Innholdsfortegnelse for 17 August 2018 i Vrouekeur

Niks, net mooi niks in die lewe is voorspelbaar nie. En hoekom sommige mense groter geluk op hul pad en ander meer smart op hul pad het, dit weet ek nie. Mati, tot verlede Dinsdag ’n mooi Griekse dorpie net buite Athene, bestaan nie meer nie. Waar daar ’n dag vroeër nog lewenslustige mense die heerlike somerson geniet het, waar kinders gespeel en gelag het, is daar nou net as. Soos ek hier sit en skryf, is dit met ’n ambivalente gevoel, want ek klim oor twee dae op ’n vliegtuig Griekeland toe. Ek is opgewonde, maar ook erg ontsteld oor dié verskriklike ramp wat jonk en oud, sonder onderskeid, afgemaai het. Die verskrikking kan ek my nie indink nie. Niks sal ooit weer vir die mense wat die onvoorstelbare…

Lana* is onlangs getroud, maar saam met die huwelik het twee kinders gekom, van wie een net sowel uit die hel kon wees, sê sy. Dit is haar eerste huwelik, en haar man, Dylan*, se tweede. Die rede waarom Dylan se eerste huwelik misluk het, is oor sy eksvrou se alkohol- en dwelmverslawing. Dylan se twee kinders, Janine* (13) en Alex* (14), het albei ’n ruk lank by Dylan en Lana gebly. Dinge het egter oor ’n tydperk van ses maande ondraaglik in die huis geword en ’n sielkundige het aanbeveel dat Alex gedurende die kwartaal in die skoolkoshuis bly en naweke na familie gaan. Die idee is om stelselmatig familieberading te doen sodat Dylan en Alex se verhouding gesond kan word. “Jy sien,” verduidelik Lana, “Alex boelie ons. Hy…

WAAR KOOP EK DIT? Charles and Keith www.charleskeith.com  Foschini, Luella www.foschini.co.za 021 938 1911 (Hoofkantoor) Jet www.jetonline.co.za 0860 113 639 Jo Borkett www.joborkett.co.za 011 462 0604 (Hoofkantoor) Pick n Pay www.picknpay.co.za/clothing 0800 11 22 88 Mr Price www.mrp.com 0800 212 535 Queenspark www.queenspark.com 021 460 9400 customercare@queenspark.com Sexy Socks sexysockssa.com 021 813 5900 * Alle pryse is die voorgestelde verkoopprys. Pryse korrek teen druktyd…

Toe Piet en Mariétte Ebersohn tien jaar gelede tydens ’n bootvaat in die Middellandse See by die eiland Korfu aangedoen het, het hulle onmiddellik op hierdie Griekse eiland verlief geraak. “Dit was nie moeilik om te besluit ons wil permanent hier kom woon nie. In die aanloop na 70 begeer ’n mens juis rus en vrede en dit bied dié eiland in oormaat,” vertel hulle. Al moes hulle erg afskaal en hul ruim huis in Pretoria vir ’n klein wit Griekse huisie verruil. “Die amperse totale gebrek aan aggressie val op. Selfs ons basterworse, lyk dit, is in hul domastrandheid aggressiewer as die plaaslike honde. Moet egter nie hierdie gemoedelike rustigheid met luiheid of ondoeltreffendheid verwar nie. Die mense werk hard en doen hul eie sleurwerk.” Ná byna twee jaar…

FIKS SONDER FIETERJASIES Phyto Pro help om jou fiksheidsvlakke én gesondheidsdoelwitte te bereik deur die gebruik van natuurlike bestanddele. Dis vry van kunsmatige kleur-, geur- en preserveermiddels en versoeters. Phyto pro 3-in-1 Energiser gee energievlakke ’n hupstoot en verbrand vet, ongeveer R300. Phyto Pro Nitro Blast verbeter uithouvermoë, R360 vir 300 g. Beskikbaar by Dis-Chem of www.phytopro.co.za Slim baba Laat jou baba leer terwyl hy speel. Die ronde bal met openinge waardeur verskillende vorms gedruk moet word, sal Baba lank besig hou. R109, The Crazy Store www.crazystore.co.za SOP VIR DIE KOUE Die koue het nog nie gewyk nie en ’n warm sop is net die ding om die winter mee te stuit. Checkers het heerlike bestaande gunstelinge soos hoender-en-noedel en botterskorsie-geure en ook nuwes soos pampoen-en-spek en Marokkaanse lam. www.checkers.co.za…

