Innholdsfortegnelse for 7 September 2018 i Vrouekeur

Ons klompie vroue op kantoor verskil in talle opsigte en hou uiteraard van klomp verskillende dinge. Ons is lekker uiteenlopend, maar daar is drie dinge wat ons almal deel: Ons hou van mekaar, ons hou van Vrouekeur en ons hou van stories. Boeke maak ons opgewonde en ons gesels graag oor al die boeke wat ons al gelees het en nog wil lees. Daardie leeslus en leesliefde deel ons ook met ons splinternuwe verhaleredakteur, Melt Myburgh. Melt is ’n digter wat in 2011 met die Ingrid Jonker-prys bekroon is vir sy debuutbundel, Oewerbestaan. Hy woon in Johannesburg en werk vir die wêreld se grootste uitgewershuis. Voorheen was hy meningsbestuurder by LitNet en projekbestuurder vir die US Woordfees. Welkom, Melt, ons sien uit na die verhale. Die nuwe verhale het ons…

Die kykNET-reeks Fynskrif is rondom die regsfirma Van Wyk & Vennote gesentreer. In elk van die 13 episodes het die prokureurs ’n saak wat hulle tussen persoonlike en familiedramas deur moet hanteer. Die reeks het stormagtig afgeskop toe die hoof van die firma, Hans van Wyk (Chris van Niekerk), die vennootskap aan sy seun, Ben (Neels van Jaarsveld), in plaas van aan sy dogter, Lara (Tinarie van Wyk Loots), gee wat al baie jare by die firma werk. Daar is bekende akteurs soos Cintaine Schutte, Kim Cloete, Beer Adriaanse, Charlton George, Edwin van der Walt en Crystal Donna Roberts in die reeks. Bekendes in gasrolle sluit Armand Aucamp, Amalia Uys, Hannes van Wyk, Stian Bam, Milan Murray, June van Merch en Erica Wessels in. Susanne speel die rol van Hans…

Hoe voel dit om dakloos te wees? En hoe op aarde beland jy op straat? Franz Geldenhuys (45), vandag ’n suksesvolle musikant en gewilde musiekonnie, kan jou vertel presies hoe dit is. Hy het nege maande lank in ’n afvoerpyp op Bela-Bela gewoon. Hy vertel: “Ek het ná my operastu dies sowat 25 jaar gelede oorsee in operahuise en op weelderige passasierskepe soos die Princess Lines gesing. “Alles het daardie tyd vir my om geld en status gedraai. Nadat ek teruggekeer het Suid-Afrika toe, het ek dubbelvisie en kwaai hoofpyne gekry en my spraak is aangetas. Ek is met ’n kwaadaardige gewas op die brein en later met kolonkanker gediagnoseer. “Dokters wou alles verwyder, maar ek het op chemoterapie en bestraling besluit. Ek het ook besluit om eerder met styl…

Derika sê: ◾ ’n Goeie verhouding verg werk. Die tyd en moeite wat jy daaraan bestee, moet ewe swaar weeg as die belangrikheid van die verhouding vir jou. ◾ Luister om te verstaan, nie om terug te antwoord of nog ammunisie te kry nie. ◾ Bly weg van ’n oorlog waar een maat reg en die ander verkeerd moet wees. Die huwelik is nie ’n plek vir oorlog nie. ◾ Kommunikeer met empatie en druk jouself duidelik uit. Lana sê: Wees bewus van mekaar se behoeftes. As daar kommerwekkende gedrag is, vra jouself of dit nie dalk ’n behoefte is wat jou maat op die verkeerde manier probeer vervul nie. Kommunikeer gedurig en so duidelik en reguit as moontlik. Soms word sekere behoeftes beter deur jou maat verstaan as jy…

