Innholdsfortegnelse for 7 December 2018 i Vrouekeur

Elke jaar dié tyd sê ons: “Kan jy glo dis al Desember? Die jaar het gevlieg!” Kersversierings is oral te sien, Jingle Bells speel luid in winkels en ons werk teen die tempo van wit lig om als klaar te kry voor die kantoor vir ’n kort vakansie sluit. Wêreldwyd, maar ook op persoonlike vlak, was 2018 gewis nie ’n gelykmatige jaar nie. As ek ’n grafiek van die jaar se gebeure moes trek, sou die lyn nie effense open afwaartse lyne toon nie, want 2018 se merkers het nie in ’n reguit lyn geloop nie. Die jaar was inderdaad gebeurtenisvol. Natasha en Dané, twee van ons geliefde kollegas, het hierdie jaar getrou en ons het hul lieflike foto’s op hierdie blad gedeel. As jy vir my verlede jaar hierdie…

De Wet Hugo het saam met drie ouer susters op ’n wynplaas tussen Worcester en Villiersdorp grootgeword. “My kinderlewe was baie gelukkig, amper soos dié van die ideale gesinne wat ons op TV en in flieks sien.” In graad een het hy gou beter as die res van die klas gelees en hy is deur die juffrou aangestel om vir die res voor te lees terwyl sy boeke merk. Hy het ook in skryf uitgeblink. “Ek onthou hoe ek vir my graadeenjuffrou gevra het wat ‘puik’ beteken toe ek die boek eendag van die hoof af teruggekry het.” Martyn le Roux, wie se radiodramas gereeld op RSG uitgesaai word, was De Wet se Engelsonderwyser in graad 12. “Hy het destyds vertel dat ek die eerste leerder was vir wie hy…

Hulle word die selfiegenerasie genoem. Hulle word as progressief, uitgesproke, eiewys en soms as narsisties beskryf. Hulle verkies om te reis eerder as om ’n verbandlening af te betaal. Jy kan hulle ’n myl ver uitken. Met noupypbroeke, ouderwetse brille en ’n geneigdheid om eers hul bord kos af te neem en op sosiale media te plaas voor hulle ’n hap daarvan vat. Hoe jy hulle ook al sien, millenniërs (tussen 1981 en 2000 gebore) het die kuberwêreld aan hul voete en maak geen geheim daarvan nie. Dié groep – wat ook as generasie Y bekendstaan – het ook ’n unieke manier om verhoudings en die huwelik te benader. Ná die sprokiesagtige troue van die jong Britse koninklikes, prins Harry en Meghan Markle, is die soeklig op jong paartjies se…

BILTONG-EN-VRUGTE-NEUTSLAAI 4 porsies 2 uie, in agtstes gesnygroentespeserye250 ml (1 k) gemengde neutebietjie olie2,5 ml (½ t) fyn komyn2,5 ml (½ t) fyn koljanderknypie paprikaknypie brandrissievlokkiessout en peper2 nektariens, in wiggies gesny1 spanspek, in blokkies gesny1 papaja, in halfmaanringetjies gesny250 ml (1 k) gekerfde biltong200 g (1 pak) slaaiblare2 sirkels feta met peper, in blokkies gesny Stel oond op 180 °C. 1 Verhit bietjie olie en braai uie tot net sag. Geur met groentespeserye.2 Bedek neute met bietjie olie. Meng komyn, koljander, paprika, brandrissie, sout en peper, gooi oor neute en meng goed.3 Gooi neute op bakplaat en rooster vir 5–7 minute. Roer elke nou en dan sodat dit nie brand nie. Laat afkoel.4 Pak vrugte en biltong op slaaiblare. Rond met feta en neute af. WORSIE-PASTAGEREG 4 porsies 500…

