Innholdsfortegnelse for 14 September 2018 i Vrouekeur

WEN Bekendes het hom ’n vriend genoem. Vir armes was hy ’n vrygewige Robin Hood, maar vir die meeste mense was hy die gevreesde Godfather van die Wes-Rand. Saam met sy berugte vriende het hulle slagoffers met skelmstreke ingeloop. Toe verdwyn Ralph in 2011 en almal wonder wat van hom geword het. www.penguinbooks.co.za 3 lesers kan die boek wen. SMS RALPH gevolg deur jou naam, van en adres voor 19 September 2018 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxton-tydskrifaanbiedinge aan jou te bied. *Pryse onderhewig aan verandering…

Hy het al twee TV-programme op kanaal 147 aangebied. Eers het hy drie vroue in Die eet oorlog op hul reis na maerword ondersteun en daarna het hy verskeie mediese uitdagings in Dokter-dokter aangepak. Dié besige dokter is as die oudste van twee kinders in Postmasburg in die Noord-Kaap as Owen Johannes Wiese gebore. Hy het die grootste deel van sy skoolloopbaan op Vredenburg aan die Weskus voltooi en ook daar gematrikuleer. Ná sy studies aan die Universiteit Stellenbosch, het hy ’n jaar lank op Bethlehem in die Vrystaat gewerk en ongelooflike mense daar ontmoet, vertel hy, maar sy hart behoort aan die Kaap. Saans ná werk wag sy ander helfte, Rohan, hom in met kos en tee saam met hul twee oogappels, hul honde, Annemari en Rentia. “Annemari is…

Dr Laura Markham, ’n Amerikaanse skrywer, gee die volgende wenke om jou kinders onvoorwaardelik lief te hê: ▸ Aanvaar en waardeer jou kinders se swakhede. ▸ Moenie dit op jou kind uithaal as jy byvoorbeeld ’n seun wou gehad het en nou ’n dogter het nie. ▸ Probeer om jou kinders se foute deur hul oë te sien. ▸ Empatie is onvoorwaardelike liefde in aksie. Aanvaar jou kinders se gevoelens en stel grense ten opsigte van hul gedrag. Byvoorbeeld: “Ek kan sien jy is kwaad, maar moet my nie slaan nie.” ▸ Beteuel jou humeur. * Skuilnaam As jy dink dat jy die foute hierbo met jou kinders maak, voltooi die vraelys op www.vrouekeur.co.za BRONNE: www.psychologytoday.com, www.psychcentral.com. Stuur ’n e-pos vir Tini Visser na visser. tini@gmail.com…

WAAR KOOP EK DIT? Contempo www.contemposhop.co.za 0861 729 727 Country Road, Woolworths www.woolworths.co.za 0860 022 002 Foschini www.foschini.co.za 021 938 1911 (Hoofkantoor) Jo Borkett www.joborkett.co.za 011 462 0604 (Hoofkantoor) Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com…

Niks oortref musiek met mooi woorde en mooi melodieë nie. En min komponiste het meer waarde en gehalte aan die Afrikaanse musiekskat toegevoeg as die digter, kitaarspeler en sanger Koos du Plessis. En min kan ’n mooi stem (met fisieke aantreklikheid boonop) soos dié van die Italiaanse poptenoor Patrizio Buanne en die Suid-Afrikaanse bas Wynand Strydom oortref. Dit is egter gewildheid wat vir elke kunstenaar ’n bonus is. Daarvan getuig Juanita du Plessis, ná 20 jaar steeds bo-aan die trefferparades. Oppinoot luister. MUSIKALE DIGTERSKAP Wynand Strydom, die sanger met die rasperstem, se agtste solo-album, Skielik is jy vry (Universal), ’n huldeblyk aan Koos du Plessis, het in ’n japtrap tot bo-aan Itunes se Top 10 gevorder. Die album bevat 16 snitte, al die gewildstes, maar ook ’n paar wat minder…

