Innholdsfortegnelse for 3 August 2018 i Vrouekeur

Wanneer ek iets ontdek wat mooi of lekker is, goed werk, of ’n slim plan is, wil ek almal daarvan vertel. Dis nie net ek nie– die hele span hier op kantoor doen dieselfde. Ons ruil raad, resepte en wenke uit en as een iets moois of ’n winskoop aanlyn raaksien, is ons almal op die internet. Ons deel ook ons op- en afdraandes met mekaar en ons is oortuig daarvan dat menige persoonlike probleem met dié ondersteuningstelsel opgelos word. Die nuutste ontdekking wat ek gemaak het, wil ek wyd en syd deel. Ek het nie noodwendig baie slaap nodig nie, maar as ek wil slaap, wil ek slaap. Vir my is dit elke aand heerlik om in die bed te klim en verder aan die boek waarmee ek besig…

Franja sonder ’n paar gunstelinge uit: Kossoort Boerekos of soesji Blom Rose, veral rooies Parfuum Alien van Thierry Mugler Kleur Turkoois of koraalpienk Vakansieplek Hentiesbaai of die familieplaas Liedjie Bethel se No Longer Slaves Kleredrag Jeans en tekkies Fliek The Notebook of Dear John Boek Redeeming Love van Francine Rivers Motorkar Range Rover Volg haar op Twitter by @Franjadp of Instagram: Franjadp Vir navrae en besprekings, kontak Melanie by 083 953 1356 of 012 804 0436…

As jongste van sewe kinders het sy geleer om nie net vir haarself nie, maar ook vir haar familie en familiewaardes, die samelewing en haar omgewing op te staan. “Jy los niks en niemand wat in nood verkeer agter nie, hetsy vriend of vreemdeling.” Dis hoe ek haar deur die jare leer ken het en waarom ek met haar gesels het oor hoe sy die hartseer in haar verlede gebruik om ander se lewens te verryk. “Ons gesin se eerste groot terugslag was in 1994 toe my tweede oudste broer in ’n motorongeluk was. Dit het hom verlam gelaat. Dries kon net sy kop draai, maar hy het nie een dag oor sy toestand gekla nie.” Op 17 Oktober 1997 het sy die lewe aan ’n dogtertjie geskenk. Maria Magrietha…

Mens lees soveel raad en kommentaar oor hoe om kanker te voorkom dat jy later nie meer weet wat om te glo nie. Selfs die slim mense weet nie altyd wat die oorsaak van kanker is nie, maar wat ons wel seker van kan wees, is dat as jy ’n gesonde lewenstyl lei en risikofaktore uitskakel, jy dit dalk net kan voorkom. Dr Cathryn Walton, ’n kliniese en bestralingsonkoloog by Cancercare in Port Elizabeth, gee drie eenvoudige wenke hoe om gesonder te leef en jou liggaam weerbaar te maak om teen kanker te veg: 1 Matigheid is belangrik Dis belangrik dat alles matig geskied en dat jy ’n balans in jou lewe moet handhaaf. ’n Gesonde dieet is belangrik, maar so ook oefening, minder stres, om nie oormatig te drink…

Emma Willemse se Argiewe van verlies en verlange: Boumetodes- uitstalling spreek van verskuiwing en die verlies van ’n woning, iets wat soveel Suid-Afrikaners al beleef het. Die konsertina-agtige boeke het ou parketvloerblokkies as omslae en is gevul met tekeninge, drukkuns en collages wat die ervaring om ’n huis te verloor, dokumenteer en verwerk. “Elke blokkie wat as boekomslag ingespan is, het eens in ’n woonhuis diens gedoen, die plek waar so baie mense se intieme lewenservarings plaasvind. Die stukkies hout is fragmente, maar verbeeld nogtans ’n magdom ervarings en is, soos die prente en illustrasies in die boeke, die sleutel tot ’n baie groter verhaal van lief en leed,” vertel sy. Die boeke vorm as ’t ware ’n (onvolledige) argief van herinneringe en die omslae en…

