Innholdsfortegnelse for 12 October 2018 i Vrouekeur

Stel jou voor jy sit in ’n Amerikaanse tronk nadat jy op aanklag van spioenasie vir die destydse Sowjetunie gearresteer is. Die beste waarop jy kan hoop, is lewenslange tronkstraf, want eintlik is die doodstraf die prys vir die oortre ding. Dis presies die situasie waarinRudolf Abel homself in 1957 bevind het. Sy prokureur, James B Donovan, was verbys terd om sy kliënt se kalmte te midde van dié penarie waar te neem. In die fliek, Bridge of Spies, wat oor hierdie historiese gebeurtenis handel, sê Donovan (Tom Hanks) aan Abel (Mark Rylance): “You don’t seem alarmed,” waarop Abel sê: “Would it help?” Telkens wanneer ek my oor iets bekommer, herinner ek myself aan Abel se woorde, veral wanneer ek bekommerd is oor goed wat nog nie gebeur het nie…

Dit is volgende jaar 100 jaar sedert SJA (Ina) van Schalkwyk se geboorte en bykans 70 jaar gelede wat die oorspronklike kookboek verskyn. Die Klein kook en geniet het in die jare tagtig bygekom en is nou weer hersien. Ina is reeds in 2010 oorlede, maar Eunice het in 1982 die geleentheid gehad om met die eerste uitgawe saam met haar ma te werk en nou, ná haar ma se dood, die 2018-uitgawe te versorg. Haar ma het destyds die resepte uit Kook en geniet gekies. “Sy was so oud soos ek nou is toe die Klein kook en geniet verskyn het.” Eunice het elke stap in die resep se metode in verskeie stappe vir beginners opgedeel. Die oorspronklike resepteboek het illustrasies gehad terwyl die hersiene uitgawe met pragfoto’s spog.…

WAAR KOOP EK DIT? Charles and Keith www.charleskeith.com Clarks www.clarkssa.co.za 011 455 0917 (Hoofkantoor) Country Road, Trenery, Woolworths www.woolworths.co.za 0860 022 002 Execuspecs www.execuspecs.co.za 0860 109 289 Jet www.jetonline.co.za 0860 113 639 Mr Price www.mrp.com 0800 212 535…

GROENTE-EN-KAPOK - AARTAPPEL-WAFEL 4 porsies 1 ui, gekap5 ml (1 t) fyn knoffel1 wortel, gerasper2 murgpampoentjies, gerasper5 ml (1 t) gemengde kruie500 g aartappels, geskil en gekap30 ml (2 e) gesmelte botter1 eiergeel125 ml (½ k) gerasperde kaasSOUS200 g (1 pakkie) stukkies spek410 g (1 blikkie) sousbone 1 Verhit bietjie olie en braai ui en knoffel daarin tot sag. 2 Gooi groente en kruie by en braai tot net sag. 3 Kook aartappels tot baie sag, dreineer en sit weer terug op stoof sodat meeste water kan verdamp. 4 Maak aartappels met aartappeldrukker fyn. 5 Meng groente, botter, eiergeel en kaas by fyngedrukte aartappels. 6 Verhit wafelpan en skep groot eetlepels vol daarin. Braai tot bros en gaar. 7 Sous Braai spek tot bros, gooi bone by en kook tot…

Dit was bykans tien jaar gelede wat ons Hluhluwe in KwaZulu-Natal besoek het. Die hoofrede was om ’n hele week lank die Hluhluwe Imfolozi Park te verken, al die diere onder die Afrikason daar te sien en ons bosverlange vir so ’n wyle te stil. Ongelukkig kies ons toe die warmste week in die jaar – en nie net was ons lam en tam nie, maar selfs die diere het weggekruip! Ons het ná drie dae uit moedeloosheid Richardsbaai toe gery, ’n buitelewewinkel gesoek en klein batterywaaiertjies gekoop om ons mee koel te waai, want die gehuurde motor se enjin was só klein dat daar van lugversorging geen sprake was nie. Dit is dus met ’n goeie skeut skeptisisme wat ons die laaste paar kilometer op die N2 aflê, maar…