As jy gesond is en tussen 18 en 45 jaar oud is, kan jy ’n beenmurgskenker wees. Hoe meer mense skenk, hoe groter is die kans om ’n skenker met dieselfde etniese agtergrond as die lyer te kry. Familielede, veral broers en susters, is gewoonlik die beste skenkers, tog het slegs 30% van pasiënte ’n verenigbare sib. Die Suid-Afrikaanse Beenmurgregister verduidelik dat daar twee maniere is hoe stamselle van die skenker geoes kan word: die periferale bloedstamselver-sameling en die beenmurgstamselver-sameling. Bloedstamselle kom in die beenmurg sowel as in die sirkulerende bloedstroom voor, maar in kleiner getalle in laasgenoemde. Met die periferale bloedstamselversameling sal die skenker vir vyf dae voor die oes van die stamselle met ’n middel ingespuit word wat die beweging van die stamselle van die beenmurg na die…

LEKKER ÉN MOOI Met Malfy Con Arancia Gin kan jy ’n verskeidenheid skemerkelkies aanmekaarslaan. Dit het ’n sterk sitrusgeur met ’n subtiele geur van jenewerbessie (juniper) en lyk alte mooi met dié pragtige kleur. Voeg ’n lemoenskyfie by vir garnering en teug aan ’n heerlike én mooi drankie. Ongeveer R370 per bottel. www.malfygin.com of www.trumanandorange.com HOE OUER, HOE BETER Bederf jou smaakkliere met Thelema se Sutherland Reserve-reeks. Die Chardonnay 2016 word vir tien maande in Franse houtvate verouder en het die potensiaal om oor die volgende vier jaar perfek te ontwikkel. Die Grenache 2016 sal oor die volgende agt jaar mooi ontwikkel en die Petit Verdot 2015 oor die volgende tien jaar. Ongeveer R300 per bottel. HOEKOM WORD ROOIWYN NIE KOUD BEDIEN NIE? Daar is geen reël wat sê rooiwyn…

#bakliefde Mareli TIRAMISUKOEK 1 koek 1 20 ml (115 g) botter, by kamertemperatuur250 ml (210 g) suiker10 ml (2 t) vanieljegeursel3 groot eiers1 eiergeel590 ml (250 g) koekmeel10 ml (2 t) bakpoeier1,25 ml (¼ t) koeksoda1,25 ml (¼ t) sout180 ml (¾ k) room30 ml (2 e) kitskoffiepoeier30 ml (2 e) kookwater80 ml (65 g) suiker125 ml (½ k) water15 ml (1 e) koffielikeur250 ml (1 k) kitsroom (Orley Whip)1 houer (225 g) mascarpone125 ml (66 g) versiersuiker10 ml (2 t) vanielje15 ml (1 e) koffielikeur120 g sjokoladeskaafsels1 pak (200 g) vingerkoekies Voorverhit oond tot 180 °C en berei twee 20 cm-koekpanne voor deur dit met waspapier uit te voer en met kleefwerende sproei te spuit. 1 Klop botter, suiker en vanieljegeursel tot lig en donsig. Klop eiers een op…

Ons was nog nie eens behoorlik vriende nie, toe praat ek al my mond verby. Ek en Danielle ken mekaar skaars – ons sien mekaar net rakelings wanneer ons gemeenskaplike koshuisvriendinne toevallig saam uitgaan. Een só ’n aand gaan draai die gesprek by tatoeëermerke, daardie tyd nog erg taboe. “Sies!” gril ek hardop. “Tatoes is so kommin soos môre heeldag … veral daardie barbed wire om die bo-arm!” Die woorde het skaars my mond verlaat of ek besef mens kan vaagweg die buitelyn van presies hierdie tipe tatoe deur Danielle se kraakwit werkshemp sien. Darem nie lemmetjiesdraad nie, maar ’n streep akkedisse wat al om haar bo-arm marsjeer. Ek kan my tong afbyt, maar sy glimlag bloot verleë en kyk weg. Darem is ek teen dié tyd daaraan gewoond om…

