Innholdsfortegnelse for 1 June 2018 i Vrouekeur

Uit die artikel oor genealogie op bl 26, blyk dit duidelik dat daar nog mense soos ek is wat baie nuuskierig is oor die wie, wat, waar, hoe en hoekom in die voorsate van toeka se tyd. Dié bladsy is nie die platform vir politieke agendas nie, maar in die lig van gerugte oor grondonteiening en wie nou eintlik op hierdie bodem mag woon, waag ek dit hierdie week op dié terrein. In 1664 is ’n seuntjie in Serzey les Maupas, Chalons-sur-Marne, Champagne, Frankryk, gebore. In 1688 was hy ’n 24-jarige jong man wat hom as een van die Hugenote aan die Kaap bevind het. Daniel Hugot was een van die ongeveer 270 Franse vlugtelinge wat hulle volgens ’n opname in 1720 in die Kaap gevestig het. En hier sit…

Lika Berning het nie net haar slag in ‘n paar romantiese komedies gewys nie, maar ons het haar ook in Bang Bang Club, Die wonderwerker en die TV-reekse Die Byl en Fees van die ongenooides gesien. Kykers sien haar later vanjaar in die tweede seisoen van Die Byl en tussendeur is sy betrokke by iKasi Media, ’n geakkrediteerde opleidingsverskaffer vir rolprentvaardighede, wat sy saam met haar man, die akteur Clyde Berning besit. Hy was onder meer in Black Sails, The Mating Game, Cape Town en Dominion te sien. Sy vier vanjaar 15 jaar as aktrise en is tien jaar getroud. Lika vertel: “Clyde is ’n belewenis. Hy laat my lag en hy is spontaan. Hy is Engels en…

Om 35 jaar lank te maak of jy oukei is terwyl jou binneste uitmekaarval, was een van die domste dinge wat hy kon doen, sê Johan Laten (56), oudonderwyser van die Strand. “Ek wou nie my vrou en kinders met my depressie belas nie. Ek besef nou dit was ’n fout, want sodoende leer mens mekaar nie werklik kén nie.” Jare lank het die depressie hom bloots gery. Soggens vroeg, wanneer hy langs die Valsbaai-kus werk toe gery het, het die pragtige seeroete hom geensins bekoor nie. Hy het eerder sy hande rooi geslaan op sy stuurwiel en skreeuend vir die Here gevra: “Waar is U? Ek kan dit nie meer doen nie! “Daar was chaos in my brein. Depressie het veroorsaak dat ek elke woord wat ek hoor, aanhoudend…

Die mens en sy lewe word deur vooruitgang gekenmerk. Dit gebeur op verskeie maniere. Een daarvan is evolusie, maar daar is ook verandering op ander vlakke. Evolusie is ’n omstrede konsep wat geweldig kritiek uitlok, veral onder sekere godsdienstige groepe. Tog toon navorsing dat die teorie wel meriete het. Wat behels menslike evolusie? Vol-gens prof Rebecca Ackermann van die departement argeologie aan die Universiteit van Kaapstad behels dit verandering oor die verloop van tyd. “Dit bestaan beslis, want ons het dit in verskeie organismes sien gebeur. Een voorbeeld is die spoed waarteen virusse suksesvol kan verander in ’n poging om ons liggame binne te dring en ons immuunstelsels te ontwyk. Menslike evolusie is gedokumenteer in fossielrekords, oer-DNS van Neandertal-mense en so aan. Selfs die mens se eie genome bevat tekens…

• Die verandering van tradisionele rolle van vroue, wat dan ook behels dat vroue loopbane het en beroepe buite die huis beoefen en hulle finansieel onafhanklik maak. • Daar is ook ’n toenemende beklemtoning van individualisme en liberalisme. • Die samelewing se norme en waardes het verander. • Ouer paartjies het vandag meer alleentyd as in die verlede, as gevolg van faktore soos hoër lewensverwagting en daar is ’n langer leënestydperk. • Paartjies het dikwels tydens hul huwelik uit mekaar gegroei. As die kinders uit die huis is en hulle afgetree het, is dit moeilik om hul eie en hul maat se verandering en groei te hanteer wat oor die jare plaasgevind het. Hulle is dikwels dan vreemdelinge vir mekaar, as hulle nie ’n definitiewe poging aangewend het om in…

