Innholdsfortegnelse for 22 June 2018 i Vrouekeur

My man, die vreemdeling, is die artikel wat my hierdie week noop om iets te skryf. Ons almal ken die prentjie. ’n Man en vrou sit by ’n tafel in ’n restaurant en sprak geen sprook met mekaar nie. Is die kinders by, praat die ouers deur die kinders met mekaar. Pappa en Mamma het vreemdelinge vir mekaar geword. Hoe gebeur dit? Maklik. Die eise wat die alledaagse lewe aan ons stel, manifesteer dikwels in woede, aggressie en teleurstelling wat lewensmaats op mekaar uithaal. So ’n ruk gelede vertel my geliefde my van ’n gesprek wat hy op RSG gehoor het op pad huis toe. Dis wat ons doen as ons ná werk by die huis kom. Hy sit musiek aan, ek steek wierook aan, een van ons twee gee…

Dit was 40 jaar gelede wat Peet Venter se debuutroman Die alleenlopers verskyn het, maar daarna het sy skrywerspen vir bykans 20 jaar gerus. In 1995 het Die reuk van rose verskyn. Dan is daar die Thys Krige-reeks: Ou bloed, Waar boosheid broei, Dieper as bloed en Plasenta, Disa-disa, Die koeël is deur die kerk, Middernagblou, Vlieg, Duifie, vlieg! en Slang! die onbesonge held. Nag van die narre is ook deel van die Van der Walt-speurreeks Sedertdien was die naam Peet Venter reeds 33 keer op Nielsen Bookdata se topverkoperlys vir fiksie. Sy vervolgverhaal in Vrouekeur, Gemerk, kom hierdie week tot ’n einde. Peet was jare lank ’n ingenieur en het onder meer aan die Staatsteater in Pretoria gewerk. “Dit was die jare waarin ek getrou, ’n gesin begin, my…

As ’n mens net twee jaar oud is wanneer jou lewe weens ’n fratsongeluk in ’n nagmerrie verander, dan het jy nie mooi sorgelose kindertydherinneringe nie. “My kinderjare was ’n baie donker tyd,” onthou die 54-jarige Thania Koekemoer, maar sy het die duisternis oorwin. Sy was ’n pragtige, sorgelose blondekopdogtertjie toe haar ouers hul motor by iemand se huis laat diens het. Sy het saam met ’n ander dogtertjie in ’n sandput gespeel waarin ou motorolie gegooi is. ’n Man het ’n sigaretstompie by ’n venster uitgegooi en dit het in die sandput beland. Die olie het vlam gevat en die twee dogtertjies se klere het aan die brand geslaan. Thania vertel: “Ek is dadelik na die hospitaal in Bloemfontein geneem, maar hulle kon niks vir my doen nie en…

• Is daar gebrekkige kommunikasie tussen julle? • Is daar ’n gebrek aan gemeenskaplike belange? • Het jou maat se persoonlikheid drasties verander? • Doen julle gewoonlik elk jul eie ding? • Het die verhouding tussen jou en jou maat verander? • Is daar ongemaklike stiltes tussen jou en jou maat? • Het daar iets drasties in jou lewensmaat se lewe gebeur wat tot die verandering bygedra het? • Voel dit vir jou asof jy en jou lewensmaat verby mekaar gegroei het? • Voel dit asof julle niks vir mekaar te sê het nie? • Voel dit asof julle al verder van mekaar af wegdryf? • Is jou maat vir jou ’n raaisel? As jou antwoorde op bogenoemde vrae meestal “ja” is, is dit tyd vir ingryping. Oorweeg huweliksberading. *…

Helikopterouers het die geneigdheid om soos ’n skaduwee oor hul kinders te waak, soos ’n helikopter, wat op een plek in die lug hang, met ’n perfekte uitsig oor die kinders se lewe, gereed om neer te swiep en te help by die geringste teken dat die kinders begin sukkel (gewoonlik nog voor enige hulp werklik nodig is). Helikopterouers is dikwels oorbeskermend en oorbetrokke en laat die kinders min ruimte om hul eie besluite te neem of hul eie probleme op te los. Hier is ’n paar leidrade dat jy dalk ’n helikopterouer is: • Doen jy dinge vir jou kinders wat hulle self kan doen, soos om veters vas te maak, bed op te maak of klere in die wasmandjie te gooi? • Bou jy jou kinders se legkaarte…