NAAN 6 naanbrode 560 ml (295 g) koekmeel 2,5 ml (½ t) sout 5 ml (1 t) suiker 5 ml (1 t) kitsgis 5 ml (1 t) olie 125 ml (½ k) louwarm water 125 ml (½ k) Griekse jogurt 30 ml (2 e) gesmelte botter 1 Meng koekmeel, sout, suiker en gis. 2 Gooi olie, water en jogurt by en meng tot deeg vorm. Knie vir ses minute tot deeg glad en elasties is. 3 Bedek deeg met kleefplastiek en laat vir sowat 1 uur tot dubbelvolume rys. 4 Deel deeg in ses gelyke dele, knie af en vorm elk in ’n bal. Bedek en laat vir 10 minute rus. 5 Voorverhit droë gietysterpan op matige hitte. 6 Rol deegbal in ovaal vorm en bak in pan. Druk na…

As hý die dag trou, moet die gaste sommer die hele naweek op Clarens kuier. Dit was iets wat Charles Tietze homself belowe het nog lank voor hy sy bruid, Lezanie Bakker, ontmoet het. En so sit ons toe al die pad van Hartbeespoort af Oos-Vrystaat toe vir ’n uitgerekte fees. Ons ry met die bruidegom se drie klein dogtertjies agterin die motor. Die pad is maar valerig en die talle slaggate lok uit die aard van die saak vurige besprekings uit. Die slapende kinders is stroopsoet. Wel ... tot dusver. Ná ure verander die omgewing skielik van plat vlaktes na rotsagtige berge. Nou is almal wawyd wakker. Ons is byna in Clarens – die plekkie aan die voet van die Maluti- en Rooiberge met sy kristalhelder water waaroor talle…

ROLPRENTE ALPHA 7/10 Met Kodi Smit-McPhee en Leonor Varela Regisseur Albert Hughes OORLEWINGSDRAMA Dit is ’n tydige rolprent, want daar is gedurig berigte oor die Noordpool se ysberge wat smelt, met onrusbarende nuus: Dit gaan seevlakke dramaties laat styg. Boonop lees ons van vulkane wat uitbars. Die planeet is besig om te verander, en hierdie rolprent wys hoe dit 20 000 jaar gelede ook gebeur het, maar in die vorm van ’n gesinsvriendelike storie wat oud en jonk sal betrek. Dit verander nie in ’n geskiedenislessie nie, maar gee ’n menslike gesig aan klimaatsverandering, en ook aan hoe mens en dier, in hierdie geval spesifiek ’n wolf, vriende gemaak het en mekaar gehelp het om te oorleef. Die jong Keda, wat van sy familie geskei raak, ontdek ’n wolf wat…

As kind was een van my groot begeertes ’n pophuis. Ek was en is vandag nog mal oor enigiets in miniatuurformaat. Toe kollega Zerelda Esterhuizen se dogter, Ziani, haar pienk pophuis van vyf jaar gelede ontgroei het en besluit het sy wil nou ’n pophuis hê wat vir ’n negejarige sal werk, was ek vuur en vlam. Ek en sy het ons verfklere aangetrek en met ’n huisopknapprojek begin. Aan die ewige pienk vir dogtertjies het ek in elk geval ’n kleintjie dood en Ziani het presies geweet watter twee hoofkleure ons moes gebruik – grys en turkoois is tans haar gunstelingkleure. Ons is baie in ons noppies met die eindproduk en my kinderdroom van my eie pophuis het so ’n bietjie waar geword. PROSES Al die “mure” het nuwe…

