Innholdsfortegnelse for 19 October 2018 i Vrouekeur

“Mag ons maar ons kinderjare blameer?” op bl 14 het my aan die dink gesit vir hierdie week se skrywe. Ons almal het die een of ander issue met iets uit ons kinderjare. Sommige mense dra swaarder aan dié bagasie as ander. Daar is mense wat gemeet op ’n skaal van een tot tien, die skaal se naald ver bo tien laat styg. Wêreldwyd is daar kinders wat aan sulke wrede ouers blootgestel is dat die trauma bykans onomkeerbaar is. Nie alle mense moet kinders hê nie. “Normale” ouers doen nie sulke goed nie. Maar ouers is mense en ouers maak “foute”. Dit besef ek op 58 alte goed. Is daar goed wat ’n impak op my as kind gehad het? Ja. Is daar goed wat ek gedoen het wat…

VLIEËRFEES Die 24ste Kaapstadse Internasionale Vlieërfees word vanjaar op 27 en 28 Oktober in Muizenberg gehou. Vlieërgeesdriftiges van regoor die wêreld sal vlieërs die lug in stuur ter ondersteuning van Cape Mental Health. Teen slegs R40 per persoon (of R15 vir kinders 12 jaar en jonger) is dit bekostigbare buitelugpret. Vir meer inligting, besoek www.capementalhealth.co.za of volg @CTKiteFest op sosiale media KUNS OP MCGREGOR Die bekende Suid-Afrikaanse kunstenaar Hanneke Benade se nuwe reeks kunswerke word nog tot 19 November by die La Galleria-galery op McGregor uitgestal. Die titel van die reeks is die Franse begrip “mise-en-scène” wat na die samestelling van komponente op die verhoog in teater verwys. Met hierdie nuwe werke, kyk Hanneke met ’n soortgelyke “choreografiese oog” om beelde te skep. Besoek https://www.danisphotos.com/la-galleria, www.hannekebenade.com en https://www.facebook.com/hanneke.benade FOXWOOD-FEES Die…

Beryl Crosher-Segers se toekoms was doeriejare reeds vooruitsienbaar. Jong Beryl het geluister eerder as gepraat, al haar gedagtes neergeskryf en stukkies papier met garing saamgestik om boekies te vorm. Maar haar eerste volwaardige boek sou dekades later eers die lig sien – en op ’n heel ander kontinent as die een waar sy gebore is … In April vanjaar bevind Beryl haar in die skadu van die Rhodes Memorial. Sy’s in Suid-Afrika vir die boekbekendstellingstoer van A Darker Shade of Pale: ’n memoire wat haar Suid-Afrikaanse grootwordjare in die jare sestig en sewentig en haar en haar gesin se vertrek na Sydney, Australië, in die jare tagtig karteer. Dit is ’n roerende vertelling: eenvoudig en onsentimenteel, dog diep en soms hartverskeurend. ’n Doodgewone lewe vol vreugde en verlies … Behalwe…

WENKE Jy kan self blomkoolrys maak. Rasper net ’n blomkool met die growwe kant van die rasper en siedaar, blomkoolrys! HOISIN-GROENTEROERBRAAI 4 porsies 1 ui, in agstes gesny2 50 g (1 pakkie) portobellosampioene200 g (1 pak) jong spinasie3 pak choi-koppe, in kwarte gesny800 g (2 pakke) blomkoolrys125 ml (½ k) hoisinsous 1 Braai ui in bietjie olie tot net sag.2 Gooi sampioene en spinasie by. Braai tot sag. Skep uit en hou eenkant.3 Verhit nog bietjie olie en braai pak choi-kwarte tot net bruin. Voeg by sampioenmengsel.4 Braai blomkoolrys tot sag en gaar.5 Gooi alles weer terug in pot en roer hoisinsous deur.6 Geur met sout en peper. KOOL-EN-GARNAAL-SLAAI 4 porsies 1 klein rooikoolkop2 klein groenkoolkoppe4 00 g medium grootte garnale, skoongemaak550 g (1 pakkie) bevrore mielies10 g (1 pakkie)…

