Innholdsfortegnelse for 2 November 2018 i Vrouekeur

Vandat sosiale media die wêreld oorgeneem het, klim al wat mens is op ’n seepkis. Eensklaps is Jan Rap en sy maat kenners op elke denkbare vlak. Nie alle mense moet op ’n seepkis klim nie. En mens hoef nie altyd jou mening te lug nie – soms klink dit beter in jou kop. En politici moet liewers nie twiet nie (hoor jy, meneer Trump?). Afgesien van die miljoene sogenaamde Einsteins op sosiale media, is daar ook diegene wat Facebook as ’n dagboek beskou. Waar is die dae toe ’n dagboek agter slot en grendel gebêre is? Sê ek, wat elke week my mening gee. Glo my, ek wonder en wroeg menige week oor dit wat ek op hierdie blad te sê het, want dis ook maar ’n seepkis waarop…

“Ek is tevrede. Dit het lank geneem, maar ek is liewer vir myself omdat ek meer deernis met my eie foute het,” vertel Petronel Baard (42). “Ek is nie altyd so selfversekerd as wat ek lyk nie. Ek het empatie met mense omdat ek so met my gemoed gesukkel het en soms steeds sukkel. Dit veroorsaak by tye ’n diep onsekerheid wat ek deesdae met groot deernis in myself en ander hanteer.” Petronel se splinternuwe album, Die heelal draai, is ’n klankskets van haar lewe en word deur kritici met ’n vyfsterstempel goedgekeur. Sy wéét waar sy nou in haar lewe en loopbaan is: op ’n tevrede plek. Alles het ’n begin en vir dié artikel kronkel ons terug na waar haar heelal begin draai het. Petronella Maria is op…

Elize sê soms as daar nie oor verskeie aspekte ooreengekom kan word nie, kan die proses van egskeiding uitgerek, duur en emosioneel dreinerend wees. “Daar kan ook ’n magstryd ontstaan as een van die partye nie wil skei nie. Dit maak nie saak hoe glad die proses verloop nie, albei partye ly uiteindelik baie verliese.” Hannetjie voeg by dat dit moeilik is omdat die persoon nie weg is uit jou lewe nie. “Die swakste karaktereienskappe van mense is geneig om met dood of egskeiding uit te kom. “Daar is so baie partye wat in ag geneem moet word en elkeen trek in ’n ander rigting. Mense sukkel ook met skuldgevoelens en het nie noodwendig meer volwasse geraak as toe hulle getroud is nie. “Probleme verdwyn nie oornag nie – hulle…

WAAR KOOP EK DIT? Charles and Keith www.charleskeith.com Country Road, Woolworths www.woolworths.co.za 0860 022 002 Foschini, Luella www.foschini.co.za 021 938 1911 (Hoofkantoor) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com Sexy Socks www.sexysockssa.com 021 813 5900…

Dit is ononderhandelbaar om seker te maak dat jy die regte werkspermit het as jy in ’n ander land gaan werk, anders kan jy jouself vinnig in ’n baie netelige posisie bevind. As jy kans sien om enige werk te doen sonder om ’n reusesalaris te verwag en dit as deel van die avontuur sien, is ’n werksvakansievisum die ideale wegspringplek. Hierdie visum laat jou toe om op die kort termyn (gewoonlik maksimum ’n jaar) deur ’n land te toer en informeel te werk om te oorleef. Dit behels dikwels ongeskoolde arbeid soos om kroegman te speel, vrugte te pluk of by pretparke te werk. Maar terwyl lande soos die VSA, Australië en Nieu-Seeland nog werksvakansievisums toestaan, bied ander lande soos Brittanje nie meer ’n werksvakansievisum aan Suid-Afrikaners nie. JP…

