Innholdsfortegnelse for 9 November 2018 i Vrouekeur

Diegene van ons wat lank genoeg in Afrika nes geskop het, weet dat die enigste voorspelbare op dié kontinent, onvoorspelbaarheid In Johannesburg is die onvoorspelbare verkeersvloei soggens werk toe en saans huis toe voorspelbaar. Soos vanoggend. Dit neem my gewoonlik 20 minute van ons huis tot by die kantoor. Vanoggend het dit ’n uur geduur. Ek ry ’n lieflike pad deur mooi woonbuurte werk toe en ken die agterpaadjies goed. Dié paadjies is nie noodwendig korter nie, maar dis mooier en ek sit nie in verkeer vas nie. Dit beteken ek het ’n rustige rit en kom kalm by die werk aan. Sonder hindernisse. Op my pad is daar ’n skool en afhangende van wanneer jy soggens daar verbyry, moet jy soms ’n effense ompad ry omdat die pad voor…

Dis bietjie van ’n malhuis op die stel van Suidooster – een van die akteurs is siek en tonele moet geskuif en herskeduleer word, maar Vashti Prins is die toonbeeld van kalmte. Pragtig en fyn, is wat jy eerste oplet – ’n ware skoonheid met haar bos lang krulhare, sensuele mond en vlekkelose vel. “Dis nie iets wat elke dag gebeur nie, maar gelukkig is hier ’n baie gesonde gees en selfs ’n krisis word met ’n groot mate van kalmte hanteer. Dis só belangrik vir ’n akteur om in ’n goeie mind space te wees, sodat jy kan fokus en jou werk behoorlik kan doen,” vertel sy. “Vandag was juis ’n belangrike dag vir my karakter Danielle, want sy maak vrede met haar pa met wie sy ’n uiterse…

Volgens Vaughan hang dit van die stadium af waarop TTS gediagnoseer word. In stadium 1 is daar geen behandeling nodig nie en is daar ’n 50% kans dat dit vanself sal verbeter. In stadium 2 tot 4 is daar ’n 80–90%- kans om albei babas te verloor en is laserbehandeling om die konneksies op die plasenta toe te skroei die beste opsie. Laser het ook ’n 10–15%-risiko deurdat jy in kraam kan gaan of die babas kan verloor. Volgens kenners is laser die beste behandeling beskikbaar vir TTS, maar dis nog nie vervolmaak nie. Daar is ’n 65%-kans dat albei babas sal oorleef en tussen 80–85%-kans dat minstens een sal oorleef. Die oorlewende tweeling het ’n 11%-kans op langtermyn-neurologiese afwykings, byvoorbeeld leergestremdheid, vertraagde ontwikkeling, kognitiewe gestremdheid en minder ernstige toestande…

KUNS OP GREYTON Die tweede jaarlikse Greyton Art Walk word vanjaar van 16 tot 18 November gehou. Dit gee besoekers en inwoners die kans om kuns op hierdie pragtige Overbergse dorp te geniet. Greyton word die naweek in een massiewe kunsgalery omskep. Vind meer uit by 028 254 9564/9414 of besoek www.greytontourism.com PIEKNIEK ONDER DIE STERRE Op Saterdag 10 November word ’n Sterrekykpiekniek by die Afrikaanse Taalmonument op Paarlberg gehou. Besoekers kan die sterrehemel met die hulp van die Orionobservasiegroep se lede verken. Die tema is Mars in sig en die piekniek begin om 18:00. Gaste is welkom om hul eie piekniekmandjies te bring of een vooraf by die Volksmondkoffiewinkel by 021 863 2800 te bestel. Die piekniekreeks word aangebied ten bate van die Taalmuseum se voorleesprojek vir kinders. Die…

