Innholdsfortegnelse for 23 November 2018 i Vrouekeur

Om kinders groot te maak, is die moelikste taak wat ek tot nou toe moes aanpak. Op die een of ander wonderbaarlike wyse het ek my twee kinders groot gekry. Maak nie saak hoe oud jou kinders is nie, ouers bly bekommerd en beskermend oor hulle. Soos ons een kollega op kantoor wie se jongste volgens sy juffrou “niks reg doen nie”. Dis nie net die ma wat vies is vir die juffrou nie – die hele VK-span staan bankvas agter haar. Soos die lirieke in The Sound of Music lui: “…somewhere in my youth or childhood I must have done something good …”, moes ek iets in die grootmaakproses reggekry het, want albei my kinders is goeie en gawe mense. ’n Goeie mens is vir my iemand wat ……

Dorette Potgieter groet my met ’n stywe druk en verduidelik laggend hoekom haar lang blonde hare vandag vol weerbarstige krulle is. “Ek was pas by ’n casting vir ’n Amerikaanse Levi-advertensie vir ’n mini beauty queen-ma. Nog ’n aktrise wat ek ken en haar dogtertjie was ook daar. Ek hoop regtig een van ons twee kry dit, ons het albei die geld nodig! “Dis regtig ’n groot meevaller om ’n TV-advertensie te kry, die geld is nie te versmaai nie, maar geluk speel ’n groot rol,” erken die 45-jarige aktrise en ma van ’n negejarige dogtertjie. Sy erken dat sy nie ’n aanhanger van skoonheidskompetisies vir kinders is nie. “Ek sal nie my kind daaraan blootstel nie. Almal sê dis so goed vir hul selfbeeld. Ek’s jammer, daar is soveel…

Ons betree dr Bernhard Zipfel, hoof van die afdeling vir kuratorskap aan die Instituut vir Evolusionêre Studies aan Wits, se koninkryk. Ons loop oor afbeeldings van skedels, gekarteer in die vloer, in die voetspore van ons voorsate. Hy ontsluit die fossiel-hominid- en primaat-laboratorium, ’n massiewe kluis enig in sy soort in Afrika en genoem na die vermaarde paleo-wetenskaplike Phillip V Tobias. ’n Bordjie bo die deur waarsku langerate: Mind Your Skull. Agter die staaldeure is daar rakke op rakke met skedels agter dik glas, uitgestal volgens streek van oorsprong – Oos- en Suider-Afrika, Asië en Europa. Die hipergesofistikeerde kluis, wat aanslae van mens en natuur kan weerstaan, voel nie soos ’n katakombe nie. Dit is asof die millennium-oue oorblyfsels van ons voorfamilie vrede met hul nuwe tuiste gemaak het. In…

NOVEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoering ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoeprofielsaak met die desperate Amerikaanse ouers aan die een kant en die ambisieuse kaptein Lubambo aan die anderkant. En almal wil resultate he. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en essays wat…

#bakliefde Mareli MARMITEKOEK 1 koek 60 ml (¼ k) olie2 eiers125 ml (105 g) suiker500 ml (270 g) bruismeel10 ml (2 t) bakpoeier2,5 ml (½ t) sout250 ml (1 k) melk2 50 ml (80 g) cheddarkaas, gerasper SOUS 125 ml (120 g) botter30 ml (2 e) Marmite/Bovril125 ml (40 g) cheddarkaas, gerasper Voorverhit oond tot 180 °C en spuit vierkantige 23 cm-oondbak met kleefwerende sproei. 1 Klits olie, eiers en suiker tot lig en donsig.2 Sif meel, bakpoeier en sout saam.3 Vou meelmengsel en melk beurtelings by eiermengsel in. Vou gerasperde kaas laaste in. 4 Skep beslag in oondbak en bak vir 35 minute tot goudbruin en gaar.5 Sous Smelt botter en Marmite/Bovril.6 Sit oond af, haal warm koek uit oond en prik vol gaatjies. Gooi gesmelte bottermengsel oor koek.7…

