Innholdsfortegnelse for 8 June 2018 i Vrouekeur

’n Vriendin se huis het ’n paar jaar gelede afgebrand en ek wou by haar weet wat sy op pad uit gegryp het. Haar grootste bekommernis was haar troeteldiere (sy’t nie kinders nie – so dis oukei). Wat van goeters? wou ek weet. “Niks – ek het net die diere en die karsleutels gegryp om weg te kom.” Haar verlies aan goeters was groot – onder meer het sy al haar boeke, waardevolle kunswerke en memorabilia van ’n ryk en vol bestaan in die mediabedryf in ’n paar minute verloor. En? Wel, die aarde het nie opgehou draai nie – die admin daarna was wel ’n nagmerrie – maar die lewe gaan aan, sonder die verlore goeters. Ek dink mense wat terugkyk na die tyd voor ’n ramp en ná…

Neem een giftige kosresensent, selfs gíftiger sampioene, ’n pierewaaiersjef en ’n hardekwasspeurder. Voeg ’n sleutelbord by. Meng saam in ’n speurskrywer se verbeelding, en laat rys vir ’n paar maande. Uit dié “oond” kry jy Gifbeker , Irna van Zyl se tweede misdaadroman, wat om ’n dramatiese gifdood in ’n fênsie restaurant wentel. Van haar karakters uit die eerste boek (Moordvis) maak weer hul verskyning, soos die speurders Storm van der Merwe en Andreas Moerdyk. Maar Irna is oor dié boekbaba net so opgewonde soos oor haar eerste. Boonop kan almal met ’n groot droom – of dit nou is om ’n boek te skryf of ’n ander reusedoelwit te takel – by haar leer. Want selfs vir iemand wat haar lewe lank met woorde werk, was…

• Gebruik selfoonsekuriteit of antivirussagteware om te bevestig dat die inkopietoeps wat jy wil aflaai wel veilig is. • Lees eers aanlyn oorsigte (deur mense wat reeds van spesifieke webwerwe gebruik gemaak het) van inkopiewebwerwe voordat jy sommer goedsmoeds jou kredietkaartnommer intik. • Maak van slegs een kaart gebruik om jou aanlyn inkope te doen. Só kan jy vinnig verdagte aktiwiteite opmerk en jy kan ook ’n lae kredietlimiet stel. • Sit Bluetooth af en skakel na “cellular” oor voordat jy koop. • Moet nooit van ’n openbare WiFinetwerk gebruik maak om bank-sake of inkopies te doen nie. • Moet nooit jou hoof-e-posadres op ’n openbare webwerf sit nie. Dit sluit in advertensiewebwerwe, blogs of enige plek waar jou inligting deur kuberrotte opgeraap kan word. Bron: www.sabric.co.za…

FRANSCHHOEK VIER WINTERWYNE Franschhoek se Winterwynfees word op Saterdag 16 Junie by die Franschhoek-motormuseum op L’Ormarins gehou. Die museum se terrein is die ideale plek om Franschhoek se wynmakers te ontmoet en hul rooiwyne te proe. Die sjefs van Terra del Capo sal heerlike kos maak en lewendige musiek sal verdere swier aan die dag verleen. Kaartjies kos R280 per persoon. Bespreek by www.webtickets.co.za  en vind meer uit by 021 876 2861 of info@franschhoek.org.za VUUR, VLEIS EN FEES Vleiseters sal ’n ware fees hê by die Fire & Feast-vleisfees by die Joburg Ticketpro Dome. Die fees van 8–10 Junie is ’n viering van als wat gebraai kan word! Jy kan ’n Vadersdaggeskenk soek en daar is selfs ’n Jack Daniel’s Man Cave. Kaartjies kos R100 vir volwassenes en…

KOEDOEFILET MET WYN-EN-BESSIE-SOUS 4 porsies 500 ml (2 k) soet rooiwyn 125 ml (½ k) bruin aftreksel 1 lourierblaar 1 takkie roosmaryn 1 takkie tiemie 100 g (1 pakkie) gedroogde bosbessies 800 g (4 x 200 g) koedoefilet sout en peper 1 Kook rooiwyn, aftreksel en kruie tot halfpad verdamp. 2 Gooi bessies by en laat kook tot verder verdik. 3 Smeer filet met bietjie olie en geur met sout en peper. 4 Braai filet tot medium gaar en bedien met sous. SPEKGEDRAAIDE WILDEBEESFILET 4 porsies 100 g (½ pakkie) pruimedante, ontpit 60 ml (¼ k) rooi port/muskadel 600 g wildebeesfilet 50 g (½ blok) bloukaas, in skyfies gesny 2 tiemietakkies 50 g (½ pakkie) gekapte pekanneute sout en peper 500 g (2 pakkies) repiespek Stel oond op 180 °C.…

