Innholdsfortegnelse for 15 February 2019 i Vrouekeur

Dis Februarie en waar jy kyk, is harte van sjokolade en rooi langsteelrose vir Valentynsdag te koop. Kan ’n mens regtig beskryf wat dit is om iemand lief te hê? Ek dink nie so nie. Dit beteken nie mense gaan ophou skryf of dig oor die liefde nie. Die liefde kan nie uitgeskryf raak nie. Allerliefste, ek stuur vir jou ’n rooiborsduif want niemand sal ’n boodskap wat rooi is skiet nie. Ek gooi my rooiborsduif hoog in die lug en ek weet al die jagters sal dink dis die son. Kyk, my duif kom op en my duif gaan onder en waar hy vlieg daar skitter oseane en bome word groen en hy kleur my boodskap so bruin op jou vel Want my liefde reis met jou mee, my…

Mens wil dit nie ’n “gelukkige einde” noem nie. Want hoewel Annelie Botes en die gryse deesdae gelukkig is, is dit allermins die einde. Hulle het nog heelwat dinge om te doen – soos om saam deur Namibië te toer. Haar skryfwerk is egter ’n stok in die speke van dié droom, vertel sy oor ’n koppie koffie in Pretoria, op pad na ’n boekbekendstelling van haar nuwe boek, Kainsmerk. “Ek wil drasties afskaal met die skrywery. Ná die volgende boek I will call it a day,” sê sy, maar voeg dan vinnig by: “Ag, ek sal nie hééltemal ophou skryf nie, daar sal nog rubrieke en kortverhale en so wees. Maar ek wil nie meer elke paar maande ’n groot spertyd vir ’n boek hê nie.” Chris is immers…

In hierdie maand van die heilige Valentyn word ek gereeld na gedigte gedryf. Elke keer as ek ’n swak bewoorde, onoorspronklike, soetsappige liefdesverklaring op sosiale media sien, gryp ek na ’n digbundel. Ek wéét die saai en sentimentele tuisgemaakte boodskappies word goed bedoel, maar ek weet ook die pad na die hel is met goeie bedoelings besaai. Mense, wil ek uitroep, as julle dan nou jul liefde in die openbaar moet verklaar, doen dit minstens behoorlik! Leen ’n ware digter se liefdeswoorde! En nee, moenie dink enigeen kan tog ’n ou versie aanmekaarplak nie. Moet liewers nie self probeer nie. Dis soos om te glo enigiemand kan ’n opehartoperasie uitvoer. Jy sal tog nie self jou geliefde se bors oopsny om aan sy of haar hart te peuter nie, sal…

MURGPAMPOENTJIE-ROOMGEBAK 4 porsies 10 middelslag-murgpampoentjies250 ml (1 houer) room15 ml (1 e) mielieblom15 ml (1 e) groentespeserye60 ml (¼ k) parmesaan Stel oond op 180 °C. 1 Sny murgpampoentjies in helfte deur. 2 Klits room, mielieblom en speserye saam. 3 Giet oor murgpampoentjies en sprinkel met parmesaan. 4 Bak vir 20–30 minute of tot net sag en borrelend. PASTA MET KAAS EN MAALVLEIS 4 porsies 500 g (1 pak) pappardelle-pasta43 g (1 pakkie) kaaspastasous250 ml (1 k) melk500 g maalvleis500 ml (2 k) gerasperde kaas Stel oond op 180 °C. 1 Kook pasta in borrelende soutwater tot net sag. Dreineer en hou eenkant. 2 Maak pastasous aan soos op pakkie aangedui. Roer melk by. 3 Braai maalvleis, geur met sout en peper en braai tot goudbruin. 4 Meng maalvleis, pasta,…