MOEILIKHEIDSGRAAD: ** BENODIGDHEDE Enige oorskiet-dubbelbreidraadwol of Elle Pure Gold DK: Blossom (ligpienk), Soft Moss (liggroen), Lavender (persblou), Ruby (donkerrooi), Ivory (room), Parakeet (pienkrooi), Riviera (ligblou) en Spritz (turkoois) 3,5 mm-hekelpen Bruin oorskietwol of tapisseriewol Naald om los drade mee weg te werk en om mee te borduur GROOTTE Pas agt jaar en ouer kind met kopomtrek van 52–56 cm AFKORTINGS EN STEEKVERDUIDELIKINGS  beg = begin, dies = dieselfde, gs = glipsteek, h/af = heg af, herh = herhaal,kb = kortbeen, ks = kettingsteek, lb = langbeen, rdte = rondte, sp = spasie, st = steek, vlg = volgende Pofsteek: 1 Slaan die draad oor die pen en steek die pen in die volgende steek. 2 Slaan die draad oor en trek dit die verlangde lengte van die pofsteek sodat daar…

MUSSIES VIR DIE KOUE Net ’n hartlike dankie vir die wonderlike patroon van die mussie in Vrouekeur van 22 Junie 2018. Ek het 25 daarvan gebrei en dit vir kindertjies gegee wat die winter koud kry. Mussie van die Oos-Kaap Baie dankie! – Red Wenbriefwenners wen ’n geskenkpak van LAPA Uitgewers ter waarde van R495 NOG VOORBLADOPSIES WEN Die lewe op ’n eiland in die Indiese Oseaan is op die oog af idillies, maar Anna Atoom is nogal eensaam. Haar ma monitor heeldag die aarde vir dreigende omgewingsrampe, en dis juis so ’n krisis wat Anna na die verste uithoek van die planeet neem. Die boek maak kinders omgewingsbewus en is ’n genotvolle toevoeging tot wetenskapsfiksie. Vir kinders 9–12 jaar. www.nb.co.za 3 lesers kan die boek wen. SMS ATOOM gevolg…

Gaan weer terug na jou kind se basiese behoeftes toe, sê Lenette. “Ouers kan nie verwag om ’n kind of tiener se gedrag te verander as die patroon wat geskep is wat die negatiewe gedrag versterk, nie verander word nie. Dit is belangrik om eers die basiese behoeftes van kinders te hanteer en ’n nuwe gedragspatroon te vestig waar daar ’n positiewe verwagting met duidelike grense geskep word.” Alle kinders en tieners gaan grense toets, maar dit veroorsaak ’n gevoel van veiligheid by hulle as hulle weet dat hulle binne die grense wat ouers stel kan bly. Dissipline is die grense wat ouers stel, maar dit moet op ’n gesonde ouerskapstyl gegrond wees, sê Lenette. As jy verandering wil laat gebeur, moet jy noukeurig na jou eie gedrag, opvoedingstyl en…

Wanneer ’n geliefde skrywer sterf, is my eerste reaksie gewoonlik om na een van sy boeke op my rakke te gryp. Om ’n gunstelingboek weer te lees, bly die beste manier om hulde aan enige skrywer te bring. Met Philip Roth se onlangse dood het ek myself verras deur een van sy vroegste boeke van die rak af te haal: Portnoy’s Complaint. Roth was ’n skrywer wat myns insiens net beter geword het hoe ouer hy geword het, en ek het persoonlik meer aanklank gevind by die soberder, besadigder romans wat hy ná sy 60ste verjaardag geskryf het (soos The Human Stain of Everyman) as by die 33-jarige Alex Portnoy se baldadige biegsessie oor al sy seksuele obsessies. Maar Portnoy’s Complaint was my kennismaking met ’n skrywer wat my jare…

