Innholdsfortegnelse for 13 July 2018 i Vrouekeur

Soms lees ek iets raak wat ek eintlik weet, maar as ek dit swart op wit sien, herinner dit my weer om dit in gedagte te hou. 1 Gee ’n ferm handdruk. 2 Kyk mense in die oë as jy met hulle praat of na hulle luister. 3 As iemand jou iets vertroulik vertel, moenie dit oorvertel nie. 4 Wees dapper al is jy nie – maak asof jy is, want niemand ken die verskil nie. 5 Gebruik sarkasme versigtig. 6 Kies jou lewensmaat met sorg. Dié besluit gaan 90% van jou geluk of ongeluk bepaal. 7 Maak dit ’n gewoonte om gawe goed vir mense te doen, sonder dat hulle weet wie dit doen. 8 Leen net boeke uit wat jy nie weer wil sien nie. 9 Moenie iemand…

Louis Minnaar bestel ’n grondboontjiebotter-smoothie, Nadine ’n dubbele skeut cappuccino. Hulle het ’n uur afgeknyp uit hul volgepakte skedule om my hier by ’n gewilde eetplek in Hazelwood, Pretoria, te ontmoet. Smoothies is iets wat Louis dikwels tuis vir ontbyt maak. Ja, hulle is regtefoodies, erken die twee innemende jongmense. Daar is min tyd vir TV kyk, want hulle werk vele aande, maar hulle is verslaaf aan Masterchef Australia. “Ons hou van nuwe kostendense en kook albei, maar deesdae maak Louis meestal die kos, want ek bly besig met klein Lukas (10 maande) se roetine van bad en voer.” Louis is versot op Thai- en Indiese cuisine, veral kerries, terwyl Nadine vars geregte, slaaie, groentedisse, oondgebak en soppe verkies. “Ons hou nie veel van boerekos nie, dit is te uitgekook…

Prof Glenda Gray, verlede jaar as een van Times se 100 invloedrykste mense vir haar uitnemende MIV/vigs-navorsing aangewys, het haar toekenning, in ’n elegante swart nommertjie geklee, in die Lincoln-sentrum in New York ontvang. Bekend as MIV-aktivis het sy hierdie eerbewys, vuis in die lug namens vrouewetenskaplikes van Afrika, aanvaar. Glenda bevind haar in die geselskap van pioniers, leiers en kunstenaars, onder andere pous Francis, Melinda Gates en Margaret Attwood. Glenda Elisabeth Gray, gebore en getoë aan die “verkeerde kant van die spoor” in Boksburg aan die Oos-Rand van Johannesburg, het in haar lewe van 55 jaar prestasies en toekennings soos mylpale langs die pad ingeryg. Die Orde van Mapungubwe (silwer) is in 2013 onder meer aan haar toegeken en in 2014 het sy die eerste…

Net soos met jou fisieke gesondheid, is dit nodig dat jy na jou geestesgesondheid omsien en jy moet dit ook nie as twee afsonderlike aspekte van jouself sien nie, want dit hou met mekaar verband. Felicity Pienaar, ’n arbeidsterapeut by die Akeso-kliniek in Nelspruit, verduidelik dat pasiënte met swak geestesgesondheid, dikwels sleg voel en nie die energie het om aan hul basiese behoeftes te voldoen soos om gesond te eet, genoeg te slaap en te oefen nie. Daarby kan angs en stres weer tot fisieke klagtes, soos kop-, rug- en nekpyn en slaaploosheid lei. Volgens die Kanadese Geestesgesondheidsvereniging het mense met ernstige geestesgesondheidstoestande ’n groot kans om ook chroniese siektes te kry en mense met chroniese fisieke toestande loop die risiko om swak geestesgesondheid te hê. Dit is dus onmoontlik…

Jy is klaar met matriek of amper klaar gestudeer en jy kan nie wag om die huis te verlaat nie. Jy droom van jou eerste werk, jou eerste eie blyplek, jou eerste motor, van ’n lewe waar jy die volwassene is wat self die reëls maak wat op jou van toepassing is. Maar hoe gereed is jy vir die verantwoordelikhede wat hiermee gepaardgaan? Het jy aan alles gedink? Wat van daardie dinge wat agter die skerms aangaan, en waarmee jou ouers jou nooit as kind opgesaal het nie omdat hulle die verantwoordelike volwassenes was? Hier is ’n paar dinge wat jy behoort te weet, voor jy op jou eie twee bene probeer staan. JOU MOTOR Moenie die kans waag dat jy sonder brandstof gaan staan nie. Dit is baie ongerieflik…

