Innholdsfortegnelse for 11 January 2018 (combined with issue 1 - 4 January 2019) i Vrouekeur

As ek kyk wat als in 2018 wereldwyd gebeur het, kan ek se wat ek wil he ’n hele paar mense anders moet doen. Ek wil he hulle moet gewetens kry. As jy ’n gewete het, gaan jy nie sommer oorlog verklaar en duisende onskuldige mense se lewens verwoes nie. Jy gaan nie steel nie, jy gaan nie moor nie, jy gaan nie korrup wees nie. Jy gaan nie gierig wees nie. Jy gaan probeer om van die wêreld ’n beter plek te maak. Sal dit nie gaaf wees as 2019 minder gewelddadig is nie? As die gaping tussen brandarm en skatryk kleiner word nie? As mense in vrede met mekaar saamleef nie, verskille en al? Mense moet besef die aarde is soos ’n bankrekening. Dis nie ’n onuitputbare bron…

Skadujagter, ’n jeugroman, word as “’n ongewone sielkundige riller” beskryf. Heibrandt leef in ’n onsekere wereld waar alles nie altyd is soos dit lyk nie: Hy bevind hom in situasies sonder om te weet hoe hy daar gekom het en sien mense en dinge wat hy nie veronderstel is om te sien nie. Later word dit duidelik: Heibrandt ly aan skisofrenie. Maar hoekom só ’n tema kies om oor te skryf? “Ek dink eerder skisofrenie het mý gekies,” sê Dihanna Taute, skrywer van Skadujagter. “Skadujagter het by ’n godverlate stuk grond begin. Ek wou ’n storie skryf wat tussen verlore huise afspeel, met waaigras wat oor die pad rol. Heibrandt en sy situasie het eers later pens en pootjies in die boek kom klim. Hy was ’n ‘verlore’ tienerseun op…

Desiree-Anne Martin se boek is nie ’n maklike boek om te lees nie. Ek het dit verskeie kere neergesit – te bang om voort te lees. Dié 42-jarige vrou skryf in haar bedankings: “A book does not write itself; a life writes a book.” Desiree-Anne of Dez, soos sy bekend staan, is nou 14 jaar skoon van dwelms en bedryf haar eie dwelmterapiepraktyk. Sy skryf oor haar pynlike kinderjare, van die seksuele misbruik deur ooms en ’n neef, hoe die grootmense dit as “hy grap net” afmaak, haar verslawing aan dieetpille, aborsie en miskrame. Sy skryf pynlik eerlik oor hoe sy mense gemanipuleer het om haar sin te kry. Dez het ná skool keuring vir die Universiteit Kaapstad gekry, maar sy kon nie die klasgeld bekostig nie. Boonop het sy…

Renette Bouwer is bekend as ’n koormeester met ’n goue hart en stem van fluweel. Haar delikate handbewegings sleur al jare sangers op die pad na sukses mee. Sy kan met ekspressiewe gesiguitdrukkings koorlede bo hulself laat uitstyg en met ’n frons rugwerwels weer reguit maak. Sy is baie sintuiglik en intuïtief in haar manier van beweeg en praat. “Ek vorm klank met my hande en gee só kleur en diepte van toon aan die mense voor my,” vertel sy. Renette se lewe en werk as koorleier, jurielid, aanbieder van lesings en werkswinkels, bywoner van konferensies en solis neem haar gereeld na die konsertsale en katedrale van die wêreld – van Hanover in die Vrystaat tot Hongkong en Harvard, van Bratislawa tot Beijing en Barcelona, Cincinnati, Carnegie Hall, Riga en…

