Innholdsfortegnelse for 25 january 2019 i Vrouekeur

Tyd, opgedeel in jare, maande, weke, dae, ure, minute en sekondes is mensgemaak en het oor millennia heen so deel van ons geword dat dit bykans ingebore is. Ons is so te sê geprogrammeer om hierdie tyd van die jaar te dink dis “die begin” van iets nuuts aan “die einde” van iets. Nog ’n jaar is verby en nog ’n jaar lê voor. Onverwagse gebeurtenisse gaan deel van elkeen van ons se 2019 wees. Sommiges kan goed wees, ander nie. Pasiënte wat “flatline”, toon geen hartklop of breingolwe op die monitor waaraan hulle gekoppel is nie. Die lyn op die monitor raak letterlik een streep en het geen op-en-af-bewegings nie. Om te “flatline” beteken jy is dood. So lees ek onlangs die volgende interessantheid raak: “As daar nie oppe…

Baie water het in die see geloop sedert haar eerste voorblad toe sy 15 jaar oud was. Vandag is dié 51-jarige ma van ’n 16-jarige seun en agtjarige dogtertjie, die eienaar van Roberta Alessandri Events wat uitstallings in winkelsentrums organiseer. Sy bedryf ook ’n modelagentskap en is die afgelope jaar handelsmerkambassadeur vir Ever Beauty SA. Roberta het al 25 skoonheidstitels op haar kerfstok en was in 1988 die eerste prinses in die Mej SA-kompetisie. Teen die ouderdom van 22 het sy al drie motors in skoonheidskompetisies gewen. Sy was al op verskeie tydskrifvoorblaaie en in TV-advertensies en het sedert haar 20ste verjaardag haar eie modelskool, omdat sy modelklasse na minderbevoorregte gebiede in Suid-Afrika wou bring. Sy deurkruis die land met haar modelklasse. Sy onthou dat haar eerste voorblad op 4…

Moekie (Maria) Mouton se vroegste herinneringe is hoe haar pa en ma haar reeds voor skool leer lees en skryf het. “My pa het koerante en tydskrifte by die winkel op Kalkrand, ’n klein dorpie in die suide van Namibië, gekoop en huis toe gebring dat ek dit kan lees.” Min het haar ouers kon raai watter groot impak dit op haar latere lewe sou hê. “Ek het reeds as laerskooldogter skryfboeke vol stories geskryf.” Reg deur haar skoolloopbaan en later op kollege, het onderwysers, dosente, ander leerders en studente haar opstelle bewonder. “Tussen my boeke se blaaie kon ek wees wie ek wou, soos die heldin wat deur die held gered word. Enige karakter het my geboei, daarom het ek so baie van lees en skryf gehou. Ons laerskoolhoof…

’N SLIM SONSENSOR Soos sommige van ons miskien oor die Desembervakansie uitgevind het, is die son nie ons vriend nie. Met velkanker ’n probleem, maar ook natuurlik die veroudering en skade aan die vel, is ons hier in sonnige Suid-Afrika onder konstante bedreiging. Om met dié probleem te help, het L’Oréal met ’n interessante draagbare sensor vorendag gekom. Genoem die La Roche-Posay My Skin Track UV-sensor, kan mens hierdie klein toestelletjie sommer enige plek vasknip. Dit meet die hoeveelheid UVbestraling waaraan jy blootgestel word met ’n toep wat dan al die data weergee. Dit verskaf ook wenke om beter vir jou vel te sorg, en natuurlik is dit moontlik om La Roche-Posay-velsorgprodukte deur die toep te bestel. Die My Skin Track UV-sensor is tans net in die Verenigde State beskikbaar…

LAAG VIR LAAG Dit kan nogal ’n gedoente afgee om ’n koek in lae te sny, maar met hierdie oulike uitvindsel is die geswoeg verby. Met die Zenker Cake Slicer kan jy in ’n japtrap verskillende diktes sny, R429. www.yuppiechef.com OLIE VIR ALS Kremetart is een van die natuur se hardwerkendste botaniese olies. Baocare is ideaal om van droë vel, jeukerigheid en ekseem tot sonbrand en aknee te behandel. Dit is veilig om gedurende swangerskap en ook op babas te gebruik. Beskikbaar in 10 ml (R37) en 50 ml (R152) by gesondheidswinkels en aanlyn by www.faithful-to-nature.co.za. ONTSPANNING VIR DIE SPIERE Laat jou lyf in ’n bad water ontspan met Westlab Reviving Epsom Salt daarin. Hierdie 100% suiwer sout is ryk aan minerale en laat moeë, seer spiere ontspan. Dit is…