SOETIGHEID VIR DIE KERSKOUS Cadbury Festive Collection se beperkte uitgawe is ’n heerlike geskenk vir sjokoladeliefhebbers. Daar is Whispers Snowballs, ’n Dairy Milk Festive Whisper-plak en Christmas Baubles wat met verskillende sjokolades gevul is By die meeste groothandelaars beskikbaar LAAT DIT BLINK Kry jou vloere, mure, teels en opwasbakke sommer tegelyk silwerskoon met Plush Supreme Floor & All Purpose Cleaner. Dis nou in ’n 5 ℓ-bottel teen ongeveer R99,99 by die meeste handelaars beskikbaar. www.plush.co.za ALS BYMEKAAR ’n Grimeersakkie is nuttig om jou maskara, onderlaag, oogpotlode en ander mooimaakgoed in te bêre. By die Crazy Store kry jy die mooiste sakkies teen ’n goeie prys. R69,99. www.crazystore.co.za Mooi mure Versier jou muur met muurpapier in die mooiste ontwerpe. Dit is 100% herwinbaar en die ink is nie giftig nie. Beskikbaar…

Adam Tas se growwe rasperstem en emosiebelaaide lirieke in folk-styl bied sy bewonderaars keer op keer wat hulle verlang: nostalgie. Dié keer nog méér. Sy nuwe, die negende album, Sit kêrels (Universal), is oudergewoonte met Afrikaner-patriotisme en behoudende sentimente gevul. Dié keer benut hy ’n aangename balans tussen rock ‘n’ roll-klanke en blues; wat aan sy vroegste werk op sy albums Menthol, Springbok Radio, Ben Bicycle en Storm van liefde herinner. Die toonvenstersnitte op die nuwe album, wat aan dié rocker se wortels herinner, is die rockgedrewe progressiewe snitte Voëlverskrikker en Feetjies met tattoos. Met sy meer onlangse albums, Man van stof, Want jy is boer en Patatas en pyptabak het hy veral ’n oorvloedige aar in ’n eksklusiewe kultuursfeer raakgeboor en daarmee platinumstatus verwerf. Die nuwe album is as…

Die verhaal is dié van ’n sultan, Sjahryar, wat vas glo alle vroue is ontrou en hulle geen geleentheid bied om te bewys hy is verkeerd nie. Hy bring slegs een nag met ’n vrou deur en vroegoggend word sy om die lewe gebring. Die titel van die verhaal is Duisend en een nagte, ’n versameling Midde-Oosterse volksverhale in Arabies wat byeengebring is in die sogenaamde goue eeu van Islam, van die agtste tot die 14de eeu. Die sultan kom sy moses teë wanneer Sjeherazade ’n nag met hom deurbring en hy só betower is deur die verhale wat sy vertel dat hy haar nag ná nag laat terugkom sodat hy verder kan luister. Deur stories te vertel, bly sy nie net aan die lewe nie, maar wen sy ook…

Daar is ’n neiging in die uitgewersbedryf om sekere stukke wat aanvanklik as rubrieke verskyn, later in boekvorm uit te gee. Positief beskou, word die “juwele” dan uitgesoek en saamgesit sodat hulle nie slegs in die vervlietende vorm van die koerant, tydskrif of radioprogram bestaan nie, maar as ’t ware ’n tweede en hopelik langer lewe verkry. Aan die negatiewe kant kan mens opmerk dat daar eintlik net op die sukses van die aanvanklik gewilde rubrieke gery word om dalk nog ’n bietjie publisiteit of geld daaruit te maak. Onlangs het twee van hierdie soort boeke verskyn. Blouwillem is ’n bekende en gewilde rubriekskrywer in Beeld, Die Burger en Volksblad. Hy word volgens die agterblad beskryf as “’n voorheen bevoordeelde, tans geseënde middeljarige man wat omtrent oral in die land…

Botterblomme, oftewel gazanias, is eenjariges wat tuiniers met hul helder kleur en onderhoudvrye aard beloon. Hulle is natuurlik droogtebestand en het variëteite wat lank blom – als met min versorging. Hierdie vrolike blomme word ook gousblomme genoem en is inheems aan Suid-Afrika en daarom veral treffend in inheemse tuine. Hulle word botterblomme genoem omdat die blomblare glo na botter proe as jy dit kou … Gazanias is baie veelsydig, hulle groei heel gelukkig as beddingplante, grondbedekkers en as ’n dekoratiewe rand. Hulle vra regtig net baie son, goeie dreinering en min water en beloon jou dan met helder, langlewende kleur. Hulle behoort aan een van die belangrikste plantfamilies, Asteraceae, wat tuingunstelinge soos zinnias, dahlias en magrietjies insluit. Daar is ongeveer 17 spesies van hierdie blomme wat hoofsaaklik in Namibië en…