ROLPRENTE A STAR IS BORN Met Lady Gaga en Bradley Cooper Regisseur Bradley Cooper MUSIEKDRAMA Hierdie storie is al verskeie kere verfilm en steeds kom daar nuwe weergawes. Dit het in 1932 begin as What price Hollywood? en het die verhaal van ’n aspirantsangeres vertel wat enigiets sou doen om bekend te raak. Toe ontmoet sy ’n musikant wat haar help om in die kollig te beland, maar sy dwelmmisbruik en persoonlike demone dreig om oor te neem. Daar was ook ’n berugte Barbra Streisand/Kris Kristofferson-weergawe in 1976, Judy Garland as die sangeres in die 1954-hervertel van die storie, en Janet Gaynor en Fredric March in 1937 in dieselfde rolle. Daarom is hierdie 2018-weergawe so opspraakwekkend omdat die volle storie nou vertel kan word sonder om dit te versag. Lady…

BROER DEPRESSIEF NÀ DWELMREHABILITASIE My broer was lank met dwelms deurmekaar en is nou al ’n paar jaar gerehabiliteer. Hoewel dit met hom goed gaan en hy ’n vaste werk het en stabiel voorkom, is ek bekommerd. Die afgelope paar maande het hy toenemend begin depressief raak. My ouers dink dit is omdat hy meer volwasse raak, maar ek kan sien dat hy die aangename dinge in die lewe nie meer geniet nie en voorgee. Wat kan ek doen om hom te help? – Bekommerd oor broer Daar bestaan ’n groot moontlikheid dat jou broer se gedrag met ’n gemoedsinsinking soos depressie, veral ná rehabilitasie, te doen het. Hou in gedagte dat dwelms ’n kunsmatige “hoë” gevoel skep wat nie in stand gehou kan word nie. Sy gedrag is egter…

Nie net verskaf naelblomme mooi kleur aan ’n tuin nie, maar hulle behoort aan ’n familie van plante (wat angeliere insluit) wat heerlike geur verskaf. As hierdie plante eers in ’n sonnige bedding geplant is, kan hulle jou vir tot vier keer per jaar met blommeprag beloon. Dis ’n hele jaar van kleur! Dianthus kry sy naam van die Griekse “dios”, godheid of goddelikheid, en “anthos”, ’n blom. Dit kan dus as “goddelike blom” of “blom van die gode” geïnterpreteer word. Met sy wye verskeidenheid kleure, aanpasbaarheid en langlewendheid, is dit nie moeilik om te sien waarom hulle juis hierdie naam gekies het nie! Moderne hibriede kan ook verskillende kleure in ’n enkele blom kombineer. Naelblomme kruisbestuif baie maklik en daarom bestaan daar talle interspesifieke hibriede, maar daar is wel…

SPLINTERNUWE SUBSKRIPSIE-OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry…

DIE 40 IS OP PAD Ná ’n besige, voel-nie-lekker-nie-Maandag help ek my ma kosmaak en sien die Vrouekeur van 17 Augustus 2018 op die tafel lê en die opskrif van “Vroue bo 40” vang my oog. Ek is oor vier maande 40 en dit klink só oud. Al weet ek ouderdom is net ’n syfer, is dit steeds … VEERTIG! Ek lees die artikel en skud onbewus kop en hmmmm, ja, dink ek, dit is nes ek party dae voel. Ek tel die boek op en loop na manlief toe in die kamer en sê vir hom: “Luister net hier,” en ek lees vir hom voor en daar lag ons so lekker oor als. Dankie vir die raad en artikel. Marlie Coetzee via Facebook WEN Waar’s Willie in Hollywood? Soek…

As ek dink aan die onlangse maansverduistering en ek kyk na al die foto’s van ’n helder maan wat stadig maar seker in ’n bloedmaan verander en daarna agter ’n paar donker wolke verdwyn, dan dink ek aan die skrywer Troula Goosen. Dit is so in bloedmaan wat ’n storie in haar kop broei. Of as sy tussen ou familiefoto’s rondsnuffel en plekke onthou wat ’n lekker storie sal maak. Troula is nie net ’n skrywer nie, sy was jare gelede ook predikantsvrou en my buurvrou en ek kan nie wag vir die dag wat die groot ou wildevyeboom in die ou pastorie se tuin deel van ’n storie word nie. Dit is ook glad nie snaaks nie dat die “gril-Ellas” in haar tuin op Bettiesbaai reeds deel is van…

