Innholdsfortegnelse for 21-28 December 2018 i Vrouekeur

Dis daai tyd van die jaar wat mense hul dagboeke wegbêre en na luilekker dae van leeglê uitsien. Nie Jakkie Louw nie. In sy 20ste jaar in die bedryf is sý dagboek – fyn bestuur deur sy vrou, Anél – stampvol optredes vir so te sê die hele Desember. Jakkie gaan laat waai van Witbank tot Margate, by Loskopdam en Plettenbergbaai en van Langebaan tot Gansbaai. Vir uitspan en ontspan is daar in die volgende paar weke min tyd. “Daar is nie tyd vir vakansie nie! Ek het 18 shows in Desember en Januarie is vól. Maar mens moenie kla as jy dit wíl maak nie,” sê Jakkie, waar hy op ’n Novemberoggend by hul huis in Moreletapark, Pretoria, styf langs Anél op die bank sit. Dié twee is al…

* Alle pryse is die voorgestelde verkoopprys. Pryse korrek teen druktyd WAAR KOOP EK DIT? Carrol Boyes www.carrolboyes.com 021 424 8263 Crocs www.crocssa.co.za 087 237 6845 Della www.della.co.za Eurosuit eurosuit.co.za 011 783 1593 Execuspecs www.execuspecs.co.za 0860 109 289 Mr Price www.mrp.com 0800 212 535 Poetry www.poetrystores.co.za 0860 555 29 Queenspark / JCrew www.queenspark.com 021 460 9400 customercare@queenspark.com Scotch & Soda www.scotch-soda.com 011 784 3233 (JHB) / 021 418 1725 (Kaapstad) SDM Eyewear 011 334 7020…

In die Timion-werkswinkel op Jeffreysbaai word daar gewoel en gewerskaf, want hier word hout in hulpmiddels omskep wat lewens kan verander. Stap jy deur die werkswinkel sien jy dalk ’n postuurstoel wat erg gestremde kinders in ’n goeie sitposisie kan ondersteun, staanrame om onafhanklik te staan, ’n spesiale sitplek wat beentjies help reguit kry, ’n prettige loopperdjie om eerste treetjies te bevorder, selfs ’n toiletbankie wat ouers kan help om hul gestremde kind regop te hou. Timion het ontstaan as die droom van Daniel en Anika Meyer. Daniel, ’n Switserse ortotis (iemand wat toerusting vir gestremdes maak), en Anika, ’n fisioterapeut, het mekaar in Sierra Leone ontmoet waar hulle albei met gestremde kinders gewerk het. In 2006 het die paartjie op Jeffreysbaai kom bly. Hul samewerking met terapeute by klinieke…

Hoewel sy ure op die pad en in die gimnasium deurbring om fiks en sterk te bly, sê Irvette haar kop moet net so sterk wees wanneer sy wedlope aanpak. “Ek begin al die vorige dag beplan waaraan ek gaan dink as daai oomblik kom wat ek swaarkry, en dit kan enige tyd kom. “In daardie stadium moet jy weet wat gaan jou motiveer om vas te byt. Dis hoe ek my mind probeer voorberei nog voor ek begin. Partykeer werk dit nie …” Deesdae dink sy veral aan haar seuntjies as die kilo’s lank raak. “Jy probeer dink aan hoekom jy dit doen. Ek doen dit vir my seuntjies, vir LJ, vir alles wat ek ingesit het. As alles verkeerd gaan en ek wil stop, dan begin ek dink…

DRIEHOEK-MAASKAASKOEK 1 koek 105 ml (100 g) sagte botter60 ml (¼ k) strooisuiker1 eier1 houer (230 g) volroom-roomkaas60 ml (¼ k) Amarula-likeur15 tennisbeskuitjiesrooi en groen kersies2 plakke (160 g) donkersjokolade25 ml (5 t) Amarula-likeur30 ml (2 e) room 1 Klop botter, suiker en eier tot lig en donsig. 2 Gooi roomkaas en likeur by en meng goed. Plaas mengsel in vrieskas vir een uur. 3 Pak tennisbeskuitjies op foelie in drie rye van vyf. Skep helfte van roomkaasmengsel op middelste ry en pak ry van rooi en groen kersies bo-op. Skep res van mengsel bo-op. 4 Vou foelie met onbedekte rye tennisbeskuitjies na binne om driehoek te vorm. Knyp foelie bo vas en plaas koek in vrieskas. 5 Smelt sjokolade en meng likeur en room by om ganache te vorm.…