“Ek is nie seker hoe ek hieroor voel nie. Om jou kinders eerste te stel, beteken tog nie noodwendig om hulle altyd hul sin te gee nie?” – Alta Cloete “Gaan dit nie oor balans nie? Natuurlik is kinders baie belangrik. Wanneer hulle klein is veral, draai ouers se wêreld noodwendig om hulle. Ek dink dis wreed om ’n kind groot te maak sonder ’n persepsie van eiewaarde, en ewe wreed om hom te laat glo die wêreld /lewe/ ouers skuld hom iets en moet om hom draai.” – Theresa Papenfus “Ek sien studente wat glo dat hulle ’n reg op alles het. Dis vreesaanjaend hoe ouers in hierdie klein koninkies en koninginnetjies se diens is.” – Elsabe Pepler “Dit hang van omstandighede af. Om kinders geld in te stop,…

VONDELING & FYNBOS Vondeling Wines, geleë tussen die Paarl en die Swartland, vereer ’n nuwe spesie van Paardeberg-fynbos met ’n naamsverandering vir hul vlagskip- rooi versnit, die Vondeling Monsonia 2015. Die Monsonia-spesie is genoem na Lady Anne Monson, die agterkleinkind van Koning Charles II, wat ’n “merkwaardige botanis” was. Die Vondeling Monsonia 2015 is ’n versnit van 85% shiraz, 6% mourvédre, 5% grenache noir en 4% carignan. Die wyn is ryk, dieppers met aromas van viooltjies, donker vrugte, rokerige eikehout, naeltjies, neutmuskaat en koljandersaad. Die Vondeling Monsonia 2015 is by die landgoed se proelokaal beskikbaar teen R215 per bottel, asook landwyd by spesialis-drankwinkels. Vir meer inligting, bel 021 869 8339 of besoek www.vondelingwines.co.za WYNDAGBOEK 2–3 AUGUSTUS Vrystaatse Wynskou, Bloemfontein 3–5 AUGUSTUS Robertson Slow Food & Wine Festival 16…

PIENK VONKELWYNKOEK 1 koek 650 ml (345 g) koekmeel 15 ml (1 e) bakpoeier 1,25 ml (¼ t) sout 6 (195 g) groot eierwitte 250 ml (1 k) pienk vonkelwyn 10 ml (2 t) vanieljegeursel 30 ml (2 e) olie 475 ml (400 g) suiker 235 ml (225 g) botter pienk koekkleursel VERSIERSEL 315 ml (300 g) botter, kamertemperatuur 1 895 ml (1 kg) versiersuiker 10 ml (2 t) vanieljegeursel 125 ml (½ k) pienk vonkelwyn Voorverhit oond tot 180 °C en voer 2 x 22 cm-koekpanne met waspapier uit en spuit dit met kleefwerende sproei. 1 Sif meel, bakpoeier en sout. 2 Klits eierwitte, vonkelwyn en vanieljegeursel tot goed gemeng. 3 Room olie, suiker en botter tot lig en donsig. 4 Gooi eierwitmengsel by bottermengsel en meng goed. Vou…

’N MUSIKALE SPYSKAART Koes julle swetsende kletsrymers, want die 19-jarige Jean du Plessis, bekend as Jan Bloukaas, verskaf skoon elektroniese rympies. Hy was nog in matriek toe hy die internet en dansvloere laat bons het met sy liedjies Kaas elke dag, kykNET en chill en Lassit. Dit het alles met ritmes begin waarmee hy sy vriende vermaak het, waarvan hy video’s gemaak het, op YouTube gelaai het en wat in ’n japtrap meer as 500 000 keer gekyk is. Hier is sy volledige debuutalbum, LEWE (inhoudHuis/Universal), met ’n splinternuwe treffer en video, Desember, ’n energieke liedjie met herinneringe aan vakansiesorgeloosheid (in byderwetse duet met Mariné Moffat se smeulverleidelikheid). Hy bied ’n allemintige 18 oorspronklike snitte in komiese luim, met hier en daar ook ’n streep peinsende erns. Hy sê hoewel…

MOOI MAGRIETJIES Gouemagrietjies ( Euryops pectinatus) is ’n vrolike inheemse struik en vang die oog van ver af. Hulle is aanloklik vir bestuiwers soos bye en skoenlappers. Plant dit in massas langs paadjies of in rye en potte. Hulle groei vinnig, is waterwys en is nie vol fiemies nie. PLANT ’N CLIVIA As jy net een plant kan kies wat in die vroeë lente blom, kies ’n clivia. As hierdie oranje blomme kort ná die winter blom, sal dit die laaste bietjie wintermistroostigheid verdryf. Hulle groei maklik, is immergroen, meerjarig en het lieflike donker blare. Clivias gee glo geluk as dit naby die huis geplant word. SPRING AAN DIE WERK • Die lente is op pad, gee jou plante genoeg voeding. Voed die struike en bome as jy sien dat…