Persoonlikheid kan ’n rol speel en sommige vroue kan makliker en meer oorweldig voel as ander, sê Mariska. ’n Vrou wat na perfeksie streef, sal byvoorbeeld meer geneig wees om positiewe bydraes te ignoreer en op die negatiewe te fokus, omdat sy onrealistiese eise aan haarself en soms aan ander stel. “Sy kan tien komplimente kry, maar sal op een persoon se kritiek fokus. Enigiets wat nie perfek is nie, is ’n mislukking. Hierdie wit-en-swart manier van dink veroorsaak gevoelens van frustrasie en lae selfbeeld.” Net so kan ’n vrou wat ’n oormatige behoefte het om in beheer van haarself en haar omgewing te wees, oorweldig voel. “Sy wil hê die lewe moet voorspelbaar wees sodat sy voorbereid kan wees op wat volgende gaan gebeur. Wanneer die krag onverwags afgaan…

’N WARE LADY! Die reis van Lady May het tien jaar gelede begin toe Glenellywynmaker Luke O’Cuinneagain in Frankryk was en hy ’n spesiale Bordeaux-wyn met finesse, varsheid en diepte geproe het. Die 1873 Lafite Rothschild was die inspirasie vir hul wyn Lady May, ter ere van Glenelly se grande dame, May de Lencquesaing. Die Lady May 2012 is ’n versnit van 89% cabernet sauvignon, 10% petit verdot en 1% cabernet franc. Die druiwe is met die hand gesorteer en natuurlik in vlekvryestaaltenks gefermenteer. Die wyn word dan vir twee jaar in eikehout volwasse. Die wyn is intens, het ’n diep kleur met ’n boeket van vars vrugte soos swartbessies en bosbessies. Die Lady May 2012 is by www.glenelly.co.za en by spesialis-wynwinkels beskikbaar Die voorgestelde verkoopprys is R490 ROOIWYN VIR DIE…

Bêre die sakke Die Wet Wipes-houer is ’n ideale houer om plastieksakke in te bêre. Trek net een uit soos jy dit benodig. Kleur dit Gebruik gekleurde naelpolitoer om verskillende sleutels in die huis te merk en dit só makliker uit te ken. VIR KOEKLOLLIES Gebruik ’n onderstebo vergiettes om koeklollies in te hou as die sjokolade moet stol. Met ’n knypie sout Hou ’n pakkie sout in ’n broodblik om brood langer vars te hou. MAKLIKER SÓ Verwyder die saad uit skorsies en pampoen baie vinniger met ’n roomyslepel. Laat dit kleef Kleefplastiek kan soms ’n blikskottel wees om mee te werk. Dit werk glo veel beter as jy dit in die yskas hou. AS JY BAK 1 suurlemoen se sap = 3 e sap STOOR TAMATIES SÓ TAMATIES…

Die Duitse kunstenaar Georg Baselitz was sewe jaar oud toe die Tweede Wêreldoorlog tot ’n einde gekom het, maar die effek van die oorlog het Baselitz (80) altyd bygebly. “Ek kon nooit van Duitsland wegkom nie,” het hy by geleentheid gesê, “... of daarvan om Duits te wees nie.” In ’n latere onderhoud het hy hierop uitgebrei: “Ek het die lewenslig in ’n verwoeste orde, tussen verwoeste mense, in ’n verwoeste gemeenskap aanskou. Ek wou nie orde herskep nie. Ek het genoeg van sogenaamde orde gesien. My plig was om alles te bevraagteken ...” En dit het Hans-Georg Kern, gebore in Deutschbaselitz, wat ná die oorlog in Oos-Duitsland sou val, van jongs af en met mening gedoen. Hy het sy van na Baselitz verander (wat hy sy “nom de guerre”…