VIER DIT BY DIE WATERFRONT Die V&A Waterfront bied op 31 Desember van 18:00 af hope vermaak. Dit gaan een van Kaapstad se grootste Nuwejaarsmakieties wees. Daar sal vlotte van die Kaapstadkarnvaal wees om te besigtig en daar is selfs speelplek vir die kinders. Vind meer uit by www.waterfront.co.za KOMEDIE OP DIE PLANKE Riaad Moosa & Friends tree op 22 Desember by die Globe, Suncoast Casino in Durban op. Verwag ’n vertoning wat jou gaan laat skaterlag. Let net op die ouderdomsbeperking van 16 jaar. Kaartjies kos R185 per persoon en is by Computicket beskikbaar AFRIKAANS OP HARTENBOS Die In Afrikaans-konsertreeks word van 22 tot 29 Desember by die ATKV-amfiteater Hartenbos gehou. Kunstenaars soos Jo Black, Steve Hofmeyr, Robbie Wessels, Karen Zoid, Leah, Theuns Jordaan, Riana Nel, Snotkop, Appel, Roan…

Die veteraan-musikant Jannie du Toit se splinternuwe album, Oesjaar (JNS-Musiek) is ’n loopbaanhoogtepunt en ’n viering van amper vyf dekades in die musiekbedryf. Die musiek op dié album is vintage en beleë, maar ook byderwets en vars. Dit is ’n persoonlike album deur dié musiekmeester en bottel die jongste oes van sy musiekjaar, oor sy waarnemings, dit waarin en waaraan hy glo, oor dit waarvoor hy hoop en oor die mense en die plekke wat ’n verskil in sy lewe gemaak het. Op die openingsnit Vat die pad word die luisteraar onmiddellik oorrompel met ’n komposisie wat klawers, snare en ritmiese slagwerk ontgin – om die tydbalans en die gemoedstemming tussen die voortsnelling na ’n bestemming en die teenpool van die versugting na en verligting van uitspanning te verklank. Op…

Ware boeklesers is ewig hoopvolle wesens. Jy lewe altyd met so ’n onblusbare vonkie hoop in jou hart dat die volgende boek wat jy oopblaai, die beste een sal wees wat jy die hele jaar gelees het. Soms is jy skaars ’n paar bladsye in die storie in voordat die vonkie vlam vat en ’n knetterende vuur word. Dís die een waarvoor jy gewag het, besef jy dadelik, die rede waarom jy aanhou lees. Soos ’n bloedhond op die spoor van daardie één boek wat bo alles sal uitstaan wat jy die afgelope dekade aangedurf het. Soms, net soms, word daardie vonkie ’n manjifieke vuurwerkvertoning wat jou na jou asem laat snak, wanneer jy ’n roman ontdek wat jy vir die res van jou lewe as ’n gunsteling sal onthou.…

Die Gramophone-pryse wat in wese die Oscars van die wêreld van klassieke musiek is, word sedert 1977 jaarliks aan die uitblinkers in dié bedryf toegeken. Vanjaar se wenners is al in September aangekondig, maar dalk is die somervakansie nou die ideale tyd om ’n bietjie in te haal wat in die woelige 2018 gebeur het. En die CD-speler iets nuuts te gee om te speel. Die toekenning vir die beste opname van die jaar – en tegelyk ook die beste opera-opname van die jaar – het aan die Erato CD-opname van Hector Berlioz se Les Troyens met John Nelson op die podium voor die Straatsburgse Filharmonie gegaan. Nelson is veral geloof vir die ongejaagde tempo wat hy handhaaf en op dié manier die musiek geleentheid gee om asem te haal.…

Konrad lê roerloos op die kombuisvloer. Die hond, Kaptein, het een tjank gegee en vermoedelik onder ’n bed gaan skuil. ’n Bloedplas sprei stadig soos ’n rooiwynvlek oor die wit teëls. Bernard skeur sy oë los van Lalie, na wie hy gekyk het soos ’n reisiger wat op ’n snikhete dag na ’n lang glas water staar. Hy gaan hurk by Konrad en voel vir ’n pols. Dan kyk hy op en skud sy kop. “Hy is dood.” Bernard haal sy selfoon uit en bel ’n ambulans. Gemengde gevoelens woel in Lalie, maar een gevoel kry tog die oorhand: verligting. Sy kan nie presies onthou waarom nie, maar sy voel soos iemand wat uiteindelik aan die einde van ’n lewenslange vonnis gekom het. Sy is vry. Hans, bleek soos ’n…

