Innholdsfortegnelse for 1 February 2019 i Vrouekeur

Skep die grootste, wonderlikste visie vir jou lewe wat jy kan, want ons word wat ons glo Daar is ’n bekende Cherokeelegende wat ek jare gelede raakgelees het en wat ’n groot indruk op my gemaak het. Die lewenswysheid van die legende het my dikwels al rigting gegee in besluite wat ek moes neem, maar ook in my alledaagse optrede teenoor mense en in die verstaan en verbetering van myself, ongeag die omstandighede. Daar is in ons almal ’n geveg tussen twee wolwe. Die een is woede, jaloesie, vraatsug, wrok, leuens, minderwaardigheid en ego. Die ander een is vreugde, vrede, liefde, hoop, nederigheid, goedhartigheid, empatie en waarheid. Watter een van die twee wen? Die een wat jy voed. Die legende kan mens jou eie maak en jy kan nog kenmerke…

Leandie du Randt Bosch (30) is opgewonde oor haar ondernemings (daar is nou al twee!), om as aktrise meer internasionale werk te doen en ook ’n opwindende reis na die Groot Appel. Sy is aktrise, aanbieder, sakevrou en entrepreneur. Sy kan verskeie hoede opsit én daarvan ’n sukses maak. Sy ag dit as doodnormaal – sy het immers met so ’n voorbeeld grootgeword. Haar ma was ’n onderwyseres, maar het heelwat ander werk gedoen om die pot aan die kook te hou. “Sy het ook kleuranalises gedoen én was ’n areabestuutder van ’n juweelverkopeonderneming. So dis nie vir my vreemd om te hustle nie!” Sy glo die Here seën ’n mens – Leandie leef in haar eie woorde “onder sy sambreel” – maar eweneens glo sy ook jy moet jou…

Wat sou die eienskappe van ’n goeie pleegouer wees? Wouter meen ’n standvastige verhouding tussen maats is belangrik. “Ek en Mientjie het net ’n 100%-verstandhouding. Albei ouers moet ewe toegewyd wees anders sal dit chaos wees.” “Ja,” voeg Mientjie by, “Wouter verstaan as ek hom teen drie-uur die oggend wakker maak en sê ek het nog niks geslaap nie, dan vat hy net die baba. Ons kry soms babas met dwelmonttrekkingsimptome, wat baie sorg nodig het. “Jy moet regtig ’n hart en ’n liefde hiervoor hê, want jy kry niks van enigiemand af terug nie. Vir my is dit spesiaal as ek die eerste keer ’n kind wat seergekry het, hardop sien lag. Dis nie ’n maklike pad nie. Jy moet baie sterk wees en baie liefde hê om te…

Allergieë kan jou lewe werklik versuur. Gaan sien ’n dokter as medikasie wat jy oor die toonbank koop, nie verligting bring nie. Stel jou dokter ook in kennis as jy simptome kry nadat jy met nuwe medikasie begin het. Soms kan sogenaamde allergieë ook verkeerd gediagnoseer word omdat die simptome met ander mediese probleme soos sinusitis ooreenstem. Ek het jare lank antihistamiene geneem en selfs fisioterapie ondergaan vir erge “sinusitis”. Fisioterapie het wel verligting gebring, maar nie vir lank nie. My fisioterapeut was later raadop en het my na ’n oor-neus-enkeel-spesialis verwys wat my deeglik met behulp van gevorderde tegnologie ondersoek het, vel en bloedtoetse laat doen het, en bevind het dat ek blakend gesond is en geen allergieë het nie. Sy diagnose vir my probleem was hipersensitiewe slymvliese en…

DUBBELKRUMMEL-HOENDERBURGER 4 porsies 4 hoenderdye, ontbeen125 ml koekmeel10 ml (2 t) hoenderspeserye1 eier125 ml (½ k) karringmelk2 50 ml (1 k) growwe broodkrummels½ komkommer, gerasper125 ml (½ k) jogurt4 burgerrolletjies60 ml (¼ k) mayonnaise4 agurkies, gesny4 sprietuie, gekap 1 Sit stuk kleefplastiek op hoender en slaan effe platter met koekroller. 2 Meng koekmeel en speserye en rol hoender daarin. 3 Meng eier en karringmelk. Doop hoender daarin en dan in broodkrummels. 4 Doop hoender weer in eiermengsel en weer in krummels. 5 Verhit omtrent 1 cm olie en braai tot goudbruin en gaar. 6 Meng komkommer en jogurt en geur met sout en peper. 7 Sny burgerrolletjies oop en smeer ’n eetlepel mayonnaise aan binnekant. 8 Sit gebraaide dye, komkommermengsel, agurkies en sprietuie bo-op en maak toe. TUNA-RYSGEBAK 4 porsies…