• FAMILIEGESKIEDENIS – hipertensie, diabetes en beroerte neig om in families voor te kom. • OUDERDOM – die risiko van hoë bloeddruk neem toe soos jy ouer word. In die middeljare, rondom 45, is hipertensie meer algemeen onder mans, terwyl vroue dit gewoonlik ná 65 ontwikkel. • RAS – dit kom meer algemeen onder die swart bevolking voor en begin ook vroeër by hulle as by wit mense. • GEWIG – Hoe meer jy weeg hoe meer bloed het jy nodig om suurstof en voedingstowwe aan jou weefsels te verskaf. • ’N SITTENDE LEWENSTYL –mense wat onaktief is, se harte klop vinniger, wat beteken jou hart moet harder werk. • ROOK EN TABAKGEBRUIK • DIABETES MELLITUS –HOË BLOEDDRUK TYDENS SWANGERSKAP • TE VEEL SOUT (NATRIUM) IN JOU DIEET • OORMATIGE…

Ons Junie-wenners wen twee Romanzas met die komplimente van Lapa Uitgewers. Dié keer en vir altyd deur Elsa Drotsky gaan oor Isabeau. As tiener het sy slegs oë vir die buurseun Wouter gehad. Maar skielik is die ouer en wyser vriend van haar sus weer op die dorp en kan sy net lag oor haar kalwerliefde. In Trudy Reinhardt se Die diva en die dokter wentel die verhaal om Justin Fincham. Hy ken ’n mooi vrou wanneer hy een sien en wanneer sy vra dat hy haar bystaan om van ’n lastige man ontslae te raak, kan hy niks anders doen as instem nie. Besoek www.lapa.co.za  vir hierdie en ander boeke WILNA HÖLL VAN BLOEMFONTEIN HET DIÉ WENKE GEDEEL: • Om piesangs stadiger te laat ryp word, draai…

KARAMELKOLWYNTJIES 16 kolwyntjies KOLWYNTJIES 125 ml (120 g) botter, teen kamertemperatuur 250 ml (210 g) suiker 2 groot eiers 80 ml ( 1/3 k) Griekse jogurt 160 ml ( 2/3 k) melk 5 ml (1 t) vanieljegeursel 435 ml (230 g) koekmeel 2,5 ml (½ t) bakpoeier 2,5 ml (½ t) koeksoda 1,25 ml (¼ t) sout VERSIERSEL 500 ml (2 k) room 1 pak (90 g) karamelkitspoeding 1 blik gekookte kondensmelk sjokoladegarnering Voorverhit oond tot 180°C en berei kolwyntjiepan voor deur dit met die kolwyntjiepapiertjies uit te voer. 1 Kolwyntjies Klop botter, suiker en eiers tot lig en donsig. 2 Gooi jogurt, melk en vanieljegeursel by en klits. 3 Sif meel, bakpoeier, koeksoda en sout en vou by beslag in. 4 Skep beslag in kolwyntjiepan en bak vir 20…

• Barrydale is 245 km van Kaapstad, 203 km van George en 548 km van Port Elizabeth af en kan van die Kaap via die N2, N1 en R62 bereik word. • Ons verblyf en lekker ete by die hotel word hoog aanbeveel. Jy kan al die kuns teen die mure koop as jy daardie lekker ontspanningsgevoel wil saamneem huis toe. Bespreek by Karoo Art Hotel, 087 095 0649 of reservations@karooarthotel.co.za of besoek hul webwerf, https://karooarthotel.co.za • Die historiese wandeltoer saam met Leslie Howard duur sowat twee uur en kos R100 per persoon. Bespreek by die hotel se ontvangs. • Gaan koop lekker Karoowyne by Joubert-Tradauw buite die dorp en bly sommer vir middagete. Meer inligting by 071 656 1230 info@joubert-tradauw.co.za of besoek www.joubert-tradauw.com…