“Die lewe met musiek is my grootste avontuur!” sê die dubbel-platinumkunstenaar Refentse Morake (21) prontuit. En hét hy ’n avontuur beleef sedert hy op 17-jarige ouderdom op die sypaadjie van sy ouerhuis opgemerk is terwyl hy kitaar gespeel en gesing het … Sy 2016-debuutalbum, My hart bly in ’n taal, is met omtrent elke Suid-Afrikaanse musiektoekenning bekroon. Hy het onlangs nóg ’n toekenning vir sy tweede album, Deur my venster, gewen as die beste kontemporêre album. Sy derde album, Liefdegenerasie, ontgin sy talent as liedjieskrywer in uiteenlopende genres – van kontemporêre en alternatiewe elemente tot rock, reggae en selfs ’n tikkie kletsrym wat die volle omvang van sy vokale vernuf ten toon stel. Hy het die afgelope ruk behoorlik gewoel en het nou al ’n orkes van agt lede gewerf…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Toe hulle kos vra, het Hy kwartels laat kom en sy volk met … versadig SMS jou antwoord, voorletters, van en dorp/stad voor of op 16 Januarie 2019 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 15 woorde, goed 19 woorde, baie goed 24 woorde of meer, uitstekend OPLOSSING: Windwyser, indrywe, inwyder, swyend, sywind, wyders, deins, diens, drein, drywe, synde, weids, dein, dien, dier, dies, drie, eind, send, syde, wend, wied, werd, wind. Woordsoek Daar is 35 tale wat in verskeie dele van die wêreld voorkom, in hierdie rooster weggesteek. Hulle…

“Ek is maar ’n plein ou. Gebore en getoë op die platteland. Wat jy sien, is wat jy kry. Ek wil graag liefde, vrede en verdraagsaamheid beoefen. Ek wil inspireer soos ek geïnspireer word. Ek besef God het my met ’n doel geskape. Ek wil net my beste vir Hom wees en ander mense aan sy grootsheid herinner. Dis ek – dis my hart,” sê Ruan Josh (28). Sy gesin en vriende noem hom Ruka, Ruantjie, Uber, Doepie en ja, selfs Skarumbie! Hy gebruik die verhoognaam Ruan Josh, bloot om onderskeid te tref tussen sy sang-en korporatiewe beroep, wat hy reeds tien jaar lank beoefen. Sy ma is die Suid-Afrikaanse superster Juanita du Plessis, wat al elke denkbare musiektoekenning gewen en nagenoeg 2,5 miljoen albums verkoop het. En sy ewe…

“My lekkerste Kersfees was as negejarige in Pretoria. Pa het ’n huis met ’n swembad gekoop. Ma het tong met mosterd gemaak. Ouma en Oupa was ook daar. Die hele familie was daar. Ek het ’n krieketkolf gekry en daai aand het ons Ghost Busters op video uitgeneem. Ek onthou nou nog die reuk van daardie dag!” sê Adam Tas. Jare later as musikant het dinge anders verloop. “Ek en my tromspeler van daai tyd, Daniel Roos, was oor die feestyd op toer in die Kaap. Ons het nie op Kersdag ’n konsert gehad nie. ’n Mens kry mos darem meestal ’n ietsie te ete en te drinke as jy optree … Nié daai dag nie. Dit was aan die begin van my loopbaan en dit het maar swaar gegaan. Ons…

VAKANSIETYD IS NIE ALTYD POSITIEF NIE Baie mense sien uit na die vakansiebreuk oor Kersfees, maar dit kan ook stres meebring weens konflikte wat opvlam met familie wat saamkuier, drankmisbruik en gepaardgaande gesinsgeweld, of selfs intense alleenheid as jy dié tyd alleen moet deurbring. Daarby is daar bekommernis oor finansies oor die baie geld wat in hierdie tyd aan geskenke en vakansies uitgegee word. KERSLIEDJIES LEI TOT STRES Volgens ’n kliniese sielkundige in Brittanje is dit nie goed vir jou geestesgesondheid om lank voor Kersfees reeds met Kersliedjies in winkels gebombardeer te word nie. In plaas van ’n vakansiestemming, kan dit stres tot gevolg hê omdat dit jou vasgevang laat voel as jy aan als dink wat jy nog voor Kersdag moet koop en doen en beplan. ’N VETROL VIR…