In ’n tyd waarin die kunstenaar self net so belangrik – indien nie belangriker nie – as die kunswerk geword het, is anonimiteit in die kunswêreld skaars. Dit gebeur nie aldag dat mens nié ’n foto van die kunstenaar saam met die kunswerk te siene kry nie. Nietemin slaag die Engelse kunstenaar Banksy daarin om anoniem te bly terwyl sy werk van die herkenbaarste ter wêreld is. Boonop gebruik hy dié anonimiteit omdat dit die status van die kunstenaar as glansgans van die kunswerk losmaak en die fokus volledig op die kuns plaas. Dit bied hom die vryheid om sonder skroom in sy werk kommentaar te lewer. Bitter min is bekend oor dié Bristolse graffiti-kunstenaar wat sy identiteit soos die grootste geheim bewaar. In 1995 en weer in 2003 het…

MOEILIKHEIDSGRAAD:⋆ BENODIGDHEDE Nurturing Fibres Eco-Cotton 100% katoen DK (50 g-balle): 3 balle Fawn, 2 balle Blush en 5 balle Charcoal 3,5 mm-hekelpen Naald met groot oog 5 knope GROOTTE Lengte = 70 cm, wydte onderom = 92 cm LET WEL Die knope is slegs vir versiering – die baadjie knoop nie vas nie. AFKORTINGS beg = begin, dies = dieselfde, dr = draai, gs = glipsteek, h/af = heg af, her = herhaal, hlb = halflangbeen, kb = kortbeen, ks = kettingsteek, lb = langbeen, ls = lus, rdte = rondte, sp = spasie, st = steek, vlg = volgende PATROON BLOK (HEKEL 48 BLOKKE) Met 3,5 mm-hekelpen en Blush, beg met 7 ks, gs in 1ste ks om ring te vorm. 1ste rdte: 1 ks, 16 kb in ring,…

DOGTER GAY NÁ TRONKSTRAF My dogter het weens bedrog ses jaar tronkstraf uitgedien. Sy was getroud met drie kinders. Sover ek weet, het sy in die tronk gay-verhoudings aangeknoop en verkies nou vroue bo mans. Sy het nog nooit voorheen sulke gedrag geopenbaar nie. Ek is bekommerd en wonder of dit net ’n fase is. Haar man wil haar graag terughê. – Anoniem Dikwels is deel van oorlewing in die tronk om hegte verhoudings met van die ander gevangenes aan te knoop. Daar bestaan ’n moontlikheid dat jou dogter ’n hegte vriendskap as ’n gay-verhouding ervaar. Die ander moontlikheid bestaan dat sy dalk inherent eintlik gay is en dat die situasie die geleentheid gebied het om haar ware identiteit uit te leef. Om ’n ophef van haar seksuele oriëntasie te…

“Ek hou nie daarvan om dinge etikette te gee nie, maar ek sou myself beslis as ’n postmoderne feminis beskou,” erken die kunstenaar Karin Hougaard, wat nou al ’n geruime tyd in Amerika woon. “Ek glo dat vroue (álle vroue, ongeag ras, klas en dies meer) gelykwaardige behandeling moet geniet – op professionele vlak dieselfde salarisse as mans moet verdien, dieselfde geleenthede moet kry en dat daar nie in enige sfeer vanweë hul geslag teen vroue gediskrimineer moet word nie. Vroue is myns insiens op geen vlak minderwaardig nie.” Karin sal in die openbaar vir vroueregte betoog. “Maar ek sal nie my bra verbrand nie! Dis lankal reeds gedoen.” Karin meen die begrip vroulikheid is ’n sosiale konstruksie. “Meisies en seuns word direk ná geboorte (selfs in vitro!) reeds anders…

DIENENDE MENSE Baie dankie vir Vrouekeur wat elke week insiggewende, aktuele en ontspanningsleesstof bied. Dit was my voorreg om net twee weke voor die artikel oor dr John Callaghan ’n afspraak met hom te hê vir ’n probleem waarvoor ek vir meer as twee jaar geen oplossing kon kry nie. Dit was ’n belewenis om met hom en sy twee ontvangsdames te doene te kry. Met soveel begrip het hy my verseker dat hy ’n oplossing vir my probleem sal kry. Nadat hy toetse laat doen het, het hy die antwoord gehad en my na ’n fisioterapeut verwys wat opgelei is om die probleem te behandel. Danksy dr Callaghan en die ander vriendelike terapeute glo ek dit sal vorentoe net beter gaan. Dis wonderlik om nog sulke dienende mense te…