Dit wil nogal gedoen wees om sonder jou eie vervoer die meeste wooneenhede in jou gebied vir jou eiendomsagentskap te verkoop. Maar Hayford Obeng (35) is beslis nie jou gewone eiendomsagent nie. Die feit dat Hayford nie ’n motor besit of selfs ’n rybewys het nie, het hom nie afgeskrik nie. “Ek maak maar van taxi’s gebruik en moet soms ver stap om by my kliënte uit te kom,” vertel hy. Met sy skitterwit glimlag, galantheid en professionele voorkoms boesem Hayford dadelik vertroue in. Dis geen wonder dat baie van sy Suid-Afrikaanse vriende oudkliënte is nie. Hayford het gedurende 2007 van Ghana af Suid-Afrika toe gekom omdat hy gehoop het hy kan sy studies hier voltooi terwyl hy deeltyds werk. Hy het reeds die eerste deel van ’n kursus om…

Vir Magda Meyer is daar nie iets soos “kan nie”. Dié dinamiese vrou maak werk waar daar nood is en is ’n ystervrou in die gemeenskap van Drakenstein in die Wes-Kaap. Haar eie verhaal strook met dié van baie gesinne en sy weet hoe hard daar gewerk moet word om vir jou gesin te kan voorsien. “Ek self moes my trots opsyskuif en van deur na deur in die Paarl stap op soek na werk. Ek het my skoonmaakdiens in ruil vir kos, klere en hout aangebied. Ek het lang ure gewerk en dikwels gehelp om bejaardes te bad en te versorg.” Sy het nie vervoer gehad om by die onderskeie huise uit te kom nie en moes maar van voertuig tot voertuig ryloop totdat sy uiteindelik tuis is. Ná…

OKTOBER-BOEKE Wenkewenners wen vandeesmaand die boek Die rooi trem deur Stephanie en Henk Rappard. Hierdie liefdesverhaal strek van Suid-Afrika na Nederland en weer terug. Hier is twee mense wat bestem was om saam te wees, maar mekaar verloor het en ná baie jare weer gevind het. Die boek word deur Naledi uitgegee en is by toonaangewende boekwinkels beskikbaar. Meer inligting op www.naledi.online MIEMIE LOUBSER VAN BRACKENFELL SE WENKE: AAN DIE ROER Bedek die stok waarmee jy verf of roer, met kleefplastiek. Ná die takie kan jy die plastiek verwyder en die stok is silwerskoon, gereed vir ’n volgende keer. KNAP GEKNIP Knip rokmateriaal op ’n plastiektafeldoek uit. Die skêr gly makliker oor die gladde oppervlak. MIERPLAAG As miere hul intrek in ’n vrugteboom geneem het, draai ’n lap deurweek met…

#bakliefde Mareli WENK Vervang die salami met ham, spek of chorizo KROKETTE MET SALAMI 24 krokette 115 ml (110 g) botter250 ml (1 k) melk250 ml (1 k) room250 ml (130 g) koekmeel5 ml (1 t) sout2,5 ml (½ t) knoffelsout5 ml (1 t) pietersielie, fyngekap1 pak (100 g) salami, in klein blokkies gesny125 ml (65 g) koekmeel2 eiers, geklitsbroodkrummels500 ml (2 k) olie 1 Verhit botter, melk, room, koekmeel, sout en knoffelsout oor matige hitte terwyl jy voortdurend roer. Hou aan roer wanneer mengsel begin kook tot gaar en verdik, sowat drie minute. Verwyder van hitte.2 Meng pietersielie en salami met gaar beslag. Bedek met kleefplastiek en verkil in yskas vir twee uur.3 Vorm beslag in 5 cm-worse en rol krokette in meel, eier en dan in broodkrummels.4 Verhit…