The Unbearable Lightness of Being, die rolprentweergawe van Milan Kundera se gelyknamige roman, speel tydens die Praagse Lente van 1968 af. Tomas (Daniel Day-Lewis), Sabina (Lena Olin) en Tereza (Juliette Binoche) is die drie hoofkarakters wat in dié tyd van bevryding (van Sowjetoorheersing) aan artistieke, intellektuele en romantiese ontwaking in Tsjeggo-Slowakye gestalte gee. Vir die rolprentweergawe het regisseur Philip Kaufman in die plek van Beethoven, wat in die Kundera-teks figureer, die musiek van die Tsjeggiese komponis Leoš Janáček (1854–1928) gebruik. Hoewel Janáček 40 jaar voor die Praagse Lente dood is, is sy musiek gebruik juis omdat sy musiek op “die gewone mens” gemik was; omdat hy sy invloed gebruik het om klassieke musiek vir ’n ieder en ’n elk te skep. Dit was veral Janáček se insluiting van die volksmusiek…

I n André P Brink se roman Duiwelskloof besef Grootvaar Lermiet dat iemand wat absolute mag oor ’n groep mense wil uitoefen, nodig het om hul geskiedenis te beheer. Maar hy besef ook dat dit nie altyd maklik is nie, want, soos hy verduidelik: “Die ding met gister is: hy bly nooit lê nie, jy moet hom altyd van voor af platslaan.” As mens ’n spesifieke weergawe van die wêreld wil vestig, en ander weergawes daarvan nie wil laat vertel nie, moet gister elke dag van voor af platgeslaan word. Wanneer die mag om gister te bly platslaan egter wegval, kan mens verwag dat gister nie gaan bly lê nie. Sekere stories wat in die verlede deur die magtige masjinerie van die NP-regering platgeslaan is, het ’n neiging om weer…

Suid-Afrika is regoor die wêreld bekend vir sy blomme en veral vir sy rykdom van inheemse plante. Plaaslike kwekers het ook ’n groot impak gemaak met uitsonderlike hibriede van eksotiese plante en ons Hippeastrums – algemeen bekend as amarillis – word as die beste ter wêreld gereken. Die Hippeastrum kry sy naam van hippeus, ’n ridder, en astron, ster, en dis maklik om te sien hoekom. Elke standaard bol gee ongeveer ses vorstelike 22 cm-blomme (dis wyer as hierdie bladsy!) per stam en daar is ongeveer twee of drie stammetjies per plant. Selfs vir ’n groot bolplant soos die Hippeastrum is dit indrukwekkend. Die kleure wissel van wit tot ligpienk, magenta, oranje, gestreep tot mahoniekleurig. Die meeste mense sit hul amarillis in potte, maar hulle kan ook met groot sukses…

Ek is weer terug op my pos ná drie wonderlike weke in Griekeland waartydens die res van die Vrouekeur-span die wa deur die drif getrek het. Trouens, dié span vroue trek nie net ’n wa deur ’n drif nie, hulle bou sommer eiehandig ’n brug om oor enige rivier te kom. Ek kon met ’n geruste hart vakansie hou. Wanneer mens met vakansie is, het jy tyd om te dink. Jy is sonder werksdruk, stres, verpligtinge en het genoeg ure in jou dag. Hoe ouer mens word, hoe meer besef jy dat elke dag belangrik is. Wanneer mens tyd het om te dink, kan jy jou lewe in oënskou neem, raak dinge vir jou helder en kry jy perspektief. Ek het net weer eens hierdie vakansie besef dat die belangrikste…

