Innholdsfortegnelse for 5 October 2018 i Vrouekeur

Dit het my opgeval hoeveel artikels hierdie week oor menswees gaan. Van “Oor gaywees en genade” tot “Daar is ’n silwer randjie”. Die HAT se verklaring van die woord “mens” is: “iemand wat sy/haar verstand en taal gebruik”. “Menswees” word verduidelik as “die mens se bestaan as mens”. En “menslik” is: “volgens die natuur van die mens; eie aan die/’n mens”. Al drie woorde se verklarings is vir my beperkend, wollerig en vat nie die begrippe vir my regtig vas nie, veral nie die betekenis van “menslik” nie. Die insluiting van die woord “natuur” in dié verklaring is vir my problematies, want wat vir een mens “natuurlik” is, is vir ’n ander mens “onnatuurlik”. Jou sosiale konteks en voorwaardes, dogmas, opvoeding, blootstelling en die gemeenskap wat jou as mens vorm,…

Enkele dae voor Bauke Snyman se drama by die Baxter-teater in Kaapstad open, ontmoet ons mekaar. Swerfgoed het vanjaar by die KKNK gedebuteer en was een van 15 tekste wat by Kunste Onbeperk se Teksmark gekeur is. Die doel van die Teksmark is om nuwe Suid-Afrikaanse verhoogtekste te ontwikkel. Dis vanjaar met ’n spesiale Fleur du Cap-prys vir vernuwing in teater bekroon. Swerfgoed is ook vir beste debuutteks met ’n Kanna bekroon. In die rolverdeling is ook Nicole Holm, Richard September en Andrew Laubscher. Swerfgoed bied ’n distopiese blik op erfenis en opoffering. Iewers in die nabye toekoms is water die duurste en kosbaarste hulpbron. En mense sal selfs moord pleeg om dit in die hande te kry. Op ’n godverlate vlakte, by Motel Stillewater, gons dit. Ek wonder hoekom…

“Ek het swaar aan bagasie van pyn, haat, minderwaardigheid en woede gedra. Na die ontdekking van my persoonlikheidstipe, wat my so eerlik en raak beskryf het, het daar ’n lig aangegaan. Ek het ’n nuwe bril ontdek om deur te sien,” vertel Connie Oosthuizen. “Ek was ’n gelukkige kind wat op Cullinan in ’n stabiele huis grootgeword het. Ek het baie veilig gevoel totdat ek deur ’n kennis gemolesteer is. Dit is eintlik waar ek my eerste tas met emosionele bagasie begin pak het. Ek het die voorval baie diep gaan wegbêre en vir niemand daarvan vertel nie. Eers baie jare later as jong vrou het ek daardie pyn uit die tas gaan haal en dit met die hulp van ’n berader suksesvol verwerk. As kind was ek redelik stil…

Ons lees daagliks in die koerante en op die internet van hoe sleg dit in die wereld gaan: moord, misdaad, oorlog, hongersnood, droogte, aardverwarming, armoede, natuurrampe, siektes, uitwissing van spesies, noem maar op. Dit voel of niks goeds meer in gebeur nie. Daar is dié wat glo ons lewe in die eindtye en dat al hierdie gebeurtenisse besliste tekens daarvan is. Mense het lankal aanvaar dat die lewe nooit weer sal wees soos dit in die “goeie ou dae” was nie. Maar was die goeie ou dae werklik so goed? Gaan dit regtig deesdae só sleg op die aarde? Of is dit slegs ons persepsie omdat inligting so geredelik beskikbaar is en ons met slegte nuus oorweldig word? Sommige dinge kan ons nie wegredeneer nie, soos dierespesies wat uitgesterf het…