In sy eerste jaar het die Louvre Abu Dhabi in die Verenigde Arabiese Emirate (VAE) meer as een miljoen besoekers gelok. Dié kunsmuseum op die Saadiyat-eiland is in November 2017 geopen en is die grootste in sy soort op die Arabiese skiereiland. Een van dié museum se grootste trekpleisters is waarskynlik Salvator Mundi, die Leonardo da Vinci-skildery waarvoor daar in 2017 R6,4 miljard op ’n veiling van Christie’s in New York betaal is – die meeste wat nóg op ’n veiling vir ’n skildery betaal is. Volgens die museum is die meeste van die besoekers van die VAE. Onder die buitelanders wat die museum druk besoek het, was die meeste van Indië. Met sy net meer as een miljoen besoekers is die Louvre Abu Dhabi in die geselskap van die…

VOOR My geliefde sweer as hy lank genoeg stil staan, gaan ek hom ook verf. As hy weer sien, is die kas wat gister nog groen was nou allerlei kleure. Dis ook nou nie heeltemal waar nie, want hierdie projek is nie ’n oornagprojek nie. Dit het my vier dae geneem om te voltooi. Van voorbereiding en skuur tot finale seël en politoer. Die oorspronklike kleur en nommers op die laaie was vir my mooi, maar die kleur het nie by die dekor waar dit staan, gepas nie. Ek wou al lankal probeer om ’n laaikas in verskillende kleure te verf sonder dat dit te deurmekaar lyk. Trouens, dis tans ’n gewilde dekorneiging en jy kry soorgelyke kassies te koop – teen ’n prys natuurlik! Die oorspronklike verf was net…

WOORDSPEL 3 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Tjoepstil, pitlose, poliets, topseil, lospit, opseil, opties, setpil, stilet, stilte, tiptol, titsel, toesit, toilet, jitte, josie, lopie, losie, opeis, oplei, opsie, opsit, peits, piets, pleit, polis, posie, sopie, split, steil, stoei, titel, tjilp, jeti, lies, loei, olie, peil, seil, siel, silo, slip, spil, spit, stil, stip, tipe TEIKEN: 33 woorde, goed…

HOE HELDERDER HOE BETER! GEE ’N VROU DIE REGTE PAAR SKOENE EN SY KAN DIE WêRELD VEROWER– MARILYN MONROE WAAR KOOP EK DIT? Charles and Keith www.charleskeith.com Luella www.foschini.co.za 021 938 1911 (Hoofkantoor) Jet www.jetonline.co.za 0860 113 639 Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com *Alle pryse is die voorgestelde verkoopprys. Pryse korrek teen druktyd…

Op ouderdom 60 moet ek nog een van my lewensvrese afskud. Staan ek voor iemand in ’n uniform, of ’n hoof van my, of bloot iemand wat met ’n dik stem praat, en die teekoppie in my hand bewe so dat ek mors. Dis irrasioneel en onwillekeurig. Ek het in my lewe teenoor mense agter ’n lessenaar gesit wat ek verfoei, en tog het my broek gebewe. Hoe vernamer hulle is, hoe groter my renons, hoe erger die bewerasie. Ek herlei dié lewenslange fobie vir gesagsfigure terug tot twee polisiemanne. Ek blameer nie een van die twee nie, hulle was elkeen egte dienaars van die gereg en beskermers van die goeie orde. Dit is ek wat aan die verkeerde kant van die verordening gestaan het. Die eerste keer, toe is…

Ons almal ken die spreekwoord dat ’n hond ’n man (of vrou) se beste vriend is. Party mense kan getuig hoe ’n troeteldier hulle ná ’n diep depressie weer rede vir hul bestaan gegee het. Vir ander is hul diere die rede hoekom hulle saans huis toe gaan. Barry Hay, die hoofsanger van Golden Earring (’n bekende rockgroep uit die jare tagtig), skryf in sy biografie hoe ’n hond, Judo, sy lewe gered het. Hy sê die hond het op ’n aand ná ’n vertoning in sy kar gespring. Hy het die ongeveer eenjarige, baie sieklike hond huis toe gevat. Hy skryf Judo het weer struktuur aan sy lewe gegee en hom letterlik van ’n lewe van drank, dwelms en seks gered. Maar dit is nie net rocksterre wat sulke…

