Innholdsfortegnelse for 16 November 2018 i Vrouekeur

Die Brit, Henry John Patch, was 111 jaar, 1 maand, 1 week en 1 dag oud met sy afsterwe op 25 Julie 2009. Patch was die langslewende vegsoldaat van die Eerste Wêreldoorlog. Dié man het ’n lang tyd gehad om te dink oor die oorlog waarin hy as jong man geveg het en sy afkeer van oorlog het hy duidelik te kenne gegee: “Ek weet nie waaraan om my verligting aan die einde van die oorlog toe te skryf nie. Die feit dat ons gewen het of dat ek nie verder hoef te geveg het nie.” “Passchendaele was ’n katastrofale veldslag – duisende jongmense het gesterf. Dit maak my kwaad. Vroeër hierdie jaar is ek terug na Ypres toe om Charles Kuentz, Duitsland se enigste oorlewende veteraan van die oorlog,…

In Veldiep, Fanie Viljoen se nuwe roman vir jong volwassenes, maak Amber Sterling ’n YouTube-video waarin sy vra of sy mooi of lelik is. Dié video beland op haar Twitter-en Facebookprofiele waar leerders van haar skool dit sien. Amber word ’n bespotting. Terwyl sy van die vernedering probeer ontsnap, ontmoet sy vir Tim Muller, wat sy meisie verloor het en glo dit is die einde van sy wêreld. Saam wil hulle sin van hul lewens maak, maar tieneronsekerhede pootjie hulle en hulle moet besluit of ons gebreinspoel word om te glo net mooi mense kan gelukkig wees. Maar hoe verskil Veldiep van Fanie se vorige romans? “Elkeen van my boeke neem jou op ’n ander emosionele reis,” sê Fanie. “Daar is vir my iets sags en deernisvols aan Veldiep se…

*Alle pryse is die voorgestelde verkoopprys. Pryse korrek teen druktyd WAAR KOOP EK DIT? Charles and Keith www.charleskeith.com Foschini, Luella www.foschini.co.za 021 938 1911 (Hoofkantoor) Mr Price www.mrp.com 0800 212 535 Poetry www.poetrystores.co.za 0860 5555 29 Queenspark www.queenspark.com 021 460 9400 customercare@queenspark.com…

Hoeveel mense hou nog ’n dagboek? Ons praat nou van woorde wat jy net vir jouself neerskryf – of ’n paar naastes wat dit miskien eendag ná jou dood sal lees – eerder as vir Jan Rap en sy maat op die internet. Want ’n blog of ’n Twitter-rekening, hoe gewild dit ook al wêreldwyd geword het, sal nooit dieselfde as ’n dagboek wees nie. ’n Blog is soos ’n besluit om by ’n gim aan te sluit – ’n openbare daad wat gewoonlik geesdriftig en toegewyd aangepak word, maar kort voor lank begin die geesdrif en die toewyding kwyn, en ná ’n ruk hou jy aan bloot omdat ander mense van jou verwag om aan te hou. En Twitter, nou ja, enige idioot kan sy mees idiotiese gedagtes met…

Anél Deswardt is ’n suksesvolle entrepreneur en eienaar en stigter van Commonwealth Pageants SA, asook die Keira Ann-juwelereeks. “As jy ’n onderneming begin, is daar ’n paar dinge wat in plek moet wees. In my geval was dit ’n bemarkingsplan, my onderneming se stelsels en al die noodsaaklike administratiewe take. “Jy moet weet wie jou mark is en hoe en waar jy dit moet bereik. Jy moet ’n werkbare bemarkingstrategie en plan in plek hê. Met Keira Ann was die vestiging van die handelsmerk en verskaffingsketting baie belangrik voor ons winkels toe gegaan het. Met Commonwealth Pageants SA moes ons personeel, bemarking en stelsels in plek wees voor ons begin het.” HAAR BOUSTENE VIR ’N SUKSESVOLLE TUISONDERNEMING IS DIE VOLGENDE: Integriteit Jou onderneming moet lewer wat dit belowe om te…