Piet Botha se nuutste album, Die Middernagtrein , neem hom en die manne van sy orkes, Jack Hammer, terug na hul wortels: blues-rock. Die treffende omslagkuns (deur Jacque du Plessis) nooi die luisteraar om vir ’n reis van gebeure en dinge, plekke en mense gereed te maak. Die titel is ’n metafoor vir die noodlot, die onvoorspelbare, vir al die life on the road – dikwels spookagtig. Dit is Piet se 16de album; sy sesde in Afrikaans. Dis ’n kitaargedrewe album, met snaarwerk deur Tertius du Plessis (bas), Jake Gunn, Jonathan Martin, Gerry Robinson, Piet self (ook klavier en orrel) en Lanie van der Walt, wat ook die regie vir Wolmer Records behartig het. Leon van Zweel se saxofoon en Piet se bekfluit sorg vir nostalgie…

Gerald Schofield, tuinboukundige konsultant, artikelskrywer en mede-outeur van die tuinboek Complete Gardening in Southern Africa, sê: “Die natuurlike plantegroei het aangepas by die koue wintertoestande met sneeu, ryp en ysige winde en bestaan hoofsaaklik uit oop grasveld met ’n oorvloed klein, kruidagtige meerjariges en bolplante tussen die gras. “Laaggroeiende struike en kolle inheemse bos word in die beskermde riviervalleie aangetref. Ons estetiese behoeftes skryf egter gereeld voor dat tuine komplekser en meer gesofistikeerd moet wees as die natuurskoon, wat volop is in hierdie gebiede”. Maar voor ons wegspring met ’n paar plantvoorstelle, eers ’n paar voorsorgmaatreëls en noodhulp teen ryp. Want jy kan jou maar met goeie tuinbestuur aan jou “estetiese behoeftes” oorgee ... RYP IN ’N NEUTEDOP Bedags bak die winterson die grond warm, en…

GROOTMENS? Ons was hoofleiers van ons idealistiese enkelgeslagskole. Dié wat onderskeidings ingeryg het en vriende met al die bababokke en opkomende aktrises was. Ons was die HK’s op universiteit, maar terselfdertyd die partytjiekoninginne en debatteerders in varsity-baadjies. Uitverkore om bo uit te kom en eksotiese vakansies in Europa te beleef. Maar dan skop die werklikheid in. Jy trou jonk, jy voel deurmekaar, jy word deel van die ewig-sukkelende werksoekers en jy begin wonder of jy toe regtig so spesiaal was. Jou huwelik is toe nie so grênd soos jou troue met sy 200 gaste en ontwerperstrourok nie, jou werk laat jou nie juis voel of jy die wêreld gaan verander nie, om nie eens van jou wêreldreisigerdrome te praat wat iewers neergepen in ’n gewone plastiekasblik beland het nie. Tog…

“Op 3 Oktober 1992 is ek met Sybrandt getroud. Hy is hardhorend en blind in sy een oog. Ons het mekaar by ’n jeugbyeenkoms by die kerk ontmoet. Sybrandt het my die eerste keer van agter gesien en op my lang blonde hare verlief geraak. Hy het toe nog nie van my brandwonde geweet nie. Ek het omgedraai en oogkontak met hom gemaak. Toe sien hy ek het brandwonde, maar hy het reeds sy hart op my gesit. “In 1994 is my dogter, Sharyna, gebore en in 1996 my seun, Ehrard. Hy is ook swaksiende en hardhorend. Sharyna is nie sig- of gehoorgestremd nie.” “In 1997 het ek ’n brief van die Universiteit van Pretoria ontvang. Daar was studente wat vir hul mediese studies ’n veloorplantingsoperasie wou doen – dit…

Nekitta Blomeyer, ’n berader, sê mense verander weens verskillende redes. “Die lewe is gekompliseerd en mense moet leer om aan te pas en te verander ten einde by te bly. Soos wat mense deur die verskillende fases van die lewe gaan, verander die visie wat hulle vir hul lewe het en daarmee saam verander hulle. Een van die sleuteloorsake waarom mense verander, is as gevolg van lewenservarings. Wanneer mense iets nuuts ervaar, of dit nou positief of negatief is, doen hulle nuwe kennis op en reageer dienooreenkomstig. As die ervaring positief is, wil mense dit uitrek. As dit negatief is, probeer mense hulself beskerm en verander sodat dit nie weer gebeur nie. Ander faktore wat tot persoonlikheidsveranderinge bydra, is om met ’n nuwe werk te begin, werksverlies, om te trou,…