Bak een eier per persoon by elke resep WENKE VIR GEBAKTE EIERS ▶ Die Franse glo dat ’n gebakte eier geen kleur moet hê nie. Begin dus met ’n koue pan en maak die eier stadig warm tot die eierwit gestol is.▶ ’n Easy over-eier word een keer omgedraai, en dan weer teruggedraai vir bediening.▶ Gebruik ’n kleefvrye pan. Of sit ’n mengsel van botter en olie in jou pan.▶ ’n Gebakte eier is een van die vinnigste maaltye wat jy kan maak. Eiers is propvol voedingstowwe en kan enige proteïen vervang.▶ Eiergeel wat nog loperig is, kan ’n heerlike sousie vir enige dis wees. TURKSE PLATBROOD MET JOGURT, PESTO EN GEBAKTE EIER 4 porsies 4 gekoopte naanbrode125 ml (½ k) tamatiepesto180 ml (¾ k) dubbeldik jogurt100 g (1 pakkie)…

Die 11de internasionale Mozartfees in Johannesburg (JIMF) begin Saterdag (26 Januarie) met Ein musikalischer Spass (musikale pret) as tema vir dié fees van net meer as ’n week. Dié tema is ontleen aan Mozart se Divertimento vir twee horings en strykkwartet, K. 522, wat hy in 1787 gekomponeer het. Dié fees word sedert 2009 aangebied en val saam met die geboortedagviering van Mozart op 27 Januarie, 263 jaar gelede in Salzburg. Hoewel die tema jaarliks met die musiek van dié komponis verband hou, sluit die program ook die werk van ander komponiste in. Die werk van ’n Suid-Afrikaanse komponis word jaarliks wyer bekendgestel op die JIMF en vanjaar is Hans Roosenschoon die feeskomponis. Roosenschoon was tot einde 2017 professor in komposisie aan die Universiteit Stellenbosch, waar hy ’n energieke leerskool…

Soveel sangers klink tog al te dieselfde! Daarom is dit altyd ’n aangename luisterervaring om nuwe werk van Gert Koevert en Jan Rhaap te kry, want hulle klink soos niemand ánders nie. En albei het tussen hul aanslag vernuwe … ’N EERLIKE, ROU MUSIEKKOEVERT Die eerlike rouheid van die sanger-liedjieskrywer Gert Koevert se jongste album, Anderkant die highway (Vonk-Musiek) is deurgaans treffend en boeiend. Gert Petrus Marais, oftewel Gert Koevert, is ’n man wat op ver paaie geloop het en behoorlik deur die lewe se lemme gemaal is. Dié album is kragtig geestelik gedrewe; ’n ondersoekende reis deur sy lewe van vertwyfeling, moedeloosheid, verslawing en depressie wat hom in erge lewensmoeheid gemoker het, maar waaruit geloofsvernuwing en hoop gespruit het – veral in die belyliedjie Nuwe oë en die smeekkreet…

Van die mooiste blom- en loofplante is kruidagtige meerjariges. Kruidagtige meerjariges is daardie plante wat jaar na jaar vanuit ’n permanente wortelstok opkom. Hulle word gewoonlik dormant ná hul blomtyd. In die winter gaan hulle dus tot op grondvlak dood, maar sal in die lente vanuit die dormante wortelnekke groei. Daar is ook sommiges wat dit andersom doen – hulle groei in die winter en is dormant in die somer. As gevolg van hul kruidagtigheid is die plante groener en sagter as houterige plante (plante wat in die winter bo die grond oorleef). Daar is ’n swetterjoel kruidagtige meerjariges soos ornamentele grasse, kannas en penstemons. Daar is ook meerjariges soos artisjokke en rabarber, wat ornamenteel én heerlik is. Immergroen meerjariges soos Dianthushibriede (pinks), Kniphofias (Red-hot pokers) en baardirisse verloor nie…