SITRUSSLAAI 4 porsies 2 geel lemoene, geskil 2 rooi lemoene, geskil 1 pomelo, geskil 1 bol vinkel ( fennel ), fyngekerf 1 rooi-ui, fyngesny 100 g (1 rol) sagte bokmelkkaas 200 g (1 pak) klein gemengde slaaiblare 125 ml (½ k) suiker 100 g (1 pakkie) pekanneute, fyner gekap knypie paprika knypie fyn komyn SOUS skil en sap van 1 lemoen 60 ml (¼ k) olyfolie 30 ml (2 e) suurlemoensap 5 ml (1 t) fyn knoffel 5 ml (1 t) korrelmosterd sout en peper 1 Pak sitrus, vinkel, ui, kaas en slaaiblare op slaaibord. 2 Smelt suiker…

Asof in ’n eeue-oue skildery lê die oranjegeel sand van die Nubiese Woestyn wyd oop voor ons, bespikkel met donkerder klippe en plek-plek die groen van ’n doringboom. Teen die gesigseinder staan die piramides van nog ’n dodeakker skerp uit. Aan die voet van die duin waarop ons ons bevind, smelt die verlede en die hede ineen: twee Bedoeïene hurkend-hoopvol by hul kamele dat minstens een besoeker vandag ’n (betaalde) rit gaan onderneem. Dis asof tyd en grense in die grootsheid van die landskap wegsmelt. Die gesprek draai om verhoudings, kinders en kommer oor die pad wat ons onderskeie lande onder minder eerbare politici ingeslaan het. “Kon ons twee nie maar president gewees het nie. Vroue sal nie sulke korrupsie en lyding toelaat nie,” sug Awatif Mohammed, ’n Moslem-ma van…

Die musiekgenres country, blues en rock (wat almal maar elemente van mekaar bevat) val nie in almal se smaak nie. Hier is egter twee albums wat in daardie genres uitblink en met artistieke integriteit bevredig. Toevallig is albei kunstenaars op hul jongste albums geweldig van tyd bewus: Scotty op Five more Minutes en Dan op Never long Enough. Albei vra ’n bietjie meer tyd om by geliefdes deur te bring… SCOTTY SE KONTEMPORÊRE SEISOEN Die Amerikaner Scotty McCreery het in 2011 die musiekrekordboeke herskryf toe hy die tiende reeks van American Idol gewen het en daarna met sy debuutalbum Clear as Day die eerste country-kunstenaar en die jongste kunstenaar in enige genre geword het wat bo aan die Billboard Top 20-albumtrefferspa-rades (waarop alle genres verteenwoordig word) gepryk het. Al drie…

Die rolprent Nommer 37 vertel die storie van ’n parapleeg en sy meisie wat ’n gewaagde kat-enmuis-speletjie speel wanneer hulle ’n gevaarlike misdadiger, Lawyer (vertolk deur David Manuel), afpers, terwyl hulle probeer om ’n sadistiese geldskieter te ontduik. Dit speel op die Kaapse Vlakte af, maar dit is nie die tipiese gangster movie nie. Dit is ’n misdaadriller in murg en been. Met verraad en gierigheid om elke hoek en draai, neem die gebeure wat volg hulle op ’n lewensgevaarlike reis terwyl die wêreld rondom hulle verder en verder in chaos gedompel word en die speurder Gail February (Sandi Schultz) die chaos probeer ontrafel. Irshaad Ally vertolk die rol van Randal Hendricks, ’n verbitterde parapleeg wat probeer om die gevaarlike dwelmbaas, wat die inwoners van sy…

AANGENAME VERRASSING Toe ek nou die aand by die huis aankom, word ek aangenaam verras. Vroeër die dag is ’n pakkie by die huis afgelewer. Ek maak die pakkie oop en sien dat dit ’n boekprys van ’n Vrouekeur-kompetisie is. Dit wys jou, selfs as jy net eenkeer SMS, het jy ’n kans om te wen. Dit is ’n wonderlike geskenk. Ek kan nie wag om te begin lees nie. Ek is mal oor Vrouekeur, daar is soveel insiggewende artikels, stories en resepte. Iets om in elkeen se smaak te voorsien.…