Versoening, ’n ideaal waaraan Suid-Afrikaners al moedeloos geskuur en geskaaf is, is moeilik om te bewerkstellig. Die verhaal van nagenoeg 100 voormalige Suid-Afrikaanse soldate, wie se versoeningsgebaar met ope arms deur die Angolese verwelkom is, gee vir ons egter nuwe hoop. In ’n poging om sin uit die Bosoorlog te probeer maak, om geestelike letsels te genees en om ’n hand van vriendskap na eertydse vyande uit te reik, het die veterane Angola onlangs besoek. Dit het alles begin met die besoek van ’n oudsoldaat, Johan Booysen, en sy dogter, Tammy, aan Cuito Cuanavale in 2014. Daar het hulle vir Fernando Mateus, destyds ’n Fapla-soldaat en vandag ’n generaal in die Angolese weermag, raakgeloop en ’n vriendskap het ontwikkel. Hieruit is Operasie Unidade de Amizade (eenheid in vriendskap) gebore –…

#bakliefde Mareli HEUNING-EN-PIESANG-MUFFINS 10 muffins 80 ml (⅓ k) klapperolie125 ml (½ k) heuning2 groot eiers4 middelslag- (180 g) ryp piesangs, verpulp60 ml (¼ k) melk5 ml (1 t) vanieljegeursel375 ml (205 g) Nutty Wheat250 ml (120 g) hawermout5 ml (1 t) koeksoda2,5 ml (½ t) sout2,5 ml (½ t) kaneel Voorverhit oond tot 170 °C en voer kolwyntjiepan met kolwyntjiepapiertjies uit. 1 Klits klapperolie, heuning en eiers tot goed gemeng. 2 Gooi piesangs, melk en vanieljegeursel by en klits goed. 3 Meng meel, hawermout, koeksoda, sout en kaneel en meng by piesangmengsel. 4 Skep beslag in kolwyntjiepan en bak vir 20 tot 25 minute tot goudbruin en gaar. 5 Haal uit oond en laat afkoel.…

VIER ’N KOPPIE ROOIBOS ’n Heerlike koppie rooibostee sê “trots Suid-Afrikaans”. Vier Nasionale Rooibosdag op 16 Januarie. Op hierdie dag word erkenning aan die gebruiker, verwerker, landbouer en plaaswerker gegee. Hoe kan jy die dag vier? Nooi ’n vriendin of buurvrou vir ’n koppie rooibostee, maak vir jou kollegas ’n koppie of vier dit met rooibos-jenewer. Jy kan ook kos daarmee maak en selfs jou vel met ’n rooibosroom pamperlang. Kry idees op www.rooibosday.com SKOP DIE JAAR GESOND AF As jou Nuwejaarsvoorneme meer oefening insluit, is ’n wedloop dalk net die ding om die litte los te kry. Die Resolution Trial Run word op 13 Januarie by die Delveraplaas op die R44, Stellenbosch, gehou. Deelname kos vanaf R100 per persoon. Die Dirtopia-wedren en -wedloop word op 20 Januarie by dieselfde…

In sy leeftyd is Vincent van Gogh (1853–1890) nie as ’n belangrike kunstenaar gereken nie. Sy stormagtige persoonlike lewe het meer aandag getrek as sy kuns en hy het nouliks werk verkoop gekry. Op 37 het hy sy eie lewe geneem. Deesdae word Van Gogh as vername Nederlandse Post-Impressionis en een van die belangrikste invloede in die 20steeeuse kunsgeskiedenis erken. Die openbare mening oor Van Gogh en sy werk het kort voor die Eerste Wêreldoorlog ’n ander rigting ingeneem toe sy briewe in drie bande gepubliseer is. Dit was veral sy algehele vereenselwiging met sy werk as kunstenaar wat uit dié briewe geblyk het. In 1934 het Irving Stone ’n biografiese roman oor Van Gogh, Lust for Life, geskryf en die verfilming van dié boek in 1956 het verder tot…