As die gedagte aan ’n oondgebraaide skaapboud met droë vrugte jou mond laat water of die prentjie van ’n sjokoladevrugtekoek met groenvye, makataanstukke, neute en sjerrie daarin jou hart vinniger laat klop, is Willie Strauss die kok om te ken. Asof die talent om lekker kos te maak nie genoeg is nie, is Willie ook ’n kranige kabaretster wat met sy stories en liedjies bekoor. Stories wat jou die een oomblik laat skaterlag, en die volgende oomblik ’n traan laat wegvee. Die een ding wat Willie besonder gelukkig maak, is om te sien hoe mense by ’n keurig gedekte tafel aansit terwyl hulle aan sy kos smul. Willie is reeds baie jare lank met musiekteater besig, maar het nog altyd ook baie van kosmaak gehou. Niks fênsie kos nie en…

Kennie Scheepers (41) het 18 maande lank as hawelose op straat en op die strand gewoon nadat hy talle beroepe soos verkoopsman, weermagsersant en sportafrigter beoefen het. Dit was die gevolg van ’n motorongeluk in 2013 waarin hy sewe minute “dood” was, agt maande in die hospitaal was en blind in sy een oog geword het. “Ek het as gevolg hiervan en ook weens my egskeiding alles verloor. Ek het in altesaam 27 verskillende plekke, van plakkerskampe in Pretoria-Noord, in Hillbrow op straat en in Port Elizabeth op die stasie gewoon. Daarna is ek Jeffreysbaai toe waar ek op die strand geslaap het. “Ek het daagliks op ’n pakkie NikNaks en sigarette oorleef deur bottels op die strand op te tel en te verkoop. Ek het nooit gebedel nie. Ek…

Jy kan mense met leukemie en ander bloedsiektes op verskillende maniere help. Jy kan ’n beenmurgskenker word, ’n donasie maak, ’n TOPE (Tube of Hope) koop en op 21 September Sunflower-dag vier. “Die TOPE is ’n mooi, byderwetse meerdoelige bykomstigheid wat as kopband, masker, serp, mus of armband gedra kan word. Ons is baie opgewonde oor vanjaar se ontwerp in ses helder kleure en grys,” sê Alana James, uitvoerende hoof van die Sunflower Fund. Die TOPES is tot einde September teen R30 elk by PnP-winkels landwyd, uitgesoekte onafhanklike apteke en aanlyn by Zando beskikbaar. “Ons moedig mense aan om hul TOPE op 18 September op Sunflower-dag te dra ter ondersteuning van pasiënte en kankeroorwinnaars om mense van stamseldonasie bewus te maak.” Besoek www.sunflowerfund.org.za vir meer inligting of bel die tolvrye…

Hoewel jou liggaam natuurlik detoks deur gifstowwe deur middel van jou longe, vel, lewer, niere en so meer uit te skei, is dit in jou beste belang om gifstowwe te verminder sodat al jou liggaamstelsels doeltreffend kan funksioneer. Boonop kan jy dalk ’n kilogram of twee afskud en so reg voor die somer is dit nie te versmaai nie! Volgens Adél Dreyer, ’n lewenstrans-formeringsafrigter, is dit belangrik om die regte ingesteldheid te hê voordat jy op ’n gewigsverliesprogram gaan. “Jy moet bereid wees om deur dié moeilike tyd te gaan, maar fokus op ’n realistiese einddoel. Identifiseer jou struikelblokke en wees voorbereid, want dit is ’n groot verstandelike uitdaging. Sorg dat jy ’n klankbord het, iemand met wie jy kan praat, soos jou dieetkundige, instruktrise of vriendin. Die ondersteuning van…