Ons gaan kuier in die winter in Houston, wat bekend is vir gematigde winterdae waar jy net ’n baadjie nodig het en geen jasse, musse of handskoene nie. Die stad is relatief klein vergeleke met ander Amerikaanse stede, maar hul besoekersentrum se webwerf en kantoor baie goed ingerig. Dis altyd ons beginpunt. Celia Morales, die senior bestuurder van internasionale betrekkinge by die Visit Houston-kantoor, laai my arms vol pamflette, oulike poskaarte en boekies. Haar opgewondenheid oor al die dinge wat daar in die stad te doen is, is aansteeklik, en toe sy byvoeg dat daar bykans oral gratis WiFi is, sou ons nog iets wou oplees of aanwysings soek, wil ek net ontgin. Die Muurskilder-fees word vanjaar in Oktober vir die vyfde keer gehou en is baie gewild. Straatkuns is…

Min dinge oortref deurwintering. Jy weet jy kry die beste. En dan is daar ook die opwinding van vernuwing deur debuutkunstenaars. Hier is ’n paar van daardie albums. STEVE HOFMEYR BLY PUIK Steve Hofmeyr se jongste album, The Country Collection (Coleske Artists), bevat 14 tydlose countrygunstelinge. Sonder om na te boots of om ondeurdag te anders te wil wees, vertolk Steve elkeen van die treffers – nie almal noodwendig aanvanklik in die countrygenre gekomponeer nie – eiesoortig en treffend. Steve interpreteer die werk van onder andere Kenny Rogers, Bruce Springsteen, Don Gibson, Bob Seger, die Bellamy Brothers, Eric Carmen en Don Williams met die agting wat dié treffers verdien – wat Lucille, Dancing in the Dark, Sometimes When we Touch en Crossfire insluit. Tussen Oppinoot se gunstelinge is Sgt Barry…

Karla gooi haar hande in die lug en kners op haar tande. Sy voel of sy soos ’n kleuter op die mat in haar kantoor kan gaan lê en skop en huil. Die e-pos wat sy aan honderde oud-Maties moet uitstuur sodat hulle vir nuwe Konvokasielede kan stem, is ’n taak wat sy so vinnig moontlik wou afhandel. Nou het sy op die een of ander manier 200 name en adresse verloor. Dit het ontsettend lank geneem om die ellelange lys by te werk, aangesien sy ’n klomp name en adresse moes navors. Baie van die mense is al op die rand van die graf, so lank gelede het hulle geswot. Sy sit letterlik met haar hande in die hare. Dit voel asof sy kan vloek en skel. Vanaand werk…

1 Maak ’n 50:50-suiker-wateroplossing en week die mandjie daarin. Trek dit oor ’n slaaibak en laat dit goed droog en hard word.2 Maak die toerygbokant as volg (sien diagram): Meet die binne-omtrek van die mandjie en bereken die radius as volg: Radius = Omtrek ÷ 6,283 Knip ’n reghoek die lengte van die omtrek + 2 cmnaattoelatings en die breedte van die radius + 2 cmnaattoelatings.4 Vou die reghoek in die helfte en bepaal die middelpunt van elke helfde. Maak merkies 2 cm vanaf die borand op elke helfte.5 Stik twee knoopsgaatjies aan weerskante van die voumerkies.6 Vou die reghoek met regte kante opmekaar en stik die twee kort sye vas.7 Vou die borand en onderrand 1 cm om en stik soompies.8 Plaas die onderrand van die strook in die…

