Innholdsfortegnelse for 26 October 2018 i Vrouekeur

Die mooie Natasha, Vrouekeur se mode-en-skoonheids-redakteur, en haar man, Jonathan van der Walt, is op 22 September getroud. Vele bekendes, beroemdes en berugtes het al kwansuis allerlei wyshede kwytgeraak. Delf jy dieper, kom jy agter hulle het dit nooit gesê nie. Nietemin, wie wat ook al gesê het, daar is aanhalings wat presies vasvat wat ek dink, maar nie so goed kan stel nie. Klaarblyklik het Friedrich Nietzsche oor die huwelik gesê: “Dit is nie ’n gebrek aan liefde nie, maar ’n gebrek aan vriendskap wat ’n huwelik ongelukkig maak.” Trou is nie perdekoop nie, is die gesegde wat ons almal ken, maar sprokiesverhale en romantiese flieks reg uit Hollywood het meestal ’n deurlopende storielyn wat só lyk: Begin: Man en vrou ontmoet mekaar. Middel: Hulle sukkel om bymekaar uit…

“Ek het in die koshuis soms as ek veronderstel was om huiswerk te doen in die studiesaal ongemerk per hand liefdesverhale in oefeningboeke gesit en skryf,” onthou Madelie Human. Sy het in ’n huis grootgeword waar albei haar ouers lief was vir lees en aan ’n biblioteek behoort het. “Ek het dikwels my eie boeke vinnig klaar gelees sodat ek skelmpies my ma se liefdesverhale, waarvoor hulle gedink het ek nog te jonk was, ook kon lees.” Hoewel sy haar as onderwyseres bekwaam het, was dié rigting nie haar eerste keuse nie. “Ek het vir ’n graad in drama by Tukkies ingeskryf, maar gou besef die verhoog is nie vir my nie, want ek ontdek toe dat om in die kalklig te wees, vir my skrikwekkend is en toe slaan…

Esna sê die prosesse wat gevolg moet word om ’n kind oor die kleurgrens aan te neem, is baie komplekser as wanneer ’n swart paartjie ’n swart kind aanneem of ’n wit paartjie ’n wit kind. Die keuringsproses is glo strenger. Tini Visser, ’n voorligtingsielkun-dige, sê ook daar bestaan baie uitdagings en ’n egpaar moet besluit oor hoe hulle die uitdagings sal trotseer en hanteer. “Daar is ongelukkig steeds baie mense met vooroordele wat sterk menings oor aannemings oor die kleurgrens het. Hulle kan die lewe vir paartjies moeilik maak, veral as die mense deel van ’n bestaande vriendekring was en nou eers hul vooroordele uitspreek. Dit kan tot verlies aan vriendskappe lei in ’n tyd wanneer ’n mens juis jou onder-steuningsnetwerk nodig het. Omdat kruiskulturele aanneming nie die norm…

KERSMARK OP CALEDON Die Caledon Kersmark word van 29 Oktober tot 3 November by die NG Moedergemeente se kerksaal gehou. Die mark, wat al in sy 20ste jaar is, sal soos gewoonlik ’n fees van geskenke bied. Vind meer uit by Chrisna by 082 944 4505 DOEN DIT VIR DIE KINDERS Of jy nou wil hardloop, draf of stap, jy is welkom by die Nappy Run se 5 km-pretdraf. Dit word op 3 November op Nasionale Kinderdag by die Johannesburgse diere tuin in Parkview, Johannesburg, gehou. Die wedloop begin om halfagt die oggend en kaartjiepryse wissel. Met die geld beoog hulle om minstens 50 000 doeke vir kinders met gestremdhede te koop. Vind meer uit by www.nappyrun.org.za VIR DIE FIKSES EN VIETSES Die FIBO Global Fitness Africa-fees word van 26…