BEKOMMERD OOR NAAKFOTO’S My ekskêrel het my een aand ná ’n bottel wyn oorreed om bostukloos vir hom te poseer. Ek het dit sedertdien berou. Ons verhouding het taamlik stormagtig geëindig en ek is nou met ’n teologiestudent getroud. Een van die dae gaan hy op ’n preekstoel moet staan, met my in die kerk se voorste gestoeltes. Hy weet van die verhouding, maar nie van die foto’s nie. Nou is ek bang dat die eks, wat baie suur oor my huwelik was, dit op die internet of WhatsApp gaan versprei. Hy is uiters wraaksugtig. Moet ek my man van die foto’s vertel? – Anoniem Jou eks sou in alle waarskynlikheid die foto’s reeds gebruik het as hy voor jou huwelik wraak wou neem. Jy kan rustig wees dat daar…

Verlede jaar was ’n besige jaar vir Annie Klopper, akademikus, skrywer, digter en voormalige musiekjoernalis. Haar boek Die tragiese saak van Pamina Vermaak volg kort op die hakke van Annie se doktorale proefskrif oor Afrikaanse rap-musiek. Ja, sy’s deesdae ook dr Annie Klopper. Om haar gunsteling-Bittereinder-liriek uit Die Dinkdansmasjien aan te haal: As haar proefskrif die “dink” deel van Annie is, is Pamina die “dans”. Dié idee vind ook uitdrukking in die naam van die hoofkarakter: “Ek dink ek het Pamina Vermaak rondom haar naam gebou. Ek’t begin met hierdie ongemaklike naam vir ’n karakter en ek wou iemand skryf wat net so ongemaklik as haar naam is. Pamina kom van Mozart se Towerfluit af en daar is erns daaraan verbonde, terwyl Vermaak weer op pret sinspeel: dis pret en…

GEEN BRUISMEEL? Vervang 1 k bruismeel met 1 k meel + 1 t bakpoeier + ¼ t sout. VERLIG DIE BYT Ons het hierdie wenk al ingehad, maar aangesien dit die seisoen is vir muskiete om toe te slaan, deel ek dit weer: As ’n muskietbyt jeuk, druk ’n warm lepel daarop. Die hitte sal die gejeuk verlig. PASOP Moenie warm vleis in foelie in die yskas bêre nie. Die foelie hou dit vir te lank warm en dit sal bakterieë laat floreer. BAKWENK As jy ’n koek met ’n koekmengsel wil bak, maar daar is nie eiers en olie in die huis nie, kan jy dit volgens www.simplycreate.com met ’n blikkie van jou gunstelinggaskoeldrank meng. VIS OP DIE STOOF As jy vis in ’n pan braai, gooi ’n lepeltjie…

#bakliefde Mareli WORTEL KOLWYNTJIES 24 kolwyntjies 125 ml (½ k) olie3 groot eiers175 ml (165 g) strooisuiker1 pak (440 g) wortels, grofgerasper1 blik (160 g) fyn pynappel, gedreineer160 ml (75 g) pekanneute, grofgekap425 ml (225 g) bruismeel5 ml (1 t) kaneel5 ml (1 t) gemengde speserye VERSIERSEL 125 ml (100 g) sagte bruinsuiker2 (60 g) eierwitte115 ml (60 g) versiersuiker5 ml (1 t) vanieljegeursel1 75 ml (166 g) botter teen kamertemperatuur1 houer (150 g) volroom-roomkaaspekanneut-brittle vir versiering Voorverhit oond tot 160 °C en voer kolwyntjiepan met kolwyntjiepapiertjies uit. 1 Klits olie, eiers en suiker tot effe verdik.2 Meng wortels, pynappel en neute.3 Sif meel, kaneel en speserye by wortelmengsel en meng deur.4 Gooi oliemengsel by beslag en meng.5 Skep beslag in kolwyntjiepan en bak vir 25–30 minute tot goudbruin en…

FIZZ EN FUDGE Die Stellenbosch Hillswynlandgoed bied tans ’n Fizz & Fudge-proe aan. Teen slegs R40 per persoon, proe jy twee van die Polkadraai-vonkelwyne saam met fudge. Die proe word nog tot einde Februarie by hul proelokaal aangebied. Bespreek by 021 881 3828/9 of info@stellenboschhills.co.za UITSOEKKUNS Die Universiteit Stellenbosch se museum speel gasheer vir ’n unieke prestige-groepstentoonstelling ter viering van die universiteit se eeufeesjaar. Meer as 60 kunstenaars word verteenwoordig. “Forward? Forward! Forward …” was ’n oop uitnodiging aan kunstenaars om voorleggings te maak van werke wat die toekoms van hoër onderwys aanpak en wat die toekoms van die universiteit herbedink. Die uitstalling is tot 30 April te sien. Bel 021 808 3029 vir meer inligting VAT JOU UIT IN PIENK Pienk is die tema vir Delheim se Oesfees wat…