Min mense sien uit na Maandag, want vir die meeste mense is dié dag ’n uitdaging. ’n Paar bekendes haal die blou uit dié dag. Die sanger en liedjieskrywer Almero Welgemoed het onlangs ’n album oor ’n Maandag in sy lewe uitgereik. “Maandag simboliseer vir my ’n nuwe begin en ook opwinding vir dit wat kom. Soms kan Maandae ook baie tragies – blou – wees. Dié dualiteit is soos ons mense. Daarom is ek baie bly as dit Maandag is,” sê Almero. Hy skerts: “Ek is wel op ’n Dinsdag gebore!” Dit is 21 jaar later en op dié jeugdige ouderdom spog hy met ’n rits welslae, onder meer ’n digbundel, Liefde wen, en die temalied (met Bouwer Bosch) vir die rolprent Nul is nie niks nie, ’n boek,…

Die Desembervakansie lê om die draai en dit is die tyd waarin sommige mense hul jaarlikse leeswerk inhaal. Dit is ook ’n tyd waarin mense boeke vir hul vriende en familie (en vir hulself) as Kersgeskenke koop. Daar is geen tekort aan wonderlike leesstof vir hierdie komende maande nie. Ek kan nie onthou wanneer laas daar soveel boeke in so ’n kort tydjie op my tafel beland het soos oor die afgelope paar maande nie. Ek wens dat ek oor elk van hierdie boeke veel meer kan skryf, maar daar is nie genoeg plek nie. Bo-aan byna alle lesers se inkopielysies is die nuwe Deon Meyer. Die meeste van ons kan nie wag om verder oor Bennie Griessel te lees nie. Prooi het pas verskyn. Verlede jaar hierdie tyd het…

ROLPRENTE ANON 6/10 Met Clive Owen en Afiya Bennett Regisseur Andrew Niccol Drama Is dit moontlik dat daar ’n kuberkraker van die menslike psige kan wees? Dit is die probleem waarmee ’n speurder (Clive Owen, wat ons heeltemal te lank laas gesien het) opgeskeep sit wanneer hy by ’n vreemde vrou (Afiya Bennett) betrokke raak, wie se kliënte voor die voet sterf. Maar presies wie is sy? Hoe kom sy elke keer weg? En hoekom smokkel sy met die speurder se kop? Hierdie vreemde en raaiselagtige speurdrama sal jou tot aan die einde laat raai – ’n mens is nooit heeltemal seker of jy kan glo wat jy sien nie. Ook nie of die hoofkarakters is wie hulle voorgee om te wees nie. As jy dol is op surrealistiese speurverhale…

Die pistool is buite bereik in haar handsak. Sy is stewig van agter vasgevat, die aanvaller se arm om haar keel. Standing rear choke, onthou sy skielik. En sy weet presies wat om te doen. Haar spiere het ’n geheue van hul eie. Sy wikkel sy arm effe losser van haar keel, blitsig, en buig haar knieë, sodat sy die aanvaller as ’t ware abba. Dan hurk sy en gooi hom vorentoe, oor haar skouer, grond toe. Hy is verbasend lig. En voor haar voete lê Kurt, Annabel se tienerseun, winduit. “Hectic, Lalie,” brom hy krakerig toe hy sy asem terugkry. “Jy moet my ’n paar moves wys.” Vir die sekuriteitswag wat nader staan, noudat die gevaar verby is, beduie hy: “It’s okay, she’s my mother. I guess I’m grounded.”’…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 17 woorde, goed 21 woorde, baie goed 28 woorde of meer, uitstekend OPLOSSING: Kamermaat, maretak, kamera, karate, mekaar, tammer, areka, kamer, karet, kater, maker, maket, mater, raket, trema, akme, akte, area, arme, kerm, maer, mate, merk, tema, term, trae, trek, trem. Koderaai Elke syfer verteenwoordig ’n letter van die alfabet. Om mee weg…