Haar ma het gewoonlik Woensdae ’n dokter gaan sien vir ’n seer aan haar enkel wat later na haar been versprei het. “Pa was werkloos en moes saam met my ma gaan, want dit was gevaarlik vir haar om van die plotte af hospitaal toe te gaan.” Voordat die gesin die huis op die plotte gekry het om in te bly, het hulle rondgeswerf. “Die huis was bouvallig en my pa moes dit inrig dat ons daar kon bly.” Haar drie boeties was onderskeidelik vyf en drie jaar oud, die bababoetie maar net vyf maande, en haar sussie twee jaar. “Dit was weer so ’n Woensdag. Daar was niemand om na ons te kyk nie, ek moes na hulle omsien. Ek was maar ses jaar en dom en hulpeloos.” Haar…

GEROOSTERDE TAMATIEEN-BASILIEKRUID-SLAAI Genoeg vir 4700 g gemengde kersietamatiesGLAD Bake and Cooking-papier45 ml (3 e) olyfolie sout BASILIEKRUIDPESTOSLAAISOUS 125 g basiliekruidpesto60 ml (¼ k) olyfolie15 ml (1 e) witwynasyn5 ml (1 t) heuning5 ml (1 t) korrelmosterdsout en gemaalde swartpeperGLAD Zip Seal Resealable Sandwich-sakkie OPDIENING 1 x 250 g-houer bocconcini-mozzarella (mozzarellaballetjies) bietjie vars basiliekruid Voorverhit oond tot 200 °C. 1 Pak die tamaties op ’n bakplaat gevoer met GLAD Bake and Cooking-papier. Sprinkel olyfolie oor en geur met sout. Rooster vir 15–20 min of tot dit begin oopbars. Haal dit uit die oond.2 Slaaisous Gooi slaaisous-bestanddele in ’n middelslag-GLAD Zip Seal Resealable Sandwich-sakkie en geur na smaak. Seël die sakkie en skud tot alles goed gemeng is. Hou eenkant.3 Opdiening Pak die warm tamaties op ’n mooi opdienbord, skeur die bocconcini-mozzarella…

Silwerskoon Hou jou huis stofvry met dié chenille-stoffer wat stof maklik opvang, R39,99, Crazy store. Alte pragtig Seriously Stylish Baby is ’n aanlyn boetiek wat in bykomstighede vir kinders van geboorte tot ongeveer 15 jaar spesialiseer. Daar is kopbande, skoene, haarknippies en vele meer wat uitrustings sal komplementeer. www.seriouslystylishbaby.co.za Maaltyd in ’n bokise By Checkers kan jy nou Ready to Chef-maaltydboksies koop waar al die bestanddele asook ’n stap-vir-stapreseptekaartjie ingesluit is. Al wat jy moet doen, is om die resep aanmekaar te slaan. Elke maaltydpakkie word deur ’n sjef opgestel en plaaslike bestanddele word gebruik. Kies uit 16 maaltye, waaronder Butter chicken curry with rotis, Sweet and sour pork with jasmine rice of Asian beef & sesame seed salad. Genoeg vir twee, vanaf R119,99. Mooi en nutting Dit reinig, dit…

In die kort intro stel Earl Swartz, oftewel Early B, homself as ’n gelowige jong man bekend wat hom van die verkeerde invloede van die strate van Bloemendal in Port Elizabeth bevry het. Hy sluit die album met ’n ode aan die Oos-Kaapse Baai af op die snit PE – ’n skets oor die plek, die mense, die uitdagings, die euforie. En hy bely trots: “Ek is van die Dal af.” Dié 29-jarige sanger en liedjieskrywer benut ’n energieke funk-aanslag in sy eiesoortige veelsydigheid op sy debuutalbum Aangename kennis (Universal) met 18 uiteenlopende snitte. Sy talent is verlede jaar met ’n Ghoema-toekenning vir sy uiters oorspronklike, progressiewe treffer Cerebellum bekroon. Die sneltempo waarteen hy hierop rymklets, is verstommend indrukwekkend! Hy kon maklik in zefgeit verval het, want hier en daar…