Daar’s geen onderskeid soos rang of status as depressie toeslaan nie. Dis ’n chemiese wanbalans in jou brein – enigeen kan dit ontwikkel. Depressie ís ’n siekte, nes kanker of diabetes of epilepsie. Praat daaroor, benader dit met empatie. Soos jy niemand met ’n amputasie spot nie, spot mens nie oor depressie nie. Daar ís hoop. En as jy iemand moet ondersteun, onthou: Ons moet altyd hoop gee. Dis soms moeilik om by tieners te evalueer of dit depressie of buie is: As jou kind daagliks vir twee weke vyf depressiesimptome intens ervaar, klop dadelik by ’n kliniese sielkundige aan. Onthou, dis jou reg om seker te maak die terapeut is professioneel opgelei en by die HPCSA (Health Professions Council of South Africa) geregistreer. Moenie net aanvaar iemand is goed…

Daar is egter ook veranderinge rondom ander kwessies wat die mens raak. Een daarvan is gender. Hoe is denke en persepsies rondom gender besig om te verander? Volgens prof Deirdre Byrne van die Gender-instituut aan Unisa is een van die sigbaarste tekens hiervan te sien op Face-book waar geslag meer as 30 verskillende gender- nie-konformerende identiteite as opsie bied, byvoorbeeld nie-binêre identiteite, demi-romanties, ensovoorts. “Dis bo en behalwe die gewone niekonformerende identiteite soos homoseksueel, biseksueel of transgender. Dit wil voorkom asof ’n groter bewustheid ontstaan rondom die feit dat gender nie tot die binêre opposisies van manlik of vroulik beperk is nie. “Daar is eerder ’n kontinuum van genderposisies wat van die tradisionele dominante of hegemoniese manlike geslag tot dominante of hegemoniese vroulikheid wissel. “Daar is baie variante en kombinasies…

As die GBS-infeksie bevestig word, word antibiotika voorgeskryf om komplikasies te voorkom. “Dit sal normaalweg ’n hoë dosis penisillien wees wat moet voorkom dat die bakterie van die ma na die baba oorgedra word,” sê Joshua. “Dié eenvoudige behandeling sal komplikasies by die ma en baba voorkom en die baba teen potensiële skade beskerm.” Dis belangrik dat die pasiënt die dokter inlig as sy voorheen ’n negatiewe reaksie op penisillien gehad het, wat kan beteken dat sy allergies daarvoor is. In so ’n geval kan die dokter ’n alternatief gebruik. “Die pediater word dadelik in kennis gestel as die uitslag van die toets positief is en daar risikofaktore is sodat hy of sy die baba kan dophou en voorkomende maatreëls kan instel,” sê Mpati. As komplikasies voorkom, kan die dokter…

JUNIE-BOEKE Ons Juniewenners wen twee Romanzas met die komplimente van Lapa Uitgewers. Dié keer en vir altyd deur Elsa Drotsky gaan oor Isabeau. As tiener het sy slegs oë vir die buurseun Wouter gehad. Maar skielik is die ouer en wyser vriend van haar sus weer op die dorp en kan sy net lag oor haar kalwerliefde. In Trudy Reinhardt se Die diva en die dokter wentel die verhaal om Justin Fincham. Hy ken ’n mooi vrou wanneer hy een sien en wanneer sy vra dat hy haar bystaan om van ’n lastige man ontslae te raak, kan hy niks anders doen as instem nie. Besoek www.lapa.co.za  vir hierdie en ander boeke ANNERIE JOUBERT IS VANDEESWEEK ONS WENNER: Gesnyde uie onder in die bak waarin jy jou gaar…

O, patat! Patats is ’n Suid-Afrikaanse gunsteling en kan gekook, fyngedruk, gerooster of gebraai geniet word. Woolworths het drie nuwe variëteite oorsee gevind wat nou plaaslik aan die voet van die Magaliesberge groei. Die Kara Purple het ’n donkerpers skil met ’n wit binnekant en is ideaal vir kook, rooster of in slaaie. Die Kara Orange het ’n ligte rooskleur skil met ’n dieporanje binnekant en kan gerooster word. Die Kara White het ’n wit skil en wit binnekant en is geskik om te kook. Of sny al drie in skyfies, rooster dit en sit dit saam met hoemoes voor. Koop dit aanlyn by www.woolworths.co.za. Nuttig in die kombuis Vergemaklik dinge wanneer jy kos voorberei en hou die kombuis netjies met bioBoy van Ninka. Dié nuttige stukkie gereedskap word aan…