GEMENGDE EMOSIES Ons was onlangs op pad na ’n familielid se begrafnis. Soos ons met die kuspad ry, ontvou die Wes-Kaap ná die ernstige droogte in ’n groen tapyt. Die bittereinderbossies vertoon ook reeds hul eerste blaartjies. Ná die welkome reën het die aarde behoorlik begin groei. Terwyl ons deur die Bolandse dorpe ry, verkyk ek my aan die skape wat rustig saam met hul lammertjies die groen weiding geniet. Oral staan damme water, maar ten spyte van al die mooiheid bly my emosies wipplank ry. Aan die een kant huil dit binne my oor ’n jong man van wie ons gaan afskeid neem, en aan die ander kant loof ek ons Skepper vir sy ontferming in tye soos die droogte. Ek voel of ek saam met Laurika Rauch kan…

Marinda van Zyl het haar debuut in kreatiewe skryfwerk in 1988 gemaak toe haar novelle Die reëndagbesluit die kortlys vir die ATKV-novellewedstryd gehaal het. In 1991 het die verhaal in die bundel Bittersoet sewe verskyn wat deur Tafelberguitgewers gepubliseer is. In 2011 was sy die naaswenner in LAPA se romanwedstryd met Wilhelmina Radebe kom tuis. In 2015 het Amraal die kortlys vir NB Uitgewers se Groot Romanwedstryd gehaal. Marinda van Zyl is op 11 September 1948 op Gobabis gebore en word op ’n plaas in die omgewing groot. Sy matrikuleer in 1966 waarna sy ’n BA-graad en onderwysdiploma aan die Potchefstroomse Universiteit verwerf. Sy gee onderwys op Walvisbaai en verskuif later na Windhoek. “Omdat my man nagraads in chemie wou studeer, het ons in 1976 Bloemfontein…

Jannet sê die grootste uitdaging is om die idee dat jy oor die muur is of om jouself as “oud” te begin etiketteer, te oorkom. “Die oomblik as jy glo jy is te oud om ’n bydrae tot die samelewing te maak, het jy die stryd verloor. Die wêreld van werk is dinamies en mens is nooit te oud om ’n nuwe vaardigheid te leer nie. Hou dus aan met leer en bly op hoogte van nuwe tendense in die bedryf.” Sy sê ook dis belangrik om jou fisiek so fiks as moontlik te hou deur gesond te leef. “Hoewel dit verstaanbaar is dat entoesiasme vir ’n agt-tot-vyf-werksdag mag afneem, moet ’n mens se entoesiasme om voluit te lewe nie afneem nie. Maak vrede daarmee dat jou dae wel anders…

Kansa sê ’n gebalanseerde lewenstyl kan jou kankerrisiko verminder. Volgens Kansa kan jy jou kankerrisiko in ’n derde van kankergevalle verminder deur ’n heilsame eetprogram en gesonde gewig te handhaaf en aktief te bly. Elize Joubert, Kansa se uitvoerende hoof, sê oorgewig of vetsug word beslis aan ’n hoër risiko vir verskeie kankers verbind, Ongelukkig is baie mense in Suid-Afrika oorgewig, insluitend kinders en tieners, met 42% vroue en 13% van mans, 7% van seuns en 9,6% van meisies wat oorgewig is. Kansa se boodskap is dus eerstens om gesond te eet. Hulle gee die volgende koswenke: • Eet minder kos en drink minder drankies met ’n hoë suikerinhoud. • Eet minder indien enige verwerkte vleis soos ham en spek en nie meer nie as 500 g (gekookte gewig) rooivleis…

WAT BESKOU JY AS ’N HOOGTEPUNT IN JOU KUNSTENAARSLOOPBAAN? Om in 2016 uitgenooi te word om my kunstenaarsboeke by die Dak’art Biennale in Senegal uit te stal. WATTER KUNSTENAARS BEWONDER JY? Ek skep veral inspirasie uit internasionale vrouekunstenaars wie se idees met myne oorvleuel, soos die Britse kunstenaars Rachel Whiteread en Cornelia Parker. SKEP JY NUWE WERKE VOLGENS JOU VERBEELDING OF INNERLIKE WOELINGE OF NEEM JY FOTO’S EN KNIP JY PRENTE UIT VIR INSPIRASIE? Dis ’n kombinasie – ek is gedurig verbaas oor hoe hierdie twee aspekte van innerlike en uiterlike inspirasie mekaar ondersteun en inlig. HET JY ’N GUNSTELINGMEDIUM? Collage. IS DAAR EEN MEDIUM WAT JY NOG WIL PROBEER EN JY GLO DALK BY JOU STYL SAL PAS? Hoewel ek reeds met drukgrafika werk, sal ek dit nog meer…