SKEER MET DIE BESTE Lion Shave is ’n ou bekende op die rakke, maar spog deesdae met ’n nuwe voorkoms. Kies uit skeermesse, -rome of -jels en lemmetjies wat elke man op sy beste sal laat lyk. Skeerrome R29,90, skeerjels R46,77 en weggooibare skeermesse vanaf R13,32. GLADDE SKEER Die BIC Miss Soleil-skeerreeks sorg vir gladde bene en onderarms. Dis só ontwerp dat jy jouself nie sommer sal raakskeer nie. Ideaal vir meisies wat begin skeer. *Pryse onderhewig aan verandering FNUIK DIE VLEIS Met dié dat soveel mense deesdae vegetariërs en veganiste is, het Checkers- en Checkers Hyper-winkels Linda McCartney Foods bekendgestel. Van die produkte in die reeks is heerlike vegetariese worsies, pasteie en hamburgerfrikkadelle, vanaf R24,99. SKITTERBLINK SWEMBAD Laat jou swembad blink met die Robotic Pool Cleaner. Dit het ’n…

Charlotte Prodger, ’n 45-jarige Britse kunstenaar wat in Glasgow woon en werk, is einde verlede jaar as wenner van die 34ste Turner-prys aangewys. Dié prys, wat dikwels omstrede is en in die verlede al hewige meningsverskille in die pers, asook hewige argumente in kunskringe uitgelok het, word as die belangrikste Britse kunsprys en een van die toonaangewendste pryse ter wêreld gereken. Dié prys was al vir menige wenner die nodige hupstoot vir ’n suksesvolle loopbaan. Prodger se mededingers om die 2018-Turner-prys was Naeem Mohaiemen, Luke Willis Thompson en die kunstekollektief Forensic Architecture. Die beoordelaars het die kunstenaars op die kortlys beskryf as “toegewyde kunstenaars wat ’n verskil in die alledaagse lewe wil maak”. Bridget, die een kortprent waarmee Prodger dié prys van net minder as ’n half miljoen rand verower…

Dit is altyd ’n spesiale gebeurtenis wanneer ’n debuutroman deur ’n jonger skrywer ’n mens laat regop sit. Mens kan nie anders nie as om met opwinding kennis te neem van Alettie van den Heever se debuutroman, Stof, wat aan die einde van 2018 verskyn het. Wat taalgebruik, vertelstyl, tema en verhaalruimte betref, bied die roman ryke stof. Die romanruimte is ’n post-apokaliptiese landskap in 2081. Die bekende omge wing van die Wes-Kaap is onherroeplik deur ekologiese rampe vernietig wat tot ernstige gesondheidsprobleme onder mense gelei het. Die ekonomiese en politieke stelsels soos ons dit vandag ken, het verval. Geleidelik word deur terugverwysings ’n blik gebied op die totale ineenstorting van ’n menswaardige lewenswyse wat op die “hardskip” gevolg het (die woord waarmee die mense na die ineenstorting verwys wat…

MOEILIKHEIDSGRAAD: ⋆⋆ BENODIGDHEDE MoYa 100% Katoen DK (50 g-balle): 1 bal elk Thunder, Natural, Coral en Bubblegum 3 mm-hekelpen Houthangers Naald met groot oog AFKORTINGS EN STEEKVERDUIDELIKINGS beg = begin, dies = dieselfde, dr = draai, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, sp = spasie, st = steek, vlg = volgende. Spykersteek: 1 Steek die pen reg deur die hekelwerk op die plek wat deur die patroon aangedui word.2 Slaan die draad oor die pen en trek die lang lus na die voorkant toe deur.3 Voltooi die steek soos gewoonlik. Moenie die hekeldraad te styf trek sodat die hekelwerk ineengetrek word nie. Springmieliesteek: 1 Hekel die aantal langbene in dieselfde steek.2 Verwyder die pen uit die lus…

Kom ons gesels oor die liefde aangesien Februarie die maand van die liefde is en ons dié week Valentynsdag vier. Dis nou maar eenmaal so dat as mens al lank getroud is, jy nogal in ’n groef vasval – ons doen dieselfde dinge jaar in en jaar uit. Ons verloor daardie vonk wat ons aan die begin gehad het. Dink ’n bietjie vir ’n oomblik as jy jou maat se hart van voor af moes wen, wat sou jy doen? Jy sou skielik baie moeite met jou voorkoms doen, meer belangstel in wat hy/sy mee besig is, aan idees dink om hom/haar te verras of spesiaal te laat voel. Een van die beste instruksies oor liefde kry ons in Op 2:4–5. Die konteks van die gedeelte is oor gelowiges wie…

