Innholdsfortegnelse for 30 November 2018 i Vrouekeur

Sy het by tye af gevoel, maar dit was glad nie die laagtepunte wat sy later in haar lewe sou beleef nie, onthou Yvette Beneke. “Terugskouend was ek wel bang om gelukkig te wees, want ek het altyd geweet daarna kom die low. Ek het nie geweet hoekom nie, maar as kind was dit so. Ek was baie angstig ook,” vertel Yvette. Op skool het sy professioneel perdgery en netbal gespeel en tydens haar universiteitsjare gedraf. Ses maande ná haar seuntjie se geboorte het sy in 2007 volkontakkarateklasse begin bywoon. Dit het goed gegaan totdat sy in 2014 haar pols tydens ’n karate-oefening gebreek het. “Karate was in daardie stadium my alles. Ek was gelukkig, baie fiks en toe dit gebeur het, ses weke voor my tweede bruingordelgradering, was ek…

Karlien Erasmus, ’n sielkundige van Pretoria, sê oorhoofs sou sy sê dat kinders soms kies om van die huis af weg te loop omdat daar probleme in hul gesinsverhoudings bestaan. “Wanneer gesinne met so ’n probleem vir psigoterapie opdaag, sal ’n sielkundige saam met die gesinslede eers na die prosesse, interaksie, dinamika en rolle kyk om te probeer bepaal watter aspekte hanteer moet word. “Kinders loop ook soms weg omdat die omstandighede binne die gesin vir hulle ondraaglik is en dit kan aanhoudende konflik, finansiële probleme en selfs fisieke geweld en mishandeling insluit. “Party kinders is nie bereid om dit wat hulle eintlik moet doen, te trotseer nie en wil dalk ook nie ’n mate van verantwoordelikheid daarvoor aanvaar nie en ontvlug daarom dan eerder daarvan. Dit kan aspekte insluit…

PIESANGBROOD 1 brood 125 ml (120 g) sagte botter250 ml (215 g) suiker5 ml (1 t) vanieljegeursel2 groot eiers5 ryp middelslag-piesangs500 ml (265 g) koekmeel10 ml (2 t) bakpoeier2,5 ml (½ t) sout Voorverhit oond tot 180 °C en spuit ’n broodpan van 30 cm x 12 cm met kleefwerende sproei. 1 Klop botter, suiker en vanieljegeursel tot lig en donsig. 2 Voeg eiers beurtelings by en klits goed ná elke byvoeging. 3 Maak piesangs fyn en meng by beslag. 4 Sif meel, bakpoeier en sout saam en vou by beslag in. 5 Skep beslag in broodpan en bak vir 1 uur tot goudbruin en gaar. 6 Bedien dadelik of bêre in lugdigte houer.…

▸ Fietsreëls in Nederland sluit onder meer in dat ’n fietsklokkie verpligtend is, maar nie ’n valhelm nie. ▸ E-bikes, fietse wat deur ’n elektriese motor saam met die pedaalbeweging aangedryf word, raak ook al hoe gewilder. Daar is spesifieke reëls vir die gebruik van die e-bikes aangesien hulle dieselfde paaie as fietse gebruik. ▸ Tydens oggendspitsverkeer in groot stede soos Amsterdam is daar ongeveer 72 000 fietsgebruikers. ▸ Dit is ’n uitdaging om parkeerruimte vir al die fietse te kry. Die regering spreek dit aan deur sharing aan te moedig. Dit is ’n stelsel waar ’n verbruiker ’n kaartjie koop vir die gebruik van trein-, bus- en fietsvervoer en dus motorgebruik verminder. Met hierdie stelsel word een fiets deur verskeie mense op een dag gebruik. Die fiets word weer…