ENERGIE VIR DIE SOMER Red Bull stel ’n nuwe geur, The Summer Edition Coconut & Berry bekend. Dis die ideale smaak vir warm somersdae en sal vanaf Oktober vir slegs ’n beperkte tydperk beskikbaar wees. Beskikbaar in 250 ml-blikkies. www.redbull.co.za Peuselkos Doritos Sizzlin’ se tamatiegeurskyfies is die nuwe geurige toevoeging tot die reeks. Hierdie lekker skyfies is ’n moet op enige partytjie of sommer net wanneer jy lus is vir peusel. www.simba.co.za VIR JOU LIEFLING Darling Sweets het ’n reeks genaamd Soft Caramels bekendgestel wat hul bestaande toffiereeks komplementeer. Kies uit geure soos Salted Caramels, Summer Berry, Ginger & Cardemom, Chocolate & Orange en Salted Liquorice. Ongeveer R53 vir ’n 150 g-pakkie. www.darlingsweet.co.za Blink kant bo Skaf ’n blywende aandenking aan wat jou unieke persoonlikheid uitstraal of kry ’n wonderlike…

Hoewel mens soms ’n presiese plek of omgewing in ’n landskap kan herken – dikwels dui die titel wat die kunstenaar aan die skildery gee juis ’n presiese plek aan – is ’n landskap meer as net ’n geskilderde weergawe van ’n lap grond. Benewens die eerste herkenning van “ja, dit is presies soos dit daar lyk of gelyk het”, noop ’n landskap die kyker om ook oor sy of haar plek “in” die landskap na te dink. Ten diepste is ’n landskap die resultaat van hoe grond deur menslike aktiwiteite gevorm word, of hoe dit mense se lewens vorm sodat ’n spesifieke plek tot stand kom. ’n Landskap is persoonlik, verryk deur mense se verhale en deur herinneringe, mites en emosies aangevul. Hoe kan ’n landskap vir ’n skilder…

Wamuwi Mbao het aan die einde van 2016 in die Sunday Times geskryf dat ’n mens weet jy lees Suid-Afrikaanse fiksie wanneer jy een van die volgende boeke teëkom: 1 Na die dood van ’n pa/ma/enige ander bloedverwant keer die hoofkarakter na Suid-Afrika terug na ’n verblyf van 10/15/20 jaar in die buiteland en moet hier ’n donker, onopgeloste geheim uit die verlede oplos (die geheim het meestal te doen met ras, seks of albei).2 Patroonmatige misdaadfiksie waarin skerp kritiek op die huidige regering uitgespreek word terwyl moeite gedoen word om te wys dat die roman nie oor apartheid handel nie.3 Gewone mense se (gewone) lewensdramas word opgedis teen die agtergrond van ’n opwindende stad (meestal Johannesburg).4 Historiese fiksie waarin ’n taamlik onbekende gebeurtenis uit die Suid-Afrikaanse verlede op so…

ROLPRENTE KANARIE 9/10 Met Schalk Bezuidenhout en Germandt Geldenhuys Regisseur Christiaan Olwagen MUSIKALE DRAMA Hierdie aweregse, briljante rolprent het verskeie toekennings by die Silwerskermfees gekry, en voornemende kykers moet besef hulle gaan ’n unieke en grensverskuiwende rolprent kry wat hulle dalk nie verwag het nie. Onthou net, gemotiveerde gekruide taal (dit speel in die weermag af) en sekstonele word gebruik om die saak te beklemtoon. Dit gaan oor ’n tiener wat met sy seksualiteit worstel (’n vreeslose Schalk Bezuidenhout) en wat gedurende sy toelating tot en optrede saam met die weermaggroep die Kanaries, besef hy is gay. Hoe hy met sy seksualiteit vrede maak, is die fokus van die rolprent. Dit word met die hulp van musiek en gechoreografeerde danstonele vertel wat ’n wrang, melancholiese huldeblyk aan so baie manne…

Die klokkie lui ’n derde keer. Soos wat ek terugdink aan dié dag wat ons lewens verander het, onthou ek hoe skril dit geklink het, asof dit wou wegbreek, ’n parkiet in ’n benoude kou. Ek besluit om tog te gaan kyk. Die verdekselse klokkie lok net besemverkopers. Toe ek die handstuk lig en na die skerm kyk, staan daar ’n seun van so 12, 13. Dit lyk nie of hy wil bedel of met ’n rugbyborgskapvorm aanklop nie. Wie is die kind? Hy lyk gespanne. Verdwaal, miskien? Hy staan op een voet, dan die ander. Sy hande stoot deur sy hare. Dan vryf hy dit weer plat. Toe hy sy vinger lig om die klokkie die vierde keer te druk, buzz ek die hek oop. Ek hou hom dop…