ROLPRENTE FINDING YOUR FEET Met Timothy Spall, Joanna Lumley en Imelda Staunton Regisseur Richard Loncraine SWART KOMEDIE Kyk ’n mens na die plakkaat, lyk dit na ’n guitige gespot met middelklaswaardes, neuroses, jaloesie en daardie gunstelingbestanddeel van enige komedie vol galgehumor – seksuele verwarring. Wie het ’n verhouding met wie? Gaan jare lange vriendskappe verbreek word omdat ’n vrou se man ’n verhouding met haar beste vriend gehad het? En indien dit waar is, hoe gaan sy wraak neem? Voeg by hierdie hutspot van donker grappe Joanna Lumley, wat daarvoor bekend is dat sy lekker kan oorspeel (dink aan Absolutely Fabulous), en jy en jou vriendinne kan een aand saam hierna gaan kyk en jul kapsels uit proporsie lag, of na mekaar kyk met ’n frons: “Wat maak ons hier?”…

Die bekende historikus Hermann Giliomee se omvangryke boek The Afrikaners. Biography of a People het in 2003 verskyn en is uit byna alle oorde met groot lof ontvang. Dit was ’n lywige werk van 656 bladsye. Intussen het hy dié oorspronklike geskiedenis van Afrikaners bygewerk en die 2017-uitgawe beslaan oor die 700 bladsye. The Afrikaners is ongetwyfeld die omvangrykste geskiedenis van die groep mense wat as Afrikaners bekendstaan. Giliomee het met hierdie werk ’n baie indrukwekkende, dog toeganklike verhaal van mense vertel wat oor 350 jaar as ’n groep gevestig geraak het – ’n groep wat uit ’n komplekse botsing tussen Europese, Afrikaen Oosterse mense en invloede in stryd ontstaan het en wat sedertdien voortdurend in ’n oorlewingstyd gewikkel was. Die begrip “Afrikaner” is aanvanklik gebruik…

Dit was een van daardie indrukwekkende begrafnisse. Stil trane en sagte snikke – en nat snesies wat onvoldoende is vir die geleentheid. Dis aaklig en toepaslik, met die uitloopslag deur onderdrukte snorke en snuiwe beklemtoon. Hester Vermaak, gevestigde oujongnooi en getroue volgeling van Emsie Schoeman, is eintlik vies oor die gemeente se gebrek aan beplanning. Sy het juis, soos dit ’n dame betaam, ’n sis-sakdoekie saamgebring om fatsoenlik en korrek te rou. Nie dat sy in die openbaar vreeslik aandag aan Bertus Viljee gegee het nie. Sy kon nie. Wel, nie nadat hy haar toenadering destyds so kru verwerp het nie. Maar hy was, soos die presiese uitleg van silwer op ’n netjies gedekte tafel, ’n belangrike item op die gestyselde tafeldoek van haar sosiale lewe. Bertus se ondersteuning was…

Beddingplante Life is a Garden sê sleutelblomme (Primula Polyantha) of “Fairy Primula” (Primula malacoides) is sinoniem met winter- en lentetuine. Die geharde eenjariges groei maklik in plekke met halfskadu. Hulle bereik ’n hoogte van 20–25 cm. Ons dink dalk ons voed ons tuin, maar dis inderwaarheid ons tuine wat ons voed– Jenny Uglow Aalwyntyd Kompakte aalwynhibriede wat deur Suid-Afrikaanse kenners gekweek word, gee pragtige winterkleur en daar is selfs vir die kleinste tuin een wat werk. Wees op die uitkyk na “Bushwhacker”, “Little Joker”, “Peri Peri”, “Porcupine” and “Hedgehog” by jou plaaslike kwekery. www.lifeisagarden.co.za Perfek vir ’n heining Ken jy braairoosmaryn (Rosmarinus officinalis “Barbecue”)? Dis immergroen met stewige stammetjies wat perfek is om in sosaties vir die braai te gebruik. Die blaartjies het ’n heerlike geur en die blou blommetjies…