Susan sê: Moenie bloot jou maat blameer nie. Kom tot die besef dat jou eie optrede en gedrag tot die vreemdelingskap tussen julle bygedra het. Sit jouself in jou maat se skoene en probeer met empatie na jou maat kyk. Jou maat het nie net een dag opgestaan en besluit hy of sy gaan die slegste huweliksmaat wees wat hy of sy kan wees nie. Daar is redes vir die optrede en baie keer verdedig ’n mens deur aan te val. Hierdie aanvalle is dikwels uitroepe vir pynverligting en selfbeskerming. Om empatie vir jou maat se pyn te ontwikkel, is nie ’n maklike proses nie en bitter min pare kry dit sonder professionele hulp reg. Nekitta sê: Aanvaar veranderinge in jou maat en wees ondersteunend. Verandering kan voordelig wees en…

Nie alle ouers maak hulle aan helikopter- of grassnyerouerskap skuldig nie, maar baie van ons is minstens gedeeltelik aan een of albei skuldig. Kinders wie se ouers gedurig inmeng en in-tree is meer geneig om angstig te wees. Hulle kry nie die geleentheid om te ontdek waartoe hulle self in staat is nie en as hulle gedurig “gered” word, neem hul selfvertroue af. Hulle is ook afhankliker van die ouer om hulle te help om besluite te neem en dinge vir hulle te doen. Navorsing onder studente het bevind daar is ’n groter voorkoms van depressie en angstigheid by dié met helikopterouers. Aan die ander kant was studente met grassnyerouers, wat daaraan gewoond is dat alles vir hulle moontlik gemaak word, meer geneig om eienskappe van narsisme en eiegeregtigheid te…

’n Lyer kan onbewus wees dat hy of sy hoë bloeddruk het, tot dit dalk te laat is. Die goeie nuus is dat komplikasies met medikasie en ’n gesonde lewenstyl voorkom kan word. Komplikasies sluit in hartversaking, periferale vaskulêre siektes, nierprobleme, retinale bloeding en sigprobleme. As jy eers met hipertensie gediagnoseer is, moet jou bloeddruk gereeld getoets word en jy jou lewenstyl aanpas. As die dokter bloeddrukmedikasie voorskryf, moet dit getrou geneem word en nie sommer gestaak word sonder om jou dokter te raadpleeg nie. Prof Pamela Naidoo, die uitvoerende hoof van die HBS, stem saam. “Aangesien hipertensie behandelbaar is, is dit belangrik om te weet of jy die risiko loop om dit te kry. As jy wel gediagnoseer word, is die neem van die medikasie en ’n gesonde lewenstyl…

In hul werksboek oor Emosionele intelligensie – Die alles-in-een-werkboek vir optimale persoonlike groei, sê drr Ronel le Roux en Rina de Klerk toetse om emosionele intelligensie te bepaal, word tans deur talle mense opgestel, maar die enigste ware toets vir emosionele intelligensie is die lewe self: Hoe hanteer jy wat met jou gebeur? Mense met emosionele intelligensie beskik dus oor voor die hand liggende vaardighede wat hulle ’n voorsprong in die lewe gee. Hulle weet hoe om konflik op te los, mense rondom hulle se behoeftes te verstaan en vervul en hoe om te keer dat hul eie emosies handuit ruk. Die sosioloog Thomas Scheff, ’n voorstander van emosionele-intelligensieopvoeding, sê baie Westerse samelewings sien emosies as ’n luukse of aandagafleier. “Ons emosies kan ons waardevolle inligting oor die wêreld rondom…

Dit was mos die titel van ’n grapjasprent van 1993. Vandag sou mens nie sommer met so ’n naam wegkom nie, selfs nie Leon Schuster nie. Die relatiewe onskuld van daardie dae is weg, en alles en almal is verdag. Daar sit mense in die tronk van onoordeelkundig praat oor ander. Maar daar was letterlik ’n Zoeloe op my stoep omdat ek ’n kamer in my huis verhuur het aan ’n mannetjie wat Zoeloe by die huis praat. Ek moes, want ek kon die huis, my eerste, mos nie bekostig nie. “Huis” is ’n oordrewe woord vir daardie plekkie, vasgeknyp tussen twee ander huise soos ’n kind se gesiggie in ’n hysbak se deure. Dit was in die vroeë jare negentig en ek dag ek behoort ook uit te reik…