ROLPRENTE DUMPLIN’ 8/10 Met Jennifer Aniston en Danielle Macdonald Regisseur Anne Fletcher DRAMAKOMEDIE Daardie titel! Wat beteken “Dumplin’” eintlik? Dit is die bynaam wat ’n oud-skoonheidskoningin vir haar dogter gee wat met haar gewig sukkel maar aan ’n skoonheidskom-petisie wil deelneem! Die fliek bring hulde aan enige vrou wat al ’n onmoontlike droom wou verwesenlik, maar nooit die moed gehad het nie. “Niemand durf vir jou sê wie jy is of hoe jy lyk nie!” kondig die rolprent breëbors aan. Moenie dink dit verloop soos jy verwag nie. Jennifer Aniston lewer die blinkste vertolking van haar loopbaan. Sy was ook een van die talente agter die skerms wat gesorg het dat sogenaamde “lelike eendjies” (in bevooroordeeldes se oë) hul regmatige plek kan inneem. Jy sal lag, soms snik, partykeer jou…

Selde in Afrikaanse prosa is die verwilderende dienspligervaring van die 1970’s só helder, só sensitief, só onstellend uitgebeeld as in Hans Pienaar se Die generaal. Dit is die tweede week in ’n ry wat ek op hierdie blad oor die grensoorlog skryf. Verlede week was Alexander Strachan se boek oor die ontstaan van die spesmagte, 1Recce, aan die beurt en hierdie week val die aandag op Die generaal. Eintlik kan mens dié twee boeke nie in dieselfde asem noem nie. 1Recce is ’n boek van heldeverering, viering van die avontuurlustige en dapper soldate wat taai opleiding ondergaan en nie kan wag om saam met hul kamerade op gevaarlike sendings te gaan nie. Pienaar se roman belig ’n ander kant van die grensoorlog, eintlik ’n gans ander grens. Die feit dat…

MOEILIKHEIDSGRAAD: ★ BENODIGDHEDE Elle Crochet no 5 in die kleure van jou keuse 3 mm-hekelpen Naald Verskillende kleure kraletjies Serp Wit kleremakerspotlood of uitwisbare merkpen (afhangende van kleur serp) AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, dr-ks = draaikettingsteek, gp = groep, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, RK = regte kant, sp = spasie, st = steek, tr = trossie, VK = verkeerde kant, vlg = volgende DUBBELSLAGTROSSIE (DSL-TR): 1 Slaan die draad twee maal oor die pen en steek dit in die volgende steek.2 Voltooi die steek tot voor laaste 2 lusse op pen.3 Hekel die volgende steek op dieselfde manier.4 Slaan die draad…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Gebruiklike betiteling van ’n sendingleraar van die Nederduits-Gereformeerde Kerk SMS jou antwoord, voorletters, van en dorp/stad voor of op 30 Januarie 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 14 woorde, baie goed 17 woorde of meer, uitstekend OPLOSSING: Veldskool, skoolveld, vlekloos, lokvoël, veldkos, osvel, vloed, vloek, volle, vlek, vlok, vlos, voed, voel, volk, voos, voël Woordsoek 27 beroepe moet in hierdie rooster opgespoor word. Hulle kan horisontaal, diagonaal, vertikaal, onderstebo of agterstevoor gelees word en val soms oor mekaar. Kyk…

MY MAN WIL ELKE NAWEEK KAMPEER Ek is lief vir die buiteluglewe, die bos en die natuur, maar my man wil elke naweek in die middel van nêrens deurbring. Dan moet ons alles, van water tot ’n veldtoilet, saamsleep na plekke toe waar daar geen geriewe is nie. Dan is dit die muskiete, spinnekoppe en slange. Vir hom is dit een groot avontuur, maar vir my is dit ’n pyn. Ons is al 70 en welgesteld. Dis nie asof ons nie ’n vyfsterlodge kan bekostig nie. Om van die buitelewe en natuur te hou, is een ding, maar om gereeld te gaan uitkamp as jy nie meer so entoesiasties daaroor voel nie, is ’n ander. Dit klink nie of dit oor geldbesparing gaan nie, maar eerder jou man se voorkeur…