7 goues vir Stellar Sewe van Stellar Winery se organiese wyne het goud by vanjaar se Vitis Viniferatoekennings verwerf. Stellar is op Vredendal geleë en is die grootste vervaardiger van organiese wyn in Suid-Afrika. Vitis Vinifera vereer wyne gegrond op gehalte. In teenstelling met ander wynkompetisies, fokus hulle op wyne wat vrylik aan gewone verbruikers beskikbaar is. Vind meer uit op www.stellarorganics.co.za of StellarOrganicWinery op Facebook en Twitter MARGARITA! Maak gereed vir ’n vrolike fiësta met die splinternuwe Margarita Moonshine van Suid-Afrika se Silver Creek Craft Distillery. Die drankie het reeds sy eerste prys verower – Goud by die SA Women’s Wine & Spirits Awards 2018! Die nuwe Margarita Moonshine is die jongste toevoeging tot die reeks Amerikaanse-styl moonshines. “Met die skepping van die Margarita Moonshine wou ons iets prettigs…

#bakliefde Mareli DADEL-EN-GRONDBOONTJIEKOEKIES 24 koekies 225 g ontpitte dadels2 50 ml (270 g) grondboontjiebotter (glad)10 ml (2 t) vanieljegeursel1 groot eier2 plakke (160 g) donkersjokolade6 0 ml (¼ k) grondboontjies, fyngekap Voorverhit oond tot 170°C en voer bakplaat met waspapier uit. 1 Kap dadels in voedselverwerker fyn. Gooi grondboontjiebotter by en kap tot daar niks meer growwe stukke dadel is nie. 2 Voeg vanieljegeursel en eier by en kap tot beslag ’n bal vorm. 3 Maak eetlepelgrootte balletjies en pak op bakplaat. Druk met vurk plat. 4 Bak vir 15 minute tot goudbruin en gaar. Laat afkoel en plaas in vrieskas vir vyf minute. 5 Smelt sjokolade en doop koekies halfpad daarin. Sprinkel onmiddellik met gekapte grondboontjies. Laat sjokolade stol. 6 Stoor in lugdigte houer.…

Kafoefel in Korea is nie kinderspeletjies nie. Die woonstelle is mos piepklein, en as ’n reël is drie generasies saam ingeprop – hulle versorg self die oumense tot reg aan die einde. Wat natuurlik ’n probleem is as mens begin rooihakskeentjies kry. Enige opsitkers se vlammetjie sal sukkel om aan die brand te kom met Ajumma (ouma) links en Ajoshi (oupa) regs, Ma en Pa oorkant en drie of vier boeties en sussies tussenin. Mens kan ook nie juis kamer toe vlug nie, want die mure is papierdun, soos ek en Danielle tot ons yslike verleentheid agtergekom het. Aanvanklik had ons geen bure nie, en neem dus aan als is klankdig … tot ’n ander pasgetroude paartjie langsaan intrek en ons besef mens kan selfs hoor as jy net die…

Die gekikker van paddas is dalk die laaste geluid wat ek met ’n kunsgalery sou verbind. Maar saam met voëlgesang is dié gekwaak as ’t ware die klankbaan vir ’n besoek aan die Norval-stigting in Steenberg buite Kaapstad. Dié nuwe kunstesentrum met sy 4 habeeldetuin, geleë neffens ’n vleiland en aangeplante tuinery met inheemse spesies, is die natuurlike habitat van die bedreigde westelike luiperdpadda. Die konstruksie van die gebou, tuinuitleg en kasduikers onder deur Steenbergweg is só beplan dat die paddas veilige toegang tot die vleiland het. Miskien is dié noukeurige beplanning ’n aanduiding van die sorg waarvan ’n mens tydens ’n besoek aan Norval bewus word. Die gebou wat simpatiek in die landskap sit, ontwerp deur DHK Argitekte, vorm ’n skans tussen die pad en die vleiland, met die…