H et jy gedink ons leef in ’n tyd waarin mense al meer in blink vermaak en Twitter-boodskappe belangstel en al hoe minder in boeke wat hulle ’n bietjie uitdaag? Niemand sal jou kwalik neem as jy so dink nie, want die klem op vals nuus, die neiging van politici en glanspersone om deur middel van sosiale netwerke te kommunikeer en die groot bohaai wat telkens op dieselfde sosiale netwerke volg, skep inderdaad die indruk dat mense minder nadink en meer napraat. Interessante boekverkoopstatistiek uit Brittanje wys egter op ’n onverwagse tendens dat “slim boeke”, daardie niefiksieboeke oor byvoorbeeld politiek, ekonomie, geskiedenis, die omgewing of mediese navorsing, wat nie noodwendig in populêre styl geskryf is nie, maar wat redelik toeganklik is, steeds stygende verkope ervaar. Terselfdertyd is daar ’n afname…

Ruan van der Walt van Nelspruit was 21 toe hy in 2004 met nierversaking gediagnoseer is. Die rede vir die nierversaking was nie duidelik nie en hy moes dadelik met dialise begin. Sy ouer broer, Leon, het van die begin af gesê hy sal sy een nier vir sy broer skenk. Daar is dadelik met verenigbaarheidstoetse begin. Hulle behoort tot dieselfde bloedgroep en al die toetse het op ’n suksesvolle oorplanting gedui. Die dokters het egter aanbeveel dat Leon liewer sy niere behou sou een van sy kinders dit dalk later benodig, maar Ruan het sodanig verswak dat hy later in ’n rolstoel oor die weg moes kom. Vier jaar ná Ruan se diagnose is Leon se nier in 2008 vir hom oorgeplant. Die operasie was ’n groot sukses, hoewel…

GEDIGTE OP MCGREGOR Die sesde Poetry in McGregor-fees word die naweek van 24–26 Augustus op die dorp gehou. Meer as 160 digters sal aan die fees deelneem. Die tema vir vanjaar se fees is “The Sound of Water”. Kaartjies is by www.computicket.com  beskikbaar HANTAM-VLEISFEES OP CALVINIA Vanjaar sal die Hantam-vleisfees vir die 29ste keer op Calvinia aangebied word. Daar sal op 24 en 25 Augustus weer heerlike skaapvleis, talle stalletjies en baie aktiwiteite vir oud en jonk wees. Kunstenaars soos Ricus Nel, Monique Steyn, die Klipwerf-orkes en Hennie Jacobs sal daar optree. Besoek www.hantamvleisfees.com  vir meer inligting. Kaartjiepryse wissel van R50-R100 LAAT JOU SINTUIE FEESVIER  Proe’toria, ’n buitelug-feesdag, word op 25 Augustus by die Weiveld in Pretoria gehou. Jy kan musiek, kos, wyn en kindervermaak by…

Die Wet op Basiese Diensvoorwaardes 75 van 1997, stipuleer dat as jy gedurende die derde trimester van swangerskap ’n doodgebore kind baar, jy vir ses weke ná die miskraam of doodgeboorte op kraamverlof geregtig is. Daar is ook in 2017 ’n aansoek by die hooggeregshof ingedien om wetgewing te verander wat ouers die reg sal gee om hul doodgebore fetusse onder 26 weke te mag begrawe. Tans word ’n fetus jonger as 26 weke deur wetgewing in Suid-Afrika as mediese afval beskou. Hierdie saak word deur Sonja Smith, stigter van Voice of the Unborn Baby, en haar regspan voor die hof gebring. Vol-gens hul prokureur, Renaldi Ingram, is dit ’n lang uitgerekte proses en wag hulle tans vir ’n hofdatum. Volg hulle op Face-book by “Voice of the Unborn Baby”.…

Hier is nog maniere hoe jy jou kinders kan help om vriende te maak. • Leer jou kinders van kleins af die basiese sosiale vaardighede, soos om te groet, om ’n vraag met meer as net ’n enkele woord te beantwoord, om oogkontak te maak en om ander toe te laat om klaar te praat voor hulle self iets sê. • Leer jou kinders om gesigsuitdrukkings te lees. • Moet nooit namens skaam kinders antwoord nie. Moedig hulle aan om self te antwoord, want hulle moet leer om vir hulself te praat. Dit mag dit dalk later makliker maak om met skoolmaats te praat en uiteindelik om vriende te maak. • Raak deel van ’n saamryklub skool toe en terug. Dit sal jou kinders die kans gee om met ander…