Kontratenore is duidelik oorgehaal om hul plek as die “vyfde stemsoort” vol te staan – naas bas, tenoor, alt en sopraan. So lyk dit te oordeel na die prominensie wat dié sangers die afgelope paar jaar bereik het. Philippe Jaroussky, die Franse kontratenoor wat in 2008 en weer in 2016 as die sanger van die jaar in Echo Klassik se musiekpryse aangewys is, het in die jongste tyd dalk heelwat daartoe bygedra. So ook Andreas Scholl, Jakub Józef Orliński, Iestyn Davies en David Daniels én Decca se uitreiking van die CD The Five Countertenors met Valer Sabadus, Xavier Sabata, Vince Yi, Max Emanuel Cencic en Yuriy Mynenko. Moontlik het Gérard Corbiau se fliek van 1994, Farinelli, met Stefano Dionisi in die naamrol en die sangstemme van die sopraan Ewa Malas-Godlewska…

Hardus het ’n oog vir mooi dekor en het die muur rondom die deure met faux-bakstene geclad, wat reeds ’n groot verskil gemaak het. Hierdie projek het gegroei soos ons gewerk het. Ek en hy het met Granny B’s Old Fashioned Paint ingespring en so tussen die verwery deur het ons oor die binnekant van die kas gepraat. Die resultaat van ons planne het ’n deurmekaar stoorkas in ’n ekstra vertrekkie omskep waar Hardus en Anlie hul glasware bêre en hul wyn stoor. Hardus het die glasrakke vir die glase en ’n blad bo-ôp die wynyskas ingesit. Vir die ruimte langs die yskas het Hardus ’n kassie vir ekstra bêreplek gemaak (geverf met Granny B se Black Betty). Die ou lelike lig het hy met ’n mooi een vervang. Die…

Die wind moet tog nie nou lol nie. Dit bring net stof, dink sy. En die stof laat haar oë nog meer brand. Ems leun met haar rug teen die growwe stam van die ou apiesdoring. ’n Warm wind pluk telkens aan die lang, sonverbleikte hare en waai dit in slierte oor haar gesig. Sy kyk na Osie waar hy hurk en stelselmatig die een ná die ander spyker in die Outspan-kissie inslaan. Sy kyk na die ander, die klompie verskrompelde swart gesiggies, elkeen starend en afwagtend vir Osie om klaar te maak. Die houe hamer in haar ore, nes die dorp se kerkklokke in die verte op ’n stil oggend. “Jy moet gou maak, Oos.” Die wind se stof druk die woorde in haar keel terug. Lien krap stilswyend…

Die Kaapse fuchsia (foksia of rivierklokkies) is lid van die Phygelius-familie en inheems aan Suid-Afrika. Hierdie blomme sal jou tuin lekker lewe gee met daardie sienmy-raak-kleure en sal boonop van die middel van die lente tot herfstyd blom. Die naam is effe misleidend, want hoewel Kaapse fuchsias ook buisvormige blommetjies het soos dié van die gewone fuchsias, is hulle botanies nie aan mekaar verwant nie. Daar is slegs twee spesies van Phygelius en dit is P. aequalis en P. capensis. Die grootste verskil tussen die twee is dat P. capensis blomme het wat eweredig om die stammetjie gespasieer is terwyl P. aequalis se blomme na die een kant toe hang. Oor die algemeen is P. aequalis die gewilder een en ook die korter een van die twee spesies. Die plant…

WOORDSPEL 46 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 19 woorde, goed 27 woorde, baie goed 33 woorde of meer, uitstekend OPLOSSING: Uitgedelf, deftige, futiele, gefluit, uitdelf, uitleef, deftig, fideel, fiedel, fluïde, fluïed, futiel, gedelf, gefeil, gelief, liefde, teëgif, elfde, fielt, filet, fluit, gefel, gleuf, glief, delf, dief, duif, feil, feit, geef, leef, lief, teef Woordsoek Daar is 24 balspele in hierdie…

Dit is ’n siektetoestand wat deur skommelinge in die gemoedstoestand gekenmerk word, vanaf uiterste depressie tot ’n uiters opgewekte, maniese toestand met periodes van normaliteit tussenin. Alle mense ervaar gemoedskommelings, die verskil is egter dat mense met bipolêre gemoedsteuring soms kontak met die werklikheid verloor. Kenmerke van depressiewe fases ▸ Neerslagtigheid ▸ Opsigtelike gebrek aan belangstelling in byna alle aktiwiteite ▸ Opsigtelike gewigsverlies (sonder ’n dieet) of gewigstoename ▸ Slapeloosheid of oormatige slaap feitlik elke dag ▸ Uitputting en verlies aan energie ▸ Gevoelens van nutteloosheid en skuld ▸ Konsentrasie-en geheueprobleme ▸ Onvermoë om besluite te neem ▸ Selfdoodgedagtes Kenmerke van maniese fases ▸ Oordrewe selfvertroue of grootheidswaan ▸ Behoefte aan slaap neem af ▸ Spraaksamer as gewoonlik ▸ Verbeeldingsvlugte ▸ Aandag is maklik afleibaar ▸ Toename in doelgerigte aktiwiteite,…