Silokonsert Op Vrydag 2 November sal die Kaapstadse Filharmoniese Orkes ’n Silodistrik-konsert by die V&A Waterfront hou. Die gratis twee uur lange konsert sal om 19:00 begin. Besoek www.waterfront.co.za Kuns in Kaapstad Stephen Rosin se eerste solo-kunsuitstalling 20 Million miles from Earth is van 7 tot 29 November by die Alex Hamiltongalery in Woodstock, Kaapstad, te sien. Vind meer uit by 021 447 2396 Prima vermaak! Die groep Prime Circle is een van Suid-Afrika se bekendste musiekgroepe en nou het hulle hul eie musiek-en-lewenstyl-fees, Prime Fest. Dit word op 10 November by Casalinga, Muldersdrift, gehou. Ander groepe sal ook optree en daar sal verskeie stalletjies en ’n kinderspeelplek wees en dan gaan hulle selfs hul eie bier bekendstel. Kaartjiepryse wissel. Beskikbaar by www.computicket.com Innistraat-fees As jy op soek is na…

HY WIL EERDER SAAMWOON Ek het die liefde van my lewe ontmoet en wil graag met hom trou. Hy weier en verkies dat ons eerder saamwoon. Ek het ’n probleem daarmee, want dit vertel vir my hy is lief genoeg vir my om onder een dak saam met my te woon, maar nie lief genoeg vir my om ’n permanente verbintenis te maak nie. – Onseker Jou vriend se toewyding aan jul verhouding is bedenklik. Dit sal raadsaam wees om te bepaal of jy dalk in ’n verhouding is wat minder ernstig of respekvol is as wat jy dink. Die hulp van ’n verhoudingsterapeut kan van groot waarde wees. Die wetlike implikasies van saamwoon kan net so gekompliseerd as ’n egskeiding wees, sou die verhouding sneuwel. Waak daarteen om jou…

Die meeste van ons het op ’n keer ’n liedjie gehoor, ’n boek gelees of ’n rolprent gesien wat ’n blywende indruk gelaat het en wat dikwels die sneller was om ons eie passie te ontdek, te ontgin en te slyp. Die bekroonde kitaarspeler Leon Gropp se enkelsnit Bakeling ontgin ’n nuwe kant van hom as sanger. Die gepaardgaande musiekvideo beeld die verhaal uit van iemand wat na herinneringe van ’n vroeëre self terugkyk. Leon herroep die invloed van Antoine de Saint-Exupéry, skrywer van Die klein prinsie, se boek Pioniers van die wolke. “Dit is poëties en bitter mooi deur JGJ Krige en sy broer, Uys Krige, in Afrikaans vertaal. Dis ’n amperse outobiografie van Antoine wat vertel van sy wedervaringe as handelsvlieënier in die vroeë 1900’s. Wat my lewenslank…

Die liedjie begin met ’n eenvoudige dog onvergeetlike klavierdeuntjie, en onmiddellik weet jy: Dis Jak de Priester se Sally Williams Nougat dié! Dis reeds 16 jaar gelede wat Jak de Priester dié treffende melodie met die hartverwarmende woorde met Suid-Afrikaanse luisteraars gedeel het. Dit was in die tyd toe baie jongmense twee jaar in Londen gaan werk het en die woorde het almal, veral dié met ’n geliefde of ’n kind in die buiteland, na aan die hart gelê. Nou het Jak besluit om vir Sally so ’n bietjie af te stof. ’n Mens hoor dikwels hoe kunstenaars ’n ander kunstenaar se liedjie vat, dit ’n vars, nuwe aanslag gee en groot sukses met hierdie cover behaal. Dit is presies wat Jak met sy eie liedjie gaan doen. “As kunstenaar…

Die oggend voordat Pasiënt A vir ’n operasie tot ’n privaat hospitaal toegelaat is, het hy nog ’n goeie drafsessie ingekry. Teen laatmiddag, nadat ’n gewas van 1 cm van sy rugmurg verwyder is, was hy in albei bene verlam omdat verpleegpersoneel nie ag geslaan het op klagtes van sy kant af wat die gevaarligte blitsig moes laat flikker het nie. Die betrokke pasiënt het teen 11:45 by verpleegpersoneel begin kla dat hy ’n swakheid in sy regtervoet voel terwyl sy linkervoet voor die operasie die probleem was. Sowat ’n uur later het hy gekla dat albei voete nou ’n probleem is. In albei gevalle is hy geïgnoreer. Toe hy teen 14:00 noem dat albei sy bene swak begin voel, is stééds niks gedoen nie. Eers heelwat later het die…