Waarom is dit belangrik om bewus te wees van mense met ’n ongesonde obsessie oor die eindtye? “Godsdienstige ekstremisme is nou die primêre dryfveer vir terrorisme in die wêreld. Apokaliptiese groepe van Aum Shinrikyo in Japan tot die Islamitiese Staat (Isis) in die Midde-Ooste beskou dit as hul religieuse plig om klein terroriste- groepe te bewapen,” sê Phil. “Die sentrale tesis van ‘Die Einde’ is dat ons nou ’n tyd ingaan waarin ‘argaïese’ geloofstelsels direk bots met ’neoteriese’ tegnologieë, insluitend biotegnologie, sintetiese biologie, roboten nanotegnologie. En die gevolge kan katastrofies wees.” Apokaliptiese ekstremiste soos Isis wil die einde doelbewus verhaas. Hulle sal tot selfvernietigende uiterstes gaan en is bereid om die mensdom en aarde saam te vat. Elon Musk en wyle Stephen Haw king het weer gewaarsku dat kunsmatige intelligensie…

VRUGTEKOEK 2 x 21 cm x 11 cm-broodpanne 940 ml (560 g) vrugtekoekmengsel180 ml (150 g) rooi glanskersies180 ml (150 g) groen glanskersies250 ml (120 g) pekanneute180 ml (¾ k) brandewyn175 ml (170 g) botter180 ml (150 g) bruinsuiker90 ml (75 g) sagte bruinsuiker180 ml (¾ k) lemoensap3,75 ml (¾ t) koeksoda3 groot eiers30 ml (2 e) melkpoeier3,75 ml (¾ t) neutmuskaat3,75 ml (¾ t) gemengde speserye3,75 ml (¾ t) kaneel1,25 ml (¼ t) sout500 ml (260 g) koekmeel brandewyn 1 Week vrugtemengsel, kersies en neute vir minstens 24 uur in brandewyn.2 Gooi botter, suiker, lemoensap en koeksoda by geweekte mengsel en verhit tot kookpunt terwyl voortdurend geroer word. Laat kook vir sowat vyf minute en roer steeds. Verwyder van hitte en laat afkoel.3 Verhit oond tot 150 °C en…

WELGEDAAN! Welgegund-erfeniswyne spog met twee van hul bekroonde wyne. Die Welgegund Heritage Wines Chenin Blanc 2017 van 44 jaar oue wingerde en die Welgegund Heritage Wines Providence 2015, ’n versnit van 60% shiraz, 30% cinsaut en 10% carignan. Albei wyne het by die National Wine Challenge erkenning gekry waar die chenin dubbelplatinum en die Providence dubbelgoud ontvang het. Welgegund het ook onlangs hul eerste olyfolie bekendgestel. Vind meer uit by www.welgegund.co.za VIR ’N BLOU MAANDAG ’n Paar jaar gelede het ’n paar studente in Spanje besluit om blou wyn te skep. Ná twee jaar se navorsing aan die University of the Basque Country is die maatskappy Gik Live! gestig. Daar is 30 000 bottels van die blou wyn in die eerste jaar verkoop en nagenoeg 500 000 in 2017. Die…

Lalie wonder of dit Annabel was wat wit vloerteëls vir die huis gekies het. Dis koud en steriel en moeilik om skoon te hou. Sy leun moeg oor die mop toe die telefoon se skel gelui haar laat wip. Die huisfoon het nog nooit gelui nie! Sy hou die gehoorbuis ’n ent van haar oor, asof dit kan byt. “Hallo?” “Hallo, Bokkie!” Die stem is vreemd. Natuurlik is dit vreemd. “Ek … kan nie onthou nie …” begin sy. “Ek weet, skat, Hans het my gesê. Ek was vir ’n maand oorsee, ek’t gister teruggekom. Ek het eindelose emails en WhatsApps vir jou gestuur, maar … O, jammer, ek is Andra, jou vriendin. Kan jy níks onthou nie?” Andra nooi haarself vir koffie. Hulle sit in die skoon sitkamer met…

MOEILIKHEIDSGRAAD: ⋆⋆ BENODIGDHEDE E lle Cotton On Seriously Chunky 100% katoen (100 g-balle): 3 balle elk White en Iced Blue en 2 balle elk Grey, Pink en Iced Pink 5 mm-hekelpen Naald met groot oog GROOTTE Ongeveer 70 cm x 90 cm AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, RK = regte kant, sp = spasie, st = steek, tes = tesame, VK = verkeerde kant, vlg = volgende Dubbelslagsteek: 1 Slaan die draad twee keer om pen.2 Steek pen in aangeduide steek, slaan draad oor pen en trek ’n lus deur.3 Slaan draad oor pen en trek deur twee…