“As jou kinders en kleinkinders oorsee woon, het jy darem ’n verskoning om te gaan kuier en te reis.” Só troos die oumas en oupas van ons diaspora mekaar deesdae. Dit is geen leë troos nie, en so ’n reis word ’n sagte salfie op die verlange. Ons het saam met ons kinders en kleinkind gereis en elke oomblik geniet. In plaas van hotelle of gastehuise het ons verblyf deur Airbnb gehuur. Só kon almal saam vakansie hou en opwindende, nuwe plekke ervaar. Met dié soort kuier is niemand ’n gas nie en niemand staan vir die res reg nie. Almal hou vakansie en deel ’n fokus, en jy sien meer van jou kinders as wanneer hul roetine hulle besig hou. Met Ouma en Oupa saam is daar meer hande…

Ek het nie gedink jy kan in Afrikaanse dansmusiek iets ergers kry as “wys my jou lemoene of jou boerpampoene en ek wys jou my skorsies en komkommer” nie. Verkeerd. Francois Henning en die span skrywers van Snotkop se nuutste Select/Sony-album, SOUS, slaag daarin om morsigheid ’n kerf laer te laat daal. Hulle ontsnap uit die groentetuin en vrugteslaai en mors met hul sousige vingers op ’n sout lamsboud. Die suggestiewe omslag met roomys wat smelt en oor vingers drup, verklik reeds wat wag. Die mediamededeling erken darem dié album is “onverantwoordelik”, maar voeg daarby dis ook “lekker – met gekonsentreerde sous, selfversekerd, tong-in-diekies, meer as ’n bietjie stout, bekkig en braaf.” Dit is g’n dapper nie! Dit is bloot verwaande uitdagendheid! Druppende, verleidelike humor, veral in toeganklike kommersiële vermaak,…

Bonnie het agtermiddae altyd saam met Ma tennisklub toe gegaan as Ma en die tannies speel. Dan sit sy daar teen die draad en kyk hoe hulle speel en gaan haal die balle as die tannies dit oor die draad tot in die pad slaan. As iemand dors raak, gaan haal sy vir hulle iets te drinke in die klubhuis. Verder sit sy maar net en wens sy was al ’n tannie sodat sy ook sulke mooi rokkies kan dra. Pa het ook tennis gespeel, maar net naweke as daar nie troues of begrafnisse was nie. Die mans teen die mans en die vroue teen die vroue, maar partykeer speel Ma en Pa teen oom Billyboy en tannie Ellerine. Oom Billyboy en tannie Ellerine kom van Skotland af en hulle…

VELDBLOMME OP DARLING Besoek die Darling-veldblommeskou van 14 tot 16 September. Dit word by die Darling-gholfklub op die dorp gehou en die tema vanjaar is “Bewaring en die volgende generasie”. Kaartjiepryse wissel en is via www.quicket.co.za beskikbaar VIR SPORTGEESDRIFTIGES Die Freshpak-fiksheidsfees, een van die land se grootste multisportgeleenthede, vind op 29 September op Clanwilliam plaas. Die dag skop met ’n 1,5 km- of 3 km-swem in die Clanwilliamdam af en dit word deur ’n dubbelkamp, tweekamp en driekamp opgevolg. Daar is ook ’n uitdaging vir die kinders. Vir meer inligting of om in te skryf, besoek www.freshpakfitnessfestival.co.za FRANSCHHOEK UNCORKED Die jaarlikse Franschhoek Uncorked-fees vind vanjaar oor die naweek van 15 en 16 September plaas. Hierdie is die ideale geleentheid om een van Suid-Afrika se gewildste en bekendste wynbestemmings te besoek.…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 35 woorde, goed 43 woorde, baie goed 52 woorde of meer, uitstekend OPLOSSING: Addertong, dagorde, toedrag, dogter, egtand, gerand, gerond, getand, gonade, onager, tandeg, agent, agter, argon, argot, dager, dagon, donga, drang, ergot, garde, gedor, gedra, genot, gerat, gerot, groen, groet, grond, grote, onreg, tango, drag, dreg, edog, ergo, gade, gare, goed, gora, gord, gort,…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Nogtans, nietemin, in elk geval, desnieteenstaande SMS jou antwoord, voorletters, van en dorp/stad voor of op 26 September 2018 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie.…