Ek dink as ek ’n paar jaar gelede die naam Jabes sou genoem het, sou die meeste van ons gefrons en gewonder het wie op aarde Jabes is. Niemand sou jou kon verkwalik as jy Jabes en sy gebed in die Bybel misgekyk het nie, want hy is tussen ’n lys van 44 name in ’n minder bekende Bybelboek in die Ou Testament weggesteek. Jabes se gebed is ’n gebed wat ons wil herinner en uitnooi om God daagliks toe te laat om in en deur ons lewens te werk. Wat belangrik is om te besef, is dat hierdie gebed nie die een of ander towerformule is om die Here “so ver te kry” om dinge vir ons te doen nie. Wat hierdie gebed wel wil doen (net soos die…

Elke Sondagaand skuif Hannes van Wyk voor die Kwêla-kameras in en gesels met ’n nuwe gas. Hy is akteur, aanbieder, spreker en spelvervaardiger vir Suidooster en reeksregisseur vir Tussen ons. Ek wonder wat ’n spel- en reeksvervaardiger of boksregisseur is. Hy verduidelik dat hy twee jaar permanent, maar nou sekere dae per week, in ’n beheerkamer in die Suidooster-ateljee sit en seker maak dat alles reg verloop: beligting, die akteurs se dialoog, kontinuïteit en vele meer. Vir die geselsprogram Tussen ons is hy reeksregisseur, die mikrofoon in elke aanbieder se oor. Die rol waarvoor hy seker die bekendste is, is dié van Krynauw du Buisson in Egoli: Plek van Goud wat hy tien jaar lank vertolk het, maar sy eerste TV-rol was in Manakwalanders en daarna in Torings, en reekse…

Dis nie meer so raar om iemand teë te kom wat al ’n Camino of twee in Spanje gaan stap het nie. Maar Darren Combrink van Kaapstad het al sewe keer en ’n totaal van meer as 2 600 km gestap en stap dit nie bloot vir sieleheil nie, maar om geld vir kinders met leukemie se beenmurgoorplantingsoperasies in te samel. Hy vertel dat een uit elke 600 Suid- Afrikaanse kinders onder die ouderdom van 16 met kanker gediagnoseer word en die algemeenste hiervan is leukemie. Die haas onbekostigbare behandeling eis jaarliks talle lewens en dit het hom genoop om letterlik vir rand en sent te begin stap. “Van die 79 pasiënte wat in 2017 na die Suid-Afrikaanse Beenmurgregistrasie (SABMR) verwys is, het slegs 19 voldoende geld gehad om na…

“Soos kinders ouers word, verander dinge drasties,” sê dr Gawie Malherbe, ’n psigiater wat in kinders en adolessente spesialiseer. “Kinders raak al meer onafhanklik en ma’s moet oppas om nie ’n ‘devouring mother’ (soos Jung dit noem) te bly nie. Laat jou kind toe om volwasse te word en ’n volwassene te wees, anders gaan jy teenstand kry. As jy en jou kind op sowat 25 nie ’n mate van vriendskap het nie, is jul verhouding dalk patologies en in die moeilikheid. “Vriendskap tussen ouer en kind is op ’n laagtepunt wanneer die kind baie jonk is, maar die vriendskapsband word geleidelik sterker en bereik gewoonlik ’n hoogtepunt wanneer jou kind sowat 16 of 18 is. “Daar behoort nie veel verskil te wees tussen die vriendskap tussen ’n volwasse kind…

TIPE 1-DIABETES In Tipe 1-diabetes vervaardig jou liggaam min of geen insulien nie en kan jou liggaam nie die glukose in die kos benut nie. Behandeling van Tipe 1-diabetes behels daaglikse inspuitings met insulien. Dit begin gewoonlik by mense jonger as 30 en heel dikwels by kinders en tieners. Gesonde dieet en oefening sal help. Bemagtig jouself deur soveel moontlik van die siekte te leer. Hoe meer jy weet, hoe minder sal jy die siekte vrees. Moenie alleen ly nie. Kry hulp as jy oorweldig voel. Die doel van die behandeling is om jou glukosevlakke binne die normale vlakke te hou, naamlik 4–6mmol/l. Die vlakke moet gereeld getoets word en behandeling daarby aangepas word. TIPE 2-DIABETES Tipe 2-diabetes kom gewoonlik by mense voor wat ouer as 40 is, oorgewig is…