Wat doen hierdie twee wetenskaplikes van formaat as hulle nie werk nie? Reinout, met sy fletsblou oë en lang grys poniestert is ’n toegewyde karateka met ’n derde dan in die Kyokushingevegskuns. Marianne reis graag wanneer sy kan: sy het pas uit Suid-Korea teruggekeer en beskou Machu Picchu in Peru en Ierland as van die beste plekke wat sy en haar man besoek het. Die ma van twee seuns moes vrede maak met die feit dat sy dalk nie die Nobelprys gaan wen nie en dat mens gelukkig moet wees met dit wat die lewe vir jou gee. “Nobody is as good at being you as you,” sê sy. Vir ontspanning lees sy gewone storieboeke – spioenasie- en liefdesverhale en “whodunnits” met gelukkige eindes. Sy reken sy is ’n kas-romantikus.…

Vlekke op tekkies? PROBEER OM DIT MET NAELLAKVERWYDERAAR AF TE KRY. SKOON LAMPE ’n Lintroller werk goed om ’n materiaallampskerm mee skoon te maak. Vryf net daaroor en siedaar. ’N LESER VRA: HOE WAS MENS KUSSINGS? Probeer hierdie metode: Sit twee kussings op ’n slag in die wasmasjien saam met 1 k bleikmiddel en gewone waspoeier. Was op die warm siklus en laat dit ’n ekstra keer spoel. Sit dit dan saam met ’n paar tennisballe in die tuimeldroër om hul vorm te behou. ’N KNOOP WAT HOU Sit ’n klein bietjie gom soos Bostik op die garing (agter knope) op skoolhemde om die knoop stewig te hou. Muwwerige laaie As daar ’n klankie in laaie is, sit ’n nuwe boksie koeksoda in elke laai. Maak gaatjies in die boksie…

BIER-BEESBREDIE 4 porsies 125 ml (½ k) koekmeel 5 ml (1 t) rooivleisspeserye 600 g blokkies vleis 1 ui, gekap 5 ml (1 t) knoffel 5 ml (1 t) fyn koljander knypie neutmuskaat varsgemaalde swart peper 440 ml (1 bottel) bier 500 ml (2 k) beesaftreksel 200 g (1 pakkie) babawortels 250 ml (1 k) bevrore ertjies 1 Meng koekmeel en rooivleisspeserye. Rol vleis daarin. 2 Verhit bietjie olie en braai ui en knoffel tot sag. Skep uit en hou eenkant. 3 Braai vleis in sarsies tot bruin. Roer uiemengsel en speserye by vleis. 4 Gooi bier en aftreksel by vleis en laat vir uur en ’n half kook. 5 Gooi wortels en ertjies laaste 20 minute by en kook tot sag. Sit met stampmielies voor. HOENDER-WELLINGTON 4 porsies 1…

In die droë rivierloop voor die dorp staan trokke in die verte en laai sand en klip op. ’n Stapel blokke lê soos suikerklontjies in die middel en lyk kompleet asof reuse dit vir namiddagtee daar gepak het. Mens beland soms op plekke sonder dat jy daarvoor beplan het. Jy kyk op ’n kaart na jou volgende bestemming op ’n lang Namibiese reis en is verbaas as jy sien jy ry reg teen Hentiesbaai verby. Die moontlikheid om in te draai en kuier, word al hoe aanlokliker soos die kilometers onder die bande verbygly. Dis eintlik hoe vakansies moet wees, mymer my man toe ons wel indraai. Ek knik. Daardie sorgelose, onverwagte ontdekkings wat jy op jou vakansie kan geniet. Die advertensieborde dui aaswinkels, ys, visserman-akkommodasie en vislynwinkels aan. Ek…