MAN TREK MY ONDERKLERE AAN Ek en my man het ’n gelukkige huwelik van tien jaar en ’n goeie sekslewe. Ek is egter so geskok dat ek nie weet of ek met die huwelik kan voortgaan nie. Ek het verlede week vroeg van die werk af teruggekom en hom in een van my pienk deurtrekkertjies in die badkamer aangetref. Ons was albei sprakeloos en het dit nog glad nie bespreek nie. Beteken dit dat hy dalk in die geheim ’n drag queen of gay is? – Geskok Voordat jy enige aannames maak, maak eers seker dat jy weet wat werklik agter daardie gedrag skuil. Daar kan ’n logiese verklaring daarvoor wees en dit is nie noodwendig ’n aanduiding van jou man se seksuele voorkeure nie. Om ’n seksuele aantrekking te…

KONSERTTYD Die kinders van Laerskool Fontainebleau het maande aan die konsert geoefen, onderwysers het honderde ekstra ure ingesit en uiteindelik sit ons as ouers en grootouers aand ná aand in ’n volgepakte saal om die resultaat te sien. Wat ’n belewenis was dit nie. Ek was verstom oor hoe glad alles verloop het, hoe goed dit georganiseer was en hoeveel moeite daar met die vertoning en veral met die kostuums gedoen is. Daar is glo 7 000 kostuums gemaak. Dit was hoendervleismooi. Ek dink nie ons besef altyd hoeveel ure en maande se toewyding dit van onderwysers en kinders verg nie. Baie dankie van ’n waarderende ouma. WEN Wanneer Adriaan een oggend die “slegs blankes”-bordjie op die strand verontagsaam, is die gevolge drasties en onomkeerbaar. In die stilte broei die…

Grond. Dís die spilpunt waarom gesprekke in boerderykringe deesdae draai. Grond was nog altyd ’n omstrede en emosioneel-gelaaide kwessie in Suid-Afrika, maar dit is tot ’n spits gedryf met die ANC se beleidskonferensie in Desember verlede jaar toe die beginsel van onteiening sonder vergoeding deur die ANC goedgekeur is en ’n mosie in dié verband kort daarna deur die Nasionale Vergadering aanvaar is. Sedertdien is onteiening sonder vergoeding die hoofbesprekingspunt rondom braaivleisvure en tussen koöperasierakke. Maar terwyl politici, georganiseerde landbou en ander rolspelers die politieke spel speel, worstel die boer op die grond met vrees, woede, magteloosheid, frustrasie en angstigheid oor die toekoms. Waarheen nou? Is ons op pad na ’n tweede Zimbabwe? Waar sal dit eindig? Moet ek liewer my grond verkoop voor ek dalk alles verloor? “Die enigste…

*Alle pryse is die voorgestelde verkoopprys. Pryse korrek teen druktyd WAAR KOOP EK DIT? Charles and Keith www.charleskeith.com Clarks www.clarkssa.co.za 011 455 0917 (Hoofkantoor) Country Road, Woolworths www.woolworths.co.za 0860 022 002 Jet www.jetonline.co.za 0860 113 639 Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com…

Adéle Bantjes se speelse skilderye oorrompel die sintuie. Met die gebruik van treffende kleurkombinasies en reliëfwerk kry haar werk ’n driedimensionele gehalte waarna ’n mens nie net wil kyk nie, maar ook aan wil raak. Haar skilderye besit ’n teenwoordigheid wat dit onmoontlik maak om mis te kyk of te ignoreer. Adéle het geen formele kunsopleiding ontvang nie en skryf haar sukses toe aan haar gesin se ondersteuning deur die jare. “Daar was altyd gom, papier en verf in die huis. My ouma Bettie was ’n kunstenaarsiel, gedurig besig met iets kreatiefs, soos om blomme te rangskik, te teken of iets moois te maak. Sy het my beslis beïnvloed. “My wonderlike ouers het my van kleins af ondersteun. Ek kon my kreatiwiteit uitleef soos ek wou – ’n dromer wees.”…