Daar is bloot niks wat werklike talent, geslaagde kreatiewe eksperimentering, vakkundige opleiding en musikale integriteit kan vervang nie. Dié eienskappe gaan gewoonlik met ’n fyn aanvoeling vir teks, melodie en stemming gepaard, met ’n rou eerlikheid en ’n ongerepte aanslag – soos Emile Minnie en Lizanne Barnard dit doen. Albei het welslae by die ATKV se Crescendo-projek vir oorspronklike komposisies behaal, is deeglik in musiek onderlê en hul werk is bekroon. Hul styl is alternatief en kabaretgedrewe. Die resultaat is twee vyfsteralbums; ’n status wat by Oppinoot min kunstenaars beskore is en op die kort lysie saam met Luna Paige se Korreltjiekantel en Petronel Baard se Die heelal draai pryk! LIZANNE DELF KONTEM PORÊR Lizanne Barnard se album Gevlerktes is bloot iets heeltemal anders – tog sonder om te vervreem.…

Mens sou wou dink dat Pop Art sy ontstaan in die land van hamburgers en hot dogs, van Elvis Presley en Marilyn Monroe gehad het. Maar dit is nie so nie. Die nat klein eiland aan die Engelse Kanaal het die voorreg om die bakermat van dié kunsbeweging te wees. Dit was net ná die vernietiging van die Tweede Wêreldoorlog dat die Engelse argitek en kunskritikus Theo Crosby aan ’n uitstalling begin beplan het wat jare later steeds as ’n bepalende gebeurtenis in naoorlogse Britse kuns, maar ook kuns wêreldwyd, bekendstaan. Die uitstalling met die titel This is Tomorrow, wat in 1956 geopen is, het die werk van argitekte, skilders, beeldhouers en ander kunstenaars byeengebring en elkeen kon aan sy of haar siening van kontemporêre kuns uiting gee. Die trefkrag…

MOEILIKHEIDSGRAAD: ★★ WAT HET JY NODIG? Gebruik kleure van jou keuse Vir projek is kleure soos volg gebruik: 1 Teemus dwars gebrei Elle Pure Gold DK in Lily (wit), Caviar (swart) en Stonewash (grys) 2 Fraai met valletjies Elle Pure Gold DK in Lily (wit), Caviar (swart) en Stonewash (grys) 3 Kat Elle Mischief in Nantucket Klein stukkie wit en swart vir gesig 4 mm-naalde vir DK-breidraad 6 mm-naalde vir Mischief AFKORTINGS aw – aweregs aw2tes – aweregs 2 ste tesame don – draad om naald r –regs r2tes – regs 2 ste tesame rVa – regs voor en agter in dieselfde steek AANWYSINGS TEEMUS DWARS GEBREI Meet jou teepot van onder af tot hoogste punt, bv 15 cm. DK-breidraad = 22 ste oor 10 cm. Getal steke is hoogte…

Dis ’n plesierige affêre om Janina en Toks saam om ’n tafel te hê. Net so plesierig as wat hul kuiers saam met die res van die Toks & Tjops-span op ’n Vrydagaand is wanneer hulle kykers met kwinkslae en hul kennis oor sport voor die kassie vasgenael hou. Teen Janina lyk Toks presies so groot soos wat hy is – op 6 voet 5 duim was hy een van die langste spelers nog in Suid-Afrikaanse rugby. Dié twee is so gemaklik in mekaar se geselskap dat as jy nie van beter weet nie, jy maklik kan dink hulle is familie van mekaar. Dis hoeka hoe Janina en Toks na mekaar en die res van die span verwys: ’n hegte familie. Toe die eerste episode van Toks & Tjops in…

GONE TOO SOON Gone too Soon is ’n musikale eerbetoon aan afgestorwe musieklegendes wat deur hul musiek voortleef. Die vertoning word op 20 en 21 Oktober by die Lyric-teater, Gold Reef City, in Johannesburg gehou. Musiek van Michael Jackson, Whitney Houston, Freddie Mercury, Luther Vandross, George Michael, Elvis Presley, David Bowie, Prince en Amy Winehouse word opgevoer. Bespreek deur www.goldreefcity.co.za of bel 011 248 5000. Kaartjiepryse wissel van R150 tot R280 AFRIQUE MON DÉSIR Die wêreldmusiekproduksie Afrique mon désir met Laurinda Hofmeyr en die Afrique mon désir Ensemble het gehore in Frankryk gaande gehad en nou kan Kapenaars hulle in aksie sien. Die produksie word van 18 tot 20 Oktober by die Fugard-teater in Kaapstad opgevoer. Kaartjies vanaf R140 by www.thefugard.com of bel 021 461 4554 RMB WINEX Die gewilde…