Hulle is albei 21 jaar oud en nog net twee jaar in die musiekbedryf, maar hul debuutwerke klink soos dié van ervare kunstenaars. Almero en Sky Ocean verras albei met kreatiewe, onverskrokke en duidelik gedefinieerde talent en unieke styl! ALMERO VERRINNEWEER GEDAGTES Almero Welgemoed – oftewel die kunstenaar Almero – is ook ’n diep denker en slimkop (hy wou eintlik ’n chirurg geword het), digter, skrywer en komponis van rolprenttematreffers. Sy debuutalbum, Maandag (Kanada Records), is iets heeltemal anders as wat jy nóg gehoor het. Hy het die ongekaarte rigting waarheen hy mik reeds op sy kragballades Monochromie en Vloedverlief (met Danie du Toit van Spoegwolf-faam) bekendgestel. Dié uiters progressiewe snitte pryk nou chronologies op sy album wat ’n Maandag van vieruur die oggend op die snit Maandagoggend tot elfuur…

Nes hul karakters in Binnelanders, die dokters Steve Abrahams en Jax Davids, is Clint Brink en Kim Syster passievolle mense wat hul drome met ywer najaag. KIM GESELS VAN WATTER EIENSKAPPE IN JAX HOU JY DIE MEESTE? Wanneer Jax ’n besluit oor iets geneem het, gaan sy voluit. Niemand kan haar van stryk bring nie. Sy is ook hardwerkend, nes ek. Ons albei weet hoe ons stemme klink en ons is glad nie bang om dit te gebruik nie. Ons maak nie moordkuile van ons harte nie. JAX EN STEVE KAN NOGAL VASSIT, MAAR WAT VAN JOU EN CLINT? GENIET JY DIT OM SAAM MET HOM TE WERK? Wanneer ons tonele saam het, raak dit baie prettig op stel. Ek moet myself dikwels inhou om nie in die middel van…

WAAR KOOP EK DIT? Della www.della.co.za Foschini www.foschini.co.za 021 938 1911 (Hoofkantoor) Jet www.jetonline.co.za 0860 113 639 Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Pick n Pay www.picknpay.co.za/clothing 0800 11 22 88 Poetry www.poetrystores.co.za 0860 555 29 Queenspark www.queenspark.com 021 460 9400 customercare@queenspark.com…

DESEMBERWENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoe ring ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die anderkant. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en essays…

GOED VIR DIE KLEINSPAN SimilacKid is geformuleer met die voedingswaarde wat kinders benodig in gedagte. Hierdie vanieljegegeurde drankie werk sagkens met die verteringstelsel. Die absorpsie van kalsium word bevorder, wat sterk bene en tande verseker, R144,95, by supermarkte en sekere apteke beskikbaar. ’N PIENK MELKIE, ASS EBLIEF! Gee jou kinders iets gesonds om te drink. Die nuwe Steri Stumpie Lite is ’n ideale bron van kalsium en daar is geen suiker bygevoeg nie.Die enigste suiker in Steri Stumpie is laktose, die natuurlike suiker in melk. Beskikbaar in drie heerlike geure. KERSTYD IS KNIBBELTYD Knibbel aan Checkers se Kerspasteitjies terwyl dit nog op die rakke is. Kies uit die gewone Fruit Mince Pies, R34,99, of Blueberry Fruit Mince Pies, R44,99 vir ’n pak van ses. Absoluut heerlik! www.checkers.co.za SONDER SKULDGEVOEL Montagu…

ROLPRENTE BOHEMIAN RHAPSODY Met Rami Malek en Joseph Mazzello Regisseur Bryan Singer BIOGRAFIE Hierdie is ’n rateltaai rolprent vol omstrede tonele en taalgebruik wat lesers sal laat regop sit. Dit is ’n flambojante, oordadige hervertel van Freddie Mercury se lewensverhaal en hoe hy by die popgroep Queen beland het. Hy het ’n stryd met sy homoseksualiteit gevoer wat dikwels in sy lirieke weerspieël is. Maar dit is die manier waarop ikoniese treffers soos We Will Rock You en Another one Bites the Dust onstaan het wat die rolprent subteks en gewig gee. Rami Malek se uitbeelding is lewensgetrou en briljant, hoewel nie alles wat met Mercury gebeur het, weergegee kon word nie. Die fliek beweeg vinnig, daar word verglans en feite word verdraai. Tog is dit die musiek wat jou…