Mens doen nie bloot ’n onderhoud met die Bekkers van Linden nie. Daar word oorvloedig brood gebreek en wyn gedrink, volgens Alber tekenend van Emma se “bykans pornografiese belangstelling in kos”. Daar word baie met en vir mekaar gelag terwyl die egpaar op nostalgiese memory trips gaan. Hulle maak mekaar se sinne klaar. Hulle beoefen veelsydige en uiteenlopende beroepe en bring gedurig nuwe belangstellings na die tafel. Albertus is ’n meganiese ingenieur wat bedags as markrisikobestuurder vir ’n groot bankgroep werk en nauurs viole bou en restoureer. Emma is ’n gebore storieverteller met die vermoë om moeiteloos woorde en beelde ineen te strengel. Sy noem haarself ’n transformasie-fasiliteerder, of tong in die kies, ’n voorstedelike sjamaan, wat met intuïtiewe gawes mense van raad bedien. Emma verduidelik: “Ons is albei pioniers…

“Toe die ATKV-Handevat-projek oor my pad kom, het ek besluit om vir die kompetisie in te skryf deur ’n verskil met rommel te probeer maak,” vertel Annatjie van Below. Hiervoor het sy en die leerders haar rommeltrommel in die klas ingespan. “Nadat ons skool twee jaar ná mekaar die nasionale tweede prys met hierdie projekte gewen het, is ons nou op ’n derde probeerslag gefokus en wil verskriklik graag wen, nie omdat dit oor wen gaan nie, maar omdat die kontantprys so ’n groot verskil in die lewe van minderbevoorregte kinders kan maak.” Annatjie en die leerders se Handevatprojek is vanjaar Laerskool Hartsvaal se erg verwaarloosde speelpark in die Ganspannedersetting. Van stilsit weet dié besonderse vrou nie. “Ek rig die skoolkoor af, snoei die skool se rose, gee klas en…

Kitto Arendse van Malmesbury het as jong man geleer om stukkende motors se bakwerk so mooi te herstel dat dit weer splinternuut lyk. Deesdae volg hy dieselfde noukeurige roete wanneer hy jong tennisspelers afrig. Hy herstel graag stukkende kinders se selfbeeld net soos hy destyds die rygoed herstel het. Kitto is ’n 65-jarige afgetrede onderwyser en professionele Boland-tennisafrigter en op sy tuisdorp ken niemand sy geboortenaam Christian nie. “Ek kan my bynaam nie verklaar nie,” vertel hy met sy kenmerkende breë lag, “maar dis wat vasgesteek het.” Kitto se opregtheid en sy reguit blik maak hom oral geliefd. Op 65 rig hy steeds aktief tennis af. Sy eie kinders het provinsiaal tennis gespeel en sy kleinkinders volg dieselfde roete. Sy tennispaadjie het egter nie sonder kinkels geloop nie. Kitto se…

Dr Gary Chapman het in sy boek The 5 Love Languages: The Secret to Love That Lasts aanraking saam met goedkeurende woorde, geskenke, liefdesdade en gehaltetyd as die vyf liefdestale gelys. In sy boek verduidelik hy dat ons liefdestale verskil en wat ek as nommereenliefdestaal beskou, nie noodwendig my maat se nommer een is nie. Hoe gemaak wanneer aanraking jou belangrikste liefdestaal is, maar dit lê as nommer vyf op jou maat se lys? “Jy moet weet dat jou liefdestaal nie noodwendig jou maat se primêre liefdestaal is nie, maar dieselfde geld ook vir jou maat se liefdestaal wat nie noodwendig jóú primêre liefdestaal is nie,” sê Elmari. “Dis belangrik vir jou verhouding om uit te vind watter liefdestaal jou maat praat en dan behoort jy dié taal te gebruik…