ROLPRENTE CHRISTOPHER ROBIN Met Hayley Atwell en Ewan McGregor Regisseur Marc Foster WARE LEWENSDRAMA Lesers moenie hierdie kunsrolprent met sy voorganger Goodbye Christopher Robin verwar nie. Dit het die ware verhaal ( n bietjie teleurstellend) vertel van die skrywer AA Milne wat die fiktiewe beertjie Winnie the Pooh geskep het en watter onverwag stremmende invloed dit op sy seuntjie Christopher Robin gehad het wat as karakter in die stories voorgekom het. Nou word die storie met nuwe wendings verder gevoer. Christopher (Ewan McGregor) is nou volwasse met ’n gesin. Hy is dus in dieselfde posisie en net so oud soos sy pa was toe hy die karaktertjie destyds geskep het. Chris ontmoet weer vir Winnie the Pooh as ’n animasiekarakter wat met regte beelde gekombineer word om die regte Christopher…

Katja Petrowskaja is, as jy op grond van haar naam moes raai, Russies. Sy is in Kiëf, die hoofstad van Oekraïene, gebore en het daar grootgeword. Haar voorouers is van Poolse, Russiese en Oostenryks-Joodse afkoms en sommige is vroeg in die 20ste eeu in pogroms in Rusland vervolg, ander is later saam met die 33 000 Joodse inwoners van Kiëf in twee dae se tyd in 1941 doodgeskiet. Petrowskaja woon nou egter in Berlyn en sy het haar merkwaardige roman Vielleicht Esther in Duits geskryf – op sigself ’n betekenisvolle keuse om nie in haar moedertaal, Russies, te skryf nie, maar in die taal van die mense wat vir die uitwissing van so baie van haar Joodse voorouers verantwoordelik was. Die Engelse vertaling van haar roman, Maybe Esther, deur Shelley…

Die nuusagentskap AFP berig dat tuinmaak in die ruimte nie ’n vergesogte idee is nie. Kool en blaarslaai kan binnekort op ruimtevaarders se spyskaarte wees, maar tuinmaak in die ruimte is g’n grap nie. Sonder swaartekrag sweef die saadjies weg, water kan nie gegiet word nie en kunsmatige ligte en waaiers moet met presisie gestel word om die son na te maak. Nasa sê tuinmaak in die ruimte is noodsaaklik met dié dat voedingstowwe soos vitamien K mettertyd in vriesgedroogde kos afbreek. Die Fairchild Tropical Botanic Garden het nou 106 plantvariëteite geïdentifiseer wat goed in die ruimte kan vaar. As deel van ’n vierjaarprojek is studente besig om hierdie plante in “ruimte-agtige toestande” te kweek. Bron: AFP…

Die feit dat die Here nie altyd ons gebede beantwoord soos ons sou wou hê nie, is nie ’n teken dat Hy nie luister nie, want Hy doen dit wel. Soms antwoord die Here ons gebede gou, maar ons weet dat die Here en ons begrip van “gou” verskil. Dit mag lyk of ons gebede vir maande onbeantwoord bly en dan skielik antwoord die Here. Soms antwoord die Here met “later”. Die Here hoor dadelik ons gebede, maar soms mag dit ’n rukkie neem voor ons ons antwoord kry. Wanneer dit lyk of die Here nie jou gebede beantwoord nie, hou aan bid, jou antwoord mag dalk net om die draai wees. Baie kere antwoord die Here ons gebede “beter”. Soms kry jy nie waarvoor jy vra nie, want die…

Nie alle musikante se debuutalbum bereik goue status nie. Nog minder behaal hulle hierdie prestasie vier maande ná die uitreiking van die album. Franja du Plessis het dit wel met My verhaal reggekry . Daar is egter geen kans vir haar om op haar louere te rus nie en tans is Franja hard aan die werk om haar volgende album vir uitreiking later vanjaar gereed te kry. Sy het al 12 die liedjies op die nuwe album geskryf. “Ek is geweldig dankbaar vir die sukses van my eerste album,” sê Franja. “Hierdie nuwe album is meer volwasse as die eerste een. Ek was ’n paar jaar jonger toe ek daardie musiek geskryf het en ek hoop regtig die mense sal ook baie van die tweede…