IDENTIESE TWEELING WIL DIESELFDE AANTREK Ek het die twee oulikste identiese tweelingdogtertjies en hulle hou daarvan om dieselfde aan te trek. Hulle is baie na aan mekaar. Nou kry ek kritiek van familielede wat sê ek beroof hulle van hul identiteit. Hoe nou gemaak? Hoe maak ek hulle groot sodat hulle elkeen hul individualiteit behou? – Tweestryd Jou vraag is op die lippe van vele ouers van identiese tweelinge. Daar is geen reg of verkeerd, veral as hulle nog klein is nie. Daar sal ’n tyd kom dat hulle die behoefte uitdruk om verskillend aan te trek en dan kan jy hulle help om hul eie identiteite te vestig. Volgens jou brief lei ek af dat hulle nog klein en juis op mekaar aangewese is, net soos tydens die swangerskap.…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Mallemeule waar mens op perdjies om en om beweeg SMS jou antwoord, voorletters, van en dorp/stad voor of op 20 Februarie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Anneli van Rooyen se loopbaan het 40 jaar gelede met die wen van die ATKV Crescendokompetisie vlerke gekry. Met treffers soos Ek lewe, Sewe sakke sout, Neem my op vlerke en Seënbede, het sy in ons almal se harte ingekruip. “Die pyn aan die regterkant van my gesig het reeds in 1988 begin,” vertel Anneli, maar eers 16 jaar later kon die dokters die oorsaak van die pyn opspoor. Trigeminale neuralgie II, ’n toestand wat tot onophoudelike brandpyn aan die regterkant van haar gesig gelei het. In 2004 het sy vir ’n breinoperasie gegaan, wat die pyn verlig het. Die dokter het egter gewaarsku dat die pyn kon terugkeer omdat die senuwee so lank deur die slagaar gehamer is. Dit het. “Musiek was my lewe en ek het ongeag die…

Die webwerf www.enterpreneur.com sê: ▶ Verstaan die voordele daaraan verbonde om vryskutwerkers in diens te neem. Jou maatskappy het so toegang tot gespesialiseerde kundigheid en kan uitgawes bespaar omdat hulle op ’n projekbasis werk.▶ Jou maatskappy se personeel en bestuur moet opgelei word om te leer hoe om met werkers te onderhandel en hulle te hanteer.▶ Kry jou maatskappy se administratiewe beleid in plek om vryskutte te akkommodeer. Dit kan behels dat vryskutte by raadsvergaderings betrek word, aanlyn opleiding ontvang en oriëntasie binne die maatskappy moet kry, voordat hulle aan projekte werk. Peter Johnston, die stigter en HUB van Kalo, en bydraende skrywer tot die webwerf www.business.com, gee die volgende wenke: ▶ Kry ’n sentrale bestuurspunt in jou maatskappy wat verantwoordelikheid vir vryskutwerkers aanvaar.▶ Sorg dat jou maatskappy die tegnologiese…

Mite As iemand oor selfdood praat, sal hy of sy nie iets doen om hom-of haarself skade te berokken nie. Waarheid Baie mense wat weens selfdood sterf, het oor hul gevoelens, gedagtes en planne gepraat. Mite Selfdood is altyd ’n impulsiewe besluit. Waarheid Baie mense wat selfdood pleeg, het tevore oor selfdood gedink en oorweeg om dit self te doen. Mite Selfdood kan verwag word as iemand baie stres. Waarheid Alle mense ervaar stres, maar nie almal wat stres, wend hulle tot selfdood nie. Mite Mense wat selfdood pleeg, is swak en selfsugtig. Waarheid Baie mense wat selfdood pleeg, ly aan ’n geestesafwyking.…

In die goeie ou dae het kwaksalwers suikerpilletjies vir elke denkbare kwaal verkwansel, van kopseer tot ipekonders, en daar was nog altyd goedgelowiges desperaat op soek na verligting en dan help die ou pilletjies selfs, al vermoed hulle dis blote wensdenkery. Die mediese gemeenskap weet al eeue lank van die plasebo-effek, ’n raaiselagtige sindroom waardeur ’n nieterapeutiese behandeling ’n pasiënt se fisieke toestand kan verbeter. Een van die algemeenste teorieë is dat die plasebo-effek aan ’n persoon se verwagtings te danke is: As iemand verwag dat ’n pil iets gaan doen, dan is dit moontlik dat die liggaam se chemiese funksies ’n uitwerking het wat met dié van erkende medikasie ooreenstem. Bewyse dat die plasebo-effek bestaan, is in 1978 vir die eerste keer gepubliseer ná ’n eksperiment op pasiënte wie…

FEBRUARIE-BOEK In die maand van liefde kan jy twee Romanzas met die komplimente van Lapa Uitgewers wen. In sy arms deur Felicia Snyman gaan oor Delia. Sy kan nie glo haar onwillige Samaritaan is Adriaan Bromberg, haar niggie se skripsieleier nie. Ongeag hoe baie hy aan haar hart raak, dra hy swaar aan sy grootwordjare. In Ilze Beukes se Toe vind ek jou is Olivia vasbeslote om haar biologiese pa te ontmoet, maar haar nuwe bestuurder, Jean-Luc, is hinderlik aantreklik en trek haar aandag af. Besoek www.lapa.co.za en toonaangewende boekwinkels Martienette Swanevelder het wenke vir ouers wie se kinders in die koshuis is: ▶ Ek het naweke tien wit skoolhemde om te was en te stryk: ek hang my dogter s’n op pienk hangers en my seun s’n op blou…