101 Mike Joubert, katoeter-ghoeroe, vertel ons meer APPLE WATCH 4 WEET AS JY VAL EN STUUR ’N SMS Vergeet van die nuutste Apple iPhoneslimfone (wie het R30 000 wat rondlê?) wat regtig die aandag trek, is die nuwe Apple Watch Series 4-slimhorlosie. Sedert die Apple Watch in 2015 bekendgestel is, het Apple moeite gedoen om elke generasie te verbeter. Die Series 4 is sonder twyfel die beste slimhorlosie wat tans beskikbaar is, en kom nie net met ’n groter, beter skerm nie, maar ook interessante nuwe funksies. Dit laat jou byvoorbeeld weet as jou hartklop te hoog of te laag is, en kan ook monitor of die draer van die horlosie miskien geval het en hulp benodig. Die horlosie kan dan ’n noodgeval-SMS na familie en vriende stuur. Vir ouer…

SKOON OONDE Maak skoonskip met vetkolle en enige vuilheid in jou oond of mikrogolfoond met Plush Supreme. Dit hou jou oond of mikrogolfoond in ’n goeie toestand en laat ’n aangename geur agter. Ongeveer R45,99 elk by meeste supermarkte. www.plush.co.za REGTE HOEVEELHEID Weeg hoeveelhede presies af met Yuppiechef se plastiekkombuisskaal. Dit werk met ’n battery en dui aan wanneer die battery begin pap raak. Dit skakel outomaties af en laat jou ook weet as die bak oorlaai is. Die skaal en bak kos R219. www.yuppiechef.com VARS UIT DIE GROND Koop kruie so vars soos uit die tuin. Checkers se Living Herbsreeks word met die wortels steeds aan geoes, en dit bly groei, wat dit langer vars hou. Beskikbaar in basiliekruid, koljander, ment, pietersielie en roket. Gesonde peuselhappie Die NuSeed-reeks bied gesonde peuselhappies…

Bykans 200 jaar nadat die Museo Nacional del Prado as die Spaanse koninklike kunsmuseum geopen het, het dié museum in Madrid in 2016/’17 sy eerste uitstalling aangebied wat aan die werk van ’n vrouekunstenaar gewy is. Dié uitstalling, bemark as The Art of Clara Peeters, het bestaan uit 15 werke van dié Vlaamse stilleweskilder wat in 1621 dood is. Peeters was ’n baanbreker in dié genre en een van enkele professionele vroueskilders in vroegmoderne Europa. Om met die 200ste bestaansjaar van die Prado volgende jaar saam te val, beplan dié kunsmuseum ’n verskeidenheid uitstallings, en die werk van twee portretskilders uit die Renaissance – albei vroue – word by dié geleentheid vertoon: die werk van Lavinia Fontana, die vrou wat wyd as die eerste professionele vrouekunstenaar gereken word, en Sofonisba…

Daar word by mens gesteel, en so is dit uit en gedaan. Niemand kan dit verander nie. Die een of ander tyd is jy aan die ontvangkant – of seker die verloorkant – van diefstal. In Suid-Afrika kan jy jou gelukkig ag as dit niks ergers is nie. Vra my. Ingebreek – hoeveel keer. Besittings gegryp – suffel maal. Verneuk – ag, te veel. En dis nie net vandag nie. Ek is al ’n leeftyd gelede besteel. Van die posorderbestelling van die kamera met die tamaai flits wat nooit by my as jong knaap uitgekom het nie, tot die keer toe ek op ’n lughawe gestrand gesit het ná my bankrekening leeg getrek was. Noem my ’n veteraan. Daardie oproep terwyl jy uitstedig is. Die gemoedsverlamming wanneer jy van die…