Dit is moeilik om aan Die ongelooflike onskuld van Dirkie Verwey as ’n debuutroman te dink. Charl-Pierre Naudé is immers ’n gevestigde digter met vier bekroonde Afrikaanse digbundels en ’n Engelse digbundel agter sy naam, terwyl sy gedigte ook in Nederlands en Duits vertaal is. Dat hy ’n ou kalant is wanneer dit by die inspan van woorde kom, blyk duidelik uit hierdie lywige roman van 479 bladsye. ’n Mens word in die eerste plek deur die magiese verbeeldingrykheid van die roman oorrompel. Bonatuurlike verskynsels word byna asof dit “normaal” is, aangebied. Deurgaans bly die leser hoop dat daar uiteindelik ’n soort rasionele oplossing sal wees en die nuuskierigheid oor wat “regtig” gebeur het, skep spanning en laat mens omblaai. Die vertelling is egter ook meesleurend omdat daar telkens ’n…

VRIENDIN SPOG OOR BUITE-EGTELIKE VERHOUDINGS Ek is alles behalwe preuts, maar ek trek die streep by affairs. Ek het ’n vriendin wat die een affair ná die ander het. Haar man is baie ordentlik. Albei is my vriende. Sy luister na geen rede nie. Moet ek dreig om hom te vertel? – Bekommerde vriendin Gesels met jou vriendin en noem dat haar gedrag jou ontstel. Noem dat as sy aanhou, jy haar moet help en dan die saak met haar man bespreek. As sy dit vanself staak, het jy nie nodig om in te meng nie. Desnietemin bly dit ’n gesonde praktyk om in ’n verhouding deursigtig te wees, wat beteken dat selfs al staak sy haar ander verhoudings, sy aangemoedig behoort te word om dit met haar man te…

David Kramer se jongste musiekblyspel, Langarm, se plakkate pryk teen die klipmuur van die historiese Fugard-teater in die hartjie van Kaapstad. Nie ver van waar ons sit en gesels nie, stroom toeriste na die Distrik Ses-en Apartheidsmuseum om meer oor die donker jare in ons geskiedenis te leer. Vir iemand wat ’n honneursgraad in tekstielontwerp van Leeds-universiteit in Brittanje hou, is sy loopbaan heel ongewoon. Hierdie Worcester-seun wat in 2019 sy 68ste verjaardag vier, het wye draaie geloop voor sy jare saam met Taliep Petersen en hul suksesvolle musiekblyspele wat selfs in New York speelvakke gehad het. Die meeste van sy musiekalbums het goue status behaal en die ses musiekblyspele wat hy saam met Taliep geskryf het, was almal wegholsuksesse. Sommige is by die Dock Road Theatre, in ’n historiese…

VAMPIERSINDROOM (VAMPIRE SYNDROME) Een uit ’n miljoen mense is uiters sensitief vir die son en kan maklik velkanker ontwikkel as hulle in die son kom. Sulke mense het nie die ensieme wat die vel kan herstel as skade deur UV-strale aangerig word nie en moet die son ten alle koste vermy. Alice in Wonderland-sindroom Soos Alice in die sprokie wat kan groei en krimp, gee hierdie sindroom jou migraines wat afstand en grootte kan verwring. Dit kan tot ’n uur duur wat jy mense as baie groot of klein waarneem. Jy kan hallusineer en tyd kan vir jou vinniger of stadiger verbygaan. ONTPLOFFENDE-KOP-SINDROOM (EXPLODING HEAD SYNDROME) Die lyer hoor dinge wat soos geweerskote, simbale of ontploffings in sy kop afgaan as hy of sy probeer slaap. Dit is pynloos, maar…

Die ontwerper Rouxnette Roberts (26) het haar droom bewaarheid. Dit was ’n opdraande pad om van haar onderneming SWISH & SWANK ’n realiteit te maak, maar vandag kan sy hierdie ervaring gebruik om weer ander mense te help en het ook waardevolle raad vir ander vroue wat daarvan droom om ’n onderneming te begin. Sy antwoord ’n paar vrae. JY IS MAAR 26 JAAR OUD EN BESTUUR ’N SUKSESVOLLE ONDERNEMING. DIS INDRUKWEKKEND! VERTEL ONS MEER? My pa is ook ’n entrepreneur. Die gesprekke in en om ons huishouding het dus dikwels daaroor gegaan. Dit was maar vervelig vir my as kind, maar dit het my vir seker ’n hupstoot gegee! Ek het nie noodwendig ’n groot passie vir spesifiek leer en leerprodukte gehad nie, maar wél vir enige gehalte- handgemaakte…