Altyd mooi Hou jou paspoort en bankkaarte veilig en in goeie toestand met die Jekyll & Hide-leerpaspoorthouer, R699, www.jekyllandhide.co.za *Pryse onderhewig aan verandering Sagte skeer Loving Touch Glam Disposable Razors het aalwyn- en vitamien Everrykte stroke wat jou vel gedurende die skeerproses beskerm en bevog. Die Sensitive en Teenz Shave Gel sorg vir ’n gladde skeer en voorkom irritasie en ingroeihare. Boonop ruik dit heerlik. Skeermesse vanaf R17,25 en skeerroom R29,71. Skoon badkamer Hou jou toilet silwerskoon met Chemico Toilet Bowl Cleaner. Chemico gee ’n paar wenke hoe om jou badkamer oor die algemeen skoon en netjies te hou: ■ Hou stortdeure oop ná jy gestort het sodat ekstra vog en muf nie kan opbou nie.■ Hou jou badkamervenster altyd oop om te voorkom dat muf vorm.■ Hou die toiletklap…

Met sy stem, eiesoortige klawervernuf en briljante liedjies slaag Emile Minnie weer daarin om ’n album met musikale integriteit en literêre luisterswier te bied. Emile, veral bekend om die radiotreffer Vang my, se indrukwekkende diskografie – wat die albums Onderwaterdrome (sy albumdebuut in 2004), Supernova, Wagtende nagte, Donker liefde, Ligste donker, Anderkant die ewigheid en 15 Onvergeetlike jare insluit – getuig van gehalte. Sy splinternuwe album, Ongekende wêreld, bevat tien kragtige snitte. Hy skep met afgeronde eenvoud deur middel van emosiegelaaide kontraste, geverf teen ’n akoestiese klankdoek; meestal net sy stem en klavier, maar waar ’n melodie- en liriekkonteks vereis word, skep hy eiehandig ’n volledige orkes en harmoniekoor. Frank Smuts van West Beach Studios het die mengwerk ragfyn behartig. Hy verklank euforie, berusting en vrolikheid wat uit teëspoed, onsekerheid…

Is 21ste-eeuse mense so ’n bietjie soos plastieksakke? Hulle “vervuil” immers elke uithoek van die planeet, is skadelik vir die omgewing en is leeg! Dit is een van die vrae wat in Olga Tokarczuk se roman Flights ondersoek word. Flights was vanjaar die wenner van die Man Booker International-prys. Die roman is oorspronklik in 2007 in Pools geskryf, maar die Engelse vertaling deur Jennifer Croft het eers hierdie jaar verskyn. Flights gaan oor reis en die voortdurende staat van beweging waarin baie mense in die 21ste eeu hulself bevind. Die idee van beweging, van verandering as gevolg van beweging en die gevare van stagnering en stilstand, laat die leser plek-plek dink aan Breyten Breytenbach se werk waarin beweging ook ’n sentrale motief is. Die verteller in Flights beskryf haar ervarings…

Dis nooit maklik om te weet wanneer is die regte oomblik om ’n groot besluit te maak nie. Veral nie as jy soos ek enige moontlike krisis ten alle koste wil vermy nie. En groot besluite gaan dikwels met ’n krisis of ses, indien nie meer nie, gepaard. Ek sukkel om te besluit of ek vir roereier of gebakte eier lus is, jy kan jou dus voorstel met hoeveel trauma ’n veel groter besluit gepaardgaan. Soos byvoorbeeld wanneer is die regte tyd om te skei. Dis moontlik anders vir elke persoon, maar vir my was dit ’n kwessie van wanneer ek nie meer oneindig skuldig sal voel omdat ek iemand aan wie ek belowe het om die pad enduit te stap, die rug toekeer nie. Natuurlik weet ek dis nie…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Die begeerte en hoop dat iets sal gebeur soos ’n mens verlang SMS jou antwoord, voorletters, van en dorp/stad voor of op 31 Oktober 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). OPLOSSING: Swaelsuur, sluwer, walrus, walrus, wasser, alwer, larwe, sluwe, swael, swaer, lawe, ruwe, swel, wals, ware, wars Woordsoek Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat elke letter in die alfabet se kode is. OPLOSSING: 1=P,…