Byna twee en ’n half jaar lank al hou ons aand vir aand die wel en wee van die Stryder-rugbyspan in Getroud met rugby dop. Dis egter nie net die rugbyspelers en hul afrigters wat vir aksie en drama sorg nie. Die skepper van Getroud met rugby die sepie, Deon Opperman, het baie slim te werk gegaan en ’n hele netwerk rondom die rugbyspan geskep wat aand vir aand vir genoeg aksie, drama en pret sorg. Nina Bekker en haar man, Gideon, is geen uitsondering nie. Vandat hierdie sepie op 4 April 2016 op kykNET (kanaal 144) afgeskop het, is hierdie twee en hul vier kinders al deur enorme krisisse en vreugdes. Nie net moes die gesin hul lewe in Bloemfontein agterlaat om saam met rugbyspeler Ouboet Reitz (Sean van…

Ouers het ’n groot invloed op hul kinders se lewe en toekoms. Sommige ouers gaan egter te ver en probeer om hul kinders na hul hand te vorm en hul drome deur hul kinders uit te leef. Dit kan verreikende gevolge hê. San-Mari* vertel: “As jong student wou ek tale en joernalistiek studeer. My pa het egter geweier en my gedwing om ’n studierigting in die regte te volg. Ek het my graad gekry, maar nooit gepraktiseer nie. Regte was my pa se droom, nie myne nie …” Tini Visser, ’n voorligtingsielkundige, sê ouers wat kinders na hul beeld wil vorm, laat dikwels nie ruimte vir hul kinders om foute te maak nie. “As kinders nie uit foute leer nie, het hulle nie eendag die vaardighede om self probleme te…

Dit klink na ’n gewigtige begrip en skep onder baie mense ’n verwagting dat iets bonatuurliks moet gebeur vir jou om te besef wat jou lewensdoel is. Dr Gustav Gous is die stigter van die Diversity Intelligence Institute en ’n lewensafrigter. Hy sê elke mens is gebore as ’n oplossing vir ’n probleem. Die “probleem” is ’n behoefte en jy beskik oor ’n talent om in een of ander behoefte te voorsien. Dít is jou “lewensdoel”. Hy sê dis ook belangrik om te besef dat jy nie slegs een lewensdoel het nie, maar verskeie wat jou lewe laat sin maak. Michelle Williams van The Chopra Centre skryf dat elkeen ’n lewensdoel het, en binne daardie doel lê jou unieke talent wat jy met dié om jou moet deel. “Dit is…

Kinders wat ernstig beseer word, is die ergste, sê hy. Hy vertel van ’n peuter wat amper in sy ouers se visdam verdrink het. Daar was geen hoop vir die kind nie, maar hy en sy span het hom bygebring. Aanvanklik is gesê die kind sou blind, doof of gestremd wees, maar hy is vandag perdfris. Vir die ouers is Jerry ’n held. As daar ’n verjaardagpartytjie is, word hy genooi. Hy wys vir my foto’s van die mannetjie wat nog nie twee jaar oud is nie in ’n klein paramediese uniform. Dís die soort ding wat hul werk die moeite werd maak. Eintlik, vertel Jerry, is hy eintlik al op aftree-ouderdom. Omdat die werk so veeleisend en die ure so lank is, word aanbeveel dat jy dit nie langer…

Jy het net 18 jaar van jou kind se lewe – soms minder – en voor jy jou oë uitvee, is dit verby. Mens wil soveel moontlik gehaltetyd saam met jou kinders deurbring, maar dis nie altyd so maklik as ander eise jou tyd opvreet nie. Gehaltetyd beteken nie duur, komplekse of selfs lang tye saam nie. Dit gaan daaroor om dinge saam te doen en bande te versterk. Greg van der Merwe, ’n pa van twee dogters op Ballito, sê hulle maak eenvoudig gereeld ’n uurtjie tyd ná huiswerk of oor ’n naweek en dan sit hulle net almal lekker buite onder hul lapa en teken saam of hulle gaan stap met die hond. Adri Joubert, ’n besige ma van twee laerskoolkinders op Potchefstroom, sê hulle maak ’n punt…