SJOKOLADE EN VRUGTE Lindt is ’n gewilde keuse wanneer sjokolade ter sprake kom. Daar is nou ook ’n heerlike Fruit Sensation-reeks bekendgestel – ’n verskeidenheid van peuselhappies van donkersjokolade met sagte vrugte in die middel. Kies uit geure soos lemoen & pomelo en framboos & bosbessie. Slegs beskikbaar by Woolworths-winkels en Lindt Chocolate Boutiques. Ongeveer R64,95 vir ’n 150 g-sakkie. NUWE NAME McCain-skyfies het ’n oormaaksessie gehad en spog nou met nuwe name, maar die smaak is steeds dieselfde. McCain Fry Chips is nou Spykos Fries; Slap Chips is nou Traditional Slap Chips; Skinny Fries is nou Skinny French Fries; Wedges is nou Big Bites; en Spicy Wedges is nou Spicy Big Bites. www.mccain.co.za GLADDE HARE Raak maklik van koeke in jou nat hare ontslae met Tangle Teezer Wet Detangling-…

Artlogic se sesde Winter Sculpture Fair is verlede maand op die Nirox-landgoed in die Kromdraai-omgewing noordwes van Johannesburg aangebied. Dit was ’n naweek van kos- en wynstalletjies uit Franschhoek en die Wes-Kaap. Maar by dié geleentheid was vanjaar se Niroxbeeldhou-uitstalling ook vir die eerste keer vir die publiek oop. Dié uitstalling is nog tot 29 Julie te sien. Vanjaar se uitstalling, Not a Single Story, word in samewerking met ’n buitelandse beeldhoupark, Wanås Konst in Swede, aangebied. Wanås Konst het meer as 50 werke op permanente uitstalling van kunstenaars soos Louise Bourgeois, Janet Cardiff, Ann Hamilton, Yoko Ono en Robert Wilson. In 2015 het Wanås se kurators, Elisabeth Millqvist en Mattias Givell, ses Suid-Afrikaanse kunstenaars genooi om werk vir die park te maak: Hannelie Coetzee, Igshaan Adams, Kudzanai Chiurai, Nandipha…

Nathan Trantraal het geen bekendstelling nodig nie. Sy debuutdigbundel, Chokers en Survivors (2013), is met die Ingrid Jonker-prys bekroon en Antjie Krog het destyds geskryf dat dit ’n bundel is “om sidderend van regop te sit”. Intussen het Trantraal ook ’n rubriekskrywer vir Rapport geword en hy tree dikwels by kunstefeeste op. Hy het al met talle ander digters en literatore in openbare debatte betrokke geraak. Wit issie ’n colour nie is ’n bundel “aangedrade stories”, soos die tweede deel van die titel aandui. Die hele versameling vertellings is in Kaaps geskryf en dit neem vir iemand uit die noorde nogal ’n rukkie om daaraan gewoond te raak. Die keuse om só te skryf, is natuurlik meer as ’n “tegniek” wat geloofwaardigheid aan die vertellings verleen.…

Die Goema-wenner Appel se album Lei my na die water is pas deur The Hit Factory/inhoudHuis/Universal herverpak en word met ’n aantal aanvullende snitte onder die titel Boer loop deur my are heruitgereik. Die toonvensterwerk is steeds die reusetreffers en pragtige ballades Kom en lê my neer en Lei my na die water. Drie van die snitte op die eerste album word vervang met, naas dit titelsnit, Jagter, Hande bak, Dronkbel en Lekker ou en word sodoende na ’n album met 18 liedjies uitgebrei. Christoph Kotze, Johan Vorster, Murray Lubbe en Shan Reed het die liedjies geskryf. Die liedjies is odes aan Afrikanerwaardes en tydverdrywe, soos taal, grond, jag, gebed, verhoudings, dronkenskap en wellus, kameraadskap en ’n smag na hoop. In die trant van daardie platvloerse boeremusiekduet Lemoene (saam met…