Heldergroen vetplantjies groei in die sypaadjietuin voor die TV-aanbieder, aktrise, motiveringspreker en skrywer Lindie Strydom se mooi huis in Centurion. Die voordeur staan verwelkomend oop. Die gesin se weerbarstige goue retriever Hubbie kom stertswaaiend uitgehardloop, sy pragtige ounooi kort op sy hakke, al paaiend om hom uit die sitkamer te kry. Net ’n klipgooi van die huis af is die laerskool waar Lindie en haar man, Johann, se kroos op skool is – die 13-jarige Paul in graad 7 en die tweeling, Hugo en Nina (11), in graad 5. “Ons het drie jaar gelede hier ingetrek en ek is mal oor ons gewone huis in ’n gewone straat waar ons in ons gewoonheid ’n bydrae en ’n verskil kan maak,”sê sy. Lindie is die afgelope vyf jaar aan die stuur…

“Met klein kinders praat ons al oor mededeelsaamheid, respek en empatie. Soos wat kinders groot word, word hul verhoudings ook meer kompleks en soos dit nodig is, kan vrae beantwoord en probleme oorkom word,” sê Wietske. Dit is ’n leerskool wanneer verhoudings nie uitwerk nie, kinders teleurstellings ervaar, of bloot net die plesier van ’n nuwe verhouding geniet.” Wietske sê dat verhoudings veral vir tieners baie belangrik is. “Hulle vind hul identiteit in hierdie fase en deel daarvan is die verhoudings wat hulle koester. Luister na wat hulle sê en ook nie sê nie. Hanteer inligting ten opsigte van vriende baie sensitief. Kinders leer ook baie uit ouers se verhouding met mekaar, met hul vriende en selfs met die man op straat. Wees altyd ’n voorbeeld van respek, konflikhantering en…

SEPTEMBER-BOEKE Ons September-wenners wen twee romans met die komplimente van LAPA Uitgewers. In Leandra Naudé se Reis deur die hartontmoet Arriana, ’n maatskaplike werker, ’n biljoenêr-Ier op Mauritius. Maar alles is nie pluis op die eiland nie. Jong meisies raak weg … Cecilia Nortjé is bekend vir die diep en eg menslike verhou dings in haar romanses. Hierdie omnibus, Nuwe drome, is ’n samestelling van drie vorige Romanzas, Die weddenskap, Toekomsbelofte en Net ’n stukkie papier. Die boeke is by toonaangewende handelaars by www.lapa.co.za beskikbaar MAGDA GREBE VAN VANDERBIJLPARK IS VANDEESWEEK ONS WENNER: ▶ Smeer stukkies oorskietbrood met margarien en droog dit in die oond uit. Kap fyn en gebruik vir krummels.▶ Bind al die oorskietstukkies seep in ’n sykous toe en was gordyne daarmee.▶ Kap wortelblare fyn en voeg…

KALMEER ’N BIETJIE Aromadough is ’n 100% natuurlike, sysagte aromaterapie-stresbal wat met essensiële olies verryk is. Dit help om jou gemoedstoestand te lig en om jou te kalmeer. Nie net bevog die balletjie wat van klapperbotter, klapperolie en byewas gemaak is, jou hande nie, die olies word ook deur jou liggaam opgeneem om hul wondere te verrig. Asem die heerlike geure in, ongeveer R70. www.aromadough.co.za GEEN PYN MET JOU DREIN Hou dreine higiënies en vry van slegte reuke met Chemico Drain Cleen 1 Shot. Gooi die 60 g-houertjie se inhoud in die drein en daarna 200 ml koue water. Spoel dit ná 20 minute met louwarm water deur en jou drein is skoon! Ongeveer R14,99. GEREED OM TE KOOK Hou houtlepels en -spane of enige kombuisgereedskap bymekaar in hierdie mooi…