AVOKADO-PESTO-PASTA 4 porsies 500 g skulpiepastaPESTO100 g (1 pakkie) kasjoeneute2 avokado’s, geskil en ontpit1 5 g (1 pakkie) vars basiliekruid1 5 g (1 pakkie) vars pietersielie15 ml (1 e) suurlemoensap½ suurlemoen se skilknypie neutmuskaat60 ml olyfolie5 ml (1 t) fyn knoffel3 0 ml (2 e) parmesaankaas, geraspersout en peper 1 Kook pasta in borrelende soutwater tot net gaar, dreineer en hou eenkant. 2 Rooster neute in droë pan tot net bruin. Laat afkoel. 3 Gooi alles in voedselverwerker en verpulp tot net fyn. 4 Roer pesto deur warm pasta en sit met ekstra parmesaan-skaafsels voor. WENK As die pesto te droog is, gooi nog olie by terwyl jy dit verpulp. AVOKADO-GEVULDE HOENDER 4 porsies 4 hoenderborsies1 ui, gekap5 ml (1 t) fyn knoffel200 g (1 pakkie) spekstukkies2 avokado’s, geskil en…

Dink jy aan KwaZulu-Natal, is plantasies sekerlik een van die eerste goed wat by jou opkom: suikerriet, pynappels, denneof bloekombome. Die provinsie is nie verniet die land se tweede grootste houtprodusent nie. Dan dink jy aan die heuwels en valleie wat vir kilometers strek en waar Zoeloehuisies hoog teen rantjies staan. ’n Vriendin het iewers gelees dat slegs 0,25% van Suid-Afrika nog deur inheemse woude beslaan word. Genoeg rede vir ons om uit Durban te ry vir ’n paar dae, ons vriende en hul bergfietse saam. Die Anew Hotel Ingeli Forest & Spa lê net neffens die N2 tussen Kokstad en Harding. Die N2 is natuurlik die vinnigste opsie, maar ons kies die agterpaadjies, met Ixopo onderweg ons hoofdoel, want Ixopo vorm die bekende openingslyn van Alan Paton se Cry,…

ROLPRENTE THE PREDATOR 3D Met Olivia Munn en Yvonne Strahovski Regisseur Shane Black AKSIE-RILLER Enige leser wat na ’n plakkaat van die rolprent kyk waarop die Predatormonster in sy (haar?) volle glorie paradeer, sal die res van die dag kalmeerpille soos Smarties moet sluk. So ’n gruwelmonster het ’n mens nie nodig in ’n land wat daagliks onder erge trauma gebuk gaan nie. Maar, nou ja, hier is die soveelste reïnkarnasie van die gedrog wat selfs die Alien opdraande gee! Dié slag kry die storie ’n nuwe kinkel om die reeks te laat voortleef. ’n Seuntjie druk per ongeluk die verkeerde knoppie (Ma’s, hou jul kinders dop!) en die Predator-monsters uit die buitenste ruim raak weer lewendig en woerts aarde toe vir vars mensvleis. Net daardie laaste sin sal baie…

IS EK DRAMATIES? As ek ’n loopneus het, google ek alles oor longsiektes. As ek opgewonde raak, verbeel ek my ek kry ’n hartaanval. Ek boer by die dokters en hulle is waarskynlik al moeg vir my. Ek maak my kinders mal met hierdie gedrag. As hulle vyf minute laat is, wil ek ’n soekgeselskap uitstuur. Is ek neuroties en is daar ’n pil daarvoor? Help my! – G van Potchefstroom Wat jy beskryf, is in alle waarskynlikheid ’n kunsmatige of voorgee-steurnis wat op die self gerig is. Hierdie gedrag word gekenmerk deur die aspekte wat jy noem. Die ou begrip wat daarvoor gebruik was, is hipochondries (ipekonders of aansitgedrag). Die begrip neuroties word nie meer gebruik nie. Die gedrag kon ontstaan het uit ’n voorval (gewoonlik traumaties van aard)…