Net toe kykers gedink het hulle kan asem skep met dié dat Louis en Naomi eindelik hul liefde aan mekaar verklaar het, begin die naelbyt weer. Asof bagasie wat die verhouding reeds beproef, nie genoeg is nie, kompliseer druk van die skoonfamilie dit selfs meer. En almal wonder: Gaan hul verhouding die spanning kan oorleef? Min kykers weet dat Germandt Geldenhuys en Je-ani Swiegelaar agter die skerms hegte vriende is. Hoewel hulle mekaar maar twee jaar ken, is daar ’n buitengewone bekendheid tussen die twee, asof hul vriendskap al dekades lank groei. Ja, jy kan amper voorsien dat hulle mekaar se sinne voltooi en die ooreenkomste is onmiskenbaar. DIE REUK VAN VRYSTAAT-STOF EN NAMIB-LUG Albei het op die platteland grootgeword as die oudste van drie kinders. Je-ani onthou toktokkie in…

*Alle pryse is die voorgestelde verkoopprys. Pryse korrek teen druktyd…

NOUGATPLESIER Sally Williams is ’n ou gunsteling wat seker van dié lekkerste nougat vervaardig. Nou is daar ’n nuwe lekkerte wat wag: Sally Williams Peanut Butter Nougat! www.sallywilliamsfinefoods.com SKOON GEWAS Personal Touch bied 20% meer wasse aan met die nuwe formule van hul versagmiddel. Dan is daar ook nuwe toevoegings tot die reeks soos die Stain Removermet sterker aksie en die Wrinkle Relaxer wat jou tyd met strykwerk spaar. DIE REINE WAA RHEID Checkers se nuwe reeks Simple Truth sluit meer bekostigbare alledaagse produkte in. Kies uit ’n ontbyt-, happies- of huishoudelike reeks. Geen produkte uit hierdie reeks bevat nagemaakte kleure en geure, versoeters of ekstra MSG nie. DIT RUIK LEKKER & LYK MOOI Carrol Boyes is welbekend vir haar unieke ontwerpe. Kry hierdie pragtige 200 ml-kamersproei wat die lug…

Net soos Jona, is ek eenkeer amper deur ’n walvis ingesluk. Sowaar, ek lieg nie. Tydens ons studentejare reis ek en ’n groep vriende Mosambiek toe vir vakansie. Agt van ons, sopnat agter die ore en met bitter min reiservaring tussen die lot van ons. Diegene van julle wat al dié lieflike land besoek het, sal weet mens kan óf net-net oor die grens heerlik gaan vakansie hou by Xai-Xai, of jy kan doer ver opneuk tot by Tofu in Inhambane. Maar nou ja, wat is ’n student as hy nie dom is nie? Ons vertrek. Die een senutergende busrit ná die ander volg in afnemende padwaardigheid, en ná byna twee dae se wreedaardige ry, kom ons ingeprop soos sardiens – half gedehidreer en heeltemal ontnugter – oplaas by ons…

Die Russies gebore sopraan Anna Netrebko is by geleentheid al as “Audrey Hepburn met ’n stem” beskryf. (Hou in gedagte dat die sopraan Marni Nixon se sangstem vir dié van Hepburn in My Fair Lady gebruik is.) Dit is ’n vergelyking wat dalk primer op voorkoms dui, want Netrebko het gewis ’n elegansie en betowerende teenwoordigheid op die verhoog. Daarby bring sy ’n wonderlike donker en eiesoortige klank voort. Die 47-jarige Netrebko het haar loopbaan as liriese sopraan begin. Sy was 22 toe sy haar debuut in die Mariinsky-teater as Susanna in Mozart se Le nozze di Figaro gemaak het. Daarna het eers Pamina in Die towerfluit en later die Koningin van die nag gevolg. Dink ook aan haar lieflike vertol king in Brian Large se DVD-opname van La traviata,…