Sy voel skuldig. Helena vlieg môremiddag laat huis toe omdat haar ma siek geword het, en sy wat Izzy is, het besluit om op Lesvos agter te bly. Daar is ’n week van hul eilandvakansie oor – wanneer sal sy weer so ’n geleentheid kry? Sy neem nog ’n olyf uit die blou bakkie op die tafel en geniet die oomblik van deur die skil byt en die vrank vleis proe. “En om te dink ek het nooit olywe geëet nie.” Helena sluk haar laaste wyn klaar. “Onthou net, die kaloriebeperking op olywe is tien ’n dag.” “En ek raak nou nét gewoond aan die Griekse spyse.” Die kos is die een ding waarna sy nie uitgesien het nie. Gee haar aartappelslaai met mayonnaise en ’n lepeltjie kondensmelk, kluitjies wat…

Die idee van ’n landelike Engelse tuin aan die suidelike punt van Afrika met sy warm klimaat en waterskaarste mag dalk laf klink, maar dis hoegenaamd nie so vergesog nie. Ons het meer as genoeg inheemse meerjariges wat blom-en kleurryk in alle seisoene is en goed vir dié tuinstyl ingespan kan word. Jy kan ’n Afrika-kothuistuin met ’n unieke inheemse geurtjie plant sonder die nodigheid om aanmekaar die kraan oop te draai of té hard te werk. Hier is ’n paar voorstelle: PENTAS LANCEOLATA Pentas is in die nou sin van die woord nie streng inheems in Suid-Afrika nie, maar afkomstig van tropiese Afrika en Madagaskar. Dié vinnig groeiende immergroen meerjarige het vars, mentgroen loof en platterige vet blomhofies vol stervormige blommetjies van lente tot herfs. Die plante is gevoelig…

101 Mike Joubert, katoeter-ghoeroe, vertel ons meer LENOVO YOGA BOOK – E-BOEK OF REKENAAR? Hier is nou ’n interessante skootrekenaar. Die Lenovo Yoga Book C930 is nie tevrede met slegs een skerm nie, want die sleutelbord is eintlik ’n e-inkskerm. Druk ’n knoppie en dit verander in ’n e-boekleser, druk dit weer en dit word ’n notaboek met ’n stylus waarmee jy kan skribbel. Ek het met hierdie Yoga Book gespeel en dis verbasend om die skerm so te sien verander. Plus, dit is makliker as wat ek gedink het om op hierdie plat oppervlakte te tik. Vir hierdie dubbele plesiertjie is die prys ongeveer $1 000. SPIEËLTJIE, SPIEËLTJIE AAN DIE WAND … ’n Skaal is nie almal se vriend nie en word deur baie maar liefs onder die bed…

BUURVROU FLANKEER MET MY MAN Ek en my buurvrou, wie se man nooit tuis is nie aangesien hy oorsee werk, het tot my spyt vriende geword en oor en weer begin kuier. Ek kom nou agter dat sy oorvriendelik met my man is en selfs met hom flankeer. Haar hele liggaamstaal en stemtoon verander as hy in die omgewing is. My man is vreeslik konserwatief en ’n bietjie toe en is salig onbewus daarvan, maar ek ken ’n verleidster as ek een sien. Hoe nou gemaak? – Spyt Soos met die ander vraag in hierdie uitgawe sal jy eers deeglik moet besin of dit werklik flankering van jou buurvrou is en of dit nie dalk jou eie onsekerhede is nie. Jy beskryf jou man as konserwatief. Bespreek jou werklike en…

Wenbriefwenners wen ’n geskenkpak van LAPA Uitgewers ter waarde van R495 BASAARGUNSTELING My mond water toe ek die heerlike koekies op Vrouekeur van 28 September 2018 se voorblad sien. Hierdie resep gaan ek sommer dubbeld aanmaak! In my geestesoog sien ek hoe ek koekies gaan uitdeel. Vriendinne en kinders, julle kan maar jul lippe aflek! Ek bekyk die bestanddele en sien ek het genoeg kaas – my skoonseun het ’n allemintige stuk kaas hier aangebring wat ek al begin gebruik het, maar met die weeg van dit wat oorgebly het, het ek darem genoeg om die enkelresep te kan maak. Vol entoesiasme begin ek afmeet. Ek meng met ’n vurk, want Ouma het nie ’n voedselverwerker nie. “Pols tot hanteerbare deeg” staan daar. Dit slaan my tussen die oë, maar…