WAT HET JY NODIG? 4 balle ELLE Cotton On (500 g) in Natural 4,5 mm-naalde AFKORTINGS aw – aweregs; r – regs, r2tes – regs 2 ste tesame; rs – reksteek (Elke ry regs) WENKE Dis maklik om die tuniek in groter groottes te brei. Werk jou spanning uit. Elke ongeveer 16 steke is 10 cm. Meet hoe breed jy jou voor-en agterpant wil hê en sit steke daarvolgens op. Brei dit ook so kort of lank as wat jy dit wil hê en hol hals uit soos aangedui. Die moue is redelik wyd, maar jy kan ook daarvoor meer steke opsit en vermeerder soos aangedui tot verlangde breedte en lengte. GROOTTE Die top sit los en pas medium-grootte AANWYSINGS AGTERPANT Met 4,5 mm-naalde stel 96 ste op en werk…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Godsdiensoefening wat bedoel is om die Skepper vir seëninge te dank SMS jou antwoord, voorletters, van en dorp/stad voor of op 3 Oktober 2018 na 48410. SMS’e kos R1,50 en is net vir mense in SA. Geld sal vir fou tiewe antwoorde gehef word en gratis SMS’e geld nie.…

WOORDSPEL 35 Deur XWord.co.za Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 11 woorde, goed 17 woorde, baie goed 21 woorde of meer, uitstekend OPLOSSING: Bergagtig, bagger, bariet, batige, betrag, gebrag, arbei, baret, batig, berig, betig, gebit, gerib, baie, bate, berg, beta, bieg, bier, brag, brei. Koderaai Elke syfer verteenwoordig ’n letter van die alfabet. Om mee weg te spring, is 3 (drie)…

SOSIALE MEDIA Ek lees nou die dag op sosiale media van ’n vrou wat vertel van hoe gelukkig sy en haar man nou al 31 jaar lank is. Ek ken hulle persoonlik baie goed en dit was alles behalwe gelukkige jare. Wat ’n front hou ons nie op Facebook voor nie! Niemand kan mos die hartseer in my oë sien nie. Dan is daar die alewige mense wat vir jou wil vertel waarheen hulle vlieg of wat en by watter restaurant hulle nou eet. Komaan, mense, begin weer lewe. Moenie dat sosiale media die menswees in jou oorvat nie. Bets van der Merwe, Springs…

Sommige mense straal eenvoudig ’n energie uit wat aansteeklik is. Tarryn Lamb is een van hulle. Jy wil haar kraantjie oopdraai en ook ’n paar slukke vat, want jy weet sommer, wat haar ook al dryf, is suiwer entoesiasme en lewenslus. Ons ontmoet in die Baxter-teater waar sy saans deel van die rolverdeling van Aunty Merle The Musical is. Dis hul tweede uitverkoopte seisoen binne ses maande, vertel sy trots. Dis in hierdie einste teater in Kaapstad waar Tarryn sowat 15 jaar gelede vir Marc Lottering, akteur, skrywer en regisseur van dié musiekblyspel, gesien sit het. “Ek het van excitement skoon gehiperventileer,” onthou sy laggend. “Ek was ’n groot fan van hom. Ek was 18 en vol drome. Ek en my pêlle soos Emo Adams het altyd gesels oor hoe…

Tini sê: ▪ Wees onvoorwaardelik met jou liefde. Wees lief vir jou kinders ten spyte van hul foute – nie as gevolg van hul suksesse nie. ▪ Ont wikkel jou kinders se unieke persoonlikheid en belangstellings. ▪ Moet nooit jou kinders veroordeel wanneer hulle foute maak nie, beoordeel die gedrag en gee vir hulle leiding om nie weer dieselfde foute te maak nie. ▪ Laat jou kinders verstaan dat almal uniek is. Hulle is goed genoeg net soos hulle is. ▪ Deel jou belangstellings en wense met jou kinders, maar gee vir hulle opsies. Moet dit nooit op hulle afdwing nie. ▪ Laat hulle verstaan hoekom jy voel sekere keuses belangrik is. Om op skool goed te doen, kan opsies vir studie ontsluit, dit gaan nie daaroor dat jy beter…