Toe almal warm gebad en droog aangetrek voor die kaggelvuur kom sit, is niemand lus vir die skel buisligte nie. Ons grawe ’n paar lanterns uit om by te kook. Die binnebraai verskaf ook ’n aangename gloed, terwyl dit steeds buite sous New York, Rio de Janeiro of die Bahamas is op talle mense se reislysie vir ’n kleurryke Oujaarsaand. In Edinburgh hou die feestelikhede sommer drie dae lank aan en begin al op 30 Desember met ’n flitsligprosessie deur die donker sneeustrate en bou op tot ’n reuse- Keltiese party waar 4,5 ton vuurwerke die lug in ontplof om die nuwe jaar aan te kondig. Berlyn se Brandenburger Tor is die plek vir ’n ongeëwenaarde opelugmusiekskouspel en in Hongkong dans ’n ligdraak dramaties oor die stad. Die wêreld se…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Rusiemakerige persoon wat altyd stroomop werk SMS jou antwoord, voorletters, van en dorp/stad voor of op 30 Januarie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Stadig maar seker raak ons ingestel op die nuwe jaar wat voorlê. Aan die begin van ’n nuwe jaar praat ons gewoonlik maar oor tyd. En omdat die lewe oor tyd gaan en wat jy daarmee doen, het die Here nogal baie oor die onderwerp te sê. In Psalm 90:12 staan: “Here, leer ons ons dae so gebruik dat ons wysheid bekom.” Wat sou wys wees? Dit sou wys wees om met die ewigheid in gedagte te leef. Die lewe hier is nie al wat daar is nie. God het die besef van die ewigheid in ons harte geplant. Ons weet nie hoe die ewigheid lyk nie; ons weet nie hoe die ewigheid voel nie. As gelowiges glo ons wel dat dit bestaan. Wanneer ons oor die ewigheid praat, dwaal…

“Heindrich Wyngaard is joernalis, skrywer, uitsaaier en aanbieder van die geselsprogram KLOP! (Kô, lat ons praat!) op kykNET & kie. Heindrich, ook mede-aanbieder van Verslag op kykNET, is verstom oor die neiging van verdeeldheid wêreldwyd. “Ek hoop nie die moontlikheid van ’n Derde Wêreldoorlog weens die Amerikaanse president Donald Trump se ingekeerdheid en bullebakkery word ’n groter werklikheid nie! “Ek het my verlede jaar voorgeneem om meer te oefen, minder te eet en wyser te bestee. Helaas, omdat ek alleen woon, het ek nie ’n persoonlike eetwag nie en omdat ek steeds sukkel om ‘nee’ te sê wanneer iemand my iets vra, het ek nie wyser bestee nie. Maar ek het meer geoefen. Ek voel goed en volgens party mense lyk ek selfs goed en nie so ‘oud’ soos ek…

Dr Arien van der Merwe, ’n mediese dokter, skrywer en holistiese gesondheidsberader van Ariani Health Solutions in Pretoria en Hermanus wat genetiese toetse uitvoer, sê hoewel ons nie ons gene kan verander nie, kan ons wel beheer oor hul “uitdrukking”, wat sterk deur die omgewing beïnvloed word, uitoefen. “Ons help mense om sekere aanpassings te maak wat hul risiko vir sekere siektes kan verlaag terwyl hul energie en lewenslus met behulp van ’n gesonde lewenswyse sal verhoog. “Ons neem mondsmere, stuur dit na ’n laboratorium wat uitgebreide, volledige toetse doen en die belangrikste van alles, bespreek die resultate met jou. Dit help jou om alles in perspektief te beskou, te verstaan en bowenal, nie beangs te raak nie, maar eerder toe te laat dat ons jou leer hoe om jou…