Net die son se neus steek bokant Tafelberg uit wanneer Roeline haar opwagting by Café Paradiso in Kloofstraat maak. Sy’s omtrent opgedollie en verduidelik dat sy na die première van ’n rolprent op pad is. “Ek geniet beslis die sense of occasion en geniet dit om mooi aan te trek,” sê die 33-jarige aktrise. “Die small talk kan nogal uitmergelend raak, maar daarvoor is daar wyn,” voeg sy spottend by. “Dis maar deel van ons beroep en dis altyd lekker om al die bekende gesigte te sien.” Sy gesels oor die aksie-komedie Ander mens wat verlede jaar tydens die Silwerskerm-fees bekendgestel is en eersdaags in teaters te siene sal wees. Dié rolprent met Quentin Krog in die regisseurstoel vertel die verhaal van ’n erg onbeholpe man wat konstant aan die…

Izelle Hoffman is bekend as ’n lewenstylsjef wat ’n gesonde lewenstyl aanmoedig. Met haar kombuisinsetsels op Die groot ontbyt en ander TV-programme bring sy alternatiewe, gesonde resepte vir die kykers. As kosredakteur van drie fiksheidstydskrifte inspireer sy lesers met gesonde kosopsies en leer hulle die belangrikheid van voedsame kos. Nie almal weet egter van die grondpad wat sy (meestal op krukke) moes stap tot waar sy vandag haar passie uitleef nie. Izelle is met ’n kongenitale (aangebore) heupontwrigting gebore en dit het tot jare se operasies en uitdagings gelei. Izelle het egter nie gaan lê nie; inteendeel, sy loop die lewe trompop en inspireer ander met haar storie en gesonde lewe. Dokters het nie haar heupontwrigting met haar nageboortelike ondersoeke opgetel nie. Dit was eers toe sy 18 maande oud…

Al het Charine le Roux van Port Elizabeth se lewenspaadjie meer kinkels in as baie ander mense s’n, kry dit dié mooi jong blondekopvrou nie onder nie. Ondanks ’n skaars genetiese siekte, Marfan-sindroom, én ’n kankerdiagnose, was Charine nog altyd positief oor haar situasie. Sy is die eienaar van twee suksesvolle ondernemings en bevorder bewusmaking oor Marfan-sindroom. ’N SKAARS GENETIESE SIEKTE Soos die meeste niggies in haar Le Roux-familie, is Charine ook met Marfansindroom gebore. “Ek was ’n gesonde kind met ’n gesonde en aktiewe lewenstyl. Ek het gesonde eetgewoontes gehad, netbal gespeel en gedraf. Ek was baie min siek en het seker maar omtrent twee keer per jaar die dokter besoek wanneer ek regtig siek was.” Charine, haar suster en pa het al drie Marfan-sindroom. Sy vertel dat sy…

ONGEBAKTE KOEKLOLLIES 12 hartlollies 1 pak (200 g) Romany Creams½ houer (115 g) volroomroomkaas15 ml (1 e) kakao375 ml (1½ k) baksjokoladepoeierkleursel 1 Kap koekies in voedselverwerker fyn en gooi roomkaas en kakao by. Kap vir ´n verdere drie minute tot deegbal vorm. 2 Vorm deeg in hartvorms en plaas in vrieskas vir een uur. 3 Smelt sjokolade en kleur met poeierkleursel. 4 Druk punt van stokkie eers in sjokolade en dan in hartvorm. Sit terug in vrieskas vir 30 minute. 5 Verhit weer sjokolade en doop elke koekie in sjokolade. Draai in hand tot sjokolade stol. Versier met ekstra sjokolade of sprinkels. 6 Stoor in lugdigte houer in yskas.…

