Innholdsfortegnelse for 14 December 2018 i Vrouekeur

En hier is ons bykans aan die einde van die jaar. Ons sê elke jaar dieselfde: Sjoe, die jaar het vinnig verbygegaan. Dis nie altemit nie – dit voel inderdaad hoe ouer ’n mens raak hoe vinniger gaan die tyd verby. Ek was gister nog 30 en oor twee jaar is ek 60! Hoe het dit gebeur? Tydens my onlangse besoek aan Indië (’n ervaring waaroor ek nog in detail sal skryf) het ek een middag in ’n begraafplaas by ’n klein Rooms-Katolieke kerkie geloop. In Indië is daar verskeie gelowe wat mense sin aan die lewe gee. Die meerderheid mense is Hindoes, maar Islam, Boeddhisme, Sikhisme, Djainisme en Christenskap is ook deel van dié wêreld. Hoewel openbare verassing die norm in Indië is, kry jy ook begraafplase waar Christene…

Moenie dink jy gaan veel uit Tinus Horn se biografiese inligting op sy uitgewer se webwerf kry nie. Trouens, Tinus verklap “hy het sy geesdrif vir stories by sy ma geërf en dit is die fokus van al sy skeppende werk, of hy nou skryf of skilder of kort animasieflieks maak. Hy was onder meer die rugbyskrywer vir The Star, sportredakteur van Vrye Weekblad, en ’n ekstra in ’n fliek wat niemand gesien het nie”. As jy sy naam in google intik, val die lofprysinge vir sy karikature en animasiewerk jou op. Hy het ’n paar jaar terug op die vraag op wie Tinus Horn nou eintlik is, erken: “Ek skilder en skryf en maak kort animasieflieks met karaktertjies wat ek uit hout kerf. Ek lag maklik en huil seker…

Wat behels dit om superslim te wees? Is dit mense wat wiskundig aangelê is of is dit die goeie spellers onder ons? Of moet jy albei kan doen om werklik “slim” te wees? Ilze van der Merwe, ’n opvoedkundige sielkundige, sê volgens dr Caroline Leaf, skrywer van die boek, Skakel jou brein aan, behels optimale intellektuele funksionering om ewe veel van die linkeren regterhemisfere van die brein gebruik te maak en tegelykertyd nuwe inligting te verstaan. “Die nuwe inligting word gebou en op bestaande inligting geïntegreer. Soms funksioneer die een breinhemisfeer aansienlik hoër as die ander een, wat dan tot sekere leerprobleme soos aandagafleibaarheid, nieverbale leeruitvalle en pro-sesseringuitdagings kan lei. Hierdie mense word dus met ’n begaafdheid of superieure funksie in een breinhemisfeer gebore, maar omdat daar nie ’n balans…

Nie maklik nie. Soos met enigiets anders kan daar sentimentele waarde aan ’n speelding kleef. Jou kind was dalk vroeër in sy lewe aan ’n afoor-haas verknog wat nou in die hoek lê en vergaan, maar wat nogtans gemis gaan word as hy oornag sou verdwyn. Jy wil tog nie sy hart breek nie, maar jy wil graag plek skep vir speelgoed wat beter by sy ouderdom en ontwikkeling pas. Hoe nou gemaak? Die veiligste is om meneer Haas eers net tydelik te verwyder en iewers in ’n kas te gaan bêre. Jy en jou kind kan dalk saam daaroor besluit om iets anders in daardie hoek te parkeer, selfs iets met blink wiele met ’n toeter wat geraas maak as dit nie anders kan nie. Wees versigtig om die…

As jy die laaste haas uit die hoed getrek het en niks interesseer die kinders meer nie, en die pad is nog lank, is dit dalk tyd vir goeie outydse woord-en sigspeletjies, wat almal in die motor kan betrek. Dit lei gewoonlik tot gesonde kompetisie en hope pret. DIE ALFABETSPELETJIE Kies ’n kategorie, byvoorbeeld name, diere, dorpe, of kossoorte – die moontlikhede is eindeloos. Die persoon wat eerste begin moet dan aan ’n woord in daardie kategorie dink wat met A begin. Die volgende persoon moet aan ’n woord in dieselfde kategorie dink wat met B begin, en so hou julle aan. Elke persoon kry vyf sekondes om met sy woord vorendag te kom. As iemand langer as vyf sekondes vat, is hy uit. Hou so aan tot net een…