WYN EN KOLWYNTJIES Die gewilde Delheim-landgoed op Stellenbosch is lank reeds bekend vir sy klassieke kolwyntjies wat met wyne gepas word. Hul jongste toevoeging is ’n wyn-en-fynboskol-wyntjie-proe. Daar is vier kolwyntjies te proe: fynbos, heuningbos, boegoe en rooibos. Die doel van hierdie proe is om fynbosbewaring in die kollig te plaas. Delheim is juis ’n stigterlid van die Groter Simonsberg Bewarea en is die tuiste van meer as 120 verskillende inheemse plante en diere.Die proe is teen R120 per persoon beskikbaar. Bespreek by cellardoor@delheim.com en besoek www.delheim.com ’n Bottel wyn vra om gedeel te word. Ek het nog nooit ’n mislike wynliefhebber ontmoet nie!– Clifton Fadiman WYN VIR DIE KERSKOUS As jy vir jou geliefdes wyn as ’n Kersgeskenk wil koop, het GetWine ’n oulike idee. Jy kan op hul…

#bakliefde Mareli BRUINTJIE IN ’N BOTTEL 1 bottel 250 ml (135 g) koekmeel5 ml (1 t) bakpoeier2,5 ml (½ t) sout80 ml (⅛ k) kakao160 ml (⅔ k) suiker160 ml (⅔ k) bruinsuiker125 ml (½ k) sjokoladebrokkies125 ml (½ k) pekanneute, grofgekap 1 Meng meel, bakpoeier en sout en gooi as eerste laag onder in bottel.2 Sif kakao en gooi in bottel.3 Gooi witsuiker, gevolg deur laag bruinsuiker oor.4 Gooi sjokoladebrokkies gevolg deur pekanneute oor.5 Sit deksel op en heg kaartjie aan. INSTRUKSIES 3 eiers5 ml (1 t) vanieljegeursel160 ml (⅔ k) olie Gooi inhoud van bottel in mengbak en voeg eiers, vanieljegeursel en olie by. Meng goed en skep beslag in oondbak van 18 cm x 25 cm wat met kleefwerende sproei gespuit is. Bak vir 35 tot 40…

As die jongste van drie dogters kan jy my net mooi niks van hand-me-downs vertel nie. Elke keer as Ousus of Middelsus iets nuuts kry om te dra, raak ek sommer saam opgewonde, want ek weet oor drie of vier jaar word dit mýne. Hoe sê die pandjieswinkel? Old for you, new for me. Ek is boonop ’n Kreef en hou van oudhede, so die beurtdrag pla my glad nie. Nee wag, dis ’n leuen. Dit pla my tóg, maar net die keer toe ’n gawe tannie vir ons drie identiese kerkrokkies vir Krismis gegee het. Aanvanklik hou ek baie van die geel-enwit gestreepte satynrokkie met die deftige swart diamantpatroontjie wat al op die pofmoue en geplooide romp herhaal. Maar nes ek oplaas uit een rokgrootte groei, pas ek in…

Tate Modern in Londen bied op die oomblik die uitstalling Anni Albers aan – die eerste omvattende uitstalling van dié Duits gebore kunstenaar se werk in Brittanje. Dié uitstalling word allerweë gesien as erkenning wat Anni Albers lankal vir haar bydrae tot 20ste-eeuse moderne kuns en ontwerp, en veral vir haar werk as tekstielontwerper, moes gekry het. Terwyl Anni Albers (1899–1994) se man, die skilder Josef Albers, vandag wyd bekend staan as ’n baanbreker van abstraksie en vir hom naam gemaak het as dosent aan die Bauhaus in Duitsland, het sy grootliks vergete geraak. Die feit dat haar kunsvorm boonop as “handwerk” getipeer is, het ook nie juis gehelp om haar aan die vergetelheid te ontruk nie. Anni Albers is in Berlyn van Joodse ouers as Annelise Else Frieda Fleischmann…