SAG EN ABSORBEREND Linen Drawer se nuwe reeks handdoeke is van suiwer katoen en sag op die vel. Dit is baie absorberend en is in verskillende kleure beskikbaar. Kies van waslappe tot verskillende groottes handdoeke, van R31 tot R471. www.linendrawer.co.za DOLLIE JOU BABA OP Everli is ’n Suid-Afrikaanse maatskappy met twee susters as eienaars. Hulle spesialiseer in unieke baba-en kleuterklere. Die borslappies is van 100% katoen met kantdetail en kos R110. Besoek www.everlibaby.com vir nog opsies BÊRE DIT Hoe gemaak met ’n halwe suurlemoen? Stoor dit in die yskas in hierdie oulike bakkie spesiaal vir sitrusvrugte ontwerp van @home, R79. www.home.co.za Lekker sousie Sorg dat jou kos nóg lekkerder smaak met Lancewood® se nuutste Sauce Delightsouse. Dit word van vars room gemaak en daarom sal jy dit net in die…

Rolprente DOMINEE TIENIE 6/10 Met Frank Opperman en Deon Lotz Regisseur Sallas de Jager TRAGI-KOMEDIE “Tragi-komedie” beskryf hierdie rolprent, wat groot aanhang onder lesers sal vind, die beste, want dit gaan oor ’n dominee (uitstekend deur Frank Opperman vertolk) wat in ’n geloofskrisis beland nadat hy besef dat groot dele van sy gemeente hom jare lank misbruik het, dat hy sy kinders verwaarloos het en dat sy huwelik in ’n gewoontehuwelik sonder vonk ontaard het. Hy bely sy tekortkominge teenoor die gehoor, maar ons sien ook die hergeboorte van ’n nuwe siel wat nie mee gemors sal word nie. En tog, versterk of verswak sy ervarings sy geloof? Hoewel die rolprent meer van rolprenttegnieke gebruik sou kon maak (daar is oomblikke wanneer die dominee te lank praat en die gebeure…

“Hoeveel keer kan mens ’n Hertzogprys vir dieselfde roman kry?” vra ’n kêrel met ’n lang kuif in die ry voor die kasregister in die boekwinkel my. Niksvermoedend verduidelik ek dat die Hertzogprys vir prosa elke drie jaar toegeken word slegs vir boeke wat in daardie tydperk verskyn het en dat dieselfde boek dus nie twee keer in ag geneem kan word nie. “Wat van ander pryse?” wil hy weet. “Kan hulle twee keer aan dieselfde boek toegeken word?” Ek raak ongemaklik. Kuifkêrel staan te naby aan my. “Natuurlik nie! Hulle word toegeken slegs vir boeke wat in die voorafgaande jaar verskyn het. Dieselfde boek kan dus nie twee keer vir dieselfde prys in aanmerking kom nie.” “Verkeerd!” roep hy triomfantlik. “Ingrid Winterbach kry oor die laaste klompie jare dit…

Lona Haasbroek en haar man, Bernie, het ses jaar op Lourensford-landgoed buite Somerset-Wes tussen die wingerde en vrugteboorde gewoon, maar hy is in 2017 oorlede. “Ons kinders en so baie mense het ons bygestaan. Die plaasmense het beurte gemaak om saans vir ons kos te bring; soms was dit mense wat ek nog nie eens ontmoet het nie,” vertel sy. Lona het die mure van haar eetkamer kort voor die fotosessie grasgroen geverf en sê: “My routyd is nou verby. My emosies het heelwat met kleurkeuses te doen. Toe ek besef dat niks vir Bernie gaan terugbring nie, was dit soos ’n nuwe boompie met vars nuwe blare wat opgekom het. Dit was onafwendbaar dat groen nuwe lewe sal bring.” Lona is ’n kranige kunstenaar en haar mure hang vol…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Uniek beteken enig in sy soort, geen gelyke nie. In 1 Timoteus 3:16 word Jesus se uniekheid in poëtiese vorm uitgespel. Paulus haal waarskynlik hier ’n bekende lied aan wat in die eerste eeu gesing is. Jesus se uniekheid beteken dat ons nogal ’n klomp unieke dinge in Christus het, naamlik unieke genade, ’n unieke doel en ’n unieke hoop. God het die inisiatief geneem om die prys vir ons sonde te betaal. Hy nooi ons uit – ons hoef nie te presteer om sy guns te wen nie, ons moet net aanvaar wat Hy reeds vir ons aan die kruis gedoen het. Dit is unieke genade. As gevolg van…