HOE OM BOELIEGEDRAG TE HANTEER Ons seun (9) word by die skool geboelie. My man meen hy moet terugbaklei, maar ek stem nie saam nie. Ek dink ons as ouers behoort in te gryp. Ons seun wil nie meer skool toe gaan nie. Die rede vir die boeliegedrag is oor sy effense bakore. Hoe gemaak?– Bekommerd Om aggressie met aggressie te hanteer, het selde ’n positiewe effek op ’n probleem soos boelie-gedrag. Om jul seun aan te hits om aggressief op te tree, leer hom dat konflik en meningsverskille met aggressie hanteer behoort te word. Julle as ouers het ’n verantwoordelikheid om dringend die skoolhoof te nader en die situasie te verduidelik. Hoewel sy ore dalk die boeliegedrag skep, is dit nie ’n aanduiding dat daar op sy ouderdom enige…

Helene de Kock se Keur 3 bevat drie spanningsvolle liefdesverhale, so aangrypend en meesleurend as wat ’n mens van hierdie ervare en gewilde skrywer kan verwag. www.nb.co.za 3 lesers kan die boek wen. SMS KEUR gevolg deur jou naam, van en adres voor 6 Junie 2018 na 48410. SMS’e kos R1,50 en is net vir mense in SA. Geld word vir foutiewe sleutelwoorde gehef en gratis SMS’e geld nie. Bepalings en voorwaardes: Deur vir hierdie kompetisie in te skryf, gee jy Caxton-tydskrifte die reg om ander Caxtontydskrifaanbiedinge aan jou te bied. *Pryse onderhewig aan verandering…

Daar’s selfs bewyse dat hy ’n towenaar is, sê Richard Cock – hoekom anders sal hy ’n towerstaf hê? (Hy dirigeer bypassend in die lug.) En daardie oomblik, die oomblik wanneer ’n orkes – bestaande uit soveel verskillende individue en instrumente – skielik ’n harmoniese simfonie sáám begin speel, perfek in voeling met mekaar en die klank wat hulle skep … “ That’s pure magic ,” som die Engels-man dit op. Dis boonop nie iets wat met elke optrede en elke orkes gebeur nie, vertel Richard waar hy by The Art House, sy kantoor in Johannesburg se bedrywige Parktown, gemaklik in ’n leunstoel sit. Dis eintlik nogal skaars – in sy woorde “quite special and rather elusive”. Teen die mure is foto’s van optredes oor byna vier dekades…

BESTE WYNE, BESTE PRYSE Checkers soek elke jaar ’n beperkte hoeveelheid gewilde oesjare van vooraanstaande Suid-Afrikaanse wynplase uit. Die wyne word deur ’n paneel van deskundiges uitgesoek en dan ’n unieke nommer gegee. Dit word onder die Odd Bins-etiket gebottel en word teen ’n fraksie van die wynplaasprys slegs in Checkerswinkels verkoop. Probeer Odd Bins 106 – Chenin Blanc (R44,99), Odd Bins 80 – Rosé (R39,99) en Odd Bins 943 – Cabernet Sauvignon/Merlot (R54,99) vir ’n ware smaaksensasie. WANNEER IS WYN AF? JY KAN DIT RUIK Wanneer dit soos asyn of nat karton ruik, is dit ’n teken dat die wyn sleg geword het. ROOIWYN PROE SOET Sodra rooiwyn ’n soet reuk of smaak het, is dit aan te veel hitte blootgestel en nie meer drinkbaar nie. DIE WYN HET…

TAMBOESIES 30 1 rol skilferkorsdeeg (ontdooi) 45 ml (3 e) botter, gesmelt 500 ml (2 k) melk 60 ml (¼ k) suiker 37,5 ml (2½ e) vlapoeier 37,5 ml (2½ e) mielieblom 1,25 ml (¼ t) sout 5 ml (1 t) vanieljegeursel 320 g versiersuiker 20 ml (4 t) suurlemoensap 40 ml (8 t) kookwater koekkleursel bessies Voorverhit oond tot 200 °C en smeer bakplaat met botter. 1 Sny skilferkorsdeeg met skerp mes in 4 cm x 4 cm-blokke. Smeer met gesmelte botter en plaas in vrieskas om te stol. 2 Bak vierkante vir 12 minute tot goudbruin en gaar. Laat afkoel. 3 Meng 125 ml van melk met suiker, vlapoeier, mielieblom en sout. 4 Bring res van melk tot kookpunt en roer vlamengsel by. Roer aanhoudend tot mengsel dik…