Vir sy jongste digbundel, Aantekeninge teen die skemeruur, is Clinton V du Plessis vir ’n gesogte ATKV-veertjie benoem en ná nege digbundels is dié digter-rekenmeester volgens ’n resensent besig om sy randfiguurstatus te verloor. Daar is só na hom verwys toe hy onder meer sy eie gedigte uitgegee het en ook geweier het dat André P Brink van sy werk in die Groot verseboek opneem. “Die ATKV-benoeming was ’n groot eer. Die wegskuif van randfiguurstatus moes seker die een of ander tyd gebeur, veral weens die blootstelling op sosiale media. Tog is ek steeds iemand wat nie graag saam in die koor wil sing nie – ek hou van my ruimte. Buitestanderskap het vir my ’n eie bekoring, maar ek besef dit sal al hoe moeiliker raak om dit te…

“Daar is geen liefde sonder vergifnis of vergifnis sonder liefde nie”– Bryant H McGill “Duisternis kan nie deur duisternis verdryf word nie – net lig kan duisternis verdryf. Haat kan nie haat verdryf nie – net liefde kan dit doen”– Martin Luther King Jr “Wraak maak jou gelyk met jou vyand; vergifnis plaas jou hoër as hy”– CJ Langenhoven “Ek glo vergifnis is die beste vorm van liefde in enige verhouding. Dit verg ’n sterk persoon om te sê sy is jammer en ’n selfs sterker persoon om te vergewe”– Yolanda Hadid “Vergifnis is die kenmerk van die sterkeres van gees”– Mahatma Gandhi “Die hart van ’n moeder is ’n diep put en op die bodem vind jy altyd vergifnis”– Honore de Balzac “Mense wat nie om vergifnis kan vra…

WAAR KOOP EK DIT? Charles and Keith www.charleskeith.com Foschini www.foschini.co.za 021 938 1911 (Hoofkantoor) Jet www.jetonline.co.za 0860 113 639 Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Pick n Pay www.picknpay.co.za/clothing 0800 11 22 88 Queenspark www.queenspark.com 021 460 9400 customercare@queenspark.com…

Anria van Heerden is ’n ou bekende met die goeie werk wat sy en haar Caring Daisiesspan doen en was al deel van vele suksesvolle TV-programme op kykNET soos Reise en soetkyse, Bruilof, Jou geldsake in 90 sekondes en as een van die mede-aanbieders van Woema. Sy is ook ’n finansiële adviseur. “As dogtertjie wou ek ’n motiveringspreker word, maar God het ander planne met my lewe gehad en ek glo dat die geleenthede wat oor my pad gebring is my gehelp het om Caring Daisies tot stand te bring.” Haar grootwordjare was op Schweizer-Reneke en hier het sy van kindsbeen af reeds verskeie leierskoene volgestaan as hoofmeisie op laerskool en onderhoofmeisie op hoërskool. Sy het ook op die sportveld uitgeblink met provinsiale kleure in tennis en netbal. “Ek dink…

SKIL ’N PYNAPPEL 1 Gebruik ’n groot sjefsmes en sny die kop en onderkant van die pynappel af. Jy moet die vleis van die pynappel kan sien.2 As dit ’n groot pynappel is, sny dit in die helfte.3 Laat die pynappel regop en stewig op ’n kapbord staan. Sny die skille af. Probeer so min moontlik van die vleis wegsny.4 Gebruik nou ’n kleiner messie en maak twee diagonale snye teen 45 grade om die “ogies” van die pynappel uit te sny.5 Die pynappel moet op die ou end mooi diagonaal ingesnyde lyne hê. WENKE ▶ Pynappel bevat ’n ensiem (brome lain) wat proteïene verteer. Rasper ’n klein bietjie pynappel by taai vleis om dit sag te maak.▶ Die bromelain kan ook ’n invloed op jou hande hê. Dra handskoene…