Hierdie boek wat 11 stories bevat met pragtige illustrasies en onvergeetlike karakters, sal kinders aan ’n skatkis van klassieke verhale bekendstel. Stories sluit in Sneeuwitjie en die sewe dwergies, Pinocchio en Die towenaar van Oz. www.nb.co.za 3 lesers kan die boek wen. SMS SPROKIES gevolg deur jou naam, van en adres voor 6 Februarie 2019 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied.…

Dis ’n sonnige dag op Melkbosstrand toe ek Albert se voordeurklokkie lui. Hy is al bykans 40 jaar as akteur, regisseur, aanbieder en vervaardiger in die vermaaklikheidsbedryf. Ek onthou Albert veral vir sy rolle in Konings, Torings en Arende. Maar dan kan mens ook nie sy rol as burgemeester, stasiemeester en posmeester in die Klipdrift-advertensie en met ’n olifant se slurp om sy nek vir Coronation vergeet nie. Die afgelope paar jaar is ek amper meer vertroud met hom as regisseur van bekroonde werke soos Faan se trein, Faan se stasie, Playland, Taraboemdery, ’n Seder val in Waterkloof, Die rebellie van Lafras Verwey, Kombuisblues, Die Van Aardes van Grootoor en Pa, maak vir my ’n vlieër Pa, waar sy regie die woorde van groot dramaturge soos Athol Fugard, Pieter Fourie…

WAAR KOOP EK DIT? Jet www.jetonline.co.za 0860 113 639 Mr Price www.mrp.com 0800 212 535 Poetry www.poetrystores.co.za 0860 555 29 Queenspark www.queenspark.com 021 460 9400 customercare@queenspark.com…

Met bultende spiere, intense blou oë en ’n wuiwende kuif, lyk Lee “Binks” Chaldecott (31) van Johannesburg soos ’n heldin uit Stan Lee se Marvel-strokiesprentboeke. Maar dit was nie altyd die geval nie. In 2012 is sy met servikskanker gediagnoseer. “Ek was doodbang en wou vir niemand daarvan vertel het nie,” sê Lee. In 2013, ná intensiewe chemobehandeling, was die kanker in remissie en het sy besluit om haar lewe om te draai. “Ná die chemo het ek baie fisieke uitdagings gehad,” vertel sy. “Ek was nooit regtig ’n aktiewe mens voor ek met kanker gediagnoseer is nie en ek het die meeste sportsoorte op laerskool al gelos. Ná my diagnose was ek vasbeslote om nooit weer my liggaam so broos te sien nie.” Sy was ondergewig – sy het…

VARS AROMA Windfall’s Chenin Blanc verras met ’n aroma van heuning, geelperske en sitrus. Dis heerlik saam met ’n braai, pasta, slaai, hoender-en visdisse en kos ongeveer R70. www.windfallwine.co.za INTERESSANT ▶ Die reuk van ’n jong wyn word ’n aroma genoem terwyl meer verouderde wyne ’n boeket verskaf.▶ Moenie wyn in jou kombuis stoor nie. Dit is gewoonlik te warm daar.▶ Nie alle wyn verbeter met verloop van tyd nie. Die meeste wyne wat geproduseer word, is gereed om te drink en het nie veel potensiaal vir veroudering nie. Slegs ’n uitgesoekte klompie sal langer as ’n dekade lekker bly.▶ Een ton druiwe maak ongeveer 60 kaste wyn of 720 bottels.▶ ’n Standaardglas rooi-of witwyn bevat ongeveer 110 kalorieë.▶ ’n Nuutgeplante wingerd neem ongeveer vier tot vyf jaar om te…

#bakliefde Mareli WITBROOD 1 brood 180 ml (¾ k) warm water180 ml (¾ k) melk5 ml (1 t) suiker1 pakkie (10 g) kitsgis60 ml (¼ k) botter1 000 ml (530 g) witbroodmeel5 ml (1 t) soutpapawersaad 1 Meng warm water met melk en suiker. Gooi kitsgis by en meng tot opgelos. 2 Smelt botter en gooi by mengsel. 3 Meng meel en sout en gooi vloeistof by. Roer tot deegbal vorm en knie vir vyf minute tot deeg glad en elasties is. 4 Bedek deeg met kleefplastiek en laat rys tot dubbelvolume, sowat 30 minute. 5 Verdeel deeg in drie gelyke dele en rol elke deel tot ’n wors van 35 cm. Plak drie punte met water vas. Vleg deegworse en plak punte met water vas. 6 Verf brood met…