Elize sê: ▪ Werk deurlopend aan die huwelik en moenie wag totdat dit te laat is nie. ▪ As dit voel asof die band tussen julle verbreek is en julle weet nie hoe om weer bymekaar uit te kom nie, gaan vir ’n huweliksverrykingskursus. ▪ As julle op ’n egskeiding besluit en julle het kinders, verduidelik saam aan die kinders op ’n ouderdomstoepaslike manier hoekom julle skei. Verseker die kinders van jul onveranderde liefde en dat dit nie hul skuld is dat julle skei nie. ▪ Berei die kinders voor op die veranderings wat gaan plaasvind. Behou ’n goeie roetine aan albei kante om sekuriteit te skep. ▪ Respekteer mekaar voor die kinders sowel as in die afwesigheid van die ander ouer. Moet nooit die kinders in die middel van…

Wanneer jy vir jou aftrede begin spaar, het jy gewoonlik ’n aftreeouderdom in gedagte, maar sê nou daar gebeur iets onvoorsiens? Swak gesondheid of afleggings by die werk kan jou dwing om vroeër op te hou werk as wat jy beplan het. Daar is ’n paar maatreëls wat jy kan toepas om die geldelike impak van vroeë aftrede te beperk. Die eerste is om te bepaal hoeveel spaargeld jy het. Dit sluit jou pensioen-of voorsorgfonds, polisuitbetalings, beleggings en die geld in jou “gewone” spaarrekening in. Bereken hoeveel van jou spaargeld jy elke jaar gaan nodig hê. As jy jou somme goed maak en inflasie in berekening bring, behoort jou spaargeld 30 jaar te hou. Tweedens, hersien jou begroting. Dínk oor hoe jy jou geld uitgee. Dit gaan nie help as…

Dit was ’n vriend se uitnodiging na ’n koffiekroegaand byna 30 jaar gelede wat Barneace Slabbert se lewe verander het. Dis hier waar ’n lang, skraal man wat kitaar speel haar pad gekruis het. “Dit was ’n Saterdagaand toe hy my voete onder my uitgeslaan het,” vertel sy. Dié onderwyser was duidelik gelief onder die stranddiensspanlede. “Toe hy sy mond oopmaak, kon ek agterkom hy is ’n Namakwalander. Sy aksent het my betower.” Uit die staanspoor het hy haar met respek behandel. Hy het haar adres gevra en só by haar begin kuier. ’n Jaar later is hulle getroud. “Hy was ’n wonderlike mens. Ons was by die kerk en veral by die jeug betrokke.” Dit was ’n paar jaar ná hul seuns se geboortes toe sy geleidelik besef het…

Oor ’n bietjie meer as ’n maand is dit feestyd en daar gaan makietie gehou word. Wikkel in daai spesiale kuiertabberds en dáns! Dirk van der Westhuizen pronk stewig langs die paartiesangers Kurt Darren, Gerhard Steyn, Nicholis Louw, Ray Dylan, Arno Jordaan en Snotkop. Sy vorige album, #OnsWilEnOnsKan, en sy splinternuwe album, Sexy vir my, met die videotreffer Net so (Mmm) (albei deur Coleske Artists uitgereik) het goue status bereik. Die nuwe album is hoofsaaklik elektronies jolgedrewe, met ’n gulhartige skeut house-ritmes. Daar is ’n allemintige 16 snitte op hierdie album, met tussen die uitbundige lekkertes twee duette: die zefferige rymkletssnit Die tennis tune (met die Flooze) en Laat die dansvloer stamp (met Vincent Gordon). Dirk het self aan die album geskryf, met melodiesteun deur Ferdinand Skead, wat ook die…