Volgens die webwerf www.kidshealth.org loop kinders van die huis af weg as gevolg van ’n stryery met ouers. Party loop weg selfs al was daar nie ’n bakleiery nie. Dit mag wees dat hulle iets gedoen het waaroor hulle skaam is, en dan is hulle bang om hul ouers te vertel. Ander redes waarom kinders wegloop, is weens egskeiding, vervreemding of ’n nuwe stiefouer, dood in die familie, die geboorte van ’n nuwe baba, geldelike probleme, drank-of dwelmmisbruik deur die ouers of kinders, probleme by die skool, groepsdruk en wanneer hulle druip of skool opskop. Dit is probleme waarmee baie kinders en tieners te make het. Daar is egter beter oplossings vir hierdie probleme as om weg te hardloop, waarsku die webwerf. Ongelukkig is dit so dat deur weg te…

Komplekse streekspynsindroom is ’n chroniese pyntoestand wat een van die ledemate (arms, bene, hande, voete) aantas, gewoonlik ná ’n besering (groot of klein), trauma of selfs chirurgie aan die ledemaat. Dit word ook omskryf as ’n neurologiese afwyking en senuwee-abnormaliteit wat tot a-tipiese gedrag in jou senustelsel vanaf die brein en rugmurg na die res van jou liggaam lei. Simptome sluit in: konstante en erge brandende pyn, allodinia, veranderinge in veltekstuur en temperatuur, swelling en verkleuring van die aangetaste liggaamsdeel, bewerigheid, probleme met gekoördineerde spierbewegings, stywe ligamente en ander simptome. Besoek: www.corneliaoosthuizen.co.uk en https://makeachamp.com/corneliaoosthuizen…

FEESLIGGIES Die Jakaranda-kinderhuis hou vanjaar hul gewilde Liggiefees vir die negende agtereenvolgende jaar. Van 1 tot 31 Desember word die kinderhuis in ’n skouspel met die mooiste liggies versier ten bate van die meer as 200 inwoners. Verskeie kunstenaars sal ook tydens die fees op sekere aande optree. Dit word op die kinderhuisterrein in East Lynne, Pretoria, gehou. Toegang kos R30 per persoon en hekke open om 17:00 Vind meer uit by www.jacarandachildren.co.za of https://www.facebook.com/Liggiefees/ WYN IN DIE OOS-KAAP Klink ’n glasie op 30 November en 1 Desember by die Oos-Kaapse Wynskou. Dit vind vanjaar by die Tsitsikamma Rooms by The Boardwalk in Port Elizabeth plaas. By die wynskou kan jy sowat 40 uitstallers met meer as 200 wyne verwag. Kaartjiepryse wissel en is deur Computicket beskikbaar. Vind meer uit…

NOVEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoering ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die anderkant. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en essays wat…

GOEIE BEGIN Checkers het hul Foreign Groundkoffiereeks met nog drie nuwe koffiegeure uitgebrei. Kies uit Foreign Ground Bravo Blend, Romeo Blend of Sierra Blend en begin jou oggend op ’n heerlike noot. www.checkers.co.za KERSFEES KOM NADER Soos elke jaar is die ikoniese LINDT TEDDY weer kort voor Kerstyd te koop. Wanneer jy vanjaar twee LINDT TEDDIES van 100 g elk koop en die unieke kodes instuur, sal LINDT ’n skooltas aan ’n kind van die SOS Children’s Villages South Africa skenk. Ongeveer R54,95 vir ’n 100 g-sjokolade. Beskikbaar van 1 Oktober tot 25 Desember 2018. www.lindt.co.za STREELSAG Cherubs spog met ’n nuwe voorkoms! Dit is egter steeds dieselfde betroubare, sensitiewe, pH-gebalanseerde en alkoholvrye lappies wat sagkens op babavelletjies is. Dit word in Suid-Afrika gemaak. Ongeveer R19,99 vir ’n pak met…