Dit gebeur seker met ons almal. Altans, ek hoop so. Dinge gaan lank voor die wind en als loop klopdisselboom, maar op ’n dag besef jy net: Die vlam is dood. Eers dog ek dis my hormone – ’n tipe afgestompheid wat met mistroostigheid en irritasie deurspek is. Maar die maande kom en gaan en ek voel steeds sonder rede futloos en nukkerig. Toe blameer ek die seisoene. Dit was ’n bitter lang winter, en dit voel asof die somer onnodiglik lank draal. Maar dan stroom die goue somerson oplaas by die vensters in … en my bui verbeter nie. Is dit my verhouding? Het sewe sakke sout die romanse in my lewe uitgekalwe? Nee, darem nie. Danielle is niks behalwe goed en gaaf nie, en my hart klop steeds…

David Hockney was einde verlede jaar in die nuus toe ’n skildery van dié Britse kunstenaar vir net minder as R1,2 miljard ($90 miljoen) verkoop is – die hoogste veilingprys nóg vir ’n werk deur ’n kunstenaar wat nog lewe. Jeff Koons se Balloon Dog (Orange) wat in 2013 op ’n veiling van Christie’s vir $58,4 miljoen verkoop is, was tot en met dié Hockney-transaksie die wêreld se duurste kunswerk (van ’n kunstenaar wat nog lewe wat op ’n veiling verkoop is). Die 81-jarige Hockney se skildery van 1971, Portrait of an Artist (Pool with Two Figures), is volgens berigte in November, ook op ’n Christie’s-veiling vir dié rekordbedrag aan ’n Londense sakeman verkoop. Kan ’n kunswerk ooit R1,2 miljard werd wees? sal baie mense vra. Duidelik is dit moontlik.…

MOEILIKHEIDSGRAAD: ** BENODIGDHEDE E lle Cotton-On Seriously Chunky (100 g-balle): 2 balle elk Grapefruit en Natural 4,5 mm-hekelpen Naald met groot oog 25 cm bypassende katoenmateriaal 2 krale met groot gaatjies Algemene naaldwerkbenodigdhede Suiker-en-water-oplossing AFKORTINGS EN STEEKVERDUIDELIKINGS beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, st = steek, vlg = volgende Spykersteek: Steek die pen reg deur die hekelwerk op die plek wat deur die patroon aangedui word. Slaan die draad oor die pen en trek die lang lus na die voorkant toe deur. Voltooi die steek soos gewoonlik. Moenie die hekeldraad te styf trek sodat die hekelwerk ineengetrek word nie. PATROON Met Grapefruit, hekel 4 ks, gs in 1ste…

Wat moet ek nou in my tuin doen? Life is a Garden gee raad: BINNELAND ▶ In koue klimate kan jy nou die blomme wat in die winter en lente blom en ’n bietjie tyd in saailinglaaitjies nodig het, begin saai. Dink hier aan asblomme, gousblomme, Ysland-papawers, primulas, viooltjies, gesiggies, ridderspore, klokkiesblomme, Duitse surings en baardangeliere.▶ Maak plante netjies wat deur hael beskadig is en spuit pro-aktief met ’n swamdoder.▶ Hellebores (nieskruid), kamelias en asaleas kort nou kos en water. Gebruik dennenaalde as molm.▶ Saai pronkertjies aan die einde van Februarie, onthou mis, kompos en beenmeel vir die grond. Week die saadjies oornag in water voor jy saai.▶ Sny petunias terug om blomme in laatherfs aan te moedig.▶ Voed dahlias met bolkos en verwyder blomme wat afgegaan het.▶ Meerjarige salies…

WOORDSPEL 4 DEUR XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 21 woorde, goed 27 woorde, baie goed 33 woorde of meer, uitstekend OPLOSSING: Tweespalt, sewetal, sleepwa, tweetal, altwee, stewel, wattel, weetal, eetwa, eweas, salwe, stawe, swael, swalp, sweep, sweet, watse, watte, wesel, weste, lawe, lewe, sewe, swel, twee, wals, watt, wees, weet, welp, wese, wesp, wete. Woordsoek Daar is 24 honde…