• Jy sal moet sorg dat die res van jou blyplek ook gereeld skoongemaak word. Trek minstens een keer per week jou bed skoon oor, stof gereeld af en vee uit of stofsuig. • Om badkamers higiënies skoon te maak, is niemand se idee van pret nie, maar dit móét gereeld gedoen word. • Tandeborsels hou nie vir ewig nie. Koop so nou en dan ’n nuwe een. • Maak seker alle sakke is leeg voor jy klere was. Papiergeld oorleef gewoonlik ’n rondte in die wasmasjien, maar papierservette en snesies nie. Hulle breek in klein stukkies op en kleef verbete aan alles in die wasmasjien vas, veral jou swart klere. • Jy moet weet hoe om ’n brandblusser te gebruik. • Jy moet ook weet hoe om ’n gloeilamp…

Hierdie maand se wenners kry twee Romanzaboeke met die komplimente van LAPA Uitgewers. Alles begin met ’n soen deur Dina Botha gaan oor twee teenoorgestelde persoonlikhede, Martiné en Stefan. Martiné hou van bont en vrolik terwyl Stefan grys pakke dra, maar dan begin dinge werk ... In René van Zyl se Liefdesafari is Franci von Lelieveld ’n rekenmeester en in haar lewe is daar vir alles ’n tyd en plek. Toe die wildbewaarder Gavin Michaels haar soen, voel sy hoe sy beheer oor haar lewe verloor. Maar hulle gaan op mekaar moet staatmaak, want ’n skynhuwelik is hul voorland. Besoek www.lapa.co.za  vir meer inligting WILNA HÖLL VAN BLOEMFONTEIN IS VANDEESWEEK ONS WENNER: Voorkom só dat melk vanuit ’n vol boksie langlewemelk booor die koppie spuit: Druk met ’n…

ROLPRENTE SKYSCRAPER Met Dwayne Johnson en Neve Campbell Regisseur Rawson Marshall Thurber AKSIE Hierdie een lyk op die oog af na Die Hard op steroïede. Of met ’n moderner, koeler houding, want die fokuspunt is alweer ’n hoë toringgebou. Hierdie berge van staal met hul blink elektriese oë wat dwarsdeur die nag kyk met hysbakke wat met die spoed van ’n taxi wat buite beheer raak in staalspelonke opskiet, fassineer ons almal. Maar wanneer daar iets in daardie geboue skeefloop (dink maar aan die toringgeboue in New York tydens die 9/11-aanval) verander die strukture in monsters wat Godzilla met King Kong sal laat trou as beskermmaat! Dwayne Johnson, tans die magtigste superster in Hollywood, ondersoek die sekuriteit in Hongkong se hoogste toringgebou. Op die oog af lyk alles normaal. Tog,…

Louw en Marí le Roux woon saam met hul drie worshondjies, Sipho (15), Impi (14) en Bettie (5), in ’n nuwe huis in die Kaapstadse voorstad Parklands-Noord. Louw is ’n kreatiewe direkteur by ’n reklamemaatskappy en Marí ’n arbeidsterapeut. Marí beskryf hul huis se styl as weldeurdag – gemaklik met ’n goeie Skandinawiese klap weg! “Ek veronderstel ‘boeresjiek’ kan ook werk, as mens al ons antieke meubels en sentimentele dekorartikels uit vervloë dae in gedagte hou, maar ons gaan albei op die oomblik deur ’n Skandinawiese fase.” BOUWERK Die Le Rouxs het in Julie 2015 ingetrek en die huis was ’n produk van hul opgehoopte kreatiwiteit. Hulle het in 2013 Kaap toe verhuis en twee jaar eers net gehuur. Louw vertel: “Ons het na bestaande huise rondgekyk, maar het te…

Mense sal (amper) enigiets vir liefde doen. En diegene wat al ooit verlief was, régtig kopverloor-, bewendeknieë-, skoenlappers-in-die-maag-verlief, weet waarvan ek praat. Jy voel mos asof jy die wêreld kan verower, niks kan jou geesdrif vir die lewe demp nie en alles lyk mooier en kleurryker. Dis asof ’n gees van welwillendheid jou liggaam oorgeneem het. Jy raak nie vies as iemand jou parkeerplek steel nie, jy gee vir elke bedelaar ’n stywe fooitjie en maak sommer geselsies met vreemdelinge. Daar’s ongelukkig baie mense wat lus met liefde verwar en wanneer die lus bevredig is, is liefde iets van die verlede. Sommige is bloot verlief op die idee van die liefde, ’n siekte wat baie van ons onder lede het. Dit eindig selde met: En hulle het lank en gelukkig…