My vriendin Esti is pragtig. Sy was al mejuffrou dit en mejuffrou dat. By haar kry ek altyd skoonheidswenke en moderaad. Sy leer my altyd jy moet in jouself glo, want as jy nie in jouself glo nie, hoe kan jy verwag iemand anders moet? Haar gunstelingaanhaling is dié van Henry Ford wat gesê het: “Whether you think you can, or whether you think you can’t, you are most probably right.” Wat glo jy van jouself? Glo jy, jy kan? Dan kan jy. Glo jy jy kan nie? Dan kan jy tien teen een nie. Wat ons dink, ontketen ’n kettingreaksie net soos ’n ry domino’s wat almal teen mekaar val as die eerste een omgestamp word. All that a woman achieves or fails to achieve, is a direct result…

MY KINDERS WIL EMIGREER My kinders wil Australië toe emigreer omdat hulle baie swartgallig oor ons land se toekoms is. Nou wil hulle hê ons as ouers moet saamgaan. Ek is dol oor my kinders en kleinkinders, maar is doodbang dat hulle my as huiswerker en gratis kinderoppasser gaan misbruik. Maar aan die ander kant kan ek my nie ’n lewe sonder hulle voorstel nie. Enige raad, asseblief? – Bevrees oor emigrasie Jy staan nou tussen twee vure. Die realiteit is dat die aanpassing in ’n ander land dikwels nie so idillies is as wat mens hoop dit sal wees nie. Boonop raak die kriteria om te kan emigreer by die dag moeiliker. As grootouers het julle altyd die voordeel van tegnologie en vliegtuigkaartjies. Ek is van mening dat dit…

Tyd gaan in ’n japtrap verby wanneer mens pret het, sê Pieter Koen. Hierdie musikant en TVaanbieder verwys na ’n sangloopbaan van 21 jaar, 17 jaar waarin hy as een van Kwêla se gereelde veldaanbieders opgetree het en ook die byna agt jaar op die bank aan die gesels met Jukebox-gaste. Dit was goeie jare waarin hy hard moes werk om Pieter Koen as ’n handelsmerk in die Suid-Afrikaanse vermaaklikheidsbedryf te vestig. In hierdie 21 jaar het Suid-Afrikaners hom as die stout Pieter Koen leer ken – altyd met die kenmerkende breë glimlag op die gesig. Om pret te hê, is immers deel van wie hy is. Tans werk Pieter aan die materiaal vir die nuwe album wat hy vroeg volgende jaar gaan opneem. As musikant, sê hy, is dit…

ONTBYTROLLETJIE 4 porsies 1 ui, gekap5 ml (1 t) fyn knoffel10 ml (2 t) gemengde kruie200 g (1 pakkie) stukkies spek420 g (1 blik) gekapte tamaties8 eiers, medium hard gekook, afgedop800 g (2 rolle) skilferkorsdeeg Stel oond op 180 °C. 1 Braai ui en knoffel tot sag. 2 Geur met kruie, gooi spek by en braai tot gaar. 3 Gooi tamaties by en laat kook tot verdik. 4 Sny deeg in agt driehoeke (4 per rol). Smeer bietjie van vulsel op deeg. 5 Sit eier aan onderkant van driehoek en rol op sodat dit amper soos ’n croissant lyk met eier in middel. 6 Sit op bakplaat, smeer effens met melk en bak vir 20–30 minute of tot deeg goudbruin en bros is. EIERPASTASLAAI 4 porsies 500 g (1 pak)…