Wie sal ooit die skugter Gertjie van Niekerk in die TV-reeks Manakwalanners vergeet wat haar kop skaam met haar voorskoot bedek het? Elizabeth Archer se lewe het sedert haar Kaapse grootwordjare ’n baie lang en opwindende pad geloop. Sy is ’n gerekende aktrise met ’n ouwêreldse sjarme. Wanneer jy aan Elizabeth dink, kry jy terugflitse van haar talent uit TV-reekse in die jare tagtig en negentig, maar vandag werk sy agter die skerms om die een trefferreeks ná die ander saam met haar man, die draaiboekskrywer en vervaardiger, Johan van Jaarsveld, te skep. In 1974 is sy Stellenbosch toe om drama te gaan studeer, en om haar pa tevrede te stel, het sy daarna ’n onderwysdiploma voltooi. Sy het daarna Pretoria toe gegaan om haar honneursgraad…

’n Kliniese sielkundige, dr Henk Swanepoel, sê egskeiding behels verskeie emosionele vlakke wat in gedrag manifesteer wat onnatuurlik is. Die party wat nie die skeigeding begin het nie ervaar skok, verraad, verlies aan beheer, viktimisering, ’n verlaagde selfbeeld, onsekerheid, vrees en ’n behoefte om te versoen of om wraak te neem. “Dit is egter belangrik om te aanvaar dat huwelike nie oornag verbrokkel nie, en ook nie weens een enkele voorval nie. Dit is ook nie uitsluitlik een party se skuld nie. In die proses om afstand te skep, gaan dit ongelukkig soms met haat en wraak gepaard. Vir die party wat uit sy of haar pad gaan om die ander een se foute ten toon te stel, is dit ’n poging om hom- of haarself beter te laat voel…

• Sluit by die CANSA Active Programme (http://cansa-active.org.za/) aan om te leer van ’n gesonde lewenstyl, hoe om veilig in die son sport te beoefen en hoe om kankerbewus te wees wat dieet en lewenstyl betref. Sportmense het ook die kans om aan hul gunstelingsportaktiwiteit of resies deel te neem en geld aanlyn in te samel om mense te ondersteun wat deur kanker geraak word. http://www.cansa.org.za/cansas-care-support/) • Besoek www.cansa.org.za of www.cansa-active.org.za, of besoek jou naaste Kansa-sorgsentrum, bel Kansa tolvry by 0800 22 66 22 of stuur ’n e-pos na info@cansa.org.za. • Kansa bied WhatsApp-ondersteuning in Afrikaans en Engels by 072 197 9305 en in Xhosa, Zoeloe, Sotho en Siswati by 071 867 3530.…

Annelien Pienaar se Boerekos met ’n twist (Human & Rousseau) is propvol resepte vir heerlike huiskos met ’n kinkel. Daar is 140 familieresepte vir enigiets van soppe, souse, groente, vleis en nageregte tot gebak en spenstreffers. Als is deeglik getoets en sit die “resep met ’n les”- konsep voort wat Annelien Pienaar se gelyknamige blog en Facebook-blad so ’n sukses maak. Besoek www.humanrousseau.com JOHAN VENTER VAN CENTURION HET HIERDIE WENK MET ONS GEDEEL: Het jy ’n halwe bottel rooiwyn oor? Geen probleem. Smelt ’n teelepel klapperolie en gooi dit op die wyn. Plaas dit in yskas. Die olie sal stol en die wyn afseël. Breek die seël met ’n breinaald of lang stokkie, gooi die wyn deur ’n teesif en geniet dit. Die olie laat geen smaak in…

KOFFIE OP SY BESTE Ontdek twee nuwe beperkte uitgawe koffies: Robusta Uganda, ’n intense geur ryk aan kakao en lekker as ’n espresso, en Arabica Ethiopia Harrar, met geure van ryp vrugte en vars blomme, ideaal vir ’n espresso of lungo. Ongeveer R95. Nespresso-kapsules is herwinbaar. Neem jou gebruikte kapsules net terug na jou naaste Nespresso Boutique. Beskikbaar by Nespresso Boutiques landwyd of www.buynespresso.com SLAAP LEKKER ’n Goeie matras is nie ’n luukse nie, maar ’n noodsaaklikheid. Simba Fusion Mattresses sorg vir temperatuurregulering, ondersteuning en gehaltevere wat individueel aanpas soos wat jou liggaam beweeg. Boonop kom dit in ’n kompakte boks en as jy dit op die bed uittel, neem dit die regte grootte aan soos wat dit uitswel. Beskikbaar in enkel-, dubbel-, koningin- of koninggrootte vanaf R4 495. www.takealot.com…