MOEILIKHEIDSGRAAD: * WAT HET JY NODIG? ELLE FAMILY KNIT VINTAGE CHUNKY (100 g) in Cameo Sowat 3(3; 4; 4; 5) balle vir trui en 1 bal vir mus 5 mm- en 5,5 mm-naalde 4(4; 4; 5; 5) knope PAS GROOTTE Trui: 3–4(5–6; 7–9; 9–10; 11–12) jaar Mus: 3–7(8–12) jaar SPANNING 15 ste en 21 rye is 10 cm oor ks met 5,5 mm-naalde AFKORTINGS alt – alternatiewe aw – aweregs beg – begin herh – herhaal ks – koussteek oorbl – oorblywende pat – patroon r – regs R(V)K – regte (verkeerde) kant vmeer – vermeerder vmin – verminder vlg – volgende AANWYSINGS AGTERPANT Met 5 mm-naalde stel 65(72; 79; 79; 86) ste op. 1ste ry: r2, *aw2, r1, aw2, r2, herh van * tot einde. 2de ry: aw2, *r2,…

Simon die Fariseër nooi Jesus vir ete. Tydens die ete kom ’n vrou wat ’n sondige lewe gelei het en sy gaan staan by Jesus en huil, sodat haar trane op Jesus se voete begin drup. Sy droog sy voete met haar hare, soen hulle en salf hulle met reukolie. En Jesus sê vir haar: “Jou sondes is vergewe.” Nodeloos om te sê, is Simon hewig ontsteld. Jesus sê vir Simon: “Jy het nie water vir my voete gebring nie.” In Bybelse tye was jou voete maar die manier waarop jy van punt A tot by punt B gekom het. Hulle het slegs sandale gedra en die paaie was stowwerig en vuil. Dier en mens het dieselfde pad gebruik. So jy kan dink waarin ’n mens alles kon trap! Die…

“Ek sien sagte hande wat nie baie rof gebruik is nie, maar die lyne in my palms vertel van swaarkry, seerkry, uithou, deursettingsvermoë, liefde, vrede, hardwerkend …” Manie Jackson (38) se jongste album heet Palms van my hande. Dis sy storie: vol welslae en euforie, maar ook in verlies, afskeid en verdriet gevou. Dié gewilde minnesanger, wat met sy mensgerigte, countrygegeurde musiekstyl die lief en leed van die lewe besing, kén verwerping en pyn, afskeid en smart. In ’n kwessie van slegs nege maande moes hy vyf geliefdes aan die dood afstaan. En tussendeur het die liefde hom boonop ook weer bedrieg. Ná twee egskeidings het hy weer liefde gevind en hy het gehoop sy verhouding en die gepaardgaande verlowing met die countrysangeres Angel de Lange sou sy lewe ingrypend…

Ken een punt aan jouself toe vir elke beskrywing wat gedeeltelik en twee punte vir elke beskrywing wat ten volle op jou van toepassing is. Indien ’n beskrywing glad nie op jou van toepassing is nie, kry jy geen punte nie. 1 ’n Sjarmante gladdebek, al is die sjarme net bolangs 2 Grandioos met ’n sterk sin vir eiewaarde 3 Patologiese leuenaar 4 Geslepe en manipulerend 5 Gebrek aan berou 6 Emosionele oppervlakkigheid 7 Verstok en sonder enige empatie 8 Onwilligheid om verantwoordelikheid vir eie dade te aanvaar 9 Geneig om verveeld te voel 10 ’n Parasitiese lewenstyl 11 Gebrek aan langtermyndoelwitte 12 Impulsiwiteit 13 Onverantwoordelik 14 Gebrek aan die vermoë om gedrag te beheer 15 Gedragsprobleme in vroeë lewensjare 16 Geskiedenis van jeugmisdaad 17 Veelsydig wanneer dit by misdaad…

Leviena Smit is die uitvoerende hoof van die kompetisie. “Mevrou Dowe Suid-Afrika is anders as ander skoonheidskompetisies. Dit gaan nie oor die grootte van jou lyf nie, maar oor jou hart en om ’n goeie ambassadeur vir die dowe gemeenskap te wees. “Ek het dadelik geweet dat daar iets besonders in Thania is toe ek haar inskrywing ontvang. Ek was baie emosioneel oor haar foto’s en antwoorde op die inskrywingsvorm. Net om in te skryf met haar brandwonde, was ’n bewys dat sy met haar deursettingsvermoë ’n goeie ambassadeur sal wees. Alle inskrywings word deur ’n paneel beoordelaars bespreek en daar word dan vir finaliste gestem. Dit was ’n moeilike besluit vir elke beoordelaar en daar is besluit dat ons vir Thania die geleentheid gaan gee om saam met die…

