by die Teatroteater by Montecasino, Fourways. Die konsert sal ’n viering van Suid-Afrika se diversiteit wees. Kaartjies vanaf R300 per persoon is via Computicket beskikbaar DIE KNYSNA-WOORDFEES Die Knysna-woordfees word vanjaar 8–10 Maart gehou. Die fees is al tien jaar oud en die diverse program fokus op aktualiteit, geskiedenis, avontuur, bewaring, kos en die vertel van stories. Skrywers op die feesprogram vir die 2019-fees sluit onder andere Emma Sadleir, Adam Habib, Tony Park, Ralph Mathekga, Bantu Holomisa en Claire Bisseker in. Vir meer inligting, besoek www.knysnalit-eraryfestival.co.za MAKIETIE OP KAKAMAS Die Oesaffees word op Saterdag 2 Maart by die Hoërskool Martin Oosthuizensportterrein op Kakamas gehou. Die dag word deur die NG Kerk Kakamas en…

Eendag lank gelede was daar ’n verliefde grotbewoner. Sy het ’n spatseltjie rooi klei in haar handpalm natgemaak en gewonder: As ek dié goed op my lippe sit, sal hy my raaksien? Dit is nou duisende jare later. Victoria Beckham gebruik ’n spesiale peperduur velroom wat uit haar eie bloed gemaak is en jong meisies “suig” hul lippe met bottels groter om soos Kylie Jenner s’n te lyk. Die skoonheidsbedryf is ’n massiewe, winsgewende bedryf op die mens se soeke na ewige jeug en aanvalligheid geskoei, maar nie noodwendig op wysheid nie, as mens die geskiedenis (en hede!) so bekyk. HOE BLEKER, HOE BETER? As jong tiener het ek allerhande konkoksies probeer om my sproete te laat verdwyn. Een velroom het aaklig geruik, maar was steeds snags in ’n dik…

KAP DIE UI 1 Kap bopunt van ui af. Draai sodat plat kant teen kapbord is.2 Sny ui in helfte. Sny deur wortel na plat kant teen kapbord.3 Draai ui dat grootste plat kant nou teen kapbord is.4 Hou wortelkant vas en maak snytjies in rigting van natuurlike lyntjies. Sny deur tot by kapbord, maar nie deur tot by wortel nie.5 Sny nou in teenoorgestelde rigting as vorige sny.6 Maak nog snytjies as jy nader aan wortel kom.7 Sny alles af tot net wortel oorbly. Jy behoort nou perfekte klein blokkies te hê. SPEK-EN-SKYFIE-UIERINGE 4 porsies 4 uie500 g (2 pakkies) repiesspek60 ml (¼ k) koekmeel2 eiers45 ml (3 e) melk45 g x 2 (2 pakkies) brandrissie-gegeurde skyfiesSOUS125 ml (½ k) mayonnaise30 ml (2 e) sriracha-sous Stel oond op 180…

Die sonnetjie het skaars sy kop opgelig toe ons by Toeka-stoor op Domaine Brahms, noordwes van die Paarl, indraai. Die geplaveide pad met die stoor teen ’n bultjie kronkel verby toeka se stropers, trekkers en ou motors. My pa se oë word sag toe ons instap en sy 88 jaar val weg, sy rug trek regop en hy vertel hoe hy as kind met hierdie of daardie ding gewerk het; hoe hy onthou toe die of daai in die jare vyftig of sestig so ’n ou Wolseley-motor “uit die boks” gekoop het. Ons stap met moerkoffie in blikbekers deur die store. Toeka-stoor is skaars ’n jaar oud en dis só gewild daar is al meer store! Hoenders pik by ons voete rond terwyl ons ontbyt met plaasbrood, wat net daar…

Dit is vanjaar 30 jaar gelede dat Steven de Groote, die suksesvolle konsertpianis, op 36 dood is. Hoewel daar heelwat uitmuntende plaat-en CD-opnames van sy spel bestaan, hoor mens dit selde en is te min mense daarmee bekend. De Groote was 24 toe hy in 1977 die eerste Suid-Afrikaner geword het wat die gesogte Van Cliburn-klavierkompetisie in die VSA gewen het, ’n prestasie wat hom ’n gereelde solis op die wêreld se vernaamste verhoë gemaak het. Dié kompetisie, wat elke vier jaar aangebied word, is nie daarop gemik om potensiële talent te ontgin nie, maar om ’n (tot nog toe onbekende) kunstenaar van wêreldformaat aan die musiekwêreld bekend te stel. In dié opsig sou die kompetisie reg laat geskied aan die statuur van Lavan (Van) Cliburn, na wie dit genoem…