Mr Price Home www.mrphome.com Woolworths www.woolworths.co.za Zara Home. www.zarahome.com/za/ Yuppiechef www.yuppiechef.com…

MOEILIKHEIDSGRAAD: ★★ WAT HET JY NODIG? 1 bal elk KARTOPU Amigurumi (50) g in beige (K331), rooi (K150), groen (K1390), bruin (K890) 2,5 mm-hekelnaald Klein bietjie stopsel WENKE ▶ Maak oulike geskenkies vir klein handjies of werk ’n toutjie op die kop vas en hang dit aan die Kersboom.▶ Hierdie is ’n basiese patroon waarmee jy verskillende diertjies of poppies kan maak. Gebruik jou verbeelding met die afronding daarvan.▶ Google “amigurumi patterns” vir ’n magdom patrone vir jou versameling.▶ LET WEL Hierdie aanwysings is slegs ’n riglyn. Maak die arms, bene en lyfie van die karaktertjies so lank as wat jy verkies.▶ Dis ks aan die begin van elke rondte tel nie as ’n steek nie, dit maak dit net makliker om rondtes te hekel. HEKELINLIGTING VERSTELBARE RING (MAGIC RING)…

Deur XWord Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Arme wat openlik aalmoese vra SMS jou antwoord, voorletters, van en dorp/stad voor of op 12 Desember 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

Skrywer Pat Stamatélos is nie skaam om te erken sy kry inspirasie vir haar stories by ander skrywers nie. “Dit is gewoonlik iets kleins,” verduidelik sy, “soos ’n mooi woord wat ek raaklees en dan wéér en wéér lees. Dan dink ek oor daardie woord en dit lei tot ’n ander woord, wat later ’n storie word.” Dit kan ook ’n idee wees, of selfs net ’n gevoel. Só het van die konsepte in haar jongste boek, Aankoms en vertrek, ook ontkiem deur ander se werk te lees. “Ek het in ’n boek van Helene de Kock gelees van ’n vrou wat terugkeer sonder om te weet presies waarna sy terugkom. En elders het ek gelees van ’n reënerige dag in die Kaap.” Met dié idee van ’n terugkoms, het…

WAAR KOOP EK DIT? Charles and Keith www.charleskeith.com Foschini, Luella www.foschini.co.za 021 938 1911 (Hoofkantoor) Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Pick n Pay www.picknpay.co.za/clothing 0800 11 22 88 Queenspark www.queenspark.com 021 460 9400 customercare@queenspark.com…

Pret in Durban As jy na iets prettigs, feesteliks en gesinsvriendeliks op soek is, is die Santa Run by die Jonsson Kings Park-stadion in Durban die antwoord. Dit word op Sondag 25 November gehou en die roete bied allerlei prettige ervarings. Daar gaan byvoorbeeld lewendige musiek, ’n reuseglyplank, ’n tonnel met ligte, opblaashindernisse en selfs sneeu wees. Loer ook in by die Kersmark waar jy allerlei produkte en lekkernye te wagte kan wees. Bespreek via www.webtickets.co.za Vonkelfees Franschhoek se jaarlikse Cap Classique & Champagne-fees, The Magic of Bubbles, is ’n hoogtepunt op hierdie dorp se sosiale kalender. Dit word vanjaar op 1 en 2 Desember aangebied en stylvolle klere word deur Suid-Afrikaanse vonkelwyne en Franse sjampanje gekomplementeer. Dit vind by die Hugenotemuseum plaas en die tema is swart en wit.…

GEROOKTE HOENDER 30 ml (2 e) rys5 rooibosteesakkies, oopgeskeur1–2 takkies roosmaryn4 hoenderborsies, in repies gesny 1 Gooi rys, rooibostee en roosmaryn in jou oudste oondbak.2 Sit draadafkoelrak op oondbak en rangskik hoenderrepies daarop. Geur met sout en peper.3 Sit groot stuk foelie oor bak en seël goed.4 Skakel plaat aan en sodra warm, laat dit vir 2–3 minute rook.5 Skakel plaat af en verwyder foelie en hoender. WENKE ▶ Gebruik die blink kant van die foelie na binne.▶ Jy kan enige kos op dié manier rook – tot tamaties.▶ As jy dit vir langer as drie minute rook, sal die hoender dalk bitter word.▶ Dis normaal dat hoender ’n gelerige kleur begin kry.▶ Eksperimenteer met ander kruie en speserye, hou net die rys as basis. MINI-QUICHE MET HOENDER EN SPINASIE…