Jy is nie meer 20 nie, maar dit beteken nie jy hoef op te hou droom nie. Skep nuwe doelwitte en skryf dit neer, sê ons kenners. Jacob verduidelik dat ’n doelwit jou belewenis van sin en betekenis verhoog. “Neem klein, maar werkbare treetjies.” Mariska sê hoe meer ons doelwitte neerskryf, hoe meer word dit deel van ons bewuste en onbewuste gemoed. “Skep dan nuwe doelwitte soos wat jy sommige behaal. Prys jouself wanneer jy ’n doelwit behaal, hoe klein ook al.” Jacob sê soms kan jy werk met wat jy het en ander kere ’n totale verandering maak. “Wees oop vir nuwe geleenthede.” Mariska beaam: “Vind jou passie en beoefen dit, selfs op ’n klein skaal. Verander jou verwagtinge oor hoe jy dit gaan uitleef en doen wat jy…

VARKBREDIE 4 porsies 1 ui, gekap 600 g blokkies varkvleis sonder been 47 g (1 pakkie) Stew Spice 750 ml (3 k) water 400 g potjiekosgroente 1 Verhit bietjie olie en braai ui tot sag. 2 Gooi vleis by en verbruin. 3 Voeg speseryemengsel, water en groente by. 4 Kook tot vleis gaar, groente sag en sous lekker dik is. SPEK-EN-AVOKADO-SPAGHETTI 4 porsies 500 g spaghetti 200 g (1 pakkie) stukkies spek 125 g (1 pakkie) tamatiepesto 2 avokado’s, gesny 60 ml (¼ k) parmesaankaas 1 Kook spaghetti in borrelende soutwater tot net sag, dreineer en hou eenkant. 2 Braai spek tot bros, hou eenkant. 3 Meng spaghetti en pesto goed. 4 Roer gesnyde avokado, spek en parmesaankaas by pasta. Bedien dadelik. THAISE HOENDER-EN-MIELIE-SOP 4 porsies 1 ui, in halfmaanringetjies…

Annelien Pienaar se Boerekos met ’n twist (Human & Rousseau) is propvol resepte vir heerlike huiskos met ’n kinkel. Daar is 140 familieresepte vir enigiets van soppe, souse, groente-, vleis- en nageregte tot gebak en spenstreffers. Als is deeglik getoets en sit die “resep-met-’n-les”-konsep voort wat Annelien Pienaar se gelyknamige blog en Facebook-blad so ’n sukses maak. Besoek www.humanrousseau.com HEDWICHT SMITH VAN LICHTENBURG DEEL HAAR WENK MET ONS: As jy ’n nuwe toestel soos ’n TV, yskas of vrieskas koop, plaas die boekie van die toestel asook sy waarborg in ’n deurskynende sakkie en plak dit agter die toestel vas. So is dit altyd byderhand as jy dit nodig het.…

Fidel Castro het nie net kapitalisme, private eienaarskap en vryheid van spraak tydens sy revolusionêre drogbewind verbied nie, maar ook rock ’n’ roll , want in die jare sestig was dié genre die vergestalting van kulturele en politieke protes. En toe breek 25 Maart 2017 aan, 50 jaar ná Castro se bewindsaanvaarding: The Rolling Stones hou konsert by Ciudad Deportiva de la Habana in Havana. ’n Geskiedkundige oomblik. The Stones was die eerste groot rockorkes wat ’n gratis konsert daar aangebied het. Dit was boonop Goeie Vrydag en die pous was nie juis tevrede dat die “sondige” lotjie op ’n heilige dag daar optree nie. Maar in ’n verdeelde wêreld kon rock ’n’ roll oor die 1,2 miljoen mense van alle uithoeke lok en ’n wyle verenig.…