Ons gehuurde 4x4 dreun vir 14 dae deur Namibië en ons tweede laaste stop is Le Mirage Resort & Spa, sowat 21 km buite die Naukluft Nasionale Park, tuiste van verskeie hoë duine, Sossusvlei, die Sesriem-ravyn en ook Dooie Vlei. Op Swakopmund maak ons die bakkie se dubbeltenk vol, pomp die bande en kry padkos reg vir die rit van vyf uur suide toe, toe die e-pos van Scenic Air deurkom dat daar vir my ’n sitplek oop is op die vlug van een uur en 20 minute na Sossusvlei. My man sal afry en my by die Sossusvlei Desert Lodge kom oplaai sodat ons twee dae by Le Mirage kan oorbly en die wêreld verken. Ek en twee Libanese toeriste word van Scenic Air se kantoor na die klein…

ROLPRENTE BEAUTIFUL BOY Met Steve Carell en Timothée Chalamet Regisseur Felix van Groeningen WARE LEWENSDRAMA Hierdie intieme, ontroerende drama het omtrent ’n opskudding op onlangse rolprentfeeste veroorsaak, wat beteken dat teen die tyd wat dit in ons land aankom, daar dalk al sprake van Oscar-benoemings en juigende resensies is. Timothée Chalamet speel die hoofrol. Vir almal wat dink daar word nou oor die een of ander sjampoe geskryf – hy is vir ’n Oscar benoem vir sy spel in Call me by your Name wat net soveel opspraak verwek het. Dié slag speel die aantreklike jong man, wat bekend staan as een van Hollywood se top-akteurs, die rol van ’n dwelmverslaafde, en sy pa (die erg onderskatte Steve Carell, wat gewoonlik net in komedies speel) sukkel om sy seun te…

LeRoux Germishuizen, die eienaar van Brand Public Creative Agency, het ’n paar maande gelede van Bloemfontein na Somerset-Wes verhuis. Hy sê dit is lekker om in die Kaap te woon en vanuit sy tuin het hy ’n mooi uitsig oor die Hottentots-Hollandberge. Hy glimlag trots as hy sy huis se styl as Kaap-Hollands met ’n moderne, plattelandse aanslag beskryf. Hy het sedert hy ingetrek het, nog niks aan die huis verander nie. “Ek het besluit dat sou ek iets wou verander, ek dit eers ná ’n jaar sal doen. Maar ek is wel besig om die tuin oor te doen.” Hy is mal oor wat die vorige eienaar, die TV- en glanspersoonlikheid, Aleit Swanepoel, met die huis vermag het en sê hy sal die groot kaggel tussen die sitkamer en…

Hulle sê hoe ouer ’n mens word, hoe minder gee jy om wat ander mense van jou dink. Ek weet darem nie. In sekere omstandighede is dit waar, maar soms voel dit vir my my ou velletjie word met tyd letterlik én figuurlik al hoe dunner. Julle mag dalk die volgende storie vermaaklik vind, maar wees verseker, die uwe deel nie jul gevoelens nie. Om die waarheid te sê, ek snak nog na my asem en raak sommer warm om die kiewe as ek bloot daaraan dink. Dit begin ’n hele paar maande gelede toe ek ’n paar dae in ’n vriendin se vakansiehuis op die Tuinroete tuisgaan terwyl ek na ’n nuwe tuiste op soek is. My motivering om die Kaap te verlaat, is tweeledig. Ek wil nie langer…

MOEILIKHEIDSGRAAD: *** WAT HET JY NODIG? Elle Seriously Chunky Cotton On inForest Green (100 g)4 balle vir matjie1 bal vir waslappie10 mm-sirkelnaald vir matjie6,5 mm-naalde vir waslappie AFKORTINGS r – regs; aw – aweregs; don – draad om naald; gl – glip; ks – koussteek; herh – herhaal; r2tes – regs 2 steke tesame; tgso – trek glipsteek oor BREI-INLIGTING ▪ Gebruik breidraad dubbel vir matjie.▪ Volg diagram of teksaanwysings.▪ Ná diagram, volg geskrewe patroon vanaf**▪ Vir diagram, begin r-rye met r1, dan (diagram, r1) tot einde.▪ Dis nie ’n groot matjie nie – ongeveer 105 cm x 45 cm. As jy die matjie langer wil hê, sal jy ekstra breidraad nodig hê. Met dubbele draad tel ste eweredig oor reguit rand op en werk in ks tot verlangde lengte.…