KLEIN MAAR GETREIN Hier is nou iets ouliks wanneer jy ’n mandjie vir ’n piekniek of braai moet pak. Oryx Desert Salt is nou in kompakte sout-en peperpotjies beskikbaar wat amper geen plek in jou mandjie sal opneem nie. Die sout hou 10 gram en die peper 5 gram. Oryx Desert Salt is songedroog en ongeprosesseer met geen preserveermiddels nie. Dit is suiwer en bevat minerale. Boonop smaak dit heerlik. Ongeveer R39,95–R49,95 by sekere Cape Union Mart-winkels, deli’s, Spar-en Big Blue-winkels landwyd. SOETIGHEID MET STERSTATUS Soetigheid is altyd ’n goeie idee vir ’n Kersgeskenk. Bederf iemand met hierdie mooi boksie Sally Williams Star-nougat, R89,95 WAT RUIK SO LEKKER? Het jy al ooit ’n Coricraft-winkel binnegestap en die lekkerste reuk ervaar? Wel, nou kan jy ook hierdie geur in jou eie…

Feestyd is kuiertyd en wat is lekkerder as om op die maat van vrolike ritmes gees te vang! Hier is ’n aantal CD’s wat vreugde sal verseker. BEVONKTE TREFFERS Die album Bevonkte Afri kaanse treffers (Vonk-Musiek) is ánders as die meeste saamgestelde albums; tien uit die 20 snitte hierop is kraakvars nuutskeppings. Luisteraars word met van die mooiste ballades in Afrikaans bederf, van Gian Groen se Vier seisoene kind en Jan Blohm se Dieper blou tot Piet Botha se Middernagtrein, Richard van der Westhuizen se In my wentelbaan en André Swiegers se Blommekind. ’n Aantal nuwelinge debuteer sterk met nuwe ballades. Tussen die mooi werk is veral die snaargepoetste akoestiese werk deur die groep Gevoel van Veiligheid (Man in die maan – harmonieuse progressie) en Stefan Burger (Sophie se kaggel…

Baie mense meen dat blootstelling aan “hoë kuns” beter mense van ons maak. As dit waar was, sou boekwurms, leeskringlede, resensente en akademici verbonde aan kuns-en letterkundedepartemente by universiteite waarskynlik veel “beter” mense as die res van die bevolking gewees het. Ten spyte van wat sommige van hierdie mense oor hulself mag dink, is dit duidelik dat mense wat baie blootstelling aan kuns het, nie moreel beter of slegter as ander mense is nie. Dit laat die vraag ontstaan: Waarom lees mense dan gedigte of luister na musiek of besoek kunsgalerye? Wat help dit as hierdie blootstelling aan kunswerke (wat soms met moeite en onkoste gepaardgaan) nie ’n beter mens van jou maak nie? Die Bosniese skrywer en joernalis wat nou in die VSA woon Aleksandar Hemon het eenkeer in…

ONTSTELLENDE NAGMERRIES Ek is afgetree. Ek kry byna elke nag vreeslike nagmerries. Ek droom dat ek op ’n motorfiets sonder petrol na ’n onbekende dorp moet ry en verdwaal heeltyd. Ek droom ook gereeld dat ek na my ou koshuis op universiteit moet teruggaan en dis vir my aaklig. Ek raak baie onsteld wakker. My universiteitsjare was goed, maar daar was meisies in my klas wat op my neergesien het weens my modesmaak wat daardie tyd ’n bietjie outyds was. – Dromer Ek beskou die nagmerries as emosionele manifestasies van sake wat onafgehandel is of soortgelyke sake waarmee jy tans gekonfronteer word. Die sensoriese sensasie is dus na my mening niks anders as ’n “voertuig” om dieselfde emosies na die oppervlak te bring nie. Besoek ’n sielkundige wat met die…

Deur XWORD.CO.ZA WOORDSPEL 48 TEIKEN Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed11 woorde, baie goed16 woorde of meer, uitstekend OPLOSSING: Skryfblok, bolskyf, kolskyf, bolyf, floks, skryf, flor, folk, fors, frok, kolf, korf, olyf, skof, skyf, slof Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy…

Sy het ’n gróót partytjie gehou toe sy vroeër vanjaar 30 geword het, sê Carina Nel, die 7de Laan aktrise wat nie net die verantwoordelike Alexa nie, maar ook die komplekse Amanda in die sepie vertolk. Daar was van ’n Rubik’s cubeverjaardagkoek tot ’n diskomasjien en ’n skaap op die spit om Carina se derde dekade op aarde te vier. “Die tema was ‘Let’s party like it’s 1988’ en dit was heerlik,” vertel ’n stralende Carina, onopgesmuk in ’n geblomde maksirok, lang donker hare los oor haar skouers. Om 30 te word, was vir haar wonderlik. “Dit voel soos ’n nuwe hoofstuk in my lewe. Mens kom op ’n punt waar jou prioriteite vasgelê is. “Ek was in my twintigerjare só loopbaangedrewe en hoewel ek dit seker steeds is, is…