Oudtshoorn is die grootste dorp in die Klein-Karoo en het in 1869 internasionaal begin aandag trek met die uitvoer van volstruisvere, wat toe in Europa as modebykomstigheid gesog was. Dié sukses het nie baie lank gehou nie en in 1885 het die bedryf sy eerste knou gekry toe verkope weens oorproduksie begin afneem het. ’n Tweede opbloei het ná die Anglo-Boereoorlog gekom en volstruisboere het weelderige volstruispaleise gebou. In 1914 het die volstruisbedryf weer in duie gestort en die meeste boere het na meer tradisionele saaiboerderye teruggekeer. Vandag is die sandsteenvolstruispaleise, soos Foster Manor in Voortrekkerstraat, wat in 1902 deur Charles Bullock ontwerp is, nasionale besienswaardighede. Ook die Le Roux-dorpshuis wat uit 1909 dateer, is ’n tipiese huis uit die verebloeitydperk met oordadige gietysterkantwerk, torinkie en besonderse Art Nouveau-glaspanele. Dit…

Mense wat CD’s verkies met die treffers van verskillende kunstenaars op een CD word met twee daarvan bederf. Die album AFRIKAANS volume 2 (inhoudJuis/(Universal) bevat 20 uiteenlopende snitte. Jy kan dans op Dans in die reën, Swartskaap, Dansvloerliefde, Twee is beter as een en Cool soos Koos Kombuis, alles met die komplimente van Karlien van Jaarsveld, Willem Botha, Desmond Wells, Brendan Peyper en Snotkop. Dan kan jy nóg wikkel én boonop glimlag ook op Fatman se Dorp toe, Robbie Wessels se Mphe di hoenor, Kyknet en chill (Jan Bloukaas) en Irene-Louise van Wyk en Early B se poprock-kletsrymtreffer Hou jou hande van my lyf af. Die liefde se mooi skakerings bruis in die snitte Iemand om lief te hê (Lianie May), Eerste liefde (Georic Lomas), Hande vat (Douvoordag), Ek bely…

Die regte soort landelike musiek. Dit is waarna die Hongaarse komponis Béla Bartók op soek was. Die soort musiek wat wyd geskakeerd is, wat verbluffende uitdrukkingskrag het en terselfdertyd van sentimentaliteit en oordrewe versiering gestroop is. Die sigeunermusiek wat so ’n beduidende invloed op die komposisies van Johannes Brahms (1833–1897) en Bartók se landgenoot Franz Liszt (1811–1886) gehad het, was té verfynd vir Bartók (1881–1945) se smaak. Te stadsgebonde. Waarna hy op soek was, was die minder verfynde tradisionele melodieë wat die een geslag ná die ander in landelike gemeenskappe aangegee het. Die sang van ’n vrou uit Transsilvanië (’n streek in Hongarye en vandag deel van Roemenië) wat hy in 1904 gehoor het, het dié soeke ’n reisplan gegee. In 1906 het die 25-jarige Bartók die eerste van vele…

Dit gebeur nie aldag dat ’n debuutroman ’n beroering onder lesers veroorsaak nie, maar Die Dao van Daan van der Walt het sommer ’n klomp mense aan die praat. Aan die bedrewe manier waarop die verhaal vertel word, sou mens nooit vermoed dat hierdie ’n eerste roman is nie. Dit is duidelik dat Lodewyk G du Plessis (’n skuilnaam) ’n slag met taal het én weet hoe om ’n storie boeiend te vertel. Dit is ook ’n lekkerleesstorie met talle kwinkslae wat die leser sommer heelwat vermaak verskaf. Boonop lewer die roman ’n belangrike bydrae tot verskeie heersende debatte in die (Suid-)Afrikaanse samelewing. Die Daan van der Walt van die titel is ’n boer van die Kalahari. Ná sy vrou se dood aan kanker raak Daan deur sy eie toedoen…