Stiefma’s het ’n verskriklike reputasie in kindersprokies verwerf. Die woord “stief” alleen gee jou dadelik ’n agterstand, al gedra jy jou soos moeder Teresa. Die gevoel tussen Antonio Cantoni (31) en sy stiefma, Ina Cantoni (69), wat ses jaar gelede onverwags in sy lewe gekom het, was wederkerig. Die twee het geen geheim daarvan gemaak dat hulle geen ooghare vir mekaar het nie. “Ons het dadelik vasgesit,” vertel Antonio reguit. Ina, wat Antonio se pa, Herman, op Facebook ontmoet het, vertel vol begrip dat Antonio ná sy ouers se egskeiding nog deurmekaar was. Intussen het Herman haar vertel dat sy kinders nie kan wag om haar te ontmoet nie. “En hier kom hierdie vreemde vrou kuier wat nou die huishouding wil oorneem en kos kook terwyl dit eintlik altyd Antonio…

▸ Mense wat vir juwele allergies is, het gewoonlik ’n nikkel-allergie – ook bekend as kontak-allergie-dermatitis. Nikkel word dikwels as die basismetaal vir kostuumjuwele gebruik wat dan met goud of silwer oorgeblaas word. Lyers ontwikkel ekseem waar die juwele met die vel in aanraking kom, soos vingers, oorlelle, pols of nek. Kies juwele wat hipo-allergenies is en van vlekvrye staal of sterlingsilwer, polikarbonaatplastiek of ten minste 18 ka-goud gemaak is. ▸ Vrugte soos aarbeie, kiwi’s, perskes, appels, piesangs en sitrus is bekend daarvoor dat dit allergie kan veroorsaak wat selfs dodelik kan wees. Simptome is meestal velreaksies, swelling van die mond en keel, asma of rinitis. Dieselfde simptome kom ook voor by mense wat vir alkohol allergies is. Hoewel sommige mense vir die alkohol self allergies is, is ander vir…

Nadat ek uitgevind het ek verwag ’n tweeling, was ons in die wolke. Dit het twee pienkvoete beteken en twee van alles wat gekoop moes word. Hoe verder die swangerskap gevorder het, hoe meer het ons na die dubbele seën uitgesien, tot ek ’n keuse moes maak … Ek was gereeld vir sonars en alles het normaal verloop. Die dokter wat die sonar gedoen het, het gesien dat die een baie stadiger as die ander een groei en het my vir ’n tweede mening na die Groote Schuurhospitaal toe gestuur. Daar is ek deur ’n span dokters en professore ondersoek en tweelingtransfusiesindroom (TTS) is gediagnoseer. Die dokters het ’n aanbeveling gemaak en ons moes ’n keuse maak. Ek het geen idee gehad wat TTS behels nie. Al waaroor ek doodseker…

NOVEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoering ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die ander. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en essays wat…

KARRINGMELKBESKUIT 90 stukke 2500 ml (1,5 kg) bruismeel5 ml (1 t) sout5 ml (1 t) bakpoeier5 ml (1 t) koeksoda500 ml (425 g) suiker1 blok (500 g) botter500 ml (2 k) karringmelk2 groot eiers250 ml (1 k) room125 ml (½ k) olie Voorverhit oond tot 180 °C en spuit beskuitpanne met kleefwerende sproei. 1 Meng meel, sout, bakpoeier en koeksoda. Voeg suiker by. 2 Smelt botter en meng met karringmelk. 3 Klits eiers en meng room en olie by. 4 Meng nou al die bestanddele tot deeg vorm. 5 Skep deeg in beskuitpanne en druk netjies plat. 6 Bak vir 1 uur tot goudbruin en gaar. Verwyder uit oond en laat afkoel. 7 Keer beskuit uit en sny in netjiese vingers. 8 Droog beskuit teen 60 °C vir 6 uur…