SALMROLLETJIE 4–6 porsies 4–6 tortillas200 g (1 houer) salmgegeurde maaskaas2 avokado’s180 g (2 pakkies) gerookte salm 1 Smeer elke tortilla met maaskaas. 2 Sny avokado’s in lang repies en pak in middel van tortilla. 3 Pak salm op avokado. Geur met sout en peper. 4 Rol tortilla op. Steek tandestokkies omtrent 1,5 cm uitmekaar in rolletjie en sny tussen elke tandestokkie. HOENDER-SATAYSTOKKIES MET GRONDBOONTJIESOUS 4–6 porsies 4–6 hoenderdye, ontbeen15 ml (1 e) olie5 ml (1 t) paprika5 ml (1 t) fyn komyn5 ml (1 t) fyn koljandersout en peper SOUS 160 ml (⅔ k) gladde grondboontjiebotter60 ml (¼ k) rysasyn80 ml (⅓ k) sojasous45 ml (3 e) heuning5 ml (1 t) vars gemmer, fyngekap5 ml (1 t) fyn knoffelknypie paprikaknypie brandrissievlokkies 1 Sny hoenderdye in lang repe en ryg op sosatiestokkies.…

HET JY GEWEET? MENS KAN OOK SPEK IN ’N WAFELMAKER GAARMAAK. LAAT DIT OP DIE WAFELMAKER. BRAAI SO NDER DIE GESPAT VAN OLIE. HOU DIE GOGGAS WEG Dis somer en goggas kan gou in drankies beland. Sit ’n kolwyntjiepapiertjie oor ’n glas met ’n strooitjie in die middel. SKOON MOTOR Kolwyntjiepapiertjies is ook nuttig om die cupholders in motors skoon te hou. Hou dit sommer permanent in jou motor en vervang dit net kort-kort. Tee vir reuke Sit droë teesakkies in onwelriekende skoene of gimsakke om onaangename reuke te absorbeer. Makliker so Sny gevriesde pizza voor jy dit in die oond plaas. Dis minder van ’n gemors later en mens kry só beter hitteverspreiding. ’N EINAPAKKIE! Vries malvalekkers om dit in ’n pakkie te sit as jy iets kouds vir pyn nodig…

Bantom hom so En flennie die snare Ek is verlief op die kind Die son slaan vuur uit die sweetvoshare Ek is verlief op die kind Dit is die bekende woorde uit Boer neef se 1959-gedig Voshaarnooi, wat in 1986 deur Louis van Rensburg getoonset is en as een van die stemmingsliedere in Ballade vir ’n enkeling gebruik is. Dit is ook die toonvenstersnit van die album Flennie die snare; Boerneef in woord en klank, die klankbaan van Lefra-produksies se verhoogproduksie, met regie deur Frans Swart. Boerneef (1897–1967) is die skrywersnaam van die skrywer, digter, leksikograaf en akademikus Izak Wilhelmus van der Merwe. Hy word beskou as ’n fyn prosaïs wat die sogenaamde “klein-realisme” of “fantasie-realisme” ontgin en die kleindorpse lewe in rou eenvoud aangeteken het Boerneef was ’n woordkunstenaar…

Een onderwerp wat die laaste paar jaar al hoe meer aandag geniet, en dankie tog daarvoor, is seksuele mishandeling. Van watter aard of omvang ook al, seksuele mishandeling is siek en onverskoonbaar. Wat so hartseer en skokkend is, is dat soveel vroue die een of ander tyd in hul lewe daaraan blootgestel is. Hetsy deur ’n persoonlike ervaring of dié van ’n vriendin of familielid. Ons weet almal dat verkragting ’n strafbare oortreding is, maar dikwels is die vorm van mishandeling van so ’n aard dat die slagoffer min of geen bewyse het nie. Wat agterbly, is die vernedering en emosionele letsels van ’n ervaring wat dié mense vir die res van hul lewe met hulle saamdra. En ons durf dit nooit gering ag nie. Niemand het die reg om…