Daar is ’n legende wat oor Abraham Lincoln vertel word: Eendag het hy na ’n slawemark toe gegaan. Hy het opgelet dat daar op ’n jong Afro-Amerikaanse vrou gebie word. Hy het op haar gebie en gewen. Hy kon die woede in die jong vrou se oë sien. Terwyl Lincoln weggeloop het met sy “besitting”, het hy na die jong vrou toe gedraai en gesê: “Jy is vry om te gaan.” Sy: “Wat beteken dit?” Hy: “Dit beteken jy is vry.” Sy: “Beteken dit dat ek vry is om te sê wat ek ook al wil sê?” Hy: “Ja, dit beteken jy kan sê net wat jy wil.” Sy: “Beteken dit ek kan wees net wat ek wil wees?” Hy: “Ja, jy kan wees net wat jy wil wees.” Sy:…

Die bekende joernalis Ruda Landman gesels in Tell Me Your Story met prominente Suid-Afrikaners oor hul lewenskeuses en hoe verandering ’n invloed op hulle gehad het. Sy gesels onder andere met Arno Carstens, Pieter-Dirk Uys en Katlego Maboer www.nb.co.za 3 lesers kan die boek wen. SMS RUDA gevolg deur jou naam, van en adres voor 13 Junie 2018 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxtontydskrifte die reg om ander Caxton-tydskrifaanbiedinge aan jou te bied. *Pryse onderhewig aan verandering…

Winston Wicomb het die apparaat ontwikkel wat dit moontlik gemaak het om harte oor lang afstande te vervoer en vir tot 24 uur lewendig te hou, tot dit in die ontvanger oorgeplant kan word. Daardie snikhete Kaapstad-dag het die “te donker broer” van die sanger Randall Wicomb sy eie stryd oorwin – een van minderwaardigheid, onderdrukking en diskriminasie. Sy merkwaardige verhaal is nou in Vital Remains deur Amos van der Merwe, wat by Naledi verskyn het, vertel. Amos het etlike jare gelede ook die boek oor Randall se lewe, Kleur – My lewe, my lied, geskryf. Amos sê Winston was die onwaarskynlike held. Dit was eers toe hy Randall se boek geskryf het wat hy van die ander broer bewus geword het. “Ten spyte van alles, het hy – die…

Die brande op 7 Junie 2017 aan die Tuinroete word as van die grootstes in Suid-Afrika beskou. Dit was veral Knysna en Plettenbergbaai wat erg deurgeloop het. Ná 7 Junie het dit nog talle kere weer vlamgevat, aangedryf deur sterk winde. Minstens drie mense het gesterf en die skade word op meer as R4 miljard geraam. Honderde huise en infrastruktuur is vernietig. Sommige huiseienaars was nie verseker nie en van die mense wie se huise vernietig is, het van hul woonplekke af gewerk. Herstelwerk gaan steeds voort. Daar is verskillende menings oor wat die aanvanklik brand veroorsaak het. ’n Ondersoekspan van die Knysnamunisipaliteit het ná die brand bevind menslike bedrywighede was vir die brand verantwoordelik, maar brandstigting word nie vermoed nie. Volgens ’n woordvoerder van die Knysna-munisipaliteit is die aangeleentheid…

A Die wit van die eier word die ALBUMEN genoem. Dit maak omtrent 66% van die eier se gewig uit en bevat meer as die helfte van die eier se proteïen en die meeste van die eier se niasien, riboflavien, magnesium, kalium, en natrium en geen vet nie. B Eiers bevat cholien, wat goed is vir die BREIN se groei en ontwikkeling. Dit bevorder onder meer geheue en wakkerheid. C Daar was lank bespiegelinge oor die CHOLESTEROL in eiers, maar jy hoef jou nie daaroor te bekommer nie, die cholesterol in eiers verhoog nie die risiko vir koronêre hartsiektes nie. D Eiers help om jou VITAMIEN D aan te vul, wat in die winter nie so geredelik deur die son verkry word nie. Dit help selfs vir depressie. Die vitamien…

Kom ek stel ’n vraag: Wat is, oor die bestek van tien jaar, meer riskant – om jou geld te belê deur ’n huis te koop, of om daardie geld te belê in ’n fonds wat met die aandelemark tred hou? ’n Mens sou dink dis veiliger om ’n huis te koop, maar dis eintlik meer riskant omdat jy al jou “finansiële eiers” in een mandjie plaas. Die grootste risiko wat jou spaargeld betref, is inflasie: Dis hoe jou geld elke jaar minder word soos wat dinge duurder word. Om nie jou geld te belê nie, is een van die gevaarlikste dinge wat jy daarmee kan doen omdat ’n spaarrekening nie met inflasie tred hou nie. Hoe meer jy jou beleggings diversifiseer en terselfdertyd kostes laag hou, hoe beter. Die…