#bakliefde Mareli WENKE JBedek die deeg met kleefplastiek en bak soos panne beskikbaar is indien jy nie ses panne het nie JODETERT 6 koeklagies 840 ml (360 g) koekmeel120 ml (115 g) strooisuiker2,5 ml (½ t) sout290 ml (280 g) botter750 ml (3 k) melk15 ml (1 e) botter125 ml (½ k) suiker2 groot eiers50 ml (3 e + 1 t) vlapoeier50 ml (3 e + 1 t) mielieblom (Maizena)50 ml (3 e + 1 t) koekmeel1,25 ml (¼ t) sout5 ml (1 t) vanielje250 ml (1 k) melk Voorverhit oond tot 200 °C, voer ses 22 cmkoekpanne met waspapier uit en spuit dit met kleefwerende sproei. 1 Sif droë bestanddele saam en vryf botter in tot koekiedeeg vorm.2 Verdeel deeg in ses gelyke dele. Druk elke deel plat in…

GEEN KURKTREKKER? Die nuwe Mensa-wynreeks word met die revolusionêre Helix-kurk verseël. Hierdie kurk laat jou toe om dit sonder die hulp van ’n kurktrekker met die hand oop te draai en weer te herseel om sodoende die wyn perfek vir die volgende glas te bewaar. Die reeks bestaan uit drie spogwyne: ’n verfrissende sauvignon blanc met ligte sitrus-en tropiese geure, ’n heerlike chardonnay pinot noir met hope sitrus-en rooibessiekarakter, en ’n volronde cabernet sauvignon wat uit sy nate bars met geure van donker sjokolade en braambessies. Landwyd by Checkers-winkels beskikbaar of besoek die Overhex Kelder & Bistro net buite Worcester waar die wyn teen R75 vir die witwyne en R85 vir die rooiwyn gekoop kan word. Vir aanlyn aankope besoek www.mensawines.com/online-shop HOE MOOIER, HOE LEKKERDER! Wyn moet nou maar net…

Stephen Hough, die Britse pianis wat op 20 Desember ’n uitvoering van Beethoven se Klavierkonsert no. 4 in Kaapstad gee, is meer as net ’n konsertpianis. In 2009 het The Economist hom in sy lys van 20 “lewende veelweters” genoem – of meer algemeen: ’n Renaissance-man. Benewens ’n loopbaan as klaviervirtuoos met konstante konsert-en opnameverpligtings is hy ook komponis, skrywer en skilder. Hough is die solis in ’n konsert saam met die Kaapstadse Filharmonie onder leiding van Bernhard Gueller in ’n Beethoven-program wat ook die Leonore-ouverture no. 3 en die Simfonie no. 7 insluit. Hough se spel is al in The Guardian as “die volmaakste klavierspel denkbaar” beskryf en na Hough het die Washington Post as “’n virtuoos wat begin waar ander ophou” verwys. Vroeer vanjaar het hy in ’n…

Op ’n oggend aan die einde van die winter staan ’n lang, blonde vrou in ’n kombuis. Alles om haar lyk vreemd, asof iemand anders dit uitgekies het. Sy kan nie glo dat sy ooit, in enige leeftyd, herfskleure vir haar kombuis sou kies nie. Sy loer na haarself in die mikrogolf se deur, wat ’n spieël is. Haar oë lyk moeg, haar wangbene is hoog, haar mond vol. Sy lyk vir haarself vaagweg bekend. Die drie vreemdelinge wat glo haar man en kinders is, is morrend vort, werk en skole toe. Die oggend strek lank voor haar uit. Sy kan nie glo sy is al meer as 15 jaar ’n huisvrou en moeder nie. Sy voel so onbeholpe, asof sy geen spiergeheue het vir die sleurtake nie. Selfs die…