Daar is vroeër gedink orgideë is onbekostigbaar vir gewone mense, maar vandag is hierdie een van die gewildste potplante wat in amper elke supermark verkoop word. Die toenemende gewildheid is hoofsaaklik danksy verbeterde kweek- en kloningtegnieke, wat hulle nie net meer bekostigbaar gemaak het nie, maar ook verseker dat blommende plante regdeur die jaar beskikbaar is. Orgideë se voordeel bo ander snyblomme en potplante is die feit dat hulle vir so lank blom, sommige variëteite blom vir tot vier maande. Hul blomme is ook voorwaar besonders en daarom word hulle dikwels bo snyblomme gekies om iemand se huis op te helder. Natuurlik is daar mense wat dink dat dit moeilik is om hulle aan die lewe te hou, maar daar is heelwat hibriede wat eintlik maklik is om te kweek…

Omdat ’n ouerige paartjie moeite gehad het om alledaagse dinge te onthou, het hulle besluit om alles neer te skryf. Een aand vra die tannie of die oom iets wil eet. Hy antwoord: “Ek wil asseblief ’n roomys met sjokoladesous hê.” Die tannie het kombuis toe begin loop toe haar man sê: “Gaan jy dit nie neerskryf nie?” “Moenie laf wees nie, ek gaan dit mos nou dadelik maak,” het sy geantwoord. Toe sy uiteindelik terugkom, sit sy ’n bord spek en eiers en ’n glas lemoensap voor hom neer. Hy het die bord so gekyk en gesê: “Ek het geweet jy moes dit eerder neergeskryf het, jy het die roosterbrood vergeet!” Het jy al ooit gevra: “Ek is ’n kind van die Here –so what, wat beteken dit?” Ons…

GELUK IS ’N KEUSE Die Mei-kalender in Vrouekeur is so pragtig – geluk is ’n keuse wat jy maak. Geluk is om weekliks my Vrouekeur te kry. Ek verlustig my in ’n verskeidenheid van goeie artikels. Dit bly ’n bekostigbare tydskrif wat ek weer gee aan my vriende wat ook nie kan wag om dit te lees nie. Meimaand het dit ’n jaar geword – my dogter is na haar hemelhuis. Daar is nog te veel emosies en gedagtes waarmee ons daagliks worstel. Sy het ’n groot leemte in ons harte gelaat, maar ons berus. Alet Jacobs, per e-pos NOG ’N VOORBLADOPSIE Wenbriefwenners wen ’n geskenkpak van LAPA Uitgewers ter waarde van R495 WEN Ernst is ’n aaklige kiem. En die wetenskaplike wat hom ontdek, is sy eerste slagoffer. Ernst…

Nie eens die koue winter kan Irene-Louise van Wyk se entoesiasme oor die lewe demp nie. “In die winter is dit vir my salig om by die huis te kom, ’n koppie tee te maak, ’n onesie aan te trek en dan saam met my honde en verloofde onder ’n kombers in te klim. Dis so lekker!” sê sy. Haar verloofde en die troue, wat nog net twee maande weg is, is saam met haar musiek die dinge wat haar elke dag opgewonde laat opstaan. Irene-Louise het Nicholas du Preez, of Nick, soos almal hom noem, een aand by ’n musiekvertoning in die Barnyard-teater ontmoet. ’n Gemeenskaplike vriendin het die twee aan mekaar voorgestel. Hulle was aanvanklik nie een lus om die aand uit te gaan…

As die tiener geestesgesond is, en hy of sy dit wat na sy of haar kant toe kom, hanteer, kan so ’n kind in ’n gesonde volwassene ontwikkel. Dinge wat kan help, sê Eileen, sluit goeie fisieke gesondheid, ’n gebalanseerde dieet en gereelde oefening in. Dit is ook belangrik om deel te wees van ’n gesin wat die meeste van die tyd goed klaarkom omdat gevoelens van aanvaarding, liefde, om verstaan te word en te vertrou belangrik is. Hier is wat jy kan doen: • Wees ’n aktiewe deelnemer in jou tiener se lewe. • Leer jou tiener se vriende en onderwysers ken. • Wees beskikbaar, nie veroordelend nie, en oop vir gesels. • Moedig jou tiener aan om by ondersteuningsgroepe soos jeuggroepe aan te sluit en gesonde stokperdjies te…