LAAT WYN NÓG LEKKERDER PROE Die Eva Solo-kraffie bring die beste in jou wyn na vore. Die wyn vloei deur klein gaatjies in die geïntegreerde tregter wat die oksideringsproses aanhelp. Die groot oppervlakte in die kraffie dra ook tot die oksideringsproses by, wat die wyn toelaat om nóg meer asem te haal. Die gevolg is ’n sagte, heerlike wyn. Dit kan 750 ml hou en kan in die skottelgoedwasser gewas word, R799. www.yuppiechef.com LIG EN LEKKER Toe dié wyn se gewildheid van die VSA na Suid-Afrika oorgespoel het, was dit De Krans- privaat kelder buite Calitzdorp wat die geleentheid aangegryp en in 2012 met die land se eerste moscato perlé vorendag gekom het, die De Krans Premium Moscato Perlé. De Krans, een van Suid-Afrika se voorste portwyn- en muskadel-produsente, het…

Net meer as 40 km suid van Madrid, die Spaanse hoofstad, lê Aranjuez, ’n stadjie wat in 2001 deur Unesco tot Wêrelderfenisgebied verklaar is – juis vanweë die lushof wat oor eeue heen hier tot stand gebring is. Dit was koning Felipe II wat die bestaande paleis, wat uit die 14de eeu dateer, laat opknap het en in 1560 Nederlandse tuiniers (en fonteinbouers) gekry het om ’n Italiaanse Renaissance-tuin aan te lê. In 1613 het hy honderde bome laat aanplant, onder meer olm, iep, kastaiing, okkerneut en moerbei. In Spanje se warm en droë klimaat is twee elemente onontbeerlik: bome en water. Ná Felipe se dood is die paleis telkemale vergroot (altyd met Versailles in gedagte) en die tuine is uitgebrei. Tot en met 1752 was Aranjuez uitsluitlik vir koninklike…

Ek dink ek’s verslaaf aan jou soene, jou mond en jou lippe jou oë wat so skitter jou smile en jou hande ek kry jou nie uit my lyf uit nie ek’s verslaaf aan jou vat, jou passie, geheime raak van jou vingers die stuur van jou seine ek kry jou nie uit my lyf uit nie ek kry jou nie uit my lewe uit nie Gee my bietjie meer van jou Dis is een van die liedjies (deur 4Werke) waarna ons vandeesweek ter viering van Valentynsdag luister. Dan is daar nóg ’n viertal, die mannekwartet Serenade, wat verlei, bekoor en boei. KRY JOU LYF IN RAT Die bekroonde viertal – Ray Dylan, Nicholis Louw, Elizma Theron en Liezel Pieters – saam bekend as die groep 4Werke, se splinternuwe album…

VERLIEF OP DIESELFDE MAN Ek en my boesemvriendin is soos susters. Ons kom al as studente saam en het ’n kamer gedeel. Ons deel ook al ons geheime. Nou sit ek met ’n dilemma. Ons is albei op dieselfde man verlief. Sy weet nie ek is ook op hom verlief nie. Ek wil nie ons vriendskap verloor nie, maar ons is albei smoorverlief. Hoe nou gemaak? – Anoniem Jou dilemma getuig van iemand wat nie oorhaastig op verliefdheid reageer nie. Die verliefdheid kan van verbygaande aard wees, maar boesemvriendskappe nie. Ek wonder hoe hierdie man dit regkry om twee vroue so opgewonde te maak dat albei op hom verlief is. Die moontlikheid bestaan, en is nie so verregaande as wat jy dink nie, dat hy wel van die onderliggende gevoelens…

WOORDSPEL 6 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 12 woorde, goed 16 woorde, baie goed 23 woorde of meer, uitstekend OPLOSSING: Jintelman, tienman, inname, mantel, ament, amien, amine, malie, manel, manie, mieta, namie, amen, item, lamé, mate, ment, meta, miet, milt, mite, talm, tema. Woordsoek 29 lande in die Midde- en Verre Ooste kom hier voor. Hulle kan horisontaal, diagonaal, vertikaal,…