KOM PROE SAAM By Spier-landgoed kan jy tussen 1 September en 31 November 2018 aan vier wyne wat met kanapees gepaar word, proe. Daar is: The Private Collection Organic Rosé met ’n Spaanse wit gazpacho van amandels en brood met salsa; The Ideology Sémillion met brioche en garnale; The 21 Gables Pinotage met brie en Méthode Cap Classique met heuningmeringue en bessies. Dit kos R95 per persoon by die Spier-proelokaal. Bel 021 809 1147 of besoek www.spier.co.za Het jy dít geweet? ■ Daar word beweer dat vonkelwyn per ongeluk deur die monnik en keldermeester Dom Pérignon gemaak is. Die borrels was eers as ’n defek in wyn gesien.■ Gee vonkelwyn wat oornag oop gestaan en borrels verloor het, weer nuwe fut deur ’n bietjie suiker in jou glas te gooi, gevolg…

#bakliefde Mareli SJOKOLADEROOMTERT 1 tert KORS 2 pakkke (400 g) Romany Creamkoekies90 ml (90 g) botter60 ml (55 g) demerara-bruinsuiker VULSEL 250 ml (1 k) room3 blokke (240 g) donkersjokolade3 groot eiers180 ml (150 g) suiker30 ml (2 e) water125 ml (120 g) sagte botter10 ml (2 t) vanieljegeursel BOLAAG 125 ml (. k) room30 ml (2 e) versiersuiker2,5 ml (. t) vanieljegeurselsjokoladeskaafsels aarbeie Spuit ’n 22 cm-losboomkoekpan met kleefwerende sproei. 1 Kors Kap koekies fyn tot krummels. Meng botter en bruinsuiker en verhit oor matige hitte. Roer totdat suiker gesmelt is. Meng bottermengsel met koekiekrummels en druk mengsel netjies in pan vas. Sit in yskas om te stol. 2 Vulsel Klits room tot stywepunt en verkil in yskas. 3 Kap sjokolade fyn en smelt. Hou eenkant. 4 Klits eiers,…

Toe ek klein was, het ek gedog alle dogtertjies het ’n werksbank in hul slaapkamers en kan ’n egte diamant of ’n fake ’n myl ver uitken. Toe nie. Ons gesin van vyf was weliswaar nooit brandarm nie, maar veral toe ons jonger was, was die maand soms langer as die geld. My dierbare juwelierspa het dus soveel as moontlik ekstra werkies nauurs probeer inpas. Aangesien die twee ouer sussies reeds ’n kamer moes deel, is sy werksbank in mý pienk kinderkamer staangemaak, met sy opregte apologie. Ek het soms laataand wakker geword en hom by ’n klein liggie sien sit en werk, so suutjies as moontlik om my nie wakker te maak nie. Smiddags ná skool het ek graag by die houtbank gaan sit en my verkyk aan die…

Die Louvre in Parys het ’n goeie somer agter die rug met die besigste tydelike uitstalling in die geskiedenis van die kunsmuseum. Volgens die museum het meer as ’n halfmiljoen besoekers by die Louvre opgedaag om Delacroix, ’n omvangryke uitstalling van die werk van dié kunstenaar, wat as die voorloper van die Franse Roman tiek beskou word, te sien. Kort voordat die uitstalling op 23 Julie tot ’n einde gekom het, was die besoeksyfer soveel as 7 200 per dag. Dit was die eerste keer sedert die uitstalling in 1963 waarmee die 100ste jaar ná die dood van Eugène Delacroix (1798–1863) gevier is, dat die Louvre weer ’n omvangryke Delacroix-uitstalling aanbied. Die meeste van die skilderye in Delacroix kom uit die Louvre se permanente versameling. Onder die 180 skilderye wat…

MOEILIKHEIDSGRAAD: ★ ★ BENODIGDHEDE MoYa Aran Caresse 100% katoen (50 g-balle): 1 bal elk Raspberry en Carnation, 2 balle Champagne en 3 balle Willow 4 mm-hekelpen Naald met groot oog GROOTTE Lengte vanaf skouer = 66 cm en breedte = 55 cm AFKORTINGS EN STEEKVERDUIDELIKINGS beg = begin, dies = dieselfde, dr = draai, gp = groep, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, ls = lus, rdte = rondte, sp = spasie, st = steek, tes = tesame, vlg = volgende VOORPANT Met 4 mm-pen en Raspberry, hekel 6 ks, gs in 1ste ks om ring te vorm. 1ste rdte: 4 ks (= 1 lb + 1 ks), (1 lb, 1 ks) 11 keer in ring, gs…