Wanneer jy ’n plek soek om te huur, sal koste waarskynlik jou eerste oorweging wees. Huurgeld is vooruit betaalbaar en moenie vergeet dat jy ook ’n deposito moet betaal nie, gewoonlik gelykstaande aan een tot twee maande se huur, asook ’n kontraktarief indien jy deur ’n verhuringsagentskap werk. Dit kan jou eerste maand se uitgawes aansienlik opstoot, maar die deposito is terugbetaalbaar wanneer jy uittrek, mits jy nie die plek verniel terwyl jy daar woon nie. ’n Woonplek bring ook ander uitgawes mee, soos ’n munisipale rekening, of as jy gelukkig is, is dienste en water by jou huurgeld ingesluit en hoef jy slegs ekstra vir elektrisiteit te betaal. Dis steeds ’n uitgawe wat jy in gedagte moet hou. Neem die veiligheid van die buurt waar jy beoog om te…

WILDSPASTEI MET POLENTAKORS 4 porsies 3 kg wildsboud of -blad 750 ml (3 k) karringmelk 1 lourierblaar 1 roosmaryntakkie 3 tiemietakkies 200 g stukkies spek 1 ui, gekap 5 ml (1 t) fyn knoffel 5 ml (1 t) fyn naeltjies 10 ml (2 t) fyn koljander 1 l (4 k) beesaftreksel 250 g (1 pakkie) sampioene, gekap 1 rooi soetrissie, gekap 1 wortel, gerasper DEEG 250 ml (1 k) koekmeel 250 ml (1 k) polenta 15 ml (1 e) bakpoeier 250 ml (1 k) melk 125 ml (½ k) olie 3 eiers 1 ui, in ringe gesny Stel oond op 180 °C. 1 Sny boud in kleiner stukke en marineer oornag in karringmelk, lourierblaar, roosmaryn en tiemie. 2 Verhit olie en braai spek tot gaar, hou eenkant. 3 Braai ui…

Amedeo Modigliani se Naakfiguur op die linkersy , bekend as Nu couché (sur le côté gauche) , 1917, het toe nié in Mei presteer soos wat Sotheby’s in New York gehoop het nie. Nogtans is dié skildery teen net minder as R2 miljard ($157,2 miljoen) in monetêre terme een van die wêreld se kosbaarste kunswerke. Die verwagting was dat dié Modigliani ’n nuwe rekord kon behaal vir dié kunstenaar, maar die naakstudie (Nu couché) van 1917/8 wat in 2015 vir $170,4 miljoen aan die Chinese versamelaar Liu Yiqian verkoop is, span steeds die kroon. Afgesien van die feit dat Nu couché (sur le côté gauche) onlangs op Tate Modern se groot Modigliani-uitstalling die trekpleister was, was die feit dat die verwagte verkoopprys van dié…

“Ek leer meer deur foute as deur sukses!” meen Jan Blohm (George Harry Kymdell) op 39. “Dit is slegs as ek my in emosionele pyn – of dit woede of hart-seer is – bevind dat ek verander. Ek lewe in die oomblik; dit is al wat ek nou het. Verandering en groei is inherent deel van die natuurlike proses van lewe. Als wat nie groei nie, is dood. Verandering is lewe en die nou, in die oomblik, is hoe ek daarmee cope.” Hy sê die gevolge van ’n fout is minder of meer intens, maar ’n fout is ’n fout. “Hoe groter die pyn wat daaruit spruit, hoe groter is die geleentheid om werklik te verander. Ek het al te veel probeer om in gister of in môre te wil…