Haar slaapkamer lyk soos ’n crèche. Bababedjies staan oral rond terwyl vroeggebore babatjies deurnag kangaroestyl op haar bors slaap. Sy gaan nooit voor middernag slaap nie en staan saans tot drie keer op om vir hulle bottels te gee. Maar vir Karen Bruyere (57) is hierdie lewenswyse ’n roeping. Sy wil niks anders doen nie. Die res van die huis wemel ook van kleingoed wat op mollige beentjies rondloop en hul arms uitsteek om opgetel en vertroetel te word. Gelukkige en spontane kinders wat nou liefde gewoond is, maar wie se lewens so verskriklik skeef kon geloop het. Oral is daar speelgoed en babastoeltjies. Karen dra tydens ons besoek ’n rugstut nadat sy onlangs gegly en ’n rugwerwel gebreek het. Die kleingoed verstaan nie dat “Mamma” hulle nie nou kan…

Ilze sê: Daar bestaan nege tipes intelligensie: musikaal, ruimtelik, naturalisties, intra-persoonlik, interpersoonlik, linguisties, logies-wiskundig, eksistensieel en liggaamlik-kinestetiese intelligensie. Tamara stem saam en sê dat die Harvard-sielkundige Howard Gardener ook geglo het dat IK-toetse te rigied is en nie ’n volkome opname van mense se vaardighede, talente en bates kan maak nie. Hy het ook geglo dat mense nie ’n konkrete intellektuele kapasiteit het nie, maar eerder oor ’n netwerk van verskillende intelligensie beskik. * Skuilnaam Toets jou emosionele intelligensie by www.vrouekeur.co.za Kontakte: Tamara Sosa: tamarapsychology@gmail.com; Ilze van der Merwe: info@erasmustherapy.com…

MARKTYD BY GABRIËLSKLOOF Gabriëlskloof se Favourite Things-mark word van 14 tot 16 Desember gehou. Dit is jou kans om geskenke vir die feestyd te koop. Gabriëlskloof is buite Botrivier. Bel 028 284 9865 of stuur ’n e-pos na info@gabrielskloof.co.za GOGGAS OP DIE VERHOOG Die Nasionale Kinderteater bied vir die derde seisoen die musiekblyspel Goggas! deur Gillian Katz aan. Die vertoning word tot 23 Desember by die kinderteater in Parktown, Johannesburg, opgevoer. Kaartjiepryse wissel van R100 tot R120 per persoon. Vind meer uit by bookings@nctt.org.za, 011 484 1584 of www.nationalchildrenstheatre.org.za GROOTE POST SE KERSMARK Die Groote Post-landgoed in die Darling Hills se Kersmark word op 16 Desember gehou. Verwag geskenke, versierings, ’n vertoning vir die kinders en natuurlik heerlike eet-en drinkgoed. www.grootepostcountrymarket.co.za en www.grootepost.com FLIEKNET IS TERUG! FliekNET keer vanaf 16…

Hoe kan jy die afbrekende emosionele uitwerking van transvette in kitskos teëwerk? Behalwe al die oorbekende rate (verminder stres, slaap genoeg, hou op rook, oefen meer) is daar ’n paar superkosse in Time se 100 Most Healing Foods wat jou gemoedstoestand ’n hupstoot gee: PAPRIKA Soetrissies of paprika, veral die helderrooi soort, is hoog in antioksidante en laag in stysel. Dit bevat ’n chemiese verbinding wat help om inflammasie en selfs pyn te verminder. PERE As jy besorg is oor inflammasie en aan artritis of diabetes ly, is die natuurlike manier om dit te beveg om hoëveselvoedselsoorte soos pere te eet. Hoëveseldiëte bevorder ’n gesonde mikrobioom en laat jou gouer versadig voel. Dit help ook as jy gewig probeer verloor. MAKRIEL Die vet in makriel bekamp siektes wat deur hoë…