OLIE OP SY BESTE Die Willow Creek Estate Blend-olyfolie word in ’n onbreekbare en ekovriendelike PET-bottel versprei en het al ’n hele aantal toekennings verwerf. Die bottel spog met ’n spesiale addisionele suurstofversperring en ’n UV-filter wat die raklewe vir minstens twee jaar waarborg. Die medium intensiteit van die olie maak dit ideaal vir slaaie, pasta en sop. Dit dien ook as ’n gesonde alternatief vir ander olies of margarien met transvetsure. Probeer ook die Director’s Reserve wat ’n premiumgehalte-ekstra suiwer olyfolie is. www.willowcreek.co.za KOM ONS BRAAI Checkers maak braai maklik met ’n verskeidenheid produkte wat jy net op die braai kan gooi sonder enige voorbereiding van jou kant af. Kies uit braaipeuselhappies, brood of selfs nageregte. ’n Gunsteling is die gerookte kaas-en-uie-worsies. www.checkers.co.za SÊ KAAS! CHARWHITE is ’n geaktiveerde…

Toep van die Maand MINESWEEPING (AD-FREE) Die Minesweeper-speletjie sal bekend wees aan enigiemand wat al op ’n ouerige Windowsrekenaar gewerk het. Dit was natuurlik voor die aankoms van die internet en ek het ure bestee om al die myne so vinnig as moontlik op te spoor, sonder om die laaste blokkie op te blaas. Soos baie van hierdie ouer speletjies het Minesweeper ook na die slimfoon toe gemigreer, met Minesweeping (ad-free) ontwerp deur Dev Null omtrent die beste van die lot. Die toep is vir Android beskikbaar, met ander weergawes wat vir Apple-slimfone gevind kan word. HUISPLANTE WORD NOU GEMONITOR Ek’s sekerlik nie die enigste een wat potplante ’n bietjie beter sal wil versorg nie. Die Chinese vervaardiger Xiaomi maak dit makliker met die 4-in-1 Plant Flower Care Smart Monitor…

ROLPRENTE BUMBLEBEE Met Hailee Steinfeld en Justin Theroux Regisseur Travis Knight KINDERDRAMA Te oordeel aan die lokprent is die titel ’n bietjie misleidend. Dit gaan nie oor ’n by nie. Wel, nie ’n werklike een wat heuning maak nie. ’n Agtienjarige meisie (Hailee Steinfeld) kry ’n kewer-Volksie wat skielik in ’n masjien verander wat nogal soos ’n by lyk as jy jou verbeelding gebruik. Gou besef sy, soos in al hierdie soort kinderfantasieë gebeur, dat sy haar in ’n soort Transformers-wêreld bevind waar goeters en katoeters skielik in lewende robotmasjiene verander. Nie almal se motiewe is ewe goed nie. “Ons moet die aarde van vyandige invalle red!” is een van die slagspreuke van hierdie Kersrolprent wat spesiaal op 21 Desember uitgereik word om die kleingoed, wat nie te oorstuur raak…

Die woord “recce” het gedurende die 1970’s en 1980’s ontsettend baie ontsag in ons gemilitariseerde samelewing ingeboesem. Selfs vandag nog het die recces byna ’n soort mitiese status as die dapperste, taaiste en gevaarlikste ouens. In sy 1984-kortverhaalbundel, ’n Wêreld sonder grense, beskryf Alexander Strachan ’n soldaat wat pas die recce-keuringsproses geslaag het en wat moeg en trots op pad huis toe is. Hy sien sy weerkaatsing in die treinvenster en dink dat dit mos nou is hoe hy behoort te lyk: “Stil en gevaarlik.” Hul reputasie as gevaarlik is met bewondering bejeën en hul stilswye oor waarmee hulle regtig besig was, het tot die byna mitiese status bygedra. In daardie jare was die Suid-Afrikaanse samelewing gemilitariseer. Tydens “kadetperiodes” het wit skoolseuns in bruin uniforms onder bevel van onderwysers in…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Hy probeer die lot van minderbevoorregtes verlig SMS jou antwoord, voorletters, van en dorp/stad voor of op 16 Januarie 2019 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