Joe Foster en Brendan Peyper is elkeen in hul eie styl gewilde en vaardige musieksterre. Nou spog albei met nuwe uitreikings. Joe ontgin intimiteit en Brendan leef sorgeloos voluit! VOLWASSE INTIMITEIT Die veelsydige liedjieskrywer-sanger Joe Foster, wat internasionale kwalifikasies in klankingenieurswese en musiekvervaardiging verwerf het en voorheen lid van die trio ADAM was, se jongste album, Volgende stap (Coleske Artists), is ’n teksboekvoorbeeld van ’n geslaagde album in die volwasse kontemporêre genre. Dit volg op sy bekroonde Ghoemapopalbum van die jaar drie jaar gelede, Hartklank, nadat hy ’n reuse-treffer met die temaliedjie Pad na jou hart vir die rolprent met dieselfde naam geskryf en gesing het. Hy het die nuwe album op ’n klomp plekke in die land geskep waar hy ’n rekenaar, mikrofoon en toerusting in ’n ateljee, ’n…

Liewe Deon, ek het nog nie weer van jou gehoor nie, maar niks keer my tog om hierdie e-pos te stuur nie. Ek kan nie help om te wonder of jy regtig iets met my te doen wil hê nie. Is ek te aards vir jou? Ek met my belangstelling in die strominge van die lewe, die raaisels van die natuur, die dingetjies wat ek net glo en waarvan ek jou vertel het. Ek hoop jou reis terug was sonder voorval. Tog vreemd dat mens hoop dat ’n reis “sonder voorval” moet wees terwyl dit juis die voorvalle is wat die herinneringe vorm. Ek wonder hoe lank jy my gaan onthou. Jy het so interessant, maar ook oningelig, van jou lewe daar gepraat. Ek het gevoel na ’n teengif vir…

Mohale Mashigo se bundel kortverhale, Intruders, bevat 12 kortverhale wat nie soseer oor indringers handel nie, maar die verhale self is as ’t ware indringers. Die verhale is indringers in die sin dat hulle kennelik fiksie is, uit die verbeeldingdingswêreld kom, en ons leefwêreld binnedring. Baie van die verhale het ’n gevoel van sprokies en sluit by die tradisie van ditshomo of volksverhale aan, maar dis volksverhale wat ons tegnologiese wêreld binnegedring het, wat as indringers uit ’n ander era vreemd voorkom, maar wat tegelyk, soos dit met volksverhale gaan, ook bekend is. In sommige verhale word herinneringe, die verlede, op ’n roerende manier ondersoek, soos in The Parlemo (ja, dit is hoe dit gespel is, nie Palermo nie, want wie onthou alles reg?), ’n klein kafee in die middel…

SKEI OP 70 ’n Vriendin het laat weet dat sy en haar man ná 40 jaar gaan skei. Wat besiel mens om ná soveel dekades jou vryheid op jou oudag te soek? Moet mens nie maar net vasbyt en die beste van ’n slegte saak maak nie? Haar man is glo ’n sosiopaat. Hoewel ek hom ook ken, het ek nog nooit gedink hy kan ’n sosiopaat wees nie. Hy is wel narsisties en baie selfvoldaan, maar nie meer as dit nie. – Bekommerd oor vriendin Dit is kommerwekkend dat jou vriendin ’n uitlating maak oor wat sy dink haar man se psigopatalogie (sielkundig afwykende gedrag) is. Om ’n sosiopaat te wees, is kompleks en hoewel sy reg kan wees, behoort ’n professionele persoon steeds sodanige psigopatalogie te bevestig alvorens…