MAN KYK NA TIENERPORNOGRAFIE Ek het onlangs pornografiese webtuistes op my man se foon gekry. Wat ontstellender is, is dat dit tieners is wat seksueel verkeer. Ek het ’n dogter uit ’n vorige huwelik wat ’n tiener is en ek is nou bevrees dat my man iets aan haar sal doen. Hoe hanteer ek die situasie? – Geskok van Welkom Ongeag die ongunstige effek wat die pornografie op jou en jou man het, is sy voorkeur van dié tipe pornografie baie gevaarlik. Kinderpornografie kan maklik deur die vernuftigheid van die polisie opgespoor word. Daardie tipe webtuistes is gewoonlik op die radar van mense wat die stryd teen kinderpornografie voer. Dit is redelik onwaarskynlik dat jou dogter betrek sal word, maar jy moet haar behoorlike leiding gee oor enige onwelvoeglikheid en…

Ek skrik vir niks, behalwe God Maak musiek wat lekker skop Hou van spot, ek het passie met die geloof van Job Dankbaar vir alles: reg of sleg, want ek lewe nog! Só besing Earl Swartz, oftewel die gewilde hip-hopkunstenaar Early B, wat pas sy debuutalbum Aangename kennis uitgereik het, die koms van lente vars en vrolik. Hy sê die verbrokkeling van ’n hegte vriendskap was die ergste emosionele winter wat hy moes trotseer, maar daaruit het vernuwing gespruit. “Ek was sewe jaar lank deel van ’n duo en toe besluit my beste pêl hy wil nie meer musiek maak nie. Sy keuse het koud gevoel. Ons het dieselfde droom gekoester en toe gee hy op op ons droom. Ek moes die pad alleen aandurf en op daardie oomblik het…

FOTOBLOKRAAI 38 Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Saamwerk met een of meer persone aan ’n projek SMS jou antwoord, voorletters, van en dorp/stad voor of op 24 Oktober 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

ENGELE-VRIENDINNE ’n Paar maande voor my enigste dogter se troue, beland ek in die hopsitaal, waar ek drie weke moes deurbring. Die eerste dag terug by die werk, roep my werkgewer my in. Ek word gevra om te bedank. Ek is die broodwinner, want my man is oorlede toe my dogter maar ’n baba was. Ek lê nagte wakker oor die troue wat voorlê en als wat nog gedoen moet word en waarvoor daar nou nie meer geld is nie. Maar ek het my verniet bekommer. ’n Liewe vriendin neem oor, mense word gekontak, sy self verrig wondere en dinge val in plek. En watter mooi dag het ons nie gehad nie, weliswaar met ’n traan toe haar ouboet haar trots inbring. Hoe kan mens genoeg dankie sê vir sulke…

Dis middagete op die stel van die Kaapse sepie Suidooster en Dean Smith neem ’n welkome blaaskans. Buite waai die wind vir ’n vale, maar die akteur is min gepla. “Ag nee wat, dit pla my nie, jy kan tog nie die skakelaar afsit nie,” se die Malmesbury-boorling, sonder ’n teken van die bekende bry wat so eie aan daai omgewing is. “As ek by die huis kom, is dit ’n ander storie, dan bry ek lekker saam. Jy wil mos nie die odd one out wees nie.” Die 24-jarige Dean is duidelik ’n gemaklike ou sonder enige fieterjasies. “Ek is beslis ’n tipiese plattelandse japie en ek’s trots daarop. Ek is baie dankbaar vir my grootwordjare in ’n klein gemeenskap. “Die antie onder in die straat is sommer jou…