Susan sê wanneer daar ’n persoonlikheidversteuring is, sal ’n persoon se manier van dink en optrede (gedrag) kommer, spanning en ongemak veroorsaak. “Persoonlikheidseienskappe is onbuigsaam en wanaangepas en dring elke aspek van jul lewe binne. “Maar as daar nie sulke ernstige steurnisse is nie, word ’n huweliksverhouding met ’n “vreemdeling” deur stiltes, aparte lewens en energielose gesprekke gekenmerk en selfs hul konflikte met mekaar raak ook al hoe minder en jy kry die indruk dat hulle eerder huismaats as liefdesmaats is. “Oor tyd dryf hulle al verder uitmekaar en dit is dan geensins vreemd as mense op ’n gevorderde leeftyd van mekaar skei nie.” Susan sê verder dit kan ook gebeur dat wanneer een van die partye met byvoorbeeld ’n ernstige siekte soos kanker gediagnoseer word, voel die “sieke” dat…

Dit is moeilik, maar jy móét jou kinders die kans gun om foute te maak en self uitdagings en struikelblokke die hoof te bied. Dit berei hulle voor vir die dag as jy nie daar is nie. In plaas daarvan om ’n helikopter of ’n grassnyer te wees, wees eerder ’n duikboot. Bly naby genoeg sodat jy werklike gevare kan raaksien en daarop kan reageer, maar bly die meeste van die tyd onder die radar en uit sig. Vind by jou kinders se ander versorgers uit watse take hulle verrig en pas dieselfde standaard by die huis toe. Maak hy self sy veters by die kleuterskool vas, maar by die huis kerm hy dat jy dit moet doen? Eet hy sy brood met korsies en al by Ouma se huis,…

Kenners meen die beste beginpunt om kinders se emosionele bewustheid te verbeter, is met dié eenvoudige sinnetjie: “Vertel vir my van jou beste oomblikke?” Annie, wat later vanjaar verdere internasionale opleiding in emosionele intelligensie oorsee gaan kry, sê: “Ouers kan sover gaan om stukkies wyshede tydens oomblikke in die motor of etenstyd te noem.” Annie sê kinders moet vertel word om in ’n konfliksituasie te stop met enigiets waarmee hulle besig is en dan moet hulle doelbewus “anders” optree. “Stop en raak bewus van hoe jy in jou lyf voel. Klop jou hart vinniger? Is jou vuiste gebal? Praat jy kwaai woorde? Sê vir jouself hierdie gevoel het baie energie. Hierdie ekstra energie kan iets skep, want dis hoe ons gemaak is. As jy hierdie ekstra energie het of kwaad…

KOFTA MET TZATZIKI 4 porsies 500 g maalvleis ½ ui, fyngerasper 2,5 ml (½ t) fyn knoffel 2,5 ml (½ t) varsgekapte pietersielie 2,5 ml (½ t) varsgekapte ment 5 ml (1 t) oreganum 5 ml (1 t) fyn komyn 5 ml (1 t) sout 5 ml (1 t) peper knypie paprika 1 eier 80 ml ( 1/3 k) broodkrummels olie vir braai roosmaryntakkies, skoongemaak TZATZIKI 1 komkommer, gerasper 2,5 ml (½ t) fyn knoffel 250 ml (1 k) dubbeldik jogurt knypie komyn sout en peper 5 ml (1 t) suurlemoensap 1 Meng maalvleis, geurmiddels, eier en broodkrummels saam. 2 Verdeel in agt frikkadelle. 3 Druk roosmaryntakkie deur frikkadel en vorm langwerpige worsie om stokkie. 4 Braai in riffelpan tot gaar. 5 Tzatziki Meng alles saam en sit saam met…