BROS AARTAPPELS STROOI ’N BIETJIE MEEL OOR AARTAPPELS AS DIT GEBAK OF GEROOSTER WORD VIR ’N MOOI BRUIN KLEUR. GOOI DIT HIERIN Ysbakkies is die perfekte vorms vir toffies of fudge. Giet die warm mengsel in plastiekysbakkies wat vooraf met margarien gesmeer is. VRUGTETERT As jy vrugtetertjies bak, sprinkel die suiker onder die vrugte in plaas van bo-op. Dit keer dat als uitborrel. HARDE HANDDOEKE Was dit in warm water met seeppoeier en ’n handvol sout. Spoel die seep goed uit en gooi 3 e witasyn by die laaste uitspoelwater. GOOI DIT IN DIE TOILET Koeldrank in blikkies wat net halfpad gedrink is, kan in die toilet uitgegooi word. Laat dit ’n rukkie staan, spoel en borsel. Dit sal help om vlekke op te los. Het jy ’n oulike wenk…

GEBAKTE SUURLEMOENPOEDING 8 porsies 70 ml (75 g) botter 315 ml (300 g) strooisuiker skil van 2 suurlemoene 125 ml (½ k) suurlemoensap 5 eiers, geskei 140 ml (75 g) koekmeel 250 ml (1 k) melk 5 ml (1 t) vanieljegeursel versiersuiker vir strooi room Voorverhit oond tot 180 °C en berei oondbak van 37 cm x 24 cm voor deur dit met botter te smeer. 1 Klop botter, suiker en suurlemoenskil tot lig en donsig. 2 Gooi suurlemoensap, eiergele, koekmeel, melk en vanieljegeursel by en meng goed. 3 Klits eierwitte styf en vou by beslag in. 4 Skep beslag in oondbak en bak vir 45 minute tot goudbruin en gaar. 5 Strooi liggies met versiersuiker en sit met styfgeklitste room voor.…

• Die toerismeburo is in Voortrekkerstraat 80, skuins agter die CP Nel-museum. Bel hulle by 044 279 2532 of loer by www.oudtshoorn.com. • Die Cango Caves Estate is die perfekte plek vir adrenalienverslaafdes. Die foefieslaaid-avontuur by Cango Caves Estate & Zipline kos R330 per persoon. Bespreek by 079 891 8248 of besoek www.cangocavesestate.co.za • As jy lus is vir wyn- en brandewynproe, verken die Klein-Karoo-wynroete wat van Montagu in die weste tot die Outeniqua in die ooste strek. Loer by www.kleinkaroowines.co.za. Grundheim is ook nou bekend vir sy drie interessante jenewers, wat onder die Black Mountainjeneweretiket gemaak word. • As jy in totale vrede buite die dorp wil oorbly, bespreek by Buffelsdrift-wildplaas waar jy smiddae die diere by die watergat kan dophou terwyl jy aan jou drankie teug. Bel 044…

ROLPRENTE JURASSIC WORLD: FALLEN KINGDOM Met Chris Pratt en Bryce Dallas Howard Regisseur JA Bayona WETENSKAPSFIKSIE Dié slag is die bordjies verhang! In plaas daarvan dat die dinosourusse probeer om die mense uit te moor, probeer die mense nou keer dat die dino’s uitgewis word. ’n Lekker storiewending! Dit begin wanneer ’n vulkaan uitbars en dreig – soos destyds toe ’n meteoriet die aarde getref het – om hierdie reuse-oerdiere uit te wis. Maar nou is daar mense wat kan help. Jy weet wat om te verwag. Baie raakvat-kwinkslae van Chris Pratt wat altyd lyk of hy ’n padda op die onderwyser se stoel gesit het, die stywelip-wetenskaplike wat glad nie dink hy is snaaks nie (wat sou sulke wetenskapsfiksiegrillers gewees het sonder ’n onpaar-paar?) en hulpelose slagoffers wat ylings…