Een van die beste modelle van dissipelskap is seker Paulus self. In 1 Kor 1:11 sê hy: “Volg my voorbeeld, soos ek die voorbeeld van Christus volg.” Dissipelskap is nie ’n kursus wat jy deurloop nie, dis ’n lewe wat jy lewe. Dissipelskap beteken om soos Jesus te word. In ’n sonnige, mooi vallei omring deur berge, het ’n seun met die naam Ernest gebly. Aan die een kant van die berge het die natuur die gelaatstrekke van ’n majestueuse gesig uit die rots gegraveer. Vanaf die trappies van sy kothuis het die seun ure lank na die steengesig gestaar, want sy ma het gesê dat daar eendag ’n man na die vallei sal kom wat net soos die groot steengesig sou lyk. Sy koms sou vreugde en geluk aan…

Daar is niks aanstellerigs omtrent Cindy Swanepoel nie, ten spyte van haar loopbaansukses en bekendheid as dr Annelize Roux in Binnelanders. Harde werk, deursettingsvermoë en ’n bereidwilligheid om haar vaardighede te slyp, is buiten vir haar vele talente die grondslag van Cindy se sukses. JY IS BY VANJAAR SE SILWERSKERMFEES VIR JOU ROL IN FLUIT FLUIT – DIE RYNE WAARHEID AS BESTE AKTRISE AANGEWYS. WAT BETEKEN DIE TOEKENNING VIR JOU? Dit was die eerste toekenning wat ek ontvang het in die 15 jaar wat ek ’n professionele akteur is en dit was ’n groot eer. Ek het ’n ruk lank in myself getwyfel: Doen ek die regte ding? Is ek goed genoeg? Die toekenning was soos ’n thumbs up en ’n bevestiging dat ek die regte ding doen. En dit…

As ’n perd jou afgooi, klim jy weer op. Dit is die vasberade Rachel Wepener (19) van Delmas se lewensbenadering. Hierdie jong vrou se lewe het twee jaar gelede handomkeer verander. ’n Fratsongeluk op ’n perd het daartoe gelei dat sy van ’n spontane, uitgaande, superfikse sportster met ’n modellyfie in ’n rolstoelgekluisterde gestremde verander het, wat nie kon praat, sluk of stap nie. Met die hulp van ’n hele span kenners moet sy alles van voor af leer doen. Ons sit in haar ouerhuis se sitkamer waar ritse toekennings en bekers wat Rachel voor die ongeluk verwerf het, trots uitgestal is. Haar wewenaarpa, Ben, word deur haar oorlede ma se vriendin, Linn Swanepoel, as “Pa van die Jaar” beskryf. Linn is ’n bekende sakevrou op die dorp wat ’n…

Cherona en Duane Dannhauser van Richardsbaai vier vanjaar hul 20ste huweliksherdenking en is die trotse ouers van twee seuns, Daniel (18) en Luke (11). “Ek wou altyd eerste ’n ma en dan ’n sakevrou wees en kon die twee aspekte balanseer.” Sy het rekenaarkursusse by maatskappye aangebied en kon dit vanaf die huis bedryf. Cherona het die vryheid gehad om haar skedule aan te pas en om hul twee seuns se swemtoernooie en hokkiewedstryde by te woon. Nooit in Cherona se wildste drome het sy kon dink dat haar lewe in ’n paar weke drasties sou verander nie. Hul seun (toe 15) is met kliniese depressie en angs gediagnoseer en hul ander seun (toe 8) met Tourette sindroom. In dieselfde week het sy die nuus gekry dat sy weer karsinome…

Mariaan sê: ▸ Moenie iemand kies net omdat hy belangstel nie. Stap eerder eers ’n pad met jouself of ’n lewensafrigter, leer jouself goed ken en kry vertroue in jouself en wie jy is. Eers dan kan jy ’n lewensmaat kies. ▸ Onthou, alles van jou leer ander mense wie jy is. As jy ’n maat met integriteit soek, moet jy met integriteit optree. Moenie iets aanlyn voorgee wat jy nie is nie. Elzabé sê: ▸ Ken jouself en weet wat jy in ’n maat soek. As die persoon nie aan daardie kriteria voldoen nie, beweeg aan. ▸ Maak seker jy ken die persoon vir wie hy is. Wees krities. Is dit gegrond op wat die persoon spontaan deel, of is dit omdat jy dit gekommunikeer het, en hy baie…