Lalie se kop is ’n maalkolk. Annabel leef. Annabel bestaan. Lalie is nie Annabel nie; Annabel is waarskynlik haar suster. Haar identiese tweelingsuster. As sy maar net kon onthou. Tot dusver het sy nou en dan ’n terugflits ervaar, soos wanneer ’n donker vertrek vir ’n oomblik deur ’n bliksemstraal verlig word en jy die buitelyne van ’n voorwerp in die kamer herken, voordat alles weer donker word. Lalie rol rond op die enkelbed in die spaarkamer. Hans is nou al ’n week op ’n sakereis weg, en dis ’n genade. Hans is nie haar man nie! Daaroor is sy innig dankbaar. Sy sou wel nie omgegee het as die kinders hare was nie. Vanaand het sy en Kurt by die kombuistafel gesels, soos die gebruik nou is. Vandat Hans…

Moeilikheidsgraad: ★★★ BENODIGDHEDE V innis Colours 100% Cotton DK (50 g-balle): 3 balle elk Blue Canard en Natural en 2 balle Pale Khaki 3 mm-hekelpen Naald met groot oog GROOTTE Breedte = 51 cm, lengte = 53 cm Om die top breër te maak, kan jy meer kettingsteke in veelvoude van 13 byvoeg. Patroon op foto reflekteer nie ware grootte. Patroon is groter. AFKORTINGS beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, sp = spasie, st = steek, vlg = volgende PATROON Die top word van die halslyn na die soom in die rondte gehekel. Met 3 mm-pen en Blue Canard, hekel 208 ks, gs in 1ste ks om ring…

OP DIE KALENDER 9 Desember: 10:00–11:30 Werkswinkel oor hoe om rose in die somer te versorg by Ludwig’s Roses, Big Red Barn, Olifantsfontein Bel 081 410 0096 16 Desember: 09:00–16:00 Illovo-kwekery, Illovo in KwaZulu-Natal, het elke Woensdag en Sondag ’n bonsaikweker by hul kwekery wat raad gee. Vind meer uit by 031 916 2491/illovonursery@telkomsa.net GAAN JY WEG MET VAKANSIE? Volg dié raad: • Gooi waterretensiekorrels in al die potte buite. Gee diep water en gooi dan ook vars kompos op om die grond vogtig en koel te hou. • Gee al die plante binnenshuis water en sit dit binne in die bad op ’n ou kombers wat goed natgemaak is. Los die blindings of gordyne oop vir lig. WEN! Begin jou eie groentetuin deur Johan van Zyl en Peter van…

Ons as mense is baie toekomsgerig. Ons wil weet wat in die toekoms gaan gebeur. Wat is volgende? Soveel mense gaan selfs sover om die toekoms te probeer voorspel: dit is teeblare, sterre en handpalms wat gelees word en fortuinvertellers wat opgesoek word. In Jakobus 4:13–17 gesels Jakobus oor hoe die mens die toekoms moet benader. Hy sê daar is ’n paar foute wat algemeen gemaak word; waarvoor ons versigtig moet wees. Hy sê onder meer: “Kom nou, julle wat sê: Vandag of môre sal ons na dié en dié stad toe gaan en ’n jaar lank daar bly; ons sal sake doen en geld maak.” Daar is nie een verwysing na God in hierdie hele sakeplan nie. Die mense waarvan hier gepraat word, het geweet wat hulle wil hê;…

WOORDSPEL 47 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 15 woorde, baie goed 19 woorde of meer, uitstekend OPLOSSING: Wynbottel, bontlê, bottel, ontbyt, toebyt, belyn, beton, blote, bonte, bytel, belt, bely, beny, blye, boel, boen, boet, bont, bowe. Woordsoek Daar is 23 soetgoed in hierdie rooster weggesteek. Hulle kan horisontaal, vertikaal, onderstebo, agterstevoor of diagonal gelees word…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Toestel waarin ’n mens kyk om ’n bonte mengeling van kleure en fatsoene te sien SMS jou antwoord, voorletters, van en dorp/stad voor of op 26 Desember 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…