REËNBOOGTAMATIEGALETTE 4 porsies 1 ui, in halfmaanringetjies gesny5 ml (1 t) fyn knoffel30 ml (2 e) basiliekruidpesto400 g (1 rol) skilferkorsdeeg500 g (1 pakkie) reënboogtamaties4 eiers handvol vars basiliekruidblare ekstra olyfolie vir bo-oorStel oond op 180 ˚C. 1 Braai ui en knoffel in bietjie olie tot sag. 2 Gooi pesto by en braai tot geure loskom. 3 Sny deeg in helfte en smeer uiemengsel in middel van deeg. Los omtrent 1,5 cm skoon. 4 Sny tamaties in skyfies en pak op pesto-uie. Geur met sout en peper. 5 Bak vir 20 minute of tot deeg gaar is. 6 Posjeer eiers in borrelende water en skep bo-op galette. Garneer met vars basiliekruid en gooi bietjie olyfolie oor. HOENDERBOUDJIES MET TAMATIEPESTO 4 porsies 8 hoenderboudjies30 ml (2 e) hoenderspeserye2 uie, in agtstes…

Een somersaand, op die stoep langs die verbleikblom wat haar parfuum so gul deel, ontvang ek ’n oproep: “Kom hou saam met ons vakansie.” Ja, natuurlik!, wil ek dadelik uitroep, maar die logistiek van die plan neuk. Dis nie ’n om-die-hoekvoorstel nie. Ek gaan ’n noodfondsinsameling moet hou, want hoe kry ek vyf Van der Vyvers oor ’n paar maande in Italië? Dié aand kan ek nie slaap nie. Ons het die Rosander-gesin bitter lanklaas gesien – met hulle wat noord van die ewenaar woon en ons suid. Dit maal deur my kop: ’n Boer maak ’n plan; waar ’n wil is, is ’n weg. Maar ek kan eenvoudig nie sien hoe nie en teen sonsopkoms skryf ek ’n onwillige en swaarmoedige e-pos wat verduidelik dat dit ongelukkig nie moontlik…

ROLPRENTE SPIDER-MAN: INTO THE SPIDER-VERSE Met Hailee Steinfeld, Nicolas Cage en Jake Johnson Regisseur Bob Persichetti and Peter Ramsey ANIMASIEDRAMA Wag-wag-wag! Almal wat hul beursies gryp en dink dat Tom Holland weer sy noupassende Spiderman-pakkie aangetrek het en tussen geboue gaan deursweef – hierdie is die animasieweergawe van meer as een Spider-man se avonture. Die hoofkaraktertjie, ’n Afrika-Amerikaanse seuntjie, wie se pa ’n polisieman is, dink hy is Spider-man. Hy heet eintlik Miles Morelles. Dan ontmoet hy ander Spider-man-weergawes wat hom oplei om ook ’n held te wees. En wag tot hy Gwen Stacey ontmoet! Natuurlik kom hy voor demone te staan wat die stad wil oorneem en ons held (en sy vriende van ander dimensies) moet help. Die geheim, word Miles geleer, is om net homself te wees. As…

Op die TV-program Judge Judy op DStv kanaal 132 kry jy ’n kykie op die mensdom se psige wat jou met ’n bitter smaak in die mond laat. Die program word in regter Judith Sheindlin se kleineisehof opgeneem en hoewel dit geen sin maak dat sy sowat 50 miljoen dollar per jaar verdien nie, want basies vertel sy net vir mense hoe onnosel hulle is en hoe slim sý is, kan jy haar ook nie verkwalik nie. Die feit dat sy soveel verdien, dui waarskynlik daarop hoe die publiek hulle verlekker in kykstof wat nie veel meer styl as Jerry Springer het nie. En jy’s nie heeltemal verbaas dat die Amerikaners iemand soos Donald Trump as president verkies het nie. Die sake waarmee sy te doene kry, wissel van kinders…

DESEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adju dant Enzo Ariefdien ’n ontvoe ring ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die ander kant. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse…

Uit die rolprent Kung Fu Panda kom dié lewensles oor die lewe: “Yesterday is history, tomorrow is a mystery and today is a gift – that is why it is called the present.” Ons is geneig om te aanvaar dat môre ’n gegewe is. Jakobus 4:14 en 16 stel die werklikheid: “Julle wat nie eers weet hoe julle lewe môre sal wees nie! Julle is maar ’n damp wat ’n oomblik verskyn en sommer weer verdwyn. Maar nou is julle te seker van julleself en praat julle groot. Al sulke grootpratery is verkeerd.” Ons kan nie vandag aanvaar dat ons ’n môre sal hê nie. God het nêrens vir ons ’n môre belowe nie. Ons vol dagboeke vertel egter ’n ander storie: hulle laat dit lyk of ons van môre…