’n Britse opname in 2015 toon dat 23% van die algemene publiek glo die apokalips sal in hul leeftyd plaasvind, terwyl 10% van die Global Challenges Foundation se kenners so dink. Die publiek glo die waarskynlikste oorsaak sal ’n kernoorlog wees, terwyl die kenners dink dit sal kunsmatige intelligensie wees. Net 3% van Britte het gedink die einde sal kom deur die Laaste Oordeel, vergeleke met 16% van Amerikaners. Tussen een en drie persent van mense in albei lande het gedink die apokalips sal deur zombies en ’n buiteruimtelike inval veroorsaak word. Bronne: www.psychologytoday.com, www.huffingtonpost.com, www.forbes.com…

NOVEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoe ring ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die ander kant. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en…

Op die eerste aand van ons gesin se eerste gesinstoer na Europa verdwaal ons in Venesië – nie op die oudorpeiland waarin mens in elk geval sommer vir die lekker verdwaal nie. Nee, dit het ons nou-nou gedoen. Nou’s ons net oorkant die brug anderkant die see daarvandaan, in die stikdonkerte. Ons moet uitkom by waar ons bly. Nie een van ons het juis ’n skoonheidslaap tydens die 17 uur tussen lughawens van Suid-Afrika af geniet nie en ná ons voet aan wal gesit het, het die soete waterstad ons en al ons sintuie verlei. Dis net so duskant middernag en ons bevind ons weer en steeds op ons voete – let wel, lankal nie meer vir die pret daarvan nie. Soms kom ’n bus verby, maar nie in die…

Ons almal beleef mos maar dae van triestigheid en moedeloosheid. Dié twee besielende geestelike albums sal jou hoop bied en jou gemoed opkikker. NUUTGEMAAK Die tenoor Du Preez Stoltz het saam met Philip Kotze en Chris Coetzer as die gewilde trio Ons Eie Tenore bekendheid verwerf. Maar hy wou altyd geestelike musiek vertolk. As ’n solokunstenaar het hy daardie droom bewaarheid en die albums Hy leef in My en Dans in sy lig het gevolg. Op sy derde album, Nuutgemaak, word Du Preez se pragtige, suiwer stem ontgin. Met 16 snitte – tydlose gunstelinge, Afrikaanse aanpassings van internasionale gospelliedere en ’n aantal nuutskeppinge – neem hy die luisteraar op ’n geestelike lof-enaanbiddingsreis. Tussen die aangrypendste werk is die splinternuwe verwerkings van sy treffers Dankie! Dankie! Dankie! (’n uitbundige, dankbare jubellied…

Die ou man sit net duskant die spruit op ’n boomstomp langs die pad, hande rustend op ’n kierie. Ons klim uit. Patric haal die instrumente uit die kattebak. Ek kyk rond, neem ’n paar foto’s. Mooi omgewing. Mpumalanga se deinende middelveld. Duskant die spruit lê die huise wyd versprei, die mure kleurryk met patrone versier. Op ’n hoogte oorkant die spruit is die skool. Ek hoor Patric en die ou man in hul taal gesels, loop nader. Patric loop verder die skuinste af en pak die instrumente uit. “Môre, Oom.” “Môre, Meneer.” Die ou man lig sy hoed. Sy hare en bokbaardjie is grys en die plooie van baie jare sit diep in sy gesig gegrif, maar daar is ’n wakkerte in sy oë. Ek loop verby tot by…

*Pryse onderhewig aan verandering…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 7 woorde, goed 10 woorde, baie goed 13 woorde of meer, uitstekend OPLOSSING: Hakekruis, kerkhuis, herskik, hakker, haker, hark, hars, heks, heus, hier, huik, huis, hurk Woordsoek 23 Afrikaanse flieks wat sedert 2000 uitgereik is, is hier weggesteek. Hulle kan horisontaal, vertikaal, onderstebo, agterstevoor of diagonal gelees word en val soms oormekaar. Kyk of jy…