• Die toerismekantoor is in Nickey Iyamboweg. Gesels met die vriendelike Priscilla Noarises, stuur e-pos na priscilla.noarises@hbaymun.com.na of loer by www.hentiesbaytourism.com • Permitte is nodig om aas te verwyder, vis te vang, kreef te vervoer en so meer. Klaar alles by die toerismeburo uit. • Gaan verken die omgewing se 4x4-roetes waaronder die Welwitcshia-, Omarururivier-, Ugab Menhir-, Messum krater- en Brandberg-Wes-roete, maar ry altyd saam met ’n tweede of selfs derde voertuig. GPS-koördinate en meer inligting oor elke roete is by die toerismekantoor beskikbaar. • Ry uit na die Zeila-skeepswrak, Die Walle, sowat 14 km suid van Henties. Dit het op 25 Augustus 2008 gestrand en is een van die vele wrakke wat aan hierdie kusgebied die naam van “Skedelkus” besorg het.…

Danielle kom een aand by die huis aan ná sy ’n spinklas aangebied het. “Ek het vanaand ’n oulike mensie ontmoet,” sê sy. “Bietjie jonger as ons, maar sy hou ook van fietsry. Kan ons saam met haar gaan koffie drink?” Natuurlik, sê ek, en ons maak ’n afspraak. Sy is splinternuut in die omgewing. Sy het ’n graad in landbouwetenskap en werk van alle dinge op ’n blaarslaaiplaas. Ek is aangenaam verras met die skraal, netjiese meisie wat ons by haar woonstel oplaai. Aanvanklik is sy pynlik skaam, maar ons probeer gemeenplasies vind. Sommer as ’n blykie van goodwill het ek vir haar ’n paar boeke uitgekies en oorhandig dit sonder te veel fanfare. Maar sy lyk sigbaar geskok en haar lip trek skeef. Sy maak nie die pakkie…

Fragile , ’n uitstalling van Wolfgang Tillmans, die kunstenaar wat in 2000 die gesogte Britse Turnerprys gewen het, is tans in die Johannesburg Kunsmuseum (JAG) in Joubertpark te sien. Die Duitser Tillmans (49) was die eerste fotograaf wat dié prys verower het en die beoordelaars het sy werk toe uitgesonder vir die manier waarop hy met kontemporêre kultuur omgaan terwyl hy die grense tussen kuns en fotografie en tussen die genres van portretkuns, dokumentêre werk en stillewes bevraagteken. Twee dekades later kan ’n mens sê dat Tillmans se bevraagtekening van grense intussen ’n vervaging van grense geword het. En daarvan is Fragile, ’n uitstalling wat ’n oorsig van sy werk en werkwyse bied, ’n goeie aanduiding. Die uitstalling sluit oorgroot foto’s, beeldhouagtige voorwerpe, videoprojeksies en musiek in, maar dit…

MOEILIKHEIDSGRAAD: ** BENODIGDHEDE Elle Alula DK (200 g-balle): 2 balle Pinicola 4 mm-hekelpen Naald met groot oog GROOTTE Rugbreedte: 43 cm, Lengte: 81 cm AFKORTINGS EN STEEKVERDUIDELIKINGS beg = begin, dies = dieselfde, dr = draai, dsl = dubbelslagsteek, gp = groep, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, rdte = rondte, sp = spasie, st = steek, tr = trossie, vlg = volgende. Trossie: 1 Slaan die draad oor die pen en steek dit in die volgende steek. 2 Moenie die steek voltooi nie sodat daar twee lusse op die pen is. 3 Hekel die volgende steek/steke (soos deur patroon aangedui) op dieselfde wyse. 4 Slaan die draad oor die pen en trek dit…

AANSTAANDE SKOONOUERS VERWERP MY SKIELIK Ek het uiteindelik die man van my drome ontmoet. Aanvanklik was sy ouers baie gaaf teenoor my, maar hul houding het skielik verander en nou is ek die slegste mens wat bestaan. Ek het mooi met hulle gepraat en hulle het net gesê dat ek nie in hul familie inpas nie. My vriend het nie eens ’n poging aangewend om my te ondersteun nie. Ons staan op trou en ek moet besluit of ek met die huwelik wil voortgaan of nie. Enige van die keuses gaan my hart breek. – Verwerp Jou aanstaande skoonouers se gedrag is vreemd en daar is beslis iets waarmee hulle ongemaklik is en nie met jou wil bespreek nie. Jy kan ’n openhartige gesprek met jou aanstaande hê waarin jy…