Jy kom deur die poort van die Hexriviervallei waar die persblou berge haar wingerdlappieskom-bers voor jou oopgooi. Hier hang swart-pers soete oorvloed onder grasgroen wingerdblaar-dakke. Weerskante van die pad as jy deur De Doorns, Orchard en Sandhills ry wat daar aan die voete van die Hexrivierberge skuil, groet werkers in blou oorpakke met ’n wuif, vlymskerp skêre en veelkleurige kratte in hul hande. Die vallei het so ’n rapsie meer as 90 pro dusente wat die vallei se 4 700 hatafeldruiwe verwerk en jaarliks sowat 20 miljoen 4,5 kg-kartonne tafeldruiwe pak. Nie lank nie of jy gaan so neffens Worcester verby, wat self ’n pragtige klein juweel is met ou geboue, leivoortjies en gasvryheid. Ry jy aan in die rigting van die tonnel, water jou mond natuurlik vir ’n lekker…

Op universiteit het ek ’n vriend gehad wat woordeboeke gelees het. As jy hom met ’n boek op sy skoot betrap, was dit die ou blou HAT of ’n Engelse Oxford-woordeboek. Wanneer jy in sy kamer inkom, het hy altyd met ’n glimlag gesit en gesê: “Het jy geweet daar is ’n woord soos …?”, of “Weet jy wat beteken …?”. Hy het veral in die herkoms van woorde belanggestel en hy het ’n ou, tweedehandse Nederlandse etimologie-woordeboek gehad. Hy het ons dikwels vermaak met stories oor waar woorde vandaan kom. Deur hom het ek geleer hoe interessant woorde eintlik kan wees. Sommige woorde is interessant omdat hulle vreemd is, maar ander woorde wat mens elke dag gebruik, word skielik vir mens vreemd as jy eers oor hulle begin nadink.…

ROLPRENTE PEPPERMINT Met Jennifer Garner en Tyson Ritter Regisseur Pierre Morel DRAMA Jy sien dalk Jennifer Garner se naam en dink dat hierdie ’n lekker gesellige, vrolike, romantiese drama gaan wees, veral met ’n naam soos Peppermint. Niks kan verder van die waarheid af wees nie. Dit gaan eintlik om die soetheid van wraak. ’n Jong ma het genoeg van die regstelsel gehad wat haar geen oplossings bied nie. As iets verkeerd gaan, is sy alleen. Maar nou het sy versadigingspunt bereik. Haar lewe en siel is van haar gesteel en sy gaan dit nie net probeer terugneem nie, sy gaan wraak neem. Voornemende kykers moet daarop let dat daar sterk geweld, asook gekruide taal, in die rolprent voorkom, maar dit pas by die tema. En volgens berigte lewer Jennifer…

Sy staan voor die halflyfspieël in die spaarkamer. Kyk haarself op en af. Sy lyk soos ’n valer weergawe van haarself. Haar keuses is beperk. Daar is min kleur in die klerekas. Die klere hang los aan haar lyf, want sy het glo gewig verloor. In die motorhuis druk sy die afstandbeheer om die kar wat blykbaar hare is, oop te sluit. ’n Ouerige Toyota Corolla wat sleg afsteek teen Hans se reuse-viertrekvoertuig. Sy sukkel om te bestuur. Dat ’n mens sowaar alles van voor af moet leer. Die ratte voel vreemd, ook om haar linkervoet te gebruik. By verkeersligte laat sy die kar vrek, asof sy verwag dat dit self van rat moet verander. Annabel sit en wag vir ’n lig om groen te word. Die motor het nie…

Enige blomplant, taai of gevoelig, droogtebestand of waterliewend en inheems of eksoties, sal net ’n goeie vertoning lewer as hulle reg behandel word. Die enigste pad tot blomsukses is om die volgende wenke te volg: ▶ Moenie kortpaaie met grondvoorbereiding vat nie. Gebruik aanvanklik mildelike vragte kompos en minstens 60 g beenmeel per vierkante meter wanneer die plantbeddings voorberei word.▶ Goeie dreinering is belangrik vir die meeste plante, selfs dié wat van klam grond hou – klam grond beteken nie sopnat, versuipte wortels in suurstofarm grond nie. As jy met swaar kleigrond sukkel, gebruik growwe kompos en werk ook ’n paar sakke growwe riviersand in om dreinering te verbeter. In sanderige grond wat gou uitdroog, geld dieselfde mildelike komposgebod plus nog ’n paar kruiwaens vol humus (soos blaarmolm of palmveen).▶…