Die Houw Hoek Hotel op die N2 net voor Botrivier is die oudste gelisensieerde hotel in die land en dateer uit 1779. Dis in die dae van die Oos-Indiese Companjie gebou en aanvanklik as tolhek vir die wapad na die oostelike binneland gebou. Die tweede verdieping is in 1861 aangebou en die hotel het in 1834 sy lisensie verkry. Vertel jy vir mense dat jy daarheen gaan vir die naweek, is die eerste vraag of jy die dans en ete gaan bywoon, want dis legendaries. Dit is al so deel van die hotel soos die reusebloekomboom voor die ingang. Dis nie noodwendig die hoogste boom in die land nie, maar sekerlik een van die oudstes, hoor ek daar by een van die personeel. Die hotel het in 1848 aan ’n…

Op pad na die einde van die jaar kry ons heelparty albums wat op kuieraande gemik is. Hier is twee van daardie albums wat ure se luister- en dansgenieting bied. JJ STEPHENS SE KOESTERKLANKE Die veteraan JJ Stephens se jongste album, Koester (VONK-Musiek), is ’n samestelling van 40 liedjies wat op twee CD’s versamel is. Met sy deurwinterde aanslag, wat deur outydse sjarme, suiwer stemwerk, onberispelike tegniek en innige vertolking gekenmerk word, laat dit die nostalgie behoorlik bruis. Die album bevat hoofsaaklik JJ se eiesoortige interpretasie van immergewilde internasionale treffers. CD een bevat wel ’n aantal nuutskeppinge uit sy eie pen in samewerking met Byron Kuntz. Daar is ’n sug na ’n meevallertjie op Moeg geploeg en patriotiese hoop in Siener van Rensburg, dansritme op die countryrockstyl, Wat ek van…

JOU LEKKER TAMATIE! As jy die saad van ’n spesiale tamatievarië teit wil hou, druk dit op ’n gebruikte papierservet (of koerantpapier) uit. Laat dit droog word en sit dit in ’n ou koevert. As dit saaityd is, lê bloot die servet op die grond en maak dit met grond toe. Die servet sal sommer gou vergaan, maar sal gedurende ontkieming ’n klam omgewing help skep. RAAD VIR WATERGEE ▪ Moenie sprinkelaars of tuinslange sonder toesig laat nie. Gebruik ’n kombuiswekker om jou daaraan te herinner om dit toe te draai.▪ Druk gate in die onderkant van plastiekmelk?, -water? of -koeldrankbottels, sit hulle op die grond om plante en maak hulle met die tuinslang vol water as dit nodig is.▪ Gebruik ’n sypeltuinslang of ’n drupbesproeiingstelsel eerder as ’n sprinkelaar.…

VRIENDIN EET NIE VOOR MENSE NIE Ek het ’n vriendin wat weier om voor mense te eet. Tog is sy nie maer nie. Sy sal wel wegneemetes in haar man se teenwoordigheid eet, maar net in sy teenwoordigheid. Hoe kan ek haar help? Ons nooi die paartjie dikwels vir ete, maar sy eet skaars ’n teelepel vol kos en skuif die kos in haar bord rond. Wat is fout? Sy drink wel wyn. – Anoniem Daar kan ’n magdom van redes wees. Dit kan van ’n eetsteurnis tot ’n traumatiese aspek uit haar verlede wissel. Op sosiale vlak is dit bekend dat saam eet veroorsaak dat mense hul grense effens verskuif, wat ’n mens meer kwetsbaar kan maak vir sekere gesprekke en interpretasie, veral as daar alkohol ter sprake is.…