Ons ry die laaste paar kilometer voor Barrydale op die R62. Die son maak lang skaduwees oor die veld en onder teen die rand van die veld speel ’n hele trop bobbejane soos jong kinders oor hooibale. Hier gaan ons lekker kuier, weet ek sommer klaar. Ons stop reg voor die deur van die Karoo Art Hotel, ’n hotel oortrek met kunswerke, al meer as 100 jaar die hart en siel van hierdie Karoodorpie. In ons kamer is ’n geblokte foto van potplante op ’n tafel wat hopeloos te veel water in sy leeftyd gesien het. Die plant se blare is pienk en geel en wit en nie die soort wat jy vandag algemeen vind nie. Dis eerder die soort plant wat ek 40 jaar laas op my ouma se…

Teen dié tyd weet almal dat lesers van die gesaghebbende Opera- tydskrif Pretty Yende vanjaar as hul gunsteling-operaster aangewys het. Dié prys was deel van die internasionale operapryse wat in April in Londen se Coliseum oorhandig is. Op 33 het Yende nie net gehore in die wêreld se voorste teaters bekoor nie, maar ook medebenoemdes soos Cecilia Bartoli, Joyce DiDonato en Karita Mattila uitgestof. Dit gaan vandag egter nie oor Yende en haar prestasie nie, maar oor dié van die Spaanse mezzosopraan Teresa Berganza (84) wat deur Opera vir haar lewenslange bydrae tot dié kunsvorm vereer is. Van al Berganza se bydraes is haar interpretasie van Carmen in Bizet se gelyknamige opera dalk die gedenkwaardigste. Sedert haar debuut in dié rol op die Edinburg-fees in 1977…

’N BOTTEL WORD ’N TEKKIE Tekkies gemaak van plastiekbottels? Dis inderdaad wat Adidas met hul Ultraboost X Parley-drafskoen vir vroue gedoen het. Die boonste gedeelte van die skoen word hoofsaaklik van Parley Ocean Plastic-gare vervaardig, gemaak van herwonne plastiekbottels uit die oseaan. Elke paar tekkies herwin ongeveer 11 plastiekbottels uit die see, maar dit wil nie sê jy gaan minder sukkel met daai 10 km nie. Teen R3 300 mag die Ultraboost X Parley dalk dolfynvriendelik wees, maar dis definitief nie beursvriendelik nie. ORBIT KEYS VIND JOU SLEUTELS EN SELFOON Ek verlê my foon en sleutels gereeld, en om eerlik te wees voel dit of ek minstens 15 minute van elke dag besig is om na iets te soek. Die Orbit Keys is ’n lewensredder met sy klein swart Bluetooth-sleutelhouer…

ROLPRENTE OCEAN’S 8 Met Sandra Bullock en Cate Blanchett Regisseur Gary Ross DRAMA-KOMEDIE Lesers behoort gek te wees hieroor as mens die lokprent bekyk. Die bekende diefstalstorie van Oceans Eleven het in hierdie weergawe ’n lekker parfuumsproei gekry toe die manlike diewe deur energieke en vreeslose vroue vervang is! Vanjaar is inderdaad die jaar van die vrou wanneer Anne Hathaway, Dakota Fanning, Katie Holmes en selfs die sangeres Rihanna deel word van ’n groep vroue wat die New York Gala probeer beroof. Maar eers moet Debbie Ocean (Sandra Bullock, wat ons heeltemal te lank gelede gesien het) ’n groep diewe bymekaarkry wat geen muis of geweer vrees nie! Dit lyk of die klomp vrolike vroue hul hoëhakskoene uitskop, leer skiet en vir ’n vale hardloop. Maar tussen die gestelery en…

ASSISTENT SE ETIEK My werkgewer het ’n vrou aangestel om my met my oormaat werk te help. Ons twee se etiek oor werk verskil radikaal en ek sien haar gereeld sit en niksdoen. Ek werk vinnig en akkuraat en handel werk betyds af. Sê ek iets vir haar of wag ek tot my werkgewer terug is en bespreek dit dan met hom? – Moedeloos Voer ’n nie-aanvallende gesprek met haar waarin jy dit duidelik maak dat jy haar hulp nodig het en dat dit vir jou onaanvaarbaar is dat sy te midde van die baie werk – die rede vir haar aanstelling – sit en niksdoen. Jy sal die gebeure egter met datum en tyd moet boekstaaf. Vra haar of daar iets is wat jy kan doen om haar te…