n Ruk terug het daar ’n behoefte aan elektriese motors ontstaan. ’n Motormaatskappy het die behoefte raakgesien en dié tipe voertuie begin vervaardig, vertel Gustav. “Ek en jy kan nie in daardie behoefte voorsien nie, dus is dit nie ons lewensdoel nie,” verduidelik Gustav. “Maar ons doel is iets anders. Die manier waarop jy uitvind wat jou doel is, is belangrik.” Gustav sê: “Sit jou vermoë en ’n spesifieke behoefte bymekaar, en siedaar. Iemand betaal jou daarvoor. ’n Lewensdoel word gebore as jy besef jy het spesifieke talente en jy kan daardie talente gebruik om ’n paar probleme in die wêreld op te los. Daarom sê ek elke persoon is as ’n oplossing tot ’n probleem gebore.” En moenie dink jou lewensdoel is om die wêreld se probleme, soos mensehandel…

In 2016 was daar wêreldwyd 216 miljoen malariagevalle en 445 000 sterftes. In 2014 was daar 1 929 malariagevalle en 28 sterftes in Gauteng. Twee malariasterftes het in Maart 2017 in Doornpoort, noord van Pretoria, voorgekom. Gauteng word nie as ’n malaria-omgewing beskou nie. Die meeste plaaslike gevalle van malaria word deur reisigers uit naburige lande soos Mosambiek en Zimbabwe gebring. Die muskiete kan in klere, bagasie en enjins wegkruip. Plaaslike plekke waar malaria gewoonlik voorkom, is Noordoos-Limpopo, die laeveld van Mpumalanga (Mbombela uitgesluit) en die noordelike gebiede van KwaZulu-Natal. Klimaatsverandering kan daartoe bydra dat malariagebiede uitbrei. Malaria manifesteer as koors, verkoue-of griepagtige simptome, hoofpyne, moegheid, naarheid, spierpyn, kouekoors en diarree. In ’n erger graad is daar delirium, stuiptrekkings, verswakte bewussyn en asemnood.…

Gee dit hitte WAS JOU LAKENS IN WARM WATER OM STOFMYTE DOOD TE MAAK EN TE SORG DAT ALLERGIEË JOU NIE SO RY NIE. Stof af ▸ Stof gloeilampe af met ’n lappie wat met medisinale alkohol klam gemaak is. ▸ Gebruik ’n sagte tandeborsel om binnenshuise plante se blaartjies skoon te maak. ▸ Doop ’n oorstokkie in medisinale alkohol om mooi tussen sleutelborde skoon te maak. Herbenut ou beddegoed ▸ Gebruik stukke daarvan om plante teen ryp te beskerm. ▸ Hou ’n ou laken in jou noodkissie in die motor. As jy ’n wiel moet ruil, kan jy byvoorbeeld daarop hurk. ▸ Knip dit op vir vloerlappe. ▸ Gebruik ou lakens as piekniekbersies buite. ▸ Gebruik dit om jou troeteldiere se kussings oor te trek. WIL DIE SLEUTEL NIE…

#bakliefde Mareli FUDGE 30 blokkies fudge 155 ml (150 g) botter125 ml (½ k) melk1 blik (400 g) kondensmelk590 ml (500 g) karamelsuiker5 ml (1 t) vanielje Voer ’n 25 x 25 cm-pan met bakpapier uit. 1 Roer botter, melk en kondensmelk oor matige hitte tot botter gesmelt is. 2 Gooi suiker by en roer oor stadige hitte tot al die suikerkristalle gesmelt is. Moenie laat kook voordat al die suiker nie opgelos is nie. 3 Laat kook oor matige hitte en roer voortdurend om te keer dat mengsel brand. Toets ná sowat halfuur met suikertermometer. Wanneer mengsel 110 °C bereik, verwyder van hitte en skep oor in metaalbak. 4 Gooi vanielje by en klop mengsel met draadklitser vir sowat drie minute tot mengsel effe verdik. Skep mengsel in voorbereide…