WAT HET JY NODIG? G ebruik jou oorskietbreidraad. Vir die projek is verskillende soorte CHUNKYbreidraad gebruik. V ir een kleur agtergrond het jy sowat 3 balle Chunky (100 g) nodig 5,5 mm-naalde 5,5 mm-hekelnaald balkie of tappen (dowel) vir bo 4 groot knope AFKORTINGS aw – aweregs; ks – koussteek; ms – mossteek (1ste ry: r1, aw1 tot einde. 2de ry: aw die regs-steke en r die aweregs-steke soos dit voorkom); r – regs; rs – reksteek (brei elke ry regs); r2tes – regs twee steke tesame BREI-INLIGTING Hierdie patroon is net ’n basiese riglyn. Jy kan die sakkies so groot maak soos jy verkies. Meet die kar se sitplek agter en bepaal daarvolgens hoeveel steke om op te sit. Jy kan dit ook smaller maak. Gestel die sitplek is…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Hanna (1 Sam 1:2) het met iets geworstel waarmee so baie vroue vandag ook worstel: kinderloosheid. In Hanna se dag en tyd was dit vir ’n vrou in die Hebreeuse kultuur ’n groot skande om nie kinders te hê nie. Dit het groot pyn in Hanna se hart en gemoed veroorsaak. Sy het God dag en nag vir ’n kindjie gesmeek. Peninna, Elkana se ander vrou, het wel kinders gehad en sy het nie ’n geleentheid laat verbygaan om Hanna se neus daarin te vryf nie. So voel baie kinderlose vroue vandag die pyn wanneer hulle ’n vriendin se babatee, ’n doop, of eerste verjaardag van ’n ander ma se…

Toe Christel van den Bergh en David Louw in 2016 by Getroud met rugby begin saamwerk het, het dié akteurs nie veel ooghare vir mekaar gehad nie. Hulle het mekaar al in 2008 op die stel van Villa Rosa ontmoet. “Ek dink ek het Christel erg geïrriteer,” vertel David laggend. “Hy’s vyf jaar jonger as ek en toe hy baie jonk was, wás hy so ’n bietjie irriterend,” erken Christel droogweg. “Toe word ons gedwing om saam te werk, leer mekaar ken en nou is David een van die mense wat ek die liefste het!” Hulle is sulke goeie vriende dat David vanjaar deel van Christel se ondersteuningspan was toe sy vir die eerste keer die Comrades-wedloop saam met haar man, JP, voltooi het. David en Christel se karakters in…

COKE EN DAGGA, ASSEBLIEF Daar is sprake dat Coca-Cola met ’n Kanadese daggamaatskappy samesprekings voer met die oog daarop om ’n gesondheidsdrankie te ontwikkel wat cannabidol bevat, dis die olie van die daggaplant wat anti-inflammatoriese en pynverligtende eienskappe bevat. JY MAAK SKOON … EN JOU KINDERS VET As jy heeldag met ’n kannetjie ontsmettingsmiddel in jou huis rondloop om als skoon en kiemvry te hou, maak jy dalk terselfdertyd jou kinders vet, omdat die bestanddele daarvan die maagbakterieë by kinders verander, sodat ekstra energie uit die kos wat hulle eet, vrygestel word. Dit geld nie vir ekovriendelike skoonmaakprodukte nie. TOE NOU NIE SO SKOON NIE Al het jy jou die oggend silwerskoon onder die stort gewas, dra jy elke dag ’n onsigbare wolk van bakterieë, virusse, fungusse en chemikalieë met…