Een van die byvoordele van die TV-uitsending van die koninklike troue van die Britse prins Harry en Meghan Markle was die publisiteit wat die jong tjellis Sheku Kanneh-Mason gekry het. Kanneh-Mason het ná die troue, toe die bruidspaar die register teken, drie bra elegiese werke vir só ’n geleentheid – Maria Theresa von Paradis se Sicilienne, Gabriel Fauré se Après un rêve en Franz Schubert se Ave Maria, saam met ’n orkes onder leiding van Christopher Warren-Green gespeel. Die 19-jarige Kanneh-Mason, ’n student aan die Royal Academy for Music in Londen, het egter ’n maand of wat ná die troue weer die kollig gesteel: dié keer by die 2018 Classic Brit Awards in Londen se Royal Albert Hall. Die prysaand van die Classic Brits, die ekwivalent van die Pop Brit…

MY KIND IS ONGELUKKIG Ek is bekommerd oor my dogter wat in Bloemfontein studeer. Ek woon in Pretoria. Sy is sielsongelukkig met die kursus wat sy doen en kla oor erge probleme met konsentrasie. As kind was sy op medikasie vir hiperaktiwiteit en swak konsentrasie. Is dit moontlik dat dit steeds by haar voorkom? – Moederhart Daar kan ’n verband tussen haar konsentrasieprobleme as kind en haar huidige simptome bestaan. Sy sal ’n kundige moet sien wat die oorsaak sal kan bepaal. Die moontlikheid van konflik of ander aspekte waarmee sy of jy nie eens bekend is nie, kan bydraende faktore tot haar probleem wees. Die meeste sielkundiges sal ’n siftingstoets kan doen om te bepaal of haar konsentrasie van so ’n aard is dat dit haar akademiese prestasie beïnvloed.…

“Ma dis embarrassing! Hoe kon Ma dit aan my gedoen het? Swanger op 45? Gross!” Haar groot, fris matriekseun is sprakeloos oor die onthulling wat Lida nie meer vir hom kan wegsteek nie. Drie maande lank het sy geswyg. Sy wou eers sien of die eerste semester goed afloop. André is al amper 18 jaar lank ’n enkelkind. Haar one and only. ’n Status wat hy nogal geniet. Sy en Eben wou jare gelede hul gesin uitbrei, maar die ooievaar het wye sirkels om hulle gevlieg. Hulle as ’t ware geboikot. Eben het as ingenieur gereeld oorsee begin werk en Lida het haar met vryskutskryfwerk vir tydskrifte besig gehou. Soos talle ander Suid-Afrikaners het hulle ook aan ’n pendelhuwelik gewoond geraak. Maar wanneer Eben tuis was, het hy dubbel en…

Crazy Store www.crazystore.co.za Gardenshop www.gardenshop.co.za Tanya Visser www.tanyavisser.com Yuppiechef www.yuppiechef.com…

Is dit nie interessant dat ons nêrens in die Bybel lees van “anderbeheer” nie? Ons lees net van “selfbeheer”. Ons lees in Gal 5:22–23: “Die vrug van die Gees, daarteenoor, is liefde, vreugde, vrede, geduld, vriendelikheid, goedhartigheid, getrouheid, nederigheid en selfbeheersing.” Tog bestee ons so baie tyd en energie om “anderbeheer” te probeer kry. Ons trap dikwels in die strik om verantwoordelikheid vir ánder (ons kinders, familie, kollegas en leerders – in die geval van onderwysers) se lewe en gedrag te neem. In ’n gesprek met ’n klompie onderwysers nou die dag is hulle radeloos oor wat hulle meer kan doen om ’n sekere groep leerders gemotiveer te kry om harder te werk en te leer. Hulle het feitlik elke opsie al oorweeg en probeer. Hoe motiveer jy iemand wat…