Die mees veelbesproke onderwerp onder die son, behalwe Donald Trump se hare, is waarskynlik ouderdom. Om meer spesifiek te wees, ouderdom en vroue. In elke tweede tydskrif sien jy ’n artikel of advertensies wat dié onderwerp op die een of ander manier aanspreek. Ons leef in ’n era waar dit heeltemal uncool is om te brom oor die jare wat aanstap. Ons hoor konstant dat jy so oud (of jonk) is as wat jy voel, dat net oppervlakkige mense oor plooie sanik en dat mens moet vrede maak met Vader Tyd. Ek’s natuurlik nie verbaas dat ’n man in beheer van tyd is nie, maar nou ja… Jy moet met grasie ouer word. Bekendes verklaar in onderhoude dat dit hulle glad nie pla nie en dat hulle die nuwe fase…

Barbara Hepworth en Henry Moore was tydgenote en vriende. Hulle is vyf jaar en iets soos 15 km uit mekaar in Yorkshire, Engeland, gebore, het mekaar op die Leeds-kunsskool leer ken en het elkeen in eie reg bekendheid as beeldhouer verwerf. Dié twee het ook mekaar se werk wedersyds beïnvloed. Maar dié ooreenkomste is deur intense mededinging op ’n professionele vlak oorskadu. ’n Voorbeeld hiervan het onlangs aan die lig gekom met die publikasie van die dagboeke van John Rothenstein, die man wat van 1938 vir 26 jaar direkteur van Londen se Tate-galery was. Daaruit blyk dat Moore, ’n trustee van die kunsmuseum, in 1945 alles in sy vermoë gedoen het om die museumraad te ontmoedig om ’n werk van Hepworth aan te koop. “If sculpture [was] nothing more than…

“Blikemmer!” Sanmarie swaai net betyds vir die stilstaande ou motor reg voor haar in die pad uit. Sy hou dadelik stil. Dalk het sy te vinnig gejaag, maar wie stop in die middel van die ryvlak? Sy rol die venster af en beduie wild. “Wat de … Wat soek jou skedonk hier? Iemand kon lelik seergekry het.” Die geroeste veteraanmotor staan oopbek en gevrek. ’n Lenige lyf in ’n vuil blou oorpak toring onder die bakwerk uit. “Jammer, maar jy jaag soos die duiwel, Antie.” Tergerige bruin oë glimlag in haar rigting en lyk nie skuldig nie. Verontwaardiging skroei deur haar lyf. Die man “antie” haar. Hy is seker dieselfde ouderdom as sy. Armsalige skepsel. Sy wil hom nog iets toesnou, maar die vriendelike omie aan die passasierskant kan haar…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: Iemand wat nie kan lees of skryf nie SMS jou antwoord, voorletters, van en dorp/stad voor of op 3 Oktober 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Vergifnis is sekerlik iets waarmee ons almal worstel. Ons verwag dat ander ons moet vergewe as ons hulle te na kom, maar die oomblik wat die bordjies verhang word, sukkel ons geweldig daarmee. Toegegee, partykeer word ons in so ’n mate verontreg of te na gekom dat dit menslik onmoontlik is om te vergewe. Dit is juis omdat vergifnis nie menslik is nie, maar Goddelik. Menslik wil jy nie vergewe nie, want jy is te nagekom, jy het seer. Miskien is jou toekoms verwoes deur iets wat iemand aan jou gedoen het en dit maak dit moeilik om te vergewe en te vergeet. Daarom kan mens nie uit eie krag vergewe nie – alleen wanneer God jou help, alleen wanneer jy God se Heilige Gees toelaat om oor te neem…