AFKORTINGS aw – aweregs; gl – glip 1 st; r – regs; tgso – trek glipsteek oor WAT HET JY NODIG? 5 balle Kartopu Elegance (100 g) in kleur in YMD0050 of kleur van jou keuse 5,5 mm- 6,5 mm- en 7,5 mm-naalde haakspeld SPANNING 12 ste en 17 rye = 10 cm oor ks met 6,5 mm-naalde WENKE • Steke word met dikker naald opgesit omdat die breidraad nie rek in het nie en aanhegry sal saamtrek met dunner naalde • Die trui het ’n lae hals – trek dit oor ’n ander top aan AANWYSINGS AGTERPANT Met 7,5 mm-naalde stel 62 ste op. Met 5,5 mm-naalde werk in 2x2-rif vir 11 rye, eindig met RK-ry. Vlg ry: rif en vmin 10 ste eweredig oor ry tot 52 ste.…

Kinders word dikwels as óf probleemkinders óf modelkinders beskou, maar dit is nie noodwendig so eenvoudig nie. Kinders kan in vier verskillende persoonlikheidstipes ingedeel word. Hulle kan soms kenmerke van al vier tipes toon, maar een tipe is gewoonlik dominant. PRETTIG Hierdie kinders is bruisend, slim en sosiaal. Hulle is altyd vol nuwe idees en gereed om te speel. Hul energie word soms as ’n probleem beskou omdat hulle nie kan stilsit nie en voortdurend gesprekke onderbreek, maar ouers kan sulke woelwaters help om in kreatiewe, gelukkige volwassenes te ontwikkel. SENSITIEF Hulle is van nature kalm, ontspanne en stil en vermy konflik. Kinders soos hierdie is saggeaard en hul emosies lê na aan die oppervlak. Hulle hou daarvan om dinge vooruit te beplan. Hulle is geneig om hulle onnodig te…

Soms duur dit ’n bietjie langer as wat gewoonlik die geval is om die regte maat raak te loop. Vir Lorraine Hanekom (toe 72) het die liefde van haar lewe sy opwagting gemaak toe sy ’n jaar gelede na ’n aftreeoord in Montana, Pretoria, verhuis het. Die meubelwa het skaars haar bokse afgelaai of haar fikse buurman Albert (79), ’n bobaasbakker wat sy pensioen aanvul deur fluks pasteie vir die inwoners te bak, staan voor haar deur met geurige gebak. “Hier is vir jou ’n pastei om jou te verwelkom. Die eerste een is verniet, die volgende een kan jy koop,” het hy geskerts. Die innemende wewenaar met die uitgaande persoonlikheid het hoegenaamd geen bybedoelings gehad nie. Dis maar net in sy aard om vriendelik te wees. Met hande wat…

As jy nog nie weet hoe om ’n OTM te gebruik nie, moet jy vinnig uitvind hoe! Onthou dat jy ook geld by die meeste supermarkte se kasregisters kan trek en dat dit goedkoper as by OTM’s is. Wat jy ook al doen, probeer om nooit van ’n ander bank se OTM gebruik te maak nie, want die koste is buitensporig hoog. Leer om ’n begroting op te stel en daarby te hou. Onthou, die doelwit is om altyd minder te spandeer as wat jy verdien. Maak ’n punt daarvan om elke maand ’n vasgestelde bedrag te spaar. Belê in ’n aftree-annuïteit. Ja, die kans is goed dat ook jy gaan oud word. Aftree-annuïteite hou sekere belastingvoordele in, en hoe vroeër jy begin, hoe groter die opbrengs eendag. As jy…

KRY DIE REUKE WEG MOSTERD IS ’N GOEIE MIDDEL OM VAN REUKE ONTSLAE TE RAAK. AS ’N VULLISDROM SLEG RUIK, MENG MOSTERD EN WATER EN SPOEL DIT DAARMEE UIT. KRY DIT MAKLIK Mens kry deesdae in skryfbehoeftewinkels van die verf wat in die donker blink. Dis ’n goeie idee om herlaaikabels daarmee te merk sodat jy nie in die donker hoef te sukkel nie. MAAK KARRINGMELK Gooi 1 e suurlemoensap of asyn in ’n koppie (250 ml). Vul nou tot bo met gewone melk. Los vir vyf minute en gebruik as karringmelk in die resep. KAN JY NOU MEER Vodka by sjampoe is glo goed vir hare en kopvel. Dit keer skilfers en voorkom ’n droë kopvel ... SUKKEL OM KERSE AAN TE STEEK? Party kerse het baie kort pitte…