ROLPRENTE CHARMING 7/10 Met die stemme van Demi Lovato en Wilmer Valderrama Regisseur Ross Venokur ANIMASIEKOMEDIE Ai, vriendinne. Was daar maar net meer sulke sjarmante prinse in die werklike lewe as in hierdie animasiereeks! Die meeste vroue wat nog nie die regte lewensmaats gekry het nie, soek dalk onbewustelik na prins Charming, of so beweer die rolprent. In hierdie geval is die prettige prins die mees sjarmante ooglekkergoed op die planeet, en het die animeerders hom arms en ’n glimlag gegee wat moeilik in die werklikheid nageboots kan word. In hierdie uitbundige animasiefantasie probeer drie feëprinsessies, die stapelvoedsel van enige animasiefeestelikheid, om aan die bomenslik-aantreklike prins verloof te raak. Maar wie van hulle gaan hom wen? En dan het elke feëprinsessie natuurlik ook haar eie selfsugtige motiewe, soos geld! Ma’s…

Een van die funksies van fiksie wat dikwels deur liefhebbers van boeke voorgehou word, is dat fiksie ’n mens in staat stel om die wêreld uit ander oogpunte te kan ervaar, om as ’t ware die bewussyn van ’n ander mens te kan ervaar. Hoewel fiksie ’n mens uit jou eie wêreld in ’n ander wêreld kan intrek, sodat jy ’n ander perspektief “van binne” kan ervaar, is daar ook mense wat beswaar aanteken teen fiksie waarin outeurs ’n wêreld of ervaring wat van hul eie wêreld verskil, uitbeeld. Volgens hierdie besware behoort ’n man byvoorbeeld nie ’n vrou se belewenis uit te beeld nie, of ’n vrou ’n man s’n nie. Ook behoort iemand van Europese afkoms nie ’n Afrikaan se belewenis uit te beeld nie. (Hierdie besware hou…

Die Nielsens woon die afgelope jaar in die gevestigde Langerugwoonbuurt op Worcester in die Boland. Anthony is in die motorbedryf en Marianne is mede-eienaar van ’n wildreservaat net buite Worcester. Hulle deel hul huis met hul twee hondekinders, Sandy en Buddy. Marianne het die huis van haar pa geërf. “Hier is baie mooi herinneringe van my kinderjare. My kinders het ook baie tyd hier deurgebring toe hulle jonk was. Die hele familie was baie opgewonde oor die huis en ons verbeteringe.” Sy sê dat hul huis prakties, maar huislik moet wees: almal moet welkom en gemaklik voel. RADIKALE VERANDERING “Die huis het ’n radikale verandering ondergaan,” sê Anthony. “Dit is nou ’n baie meer moderne en praktiese huis, sonder fieterjasies. Die atmosfeer is gemaklik en lig. Ons het al die…

HET JY GEWEET? Tuinmaak het talle voordele. ’n Studie in Australië deur navorsers verbonde aan die Sydneyuniversiteit het bevind dat dit fisieke, verstandelike en sosiale voordele het. Dit sluit stresvermindering, produktiwiteit, ’n groter verbeelding, verhoogde kreatiwiteit, ’n verbeterde bui en beter konsentrasie in. www.theconversation.com Plant madeliefies As jy op jou patio pragtige potte met Barbertonse madeliefies wil sien, is die binnenshuise tipe ideaal. Hierdie madeliefies is in ’n verskeie kleure beskikbaar en kan in die meeste omgewings in Suid-Afrika groei, maar verkies wel omgewings wat in die nag nie kouer as 6 °C word nie. Hulle sal wel ligte ryp verdra. Barbertonse madeliefies is glad nie gepla oor hitte nie en gek na die son. Plant dit in grond wat baie goed dreineer en wat nie ’n klei-inhoud het nie.…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20+ jaar ’n predikant Een van die dinge waarna ons seker die meeste smag, is aanvaarding. Ons wil deur vriende ingesluit word, deel van ’n span voel, geliefd, spesiaal en gewaardeer voel deur mense. Ons wil voel ons is goed genoeg. Met die gevolg dat ons soms snaakse en ekstreme dinge doen om aanvaar te word. Tog is daar Een wat ons aanvaar, ongeag wie en wat ons is. Vir die Here maak dit nie saak wat ons vir ’n lewe doen, hoeveel geld ons het of hoe suksesvol ons is nie. Hy is net in jou geïnteresseerd en Hy het jou oneindig lief. So lief dat Hy sy enigste Seun aan ’n kruis…