Die Bakkes-gesin huur hierdie huis op ’n Kaapse olyflandgoed al ’n jaar en ’n half en vertel dit was die konsertinadeure wat van die leefvertrek na die stoep oopmaak, wat hulle dadelik ’n deposito laat neersit het. Ryno is die operasionele direkteur by The Aleit Group en sy vrou, Jeanne-Loïs, is die eienaar van die ontwerp- en stileringsonderneming Granny the Wolf Creative. Hulle is gek oor hierdie huis waar hul dogtertjie, Amelie, nou saam met hul beagles grootword. Die huis is lig en modern en hulle het al die ligte en lampskerms in die huis verander, want Jeanne-Loïs glo dit maak of breek ’n ruimte. Sy beskryf hul huis as lig, natuurlik en minimalisties met ’n fokus op goed ontwerpte artikels, gehalte, natuurlike materiale en ’n skoon palet. Sy haat…

Een vriendin van my se broer het haar al voor haar eerste afspraak gewaarsku: “Moet nou net nie weer met die ou oor die dood praat nie.” Nee, my vriendin is nie in haar laat tagtigerjare nie. Sy was in haar vroeë dertigs toe hierdie gesprek plaasgevind het. Ek het interessante vriende en die feit dat hulle oor onderwerpe praat wat die meeste liewer sal vermy, tel na my mening absoluut in hul guns. ’n Gesprek oor die dood hoef mos nie neerslagtig te wees nie. En dis nie asof jy só wegval nie: “Haai, ek is Maretta, ’n glas rooiwyn asseblief, wat dink jy gebeur nadat ’n mens jou laaste asem uitblaas?” Jy praat aanvanklik oor ditjies en datjies, die droogte in die Kaap, wat Trump nou weer aangevang…

As dit by tuinontwerp kom, is bome die anker wat die res van die ontwerp in plek hou. Sommige bome word vir hul blomme, vrugte en bessies gekweek en ander weer vir hul mooi stam of lieflike blare. As bome reg geplant word, veral wat lig betref, kan dit nog ’n dimensie tot die tuin byvoeg en sal dit verseker dat die boom die oog vang as die son ondergaan. Bome kan heerlike skadu in jou tuin vir ’n bankie of tafel skep en bied ook privaatheid en keer wind. Net omdat jy ’n klein tuin het, beteken dit nie dat jy nie ’n boom kan plant nie. ’n Enkele smal boom in ’n klein tuin kan ’n fokuspunt of probleemoplosser wees! Die uitdaging is om ’n natuurlike klein boom…

ONGEMOTIVEERD OM WERK TE SOEK Ek (22) het verlede jaar my graad verwerf, maar het geen motivering om ’n werk te soek nie. Ek verkies om by my ouers se huis te sit en niks te doen. Is daar ’n rede vir hierdie hopeloosheid van my? Hoe kan ek gemotiveerd raak om werk te soek? – Lui Jou gedrag sal maklik deur ander as luiheid beskryf kon word. Jou deursettingsvermoë om ’n graad te voltooi, vertel egter ’n belangrike storie van ’n dieper behoefte om sin en betekenis in jou lewe te skep. Die moontlikheid dat jy aan ’n onderliggende gemoedsteurnis ly wat onbehandeld is, kan die oorsaak wees. Laat ’n sielkundige jou vir tekens van moontlike depressie evalueer. Indien wel, volg die ingryping van die sielkundige en/of die verwysing…

Sy lyk anders as die meeste mense, maar jy kom gou agter voorkoms kan uiters misleidend wees. Christelle (31) is in elke sin van die woord ’n dinamiese, selfversekerde en talentvolle jong vrou, een wat geen simpatie vra of haar omstandighede as verskoning gebruik om nie voluit te leef nie. Sy vertel ’n storie uit haar kinderdae wat sprekend is van haar onnutsige humorsin en die manier waarop sy haar unieke pad stap. “Ek was nog klein en my ma het my en my sussie gevra om die kombuis skoon te maak. Nes enige kind het ek vinnig die verskonings begin uitryg, toe sê sy: ‘A nee a, mens sou sweer julle is gestremd, toe toe, was die skottelgoed.’ Ons ontmoet in ’n besige winkelsentrum. Die gesprek spring weg met…