▸ Bespreek by Le Mirage Resort & Spa se besprekingskantoor by +264 (0) 61 22471 of lemirage@resdest.com of kontak die lodge by +264 (0)63 68 3019 of e-pos info@mirage-lodge.com of besoek www.mirage-lodge.com▸ Die Namib-Naukluft Nasionale Park sluit ’n gedeelte van die Namibwoestyn en die Naukluftbergreeks in en beslaan 49 768 km2. Dis in 1979 geproklameer.▸ As jy nie kans sien vir die sewe uur in die motor van Swakopmund nie, oorweeg ’n uur lange vlug met Scenic Air en ervaar die woestyn en kuslyn soos nog nooit tevore nie. Meer inligting by +264-(0) 64-40?3575 of swakopmund@scenic-air.com of besoek www.scenic-air.com…

Dit is vreemd om te dink die Britse kunstenaar Bridget Riley (1931) het haar loopbaan as figuratiewe skilder met ’n halfimpressionistiese benadering begin. Maar dit is dié voorliefde vir die Impressioniste, veral die werk van Georges Seurat, en haar frustrasie met wat dit beteken om ’n skilder in die laat 1950’s te wees, wat haar loopbaan in ’n nuwe rigting gestuur het. Dié nuwe rigting was Op Art (optiese kuns) en Riley was ’n baanbreker in dié veld. In die vroeë 1960’s het sy ’n studie onderneem van die werk van die Impressioniste, die Post-Impressioniste en veral Seurat (1859–1891) se pointillisme, die manier waarop hy met kleurkolle gestalte aan vorm gegee het. Meer as blote verteenwoordiging van ’n landskap of natuurtoneel was Riley geïnteresseerd in die verhouding tussen kleur en…

Hans is steeds op ’n sakereis en die kinders is by die skool. Die hond, wat aanvanklik sy afstand gehou het, loop nou elke tree in die spoor van die vrou wat weet dat sy nie Annabel is nie, wat haarself nou Lalie noem. Sy naels girts-girts oor die vloerteëls, wat moeilik is om skoon te hou. Hy is van gemengde afkoms en lyk vaagweg Africanus, met regop houding, krulstert, vermetele blik en spits ore. Kaptein. Sy hare voel soos die steeksels van ’n harde besem. Sy voel vir haarself eerder na ’n katmens, maar sy is bly vir die ekstra asem in die huis bedags. Sy begin wel iets onthou, al is dit net flitse. Sy het onthou hoe haar bekruiper met ’n gesig vertrek van haat vir haar…

Lindie kyk na die naambordjie bokant die blink glasvensters. Lekkerbekkiebakkery. Wat ’n oulike naam. ’n Vrolike klokkie verwelkom haar in die koel interieur. Sy het nie so ’n oase langs ’n petrolstasie tussen twee plattelandse dorpies verwag nie. Met sy swakheid vir soetgoed, het Anton, haar pel wat sy al so goed ken, stellig dadelik die plek opgelet. Dis juis op sy versoek wat sy ’n koekbestelling kom afhaal. Volgens hom gaan sy verlowingspartytjie nie ’n sukses wees sonder ’n lekkerny nie. Die pienk-en-wit mure, met glaskaste waar pikante eetgoed uitgestal word, val sag op die oog. Maar nie naastenby so mooi soos die man agter die patisserievertoonkas nie. ’n Blonde reus. Breedgeskouer. ’n Netjiese wit oopslaanhemp, blou jeans. Al wat hy kort is ’n voorskoot, dan lyk hy soos…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Allergiese of senuweekopseer (migraine) SMS jou antwoord, voorletters, van en dorp/stad voor of op 28 November 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 16 woorde, goed 20 woorde, baie goed 29 woorde of meer, uitstekend OPLOSSING: Jazzorkes, jaroek, kasjoe, kosjer, jarok, karos, koers, kroes, orkes, sjako, skoea, soera, jako, jors, koer, koes, kors, kros, oase, oker, roek, roes, sero, sjoe, sjor, skor, soek, soja, zero. Koderaai Elke syfer verteenwoordig ’n letter van die alfabet. Om mee weg te…