Die volksnaam drakeboom is ’n bietjie onbillik vir hierdie mooi gevormde en kleurryke cordyline-hibriede wat nie draakagtig groei of vuur spoeg nie. Toeka sou die gewone Cordyline australis, ’n palmagtige plant met smal, lansvormige blare wat in ’n groot roset gerangskik is, een van die eerste plante gewees het wat aanbeveel sou word vir tuiniers op soek na ’n dramatiese aksentplant wat taai genoeg is om in amper enige klimaat te oorleef! Later het Cordyline australis ‘Red Sensation’ beskikbaar geraak met sy breë maroen blare. Baie ouer stedelike tuine spog steeds met óf C. australis óf ‘Red Sensation’, indien nie met albei nie. Hierdie ou tawwe tienies wat ongeveer 5 m hoog kan word, kan droogte, vloede, bittere koue en ryp oorleef. Siekte en plae het hulle nooit regtig gepla…

Deel van die probleem met fopnuus is dat dit ’n wapen in die hande van politici geword het, nie net deurdat hulle dit versprei om ’n opponent te diskrediteer nie, maar ook deurdat hulle enige ander nuus waarmee hulle nie saamstem nie dan as fopnuus etiketteer, soos Donald Trump dikwels tydens die Amerikaanse verkiesingsveldtog in 2016 gedoen het, verduidelik Herman. Die politieke stryd tussen Donald Trump en Hillary Clinton tydens die presidentsverkiesing was deurspek met fopnuusberigte wat soos veldbrande versprei het. ’n Analise deur die Internetmedia-maatskappy Buzzfeed toon dat die 20 gewildste fopnuusstories tydens dié verkiesingveldtog sowat 1,3 miljoen meer Facebook-interaksies (soos deel, reaksie of kommentaar) as die 20 gewildste ware stories ontlok het. In Suid-Afrika was die grootste fopnuusskandaal tot dusver toe Bell Pottinger deur die Guptas betaal is…

WAAR KOOP EK DIT? Jet www.jetonline.co.za 0860 113 639 Mr Price www.mrp.com 0800 212 535 Pick n Pay www.picknpay.co.za/clothing 0800 11 22 88 Poetry www.poetrystores.co.za 0860 555 29 Queenspark www.queenspark.com 021 460 9400 customercare@queenspark.com Snob Milano www.snobmilanosa.co.za 011 440 7611…

FEBRUARIE-BOEK In die maand van liefde kan jy twee Romanzas met die komplimente van Lapa Uitgewers wen. In sy arms deur Felicia Snyman gaan oor Delia. Sy kan nie glo haar onwillige Samaritaan is Adriaan Bromberg, haar niggie se skripsieleier nie. Ongeag hoe baie hy aan haar hart raak, dra hy swaar aan sy grootwordjare. In Ilze Beukes se Toe vind ek jou is Olivia vasbeslote om haar biologiese pa te ontmoet, maar haar nuwe bestuurder, Jean-Luc, is hinderlik aantreklik en trek haar aandag af. Besoek www.lapa.co.za en toonaangewende boekwinkels MARTIE CRONJÉ VAN BANANA BEACH HET HIERDIE WENKE MET ONS GEDEEL: 1 As jy gekookte eiers sonder moeite wil afdop, gebruik ’n gewaste mayonnaisebottel. Maak die bottel kwart vol met koue water, sit die eier daarin en skud die bottel.…

SPINASIEDRIEHOEKE 20 spanakopitas 1 groot ui1 pak (250 g) spinasie5 ml (1 t) vars dille1 groot eier15 ml (1 e) koekmeelsout en peper160 g fetakaas, in blokkies gesny1 pak (500 g) fillodeeg, ontdooi180 ml (190 g) botter, gesmelt Voorverhit oond tot 180 °C en spuit bakplate met kleefwerende sproei. 1 Kap ui en spinasie fyn. Braai ui in olyfolie tot sag en gooi spinasie en dille by. Braai tot spinasie verwelk. 2 Verwyder van hitte en gooi eier en koekmeel by. Roer tot gemeng. Geur met sout en peper. 3 Gooi fetakaasblokkies by en meng. 4 Smeer drie lae fillodeeg met botter en pak op mekaar. Sny in breedte in vyf ewe groot stroke. Skep lepelvol spinasie op elkeen en vou toe in driehoekvorm. Herhaal tot deeg en vulsel op…