WAT HET JY NODIG? 1 bal elk Kartopu Macrame (100 g) in blou (K622), turkoois (K515) en groen (K416) R inge (ek het sommer armbande gebruik, maar jy kan houtringe of enige ander ring van jou keuse gebruik) Krale met groot gate Potplante in houers WENKE ▸ Omdat hierdie macramédraad dun is, gebruik jy ’n paar stringe saam as ’n eenheid. ▸ Gebruik enige tou wat jy by skryfbehoeftewinkels of ysterwarewinkels kan koop vir ’n meer aardse eindproduk. ▸ Soek op internet vir al die interessante knope wat jy kan gebruik onder “macramé knots”. Vir dié projek is net ’n paar eenvoudige knope gebruik om jou aan die gang te kry. ▸ Meet jou stringe ongeveer sewe tot agt keer langer as wat jy jou hanger wil hê. As dit…

Spreuke 4:23: “Wees veral versigtig met wat in jou hart omgaan, want dit bepaal jou hele lewe.” Waar dink jy word die meeste oorloë gevoer? Sirië, Israel …? Nee, die meeste oorloë word tussen jou ore gevoer. Ja, in jou kop. Jou kop en jou verstand is die oorlogsveld waar goeie en slegte gedagtes heeltyd die stryd voer. Efesiërs 4:23: “Julle gees en gedagtes moet nuut word…” Jy is óf ’n persoon wat deur jou gedagtes beheer word óf jy is iemand wat jou gedagtes beheer. Daar is maar altyd ’n stryd aan die gang tussen gedagtes wat opbou en gedagtes wat afbreek. Die geluk is egter dat jy en jy alleen, onder die leiding van die Gees, kan kies watter gedagtes dit is wat jy wil hê moet seëvier…

Noem sy naam en jy kry uiteenlopende reaksies wat wissel van beledigings tot bewondering. Een dink hy’s “’n glansgans” (iemand wat die kalklig najaag), iemand anders meen hy is bloot “’n bouncer en ’n sterkarm”. Ook: “Vra hom eerder oor huisalarms en honde.” “Ek steur my nie aan sulke mense nie,” beduie Mike Bolhuis (58). “Elkeen is geregtig op sy mening, solank dit ’n ingeligte mening is. Enigiemand wat iets wil sê, kom sê dit in my gesig. My haarstyl het niks met my vaardighede uit te waai nie.” Dis Vrydag en Mike haal administrasie in en beplan vooruit. Hy dra nie sy gebruiklike pak en das nie, maar ’n vlootblou T-hemp met die slagspreuk: No drugs, no violence; ’n swart sweetpakbroek met wit kantstrepe, ’n Fitbit en ’n duur…

Sy laat jou aan ’n ouwêreldse lugwaardin dink. Fyn versorg van kop tot tone. Bloedrooi lippe en naels en selfs op ’n snikhete dag in ’n langmousnyerspakkie, kouse en spykerhakke geklee. Die sjarmante Marion Fernandes van Benoni is op 67 die oudste lugwaardin in die land. En as dit van haar afhang, sal haar vlerkies nooit geknip word nie. Sy ken geen ander werk as dié van ’n waardin in die wolke nie en sy wil niks anders wees nie. Sy was 17 jaar oud toe sy by Suid-Afrikaanse Lugdiens aangesluit het. Die eerste vier jaar was sy ’n grondwaardin wat vir besprekings verantwoordelik was. Sy kon eers op 21 begin vlieg. Dinge het inderdaad baie verander. Destyds moes kajuitpersoneel ook ’n derde taal leer. Sy het toe Frans, wat…

Richard verduidelik hy gebruik die negatiewe in sy lewe as hulpmiddel om ’n verskil in ander se lewe te maak. “Deur met gesinne te praat en my ondervindings met hulle te deel, word my reis ’n voorbeeld aan ander hoe om dinge nié te doen nie. Dit is ’n besliste getuienis van die geloof wat ek in myself het ná al die negatiwiteit wat ek ervaar het. Ek het depressie ervaar op maniere wat moeilik is om te verduidelik. “Ek dink materialisme en sosiale mededinging plaas vandag soveel druk op mense en die enigste ontvlugting is om die grense te toets. Grense waar drank en dwelms gebruik word. Genadiglik kon ek wegbreek en vergifnis binne myself vind, ongetwyfeld een van die moeilikste prosesse. “As geluk jou geldeenheid was, watter werk…