Kunstenaars se wel en wee trek dikwels net soveel aandag as hul kunswerke en wanneer twee kunstenaars in ’n verhouding staan, kom ’n ekstra laag dinamiek in gedrang. Hoe beinvloed hulle mekaar en hoe hou twee kreatiewe siele onder een dak dit met mekaar uit? Diego Rivera en Frida Kahlo het wonderlike kuns ten spyte van hul stormagtige verhouding gemaak, Christo en Jeanne-Claude het 51 jaar saam aan fabelagtige landskuns gewerk, terwyl die performance artists Marina Abramovic en Ulay hul verhouding dramaties op die Groot Muur van China beëindig het. Suid-Afrika spog ook met vele suksesvolle kunstenaarspare wat unieke verhoudings handhaaf. ALLEN LAING EN HEIDI FOURIE Die eerste keer wat Allen Laing en Heidi Fourie my aandag aangetrek het, was by Africa Burn in die Tankwa-Karoo waar hulle trampolien gespring…

HOENDER-EN-GROENTELENTESOP 4 porsies 250 ml (1 k) gort1 ui, in halfmaanringetjies gesny5 ml (1 t) fyn knoffel2 wortels, gerasper4 murgpampoentjies, gerasper250 ml (1 k) bevrore ertjies2 hoenderborsies, in klein blokkies gesny10 ml (2 t) groentesout15 ml (1 e) fyn koljander1,5 l (6 k) hoenderaftreksel1 suurlemoen se skil10 ml (2 t) suurlemoensaphandvol vars basiliekruidblare 1 Kook gort in genoeg water tot sag, dreineer en hou eenkant. 2 Braai ui en knoffel in bietjie olie. Gooi wortel, murgpampoentjies, ertjies en hoender by uie. 3 Gooi speserye en aftreksel by. Kook tot hoender en groente gaar is. 4 Geur met suurlemoenskil en -sap. 5 Skep vir elke gas ’n porsie gort gevolg deur hoendersop en vars basieliekruid. VISBREDIE 4 porsies 1 ui, gekap5 ml (1 t) fyn knoffel5 ml (1 t) fyn gemmer5…

Personas, alter ego’s, skuilname en maskers in musiek kan nogal verwarrend wees. Dit skep ook ’n tikkie geheimsinnigheid. Hoe lank is daar nie destyds bespiegel en selfs gewed oor watter musikant onder die masker van daardie kitaarspeler geskuil het nie! En daar was selfs ’n sanger wat hom soos ’n oorlogvlieënier vermom het! Die redes waarom kunstenaars dié roete volg, is uiteraard legio; dikwels omdat hulle ’n ander loopbaan ook volg en, veral in die verlede, aan drakoniese wette en sensuur onderwerp was. Deesdae is dit eintlik maar net om ánders te wees. Ander skuil agter niks en is gemaklik daarmee om paartievrate Saterdagaand op die dansvloer te verlei. In ander gevalle is dit bloot slim bemarking. Twee voorbeelde daarvan is die aktrise Sorina Erasmus, wat haar karakter, die Flooze,…