So aan die begin van ’n nuwe jaar, voel mens soms die behoefte om na te dink oor die dinge waarmee ons ons daagliks besig hou. Ná die kort blaaskans in Desember lyk die hervat van die alledaagse lewe soms bietjie vreemd. Hier verskyn al weer ’n nuwe uitgawe van Vrouekeur en daarin is al weer ’n boekeblad waarin elke week oor ’n nuwe boek geskryf word. Mens kan dalk wonder waarom dit nodig is? Waarom die dolle gejaag om elke week nóg ’n boek te lees, oor nóg ’n boek na te dink? So aan die begin van die jaar stuur ons ook ons kinders terug skool toe. Skool is veronderstel om kinders vir die lewe voor te berei. Maar eintlik het bitter min van die vakke wat op…

ROLPRENTE WHITE BOY RICK 5/10 Met Matthew McConaughey en Richie Merritt Regisseur Yann Demange WARE LEWENSDRAMA Ware verhale sorg gewoonlik vir die beste rolprente. Min mense ken die ontstemmende verhaal van ’n jong seun, Richard Wershe, gespeel deur Richie Merritt, wat in die jare tagtig deur die FBI gewerf is om spioenasiewerk vir hulle te gaan doen, en wel in die onderwêreld van Amerika. Die tragedie is dat hy uiteindelik op ’n klag van dwelmmisbruik gearresteer is. Die rolprent is so taai soos ’n dikvellige ratel. Met sy ekstreme realisme, kru, gemotiveerde taalgebruik en die ondersoek na rowwe bendebedrywighede in Amerika, krap dit aan die senuwees. Al is ’n rolprent hoe goed, raak dit moeilik wanneer die kyker op ’n oorlewingstog moet gaan om daardeur te sit. Die gebeure is…

Saudade, lees die bord by die ingang met die geskilderde prent van ’n man met ’n pluiskeil wat sy hande soos ’n towenaar orent hou. Saudade. “Die Portugese woord vir ’n onuitspreeklike verlange,” sê iemand. “Hy gebruik dit in sy vertoning.” “Saam met die rooiwyn?” spot iemand anders. Tobias sit vroeg al op die galery, lugtig vir die skare in die voorportaal met hul glasies wyn, hul gemaklike gesprekke en die hartlike gelag. Voor en onder hom strek die saal uit, van die groot deure regs waar lig oor die stroke tapyt tussen die blokke stoele val, na die verhoog links waar die gordyne hang. Die mense begin vanuit die voorportaal inkom en druk en stamp soos hulle kom sit. Tobias se hart is reeds aan die hamer en nog…

Moeilikheidsgraad: ★★ BENODIGDHEDE V innis Colours Nikkim (50 g-balle): 1 bal elk Blue Canard, Mint en Fern OF 1 bal elk Stone, Purple Pink en Raspberry of gebruik kleure van jou keuse Metaal- of houthoepels (hoepels met ‘n 20 cm-deursnee is gebruik) 3 mm-hekelpen Naald met groot oog AFKORTINGS EN STEEKVERDUIDELIKINGS beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, sp = spasie, st = steek, tr = trossie, vlg = volgende Trossie: 1 Slaan die draad oor die pen en steek dit in die volgende steek.2 Moenie die steek voltooi nie sodat daar twee lusse op die pen is.3 Hekel die volgende steek/steke (soos deur patroon aangedui) op dieselfde manier.4…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Daar moet balans wees. Ons probeer so dikwels die kers aan albei kante brand en in die proses brand ons onsself uit. Al die stres veroorsaak onderlinge angstigheid. Wat gebeur as een van jou motor se wiele ongebalanseerd is? Net een wiel wat nie gebalanseer is nie, kan veroorsaak dat die hele motor skud. Wat gebeur as jy middeloorontsteking kry en jy verloor jou sin van balans? Jou hele wêreld voel gedisoriënteerd. Daar moet balans wees, balans tussen jou werk, jou huis, rus en ontspanning. Om balans in ons lewens te kry, moet ons ons lewens gereeld evalueer. Is daar enige deel van jou lewe uit balans of waar jy…