Jesus sê: “Ek is die lig vir die wêreld. Wie My volg, sal nooit in die duisternis lewe nie, maar sal die lig hê wat lewe gee.” – Joh 8:12 Hierdie lig wat Jesus gee, is soos om in ’n kamer in te loop waarin jy nog nooit was nie. As jy in die stikdonkerte daar instap, sal jy waarskynlik bang, angstig en ongemaklik voel. Jy weet nie hoe die meubels gerangskik is waarteen jy jou moontlik kan stamp en seermaak nie. Maar as die lig aan is, loop jy met vertroue en jy sien presies wat jy moet sien. Jy is nie bang of benoud nie. Dis die verskil wat Jesus in ons lewens bring. Jesus is die Lig! Ons loop nie meer bang en onseker in die donker…

KELNERIN SE VREEMDE GEDRAG Ons bestuur ’n restaurant en het ’n kelnerin wat al die oorskietkos van gaste se borde afeet. Sy het al gesê sy weet nie hoekom sy dit doen nie. Sy kan haarself nie help nie. Ons personeel kry genoeg kos. Daar is dus geen rede daarvoor nie. Ek word benoud as ek dink hoeveel keer sy dit gaan doen, veral oor die Kerstyd wanneer ons besiger as gewoonlik is. Hoe gemaak? – Raadop Dit gaan waarskynlik nie oor gulsigheid of dat sy honger is nie. Haar lewensgeskiedenis kan hierby betrek word. Sy kon byvoorbeeld as kind swaargekry het, veral ten opsigte van kos en dit kan haar dalk veilig laat voel wanneer sy die oorskiet eet. Hierdie gedrag as volwassene gaan oor die emosionele sekuriteit wat…

Ingrid Winterbach skryf al meer as 30 jaar bekroonde werke, maar dis eintlik in die skone kunste waarin sy haar in 1969 aan die Universiteit van die Witwatersrand bekwaam het. Die jaar daarna het sy ’n honneursgraad in Afrikaans en Nederlands aan dieselfde universiteit behaal en in 1974 ’n MA-graad in Afrikaans en Nederlands aan die Universiteit Stellenbosch voltooi. Haar eerste roman, Klaaglied vir Koos, is in 1984 onder die skuilnaam Lettie Viljoen gepubliseer. Sy het ’n verdere vier boeke onder dié naam gepubliseer. Buller se plan was die eerste boek wat onder die naam Ingrid Winterbach verskyn het. Haar romans het al in Nederland, Frankryk en Amerika verskyn. Vir iemand wat al elke denkbare literêre prys in Suid-Afrika verower het, moet daar sekerlik ’n gunsteling wees, maar sy sê…

Ek moet jou vertel van die man wat my gewas het. Van kop tot tone gewas soos ’n kind, met ’n waslap. In so ’n rare situasie beland mens nie sommer as jy oor die straat kafee toe loop nie. Nêrens in die daaglikse gang van die lewe beleef jy ’n dergelike ding nie. Vir so iets moet jy ver anderkant grense gaan. Jy moet reis. Waar dit met my gebeur het, het niks rondom my bekend gelyk nie. Nie die vergeelde hotelkamer met sy dik mure en sy tenger divan en ratelende dakwaaier nie. Nie die nou, verspringende strate met die vuilwit huise nie. Nie die sandwoestyn eindeloos in elke rigting nie. Ek was in die Sahara, op ’n plek met die naam Ouarzazate, ’n oasedorp. Jy gee jou…

Die gewilde Mrs Ball’s-blatjang is die maak-of-breek-bestanddeel vir menige watertandlekker dis. Maar daar is ook ander koslegendes wat ons mense regoor die wêreld se harte suid laat trek. Boerewors, koeksisters en bobotie sal altyd ’n eregas aan ons tafels wees en met ons ryk reënboognasie-erfenis is hoenderpote en bunny chow ook bo-aan die lys van kulinêre avonture. Vra jy Suid-Afrikaans gebore oorsese vriende wat jy vir hulle kan saambring, is die antwoord dikwels: “Mrs Ball’s, biltong en Ouma-beskuit, asseblief.” Ja, die gesogte produkte is beslis in party oorsese lande beskikbaar, maar teen ’n plaas se prys. Talle lofliedere is al oor Mrs Ball’s geskryf terwyl ’n geweeklaag opklink onder diegene wat dit nie in die hande kan kry nie. Daar is selfs ’n teorie dat haar gewildheid danksy emigrasie sommer…