SÊ KAAS! Die derde jaarlikse Say Cheese!-vakmankaasskou word op 6 en 7 Oktober by die Italiaanse Klub, Milnerton, gehou. Daar sal weer eens kaasmakers, bakkers, brouers en wynmakers onder een dak wees. Die naweekprogram spog met van die voorste sjefs, kosblogskrywers en wynprodusente wat proeë en demonstrasies sal aanbied. Kaartjies is beskikbaar by Webtickets of by die deur teen R95 vir volwassenes en R55 vir pensioentrekkers en kinders tussen 12 en 18 jaar. Kinders onder 12 geniet gratis toegang. Vind meer uit by info@saycheesefair.co.za IL DIVO IN SUID-AFRIKA Die internasionale groep Il Divo kom in November Suid-Afrika toe as deel van hul wêreldwye konserttoer om hul 15de bestaansjaar te vier. Konserte saam met gaskunstenaars sal in Pretoria en Kaapstad gehou word. Die vertonings vind op 9 en 10 November in…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Sonder hout bly ’n vuur nie brand nie; sonder ’n … hou ’n rusie nie aan nie SMS jou antwoord, voorletters, van en dorp/stad voor of op 24 Oktober 2018 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Net soos wat enige kamera dadelik van haar bekoorlike kuiltjies en groot groen oe hou, so kan mens nie anders as om eensklaps van Ilne Nienaber te hou nie. Haar vriendelikheid en die oop en eerlike manier waarop sy oor haar loopbaan, haar man en haar kinders gesels, maak dat jy voel asof jy met ’n goeie vriendin sit en kuier. “My pa het kleintyd altyd vir my gesê ek is sy sjampanjeborrel,” sê sy en lag oor die kompliment dat haar lewensvreugde nie misgekyk kan word nie. Ilne is ’n ou bekende op Suid-Afrikaanse TV. As ’n bloedjong 19-jarige het Egoli-kykers haar as Laine, ’n jong sekretaresse by Walco leer ken. In 7de Laan was sy Libby, die kelnerin, en sy het ook die kans gekry om die bose…

Vasgevang in haar charismatiese kerk se siening van ’n gay lewenswyse as pervers, ongebalanseerd en vuil – en dus ongetwyfeld sondig – het Retha Benade twee dekades lank met selfveragting geleef. Dit was ’n lang en moeilike pad om uiteindelik haar geloof en seksuele oriëntasie te versoen en te kom waar sy vandag is – ’n selfversekerde, gebalanseerde, gelowige gay vrou wat op 51-jarige ouderdom elke moontlike oomblik aangryp om oor die gay kwessie te praat. Retha se memoires God, gay, genade is verlede jaar deur Naledi gepubliseer en onder die min boeke in die openbare domein waarin ’n gay vrou vertel van die moeisame pad wat sy tot selfaanvaarding gestap het. Retha, die jongste van drie susters, het ook op ander vlakke ’n stryd gestry. Haar erg wanfunksionele kinderjare…

REISWENK Hou ’n koekie seep (sonder die omhulsel) tussen jou vuil klere sodat dit nie stink nie. KIEK ’N KAARTJIE Neem visitekaartjies met jou selfoon af. Só het jy die inligting, al verlê jy die kaartjie. ROESKOLLE OP KLERE? Maak ’n mengsel van sout en vars suurlemoensap en smeer dit daaraan. WAS DIE BLOED UIT Kry bloed uit klere deur dit vir ’n uur in koue water met sout te week en daarna gewoonweg te was. SOUS VIR DIE KOPER SMEER KOPERGOED MET TAMATIESOUS EN SPOEL DIT NÁ VYF MINUTE AF. MAKLIKER AF Smeer baba-olie oor ’n pleister voor jy dit afhaal. KRY DIE WOLLE AF Verwyder wolletjies van klere met ’n skuursponsie. AS DIE POT OORKOOK Sit ’n houtlepel oor die pot om te keer dat dit oorkook. OKTOBER-BOEK…

VRIES MEER AS NET YS GLAD Ice Cube Bags is ’n veelsydige produk vir die kombuis. Nie net kan jy ys daarmee maak nie, maar vries ook sommer groentepuree daarin wat jy later as geurmiddel in disse kan gebruik. Nog ’n idee is om kruie fyn op te kap, met olyfolie te meng en dit ook te vries. Dis ’n heerlike geurmiddel in baie disse. Ongeveer R27 vir ’n pakkie. Somerdrankie Teug aan Sir Fruit Brewed Ice Tea noudat die somer op pad is. Daar is so min as moontlik byvoegings in hierdie ystee, en dit het ’n baie lae suikerinhoud. Kies uit geure soos appel & ment, bosbessie, perske en suurlemoen & lemmetjie. Ongeveer R14,99 vir 500 ml en R29,99 vir 1,5 ?. Stylvolle krane Hansgrohe se uitsonderlike badkamerprodukte…