BENODIGDHEDE E lle Premier Natural Cotton DK (50 g-balle): balle Black en 4 balle White 3 mm-hekelpen Naald om gare mee weg te werk 40 cm swart voeringlap Swart plastiek-sirkelhandvatsels met 15 cm deursnee Algemene naaldwerkbenodigdhede GROOTTE 32 cm x 36 cm AFKORTINGS EN STEEKVERDUIDELIKINGS beg = begin, dr = draai, gp = groep, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, sp = spasie, tes = tesame, VK = verkeerde kant, vlb = vooromlangbeen, vlg = volgende Spykersteek: Steek die pen deur die hekelwerk op die plek wat deur die patroon aangedui word. Slaan die draad oor die pen en trek die lang lus na die voorkant toe deur. Voltooi die steek soos gewoonlik. Moenie die hekeldraad te…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Daar was ’n jong meisie wat met alle geweld haar arm Brasiliaanse buurt wou verlaat en die wêreld gaan sien. Onvergenoegd met haar omstandighede, waar sy op ’n geweefde slaapmatjie moes slaap, met net ’n waskom en houtvuurstoof, het sy van ’n beter lewe in die stad gedroom. Een oggend het sy weggeglip en in die proses haar ma se hart gebreek. Wel wetend hoe swaar die lewe op straat vir haar jong, aantreklike dogter sou wees, het haar ma haastig gepak om haar te gaan soek. Op pad na die busstop toe het sy vinnig by die apteek ingehardloop. Sy het in die fotohokkie ingegaan en soveel foto’s van…

Hannon Bothma laat 50 goed lyk. Baie goed. Van sy dik bos swart hare tot die perfek-gevormde wenkbroue wat so skalks kan opskiet boontoe en die fikse lyf waarvan sommige twintigjariges maar net kan droom. Het hy dalk die fontein van ewige jeugdigheid ontdek? Dalk, as dié fontein sy dinamiese lewensingesteldheid is. “Op 50 is jy heeltemal bewus daarvan dat jy nie meer 20 is nie,” sê Hannon. “Jy is dalk fisiek swakker, maar jy is geestelik sterker. Ek is dankbaar oor al die wysheid wat die lewe se stampe en stote my geleer het en vir al die mense in my lewe saam met wie ek hierdie reis kon geniet.” Hannon, wat in Julie verjaar het, het sy verjaardag met ’n partytjie by die Gentleman’s Arthouse in Newtown, Johannesburg…

Ek vertel al jare lank vir almal wat wil hoor – en soms ook vir dié wat nie wil hoor nie – dat ’n enkele goeie roman jou meer kan leer oor hoe om jou lewe te lei as ’n hele stapel “selfhelpboeke”. Met “selfhelpboeke” bedoel ek nou al daardie blitsverkopers waarna wanhopige lesers gryp om raad te kry oor hoe om beter te eet of te bid of lief te hê, hoe jy jou kaste kan regpak en van rommel ontslae kan raak en terselfdertyd sommer ook jou hele aardse bestaan kan verander, hoe om soos ’n Franse vrou te eet en nooit vet te word nie of hoe om jou kinders soos ’n tierma groot te maak. Ek beweer nie dat sulke boeke geen nut het nie –…

In 2006 het ons lewenslustige seuntjie met groot opgewondenheid skool toe gegaan. Hy kon op vierjarige ouderdom reeds die alfabet opsê en die Onse Vader bid en toe hy skool toe is, kon hy sy eie naam en van skryf, vertel Ida van der Schyf van Kameeldrift oor haar seun Ian, wat vanjaar in matriek is. Min het hulle geweet van die opdraande pad wat voorgelê het. “Hy het al sy mylpale op die normale tye bereik en daar was geen rede om onraad te vermoed nie. Omdat ons egter vermoed het dat hy dalk AGS of AGHS kon hê, het ons hom in ’n klein skool gesit. Sy dieet was reeds aangepas – geen gekleurde kos of koeldrank nie. Soos die jaar gevorder het, het sy lewenslus egter in…

Dié wat weet, sê ’n rommelvrye bestaan gaan nie oor herwinning en om alles van niks af te maak nie. Dit gaan oor die keuse wat jy maak om die lewe te beleef, en nie op die materiële dinge te fokus nie. Dit gaan daaroor om ’n bewuste verbruiker te wees. Colleen Black woon die afgelope vier jaar saam met haar man, Erik, en hul drie honde op ’n plaas naby Mazabuka in Zambie. Voor die tyd het hulle in Ballito aan die KwaZulu-Natalse noordkus gebly. ’n Nederige 2?-plastiekkoeldrankbottel is haar “vullisdrom”. Enigiets wat nie herwin kan word nie, gaan bottel toe. En, hoewel dit die gemiddelde huishouding dalk minder as ’n week sal neem om die bottel vol te maak, is Colleen se bottel gewoonlik vier maande nadat sy…