KLAPPERMALVALEKKERS 30 blokke 30 ml (2 e) gelatien125 ml (½ k) koue water500 ml (475 g) strooisuiker125 ml (½ k) kookwater10 ml (2 t) vanielje500 ml (200 g) fyn klapper Spuit vierkantige 23 cm x 23 cm-pan met kleefwerende sproei. 1 Spons gelatien in koue water en verhit dan in mikrogolf tot gesmelt. 2 Voeg strooisuiker, kookwater en vanielje by en klits vir 10 minute tot mengsel verdik en wit verkleur. 3 Skep mengsel in pan en maak met paletmes gelyk. 4 Verkil in yskas tot gestol, sowat 1 uur. 5 Rooster klapper by 180 °C en roer gereeld. Verwyder wanneer goudbruin. 6 Strooi van klapper op werksoppervlak en keer malvalekkers daarop uit. Sny in netjiese blokke en rol in klapper om blokke te bedek. 7 Bêre in lugdigte houer.…

AS JY KOEK BAK Sit ’n snytjie brood bo-op die koek terwyl dit afkoel. Dit help dat die koek sy vog behou. HOU DIT VARS Maak ’n gaatjie in ’n rou aartappel en plaas ’n stiggie/blom daarin om dit vars te hou terwyl dit vervoer word. G’N MUF Verwyder muwwerige reuk in laaie deur stukke suurlemoenskil in laaie te plaas. HET JY GEWEET? Jy kan ook pasteie en worsrolletjies met mayonnaise in plaas van eier smeer voor jy dit bak. GRASVLEKKE OP WIT BROEKE? GRASVLEKKE OP WIT RUGBYBROEKE KAN ’N PROBLEEM VIR MA’S WEES OM UIT TE HAAL. SPUIT WINDOLENE DAAROP, VRYF DIE VLEK EN WAS DAARNA. BÊRE BOTTELTJIES Bêre maaskaas nes vissmeer onderstebo om dit langer te laat hou. VIR MOPPE Gooi ’n kwart koppie sout in ’n liter…

“Skep nuwe ervarings saam met ander mense, verlustig jou aan grenslose kuns en verken die wêreld met jou lyf.” Dit is hoe die amptelike webwerf van die Mori-digitale kunsmuseum in Tokio – die eerste museum vir digitale kuns ter wêreld – dié splinternuwe Japanse kunsbestemming beskryf. In dié museum van 10 000 m2 kan die besoeker met behulp van 520 rekenaars en 470 projektors ’n nuwe wêreld betree – een wat mens jou tot dusver nog nie kon voorstel nie. Dié museum is die geesteskind van teamlab, ’n Japanse kunstekollektief wat kreatiewe siele in die digitale omgewing byeenbring: kunstenaars, programmeerders, ingenieurs, animeerders wat met rekenaargegenereerde beelde (CGI) werk, wiskundiges, argitekte, web-en grafiese ontwerpers en redigeerders. Die interdissiplinêre aanslag van dié groep “ultra-tegnoloë” is daarop gemik om ’n balans tussen kuns,…

Sy was beeldskoon, ma van twee kinders, en ’n dief. So begin dié storie oor ’n boot, ’n rekenaar, en die raarste geldwisseling waarvan jy nog gehoor het. Drie van ons was na Athene onderweg. Ons het op die dek van die veerboot geslaap met ons wêreldsgoed om ons versamel. Grieke steel nie. Dit sit net nie in hul DNS nie. Jy kan maar jou beursie op die strand laat lê, jou selfoon op die karsitplek vergeet met die vensters oop. Niemand sal dit vat nie. Dit wil sê, niemand wat Grieks is nie. Ons het vroeg al by die ervarenes geleer: Eerste ding op die boot is, jy kyk wie almal saamreis. Daar is swerwers in Europa wat jy maklik genoeg kan eien, en dan moet jy jou goete…

Carrol Boyes www.carrolboyes.com Mr Price Home www.mrphome.com Weylandts www.weylandts.co.za Woolworths www.woolworths.co.za Knus www.knus.co…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 14 woorde, goed18 woorde, baie goed24 woorde of meer, uitstekend OPLOSSING: Garnituur, agtuur, girant, intuur, natuur, nutria, tranig, grint, ingat, tanig, tiran, girt, grut, guit, nuut, rant, ruit, tang, trag, trui, tuig, tuin, tuna, tuur. Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Toestel om hartgeruise hoorbaar te maak. SMS jou antwoord, voorletters, van en dorp/stad voor of op 14 November 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…