3 OPSIES BESKIKBAAR: SKRYF AANLYN IN: magsathome.co.za/Magazing.htm bel: 0860 100 999 e-pos: subs@magsathome.co.za ONTVANG JOU MAANDELIKSE TYDSKRIF-KOOP-BEWYS VIA SMS HAAL JOU TYDSKRIF AF: GEBRUIK JOU WOOLIES-KAART EN HOU JOU KOOPBEWYS-STAAFKODE GEREED HET JY NIE ’N WOOLIES-KAART NIE? KRY EEN BY JOU NAASTE WOOLIES-WINKEL WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSIËLE DIENSTEVERS KAFFER (FSP15289) EN GEREGISTREERDE KREDIETVERSKAFFER (NCRCP49). NOU R666,25 35% AFSLAG OP JOU 12-MDE-SUBSKRIPSIE WONDERLIKE AANBIEDINGS! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1 Hierdie aanbod geld vir nuwe subskripsies en toekomstige hernuwings. 2 Hierdie koopbewys mag saam met enige ander Woolworthskoopbewys gebruik word. 3 Hierdie koopbewys moet saam met enige…

Die ruitveërs wat die fynreën wegvee, maak haar vaak. Op hierdie Sondagmiddag sou sy eerder onder haar donsduvet wou slaap. Tot sy vanself wakker word. Dit was ’n strawwe week voor die skool sluit. Die musiekleerlinge moes gemotiveer word om tydens die Junievakansie nie te laat slaplê nie. Kwalik vier weke ná die skool begin, speel hulle musiekeksamen. Maar die akkoord tussen haar en Matrone is dat sy Woensdag-en Sondagmiddae by haar ma sal kom koffie drink by Huis Fleurjare. “Ons het Sondag ’n verrassing, Johanna. Die VLV-dames staan agter die petalje.” Ter wille van Matrone en die personeel wat haar ma soos arendwyfies oppas, veins sy maar belangstelling. Ongeag of sy ’n renons in die besoeke het. ’n Mens se ma bly jou ma. Al het sy bykans oornag…

WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Die Here het hierdie gewas laat opkom, en dit het bo-oor Jona gerank om skaduwee te gee vir sy kop en om hom van sy misnoeë te bevry SMS jou antwoord, voorletters, van en dorp/stad voor of op 21 November 2018 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 31 woorde, goed 38 woorde, baie goed 49 woorde of meer, uitstekend OPLOSSING: Ietermago, agterom, ametrie, materie, matiger, moeërig, temerig, teorema, gameet, geroem, maerte, magie, marog, mater, matig, meter, metro, moeër, omega, omgee, orgie, ritme, temer, terme, trema, arme, emir, emoe, gram, grom, item, maer, meer, meet, mier, mirt, mite, moeë, moer, moet, more, morg,…

In Julie vanjaar was Jannie du Toit een van die gaste op Karen Zoid se gewilde TV-program, Republiek van Zoid Afrika. Vir hierdie episode het Karen vir Jannie se 1978-treffer, ’n Liedjie vir jou, ’n rockbaadjie aangetrek en hulle twee het dit saam uitgevoer. Hierdie ou bekende liefdesliedjie wat van verlange vertel, het nog nooit só geklink nie. Die volgende dag was dit reeds nommer een op iTunes se trefferparade, en daar het dit ’n hele rukkie gebly. Dié besonderse opname is een van die bonussnitte op Jannie se splinternuwe CD, Oesjaar 2018, wat binnekort bekendgestel word. Vir Jannie was 2018 in vele opsigte ’n besonderse jaar. Vanjaar is sy 48ste oesjaar waarin hy die vrugte kan pluk van die figuurlike musikale wingerdstok waarin hy dekades gelede begin arbei het.…