Ons Junie-wenners wen twee Romanzas met die komplimente van Lapa Uitgewers. Dié keer en vir altyd deur Elsa Drotsky gaan oor Isabeau. As tiener het sy slegs oë vir die buurseun Wouter gehad. Maar skielik is die ouer en wyser vriend van haar sus weer op die dorp en kan sy net lag oor haar kalwerliefde. In Trudy Reinhardt se Die diva en die dokter wentel die verhaal om Justin Fincham. Hy ken ’n mooi vrou wanneer hy een sien en wanneer sy vra dat hy haar bystaan om van ’n lastige man ontslae te raak, kan hy niks anders doen as instem nie. Besoek www.lapa.co.za  vir hierdie en ander boeke ANNE-MARIE VILJOEN VAN EXCELSIOR IS ONS WENNER: • Hou winterlakens, kussingslope en duvetoortreksels lekker donsig deur dit…

KLEUR IN EN ONTSPAN Inkleur het die afgelope paar jaar baie gewild onder volwassenes geword. Dis terapeuties én ook pret. SoyLites is bekend vir hul aromaterapiekerse, maar het nou ’n stel van tien soy wax-kryte bekendgestel. Die Rainbow Rock-blokkies is sagter as normale kryte en word van sojawas met laventelolie gemaak. Die blokkies is nie giftig nie en sal nie jou vingers of klere vlek nie. Dis ook heeltemal bio-afbreekbaar. Ongeveer R130. www.soylites.co.za VEE JOU VOETE AF By Itchy Feet kan jy deurmatjies laat ontwerp wat perfek sal wees vir ’n geskenk by ’n kombuistee of enige ander okkasie. Verpersoonlik deurmatjies met jou eie teks, of kies uit die bestaande ontwerpe. Die matjies word van klapperhare gemaak met ’n rubberagterkant en is 40 cm x 70 cm groot. Ongeveer R250.…

BURGERD BOTHA BLINK! Burgerd Botha se onafhanklike debuutalbum, Hartlagsiel, is puik! Hy is die uitvoerende regisseur en het die ganse kreatiewe proses met verbluffende professionaliteit behartig. Hy benut verskeie verwerkers en regisseurs – Christiaan Schutte, Elben Schutte, Stephantasties, Joshua Oosthuizen en Murray Lubbe – om elke snit in uiteenlopende genres in ’n stuk selfstandige werk te slyp. Dit is ’n reuseproduksie waarby ’n magdom musikante betrokke was: onder andere Mathys Maree, Jacobus Schutte, Denny Lalouette en Vinnie Henrico. Die eerste drie snitte, As jy nog twyfel, Hartlagsiel en Die sterre (Stephan van Huyssteen), is sterk akoesties-poprockgedrewe en ’n blink toonvenster van Burgerd se innige interpretasie en engelstemvertolking. Tussen die aangrypende werk is die opbouende identiteitsnit Vreesloos en die romantiese skeppinge, Sonder rame, Sy aan sy, Vat my huis toe en…

Op 71 is daar geen keer aan Marina Abramovi ć nie, die “ouma van performancekuns”, soos sy al dikwels na haarself verwys het. Onlangs het sy haar eerste kunswerk wat in ’n virtuele werklikheid bestaan op die Art Baselkunsskou in Hongkong aangebied – een wat ’n duidelike boodskap met betrekking tot die toekoms van ons planeet oordra. Abramovic se Rising noop ’n mens om oor die gevolge van klimaatsverandering na te dink terwyl jy interaksie het met ’n avatar van die kunstenaar wat stadig besig is om in ’n glastenk te verdrink. Die interaksie hou nie op as jy jou rug op die performance draai nie – daar is ’n toep wat jou agterna aan die “verdrinkende Abramović” in die tenk gaan herinner en jou tydig en ontydig gaan vra…

WAT HET JY NODIG? ELLE PURE GOLD DK (100 g) 3 balle in Caviar 1 bal elk in Lily, Limeade, Catalina, Custard, Clementine, Azzure, Chilli en Phlox 3,25 mm- en 4 mm-naalde Steekhouers GROOTTE Pas Medium(Groot) of borsmaat van sowat 97–101(107–112) cm AFKORTINGS aw – aweregs gl1 – glip 1 st regsgewys r – regs R(V)KV – regte (verkeerde) kant voor tes – tesame tgso – trek glipsteek oor vmin – verminder vmeer – vermeerder BREI-INLIGTING • Dra die kleur waarmee jy nie werk nie, lossies agter die werk oor. As jy dit te styf trek, sal die breiwerk inmekaartrek en die grootte van die trui beïnvloed. • Breek kleure af en las soos nodig. • Wissel kleure vir moue af soos volg: rif in Caviar, 24 rye Limeade, 22…