Rocking the Lake Die Lakeside Lodge & Spa op Sedgefield hou vanjaar op 24 November hul Rocking the Lake-geleentheid. Musiek, wyn en heerlike kos sal van hierdie dag ’n ware fees maak. Bespreek deur Computicket. Meer inligting by www.lakesidelodge.co.za, info@lakesidelodge.co.za en 044 343 1844 Kerswonderland Die Rietvallei-gesinskerk in Elarduspark, Pretoria is op 25 November die gasheer vir ’n WitKersfees-wonderlandgeleentheid. Geniet ’n meevoerende middag met Europese Kersmusiek deur die Capital-kamerorkes en die Armonica-teaterkoor onder leiding van Schalk van der Merwe met gaskunstenaars Helena Ceronio en Henry van Dyk. Dit skop om 16:00 af en kaartjies kos R180 per persoon. Dit sluit koffie en tradisionele Kersgebak in. Daar sal ook versnaperings te koop aangebied word. Bespreek by 072 215 8452 of nhrietv@telkomsa.net Liefde by die dam Die gewilde Liefde by die dam-konsert…

Om ’n tuisblyma én sakevrou te wees, beteken dat jy die beste van ’n paar wêrelde kry. Jy kan jou eie skedule opstel, gedurende die dag by jou kinders wees, steeds op professionele vlak gestimuleer word en ’n bydrae tot die huishoudelike inkomste lewer. Maar jy gaan terselfdertyd verskeie balle in die lug moet hou. ’n Paar tuisblyma-entrepreneurs vertel van die voor-en nadele en uitdagings wat hulle moes oorkom. WAT WAS JOU UITDAGINGS OM DIE ONDERNEMING OP DIE BEEN TE BRING? 1 Ek moes my eie internet-en rekenaarprobleme begin oplos – daar was nie meer ’n IT-departement wat ek kon nader roep om te help nie. Ek het duidelik géén IT-vaardighede nie …2 Ons bandwydte in die huis is stadiger as by die korporatiewe reus waar ek voorheen gewerk het –…

Wetenskaplikes en weerkundiges is besorg oor aardverwarming en waarsku dat stygende seevlakke kusstede wêreldwyd gaan oorstroom. Elke opeenvolgende jaar is die warmste op rekord, gletsers en pole smelt en spesies sterf uit. Plastiekbesoedeling bedreig die seelewe en koraalriwwe vergaan. Tsoenami’s, orkane, hittegolwe en aardbewings saai verwoesting op elke vasteland en eiland. Kenners is dit eens dat die aarde nie vir ewig sal hou nie. Astronome voorspel dat ons planeet “net” 7,5 miljard jaar oor het voor dit deur die son verswelg sal word. Die mensdom sal waarskynlik vroeër verdwyn. In 1704 het sir Isaac Newton ’n brief geskryf waarin hy uitvaar teen “onbesonne gissings van mense vol geite wat dikwels die eindtye voorspel” en sy twyfel uitgespreek of die wêreld voor 2060 sou eindig. Phil sê: “Die lang geskiedenis van…

GEROOSTERDE PATATEN- ROKET-SLAAI 4 porsies 4–6 groot patats, gewas30 ml (2 e) groentespeserye160 g (2 pakke) roketblare250 ml (1 houer) suurroom30 ml (1 e) vars dille, gekap Stel oond op 180 °C. 1 Sny patats in happiegroottes. Gooi bietjie olie oor en roer speserye deur.2 Bak in oond vir omtrent 30 minute of tot sag en goudbruin.3 Pak roketblare op opdienbord.4 Meng suurroom en dille.5 Sit afgekoelde patats op roket en drup suurroomsous oor. TUNABROODJIE 4 porsies 1 ciabatta1 ui, fyngekerf4 blikke tuna, gedreineer2 50 ml (1 k) groentesmeer (sandwich spread)500 ml (2 k) gerasperde kaas 1 Sny brood in skywe en rooster onder element tot net bruin.2 Meng ui, tuna, groentesmeer en helfte van kaas.3 Skep mildelik op broodsnye.4 Strooi laaste van kaas bo-oor en rooster onder element tot…

SUIWER WATER Met KURO-Bo Activated Charcoal Sticks and Koins sal jy altyd mineraalwater byderhand hê. Dit suiwer water en balanseer die pH van kraanwater. KUROBo trek gifstowwe soos ’n magneet aan. Gooi dit net in enige bottel water, filtreer en geniet! Ongeveer R240 vir die stokkies en R210 vir die blokkies. Beskikbaar by Wellness Warehouse-winkels, Takealot, Faithful To Nature en sekere Spar-en Dis-Chem-winkels. www.kuro-bo.com Warm smakie As jy van ’n lekker warm smakie hou, is Pesto Princess se Basil & Chilli Pesto net vir jou. Al Pesto Princess se produkte is vars, daarom sal jy dit by die yskasafdeling van sekere SPAR-, Pick n Pay-, Checkers-en Wellness Warehouse-winkels kry, vanaf R49,95. www.pesto.co.za VLEKLOOS Verwyder vlekke uit wasgoed met Personal Touch se Fabric Stain Removerwat in ’n sproei- of poeiervorm beskikbaar…