Ek besoek Tiaan Langenegger tydens een van die episodes van Tiaan onthou. Hy kom haal my by my motor. Sy oë blink van opgewondenheid oor sy gas vir die dag, Lona Haasbroek van Somerset-Wes. Haar huis sit hoog teen die Hottentots-Holland-berge op die historiese Lourensford-landgoed. Die 32-jarige Tiaan het baie om oor opgewonde te wees: Die program is ’n reusesukses, hy is ’n paar maande gelede getroud en hy en sy vrou, Nadia, het pas huis gekoop. Sy grootste vrees, sê hy, is dat ons gaan vergeet hoe om werklik te kook. “Dis deesdae net te maklik om klaargemaakte kos te koop of disse te maak wat jy net in die oond druk om iets op die tafel te sit. Niks kom egter by die manier waarop ons oumas gekook…

NOVEMBER-WENNERS Twee splinternuwe boeke van LAPA Uitgewers is hierdie maand die prys: Martin Steyn se Losprys en Marita van der Vyver se Retoer. In Losprys moet adjudant Enzo Ariefdien ’n ontvoering ondersoek. Hy verkies dooie slagoffers. Hy wil nie ’n vermiste lewe in sy hande vashou nie, nog minder ’n kind s’n. Maar dis presies wat hy kry, en dis boonop ’n ontvoering vir ’n losprys. ’n Hoëprofielsaak met die desperate Amerikaanse ouers aan die een kant en die ambisieuse kaptein Lubambo aan die ander. En almal wil resultate hê. En hoekom klink dit asof daar iets meer persoonliks agter die ontvoering skuil? In Retoer gaan jy op reis saam met Marita van der Vyver, van Pretoria tot Provence. Dis ’n bundel van haar beste rubrieke, sketse en essays wat…

BAK SOOS ’N VERNUFTIGE KOK Snowflake maak dit vir selfs die mees onervare kokke maklik in die kombuis. Kies uit hul wye reeks bakprodukte waar jy net nodig het om enkele bestanddele soos eiers en olie by te voeg om suksesvolle gebak voor te sit. Ideaal om jou kinders só te leer bak en brou. Ongeveer R35 vir die Red Velvet Cupcake Mix. www.snowflake.co.za OM MEE TE BAK EN BROU Terwyl jy besig is om een van Snowflake se heerlike produkte op die proef te stel, gebruik Crazy Store se bakgereedskap om als aanmekaar te slaan. Hierdie mooi pastelkleure sal jou sommer lus maak om te bak! Deegskraper, kwassies en plastiekmenglepel, R29,99 elk. www.crazystore.co.za HOU DIT VARS Glad Zip Seal-sakkies is ideaal om van toebroodjies tot versnaperinge vir pouse in…

ROLPRENTE SLENDER MAN 2/10 Met Joey King en Jaz Sinclair Regisseur Sylvain White RILLER Mens is nie seker of jy moet gril of dril of ril vir hierdie slap poging nie, maar wanneer Hollywood ’n riller verkeerd opvryf, smelt die ys wat veronderstel is om in jou are te vorm blitsvinnig. Daardie krieweling wat jy in jou nekhare voel, is uit skone verveling. Die konsep is goed. Sou ’n mens die maer Slender Man oproep, verskyn hy tussen pilare of boomstamme sodat jy hom nie maklik kan onderskei nie. Maar o wee, dit is waar die grieselrigheid eindig, want die rolprent is sonder verbeelding of ’n kundige aanvoeling vir hoe ’n riller se are deur ’n storie loop. Vele kanse om jou bang te maak, spoel met die drein af.…

As daar een mens is wat ’n enorme bydrae tot die vorming van jong Afrikaanse lesers maak, is dit Jaco Jacobs. In boek ná boek, of dit kortverhale, romans of verse is, sleur hy lesers mee en maak lees in Afrikaans cool. Jacobs is besig om in Afrikaans te doen wat Roald Dahl of David Walliams in Engels gedoen het: Hy kry kinders aan die lees. ’n Baie indrukwekkende nuwe boek van Jacobs wat pas by Lapa verskyn het, is Moenie hierdie boek eet nie! ’n Rympie vir elke dag van die jaar. Die kleurryke illustrasies (wat so ’n bietjie aan Dr Seussboeke herinner) deur Zinelda McDonald maak die versameling versies sommer baie aantreklik. Dit is ’n lekker dik boek met 365 rympies – een vir elke dag van die…