HOENDERKLAPPERKERRIE 4 porsies 2 uie, gekap5 ml (1 t) fyn knoffel5 ml (1 t) fyn gemmer50 g (1 pakkie) rooikerriepasta4 hoenderborsies, in blokkies gesny400 ml (1 blik) klapperroom500 ml (2 k) hoenderaftreksel1 rooi soetrissie1 groen soetrissiehandvol vars koljanderblare 1 Braai uie, knoffel en gemmer tot sag. 2 Roer kerriepasta by en braai tot geure loskom. 3 Gooi hoender by en braai tot bruin en alle kante met pasta bedek is. 4 Gooi alle vloeistowwe by en laat kook tot hoender gaar is. 5 Gooi soetrissies laaste vyf minute by en kook tot net sag. TOM YUM-SOP 4 porsies 2 uie, in halfmaanringetjies gesny5 ml (1 t) fyn knoffel5 ml (1 t) fyn gemmer½ suurlemoengrasstokkie, gekneus30 g (1 pakkie) tom yum-pasta50 g (1 pakkie) rooikerriepasta250 g (1 pakkie) sampioene500 ml (2…

“In die algemeen is die merke spirale wat noukeurig en elegant geteken is. Die een kant korrespondeer met die ander. Die merke op die liggaam verwys na loof in ou ornamente, iets soos filigraanwerk, maar daar is so ’n luuksheid van vorm dat uit ’n honderd wat op die oog af almal dieselfde lyk, nie twee by nadere ondersoek dieselfde is nie.” Dit is hoe kaptein James Cook in 1769 die “ta moko”, die permanente merke op die gesigte en lywe van die Maori in Nieu-Seeland beskryf het. Anders as tatoes, is die vel in dié geval nie met naalde geprik nie, maar gekerf om groefies in die vel te laat. In 1896 het die Maori-houtkerwer Tene Waitere (1853–1931) opdrag gekry om ’n houtpaneel ter illustrasie van dié merke vir…

ROLPRENTE SHOCK AND AWE 6/10 Met Woody Harrelson en James Marsden Regisseur Rob Reiner WARE LEWENSDRAMA Soms bevraagteken mens verspreiders se besluit om ’n sekere rolprent plaaslik uit te reik. Vir Amerikaners beteken hierdie fliek oor die gevolge van die 9/11-aanval in 2001 geweldig baie. Maar vir ons plaaslik is dit net ’n hervertel van ’n verhaal wat ons goed ken. Ná die terreuraanval op die World Trade Center word daar oorlog teen Irak verklaar en ’n patriotiese jong man verloor sy bene wanneer hy Irak toe gaan. Daar word gefilosofeer oor die aard van die oorlog en of dit iets bereik het. (Dit het Saddam Hussein ten minste uit die kussings gelig.) Militarisme, patriotisme, manlikheid en vergelding is die hooftemas waaroor dikwels gefilosofeer word en wat soms eksplisiet uitgebeeld…

Lalie weet dat sy niks meer weet nie. Sy vertrou niemand behalwe haarself en die kinders nie. Sy sit by Hans se lessenaar. Met vingers wat liggies bewe, haal sy ’n klein geraamde foto uit haar handsak. Sy het dit so pas gesteel. Toe sy die foto, wat sy in ’n terugflits gesien het en waarvan sy al gedroom het, op dokter Bernard se boekrak sien, het sy yskoud geword. Hy het haar besorgd agternagesit toe sy by die spreekkamer uitstorm, haar aan die arm teruggelei, in die stoel laat sit en uitgegaan om ’n glas suikerwater te kry. In daardie halfminuut het sy die foto gegryp en in haar handsak geprop. En spore gemaak. Sy streel oor die foto, oor die gesig van die dogtertjie. Daar is onsekerheid op…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Hoedanigheid van onsterflik te wees SMS jou antwoord, voorletters, van en dorp/stad voor of op 19 Desember 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Kerklike dissipline waar onderrig in die godsdiens en kerkleer gegee word SMS jou antwoord, voorletters, van en dorp/stad voor of op 19 Desember 2018 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…