Julle weet dit dalk nie, maar ek werk in ’n sirkus. Nie as akrobaat of die dametjie wat in ’n skrapse rokkie op dun ys loop nie, maar as die naaldwerkster wat agter die skerms die een ná die ander fantastiese kostuum met my naald en gare optower, veilig verskans in my sirkuswoonwa volgestop met kleurryke lap. Wanneer ek nie besig is om met ’n trop olifante, narre en Danielle as sirkusmeester dwarsoor die wêreld te reis nie, is ek ’n bekende digter in Parys. Snoesig toegebondel in ’n growwe kombers teen die koue wat deur die krake in die stokou klipmuur sypel. Veerpen in die hand voor die klein venstertjie wat oor die Seine uitkyk. Het jy gou tyd vir ’n koppie tee? Ek het pas die vuur aangesteek…

Toe dié rubriek geskryf is, het die Britse minister van die kunste hoog en laag probeer om te voorkom dat ’n kunswerk van Salvador Dalí die land verlaat. Michael Ellis het ’n tydelike uitvoerverbod geplaas op Lobster Telephone (White Aphrodisiac) , een van 11 sulke handgeverfde telefone wat in 1936 gemaak is. Die laaste een is, sover bekend, in private besit in Brittanje. Die uitvoerverbod is ingestel om te voorkom dat die kunswerk Brittanje verlaat indien ’n koper nie in die land gevind kon word nie. Hoewel die 11 telefoon-kunswerke van Dalí – sewe daarvan wit geverf en die ander vier rooi – op die oog af dieselfde lyk, is daar klein verskille wat elkeen uniek maak. Tate in Londen het in 1981 een van dié kunswerke…

BENODIGDHEDE Colour Flow (100 g-balle): 2 balle 86383 of kleur van jou keuse 3 mm-hekelpen Naald om los drade mee weg te werk GROOTTE 140 cm sonder fraiings, of verlangde lengte AFKORTINGS EN STEEKVERDUIDELIKINGS beg = begin, dr = draai,dsl = dubbelslagsteek, gs = glipsteek, h/af = heg af, herh = herhaal,kb = kortbeen, ks = kettingsteek, lb = langbeen, sp = spasie, vlg = volgende Dubbelslagsteek: 1 Slaan die draad twee maal oor die pen. 2 Steek die pen in die volgende steek. 3 Slaan die draad oor die pen en trek die pen deur die eerste lus sodat daar vier lusse op die pen is. 4 Slaan die draad oor die pen en trek dit deur twee lusse. 5 Slaan die draad oor die pen en trek dit…

Growit (Android, IOS) Jy sluit by ’n gemeenskap van tuiniers aan, kry inligting, vind inspirasie en jy kan ook jou eie skeppings deel. Garden Tags (Android, IOS) is ’n gemeenskap van tuiniers wat raad gee. Jy kan ’n fotografiese joernaal van jou tuin hou en herinner word aan snoeityd of raad kry oor waar die beste kweekplekke is. Daar is ook ’n ensiklopedie wat jy kan raadpleeg. Garden Answers Plant Identifier (Android, IOS) Jy kan ’n foto van ’n plant neem en só uitvind wat dit is. Dit herken meer as 20 000 plante. As ’n plant nie geïdentifiseer word nie, kan mens ekstra betaal sodat ’n botanis inligting kan gee.…

Ontbreek hoop in jou lewe? In die tye waarin ons leef, is daar baie dinge wat ons hoop steel. In Spreuke 13:12 staan daar “ ’n Uitgestelde hoop maak die hart siek ...” Sonder hoop kan ons letterlik siek word – hartsiek, sielsiek en geessiek, wat tot mismoedigheid, depressie en hopeloosheid kan lei. Maar waar vind ons dan hoop? Hoe vul ons ons harte en gedagtes met die hoop van Christus? Ons mag miskien met ons verstand weet dat Christus alleen die bron van ons hoop is, maar hoe kry ons ons harte sover om dit ook te glo? Edward Welch het gesê: “Hoop is ’n vaardigheid wat oefening verg.” Hoop verg oefening, geloof en werk. Hoop is aktief, hoop is nie passief nie. Hoop daag nie…