Die vrou wie se naam glo Annabel is, sit in ’n sielkundige se spreekkamer. Vanaf die oorkantste muur kyk die buierige gesig van Sigmund Freud op haar neer, asook ’n hele ry diplomas. Doktor Wolfgang van der Spuy het in Amerika gestudeer, sien sy. Onder meer. Hy is ewe vreesaanjaend as Freud, met sy pankop, wenkbroue soos ruspers en bokbaardjie, yl soos ’n straal urine. Sy wil nie hier wees nie, wil nie vrae beantwoord nie. Sy het die antwoorde vergeet; hulle lê langs die hoofweg in ’n sloot, langs ’n boom. “Annabel, ek verneem jy kan niks onthou nie. Maar ervaar jy flitse, beelde, oomblikke van herkenning?” wil hy weet. Sy vou haar arms. Haar flitse, soms net ’n klokkie wat veraf deur die mis lui, is te fragiel…

MOEILIKHEIDSGRAAD: ** BENODIGDHEDE Oorskietkatoendraad in Vinnis Colours Nikkim DK (50 g-bolle): Turquoise, Natural, Raspberry, Fern, Mahogany, Ballet Pink, Blue Red en Mint 3 mm-hekelpen Naald met groot oog Stopsel Viltmateriaal Algemene naaldwerkbenodigdhede Consol-glasbottels: groot bottel = 8,5 cm in openingdeursnee, klein bottel = 6 cm in openingdeursnee AFKORTINGS EN STEEKVERDUIDELIKINGS beg = begin, dies = dieselfde, dsl = dubbelslagsteek, dr = draai, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, st = steek, tes = tesame, vlb = vooromlangbeen, vlg = volgende. Vooromlangbeen: 1 Slaan die draad oor die pen en steek die pen van voor na agter om die stam van die volgende steek en weer na voor uit. 2 Voltooi die…

Garden Style, Creating Beautiful Gardens in South Africa is ’n splinternuwe boek deur Melanie Walker en Connall Oosterbroek. Jy kan ’n droomtuin skep met die idees, of jy nou ’n klein stadstuin of ’n groot tuin het. Daar is wenke vir 19 tuinstyle soos grasland, rots, roos, kothuis, en dies meer. Elke hoofstuk bevat gedeeltes oor beplanning en plantlyste wat vir elke styl geskik is met hope nuttige wenke. Connall se besonderse foto’s maak van hierdie boek ’n treffer. Meer inligting by www.jonathanball.co.za. Die boek is by toonaangewende boekwinkels beskikbaar 3 lesers kan die boek wen. SMS TUIN gevolg deur jou naam, van en adres voor 7 November 2018 na 48410 om die boek te wen. SMS’e kos R1,50 en is net vir mense in SA. Geld word vir foutiewe…

My dogter kom entoesiasties die kamer ingehardloop om my iets te vertel. Dadelik strek ek om haar hare reg te stryk en haar gesig skoon te vee. Soos my hand na haar uitreik, sien ek hoe haar gesig val. Dis ingebore moedersinstink: om ons kinders en selfs ons mans te fix. Dit kom nie uit ’n plek van beheer of kritiek nie, maar dis eerder soos ’n ma-kat wat van genoegdoening spin. Vrouens en ma’s het hierdie oorverantwoordelikheidsin. Ons dink ons is vir alles verantwoordelik. En natuurlik help ons mans en kinders ons nou nie vreeslik om nié so te voel nie. Ons kry nogal die skuld vir ’n klomp dinge in die huis – van die kouse wat op verkeerde plekke gebêre is; as hulle laat is vir ’n…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Hoë staatsbeampte in China SMS jou antwoord, voorletters, van en dorp/stad voor of op 21 November 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…