Nadat Karen jare gelede kanker oorwin het, het sy as ’n vrywilliger by ’n huis in Kalafong begin werk waar MIV-positiewe babas gehuisves is. Sy kon hulle destyds ’n paar dae lank huis toe neem. “Ek is toe gevra of ek die een baba kon inneem en sy is by my in ’n plek van veiligheid geplaas. Ek het daardie tyd my eie onderneming gehad en konferensies gereël en sy is gereeld saam na die gesellighede toe. Sy was maar deel van die span en het daar grootgeword. ’n Ruk daarna bel hulle my en vra of ek nog ’n baba kan inneem. Hy is op straat gevind en het geen heenkome gehad nie.” Dit was nie lank voordat die nuus versprei het dat sy vigsbabas inneem nie. Soms het…

WAAR KOOP EK DIT? Carrol Boyes www.carrolboyes.com 021 424 8263 Della www.della.co.za Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Poetry www.poetrystores.co.za 0860 555 29 Queenspark www.queenspark.com 021 460 9400 customercare@queenspark.com…

SJOKOLADE-EN-KLAPPER-KOEKIES 30 koekies 3 12 ml (300 g) botter, kamertemperatuur250 ml (350 g) suiker60 ml (¼ k) olie15 ml (1 e) vanieljegeursel2 eiers875 ml (370 g) koekmeel5 ml (1 t) bakpoeier250 ml (125 g) kakao500 ml (200 g) klapper200 g sjokoladeVoorverhit oond tot 180 °C en spuit2 bakplate met kleefwerende sproei.1 Klop botter en suiker tot lig en donsig.2 Gooi olie, vanieljegeursel en eiers by en klits goed.3 Sif meel, bakpoeier en kakao by.Gooi klapper by en roer tot beslag ’n deeg vorm.4 Maak 15 ml-balletjies en druk dit effe plat met vurk.5 Bak vir 12 tot 15 minute tot gaar. Haal uit oond en laat afkoel.6 Smelt sjokolade en plak koekies opmekaar.7 Bêre in lugdigte houer.…

▸ Rome is ver van Badolato af. Vlieg liewer tot by die nadergeleë Reggio di Calabria, een van die groter stede in die provinsie Kalabrië. Dan neem dit net so twee uur om jou bestemming per motor te bereik. Van Rome af kyk jy na agt uur. ▸ Badolato is ’n wonderlike kindervakansie. Die roomyswinkel is van 10:00 tot middernag oop en as die kinders vir die hele vakansie net op roomys leef, is dit ook reg so. Theresa gebruik daagliks vars neute en vrugte wat sy plaaslik by nabygeleë plasies verkry vir haar sensasionale proesels in ’n horinkie. ▸ Badolato Marina se kuswaters is ook uiters kindervriendelik. Daar is geen sterk strome of onstuimige golwe nie. Die deinings is kalm, die water heerlik warm en ook heel vlak vir…

Cookham is ’n dorpie aan die Teems in die noordooste van Berkshire in Engeland, maar vir Stanley Spencer was dit meer as die plek waar hy in 1891 gebore is, waar hy grootgeword het en wat hy in sy skilderye verewig het. Vir hom was Cookham “’n dorpie in die hemel”. “Die reaksie van Moses om sy skoene uit te trek toe hy die brandende bos gesien het, is baie dieselfde as wat ek gehad het: Ek het talle brandende bosse in Cookham gesien,” het hy by geleentheid opgemerk. En in sy skilderye, wat dikwels op Bybelse taferele geskoei is, het hy juis hieraan gestalte gegee. Sy pa was die orrelis in die dorpskerk en Spencer het in die kerkmilieu en -tradisie grootgeword. Spencer het egter nie die gewone dorpsbestaan…

Uiteindelik breek die dag. Lalie, wat in die donker kombuis deur die venster na die skemerige tuin sit en staar, wonder of dit só sal wees wanneer sy haar geheue herwin: soos ’n dag wat breek. Eers is alles in duisternis gehul, dan, stadig, begin jy vaagweg sekere voorwerpe soos die boom en die tuinhekke uitmaak. En skielik is dit dag. Kurt het op die kombuisstoel aan die slaap geraak, met sy kop agteroor. Hy snork liggies. Vandag is Maandag. Vanaand moet sy haar bekruiper agter Checkers ontmoet en hopelik sal hy Charlene laat gaan in ruil vir haar. Sy voel opeens soos ’n regte moeder, asof haar lewe min werd is in vergelyking met die kind s’n. Sy is moeg gebaklei. Dan moet sy nou maar uiteindelik gaan uitvind…