WALDORF-AARTAPPELSLAAI 6-8 porsies 1 kg klein aartappeltjies, in helftes gesny2 groot selderystokkies4 groen appels100 g (1 pakkie) bosbessies1 00 g (1 pakkie) pekanneute, grofgekap250 ml (1 k) mayonnaise125 ml (½ k) suurlemoensap 1 Kook aartappels tot sag, dreineer en hou eenkant. 2 Sny seldery in kleiner stukkies en meng met aartappels. 3 Kerf groenappels in dun skyfies en meng by aartappels 4 Gooi bosbessies en pekanneute by. 5 Meng mayonnaise en suurlemoensap saam en roer goed deur aartappelmengsel. GEDROOGDE-VRUGTE-VARKNEK 6–8 porsies 5 0 g (½ pakkie) gedroogde perskes50 g (½ pakkie) gedroogde vye5 0 g (½ pakkie) gedroogde appelkose125 ml (½ k) korrelmosterd15 ml (1 e) vars tiemie15 ml (1 e) vars roosmaryn5 t (1 t) sout2,5 ml (½ t) swartpeper1 ml (1/5 t) brandrissievlokkies1 kg varknek Stel oond op…

DESEMBERWENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoe ring ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die ander kant. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en…

1 Hierdie 5-in-1-gereedskapstuk is nuttig – hiermee kan jy van struike snoei tot hout saag, R399, www.tanyavisser.com 2 Maak jou stoep mooi met die Averypatiostoel, R1 299, www.coricraft.co.za 3 Gee delikate plante, saailinge of binnenshuise plante met dié oulike spuitjie water, R109, www.tanyavisser.com 4 Plant iets moois in die Nijah-blombak, R249, www.coricraft.co.za 5 Leer meer oor hoe en wanneer om plante en bome te snoei, ongeveer R150, www.penguinrandomhouse.co.za 6 Beskerm tuinstoele met ’n plastiekoortreksel, R39, www.crazystore.co.za…

Die afgelope paar jaar het ons Europa of die Oosbloklande vir ons Kersfees-en Nuwejaarsvakansies gekies. Die oulike Kersmarkte met gegeurde wyn, dik woljasse, handskoene en soms sneeu op die stalletjies se dakke en op ons hare, was vir my die beste manier om die feestyd deur te bring. Om dus ’n Kersfees en Nuwejaar in verskillende dele van Amerika en sy eilande te ervaar, was beslis ’n afwisseling van die gewone. Ons gehuurde motor dra ons 3 600 km ver, van die suiderpunt van die vasteland tot by Key West tot in Houston. Die temperatuur draai party dae in die suide tot bo 30 grade en ek is dankbaar vir my plakkies, T-hemde en kortbroeke en ons kan waarlik soos toeriste met ons voete in die sand sit en ontspan.…

Mens fokus dikwels op die gesig (soms net op die oë) wanneer jy na ’n portret kyk. So asof die gesig ’n indeks tot die hele portret sou wees. Is die persoon gelukkig, terneergedruk, opgewonde of droomverlore? Aan die gesigsuitdrukkings heg ons soveel betekenis dat dit as ’t ware die afdoende sleutel tot die portret word. Boonop soek mens na ’n herkenbare persoon in die portret. Wie se portret is dit? Lyk dit soos die persoon wat verbeeld word? Veral in die geval van ’n skildery van ’n bekende. Harry Berger, Amerikaanse kunskenner en -skrywer van onder meer Fictions of the Pose: Rembrandt Against the Italian Renaissance, voer aan dat portrette nie soseer ’n persoon wil verbeeld nie, maar die handeling van die sit vir ’n portret. Dit gaan vir…

MOEILIKHEIDSGRAAD:?? BENODIGDHEDE (PER BLOK) K laar gespande kunsdoek van 20 cm x 20 cm1 vel plakboekpapier in bypassende kleurV innis Colours Nikkim 100 % katoen DK (50 g-bal): 1 elk in Grey en Peach3,5 mm-hekelpenN aald met groot oog om gare weg te werk en speldePolistireenbord of handdoekSkêrAkriliese jelmedium en kwasMateriaalgom of lym wat deursigtig droog word AFKORTINGS beg = begin, dies = dieselfde, dr = draai, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, st = steek, tes = tesame, vlg = volgende TAKBOKKIE KOP Met Grey, hekel 4 ks, gs in 1ste ks om ring te vorm. 1ste rdte: 2 ks (= 1ste hlb), 9 hlb in ring, gs in bokant…