ROLPRENTE BILLIONAIRE BOYS CLUB 7/10 Met Ansel Elgort en Taron Egerton Regisseur James Cox WARE LEWENSDRAMA Jy kan maar weet, sodra daar geskryf staan: “Gegrond op ’n ware verhaal” gaan dit jou skok en onthuts, maar jy moet ook weet dat Hollywood daarvoor bekend is dat hulle heelwat by die waarheid bylieg om dit meer prikkelend te maak. Presies hoeveel hiervan waar is, sal lesers seker nooit weet nie. Dit gaan oor ’n groep superryk vleispaleise wat meer tyd in die gim as in die bestuurder se kantoor deurbring en hul eie korrupte maatskappy begin wat geld links en regs uitgee sonder dat hulle dit in die bank het. Natuurlik word die fraai gesiggies uitgevang. Maar dan word twee moorde gepleeg. Dit is fassinerend en dikwels ontstellend om te dink…

Ons almal kry soms die gevoel dat daar groot fout met ons wereld is. Ons is besig om die omgewing met plastiek en steenkoolrook te vernietig; renosters en kameelperde sterf uit; die lewe word ’n dolle gejaag na beter huise, karre, klere en beter werk om daarvoor te betaal; die hele wereld se politiek skyn omgekeer te wees; wetteloosheid is oral sigbaar; gewone ordentlikheid, hoflikheid en bedagsaamheid verdwyn. Soms word ons dan ook deur die bewustheid van ons eie aandeel aan hierdie klomp aaklige goed in die wêreld oorval, sukkel ons met angsaanvalle en depressie (maar plaas natuurlik steeds net die vrolike en goeie dele van ons lewens op Facebook en dan voel ons verbaas en afgunstig omdat ander mense se lewens op Facebook so gelukkig lyk terwyl ons mislik…

Teen die hange van die Bolandse berge op Somerset-Wes buite Kaapstad, het die jong Chateau de Balyon-gesin vroeg vanjaar hul droomhuis gebou. Cynthia is ’n binneversierder wat ook kinderspeelgoed en -klere ontwerp en maak, en haar man, Nicolas, is ’n baanopsigter. Hul dogtertjie, Giselle (3), is natuurlik die eintlike baas van die huis en ’n hond met ’n swaaiende stert en vriendelike geaardheid, Meida, verwelkom jou by die hek. Cynthia se keurige hand is oral in die huis te sien. Sy beskryf hul huis se styl as moderne Skandinawiese minimalisme. Hier is niks oortolligs of uit sy plek nie. Hulle wou nog altyd bou. Haar pa besit die erf in dié gevestigde buurt al baie jare en dit was ideaal vir hul saamwoondroom. Met die nuwe ontwerp wou sy alles…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Op ’n dag het ’n paartjie wat langer as 15 jaar getroud was, besef dat hulle al hoe meer stry. Hulle wou albei hul huwelik laat werk en het toe ooreengekom op ’n idee wat die vrou gehad het. Hulle moes elkeen vir een maand elke dag ’n notatjie in ’n boks gooi waarin elkeen die ander een se foute of dit wat hulle van die ander een gepla of geirriteer het, moes neerskryf. Die vrou het elke dag met oorgawe haar papiertjie met dinge opgeskryf en in die boks gegooi. Dinge soos: nat handdoeke op die grond; broodkrummels op die kas; vuil wasgoed op die grond. So het sy…

WOORDSPEL 38 Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 15 woorde, baie goed 19 woorde of meer, uitstekend OPLOSSING: Rietblits, librettis, bitter, blerts, beits, beril, besit, blits, bries, stilb, beis, bier, bies, bler, bles, brei, bres, bril, ibis Woordsoek 17 wynkelders in Suid-Afrika is in hierdie rooster wegesteek. Hulle kan horisontaal, vertikaal, onderstebo, agterstevoor of diagonal gelees word en…