Baie dinge het al gebeur wat ons lewens drasties en indringend verander het. ’n Paar bekendes wonder oor die dinge wat die lewe vir álmal draagliker kan maak. En nee, dis is nie tegnologie nie. Ja, die selfoon is ’n uitvindsel wat veronderstel is om die lewe geriefliker te maak, maar Stefan Enslin (39), die bekroonde vervaardiger, roman-en draaiboekskrywer en die stigter van die produksiemaatskappy Faith in Motion Productions, sê dit het dinge slegter gemaak. “Ons kan vinniger met mekaar in verbinding tree, maar is dit werklik kommunikasie? Omdat ons slimfone nou e-pos, WhatsApp, SMS, Messenger, Instagram, Twitter, Facebook en dies meer op het, sien ons dit as die aanvaarbare manier van ‘kommunikeer’. “Omrede fone nou meer gebruik word om met mekaar te kommunikeer, praat ons nie meer van aangesig…

Verlede week het ek oor een van die belowende debuutwerke van verlede jaar, Alettie van den Heever se Stof, geskryf. Hierdie week kyk ek na nog ’n debuutroman, Die daggaboer deur Jean-Pierre de Kock. Met die wettiging van dagga wat verlede jaar in Suid-Afrika groot nuus was en wat ook in al meer in ander lande (soos Kanada) begin spoed optel, trek die titel van die roman sommer baie aandag. Die daggaboer van die titel is Lennet Loots. Hy was nie altyd ’n daggaboer wat in ’n woonwa op ’n kleinhoewe naby Baardskeerdersbos gewoon het nie. Eens was hy deel van die korporatiewe gejaag na geld en statussimbole. Hy was ’n suksesvolle rekenmeester met ’n kar en ’n huis wat hy, soos hy dit vir sy broer stel, “nie kon…

ROLPRENTE BLINDSPOTTING 8/10 Met Daveed Diggs en Rafael Casal Regisseur Carlos López Estrada GEWELDDADIGE DRAMA Nee, hokaai! Die 8/10 beteken nie Pa, Ma en al die kinders moet fliek toe haas om kaartjies te gaan koop nie. Dis een van die taaiste flieks van die jaar met karakters wie se monde so vuil is, geen bleikmiddel sal eens ’n letter daarvan kan uitwis nie. Wees gewaarsku! Dit is gewelddadig, speel op Los Angeles se wreedste strate af en karakters sê mekaar sleg dat jy jou ore wil was. Die rede vir die resensie is omdat dit orals geloof is, pryse gewen en lofsange gekry het, ook van hierdie resensent. Ons, wat in so ’n gewelddadige land (sommige mense noem dit ’n rowerland!) woon, sal volkome verstaan hoe realisties die fliek…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 14 woorde of meer, uitstekend OPLOSSING: Komkommer, kommer, kromme, moker, omkom, kerm, krom, memo, merk, moer, moor, more, roem, room Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke…

Dikwels het ons dinge lief en gebruik mense. Terwyl dit eintlik sekerlik andersom moet wees. Liefde is wat ons wêreld sekerlik die meeste nodig het, maar die wêreld is dikwels verward en deurmekaar wanneer dit by liefde kom. In Joh 13:34–35 sê Jesus: “Julle moet mekaar liefhê soos Ek julle liefhet …” Jesus stel die voorbeeld. Hy sê nie vir ons om iets te doen wat Hy nie eers self gedoen het nie. Toe Benjamin Franklin die mense van Philadelphia in straatligte wou laat belangstel, het hy ’n pragtige lantern voor sy eie voordeur gehang. Mense wat in die aande in die donker geloop het, het dit van ver af gesien. Vir elkeen het dit gevoel asof die lig sê: “Loop hierlangs! Hier is dit veilig om te loop. Moenie…