Gaan jy trek, Ferreira? Sit vase en ander kosbaarhede in groot, dik kouse om dit te beskerm. G’n roes Sit motbolle in ’n gereedskapskis om die vog te absorbeer. Dit keer glo die roes. Suurroom in gereg? As jy dit nie het nie, is daar ’n plaasvervanger. Vervang dit met ongegeurde jogurt. BAKWENK AS JY BROOD BAK, SIT ’N PAN MET ’N PAAR YSBLOKKIES ONDER DIE BROODPAN SE RAK. DIE STOOM WAT VRYGESTEL WORD, SAL GLO HELP OM JOU BROODJIE HEERLIK TE MAAK. OULIK VIR PARTYTJIES Ek het onlangs hierdie by ’n ander ma gesien en dieselfde met my kind se klaspartytjie gedoen. Koop plastiekglasies met koepeldeksels by ’n winkel wat plastiekware verkoop. Dit word gewoonlik vir smoothies gebruik. Sit dan onderin die lekkergoed en pakkies skyfies en ’n kolwyntjie…

Vir elkeen van ons word die musiek soms stil. Die viool hou op met speel, die vroegmore-voëlsang is weg, die kerkklokke lui nie meer nie. Dis wanneer ek met rugsak en stapstewels die pad na ver plekke vat. Want, het ek geleer, hoe verder ek stap, hoe nader kom ek aan myself. En dis eers as ek myself vind dat die klokke weer lui. Dis na so ’n musiekstilte dat ek en my getroue stap-en lewensmaat die kerkklokke in Wallis gaan soek het. Die Pembrokeshire-kuslyn strek oor 300 km deur die gelyknamige nasionale park, dorpies, plase, al langs die woeste Walliese kus waar eilande in die digte mis wegkruip. Dis hoogsomer, maar nogtans reen ons soms nat. Dis om’t ewe as jou pad deur troppe Welsh Black-beeste kronkel wat in…

Al hoe meer mense wêreldwyd herontdek die terapeutiese waarde van skeppings-en handewerk. Ek dink dié hedendaagse selfdoen-neiging het daarmee te make dat mense soms wil wegkom van tegnologie, skerms en die gepaardgaande onmiddellike beloning. Om met chalk paint te verf, word al hoe gewilder en daar is mense wat kunswerke daarmee die lig laat sien. Daar is deesdae heelwat soorte van hierdie verf op die mark, maar ek verkies om met produkte van Granny B’s Old Fashioned Paint te werk. Met hierdie projek het ek net weer eens besef hoe belangrik dit is om die verf behoorlik te seel om te voorkom dat al jou harde werk verniet was. Hierdie geel kassie is met ’n destydse verfproses nie behoorlik geseël nie en uit die “voor”-foto’s kan mens duidelik die resultate…

Die een is ’n Pretorianer; die ander ’n Kapenaar. Albei skryf liedjies, tokkel die kitaar en sing. Country is hul genre – uitstekend! COUNTRY KRAAI KONING Die Pretorianer Roan van As, oftewel Roan Ash, wat nou ook internasionaal gehoor word, is in talentvolle geselskap. Apple Music, wat steeds nuwe talent op die Afrikakontinent ontdek en ontwikkel, het hom gekies om deel van Country Wide te wees, ’n wereldwye countrymusiek-veldtog wat vroeer vanjaar afgeskop het. Die inisiatief sluit The Wild Feathers van die VSA, Catherine McGrath (Ierland), Tenille Townes (Kanada) en Missy Lancaster (Australie) in. Vir Roan beteken dit sy musiek is nou ook op internasionale speellyste beskikbaar. Hy het bekendheid as deelnemer in die eerste seisoen van The Voice SA verwerf. Hy het sy debuutalbum, The Traveller, reeds in 2015…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 10 woorde, goed 13 woorde, baie goed 16 woorde of meer, uitstekend OPLOSSING: Gevoelvol, gevoel, oogvel, gevel, vleel, vloog, voege, volle, veeg, veel, vleg, voeg, voel, voël, volg, voog Woordsoek ’n Mens se geraamte bestaan gewoonlik uit 206 afsonderlike beenstukke en 25 van hulle is hier weggesteek. Hulle kan horisontaal, vertikaal, onderstebo, agterstevoor…