MURATIE HOU OESFEES Die Muratie-wynlandgoed op Stellenbosch hou op Saterdag 2 Maart hul Oesfees. Die fees is ware gesinsvermaak met lewendige musiek en heerlike kos. Toegangskaartjies kos R120 per persoon, wat ’n verwelkomingsdrankie insluit. Bel 021 865 2330/2336 of stuur ’n e-pos na info@muratie.co.za AFRIKAANS IS GROOT IN KAAPSTAD Vir die heel eerste keer ooit sal ’n vyfde Afrikaans is groot- vertoning in Kaapstad aangebied word. Die konsert sal op 14 Maart om 19:30 by die GrandWest Casino plaasvind. Suid-Afrika se gunsteling-kunstenaars, soos Refentse, Corlea, Steve Hofmeyr, Juanita du Plessis, Theuns Jordaan, Karlien van Jaarsveld, Bobby van Jaarsveld, Bok van Blerk, Jay, Riana Nel, Touch of Class, Tarryn Lamb, Dewald Wasserfall, Snotkop en Dirk van der Westhuizen, is almal saam op een verhoog. Kaartjies is slegs by Computicket beskikbaar KONSERTTYD…

FEBRUARIE-BOEK In die maand van liefde kan jy twee Romanzas met die komplimente van Lapa Uitgewers wen. In sy arms deur Felicia Snyman gaan oor Delia. Sy kan nie glo haar onwillige Samaritaan is Adriaan Bromberg, haar niggie se skripsieleier nie. Ongeag hoe baie hy aan haar hart raak, dra hy swaar aan sy grootwordjare. In Ilze Beukes se Toe vind ek jou is Olivia vasbeslote om haar biologiese pa te ontmoet, maar haar nuwe bestuurder, Jean-Luc, is hinderlik aantreklik en trek haar aandag af. Besoek www.lapa.co.za en toonaangewende boekwinkels RENETTE VAN DER MERWE HET HIERDIE WENKE VIR ONS GESTUUR: ▶ ’n Wasmasjien pak lelik aan as gevolg van versagmiddel. Meng 2 kg growwe sout, 2 kg waspoeier en 2 kg koeksoda. Vul die wasmasjien met water, gooi ½ k…

Wanneer ek in Skotland kuier, gaan ek gewoonlik vir ’n dag Edinburg toe. Ek het een doel voor oë: om in die Old Town rond te dwaal en na die veraf klanke van ’n doedelsakspeler op die Royal Mile te luister. JM Barrie, skrywer van Peter Pan, het op ’n dag gerapporteer: “Edinburgh is looking at its best, which is I think the best in the world, for it must be the most romantic city on earth.” Ek stem heelhartig saam. Die Old Town is dramaties en romanties met argitektuur wat van Middeleeus tot Victoriaans strek en die elegante New Town bekoor met sy eenvormige, klassieke Georgiaanse geboue en breë strate. Ek is versot op die hele ervaring van die oomblik wanneer ek op die trein klim totdat ek op…

ROLPRENTE WHAT MEN WANT Met Taraji P Henson en Pete Davidson Regisseur Adam Shankman ROMANTIESE KOMEDIE Daar word gesê die romantiese komedie is die mees oorskatte en misbruikte genre in Hollywood. Daar word meer gereeld romantiese komedies gemaak as wat daar sjokoladesous oor roomys gegooi word. Die probleem met die meeste van hierdie rolprente is: Kan die skrywers nog nuwe klere vir ou stories aantrek? Uit die lokprent van hierdie komedie lyk dit of die verhaal dalk oorspronkliker en lewendiger as die gewone romkoms is, terwyl die plek waar dit afspeel, ’n bietjie aangepas is. ’n Vroulike sportagent verloor van haar kliënte wanneer ’n nare en selfsugtige man oorneem. Maar dan kry sy die onmoontlike reg. Sy kan hoor wat hy dink. Hier is darem ’n effens oorspronkliker kinkel in…