ANYSBESKUIT 2 groot panne 130 ml (125 g) botter ½ blik (192,5 g) kondensmelk 250 ml (210 g) suiker 580 ml (2 1/3 k) kookwater 2 groot eiers 2 pakkies (20 g) gis 2 950 ml (1 250 kg) koekmeel 15 ml (1 e) sout ½ boks (17,5 g) anys 60 ml (¼ k) melk 60 ml (50 g) suiker 1 Roer botter, kondensmelk, suiker en kookwater saam tot botter gesmelt is. Laat mengsel tot louwarm afkoel. 2 Gooi eiers, gis en helfte van koekmeel by en roer net tot glad. Bedek met kleefplastiek en laat rys vir twee uur. 3 Gooi res van koekmeel, sout en anys by en knie tot deeg glad en elasties is. Bedek met kleefplastiek en laat tot dubbelvolume rys. 4 Voorverhit oond tot 160…

Kreatiwiteit in kuns en vermaak behoort ’n doel te hê. Die taal waarin dit geskep word, is die gereedskap. Dit moet gerespekteer word. Die gehalte van Afrikaanse lirieke – dikwels met gedwonge rym, ongeletterdheid en platvloersheid besmet – word gedurig bevraagteken. In Oppinoot luister ons vandeesweek na twee albums in die kletsrym/hip-hop-genres. YOMA SE MOEDERTAAL Die kletsrymer YOMA, oftewel Claudia Witbooi, se debuutalbum, Moedertaal (vervaardig en uitgereik deur Besembos), is ’n digterlike hip-hophuldeblyk aan moederskap én haar moedertaal, Afrikaans. Dit vertel die verhaal van die verwekking, swangerskap en geboorte van haar en haar man, die rymkletser HemelBesem (oftewel Simon Witbooi) se eersteling. Die CD begin met die baba se eerste hartklop op agt weke op die sonar en word met haar stemmetjie voltrek. Dit is nie net ’n reis deur…

Ek was so opgewonde dat ek soos ’n kind wou huppel toe ek die nuwe besending boeke oopmaak! Die Huppelkind-omnibus is weer uitgegee! Hierdie ses klassieke Afrikaanse kinderverhale deur WO Kühne het oorspronklik tussen 1958 en 1960 as afsonderlike boekies verskyn: Huppelkind, Huppel maak ’n plan, Wip-Huppel-Wip, Vrolike Huppelkind, Huppel by die water en Huppel verjaar. Nou is almal saam in ’n omnibus-uitgawe beskikbaar. Toe ek klein was, het my ouers ’n langspeelplaat gehad met voorlesings van hierdie stories. Ek het daardie plaat oor en oor geluister en kan vandag nog, ná ’n halfeeu, groot gedeeltes van hierdie verhale heeltemal uit my kop opsê. Veral die verhaal van Huppel wat deur die hele Lekkerland loop en oral probeer uitvind wat die spesiale woorde is wat die Stokou Storieman moet hoor…

Jean-Claude lê met geslote oë. Die duisternis om hom is egter nie die dood nie. Sy hart klop nog die bloed in pynpolse deur sy lyf. Hy lê roerloos onder ’n gestyselde laken in ’n onbekende bed, teleurstellend bewus van die lug wat steeds in en uit sy longe pomp. Moet hy bly wees hy lewe nog? Hy kan maar netsowel dood wees. “Moenie oopmaak nie,” sê hy in ’n stem wat swaar en donker uit sy keel eggo toe iemand onverwags ’n gordyn ooptrek. Die lig skyn deur sy ooglede en verdryf die swart om hom. Hy verkies egter om in die donker te bly wegkruip. Daar is ’n oomblik se huiwering, maar nog ’n gordyn ritsel toe dit oopskuif. Hy draai sy kop weg en wens hy kan…

REG OF VERKEERD, BETAAL DIE KEISER Ek het vriende wat die Ontvanger bedrieg en hul inkomste verswyg deur net kontant in hul onderneming te aanvaar. Is dit nie bedrog nie? Ek het al met hulle daaroor gepraat, maar hulle sê daar is niks fout daarmee nie, want hulle betaal genoeg belasting. Hulle is skatryk en ek is bang daar kom ’n ondersoek en hofsaak en dat hulle agter tralies gaan beland. Dit bekommer my, want ek glo ’n ding is óf reg óf verkeerd. – S van Polokwane As ’n wetsgehoorsame burger doen jy die regte ding. Waak daarteen om jou oor jou vriende te ontferm wat nie hul ware verdienste verklaar en aan die Ontvanger betaal wat hom toekom nie. Dit het eintlik niks met jou te make nie.…