Die Kaapstadse kunstenaar Henk Serfontein het sy stempel as skilder, as dokumenteerder van vergetelheid, van heugenis en bowenal van die tekstuur van donkerte afgedruk. Lees ’n mens gewoon die titels van sy solo- uitstallings sedert die eerste een 22 jaar gelede, kry jy in woorde ’n prentjie van die trajek waarop hy is: Labyrinth of Remains (Johannesburg) in 1996, Labyrinthe de mémoire et mythe (Parys, Frankryk) in 1997, Memorabilia (Kaapstad) in 2002, Travelling the Margins (Johannesburg) in 2009 en Urban Tension (Barcelona, Spanje) in 2011. In sy skilderye verbeeld hy plekke wat nie aan die hoofroetes lê nie, plekke wat op die kantlyn vooruitgang sien verbygaan het. Of verlate stedelike parkeergarages. Dikwels nagtonele wat die gevoel van verlatenheid des te meer oproep. Waarvan die kyker deurgaans bewus is, is die…

Michael Ondaatje is veral bekend as die skrywer van The English Patient (1992). Baie mense het bloot die uitstekende rolprentweergawe van daardie besonderse roman gesien, maar diegene wat The English Patient gelees het, sal weet dat Ondaatje een van die uitsonderlikste skrywers van ons tyd is. Ondaatje se jongste roman, Warlight, het vroeër vanjaar verskyn. Ek kan beswaarlik glo dat hierdie roman nie op die kortlys vir die Bookerprys beland het nie, want vir my is dit een van die hoogtepunte van die afgelope jaar. Herinnering, die manier waarop ons onthou, wat en hoe ons onthou en hoedat dit wat ons oor die verlede onthou ons bepaal, staan sentraal in die roman. Dit is egter, soos enige goeie roman, in die eerste plek ’n fassinerende storie wat boeiend vertel word.…

ROLPRENTE THE GIRL IN THE SPIDER’S WEB Met Claire Foy and Stephen Merchant Regisseur Fede Alvarez DRAMA Vir lesers wat gelukkig genoeg was om die bekroonde Claire Foy in die eerste twee reekse van The Crown te sien, sal weet dat sy ’n formidabele aktrise is wat sterk vroue vreesloos kan vertolk. In dié fliek neem sy die rol van die bekwame Lisbeth Salander oor met Sverrir Gudnason as Mikael Blomkvist, die joernalis, wanneer hulle hulle in ’n spinnekobweb vol intrige, verraad, boosheid, dubbele agente, kuberskurke en korrupte regeringsamptenare bevind. Salander is natuurlik ook ’n kuberkraker en weet hoe skelms se koppe werk en hoe om hulle versigtig te uitoorlê, maar tussen die gruwels en aanslae op haar lewe bly sy steeds ’n vrou. Maar ’n vrou met ’n verlede…

FAMILIE WAARVAN EK NIE GEWEET HET NIE Ek (25) het tot my skok uitgevind dat ek familielede het wat op my dorp woon, wat dekades lank vir my geheim gehou is. My ouers het ’n uitval met hulle gehad en het besluit dat ons vier kinders hulle nooit mag ontmoet nie. Ek is nuuskierig oor waar ek vandaan kom, maar is gewaarsku dat ek ook kan seerkry en ontnugter word. Hoe gemaak? – Anoniem Jy is duidelik nie meer ’n kind nie en ek sou dink dat dit geregverdig is om navraag te doen. Dikwels is familiegeskiedenisse maar met negatiwiteit besmet en dit is nie ’n vreemde verskynsel nie. Die manier hoe jy jou ouers benader, is egter belangrik. Reël ’n formele gesprek met hulle en vra of jy jou…

Vir alle navraenavrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Persoon wat ’n koor by die uitvoering van ’n komposisie dirigeer SMS jou antwoord, voorletters, van en dorp/stad voor of op 5 Desember 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…